బోథ్‌: నియోజకవర్గ కేంద్రంలో ప్రభుత్వ డిగ్రీ కళా శాల ఏర్పాటు చేయాలని ఎమ్మెల్యే అనిల్‌ జాదవ్‌ కోరారు. సోమవారం అసెంబ్లీలో జీరో అవర్‌లో మాట్లాడారు. జనరల్‌ డిగ్రీ కళాశాల లేకపోవడంతో విద్యార్థులు 70 కి.మీ దూరం వెళ్లి చదువుకోవాల్సి వస్తోందన్నారు. గత బీఆర్‌ఎస్‌ హయాంలో రూ. 10.50 కోట్లతో సీహెచ్‌సీ భవన నిర్మాణ పనులు చేపట్టగా ప్రస్తుతం కొనసాగుతుందన్నారు. దీంతో రూ.18 కోట్లతో వంద పడకల ఆసుపత్రిగా మారుస్తూ జీవో ఇచ్చామన్నారు. అయితే కాంగ్రెస్‌ ప్రభుత్వం ఇప్పటివరకు జీవోను అమలు చేయడం లేదన్నారు. వెంటనేటెండర్ల ప్రక్రియ చేపట్టాలని డిమా ండ్‌ చేశారు. కొత్తగా ఏర్పడిన సొనాల, సిరికొండ, భీంపూర్‌ మండలాల్లో నూతన భవనాలు, ప్రభుత్వ జూనియర్‌ కళాశాలలు ఏర్పాటు చేయాలన్నారు. లింగన్న కుటుంబాన్ని ఆదుకోవాలి పంట ఎండిపోయిన బాధతో ఈనెల 21న ఆత్మహత్య చేసుకున్న తలమడుగు మండలం సుంకిడికి చెందిన రైతు కుమ్మరి లింగన్న కుటుంబాన్ని ఆదుకోవాలని అనిల్‌ జాదవ్‌ డిమాండ్‌ చేశారు. నీరు లేక పంటలు ఎండిపోతున్న తరుణంలో బోథ్‌ను కరువు నియోజకవర్గంగా ప్రకటించాలని డిమాండ్‌ చేశారు. తలమడుగు మండలం టోకిగూడను పంచాయతీగా చేయాలని కోరారు.

ఆదిలాబాద్‌టౌన్‌: టీబీ రహిత సమాజానికి ప్రతిఒక్కరూ కృషి చేయాలని రిమ్స్‌ డైరెక్టర్‌ జైసింగ్‌ రాథోడ్‌ అన్నారు. సోమవారం రి మ్స్‌లోని ఆడిటోరియంలో ప్రపంచ టీబీ ది నోత్సవాన్ని నిర్వహించారు. వైద్య విద్యార్థులకు టీబీ వ్యాప్తి, ప్రభుత్వం తీసుకుంటున్న నివారణ చర్యలు, చికిత్స విధానాలను ప్రొజెక్టర్‌ ద్వారా వివరించారు. మెడికోలకు రంగోళి, పెయింటింగ్‌, పాటల పోటీలు నిర్వహించారు. ప్రతిభ కనబర్చిన వారికి ప్రశంసపత్రాలు అందజేశారు. ఈ సందర్భంగా డైరెక్టర్‌ మాట్లాడుతూ 2030 నాటికి దేశంలో టీబీని నివారించడమే లక్ష్యంగా ప్రభుత్వం ముందుకు సాగుతుందని తెలిపారు. జిల్లాలోని గిరిజన ప్రాంతాల్లో టీబీ ఎక్కువగా ఉందని, అవగాహన రాహిత్యంతోనే వ్యాధులు ప్రబలుతున్నాయని పేర్కొన్నారు. టీబీపై వంద రోజుల అవగాహన కార్యక్రమాలను గ్రామాల్లో చేపట్టనున్నట్లు తెలిపారు. మూడు వారాల కంటే ఎక్కువ దగ్గు, జ్వరం లక్షణాలు ఉంటే రిమ్స్‌లో వైద్య పరీక్షలు చేయించుకోవాలని సూచించారు. కార్యక్రమంలో రిమ్స్‌ సూపరింటెండెంట్‌ అశోక్‌, మెడికోలు పాల్గొన్నారు.

● ఎమ్మెల్యే పాయల్‌ శంకర్‌ ఆదిలాబాద్‌: ఇటీవల కురిసిన అకాల వర్షానికి పంటలు నష్టపోయిన రైతులను ఆదుకోవాలని ఎమ్మెల్యే పాయల్‌ శంకర్‌ డిమాండ్‌ చేశారు. అసెంబ్లీ ఎదుట బీజేపీ ఎమ్మెల్యేలతో కలిసి సోమవారం నిరసన చేపట్టారు. ఈ సందర్భంగా ఎమ్మెల్యే పాయల్‌ మాట్లాడుతూ రైతులు పడ్డ ఇబ్బందులను ప్రభుత్వం దృష్టికి తీసుకువెళ్లే ప్రయత్నం చేస్తే తమను అడ్డుకోవడం సమంజసం కాదన్నారు. రైతులందరికీ న్యా యం చేసేవరకు పోరాటం కొనసాగుతుందని స్పష్టం చేశారు. అదేవిధంగా పట్టణంలోని కొమరం భీం కాలనీలో నివసిస్తున్న ఆది వాసీలకు ఇళ్ల పట్టాలు ఇవ్వాలని అసెంబ్లీలో మాట్లాడారు. నిరసనలో ఎమ్మెల్యేలు పా ల్వాయి హరీశ్‌బాబు, వెంకటరమణారెడ్డి, ధన్‌పాల్‌ సూర్యనారాయణ, రామారావు పటేల్‌ పాల్గొన్నారు. నీటి వనరుల పునరుద్ధరణకు ప్రతిపాదనలు పంపండి కై లాస్‌నగర్‌: నీతి ఆయోగ్‌ ఆకాంక్షాత్మక బ్లాక్‌గా ఎంపిక చేసిన నార్నూర్‌ మండలంలో నీటి వనరుల పునరుద్ధరణకు అవసరమై ప్రతిపాదనలు సిద్ధం చేసి పంపించాలని ఆ సంస్థ ప్రోగ్రాం డైరెక్టర్‌ యుగల్‌ జోషి సూచించారు. సోమవారం న్యూఢిల్లీ నుంచి నీటి వనరుల పునరుజ్జీవనం అమలుపై గుర్తించబడ్డ ఆకాంక్షాత్మక బ్లాక్‌ల జిల్లా కలెక్టర్లతో నిర్వహించిన వీడియో కాన్ఫరెన్స్‌లో కలెక్టర్‌ రాజర్షి షా పాల్గొన్నారు. చెరువుల్లో పూడికతీతతో నీటినిల్వలు పెరిగి, భూగర్భజలాల అభివృద్ధితోపాటు చెరువుల పరిధిలోని ఆయకట్టు సాగుకు నీరు అందుబాటులోకి వస్తుందన్నారు. ఈ దిశగా ఆకాంక్షాత్మక బ్లాకులల్లో ఏటీఈ చంద్ర ఫౌండేషన్‌ సాయంతో నీటి వనరుల పునరుద్ధరణ కార్యక్రమాన్ని చేపట్టనుందన్నారు. అందుకు అవసరమైన ప్రతిపాదనలు సిద్ధం చేసి పంపించాలని సూచించారు. సమావేశంలో ఆర్డీవో వినోద్‌కుమార్‌ పాల్గొన్నారు.

● ఎస్పీ అఖిల్‌ మహాజన్‌ఆదిలాబాద్‌టౌన్‌: ప్రజలకు పోలీసులు మెరుగైన సేవలందించాలని ఎస్పీ అఖిల్‌ మహాజన్‌ అన్నారు. జిల్లా కేంద్రంలోని పోలీసు కార్యాలయంలో ఎస్సై, సీఐ, డీఎస్పీలతో సోమవారం సమావేశం నిర్వహించారు. ఈ సందర్భంగా ఆయన మాట్లాడుతూ ఎస్‌హెచ్‌ఓలు, పోలీసులు ప్రజలతో సత్సంబంధాలను మెరుగుపర్చుకోవాలన్నారు. క్రమశిక్షణతో మెలగాలన్నారు. జిల్లా వ్యాప్తంగా పోలీసులు మీకోసం కార్యక్రమాన్ని నిర్వహించాలని ఆదేశించారు. కోర్టు మానిటరింగ్‌ పద్ధతులను సమీక్షించి నేరస్తులకు శిక్ష పడేలా కృషి చేయాలన్నారు. సిబ్బందికి వీక్లీ ఆఫ్‌ వచ్చేవిధంగా ప్రణాళిక తయారు చేసుకోవాలని తెలిపారు. అధికారులు సిబ్బందికి ఏవైన సమస్యలు ఉంటే పరిష్కరించాలన్నారు. ఎస్సైలు, సీఐలు తమ పోలీసు స్టేషన్‌ పరిధిలోని ప్రతీ గ్రామాన్ని సందర్శించాలని పేర్కొన్నారు. బాల్య వివాహాలు, సైబర్‌క్రైమ్‌, మూఢనమ్మకాలు, డయల్‌ 100 గురించి అవగాహన కల్పించాలన్నారు. షీటీమ్‌ బృందం ప్రతీ గ్రామాన్ని సందర్శించారు. అంతకుముందు సీసీ టీవీలకు సంబంధించి పోస్టర్లను ఆవిష్కరించారు. వ్యభిచారం, గంజాయి, మట్కా, పేకాట, అసాంఘిక కార్యకలాపాలు జరగకుండా చూడాలన్నారు. సమావేశంలో ఉట్నూర్‌ ఏఎస్పీ కాజల్‌ సింగ్‌, డీఎస్పీలు శ్రీనివాస్‌, ఎల్‌.జీవన్‌రెడ్డి, సిహెచ్‌ నాగేందర్‌, సీఐలు, ఎస్సైలు, ఎస్‌హెచ్‌ఓలు, ఐటీకోర్‌ సిబ్బంది పాల్గొన్నారు.

ఇళ్లమధ్యలో, కిడ్స్‌ బడిని ఆనుకుని మా కాలనీలో సెల్‌టవర్‌ నిర్మిస్తున్నారు. దీన్ని నిలిపివేసేలా చూడాలని అధికారులకు విన్నవించిన పట్టించుకోలేదు. కంపెనీ ప్రతినిధులు పనులు చేపడుతున్నారు. విధి లేని పరిస్థితుల్లో తాము కోర్టుకెళ్లి ఆర్డర్‌ తెచ్చినా పనులు ఆగడం లేదు. నిరసన తెలిపితే పోలీసులు బెదిరిస్తున్నారు. కోర్టు ఆదేశాలకనుగుణంగా పనులు నిలిపివేసేలా చర్యలు తీసుకుని న్యాయం చేయాలి. – జుబ్లీహిల్స్‌ కాలనీవాసులు, ఆదిలాబాద్‌ కై లాస్‌నగర్‌: తమ సమస్యలు పరిష్కరించేలా చర్యలు తీసుకోవాలని బాధితులు మొరపెట్టుకున్నారు. సోమవారం కలెక్టరేట్‌ సమావేశ మందిరంలో నిర్వహించిన ప్రజావాణిలో కలెక్టర్‌ రాజర్షి షా, అడిషనల్‌ కలెక్టర్‌ శ్యామలాదేవి, ఆర్డీవో వినోద్‌ కుమార్‌లతో కలిసి బాధితుల నుంచి అర్జీలు స్వీకరించారు. ఆయా దరఖాస్తులను సంబంధిత అధికారులు పరిశీలించి వెంటనే పరిష్కరించాలని ఆదేశించారు. కాగా ఈ వారం మొత్తం 99 అర్జీలు అందాయి. అందులో కొందరి నివేదన వారి మాటల్లోనే..● అర్జీలు స్వీకరించిన కలెక్టర్‌కోర్టు తీర్పుఇచ్చినా పనులు ఆపడం లేదు

మోడల్‌ స్కూల్‌లో ముగ్గురు టీచర్లు విద్యార్థులను వేధింపులకు గురిచేసినట్లుగా జరిగిన ప్రచారంలో ఎలాంటి వాస్తవం లేదు. వైరల్‌గా మారిన సదరు టీచర్లు, తమ పిల్లలతో కూడిన ఫొటోలపై తామెలాంటి అభ్యంతరం వ్యక్తం చేయలేదు. వారంటే గిట్టని టీచర్లు వాటిని వైరల్‌ చేసి మీకు ఫిర్యాదు చేశారు. వారి సస్పెన్షన్‌తో విద్యార్థులు మానసికంగా బాధపడుతున్నారు. పునర్విచారణ జరిపించి సస్పెన్షన్‌ ఎత్తివేయాలి. – విద్యార్థులు, వారి తల్లిదండ్రులు, బజార్‌హత్నూర్‌

కైలాస్‌నగర్‌: ఐటీడీఏ పరిధిలోని ఆశ్రమ పాఠశాలలు, వసతి గృహాల్లో పనిచేస్తున్న ఏఎన్‌ఎంలకు ఉ ద్యోగ భద్రత కల్పించాలని సీఐటీయూ జిల్లా కార్యదర్శి అన్నమొల్ల కిరణ్‌ డిమాండ్‌ చేశారు. జిల్లా కేంద్రంలోని సంఘ భవనంలో ఆదివారం నిర్వహించిన కార్యక్రమంలో ఆయన మాట్లాడారు. ఆది వాసీ గిరిజన విద్యార్థులకు 24 గంటల పా టు అందుబాటులో ఉండి వైద్యసేవలందిస్తున్న ఏఎన్‌ఎంలకు సెలవులు ఇవ్వకుండా వేతనాల్లో కోత విదించడం సరికాదన్నారు. పీఎఫ్‌, ఈఎస్‌ఐ, పింఛన్‌, ఇన్సూరె న్స్‌ సౌకర్యంతో పాటు ఉద్యోగ భద్రత కల్పిస్తూ గు ర్తింపు కార్డులు జారీ చేయాలని డిమాండ్‌ చేశారు. ఇందుంలో జిల్లా అధ్యక్షురాలు కమ ల, కోశాధికారి శ్యాంసుందర్‌, నర్మద, కామేశ్వరి, జంగుబాయి, అశ్విని, పాల్గొన్నారు.

ఆదిలాబాద్‌రూరల్‌: మాలీలు ఎస్టీ హోదా విషయంలో ఐక్యంగా ఉద్యమించాలని అఖి ల భారతీయ మాలీ మహా సంఘం రాష్ట్ర అధ్యక్షుడు సుకుమార్‌ పేట్కులే అన్నారు. జిల్లా కేంద్రంలోని టీచర్స్‌ కాలనీలో గల పూలే గెస్ట్‌ హౌస్‌లో ఆదివారం మాలీ ఉద్యోగుల సన్మాన కార్యక్రమం నిర్వహించారు. ఇటీవల జూనియర్‌ లెక్చరర్లుగా ఎంపికై న బెల్లపు నగేశ్‌, గురునులే దత్త సొంకాస్‌, ఉ పాధ్యాయులుగా ఎంపికై న సాయికుమార్‌, ప్రధాన్‌ గిరిగాం, రాగి సంజీవ్‌, కుచ్లాపూర్‌ విజయ్‌, మాహుర్లే జైనథ్‌ను సంఘ సభ్యులు ఘనంగా సన్మానించారు. ఇందులో రాష్ట్ర ప్రధాన కార్యదర్శి సాంబన్న, ఉపాధ్యక్షుడు సురేశ్‌, ప్రచార కార్యదర్శి మురళీధర్‌, జిల్లా అధ్యక్షుడు విజయ్‌ పాల్గొన్నారు.

వాతావరణం పొడిగా ఉంటుంది. మధ్యాహ్నం ఎండ తీవ్రత పెరగనుంది. ఉక్కపోత ప్రభావం కనిపిస్తుంది. ఎల్‌ఆర్‌ఎస్‌ రాయితీ సద్వినియోగం చేసుకోండికై లాస్‌నగర్‌: అక్రమ లేఅవుట్లను క్రమబద్ధీకరించుకునేందుకు ప్రభుత్వం చేపట్టిన ఎల్‌ఆర్‌ఎస్‌ ప్రక్రియను సద్వినియోగం చేసుకోవాలని మున్సిపల్‌ కమిషనర్‌ సీవీఎన్‌.రాజు అన్నారు. దరఖాస్తుదారుల సౌకర్యార్థం పట్టణంలోని న్యూహౌసింగ్‌బోర్డు కాలనీలో మున్సిపల్‌ ఆధ్వర్యంలో ఆదివారం ఎల్‌ఆర్‌ఎస్‌ మేళా నిర్వహించారు. దరఖాస్తుదారుల సందేహాలు నివృత్తి చేయడంతో పాటు ప్రక్రియ నిర్వహణపై అవగాహన కల్పించారు. ఈ సందర్భంగా ఆయన మాట్లాడుతూ, ఈ నెల 31వరకు ప్లాట్లను క్రమబద్ధీకరించుకోవడం ద్వారా ఎల్‌ఆర్‌ఎస్‌ ఫీజులో 25శాతం రాయితీ పొందవచ్చన్నారు. ఫీజు చెల్లించిన వారికి వెంటనే ప్రొసీడింగ్‌ పత్రాలు అందజేస్తున్నట్లు తెలిపారు. కార్యక్రమంలో టీపీఎస్‌ నవీన్‌ కుమార్‌, వార్డు అధికారి అక్షయ్‌కుమార్‌ తదితరులు పాల్గొన్నారు. హమాలీల భర్తీకి నోటిఫికేషన్‌ విడుదల ● ఈనెల 27వరకు దరఖాస్తుకు అవకాశం ఆదిలాబాద్‌టౌన్‌: జిల్లాలోని వ్యవసాయ మార్కెట్‌ యార్డుల్లో హమాలీల భర్తీకి సంబంధించిన దరఖాస్తుల స్వీకరణకు మార్కెటింగ్‌ అధికారులు ఆదివారం నోటిఫికేషన్‌ విడుదల చేశారు. ఆదిలాబాద్‌ వ్యవసాయ మార్కెట్‌ యార్డులో 100 మంది, జైనథ్‌ మార్కెట్‌ యార్డు పరిధిలో జైనథ్‌లో 100, బేల సబ్‌ మార్కెట్‌లో 50 మంది, ఇచ్చోడలో 30, బోథ్‌లో 32, ఇంద్రవెల్లి మార్కెట్‌యార్డు పరిధిలో ఇంద్రవెల్లిలో 30, నార్నూర్‌లో 20 మంది హమాలీలను భర్తీ చేయనున్నట్లు పేర్కొన్నారు. పూర్తి చేసిన దరఖాస్తులను ఈనెల 24 నుంచి 27వరకు సంబంధిత మార్కెట్‌ యార్డుల్లో సాయంత్రం ఐదు గంటల్లోపు అందజేయాలన్నారు. ఒక వ్యక్తి ఒకే మార్కెట్‌యార్డులో దరఖాస్తు చేసుకోవాలని సూచించారు. శారీరక సామర్థ్యం (బ్యాగ్‌లోడింగ్‌, ఆన్‌లోడింగ్‌) పరీక్ష ఆధారంగా హమాలీలను నియమించనున్నట్లు పేర్కొన్నారు.

● ప్రాజెక్టుల్లో తగ్గుతున్న నీటిమట్టం ● అడుగంటుతున్న మత్తడివాగు, సాత్నాల ● యాసంగి పంటలకు అందని సాగునీరు ● ఆందోళనలో ఆయకట్టు రైతులు ప్రాజెక్టు నీటిమట్టం (మీటర్లలో) నిల్వ సామర్థ్యం (టీఎంసీలో) పూర్తిస్థాయి ప్రస్తుతం పూర్తిస్థాయి ప్రస్తుతం మత్తడివాగు 277.50 272.90 0.571 0.146 సాత్నాల 286.50 279.90 1.24 0.196 తాంసి: జిల్లాలో రోజురోజుకు ఎండల తీవ్రత పెరుగుతోంది. ఇప్పటికే గ్రామాల్లో చెరువులు, కుంటలు ఎండిపోతున్నాయి. ప్రాజెక్టులు సైతం అడుగుంటుతున్నాయి. మరోవైపు పంట చేలల్లో బావులు, బోరుబావుల్లో భూగర్భజల మట్టం పడిపోతుంది. చాలా చోట్ల పంటలు వాడిపోయి ఎండిపోతున్నా యి. తాంసి మండలం వడ్డాడి శివారులో ఉన్న మత్తడివాగు ప్రాజెక్టు, సాత్నాల మండలంలోని సాత్నా ల ప్రాజెక్టులో నీటి మట్టం క్రమంగా తగ్గిపోతుంది. ప్రస్తుతం వీటి పరిధిలోని ఆయకట్టుకు నీరందక పంటలు ఎండిపోతున్నాయి. దీంతో రైతుల్లో ఆందోళన వ్యక్తమవుతోంది. మత్తడివాగు ప్రాజెక్టు ఎడమ కాలువ ద్వారా తాంసి, భీంపూర్‌, ఆదిలా బాద్‌ రూరల్‌ మండలాల్లోని సుమారు 8,500 ఎకరాల ఆయకట్టుకు సాగునీరు అందుతుంది. ఇక సాత్నాల ప్రాజెక్టు కుడి, ఎడమ కాలువల ద్వారా జైనథ్‌, సాత్నాల మండలాల్లోని సుమారు 26వేల ఎకరాలకు సాగునీరు అందుతుంది. ప్రస్తుతం ఎండల ప్రభావంతో ఈ ప్రాజెక్టులు క్రమంగా డెడ్‌ స్టోరేజీకి చేరువవుతున్నాయి. మరోవైపు భూగర్భ జలా ల మట్టం కూడా పడిపోతుండడంతో రైతులు ఎండిన పంటలు చూసి తమ ఆశలు ఆవిరైనట్లు ఆవేదన వ్యక్తం చేస్తున్నారు. ప్రధానంగా జొన్న, మొక్కజొన్న, గోధుమ తదితర పంటలకు పూర్తిస్థాయిలో సాగునీరందక ఎండిపోతున్నాయి. మార్చిలోనే పరి స్థితి ఇలా ఉంటే మేలో ఎలా ఉంటుందోనని ఆందోళన వ్యక్తం చేస్తున్నారు. ఎండిపోతున్న మత్తడివాగు ప్రాజెక్టు సరిపడా నీరు ఉంది ఎండల తీవ్రత పెరగడంతో ప్రాజెక్టులో నీరు వేగంగా తగ్గుతుంది. అయినా ఎడమకాలువ ద్వారా ఆయకట్టుకు నీటిని విడుదల చేస్తున్నాం. ప్రాజెక్టులో ప్రస్తుతం 272.90 మీటర్ల మేర నీరు నిల్వ ఉంది. రైతులు ఆందోళన చెందాల్సిన అవసరం లేదు. – హరీశ్‌ ఏఈ, మత్తడివాగు ప్రాజెక్టు సాగునీటికి ఇబ్బందవుతుంది.. మత్తడివాగు ఎడమ కాలువపై ఆధారపడి నాలుగు ఎకరాల్లో జొన్న వేశాను. గోట్కూరి శివారులో ఉన్న చేనుకు కాలువ ద్వారా నీరందడం లేదు. ఎగువన ఉన్న రైతులు కాలువలో అడ్డుగా కట్టలు వేసి నీటిని వాడుకుంటున్నారు. దీంతో నీరు కిందికి రావడం లేదు. దూరంగా ఉన్న ప్రధాన కాలువల్లో మోటార్‌ ఏర్పాటు చేసి నీటిని అందించాల్సి వస్తోంది. చానా ఇబ్బంది అవుతుంది. సురేశ్‌, రైతు, జందాపూర్‌ ఇక్కడ సాగునీరందక ఎండిపోయి కనిపిస్తున్న ఈ జొన్నపంట తాంసి మండలంలోని గోట్కూరి శివారులోనిది. జందాపూర్‌ గ్రామానికి చెందిన ఉష్కముల్ల చందు తనకున్న రెండున్నర ఎకరాల్లో మత్తడివాగు ప్రాజెక్టు ఎడమకాలువ కింద యాసంగిలో జొన్న సాగు చేశాడు. అయితే గోట్కూరి శివారులో ఉన్న కాలువకు నెల క్రితమే సాగునీరు నిలిచిపోయింది. మరోవైపు చేలో ఉన్న బోరుబావి సైతం అడుగంటింది. పంట దాదాపు సగానికి పైగా ఎండిపోయింది. ఉన్న కొద్దిపాటి నీటితో ప్రస్తుతం ఎకరం వరకే నీరందుతుంది. ఈ ఒక్క రైతే కాదు.. మత్తడివాగు, సాత్నాల ప్రాజెక్టుల ఆయకట్టు పరిధిలోని చాలా మంది రైతులది ఇదే పరిస్థితి.

● రేషన్‌కార్డుదారులకు ఉగాది కానుక ● ఏప్రిల్‌ 1 నుంచి పంపిణీకి ఏర్పాట్లు ● లబ్ధిదారుల్లో హర్షం పంపిణీకి చర్యలు పేదలకు సన్నబియ్యం అందించే దిశగా అవసరమైన చర్యలు చేపట్టాలని ప్రభుత్వం నుంచి ఆదేశాలు అందాయి. ప్రస్తుతం రేషన్‌ దుకాణాల్లో నిల్వ ఉన్న దొడ్డు బియ్యం పూర్తిగా వెనక్కి తీసుకోవాలని సూచించింది. ఆ దిశగా డీలర్లకు ఆదేశాలు జారీ చేశాం. జిల్లాకు అవసరమైన సన్నబియ్యం కోటాను ఈ సారి నిజామాబాద్‌ జిల్లాకు కేటాయించారు. అక్కడి నుంచి ఎంఎల్‌ఎస్‌ పాయింట్లకు సరఫరా చేసేలా చర్యలు చేపడుతున్నాం. ఏప్రిల్‌ 1 నుంచి లబ్ధిదారులకు పంపిణీకి ఏర్పాట్లు చేస్తున్నాం. –ఎండీ.వాజీద్‌అలీ, జిల్లా పౌరసరఫరాల అధికారి కై లాస్‌నగర్‌: ఉగాది పండగ పురస్కరించుకుని రాష్ట్ర ప్రభుత్వం పేదలకు తీపి కబురు అందించింది. ఆహారభద్రత కార్డుదారులకు ఏప్రిల్‌ 1నుంచి సన్నబియ్యం పంపిణీ చేయాలని నిర్ణయించింది. ప్రస్తుతం డీలర్ల వద్ద నిల్వ ఉన్న దొడ్డుబియ్యం మొత్తం వెనక్కి పంపించాలని ఆదేశించింది. ఈ మేరకు అవసరమైన చర్యలు ముమ్మరం చేసింది. సర్కారు తాజా నిర్ణయంతో సన్నబియ్యం కొనుగోలు చేయలేని పేదలకు ప్రయోజనం చేకూరనుంది. అలాగే అక్రమంగా సాగుతున్న రేషన్‌ బియ్యం దందాకు చెక్‌పడే అవకాశముంది. అక్రమ దందాకు చెక్‌.. ఆహారభద్రత కార్డుదారులకు ప్రభుత్వం చౌకధరల దుకాణాల ద్వారా ఒక్కో వ్యక్తికి ఆరు కిలోల చొప్పున బియ్యం అందజేస్తోంది. ఇవి దొడ్డువి కావడంతో చాలా మంది వీటిని తినడానికి ఇష్టపడటం లేదు. అలాంటి వారు తమకు రావాల్సిన కోటా బియ్యంను డీలర్లకే కిలో రూ.13 నుంచి రూ.15 చొప్పున విక్రయించేస్తున్నారు. ఇలా కొనుగోలు చేసిన బియ్యంను డీలర్లు వ్యాపారులకు రూ.20 నుంచి రూ.22 చొప్పున విక్రయిస్తున్నారు. మరి కొంతమంది బియ్యంను నెలల తరబడి నిల్వ చేసి తమ ఇంటి వద్దకు ఆటోలతో వచ్చే వారికి అమ్ముతున్నారు. పేదలకు అందాల్సిన ఈ రేషన్‌ బియ్యంను దళారులు, వ్యాపారులు కలిసి మహారాష్ట్రకు లారీల్లో తరలించి సొమ్ము చేసుకుంటున్నారు. సంబంధిత అధికారుల పర్యవేక్షణ లోపంతో ఈ దందా యథేచ్ఛగా సాగతూ వస్తోంది. తాజాగా సన్నబియ్యం పంపిణీ ద్వారా ఇలాంటి అక్రమాలకు అడ్డుకట్ట పడనుందనే అభిప్రాయం వ్యక్తమవుతుంది. నాణ్యతపై సందేహాలు గతంలో బీఆర్‌ఎస్‌ ప్రభుత్వం కూడా సన్నబియ్యం అందించే ప్రయత్నం చేసినప్పటికీ నాణ్యత కొరవడింది. రెండు, మూడు నెలల పాటు సరఫరా చేయగా అందులో నూకలు, తౌడు రావడంతో పేదలు వాటిని తినకుండా వ్యాపారులకు విక్రయించారు. ఈ క్రమంలో ప్రస్తుత ప్రభుత్వం పంపిణీ చేయనున్న బియ్యం నాణ్యతపై కార్డుదారుల్లో సందేహాలు వ్యక్తమవుతున్నాయి. అయితే ప్రభుత్వం సన్నవడ్లకు రూ.500 బోనస్‌ అందజేసి కొనుగోలు చేయడంతో నాణ్యమైన బియ్యం వచ్చే అవకాశముందనే అభిప్రాయాన్ని అధికారులు వ్యక్తం చేస్తున్నారు. దీంతో పేదలకు మేలు చేకూరనుంది. కొత్త కార్డుదారులకు లేనట్లేనా... సర్కారు నిర్ణయంపై ఆహారభద్రత కార్డుదారుల్లో ఆనందం వ్యక్తమవుతుండగా కొత్తకార్డుల కోసం ఎదురుచూస్తున్న వారికి మాత్రం నిరాశే మిగులుతుంది. కొత్త కార్డుల జారీ ప్రక్రియకు శ్రీకారం చుట్టిన ప్రభుత్వం పైలట్‌ ప్రాజెక్ట్‌గా మండలానికి ఒక గ్రామం చొప్పున 17 గ్రామాల్లోని 800 మందికి మాత్రమే జారీ చేసింది. వాటికి బియ్యం కోటా కూడా విడుదల చేసింది. మిగతా గ్రామాల వారికి కార్డులు జారీ చేయనుండగా ఎమ్మెల్సీ ఎన్నికల కోడ్‌ రావడంతో ఆ ప్రక్రియకు బ్రేక్‌ పడింది. కార్డులు రాకపోవడంతో వారికి సన్నబియ్యం పొందే అవకాశం లేకుండా పోతుంది. జిల్లాలోని ప్రజా పంపిణీ వివరాలు చౌక ధరల దుకాణాలు : 356 మొత్తం రేషన్‌కార్డులు : 1,92,233 కార్డుల్లోని యూనిట్లు : 6,32,819 అవసరమైన బియ్యం కోటా : 4,035 మెట్రిక్‌ టన్నులు

మావల మండల పరిధిలోని దస్నాపూర్‌లో గల నేషనల్‌ మార్ట్‌లో ఇటీవల ఓ దొంగ టెక్నాలజీ ఉపయోగించి చోరీకి పాల్పడ్డాడు. పైన రేకుల బోల్టులను తొలగించి లోనికి చొరబడ్డాడు. లాకర్‌ను కటర్‌గ్రైండర్‌తో ఓపెన్‌ చేసి అందులోని రూ.4లక్షలకు పైగా నగదును ఎత్తుకెళ్లాడు. చొరబడిన ఫుటేజీలు సీసీ కెమెరాలో రికార్డు కాగా, ఆ తర్వాత సీసీ కెమెరా కనెక్షన్‌ తొలగించాడు.పెట్రోలింగ్‌తో నిఘా ఏర్పాటు చేశాం.. దొంగతనాలను నివారించేందుకు ప్రత్యేక చర్యలు చేపడుతున్నాం. రాత్రి వేళల్లో పెట్రోలింగ్‌ పెంచి నిఘా కట్టుదిట్టం చేస్తున్నాం. జిల్లా సరిహద్దు ప్రాంతాల్లో చెక్‌పోస్టులను ఏర్పాటు చేశాం. దుకాణాల ఎదుట సీసీ కెమెరాలు ఏర్పాటు చేయడం ద్వారా దొంగతనాలు జరిగినప్పుడు నిందితులను పట్టుకోవడానికి ఆస్కారం ఉంటుంది. షాపుల్లో నగదును పెద్ద మొత్తంలో ఉంచవద్దు. సాంకేతిక పద్ధతులు ఉపయోగించి దొంగలు చోరీలకు పాల్పడుతున్నారు. అపరిచిత వ్యక్తులు కనిపిస్తే వెంటనే పోలీసులకు సమాచారం అందించాలి. – అఖిల్‌ మహాజన్‌, ఎస్పీ ఆదిలాబాద్‌టౌన్‌: జిల్లాలో ఇటీవల దొంగతనాలు పెరిగిపోయాయి. టెక్నాలజీ ఉపయోగించి కేటుగాళ్లు చోరీలకు పాల్పడుతున్నారు. రాత్రి వేళల్లో దుకాణాలు, మాల్స్‌, తాళం వేసిన ఇళ్లనే టార్గెట్‌ చేస్తున్నారు. అలాగే ద్విచక్ర వాహనం కనిపిస్తే మాయం చేస్తున్నారు. మహిళల మెడలో నుంచి బంగారు గొలుసులు లాక్కెళ్తున్నారు. సీసీ కెమెరాలు ఉన్నా వాటికి చిక్కకుండా జిమ్మిక్కులకు పాల్పడుతున్నారు. కొంత కాలంగా తగ్గుముఖం పట్టిన చోరీలు తాజాగా మళ్లీ మొదలవడంతో జిల్లావాసుల్లో ఆందోళన వ్యక్తమవుతోంది. దొంగలు దినమంతా రెక్కీలు నిర్వహించి రాత్రి వేళల్లో తమ పని కానిచ్చేస్తున్నారు. కంటిమీద కునుకులేకుండా చేస్తున్న వీరిని పోలీసులు సైతం వెంటనే పట్టుకొని రిమాండ్‌కు తరలిస్తున్నారు. ప్రజలు కూడా అప్రమత్తంగా ఉండాలని వారు సూచిస్తున్నారు. అపరిచిత వ్యక్తులు ఎవరైనా సందర్శిస్తే తమకు సమాచారం అందించాలని చెబుతున్నారు. ఆగని చోరీలు.. జిల్లాలో కొంతకాలంగా చోరీలు ఆగడం లేదు. ఆయా ప్రాంతాల్లో దొంగలు ఉదయం పూట రెక్కీ నిర్వహిస్తున్నారు. చిరు వ్యాపారులుగా, భిక్షాటన చేస్తూ తిరుగుతూ తాళం వేసి ఉన్న ఇళ్లను టార్గెట్‌ చేస్తున్నారు. రాత్రి సమయంలో అందులోకి చొరబడి తమ పని కానిచ్చేస్తున్నారు. అలాగే ఇళ్ల ముందర పార్కింగ్‌ చేసిన బైక్‌లు, రిమ్స్‌ ఆస్పత్రి, ఆయా షాపుల ఎదుట పార్కింగ్‌ చేసిన వాహనాలను ఎత్తుకెళ్లి మహారాష్ట్రలో విక్రయిస్తున్నారు. దీంతో బాధితులు లబోదిబోమంటున్నారు. కష్టపడి సంపాదించిన ధనం దొంగల పాలు కావడంతో కన్నీరుమున్నీరవుతున్నారు. ఈ ఏడాది జిల్లాలో దాదాపు 350కి పైగా దొంగతనాలు జరిగాయి. ఇటీవల ఆదిలాబాద్‌ పట్టణంలోని నేషనల్‌ మార్ట్‌లో రూ.4లక్షలకు పైగా ఎత్తుకెళ్లారు. దొంగల కోసం పోలీసులు ప్రత్యేక బృందాలను ఏర్పాటు చేసి గాలిస్తున్నారు. సీసీ కెమెరాలకు చిక్కకుండా..జిల్లా కేంద్రంలోని ఆయా ముఖ్య కూడళ్లతో పాటు కాలనీల్లో 200 వరకు సీసీ కెమెరాలు ఉన్నాయి. వీటిని పోలీసు కంట్రోల్‌ రూమ్‌కు అనుసంధానం చేశారు. పట్టణంలో పలు అభివృద్ధి పనులు జరగడంతో పలుచోట్ల ఈ కెమెరాలు పనిచేయడం లేదు. అలాంటి ప్రాంతాల్లో చోరీలు జరిగినప్పుడు దొంగలను పట్టుకోవడం కొంత ఇబ్బందిగా మారుతుంది. సీసీ కెమెరాల ఆవశ్యకతపై దుకాణదారులతో పాటు ఆయా గ్రామాల్లో ప్రజలకు పోలీసులు అవగాహన కల్పిస్తున్నారు.

ఆదిలాబాద్‌: జిల్లా కేంద్రంలోని ఆదిలాబాద్‌ క్రీడా పాఠశాల విద్యార్థులు రాష్ట్రస్థాయి అథ్లెటిక్‌ చాంపియన్‌షిప్‌ పోటీల్లో ప్రతిభ కనబరిచారు. హైదరాబాద్‌లోని ఓ ప్రైవేట్‌ ఇంటర్నేషనల్‌ పాఠశాలలో ఆదివారం నిర్వహించిన పోటీల్లో అండర్‌–16 విభాగంలో జావెలిన్‌త్రోలో వి.మహేశ్‌ బంగారు పతకంతో మెరిశాడు. అలాగే అండర్‌–14 విభాగంలో పి.రితిక జావెలిన్‌ త్రోలో రజత పతకం సాధించినట్లు కోచ్‌ రమేశ్‌ తెలిపాడు. స్వర్ణంతో మెరిసిన కుశవర్తి జాదవ్‌జిల్లాకు చెంది న అథ్లెట్‌ జాదవ్‌ కుశవర్తి రాష్ట్రస్థాయి అథ్లెటిక్స్‌ పోటీల్లో సత్తా చా టింది. హైదరాబాద్‌లోని ఓ ప్రైవేట్‌ ఇంటర్నేషనల్‌ స్కూల్లో నిర్వహిస్తున్న రాష్ట్రస్థాయి అథ్లెటిక్‌ చాంపియన్‌షిప్‌ పోటీల్లో అండర్‌–20 విభాగంలో జావెలిన్‌త్రోలో స్వర్ణ పతకంతో మెరిసింది. ఆమె వెంట కోచ్‌ సౌమ్య, మేనేజర్‌ అనిల్‌ ఉన్నారు.

● ‘రాజీవ్‌ యువ వికాసం’ ఎఫెక్ట్‌ ● రెవెన్యూ కార్యాలయాల్లో సందడి ● పెరిగిన దరఖాస్తుదారుల తాకిడి ● ఇదే అదునుగా దళారుల దోపిడీ కై లాస్‌నగర్‌: జిల్లాలోని రెవెన్యూ కార్యాలయాలకు దరఖాస్తుదారుల తాకిడి ఒక్కసారిగా పెరిగింది. రాష్ట్ర ప్రభుత్వం పదేళ్ల తర్వాత ఎస్సీ, ఎస్టీ, బీసీ, మైనార్టీలకు స్వయం ఉపాధి కల్పించేందుకు రాజీవ్‌ యువ వికాసం పథకాన్ని ప్రవేశపెట్టిన సంగతి తెలిసిందే. ఇందులో భాగంగా రూ.4లక్షల వరకు సబ్సిడీతో కూడిన రుణాలను అందజేస్తామని ప్రకటించింది. అయితే దరఖాస్తు చేసుకునేందుకు కుల, ఆదాయ ధ్రువీకరణ పత్రాలు తప్పనిసరి. అలాగే ఆదాయ ధ్రువీకరణ పత్రం తాజాగా పొందినదై ఉండాలనే నిబంధనతో ఆశావహులు వాటి కోసం దరఖాస్తు చేసుకుంటున్నారు. దీంతో జిల్లా వ్యాప్తంగా మీసేవ కేంద్రాలన్నీ కిటకిటలాడుతున్నాయి. రెవెన్యూ కార్యాలయాల నుంచి ఆ సర్టిఫికెట్లు తీసుకోవాల్సి ఉండటంతో దరఖాస్తుదారులంతా సంబంధిత తహసీల్దార్‌ కార్యాలయాలకు పరుగు పెడుతున్నారు. ఆదిలాబాద్‌ అర్బన్‌ తహసీల్దార్‌ కార్యాలయంలో సాధారణ సమయంలో రోజుకు కుల, ఆదాయ ధ్రువీకరణపత్రాల కోసం 50 వరకు దరఖాస్తులు అందేవని, ప్రస్తుతం మూడు రోజుల్లోనే 700 వరకు అందాయని అక్కడి అధికారులు చెబుతుండటం పరిస్థితికి అద్దం పడుతోంది. ఈ ఒక్క కార్యాలయమే కాదు.. జిల్లావ్యాప్తంగా ఇదే పరిస్థితి. అన్ని మండలాల్లో కలిపి రోజుకు వెయ్యికి పైగానే దరఖాస్తులు అందుతున్నట్లుగా అధికారులు పేర్కొంటున్నారు. మరోవైపు సర్వర్‌ సమస్య కూడా వేధిస్తోంది. కుప్పలు తెప్పలుగా అందుతున్న దరఖాస్తుల వివరాలను సంబంధిత వెబ్‌సైట్‌లో నమోదు చేస్తుండటంతో సాంకేతిక సమస్యలు తలెత్తుతున్నాయి. ఫలితంగా వివరాల నమోదులో జాప్యం అవుతుందని రెవెన్యూ సిబ్బంది చెబుతున్నారు. దళారుల జోరు ప్రభుత్వ సాయం కోసం చేసే దరఖాస్తుకు రెవెన్యూ సర్టిఫికెట్లు అవసరముండటంతో ఇదే అదునుగా కొంతమంది దళారుల అవతారమెత్తుతున్నారు. అమాయకుల అవసరాన్ని ఆసరాగా చేసుకుంటున్నారు. రెండు రోజుల్లో ఇస్తామని చెబుతూ ఒక్కో సర్టిఫికెట్‌కు రూ.300 నుంచి రూ.500 వరకు వసూలు చేస్తున్నారు. చేసేదిలేక కొంతమంది వారడిగినంత ముట్ట జెబుతున్నారు. ఇలా దళారులు ఒక్కొక్కరు పదుల సంఖ్యలో మీసేవ దరఖాస్తు రశీదులతో రెవెన్యూ కార్యాలయాల్లో వాలిపోతున్నారు. అక్కడి సిబ్బందిని మచ్చిక చేసుకుని సర్టి ఫికెట్లు పొందే ప్రయత్నం చేస్తున్నారు. ఈ క్రమంలో సామాన్యులకు మాత్రం తిప్పలు తప్పడం లేదు. అధికారులు ఇప్పటికై నా ఆ దిశగా దృష్టి సా రించి దళారుల జోక్యం కట్టడి చేయాలని పలువురు కోరుతున్నారు.

ప్రభుత్వ ఉద్యోగాల సాధనలో తన ప్రతిభతో మెరుస్తున్నాడు జిల్లాలోని నార్నూర్‌ మండలం కొత్తపల్లి(హెచ్‌)కు చెందిన చాలూర్కర్‌ చంద్రశేఖర్‌. ఇప్పటికే మూడు కొలువులు సాధించాడు. ఓయూలో ఎంఏ (హిందీ) పూర్తి చేసిన ఈయన 2014లో వీఆర్వోగా ఎంపికయ్యాడు. అలాగే అదే ఏడాది పంచాయతీ కార్యదర్శిగా కూడా సెలక్ట్‌ అయ్యాడు. అయితే రెవెన్యూ శాఖను ఎంపిక చేసుకుని అంచెలంచెలుగా ఎదుగుతూ ఆర్‌ఐగా ఈ ఏడాది మార్చి 12 వరకు విధులు నిర్వహించాడు. తాజాగా జూనియర్‌ లెక్చరర్‌ ఫలితాల్లో జెఎల్‌గా ఎంపిక అయ్యాడు. ప్రస్తుతం కుమురం భీం జిల్లా దహేగాం ప్రభుత్వ జూనియర్‌ కళాశాలలో విధులు నిర్వహిస్తున్నాడు. గ్రూప్‌–1 లక్ష్యం.. వీఆర్వో, పంచాయతీ కార్యదర్శిగా ఎంపికై న తర్వాత కూడా నా ప్రిపరేషన్‌ను కొనసాగించా. 2016లో గ్రూప్‌–2 ఇంటర్వ్యూ వరకు వెళ్లా. వీలు చిక్కినప్పుడల్లా జిల్లా కేంద్రంలోని బీసీ స్టడీ సర్కిల్‌కు వచ్చి ఫ్యాకల్టీ గైడెన్స్‌ తీసుకున్నా. ఇటీవల విడుదలైన జేఎల్‌ ఫలితాల్లో జూనియర్‌ లెక్చరర్‌గా ఎంపికయ్యా. నా తదుపరి లక్ష్యం గ్రూప్‌–1. తల్లిదండ్రులు, గురువుల ప్రోత్సాహం మరువలేనిది. అలాగే బీసీ స్టడీ సర్కిల్‌ నిరుద్యోగ అభ్యర్థుల పాలిట ఒక వరం. – చాలూర్కర్‌ చంద్రశేఖర్‌, కొత్తపల్లి (హెచ్‌), నార్నూర్‌, ఆదిలాబాద్‌

కై లాస్‌నగర్‌: ప్రజలకు ఆహ్లాదం పంచాల్సిన పట్టణ ప్రకృతివనాలు పచ్చదనం ఆనవాళ్లే లేకుండా పో తున్న తీరును వివరిస్తూ ‘వనం.. కళావిహీన’ శీర్షి కన ఈనెల 21న ‘సాక్షి’లో ప్రచురితమైన కథనానికి బల్దియా అధికారులు స్పందించారు. పట్టణ ప్రకృతి వనాల శుభ్రత పనులను శనివారం ప్రారంభించా రు. డిగ్రీ కశాశాల, డైట్‌ కళాశాల ఆవరణలోని ప్రకృతివనంలో పేరుకుపోయి న చెత్తాచెదారాన్ని, విరిగిపడ్డ చెట్ల కొమ్మల ను పారిశుధ్య సిబ్బందితో తొలగింపజేశారు. ఎన్విరాన్‌మెంట్‌ ఇంజినీర్‌ రవికిరణ్‌ దగ్గరుండి పనులను పర్యవేక్షించారు. ఎఫెక్ట్‌..

ఆదిలాబాద్‌టౌన్‌/ఆదిలాబాద్‌రూరల్‌: పదో తరగతి పబ్లిక్‌ పరీక్షలు కొనసాగుతున్నాయి. శనివారం ద్వితీయ భాష పరీక్ష నిర్వహించారు. జిల్లాలో 52 కేంద్రాల్లో 10,039 మంది విద్యార్థులకు గాను 23 మంది గైర్హాజరయ్యారు. 99.77 హాజరు శాతం నమోదైన ట్లు అధికారులు వెల్లడించారు. ఆదిలా బాద్‌రూరల్‌ మండలం యాపల్‌గూడ గల జెడ్పీఎస్‌ఎస్‌ పరీక్ష కేంద్రాన్ని కలెక్టర్‌ రాజర్షి షా సందర్శించారు. అధికారులను అడిగి హాజ రుశాతం వివరాలు తెలుసుకున్నారు. ఆయ న వెంట డీఈవో ప్రణీత, తహసీల్దార్‌ గో వింద్‌, తదితరులున్నారు. ట్రెయినీ కలెక్టర్‌కు ఆత్మీయ వీడ్కోలుకై లాస్‌నగర్‌: జిల్లాలో ఏడాది పాటు శిక్షణ పూర్తి చేసుకున్న ట్రెయినీ కలెక్టర్‌ అభిగ్యాన్‌ మాల్వీయాకు జిల్లా అధికారులు ఆత్మీయ వీడ్కోలు పలికారు. శనివారం రాత్రి కలెక్టరేట్‌ సమావేశ మందిరంలో నిర్వహించిన కార్యక్రమంలో కలెక్టర్‌ రాజర్షి షా, అదనపు కలెక్టర్‌ శ్యామలాదేవి తదితరులు ఆయన ను శాలువాతో సత్కరించి జ్ఞాపికలు అందజేశారు. ఇందులో డీఎఫ్‌వో ప్రశాంత్‌ బాజీ రావు పాటిల్‌, సబ్‌ కలెక్టర్‌ యువరాజ్‌, ఆర్డీవో వినోద్‌కుమార్‌, కలెక్టరేట్‌ ఏవో రాంరెడ్డి, వివిధ శాఖల అధికారులు, ఉద్యోగులు, సిబ్బంది పాల్గొన్నారు.

ఆదిలాబాద్‌లోని సర్వేనంబర్‌ 72లో ఉంటు న్న ఆదివాసీలకు మౌలిక వసతులు కల్పించా లనే డిమాండ్‌తో తుడుందెబ్బ చేపట్టిన కలెక్టరేట్‌ ముట్టడి ఉద్రిక్తతకు దారితీసింది. సోమవారం : 5:01ఆదివారం : 6:24ఆదివారం శ్రీ 23 శ్రీ మార్చి శ్రీ 20258లోu ● ఆత్మస్థైర్యం, సంకల్ప బలంతో సర్కారు జాబ్‌లు సాధిస్తున్న యువత ● నిరుద్యోగులకు అండగా ‘బీసీ స్టడీ సర్కిల్‌’జిల్లా కేంద్రంలోని దస్నాపూర్‌ పెట్రోల్‌పంపు ఏరియా.. ప్రధాన రహదారి ఆనుకుని నిత్యం జనంతో రద్దీగా ఉండే ప్రాంతం. రణగొణ ధ్వనులతో గందరగోళంగా ఉంటుంది. అక్కడే ఓ కొలువుల కార్ఖానా ఉందండోయ్‌. లోనికి వెళితే మాత్రం అంతా నిశ్శబ్దమే. తలలు కనిపిస్తున్నా.. మాటలు వినిపించవు. ప్రతీ ఒక్కరి చేతిలో పుస్తకం.. పెన్ను. పక్కన ఓ వాటర్‌ బాటిల్‌. వారంతా అనుక్షణం అక్షరాలతో కుస్తీ పడతారు. సమయం చూడకుండా కలల కొలువు కోసం చెమటోడుస్తారు. శిక్షణ పొందుతూ నిత్యం పుస్తక ప్రపంచంలో మునిగితేలుతారు. ఎంతోమంది నిరుద్యోగులను ప్రభుత్వ ఉద్యోగం వైపు నడిపిస్తున్న ఆ శిక్షణ కేంద్రమే బీసీ స్టడీ సర్కిల్‌. ●

నిరుద్యోగ అభ్యర్థులకు ప్రభుత్వ ఉద్యోగ నోటిఫికేషన్లకు అనుగుణంగా ఉచిత శిక్షణ అందిస్తున్నాం. గతేడాది 151 మంది ప్రభుత్వ ఉద్యోగాలు సాధించగా, ఈ ఏడాది గ్రూప్‌–1 ఫలితాల్లో 400కు పైగా మార్కులు సాధించిన వారు ఏడుగురు, గ్రూప్‌–2 ఫలితాల్లో 300కు పైగా మార్కులు సాధించిన వారు 17 మంది, గ్రూప్‌–3లో 250కి పైగా మార్కులు సాధించిన వారు ఐదుగురు ఉన్నారు. వీరిలో పది మందికి పైగా ఉద్యోగాలు వస్తాయని ఆశిస్తున్నాం. అలాగే ప్రస్తుతం ఆర్‌ఆర్‌బీ, బ్యాంకింగ్‌ ఉద్యోగ నియామకాల కోసం ఉచిత శిక్షణ అందిస్తున్నాం. జాబ్‌ క్యాలెండర్‌ ప్రకారం విడుదలయ్యే గ్రూప్స్‌, డీఎస్సీ, పోలీస్‌ కానిస్టేబుల్‌, ఎస్సై నియామకాల కోసం సైతం ఉచిత శిక్షణ అందిస్తాం. లైబ్రరీ, స్టడీ హాల్‌ ఉదయం 6 గంటల రాత్రి 9 గంటల వరకు అందుబాటులో ఉంటుంది. నిరుద్యోగులు మమ్మల్ని సంప్రదిస్తే వారికి అవసరమైన సలహాలు, సూచనలు అందిస్తాం. నిరుద్యోగ అభ్యర్థులు స్టడీ సర్కిల్‌ సేవలు సద్వినియోగం చేసుకోవాలి. – ప్రవీణ్‌కుమార్‌, బీసీ స్టడీ సర్కిల్‌ డైరెక్టర్‌

● భూగర్భ జలాల వినియోగంపై చార్జీలు ● ఫ్లోమీటర్లు ఏర్పాటు చేసుకునేలా చర్యలు ● వ్యాపార, వాణిజ్య సంస్థలకు నోటీసులు ● క్షేత్రస్థాయిలో అధికారుల తనిఖీలు సాక్షి ప్రతినిధి, మంచిర్యాల: భూగర్భ జలాలవిచ్చల విడి వినియోగాన్ని భూగర్భ జల శాఖ తీవ్రంగా పరిగణిస్తోంది. గృహ, ప్రజావసరాలు మినహా వ్యా పార కేంద్రాల్లో ఇష్టారీతిన నీటి తోడకాన్ని తగ్గించేలా ప్రతీ నీటిబొట్టుకు లెక్కగడుతూ ఆ మేరకు చార్జీ లు వసూలు చేస్తోంది. కమర్షియల్‌ కేంద్రాలైనకంపె నీలు, పరిశ్రమలనుంచి వినియోగచార్జీలు తీసుకునే లా 2023లోనే తీసుకొచ్చిన నూతన విధానాన్ని అ మలుచేస్తూ ప్రతీ 1కేఎల్‌(వెయ్యి లీటర్లు)కు రూపా యి చొప్పున చార్జి వసూలు చేయనున్నారు. గతంలో వాల్టాచట్టం ప్రకారం ఆయా యాజమాన్యాలు నీటివాడకం కోసం ధ్రువీకరణ పత్రం(ఎన్‌వోసీ) ని మూడేళ్లకోసారి పునరుద్ధరణ చేసేవారు. కొత్త ని బంధనల ప్రకారం ఎంత నీరు వాడితే అంత చార్జీ లు చేస్తూ ప్రతీనెల విద్యుత్‌ బిల్లు మాదిరిగానే నీటి బిల్లు ఆన్‌లైన్‌లో చెల్లించేలా సిద్ధం చేశారు. ప్రస్తుతం సింగరేణి, దేవాపూర్‌ సిమెంటు ఫ్యాక్టరీ వంటి సంస్థల్లో ఈ నిబంధనలు అమలు అవుతున్నాయి. ఫ్లో మీటర్లు బిగింపు.. నీటిని వాడుతున్న ఆయ సంస్థలు, కంపెనీలు కచ్చితంగా భూగర్భ జలాల వాడకంపై డిజిటల్‌ ఫ్లో మీటర్‌తో కూడిన టెలిమీటర్‌కు అనుసంధానం చేసుకోవాలి. ఈ ఫ్లో మీటరు ప్రతీ ఆరు గంటలకు ఎంత నీటిని వాడారో లెక్కించి ఆన్‌లైన్‌లోనే వివరాలు పంపిస్తుంది. దీంతో ప్రతీ నెల ఆయా సంస్థలు జల వాడకానికి తగినట్లుగా చార్జీలు చెల్లించాలి. ప్రస్తుతం సింగరేణి బొగ్గు గనులు, ఓపెన్‌ కాస్టుల్లో అమలవుతోంది. వీటితోపాటు సిమెంటు, ఇతర మైనింగ్‌ కంపెనీలు, నీరు అధికంగా వినియోగిస్తు న్న సంస్థలకు ఆయా జిల్లాల భూగర్భ జల అధికా రులు వెళ్లి తనిఖీ చేస్తూ ఫ్లో మీటర్లను బిగించుకునేలా చూస్తున్నారు. కొత్త విధానంపై ఇంకా చాలా మందికి అవగాహన లేకపోవడం, డబ్బులు కట్టా ల్సి వస్తుందని కొన్ని చోట్ల స్పందించడం లేదు. వాడకమున్నా వసూళ్లు లేవు గ్రామాలు, పట్టణాలు, నగరాల్లో హోటళ్లు, రెస్టారెంట్లు, విద్యాసంస్థలు, హాస్టళ్లు, ఆసుపత్రులు, ఫంక్షన్‌ హాళ్లు, ప్రైవేటు తాగునీటి ప్లాంట్లు, కంపెనీలు, పరిశ్రమలు, ఖనిజ పరిశ్రమలు అనేకం ఉన్నాయి. యాజమాన్యాలు తమ బోర్‌వెల్స్‌ను రిజిస్ట్రేషన్‌ చేసుకుని ఫ్లో మీటర్లు అమర్చుకోవాల్సి ఉంది. కానీ చాలాచోట్ల వ్యాపారులు ముందుకు రావడం లేదు. అనధికారికంగానూ బోర్‌వెల్స్‌, పంపుసెట్లు, వాగులు, వంకలు, చెరువుల నుంచి నీటిని తోడేస్తున్నారు. ఎండాకాలంలో ఈ వాడకం తీవ్రంగా ఉంటుంది. ఒక్కో సంస్థ నిత్యం వేలాది లీటర్ల నీటిని వినియోగిస్తున్నా లెక్కాపత్రం లేకపోవడంతోపాటు వినియోగంపైనా అడ్డూ అదుపు లేకుండా పోతోంది. అలాంటి చోట్ల అధికారులు వెళ్లి మొదట నోటీసులు ఇస్తున్నారు. కొంత గడువు ఇచ్చాక జరిమానా విధిస్తున్నారు. చాలా చోట్ల యాజమన్యాలు ఈ నోటీసులను సైతం పట్టించుకోవడం లేదు. ఉమ్మడి జిల్లాలో 2024నుంచి 2025 ఫిబ్రవరి వరకు భూగర్భ జల శాఖ వివరాలు జారీ చేసిన ఎన్‌వోసీలు 101 రిజిస్ట్రేషన్‌ ఫీజులు(వాల్టా, పరిశ్రమ, మైనింగ్‌) రూ.15,12,448 విధించిన జరిమానాలు రూ.1,65,000 వసూలైన భూగర్భజల వినియోగ చార్జీలు రూ.3,02,64,788

బజార్‌హత్నూర్‌ మండలకేంద్రానికి చెందిన బిట్లింగు లక్ష్మణ్‌– సరస్వతి దంపతుల కుమారుడు ఉదయ్‌ పోటీ పరీక్షలేవైనా తన సత్తా చాటుతున్నాడు. ఒక్క ప్రభుత్వ ఉద్యోగమే గగనమైన ప్రస్తుత తరుణంలో ఏకంగా ఎనిమిది కొలువులకు ఎంపికయ్యాడు. 2019లో వీఆర్వో ఫలితాల్లో జిల్లాలో మూడో ర్యాంకు సాధించాడు. జూనియర్‌ పంచా యతీ కార్యదర్శి ఫలితాల్లో ఏకంగా మొదటి ర్యాంకు సాధించాడు. ఫారెస్ట్‌ బీట్‌ఆఫీసర్‌ ఫలితాల్లో ఐదోర్యాంకుతో సత్తాచాటాడు. ఎస్‌ఎస్సీ సీహెచ్‌ఎస్‌ఎల్‌లో పోస్టల్‌ అసిస్టెంట్‌గా ఎంపికయ్యాడు. 2023లో సింగరేణిలో జూనియర్‌ అసిస్టెంట్‌గా సెలక్ట్‌ అయ్యాడు. 2024లో గ్రూప్‌–4 ఫలితాల్లో 11వ ర్యాంకు సాధించి ఆదిలాబాద్‌ జిల్లా ట్రెజరీ కార్యాలయంలో ప్రస్తుతం జూనియర్‌ అకౌంటెంట్‌గా విధులు నిర్వహిస్తున్నాడు. ఇటీవల ప్రకటించిన గ్రూప్‌–1 ఫలితాల్లో 360 మార్కులు సాధించగా, గ్రూప్‌–2లో రాష్ట్రస్థాయి 51వ ర్యాంకు, గ్రూప్‌–3లో 74వ ర్యాంకుతో సత్తా చాటాడు. ఐఏఎస్‌ నా లక్ష్యం.. 2015లో బాసర ట్రిపుల్‌ ఐటీలో బీటెక్‌ పూర్తి చేశా. 2017 నుంచి పోటీ పరీక్షలకు ప్రిపేర్‌ అవుతున్నా. అదే సంవత్సరం బీసీ స్టడీ సర్కిల్‌ ద్వారా అప్పటి ఐఏఎస్‌ అధికారులు బి. గోపి, వల్లూరి క్రాంతిల చొరవతో కలెక్టర్‌ ప్రత్యేక నిధుల నుంచి పది మందిని హైదరాబాద్‌లోని ప్రముఖ కోచింగ్‌ సెంటర్లో జాయిన్‌ చేశారు. అందులో నేను కూడా ఉన్నాను. అక్కడ ఏడాది పాటు శిక్షణ తీసుకున్నా. అనంత రం ఇక్కడికి వచ్చా. అప్పటి నుంచి స్టడీ సర్కిల్‌లో రెగ్యులర్‌గా ప్రిపేరవుతున్నా. అధ్యాపకుల గైడెన్స్‌ ఉపకరించింది. గ్రూప్‌–1లో మెరిట్‌ ఉన్నా గ్రూప్‌ 2, గ్రూప్‌–3లలో తప్పకుండా ఉద్యోగం వచ్చే అవకాశాలు ఉన్నాయి. నా తదుపరి లక్ష్యం సివిల్స్‌. ఆ దిశగా ప్రిపరేషన్‌ కొనసాగిస్తున్నా. – ఉదయ్‌

ఆదిలాబాద్‌ జిల్లా కేంద్రంలోని సుదగణ గోపాల్‌గౌడ్‌–అనిత దంపతుల కుమార్తె నందిని ఇటీవల విడుదలైన గ్రూప్‌–1, 2, 3 ఫలితాల్లో మంచి మార్కులతో సత్తా చాటారు. గ్రూప్‌–1లో 412 మార్కులు సాధించగా, గ్రూప్‌–2లో 1083 ర్యాంకు, గ్రూప్‌–3లో 841 ర్యాంకు సాధించారు. 2021లో బీటెక్‌ పూర్తి చేసిన ఈమె సుమారు రెండేళ్ల పాటు టీసీఎస్‌లో సాఫ్ట్‌వేర్‌ ఇంజినీర్‌గా పనిచేశారు. అనంతరం తల్లిదండ్రులు, సోదరుల ప్రోత్సాహంతో సర్వీసెస్‌ వైపు అడుగుపెట్టి పోటీ పరీక్షలకు సిద్ధమయ్యారు. 2023 నుంచి ప్రిపరేషన్‌ ప్రారంభించారు. తాజాగా గ్రూప్స్‌లో సత్తా చాటి కొలువు ఖాయం చేసుకున్నారు. సివిల్స్‌ లక్ష్యంగా ప్రిపరేషన్‌ బీసీ స్టడీ సర్కిల్‌లోని స్టడీహాల్‌కు నిత్యం వెళ్తూ అక్కడ నిర్వహించే మోడల్‌ టెస్టులు రాశాను. దీంతో పోటీ పరీక్షల సన్నద్ధతపై స్పష్టత వచ్చింది. ఇది పరీక్ష రాసే సమయంలో ఎంతో దోహద పడింది. అక్కడ అన్ని రకాల పుస్తకాలు అందుబాటులో ఉంటాయి. నా ప్రిపరేషన్‌లో భాగంగా గ్రూప్‌–4 ఉద్యోగం సాధించాను. ప్రస్తుతం మావల మహాత్మ జ్యోతిబాపూలే గురుకుల డిగ్రీ కళాశాలలో జూనియర్‌ అసిస్టెంట్‌గా విధులు నిర్వహిస్తున్నా. సివిల్‌ సర్వీస్‌ ఆఫీసర్‌ కావడమే నా లక్ష్యం. ఆ దిశగా సన్నద్ధమవుతున్నా. – ఎస్‌.నందిని, రవీంద్రనగర్‌, ఆదిలాబాద్‌

తాంసి మండల కేంద్రానికి చెందిన బెల్లపు దేవి దాస్‌–లక్ష్మి దంపతుల కుమారుడు నగేష్‌ పేదరికాన్ని ఎదిరించి ప్రభుత్వ కొలువులు సాధిస్తూ పలువురికి ఆదర్శంగా నిలుస్తున్నాడు. ఓయూలో ఎమ్మెస్సీ (జువాలజీ), బీఎడ్‌ పూర్తి చేశాడు. 2017 నుంచి తన ప్రిపరేషన్‌ షురూ చేశాడు. ఈ క్రమంలో 2021లో మధ్యప్రదేశ్‌లోని సైనిక్‌ స్కూల్లో పీజీటీ ఉపాధ్యాయుడిగా ఎంపికయ్యాడు. అక్కడ విధులు నిర్వర్తిస్తూనే ఆది లాబాద్‌ బీసీ స్టడీ సర్కిల్‌ అధికారుల ప్రోత్సాహంతో ప్రిపరేషన్‌ సాగించాడు. ఫలితంగా గురుకుల పీజీటీ (బయో)లో రాష్ట్రస్థాయిలో 37వ ర్యాంకు సాధించాడు. అలాగే జూనియర్‌ లెక్చరర్‌ (జువాలజీ)లో 3వ ర్యాంకు, డిగ్రీ లెక్చరర్‌గా 5వ ర్యాంకు సాధించాడు. 2024 జూలైలో రంగారెడ్డి జిల్లా శంషాబాద్‌లో జ్యోతిబాపూలే గురుకుల డిగ్రీ కళాశాలలో లెక్చరర్‌గా చేరాడు. ఇటీవల విడుదలైన జెఎల్‌ ఫలితాల్లో రాష్ట్రస్థాయిలో 24వ ర్యాంకు వచ్చింది. జిల్లాలోనే పోస్టింగ్‌ దక్కింది. ప్రస్తుతం జిల్లా కేంద్రంలోనే విధులు నిర్వహిస్తున్నాడు.సంకల్ప బలమే ఆయుధంనేను మధ్యప్రదేశ్‌ సైనిక్‌ స్కూల్‌లో పీజీటీగా విధులు నిర్వర్తిస్తూనే ఆదిలాబాద్‌ బీసీ స్టడీ సర్కిల్‌ అధికారుల ప్రోత్సాహంతో ప్ర త్యేకంగా మొబైల్‌ యాప్‌ డౌన్‌లోడ్‌ చేసు కున్నా. ఆన్‌లైన్‌ క్లాసులు విని సన్నద్ధత కొనసాగించా. శ్రమను నమ్ముకుంటే విజయం వరిస్తుంది. అందుకు నేనే ఉదాహరణ. డిగ్రీలో ఉండగా కూలీ పనులకు కూడా వెళ్లాను. నిరంతర ప్రిపరేషన్‌తో సర్కారు కొలువు పెద్ద కష్టమేమికాదు. కావాల్సిందల్లా సంకల్ప బలమే. ప్రస్తుతం జిల్లాకేంద్రంలోని ప్రభుత్వ బాలుర జూనియర్‌ కళాశాలలో జువాలజీ లెక్చరర్‌గా విధులు నిర్వహిస్తున్నా. స్టడీ సర్కిల్‌ అధికారులు, సిబ్బంది ప్రోత్సాహం మరవలేనిది. – నగేశ్‌, తాంసి

ఆదిలాబాద్‌టౌన్‌: పదో తరగతి వార్షిక పరీక్షలు శుక్రవారం ప్రారంభమయ్యాయి. జిల్లాలో 52 పరీక్షా కేంద్రాలు ఏర్పాటు చేశారు. మొదటిరోజు పరీక్షకు 10,022 మంది విద్యార్థులు హాజరు కాగా, 32 మంది గైర్హాజరైనట్లు డీఈవో ప్రణిత తెలిపారు. రెగ్యులర్‌ విద్యార్థులు 10,043 మందికి 10,013 మంది హాజరు కాగా, 30 మంది గైర్హాజరయ్యారు. 99.70 శాతం హాజరు నమోదైంది. ప్రైవేట్‌ విద్యార్థులు 13 మందికి గాను 9 మంది హాజరు కాగా, ఇద్దరు గైర్హాజరయ్యారు. 81.82 శాతం హాజరు నమోదైంది. ఉదయం 9.30 నుంచి మధ్యాహ్నం 12.30 గంటల వరకు పరీక్ష నిర్వహించారు. పరీక్షా కేంద్రాల వద్దకు చేరుకున్న విద్యార్థులను సిబ్బంది క్షుణ్ణంగా పరిశీ లించి లోనికి అనుమతించారు. అవాంఛనీయ ఘట నలు చోటు చేసుకోకుండా కేంద్రాల వద్ద పోలీస్‌ బందోబస్తు ఏర్పాటు చేశారు. కలెక్టర్‌ రాజర్షిషా జిల్లా కేంద్రంలోని ప్రభుత్వ బాలికల ఆశ్రమ పాఠశాల, గజిటెడ్‌–1 పాఠశాలలో ఏర్పాటు చేసిన కేంద్రాలను సందర్శించారు. ఎస్పీ అఖిల్‌ మహాజన్‌ ప లు కేంద్రాలను పరిశీలించి బందోబస్తులో ఉన్న సి బ్బందికి సూచనలు చేశారు. డీఈవో ప్రణిత, స్క్వా డ్‌లు పరీక్షా కేంద్రాలను పర్యవేక్షించారు. విద్యార్థులు ఇబ్బంది పడకుండా అన్ని ఏర్పాట్లు చేయగా మొదటిరోజు పరీక్ష ప్రశాంతంగా ముగిసింది.● కేంద్రాలను తనిఖీ చేసిన కలెక్టర్‌, ఎస్పీ

ఆదిలాబాద్‌టౌన్‌: సర్కారు బడులపై ప్రభుత్వం ప్ర త్యేక దృష్టి సారించింది. ఇటీవల విడుదలైన పలు సర్వేల్లో విద్యాప్రమాణాలు తగ్గిపోతున్నట్లు తేలడంతో ఫోకస్‌ పెట్టింది. ప్రైవేట్‌, గురుకుల పాఠశాలల్లో విద్యార్థుల ప్రవేశాలు పెరగడం, ప్రభుత్వ యాజ మాన్య పాఠశాలల్లో అడ్మిషన్లు తగ్గడంతో చర్యలు చేపట్టింది. క్షేత్రస్థాయిలోకి వెళ్లి పాఠశాలల్లోని వాస్త వ పరిస్థితులను తెలుసుకునేందుకు రాష్ట్ర వి ద్యాపరిశోధన మండలి (ఎస్‌సీఈఆర్టీ) బృందాలను పంపుతోంది. జిల్లాకు డాక్టర్‌ ఎల్లయ్య, స్టాలిన్‌బాబును నియమించింది. వారానికి రెండురోజుల పాటు వీ రు జిల్లాలో పర్యటించి నివేదిక తయారు చేసి ప్రభుత్వానికి అందించనున్నారు. దీంతో సర్కారు బడుల్లో ఉన్న మౌలిక వసతులు, విద్యార్థుల సామర్థ్యాలు, ఉపాధ్యాయుల పనితీరు తేటతెల్లం కానుంది. ఇప్పటి కే మంచిర్యా ల జిల్లా లో ఎస్‌సీ ఈఆర్టీ బృందం తనిఖీలు చేపడుతోంది. త్వర లో ఆదిలాబాద్‌ జిల్లాలోనూ తనిఖీలు చేపట్టనున్నారు.సర్కారుకు తనిఖీ నివేదికలుజిల్లాలోని ప్రభుత్వ యాజమాన్య పాఠశాలలను ఎస్‌సీఈఆర్టీ బృందం సభ్యులు డాక్టర్‌ ఎల్లయ్య, స్టాలిన్‌ బాబు తనిఖీ చేయనున్నారు. ఉమ్మడి జిల్లా వ్యాప్తంగా 100 పాఠశాలలను తనిఖీ చేయనుండగా, ఆదిలాబాద్‌ జిల్లాలో 30 స్కూళ్లను తనిఖీ చేయనున్నట్లు సమాచారం. జిల్లాలో 477 ప్రాథమిక పాఠశాలలు, 112 ప్రాథమికోన్నత పాఠశాలలు, 120 ఉన్నత పాఠశాలలున్నాయి. 18 కేజీబీవీలు, ఆరు మోడల్‌ స్కూళ్లతోపాటు యూఆర్‌ఎస్‌ పాఠశాల ఉంది. ఈ పాఠశాలల్లో 65వేల మంది విద్యార్థులు విద్యనభ్యసిస్తున్నారు. ఎస్‌సీఈఆర్టీ బృందం ప్రస్తుతం పాఠశాలల్లో అమలు చేస్తున్న యాక్షన్‌ ప్లాన్‌, సిలబస్‌, ల్యాబ్‌ల నిర్వహణ, అంతర్గత మూ ల్యాంకన విధానం, విద్యార్థుల సామర్థ్యాలు, బో ధన తీరు, మౌలిక వసతులపై నివేదికలు తయారు చేసి ప్రభుత్వానికి అందజేయనున్నారు.జిల్లాలోని పాఠశాలల సమాచారంప్రాథమిక పాఠశాలలు 477ప్రాథమికోన్నత పాఠశాలలు 112ఉన్నత పాఠశాలలు 120కస్తూర్బా పాఠశాలలు 18ఆదర్శ పాఠశాలలు 6యూఆర్‌ఎస్‌ పాఠశాలలు 1

గుడిహత్నూర్‌: మండలంలోని ధనోరా (బి) జెడ్పీ హైస్కూల్‌ పదో తరగతి విద్యార్థిని ప్రతీక్ష పచ్చకామెర్లతో బాధపడుతోంది. శుక్రవారం ని ర్వహించిన మొదటి పరీక్షకు హాజరు కాగా, కా సేపటికే అస్వస్థతకు గురైంది. గుర్తించిన ఇన్వి జిలేటర్‌ వెంటనే సీఎస్‌ దేవిదాస్‌కు తెలిపారు. దేవిదాస్‌ ఎస్సై మహేందర్‌కు తెలుపగా అత డు మండలవైద్యాధికారి శ్యాంసుందర్‌కు సమా చారమిచ్చారు. దీంతో అక్కడికి చేరుకున్న వైద్యాధికారి ప్రతీక్షకు ప్రథమ చికిత్స చేశారు. కాసేపటికి కోలుకున్న ఆమె తిరిగి పరీక్ష రాసింది. అనంతరం ఆమెను పీహెచ్‌సీకి తరలించి చికిత్స అందించారు. వైద్యుల పర్యవేక్షణలో పరీక్షలు రాయవచ్చని వైద్యుడు సూచించారు.

ఆదిలాబాద్‌టౌన్‌: వివిధ రకాల సంపదతో గిరిజనులకు జీవనోపాధి కల్పిస్తున్న అడవిని సంరక్షించాల్సిన బాధ్యత ప్రతీ ఒక్కరిపై ఉందని ఎఫ్‌ఆర్‌వో గులాబ్‌సింగ్‌ పేర్కొన్నారు. ప్రపంచ అటవీ దినోత్సవాన్ని పురస్కరించుకుని శుక్రవారం డీఎఫ్‌వో కార్యాలయం వద్ద ఆయన బైక్‌ ర్యాలీని ప్రారంభించారు. ర్యాలీ పట్టణంలోని ప్రధాన వీధుల గుండా కొనసాగింది. ఈ సందర్భంగా ఆయన మాట్లాడుతూ.. అడవిలో నివాసముండే గిరిజనులకు అక్కడే జీవనోపాధి దొరుకుతుందని చెప్పారు. అడవిలో నిప్పు చెలరేగినా.. ఎవరైనా చెట్లు నరికినా.. వెంటనే అటవీశాఖ అధికారులకు సమాచారం అందించాలని కోరారు. ఇంటికి ఐదు మొక్కల చొప్పున నాటి పర్యావరణ పరిరక్షణకు కృషి చేయాలని సూచించారు. డిప్యూటీ రేంజ్‌ ఆఫీసర్‌ ప్రమోద్‌కుమార్‌, సెక్షన్‌ ఆఫీసర్లు అహ్మద్‌ఖాన్‌, గులాబ్‌, ధన్‌సింగ్‌, మొహబ్బత్‌రావు, బీట్‌ ఆఫీసర్లు సవిత, జ్యోతి, జ్యోత్స్న తదితరులు పాల్గొన్నారు.

కైలాస్‌నగర్‌: ఆదిలాబాద్‌ మున్సిపల్‌ టౌన్‌ ప్లానింగ్‌ బిల్డింగ్‌ ఓవర్‌సిర్‌ (టీపీబీవో)గా జిల్లా కేంద్రంలోని హౌసింగ్‌బోర్డు కాలనీకి చెందిన అంగునూరి సాయికృష్ణ నియమితులయ్యారు. ఈ మేరకు రాష్ట్ర డైరెక్టర్‌ ఆఫ్‌ టౌన్‌ అండ్‌ కంట్రీ ప్లానింగ్‌ ఎస్‌.దేవేందర్‌రెడ్డి ఉత్తర్వులు జారీ చే శారు. శుక్రవారం సాయికృష్ణ మున్సిపల్‌ కమి షనర్‌ సీవీఎన్‌ రాజును ఆయన కార్యాలయంలో కలిసి రిపోర్ట్‌ చేశారు. కమిషనర్‌కు పుష్పగుచ్ఛం అందజేసి తనను తాను పరిచయం చేసుకున్నారు. జిల్లాలో కొన్నేళ్లుగా ఖాళీగా ఉన్న ఈ పోస్టు ఎట్టకేలకు భర్తీ అయింది.

ఆదిలాబాద్‌టౌన్‌: సికిల్‌సెల్‌ను పూర్తిగా అంతం చేయడమే లక్ష్యంగా ముందుకు సాగుతున్నామని జిల్లా వైద్యారోగ్యశాఖ అధికారి నరేందర్‌ రాథోడ్‌ పేర్కొన్నారు. శుక్రవారం డీఎంహెచ్‌వో కార్యాలయ సమావేశ మందిరంలో సికిల్‌సెల్‌పై జిల్లా స్థాయి శిక్షణ కార్యక్రమం నిర్వహించారు. ఈ సందర్భంగా ఆయన మాట్లాడుతూ.. సికిల్‌సెల్‌ వ్యాప్తి, కట్టడి తదితర విషయాలను ప్రొజెక్టర్‌ ద్వారా మెడికల్‌ ఆఫీసర్లకు వివరించారు. సికిల్‌సెల్‌, ఎనీమియాతో అనేక మంది బాధపడుతున్నారని తెలిపారు. ఏజెన్సీ ప్రాంతాల్లో పరిస్థితి దారుణంగా ఉందని పేర్కొన్నారు. రక్తహీనత రాకుండా తీసుకోవాల్సిన పోషకాల గురించి వైద్యులకు తెలియజేస్తున్నట్లు చె ప్పారు. వారు క్షేత్రస్థాయిలో అవగాహన కల్పించా లని ఆదేశించారు. 2047 వరకు రాష్ట్రంలో సికిల్‌సె ల్‌, ఎనీమియా లేకుండా చేయడంలో ప్రతిఒక్కరూ సహకరించాలని కోరారు. సికిల్‌సెల్‌తో కణాలు రక్త సరఫరాకు అడ్డంకిగా మారుతాయని చెప్పారు. ప్ర ధానంగా గిరిజన ప్రాంతాల్లో ఇది ఎక్కవగా ఉంద ని తెలిపారు. కేరియర్‌లో ఎలాంటి లక్షణాలుండవ ని, ఒకరి నుంచి మరొకరికి వ్యాప్తి చెందే అవకాశం ఉందన్నారు. కౌన్సిలింగ్‌ ఇస్తే వ్యాప్తిని ఆరికట్టవచ్చని సూచించారు. డిప్యూటీ డీఎంహెచ్‌వో సాధన, ఎన్‌సీడీ ప్రోగ్రాం అధికారి శ్రీధర్‌, ఏటీడీవో అనిల్‌, మెడికల్‌ ఆఫీసర్లు, సూపర్‌వైజర్లు పాల్గొన్నారు.

కాసిపేట: మందమర్రి ఏరియాలోని కాసిపేట 1గనిపై గురువారం శశికాంత్‌ అనే రూప్‌ లేసర్‌ కార్మికుడు ప్రీ షిప్టు, మొదటి షిప్టు విధులు నిర్వహించి కళ్లు తిరిగి పడిపోయాడు. తోటి కార్మికుల కథనం ప్రకారం శశికాంత్‌ ఉదయం 5 గంటలకు ప్రీ షిప్టు విధులకు హాజరయ్యాడు. గనిలో తెగిపోయిన తాడును జాయింట్‌ చేసే పనిలో నిమగ్నంకాగా పని పూర్తికాక పోవడంతో అధికారుల ఒత్తిడి మేరకు మొదటి షిప్టు విధులు కూడా నిర్వర్తించాడు. మధ్యాహ్నం రెండున్నర గంటలకు గనిపైకి రాగా కళ్లు తిరిగి పడిపోయాడు. తోటి కార్మికులు ముందుగా మందమర్రి డిస్పెన్సరీకి, అక్కడి నుంచి రామకృష్ణాపూర్‌ ఏరియా ఆస్పత్రికి తరలించి చికిత్స అందిస్తున్నారు. అదనంగా షిప్టు నిర్వహించే కార్మికుడికి కనీసం టిఫిన్‌, పండ్లు, భోజనం ఏదైనా పంపించాల్సి ఉండగా అలా చేయకపోవడంతో ఈ సంఘటన జరిగినట్లు ఆరోపిస్తున్నారు. అధికారుల ఒత్తిడే కారణం కార్మికునికి ఇలా కావడానికి అధికారుల ఒత్తిడే కారణమని ఐఎన్టీయూసీ ఏరియా వైస్‌ ప్రెసిడెంట్‌ దేవి భూమయ్య విమర్శించారు. గురువారం రాత్రి కార్మి కుడిని పరామర్శించారు. గుర్తింపుసంఘం ఏఐటీయూసీ బెల్లంపల్లి బ్రాంచి కార్యదర్శి దా గం మల్లేశ్‌ మాట్లాడుతూ అధికారుల ఒత్తిడి కారణంగానే కార్మి కులు ఇబ్బందులకు గురవుతున్నారన్నారు.

మంచిర్యాలఅగ్రికల్చర్‌: ఉమ్మడి ఆదిలాబాద్‌ జిల్లాలో నేడు, రేపు రెండు రోజులపాటు ఉరుములు, మెరుపులు, ఈదురుగాలులతో పాటు వడగళ్లతో కూడిన వర్షం కురిసే అవకాశం ఉందని వాతావరణ శాఖ అధికారులు సూచిస్తున్నారు. వారం రోజులుగా ఎండలు మండి పోతుండగా గురువారం జిల్లాలో కాస్తా మబ్బుపట్టి ఉంది. శుక్ర, శనివారాల్లో వర్షంతో పాటు గంటకు 40 నుంచి 50 కిలోమీటర్ల వేగంతో బలమైన గాలులు వీచే అవకాశం ఉందని పేర్కొన్నారు. పంట పొలాలకు వెళ్లే రైతులు, పశువుల కాపర్లు చెట్ల కింద నిల్చోరాదన్నారు. కోసిన పంటలను ముందస్తుగా సురక్షిత ప్రాంతానికి తరలించాలన్నారు. మార్కెట్‌కు తరలించిన ధాన్యం తడవకుండా టార్పాలిన్‌తో కప్పి ఉంచాలన్నారు. కోతకు సిద్ధంగా ఉన్న కూరగాయలు ముందస్తుగా కోసుకోవాలని, పురుగు మందుల పిచికారీ తాత్కాలికంగా నిలిపివేయాలని సూచించారు. విద్యార్థి అదృశ్యంఆదిలాబాద్‌టౌన్‌: పట్టణంలోని ఓ ప్రైవేట్‌ పాఠశాలలో చదువుతున్న విద్యార్థి గురువారం అదృశ్యమయ్యాడు. బేల మండలంలోని గణేశ్‌పూర్‌కు చెందిన మడావి రాకేష్‌ ఆదిలాబా ద్‌ పట్టణంలోని గోపాలకృష్ణ విద్యామందిర్‌లో ఐదోతరగతి చదువుతున్నాడు. వసతిగృహంలో ఉంటూ విద్యాబోధన చేస్తున్నాడు. ఇంటర్వెల్‌ సమయంలో విద్యార్థి కనిపించకుండా పోవడంతో ప్రిన్సిపాల్‌ మాధవ్‌రావు వన్‌టౌన్‌ పోలీసుస్టేషన్‌లో ఫిర్యాదు చేయగా కేసు నమో దు చేసినట్లు సీఐ సునీల్‌ కుమార్‌ తెలిపారు.

బాసర(ముధోల్‌): బాసరలోని ఆర్జీయూకేటీలో గురువారం ‘ఇన్‌స్పైర్‌ అండ్‌ ఇగ్నైట్‌’ యూత్‌ ట్రాన్స్‌ఫర్మేషన్‌ మిషన్‌ కార్యక్రమం నిర్వహించారు. ఈ సందర్భంగా వైస్‌ చాన్స్‌లర్‌ ప్రొఫెసర్‌ గోవర్ధన్‌ మాట్లాడుతూ విద్యార్థులు ఉత్సాహంగా పాల్గొనడం ఆనందంగా ఉందన్నారు. కేఎల్‌ఆర్‌ ఇండస్ట్రీస్‌ యజమాని కే.లక్ష్మీరెడ్డి మెకానికల్‌ ఇంజినీరింగ్‌ విద్యార్థులకు పరిశ్రమల సందర్భనకు అవకాశం కల్పిస్తామనడం, శిక్షణ, ఇంటర్న్‌షిప్‌ కూడా అందిస్తామనడం సంతోషంగా ఉందన్నారు. ఈ కార్యక్రమంలో ఓఎస్డీ ప్రొఫెసర్‌ మురళీధర్షన్‌, ఏవో శ్రీ రణధీర్‌ సాగి, అసోసియేట్‌ డీన్‌ అకాడమిక్‌ అండ్‌ ప్లానింగ్‌ డాక్టర్‌ చంద్రశేఖరరావు, అసోసియేట్‌ డీన్‌ ఇంజినీరింగ్‌ డాక్టర్‌ కె. మహేష్‌, అసోసియేట్‌ డీన్‌ సైన్సెస్‌ అండ్‌ హ్యుమానిటీస్‌ డాక్టర్‌ విట్టల్‌, తదితరులు పాల్గొన్నారు. నేటి నుంచి టెక్‌ ఫెస్ట్‌ 2025 బాసర: బాసర ఆర్జీయూకేటీలో నేటి నుంచి మూడురోజుల పాటు టెక్‌ఫెస్ట్‌ 2025 ‘అంతఃప్రజ్ఞ’ కార్యక్రమం నిర్వహించనున్నట్లు వైస్‌ చాన్స్‌లర్‌ ప్రొఫెసర్‌ ఎ.గోవర్ధన్‌ తెలిపారు. గురువారం ఇందుకు సంబంధించిన పోస్టర్‌ ఆవిష్కరించారు. ఈ సందర్భంగా ఆయన మాట్లాడుతూ వివిధ ఇంజనీరింగ్‌ విభాగాల నుండి విద్యార్థుల వినూత్న ఆలోచనలు, ప్రాజెక్టులు ప్రదర్శిస్తారన్నారు. మానవీయ శాస్త్రాలు, సామాజిక శాస్త్ర విభాగాల నుండి హ్యాకథాన్‌లు, కోడింగ్‌ పోటీలు రోబోటిక్స్‌ సవాళ్లు వంటి ఇతర కార్యక్రమాలు కూడా ఉంటాయన్నారు. కార్యక్రమంలో ఓఎస్డీ ప్రొఫెసర్‌ మురళీధరన్‌, ఏవో రణధీర్‌ సాగి, అసోసియేట్‌ డీన్స్‌ డాక్టర్‌ మహేశ్‌, డాక్టర్‌ విట్టల్‌, ప్రోగ్రామ్‌ కన్వీనర్‌ డాక్టర్‌ ఆర్‌.అజయ్‌, స్వప్నిల్‌, ప్రకాష్‌, డాక్టర్‌ రాములు, ప్రభాకర్‌, తదితరులు పాల్గొన్నారు.

కై లాస్‌నగర్‌: ఆదిలాబాద్‌ జిల్లా కేంద్రంలోని ఇందిరా ప్రియదర్శిని స్టేడియంలో గల స్విమ్మింగ్‌పూల్‌కు రికార్డుస్థాయి ధర పలికింది. గురువారం ఖరారు చేసిన టెండర్లలో ఆదిలాబాద్‌ పట్టణం దుర్గానగర్‌కు చెందిన జబాడే రాష్ట్రపాల్‌ అత్యధికంగా రూ.21లక్షలు బిడ్‌ దాఖలు చేసి దక్కించుకున్నారు. 2025–26 సంవత్సరానికి గానూ స్విమ్మింగ్‌పూల్‌ నిర్వహణకు ఈ నెల 15 వరకు మున్సిపల్‌ అధికారులు టెండర్లు ఆహ్వానించారు. ఆఫ్‌లైన్‌లో ఆరుగురు కాంట్రాక్టర్లు టెండర్లను దాఖలు చేయగా మున్సిపల్‌ కార్యాలయంలో కమిషనర్‌ సీవీఎన్‌. రాజు ఆధ్వర్యంలో రూ.10,89,500 ప్రారంభ ధరతో టెండర్లు ఆహ్వానించగా రాష్ట్రాపాల్‌ అనే కాంట్రాక్టర్‌ అత్యధికంగా రూ.21లక్షలు కోట్‌ చేశారు. రెండోస్థానంలో ప్రఽశాంత్‌ అనే కాంట్రాక్టర్‌ రూ.16.20 లక్షలు బిడ్‌ చేశాడు. అత్యధిక ధరకు కోట్‌ చేసిన వ్యక్తికి స్విమ్మింగ్‌పూల్‌ను అప్పగిస్తూ టెండర్‌ ఖరారు చేశారు. నివేదికను కలెక్టర్‌ రాజర్షిషాకు పంపించి త్వరలోనే నూతన కాంట్రాక్టర్‌కు స్విమ్మింగ్‌పూల్‌ నిర్వహణ బాధ్యతలు అప్పగించనున్నట్లుగా మున్సిపల్‌ ఇంజినీర్‌ పేరి రాజు తెలిపారు. ఈ కార్యక్రమంలో స్టేడియం సూపరింటెండెంట్‌ రఫీ, మసూద్‌, తదితరులు పాల్గొన్నారు.

నిర్మల్‌ఖిల్లా: నిర్మల్‌ జిల్లా అనగానే మొదట గు ర్తుకు వచ్చేది కవులు, కళాకారులే.. సాహితీపరంగా చారిత్రక నేపథ్యం ఉన్న నిర్మల్‌ సాహితీ జిల్లాగా పేరు గాంచింది. ఇప్పటికే ఇక్కడి నుంచి వందలాది మంది కవులు, రచయితలు సాహితీ రంగంలో తమదైన ప్రతిభ చాటుతున్నారు. జిల్లాలో తొలితరం కవుల నుండి మొదలుకొని ప్రస్తుతం ఉన్న పద్యకవులు, వచన కవులు, కళాకారులు సాహితీవేత్తల వరకు కొదువలేదు. ప్రాచీన కవులు బోయ ధర్మయ్య, మామడ మునిపంతులు, పొన్నకంటి రాజయ్య నేటితరాన్ని ప్రభావితం చేసిన మడిపల్లి భద్రయ్య ఉన్నారు. ఆధునిక కవులలో ప్రస్తుతం బొందిడి పురుషోత్తం, నేరెళ్ల హన్మంతు, వెంకట్‌, చక్రధారి, దామెర రాములు, పత్తి శివప్రసాద్‌, తుమ్మల దేవరావు, కరిపె రాజ్‌కుమార్‌, పుండలీక్‌రావు, పోలీస్‌ భీమేష్‌, కృష్ణంరాజు, కామారపు జగదీశ్వర్‌, అబ్బడి రాజేశ్వర్‌రెడ్డి, తొడిశెట్టి పరమేశ్వర్‌.. ఇలా మరెందరో కవులు, రచయితలు తమ రచనలతో సామాజిక చైతన్య ప్రతీకలుగా కొనసాగుతున్నారు. నేడు ప్రపంచ కవితా దినోత్సవం సందర్భంగా జిల్లా కు చెందిన పలువురు కవుల అభిప్రాయాలు.సమాజమంతా కవిత్వం మిళితమై...సమాజమంతా కవిత్వం మిళితమై ఉంటుంది. కవిత్వంలేని సమాజం ఊహించలేం. సమాజాన్ని చైతన్యవంతం చేయడమే కవిత్వం పని. పల్లె పదాలతో అల్లుకున్న కవిత్వపు పాట ప్రజల నాలుకలపై సజీవంగా నడయాడుతుంది. ఆహ్లాద జీవితానికి కవిత్వం దోహదపడుతుంది. ఇప్పటికీ గ్రామీణ జన బాహుళ్యంలో పాటలు, కోలాటాలు, బతుకమ్మ, భజన పాటలతో సమాజాన్ని చైతన్య పరుస్తోంది కవిత్వమే. – తుమ్మల దేవరావు, సాహితీవేత్త, చరిత్రకారుడు, నిర్మల్‌

నేరడిగొండ(బోథ్‌): మండలంలోని బొందిడి గ్రామంలో గురువారం అధికారులు బాల్యవివాహాన్ని అడ్డుకున్నారు. గ్రామానికి చెందిన ఇంటర్‌ విద్యార్థినికి అదే గ్రామానికి చెందిన యువకుడితో పెళ్లి చేయాలని పెద్దలు నిశ్చయించారు. విషయం తెలుసుకున్న అంగన్‌వాడీ సూపర్‌వైజర్‌ మంజుల జిల్లా చైల్డ్‌ ప్రొటెక్షన్‌ యూనిట్‌, చైల్డ్‌ హెల్ప్‌లైన్‌ సహకారంతో గ్రామానికి వెళ్లి వివాహాన్ని అడ్డుకున్నారు. గ్రామస్తులకు చైల్డ్‌ మ్యారేజ్‌ ప్రొబిషన్‌ యాక్ట్‌ గురించి వివరించారు. చైల్డ్‌ హెల్ప్‌లైన్‌ కోఆర్డినేటర్‌ సతీశ్‌, పీవోఐసీ స్వామి, సోషల్‌ వర్కర్‌ రవికాంత్‌, అంగన్‌వాడీ టీచర్‌, ఆశ వర్కర్‌ పాల్గొన్నారు.

ఆదిలాబాద్‌టౌన్‌: కాంగ్రెస్‌ ప్రభుత్వం అసెంబ్లీలో ప్రవేశపెట్టిన బడ్జెట్‌తో జిల్లాకు ఎలాంటి ప్రయోజనం లేదని బీఆర్‌ఎస్‌ జిల్లా అధ్యక్షుడు జోగు రామన్న ఆరోపించారు. గురువారం జిల్లాకేంద్రంలోని పార్టీ కార్యాలయంలో విలేకరులతో మాట్లాడారు. చనాక–కొరా ట బ్యారేజ్‌కు నిధులు కేటాయించలేదని, దీ నిపై స్థానిక ఎమ్మెల్యే పాయల్‌ శంకర్‌ మా ట్లాడక పోవడం సిగ్గుచేటన్నారు. కాంగ్రెస్‌ ని యోజకవర్గ ఇన్‌చార్జి కంది శ్రీనివాస్‌ ఎమ్మె ల్యే అక్రమ భూములపై ఉద్యమిస్తుంటే ఆ యనేమో సీఎంకు దగ్గర కావాలని చూస్తున్నారని ఆరోపించారు. నియోజకవర్గానికి ఏ డాదికి 3,500 ఇండ్లు ఇస్తామని చెప్పిన సీ ఎం బడ్జెట్‌లో ఇందుకు అనుగుణంగా నిధులు కేటాయించలేదని విమర్శించారు.

ఆదిలాబాద్‌టౌన్‌: పైలట్‌ ప్రాజెక్ట్‌లో భాగంగా జిల్లా కేంద్రంలోని రిమ్స్‌ ఆస్పత్రిలో గురువారం నిర్వహించిన సదరం శిబిరాన్ని కలెక్టర్‌ రాజర్షి షా పరిశీలించారు. సర్టిఫికెట్ల కోసం వచ్చిన దివ్యాంగులతో మాట్లాడి స మస్యలు తెలుసుకున్నారు. ఈ సందర్భంగా ఆయన మాట్లాడుతూ.. 20 మంది సర్టిఫికెట్‌ కోసం ఆన్‌లైన్‌లో దరఖాస్తు చేసుకున్నట్లు చె ప్పారు. వారిని పరీక్షించిన వైద్యులు వైకల్య శాతాన్ని నిర్ధారిస్తారని తెలిపారు. యూడీఐ డీ ద్వారా అర్హుల ఇంటికే నేరుగా సర్టిఫికెట్లు పంపించనున్నట్లు పేర్కొన్నారు. రానున్న మూడు నెలల్లో సదరం క్యాంపులు నిర్వహించే తేదీలను త్వరలో ప్రకటించనున్నట్లు తెలి పారు. ఆయన వెంట రిమ్స్‌ డైరెక్టర్‌ జైసింగ్‌ రాథోడ్‌, డీఆర్డీవో రాథోడ్‌ రవీందర్‌, డీడబ్ల్యూవో మిల్కా, సూపరింటెండెండ్‌ అశోక్‌, ఆయా విభాగాల వైద్యులు పాల్గొన్నారు.

తాంసి(బోథ్‌): మండలంలోని కప్పర్లలో ఈ నెల 18న పురుగుల మందు తాగి ఆత్మహత్యకు యత్నించిన వ్య క్తి చికిత్స పొందుతూ మృతి చెందినట్లు పోలీసులు తెలిపారు. గ్రామానికి చెందిన జీపీ కార్మికుడు సలగంటి రాజలింగు (53) కొంతకాలంగా మద్యానికి బానిసయ్యాడు. ఈనెల 18న ఇంటివద్ద మద్యం మత్తులో పురుగుల మందు తాగా డు. గమనించిన కుటుంబ సభ్యులు రిమ్స్‌ కు తరలించి చికిత్స అందిస్తుండగా పరిస్థితి విషమించి గురువారం మృతి చెందాడు. మృతదేహన్ని ఎస్సై రాధిక పరిశీలించారు. మృతుని భార్య దేవత ఫి ర్యాదు మేరకు కేసు దర్యాప్తు చేస్తున్నట్లు ఎస్సై తెలిపారు.

ఉమ్మడి జిల్లాలో భూ కమతాల సగటు చూస్తే గతేడాది, తాజా సర్వే ప్రకారం యథావిధిగా ఉన్నాయి. అంటే భూమి చేతులు మారుతున్నప్పటికీ రైతుల వద్ద ఉన్న భూమి అలాగే కొనసాగుతోంది. గత ఆర్థిక సర్వేలోనూ ఉమ్మడి జిల్లాల్లో సగటు కమతం ఆదిలాబాద్‌ జిల్లాలో గరిష్టం 3.78ఎకరాలు ఉండగా, కనిష్టంగా మంచిర్యాలలో 2.29ఎకరాలు ఉంది. ఈ జిల్లాలో జనాభా తక్కువ, భూ లభ్యత ఎక్కువ కావడంతో సగటులో ఎక్కువ వస్తోంది. జిల్లాలో సగటు భూ కమతాలు (ఎకరాల్లో)ఆదిలాబాద్‌ 3.78ఆసిఫాబాద్‌ 1.39నిర్మల్‌ 2.47మంచిర్యాల 2.29

‘ఒక్క సిరా చుక్క లక్ష మెదళ్లకు కదలిక...’ అన్న వాక్కులు అక్షర సత్యాలు. ప్రపంచం నిండా కవిత్వం నిబిడీకృతమై ఉంది. జీవితానికి, జీవన అనుభవానికి ఆలంబన కవిత్వమే. సంక్లిష్ట సమాజాన్ని అర్థం చేసుకోవడానికి, నిద్రాణమైన జాతిని, మనిషిని మేల్కొల్పడానికి సరైన సాధనం కవిత్వమే. ‘కవియాత్ర’ పేరిట వర్ధమాన కవులను ప్రోత్సహించే నావంతు చిరు ప్రయత్నం చేస్తున్నా. – కారం శంకర్‌, ‘కవియాత్ర’ జాతీయ వ్యవస్థాపక అధ్యక్షుడు, నిర్మల్‌

బెల్లంపల్లి: తెలంగాణ పబ్లిక్‌ సర్వీస్‌ కమిషన్‌ బుధవారం విడుదల చేసిన మహిళాభివృద్ధి, శిశు సంక్షేమ శాఖ ఎక్స్‌టెన్షన్‌ గ్రేడ్‌–1 (సూపర్‌ వైజర్‌)పరీక్ష ఫలితాల్లో బెల్లంపల్లికి చెందిన సంహితరాజ్‌ సత్తా చాటింది. రాష్ట్రస్థాయిలో 21 ర్యాంక్‌, జోనల్‌ స్థాయిలో 4వ ర్యాంకు సాధించింది. పట్టణంలోని జీఎం కాలనీలో నివాసం ఉంటున్న కారంపూడి శ్రీనివాసరాజు–కృష్ణవేణి దంపతుల కుమార్తె అయిన సంహితరాజ్‌ గత నవంబర్‌లో వెలువడిన గ్రూప్‌–4 పరీక్ష ఫలితాల్లో జూనియర్‌ అసిస్టెంట్‌గా ఎన్నికై బెల్లంపల్లి మైనార్టీ బాలికల గురుకుల కళాశాలలో విధులు నిర్వహిస్తోంది. అంతటితో ఆగకుండా రోజుకు గరిష్టంగా 10 గంటల పాటు చదివి జనవరి 6, 7 తేదీల్లో నిర్వహించిన పరీక్షకు హాజరై ఎక్స్‌టెన్షన్‌ గ్రేడ్‌–1 ఉద్యోగానికి ఎంపికై ంది. తల్లి కృష్ణ బెల్లంపల్లి ప్రభుత్వ జూనియర్‌ కళాశాలలో, తండ్రి శ్రీనివాసరాజు శాంతిఖనిగనిలో డెప్యూటీ సూపరింటెండెంట్‌గా విధులు నిర్వహిస్తున్నారు. శ్రీనివాసరాజు కుమారుడు గత డిసెంబర్‌లో ప్రకటించిన సింగరేణి మేనేజ్‌మెంట్‌ ట్రెయినీ(అండర్‌ మేనేజర్‌)ఉద్యోగానికి ఎంపికయ్యాడు.

బాసర: నిర్మల్‌ జిల్లా బాసర గోదావరినది వద్ద గురువారం ఆత్మహత్యకు యత్నించిన వేర్వేరు కుటుంబాలకు చెందిన ఇద్దరి ప్రాణాలు కాపాడిన పోలీసులను పలువురు అభినందించారు. నిజామాబాద్‌ జిల్లా ఆలూరు గ్రామానికి చెందిన తిరుమనపల్లి సంపత్‌ గోదావరిలో దూకేందుకు యత్నిస్తుండగా విధి నిర్వహణలో అటుగా వెళ్తున్న పోలీసులు గమనించి అతన్ని రక్షించి కుటుంబ సభ్యులకు అప్పగించారు. నిజామాబాద్‌ జిల్లా డిచ్‌పల్లికి చెందిన కొమ్ము సుమలత గోదావరిలో దూకేందుకు ప్రయత్నిస్తుండగా గమనించిన స్థానికులు పోలీసులకు సమాచారం అందించారు. వెంటనే సంఘటన స్థలానికి చేరుకున్న పోలీసులు మహిళను పోలీస్‌ స్టేషన్‌కు తరలించడంతో ఎస్సై గణేశ్‌ ఆమెకు కౌన్సిలింగ్‌ ఇచ్చారు. అనంతరం కుటుంబ సభ్యులకు అప్పగించారు.

● యూట్యూబ్‌లో చూసి లాకర్‌ తెరిచి దొంగతనం ● వివరాలు వెల్లడించిన డీఎస్పీ జీవన్‌రెడ్డి ఆదిలాబాద్‌టౌన్‌: దొంగలు రోజురోజుకు కొత్త పుంతలు తొక్కుతున్నారు. టెక్నాలజీని ఉపయోగించి చోరీలకు పాల్పడుతున్నారు. మూడు రోజుల క్రితం ఆదిలాబాద్‌ పట్టణంలోని దస్నాపూర్‌లో గల నేషనల్‌ మార్ట్‌లో కటింగ్‌ గ్రైండర్‌తో ఓ దొంగ లాకర్‌ను పగలగొట్టి చోరీకి పాల్పడిన విషయం తెలిసిందే. తాజాగా ఆదిలాబాద్‌ పట్టణంలోని రిక్షా కాలనీలో ఓ మహిళ యూట్యూబ్‌లో చూసి గోద్రేజ్‌ లాకర్‌ను ఓపెన్‌ చేసి అందులో ఉన్న బంగారు ఆభరణాలు ఎత్తుకెళ్లింది. టూటౌన్‌ పోలీసు స్టేషన్‌లో గురువారం ఏర్పాటు చేసిన విలేకరుల సమావేశంలో ఆదిలాబాద్‌ డీఎస్పీ ఎల్‌.జీవన్‌ రెడ్డి వివరాలు వెల్లడించారు. పట్టణంలోని రిక్షా కాలనీకి చెందిన జాబు తిరుపతి ఈనెల 17న తన ఇంట్లో ఉన్న గోద్రేజ్‌ లాకర్‌లో భద్రపర్చిన ఆభరణాలు తెరిచి చూశాడు. అందులో ఉన్న రెండు తులాల బ్రాస్‌లెట్‌, తులంనర చొప్పున ఉన్న రెండు చైన్లు కనిపించకపోవడంతో టూటౌన్‌ పోలీసు స్టేషన్‌లో ఫిర్యాదు చేయగా పోలీసులు విచారణ చేపట్టారు. తిరుపతి ఇంట్లో పనిచేస్తున్న ప్రకాశం జిల్లాకు చెందిన కోట మమతను విచారించగా చోరీకి పాల్పడినట్లు ఒప్పుకుంది. హైదరాబాద్‌కు చెందిన సయ్యద్‌ ఇర్ఫాన్‌ పాషా వెల్డింగ్‌ పనిచేస్తున్నాడు. వీరిద్దరికి హైదరాబాద్‌లోని ఓ అపార్ట్‌మెంట్‌లో పనిచేసినప్పుడు పరిచయం ఉంది. పనిచేస్తున్న ఇంట్లో చోరీకి పాల్పడాలని సూచించాడు. తాను పనిచేస్తున్న ఇంట్లో గోద్రేజ్‌ లాకర్‌కు డిజిటల్‌ కీ ఉందని చెప్పడంతో సయ్యద్‌ ఇర్ఫాన్‌ యూట్యూబ్‌లో చూసి పాస్‌వర్డ్‌ కొట్టమని చెప్పాడు. ప్రయత్నించగా లాకర్‌ ఓపెన్‌ కావడంతో అందులో ఉన్న బంగారు ఆభరణాలు ఎత్తుకెళ్లింది. ఇర్ఫాన్‌ను పిలిచి రెండు తులాల చైన్‌ అప్పగించగా హైదరాబాద్‌లో విక్రయించాడు. గురువారం ఆదిలాబాద్‌ బస్టాండ్‌కు మరోసారి బంగారాన్ని తీసుకెళ్లి విక్రయించేందుకు వచ్చిన ఆయనను టూటౌన్‌ పోలీసులు అరెస్టు చేశారు. వారి వద్ద నుంచి రెండు తులాల బ్రాస్‌లెట్‌, 13 గ్రాముల చైన్‌, రూ.45వేల నగదు స్వాధీనం చేసుకున్నారు. దొంగలను పట్టుకున్న ఆదిలాబాద్‌ టూటౌన్‌ సీఐ కరుణాకర్‌రావు, ఎస్సై విష్ణుప్రకాష్‌, ఐడీ పార్టీ కానిస్టేబుల్‌ బొట్టు రమేశ్‌, బబితా, రుక్మారెడ్డిలను డీఎస్పీ అభినందించారు.

విరిగిన కొమ్మలు, ఎండిన చెట్లతో కనిపిస్తున్న ఈ చిత్రం ఆదిలాబాద్‌ పట్టణంలోని ప్రభుత్వ డైట్‌ కళాశాల ఆవరణలోగల పట్టణ ప్రకృతి వనానిది. పచ్చదనం ఆనవాళ్లే లేకుండా పోయి ఇది కళావిహీనంగా కనిపిస్తోంది. చెట్లు ఎండకుండా నీరందించాల్సిన మున్సిపల్‌ అధికారులు నిర్లక్ష్యంతో దీని నిర్వహణను మరిచారు.ప్రజలకు అందని ఆహ్లాదంఆదిలాబాద్‌ పట్టణంలో పచ్చదనాన్ని పెంపొందించి ప్రజలకు ఆహ్లాదకరమైన వాతావరణాన్ని అందించాలనే ఉద్దేశంతో గత బీఆర్‌ఎస్‌ ప్రభుత్వం 2020లో పట్టణ ప్రకృతి వనాలకు శ్రీకారం చుట్టింది. ఇందుకు ఉపాధిహామీ నిధులు మంజూరు చే సింది. ఆదిలాబాద్‌ మున్సిపల్‌ పరిధిలోని 49 వా ర్డుల పరిధిలో అధికారులు 40 ప్రకృతి వనాలు ఏర్పాటు చేశారు. మొక్కలను నాటడం నుంచి కంచె ఏర్పాటు వరకు ఒక్కోదానికి విస్తీర్ణానికి అనుగుణంగా రూ.3లక్షల నుంచి రూ.10లక్షల వరకు వెచ్చించారు. రికార్డుల ప్రకారం 40 ప్రకృతి వనాలకు నిధులు ఖర్చు చేసినప్పటికీ పదికి మించి ఏర్పాటు చేయలేదనే ఆరోపణలున్నాయి. మిగతా చోట్ల బోర్డులు ఏర్పాటు చేసి నిధులు స్వాహా చేశారనే ఆరోపణలు న్నాయి. పట్టణంలోని పలు వార్డుల్లో పట్టణ ప్రకృతి వనమనే బోర్డు కనిపించినా అక్కడ అలాంటి ఆనవాళ్లే కనిపించని పరిస్థితి ఉంది.అగ్గి పడితే అంతా బుగ్గే..ఒకటి, రెండు పట్టణ ప్రకృతి వనాలను మినహా యిస్తే పట్టణంలోని మెజార్టీ వార్డుల్లో నిర్వహణ లో పంతో ఆనవాళ్లు కోల్పోతున్నాయి. ప్రకృతి వనాల ను ఏళ్ల తరబడి శుభ్రం చేయడం లేదు. అందులో అస్తవ్యస్తంగా అల్లుకుపోయిన చెట్ల కొమ్మలు, తీగలు తొలగించడం లేదు. ఎండలకు రాలిపోయిన ఆ కులు, కొమ్మలను తీసివేయకపోడంతో అవి కుప్పలుతెప్పలుగా పేరుకుపోయాయి. మండుతున్న ఎండలకు చిన్నపాటి నిప్పురవ్వ పడినా పెద్దపెద్ద ప్రమాదాలు జరిగే అవకాశాలున్నాయి. అదే జరిగి తే ప్రకృతి వనాలన్నీ బుగ్గిపాలై ప్రజాధనం వృథా అవుతుందనే అభిప్రాయం సమీప కాలనీవాసుల నుంచి వ్యక్తమవుతోంది. మున్సిపల్‌ అధికారులు ఇప్పటికై నా నిర్లక్ష్యాన్ని వీడి ప్రకృతివనాల్లోని చెట్లకు నీరందించాలని పట్టణ ప్రజలు కోరుతున్నారు.ఆదిలాబాద్‌ పట్టణ వివరాలుపట్టణంలోని వార్డులు : 49కుటుంబాల సంఖ్య : 48,393పట్టణ జనాభా : 2.10 లక్షలుప్రకృతివనాల సంఖ్య : 40బోర్డులకే పరిమితమైనవి : 28ఒక్కోదానికి వెచ్చించిన నిధులు :రూ.3లక్షల నుంచి రూ.10లక్షలునిర్వహణ బాధ్యత ఎస్‌హెచ్‌జీలకే..పట్టణ ప్రకృతి వనాలను సంరక్షించే దిశగా ప్రత్యేక దృష్టి సారించాం. వాటి నిర్వహణ బాధ్యతలు పట్టణంలోని స్వయం సహాయక సంఘాల మహిళలకు అప్పగించేలా ప్రతిపాదనలు సిద్ధం చేస్తున్నాం. మున్సిపల్‌ ప్రత్యేకాఽధికారి అనుమతి తీసుకున్న అనంతరం సంఘాలకు ప్రకృతి వనాలను కేటాయిస్తాం. ఇందుకు కేంద్రం నుంచి ప్రత్యేక నిధులూ విడుదలయ్యే అవకాశముంది. ఆ దిశగా ప్రభుత్వానికి ప్రతి పాదనలు పంపించి పట్టణ ప్రకృతి వనాలు కాపాడేందుకు చర్యలు తీసుకుంటాం.– పేరిరాజు, మున్సిపల్‌ ఇంజినీర్‌, ఆదిలాబాద్‌

ఆదిలాబాద్‌ 29.51మంచిర్యాల 41.09ఆసిఫాబాద్‌ 40.24అడవుల విస్తరణ ఓకే అడవుల విస్తరణలో ఉమ్మడి జిల్లా మెరుగ్గానే ఉంది. మొత్తం భూ భాగంలో మంచిర్యాలలో 41శాతం విస్తరించి ఉండగా, ఆదిలాబాద్‌లో 29.51శాతం ఉంది. రాష్ట్రంలో ములుగు జిల్లా 64.64శాతంతో మొదటి స్థానంలో ఉండగా, కరీంనగర్‌లో అత్యల్పంగా 2.29శాతమే ఉంది. ఉమ్మడి జిల్లాలో క్రమంగా ఆర్థికవృద్ధి పెరుగుతున్న జీడీడీపీ, తలసరి ఆదాయం గత ఆర్థిక సర్వేతో పోలిస్తే తాజాగా కాస్త మెరుగు ‘తెలంగాణ సామాజిక ఆర్థిక ముఖచిత్రం–2025’లో వెల్లడిసాక్షి ప్రతినిధి, మంచిర్యాల: సామాజిక, ఆర్థిక రంగాల్లో ఉమ్మడి ఆదిలాబాద్‌ జిల్లా క్రమంగా వృద్ధిలో పయనిస్తోంది. గతంతో పోలిస్తే మార్పు కనిపిస్తోంది. రాష్ట్ర ప్రభుత్వం ఏటా బడ్జెట్‌ సందర్భంగా విడుదల చేసే సామాజిక ఆర్థిక ముఖచిత్రంలో ఈ విషయం స్పష్టమవుతోంది. గత 2024 (2022–23) సర్వేతో తాజాగా విడుదల చేసిన ఆర్థిక సంవత్సరాల (2023–24)తో పోల్చి చూసినప్పుడు ఈ మార్పులు వెల్లడవుతున్నాయి. కానీ.. రాష్ట్రంలో 33జిల్లాలతో పోలిస్తే నాలుగు జిల్లాలు ఇంకా అనేక అంశాల్లో వృద్ధి సాధించాల్సి ఉంది.జీడీడీపీలో మార్పు జిల్లా భూభాగంలో జరిగిన అంతిమ వస్తు సేవల విలువగా పేర్కొనే స్థూల జిల్లా జాతీయ ఉత్పత్తి (జీడీడీపీ)లో గతేడాది కన్నా పెరిగింది. అయితే రాష్ట్ర స్థాయిలో 33 జిల్లాల్లో ఉమ్మడి జిల్లా మొదటి పది స్థానాల్లో లేదు. ఇంకా ఈ ర్యాంకులు మెరుగుపడాల్సి ఉంది. అంటే స్థానికంగా ఉత్పాదక ఇంకా పెరగాల్సి ఉంది.

ఆదిలాబాద్‌టౌన్‌: దంతాలను సంరక్షించుకో వాలని రిమ్స్‌ డైరెక్టర్‌ జైసింగ్‌ రాథోడ్‌ సూ చించారు. వరల్డ్‌ ఓరల్‌ హెల్త్‌ డే సందర్భంగా గురువారం రిమ్స్‌ ఆస్పత్రిలోని దంత వి భాగంలో రోగులను పరీక్షించి ఉచితంగా పే స్ట్‌లు అందజేశారు. ఈ సందర్భంగా ఆయన మాట్లాడుతూ.. గుట్కా, సిగరెట్‌కు దూరంగా ఉండాలని సూచించారు. దంత సంబంధిత వ్యాధులకు రిమ్స్‌లో చికిత్స అందుబా టులో ఉందని చెప్పారు. కార్యక్రమంలో రిమ్స్‌ డెంటల్‌ విభాగం హెచ్‌వోడీ రవీందర్‌రెడ్డి, వైద్యులు వినోద్‌ బల్ల, సచిన్‌రెడ్డి, సమియొద్దీన్‌, రాధిక తదితరులున్నారు.

ఆదిలాబాద్‌టౌన్‌: ఇంటర్‌ పరీక్షలు ముగిశాయి. గురువారం చివరి పరీక్ష ముగియడంతో విద్యార్థులు పరస్పరం ఆటోగ్రాఫ్‌లు తీసుకున్నారు. వ సతి గృహాల్లో ఉండే విద్యార్థులు ఆనందంతో త ల్లిదండ్రులతో ఇంటిబాట పట్టారు. దీంతో జిల్లా కేంద్రంలోని బస్టాండ్‌ ప్రాంతం రద్దీగా మారింది. ఈసారి పరీక్షలు జిల్లాలో ప్రశాంత వాతావరణంలో ముగిశాయి. మాస్‌కాపీయింగ్‌కు ఆస్కారం లేకుండా సంబంధిత అధికారులు పరీక్షలను పకడ్బందీగా నిర్వహించారు. ఏ ఒక్క విద్యార్థి కూడా పరీక్షల్లో డిబార్‌ కాకపోవడం గమనార్హం. నేటి నుంచి వాల్యుయేషన్‌.. జిల్లా కేంద్రంలోని ప్రభుత్వ బాలికల జూనియర్‌ కళాశాలలో శుక్రవారం నుంచి మొదటివిడత ఇంటర్‌ జవాబు పత్రాల మూల్యాంకనాన్ని నిర్వహించనున్నారు. ఇందుకోసం డీఐఈవో జాదవ్‌ గణేశ్‌ ఏర్పాట్లు పూర్తి చేశారు. మొదటిరోజు తెలుగు, హిందీ, ఇంగ్లిష్‌, గణితం, పౌరశాస్త్రం సబ్జెక్టులకు సంబంధించి మూల్యాంకనం చేపట్టనున్నారు. ఇ ప్పటికే ఆయా జిల్లాల నుంచి జవాబు పత్రాలు స్పాట్‌ కేంద్రానికి చేరుకున్నాయి. ఎలాంటి ఘట నలు చోటుచేసుకోకుండా స్ట్రాంగ్‌ రూమ్‌ వద్ద పో లీసులు భారీ బందోబస్తు నిర్వహిస్తున్నారు. మూ ల్యాంకనం విధులు నిర్వహించే లెక్చరర్లంతా స కాలంలో స్పాట్‌ కేంద్రానికి చేరుకోవాలని డీఐఈవో జాదవ్‌ గణేశ్‌ సూచించారు. ఇంటిబాట పట్టిన విద్యార్థులు నేటి నుంచి మూల్యాంకనం

కై లాస్‌నగర్‌: జిల్లా అభివృద్ధిపై స్థానిక బీజేపీ ఎంపీ, ఎమ్మెల్యేలకు ఏమాత్రం చిత్తశుద్ధి ఉన్నా సీసీఐ పునరుద్ధరణపై ఈ పార్లమెంట్‌ సమావేశాల్లో కేంద్ర పరి శ్రమలశాఖ మంత్రితో స్పష్టమైన ప్రకటన చేయించాలని మాజీ మంత్రి జోగు రామన్న డిమాండ్‌ చేశా రు. ఫ్యాక్టరీ పునరుద్ధరణకు బడ్జెట్‌లో ప్రత్యేక నిధులు కేటాయించాలని, అలాగే యంత్రాలను తుక్కు కింద విక్రయించే ఈ టెండర్‌ ప్రక్రియను వెనక్కి తీ సుకోవాలనే డిమాండ్‌తో సీసీఐ సాధనకమిటీ ఆధ్వర్యంలో బుధవారం కలెక్టరేట్‌ ఎదుట రిలేదీక్షలు చే పట్టారు. ఈ సందర్భంగా ఆయ న హాజరై దీక్షలను ప్రారంభించి మాట్లాడారు. గత ప్రభుత్వ హయాంలో సీసీఐ పునరుద్ధరణకు అన్ని విధాలా ప్రయత్నం చేశానన్నారు. ప్రస్తుత ఎంపీ నగేశ్‌తో కలిసి ఢిల్లీ వెళ్లి అప్పటి పరిశ్రమలశాఖ మంత్రి అనంత్‌ గితేను ప లుమార్లు కలిసి విన్నవించానన్నారు. సీఎం రేవంత్‌ రెడ్డికి సన్నిహితుడిగా పేరున్న స్థానిక ఎమ్మెల్యే శంకర్‌ ఈ అసెంబ్లీ సమావేశాల్లో సీసీఐ అంశాన్ని ప్ర స్తావించాలని డిమాండ్‌ చేశారు. ఇందులో టీఎన్జీ వోస్‌ జిల్లా అధ్యక్షుడు అశోక్‌, సాధన కమిటీ సభ్యులు నారాయణ,ప్రభాకర్‌రెడ్డి,మల్లేశ్‌, దేవేందర్‌, పో శెట్టి, రామయ్య, ప్రేమల,మహేందర్‌ పాల్గొన్నారు.

● రాష్ట్ర బడ్జెట్‌పై మిశ్రమ స్పందన ● సంక్షేమానికి పెద్దపీట అంటున్న కాంగ్రెస్‌ ● ఆరు గ్యారంటీల అమలేదంటున్న విపక్షాలు ● జిల్లాలోని ప్రాజెక్టులకు నిధుల కేటాయింపు మహిళ, శిశు సంక్షేమంలో భాగంగా ఇందిరమ్మ ఇళ్లను మహిళల పేరిట మంజూరు చేస్తున్నారు. తొలివిడతలో నియోజకవర్గానికి 3500 చొప్పున మంజూరు కాగా జిల్లాకు దాదాపు 8000 ఇళ్లకు సంబంధించిన నిధులు మంజూరు కానున్నాయి. అలాగే యంగ్‌ ఇండియా రెసిడెన్షియల్‌ పాఠశాలల్లో బాలికలకు ఉచిత ఐఐటీ, నీట్‌ కోచింగ్‌ ఇవ్వనున్నట్లు వివరించారు. సాక్షి,ఆదిలాబాద్‌: రాష్ట్రంలో కాంగ్రెస్‌ ప్రభుత్వం ప్రవేశపెట్టిన బడ్జెట్‌పై మిశ్రమ స్పందన వ్యక్తమవుతుంది. శ్రీహస్తంశ్రీ పార్టీ నాయకులు ఇది అన్నివర్గాల ప్రజల సంక్షేమాన్ని దృష్టిలో పెట్టుకొని ప్రవేశపెట్టిన పద్దుగా కితాబు ఇచ్చుకుంటుండగా, ఆరు గ్యారెంటీల అమలు ఏదని బీఆర్‌ఎస్‌, బీజేపీలు అధికార పార్టీని ప్రశ్నిస్తున్నాయి. ఇదిలా ఉంటే జిల్లాలోని ప్రాజెక్టులకు ఈ బడ్జెట్‌లో నిధులు కేటాయించారు. కొరటా–చనాఖ ప్రాజెక్ట్‌ నిర్మాణంలో కమ్ముకున్న నీలినీడలు ఇకనైన తొలుగుతాయా చూడాల్సిందే. ప్రధానంగా భూసేకరణ వేగిరంగా జరగాల్సి ఉంది. అలాగే కుప్టి ప్రాజెక్టుకు స్వల్పంగా నిధులు కేటాయించారు. గత బడ్జెట్‌లోనూ ఈ ప్రాజెక్టుకు నిధులు కేటాయించినా ఆచరణలో మాత్రం విడుదల చేయలేదు. అలాగే సాత్నాల, మత్తడివాగు ప్రాజెక్ట్‌ల కోసం కూడా నిధుల కేటాయించారు. కాంగ్రెస్‌ ప్రభుత్వం అధికారంలోకి వచ్చిన తర్వాత అసెంబ్లీలో రెండోసారి బడ్జెట్‌ను బుధవారం ప్రవేశపెట్టారు. ఉప ముఖ్యమంత్రి, ఆర్థిక శాఖ మంత్రి మల్లు భట్టి విక్రమార్క 2025–26 వార్షిక సంవత్సరానికి సంబంధించిన బడ్జెట్‌ పద్దును చదివారు. శాఖల వారీగా కేటాయింపులను వివరించారు. ఆయా రంగాల్లో జిల్లాకు దక్కిన కేటాయింపుల వివరాలు ఇలా ఉన్నాయి. రైతు సంక్షేమం కోసం.. రైతు భరోసా కోసం అన్నదాతకు ఏడాదికి ఎకరానికి రూ.12వేల చొప్పున అందజేయనున్నట్లు వివరించారు. ఇందులో భాగంగా జిల్లాలోని లక్షకు పైగా రైతులకు ప్రయోజనం చేకూరనుంది. అలాగే వ్యవసాయ పెట్టుబడుల కోసం ప్రత్యేక ప్రోత్సాహకాలు అందించనున్నట్లు ప్రభుత్వం ప్రకటించింది. మార్కెట్‌ యార్డుల్లో ఆధునిక వసతులు, నూతన సదుపాయాలకు నిధులు కేటాయించనున్నట్లు వివరించారు. విత్తనాలు, ఎరువుల కొనుగోలుకు ప్రత్యేక సబ్సిడీ ఇవ్వనున్నట్లు వివరించారు. ఆయిల్‌పామ్‌ సాగుకు ప్రోత్సాహం అందించనున్నట్లు తెలిపారు. పశుసంవర్ధక శాఖ పరంగా కేటాయించిన నిధులతో లబ్ధిదారులకు వివిధ సంక్షేమ పథకాలు అందేందుకు అవకాశం ఉంది. నీటిపారుదల శాఖకు కేటాయించిన నిధుల్లో జిల్లాలోని పలు ప్రాజెక్టులకు కూడా దక్కనున్నాయి. యంగ్‌ ఇండియా ఇంటిగ్రేటెడ్‌ స్కూళ్లు.. యంగ్‌ ఇండియా ఇంటిగ్రేటెడ్‌ రెసిడెన్షియల్‌ స్కూ ళ్లు రాష్ట్రంలో 58 చోట్ల నిర్మాణం కోసం ప్రభుత్వం నిధులను కేటాయించింది. రానున్న రోజుల్లో ని యోజకవర్గానికి ఒకటి చొప్పున వీటిని నిర్మించనున్నట్లు వివరించారు. సంక్షేమ వసతిగృహాల్లో కామ న్‌డైట్‌ స్కీమ్‌ అమలుపర్చనున్నట్లు తెలిపారు. ఐటీఐలను అడ్వాన్స్‌ టెక్నాలజీ సెంటర్లుగా రూపాంత రం చేయనుండగా, జిల్లాలోని ఐటీఐలు కూడా ఈ రకంగా మారనున్నాయి. రోడ్లు బాగుపడేనా.. రోడ్లు భవనాల శాఖకు ప్రభుత్వం నిధులు మంజూరు చేసింది. అయితే హైబ్రిడ్‌ మోడల్‌లో 40 శాతం ప్రభుత్వం, 60 శాతం ప్రైవేట్‌ నుంచి నిధులు సేకరించి రోడ్ల నిర్మాణానికి వెచ్చించనున్నట్లు వెల్లడించింది. పంచాయతీరాజ్‌ శాఖకు కేటాయింపులతో పీఆర్‌ పరిధిలోని రోడ్లకు కూడా మహర్దశ కలగనుంది. గతేడాది వర్షాకాలంలో కురిసిన అధిక వర్షాలతో జిల్లాలో చాలాచోట్ల రోడ్లు దెబ్బతిన్నాయి. వీటి మరమ్మతులకు నిధులు వెచ్చించనున్నారు. మహిళల సంక్షేమం కోసం..ప్రాజెక్ట్‌ నిధుల కేటాయింపు (రూ. కోట్లలో) లోయర్‌ పెన్‌గంగ (కొరటా–చనాఖ) 179 కుప్టి ప్రాజెక్ట్‌ 0.50 సాత్నాల ఆధునికీకరణకు.. 85 మత్తడివాగు 30

● కలెక్టర్‌ రాజర్షి షాఆదిలాబాద్‌రూరల్‌: మండలంలోని బుర్కి గ్రామాభివృద్ధికి తన వంతు కృషి చేస్తానని కలెక్టర్‌ రాజర్షి షా అన్నారు. గవర్నర్‌ దత్తత తీసుకున్న ఈ గ్రామాన్ని బుధవారం ఆయన సందర్శించారు. తొలుత అంగన్‌వాడీ కేంద్రానికి చేరుకుని లబ్ధిదారులకు అందిస్తున్న పోషకాహారం వివరాలు అడిగి తెలుసుకున్నారు. ఇండియన్‌ రెడ్‌ క్రాస్‌ సొసైటీ ఆధ్వర్యంలో ఏర్పాటు చేసిన కార్యక్రమంలో గ్రామస్తులకు దుప్ప ట్లు, విద్యార్థులకు యూనిఫాం పంపిణీ చేశారు. ఈ సందర్భంగా ఆయన మాట్లాడుతూ, అంకోలి నుంచి గ్రామం వరకు ఆరు కిలోమీటర్ల మేర రహదారి నిర్మాణం చేపట్టనున్నట్లు తెలిపారు. ఈ పనులు మార్చి చివరిలోగా పూర్తయ్యేలా చూడాలని ట్రైబల్‌ వెల్ఫేర్‌ ఈఈని, అలాగే ఓపెన్‌ వెల్‌కు రిటర్నింగ్‌ వా ల్వ్‌ త్వరగా పూర్తి చేయాలని ఆర్‌డబ్ల్యూఎస్‌ అధికా రులను ఆదేశించారు. ఆయన వెంట ఐటీడీఏ పీవో ఖుష్బూ గుప్తా, ఎఫ్‌ఆర్వో గులాబ్‌సింగ్‌, ఎంపీడీవో నాగేశ్వర్‌రెడ్డి, డిప్యూటీ తహసీల్దార్‌ సాయి మహేశ్‌, పీఆర్‌ ఏఈ సంతోష్‌, ఏవో నగేష్‌రెడ్డి, ఎంపీవో స్వప్నశీల, రెడ్‌ క్రాస్‌ సొసైటీ చైర్మన్‌ గంగేశ్వర్‌, ఎంసీ సభ్యులు విజయ్‌బాబు, కోఆర్డినేటర్లు రూపేష్‌ రెడ్డి, కిషన్‌, కిరణ్‌ కుమార్‌రెడ్డి, తదితరులున్నారు. నాణ్యమైన వైద్యసేవలందించాలి ఆదిలాబాద్‌టౌన్‌: రిమ్స్‌కు వచ్చే రోగులకు మరింత నాణ్యమైన వైద్యసేవలందించేలా చూడాలని కలెక్టర్‌ రాజర్షి షా వైద్యులను ఆదేశించారు. పట్టణంలోని రిమ్స్‌లో బుధవారం సాయంత్రం వైద్యులు, ప్రొఫెసర్లతో సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ, ఆస్పత్రికి వచ్చే వారంతా పేదలేనని వారిని దృష్టిలో ఉంచుకుని సేవలు మెరుగుపరచాలన్నారు. ముఖ్యంగా గైనకాలజీ విభాగంలో అన్ని రకాల డెలివరీలు చేయాలన్నారు. రిఫరల్‌ లేకుండా చూడాలని ఆదేశించారు. ఆర్‌ఎంవోల బాధ్యతల నిర్వహణపై ఆరా తీశారు. కార్యక్రమంలో రిమ్స్‌ డైరెక్టర్‌ జైసింగ్‌ రాథోడ్‌, డీఎంహెచ్‌వో నరేందర్‌ రాథోడ్‌, ఆసుపత్రి సూపరింటెండెంట్లు అశోక్‌, సత్యనారాయణ తదితరులు పాల్గొన్నారు.

ఆదిలాబాద్‌టౌన్‌: రిమ్స్‌ వైద్య కళాశాలలో ఖాళీగా ఉన్న కాంట్రాక్ట్‌ వైద్యుల పోస్టుల నియామకానికి మంగళవారం డైరెక్టర్‌ జైసింగ్‌ రాథోడ్‌ ఇంటర్వ్యూ నిర్వహించగా 33 మంది హాజరయ్యారు. సైకాలజీ విభాగంలో ప్రొఫెసర్‌ పోస్టుకు ఒకరు, అసిస్టెంట్‌ ప్రొఫెసర్‌, పాథాలజీలో అసిస్టెంట్‌ ప్రొఫెసర్‌, సీనియర్‌ రెసిడెంట్‌కు ఒక్కొక్కరు చొప్పున హాజరైనట్లు డైరెక్టర్‌ తెలిపారు. పీడియాట్రిక్‌ విభాగంలో ఆరుగురు అసిస్టెంట్‌ ప్రొఫెసర్లు, ఇద్దరు సీనియర్‌ రెసిడెంట్లు, ఆప్తాల్మిక్‌లో ఇద్దరు అసిస్టెంట్‌ ప్రొఫెసర్లు, నలుగురు ట్యూటర్లు, అనస్తీషియాలో ఒకరు అసోసియేట్‌, నలుగురు అసిస్టెంట్‌ ప్రొఫెసర్లు, టీబీసీడీలో ఒక సీనియర్‌ రెసిడెంట్‌, రేడియాలజీ విభాగంలో ఒక అసిస్టెంట్‌ ప్రొఫెసర్‌, ఆర్థోలో ఒక అసిస్టెంట్‌ ప్రొఫెసర్‌ హాజరైనట్లు పేర్కొన్నారు. సూపర్‌ స్పెషాలిటీ ఆస్పత్రిలో మెడికల్‌ గ్యాస్ట్రాలజీలో ఒకరు అసిస్టెంట్‌ ప్రొఫెసర్‌, ప్లాస్టిక్‌ సర్జరీలో ఒక అసిస్టెంట్‌ ప్రొఫెసర్‌, మైక్రాలజీలో నలుగురు, జనరల్‌ మెడిసిన్‌లో ఒక అసిస్టెంట్‌ ప్రొఫెసర్‌ హాజరైనట్లు వివరించారు.

కై లాస్‌నగర్‌: బీసీ రిజర్వేషన్‌, ఎస్సీ వర్గీకరణ బిల్లుల ఆమోదం, జొన్నల కొనుగోళ్ల పరిమితి పెంచడాన్ని స్వాగతిస్తూ జిల్లా కేంద్రంలో మంగళవారం సీఎం రేవంత్‌రెడ్డి, జిల్లా ఇన్‌చార్జి మంత్రి సీతక్క చిత్రపటాలకు కాంగ్రెస్‌ నాయకులు పాలాభిషేకం చేశా రు. ఈ సందర్భంగా స్థానిక ప్రజాసేవ భవన్‌లో పా ర్టీ నియోజకవర్గ ఇన్‌చార్జి కంది శ్రీనివాస్‌రెడ్డి మా ట్లాడారు. ఎస్సీ, ఎస్టీ, బీసీ, మైనార్టీ యువత జీవి తాల్లో వెలుగులు నింపేలా రాష్ట్ర ప్రభుత్వం రాజీవ్‌ యువ వికాసం పథకాన్ని ప్రవేశపెట్టిందని తెలిపా రు. ఆదిలాబాద్‌ ఎయిర్‌పోర్టును సాధిస్తామని ము ఖ్యమంత్రి రేవంత్‌రెడ్డి అసెంబ్లీలో ప్రకటించారని పేర్కొన్నారు. ఇది జిల్లా అభివృద్ధిపై ఆయనకున్న చిత్తశుద్ధికి నిదర్శనమని చెప్పారు. నాయకులు భూ పెల్లి శ్రీధర్‌, చరణ్‌గౌడ్‌, పవన్‌, శ్రీనివాస్‌, సతీశ్‌, నర్సింగ్‌, వెంకన్న తదితరులు పాల్గొన్నారు.

ఆదిలాబాద్‌టౌన్‌: జిల్లాలోని అన్ని యాజ మాన్యాలకు చెందిన పాఠశాలల్లో స్కౌట్స్‌ అండ్‌ గైడ్స్‌ యూనిట్ల ఏర్పాటుకు చర్యలు చే పడతామని డీఈవో ప్రణిత తెలిపారు. మంగళవారం జిల్లా కేంద్రంలోని ప్రగతి పాఠశాలలో స్కౌట్స్‌ అండ్‌ గైడ్స్‌ అవగాహన శిబిరా నికి హాజరై మాట్లాడారు. దేశభక్తి, క్రమశిక్షణ, సామాజిక సేవా దృక్పథాన్ని పెంపొందించే స్కౌట్‌ ఉద్యమంలో విద్యార్థులు భాగస్వాములు కావాలని సూచించారు. జిల్లా కేంద్రంలోని స్కౌట్‌ అండ్‌ గైడ్స్‌ కార్యాలయ క్యాంపు సైట్‌ ప్రహరీ నిర్మాణానికి కృషి చే స్తానని చెప్పారు. స్కౌట్స్‌ అండ్‌ గైడ్స్‌ జిల్లా అసోసియేషన్‌ ఉపాధ్యక్షులు వకుళాభరణం ఆదినాథ్‌, కాంచనవల్లి రత్నాకర్‌, కార్యదర్శి ఎన్‌.స్వామి, కోశాధికారి కన్నం మోహన్‌బా బు, సంయుక్త కార్యదర్శి లక్ష్మి, శిక్షణ కమిషనర్‌ నాగిరెడ్డి, స్కౌట్‌ మాస్టర్లు, గైడ్‌ కెప్టెన్లు దత్తు, లక్ష్మి, జీవిత తదితరులున్నారు.

● మూడు గూడేలకు ఒకే చేతిపంపు ● సరఫరా కాని మిషన్‌ భగీరథ నీరు ● అధికారులకు పట్టని నీటి సమస్య ● గిరిజన బిడ్డలకు తప్పని నీళ్ల గోస నార్నూర్‌: ఏజెన్సీ ప్రాంతంలోని ఆదివాసీ గిరిజన గ్రామాలకు కనీస సౌకర్యాలు కల్పించేందుకు ప్రభుత్వం ఐటీడీఏ ద్వారా రూ.కోట్లు ఖర్చు చేస్తున్నా తాగునీటి సమస్య మాత్రం పరిష్కారం కావడంలేదు. దీంతో బిందెడు నీటి కోసం ఇప్పటికీ ఆదివాసీలు కాలినడకన కిలోమీటర్ల దూరం వెళ్లాల్సి వస్తోంది. నీటి సమస్య ఉన్న గ్రామాల యువకులకు పిల్లనిచ్చేందుకు కూడా ఎవరూ ముందుకు రావడంలేదని ఆయా గ్రామాల గిరిజనులు ఆందోళన్యక్తం చేస్తున్నారు. ప్రజాప్రతినిధులు, అధికా రులకు సమస్య తెలిపినా పరిష్కరించడంలేదని ఆ రోపిస్తున్నారు. ఓట్లప్పుడే హామీలు ఇస్తూ ఆ తర్వాత కనిపించడంలేదని వాపోతున్నారు. 40 ఏళ్లుగా నీటి కోసం అరిగోస పడుతున్నామని, ఇంకెన్నాళ్లు ఈ బాధలు పడాలని ప్రశ్నిస్తున్నారు. నార్నూ ర్‌ మండలం సుంగాపూర్‌ పంచాయతీ పరిధిలో మూడు అనుబంధ గ్రామాలైన లంబాడీతండా, కొలాంగూడ, గొండుగూడకు తాగునీటి సమస్య తెలుసుకునేందుకు ‘సాక్షి’ మంగళవారం వెళ్లింది. ఆయా గ్రామాల ప్రజలు తీవ్రమైన నీటి సమస్య ఎదుర్కొంటున్నట్లు పరిశీలనలో వెల్లడైంది. గొండుగూడవాసుల గోస తీరేనా? సుంగాపూర్‌ పంచాయతీ పరిధిలో 250 కుటుంబాలుండగా 1,500 మంది జనాభా ఉన్నారు. గొండుగూడలో 100 కుటుంబాలుండగా 400 జనాభా ఉంది. గొండుగూడలో గతేడాది ఐటీడీఏ ద్వారా బో రు వేసినా నీళ్లు అడుగంటాయి. మిషన్‌ భగీరథ నీ రు సరఫరా అంతంతే. దీంతో బిందెడు నీటి కోసం ఉదయం 4గంటలకే చిన్నాపెద్దా లేచి రెండు కిలో మీటర్ల దూరం నడిచి చేతిపంపు, బావి నుంచి నీటిని తెచ్చుకుంటున్నారు. కొందరు నీటి కోసం ఎడ్లబండిని వినియోగిస్తున్నారు. వేసవిలో వీరి బా ధలు నిత్యకృత్యమయ్యాయంటే అతిశయోక్తి కాదు. కొలాంగూడ కష్టాలు గట్టెక్కేనా? కొలాంగూడలో 70 కొలాం గిరిజన కుటుంబాలు ని వాసముంటున్నాయి. పీటీజీల సంక్షేమానికి ప్రభుత్వాలు నిధులు కేటాయించి అభివృద్ధికి చర్యలు తీ సుకోవాల్సి ఉన్నా అధికారుల నిర్లక్ష్యం వారికి శా పంగా మారుతోంది. మిషన్‌ భగీరథ నీళ్లు అంతంత మాత్రంగానే వస్తున్నాయి. నాలుగు దశాబ్దాలుగా గ్రామంలోని ఏకైక చేతిపంపు నీటితోనే మూడు గూడేల ప్రజలు దాహం తీర్చుకుంటున్నారు. లంబాడీతండా.. సమస్యల అడ్డా లంబాడీ తండాలో 100 గిరిజన కుటుంబాలుండగా, 400కు పైగా జనాభా ఉంది. గ్రామంలో మిష న్‌ భగీరథ నీళ్ల ట్యాంకున్నా ఉపయోగం లేదు. చేతి లో బిందెలు పట్టుకుని కొలాంగూడకు లేదా సమీ పంలోని బావి వద్దకు వెళ్లాల్సిన దుస్థితి. గ్రామంలో ఎలాంటి నీటి సౌకర్యం లేదు. వేసవి ప్రారంభంలోనే గిరిజనులు ఇబ్బంది పడుతున్నారు. పరిష్కారం చూపుతాం సుంగాపూర్‌లో నీటి సమస్య పరిష్కరించడానికి చర్యలు తీసుకుంటాం. సమస్యను ఇప్పటికే కలెక్టర్‌ దృష్టికి తీసుకువెళ్లాం. ప్రతిపాదనలు కూడా పంపించాం. నిధుల మంజూరు కోసం ఎదురుచూస్తున్నం. త్వరలో నీటి సమస్యకు శాశ్వత పరిష్కారం చూపిస్తాం. – రోడ్డ శ్రీనివాస్‌, డీఈఈ, ఉట్నూర్‌

ఆదిలాబాద్‌టౌన్‌: పార్లమెంట్‌ సమావేశాల్లో సీసీఐ పునఃప్రారంభానికి నిధులు కేటా యించాలని సీసీఐ సాధన కమిటీ కన్వీనర్‌ దర్శనాల మల్లేశ్‌ డిమాండ్‌ చేశారు. మంగళవారం జిల్లా కేంద్రంలోని సుందరయ్య భవనంలో నిర్వహించిన సమావేశంలో ఆయన మాట్లాడారు. జిల్లాకు చెందిన ఎంపీ, ఎమ్మెల్యేలు సీసీఐ పునఃప్రారంభానికి ప్రయత్నించకపోవడం బాధాకరమని పేర్కొన్నారు. దీ నిపై కలెక్టరేట్‌ ఎదటు రిలే నిరాహార దీక్ష చేపట్టనున్నట్లు తెలిపారు. కమిటీ కోకన్వీ నర్లు విజ్జగిరి నారాయణ, వెంకట్‌ నారాయణ, లంక రాఘవులు, అరుణ్‌కుమార్‌, లోకా రి పోశెట్టి, జగన్‌సింగ్‌, ఈశ్వరిదాస్‌, ఆర్‌.రమేశ్‌, అగ్గిమల్ల గణేశ్‌ తదితరులున్నారు.

● కలెక్టర్‌ రాజర్షి షా ● అధికారులతో సమీక్షకై లాస్‌నగర్‌: జిల్లాలో తాగునీటి ఎద్దడి తలెత్తకుండా ముందస్తు చర్యలు చేపట్టాలని కలెక్టర్‌ రాజర్షి షా అధికారులను ఆదేశించారు. తాగునీటి కార్యాచరణ ప్రణాళిక, భూగర్భ జలాల పెరుగుదలకు చేపట్టా ల్సిన చర్యలపై మంగళవారం కలెక్టరేట్‌ సమావేశ మందిరంలో సమీక్షా సమావేశం నిర్వహించారు. ఆయన మాట్లాడుతూ.. మిషన్‌ భగీరథ ద్వారా నీటి సరఫరా వ్యవస్థను పటిష్టం చేయాలని చెప్పారు. పంపుహౌస్‌, బోర్‌వెల్స్‌, బావులు, మిషన్‌ భగీరథ పైపులైన్‌ లీకేజీలను వెంటనే గుర్తించి మరమ్మతు చేపట్టాలని సూచించారు. నీటి సంరక్షణ, పొదుపుపై ప్రజలకు అవగాహన కల్పించాలని తెలిపారు. నీటి ఎద్దడి ఉన్న ప్రాంతాలకు ట్యాంకర్ల ద్వారా సరఫరా చేయాలని సూచించారు. గ్రామాలు, మున్సి పాలిటీల్లో నీటి సమస్యను గుర్తించి వెంటనే నివేదిక అందించాలని తెలిపారు. ఆదిలాబాద్‌ రూరల్‌, ఉట్నూర్‌, నార్నూర్‌, ఇంద్రవెల్లి, గాదిగూడ, సిరికొండ, బజార్‌హత్నూర్‌ మండలాల్లోని సమస్యాత్మక హ్యాబిటేషన్లలో నీటి ఎద్దడి నివారణకు ప్రత్యేక చర్యలు చేపట్టాలని సూచించారు. ఉపాధిహామీ కింద ప్రతీ గ్రామీణ పేద కుటుంబానికి 100 రోజుల పని కల్పించేలా చర్యలు చేపట్టాలని తెలిపారు. వేసవిలో ఎండ తీవ్రత పెరుగుతున్నందున ఉదయం 6నుంచి 11గంటలలోపే పనులు పూర్తయ్యేలా చూడాలని పేర్కొన్నారు. వడదెబ్బ బారిన పడకుండా పని ప్రదేశంలో కూలీలు గంటకోసారి నీరు తాగేలా చూడాలని సూచించారు. వేసవికాలం ముగిసే దాకా కూలీలకు నీడ సౌకర్యం కల్పించాలని, ఓఆర్‌ఎస్‌ ప్యాకెట్లు, మందుల కిట్‌ అందుబాటులో ఉంచాలని ఆదేశించారు. జెడ్పీ సీఈవో జితేందర్‌రెడ్డి, డీఆర్డీవో రాథోడ్‌ రవీందర్‌, డీఎల్పీవో ఫణీందర్‌రా వు, గ్రౌండ్‌ వాటర్‌ ఏడీ శ్రీవల్లి, ఆర్‌డబ్ల్యూఎస్‌ ఈఈ చంద్రమోహన్‌, ఎంపీడీవోలు, ఆర్‌డబ్ల్యూఎస్‌, మిషన్‌ భగీరథ ఏఈలు, ఈసీలు పాల్గొన్నారు.

ఆదిలాబాద్‌టౌన్‌: అసెంబ్లీ బడ్జెట్‌ సమావేశాల్లో ఆశ కార్యకర్తల సమస్యలపై చర్చించి పరిష్కరించేలా చూడాలని సీఐటీయూ జిల్లా కార్యదర్శి కిరణ్‌ కోరారు. మంగళవారం జిల్లా కేంద్రంలో డీఎంహెచ్‌వో నరేందర్‌ రాథోడ్‌ను కలిసి వినతిపత్రం అందజేశారు. ఈ సందర్భంగా ఆయన మాట్లాడు తూ.. రూ.18వేల వేతనం, పీఎఫ్‌, ఈఎస్‌ ఐ, పింఛన్‌, ఇన్సూరెన్స్‌ సౌకర్యం కల్పించాలని కోరారు. ఏఎన్‌ఎం శిక్షణ పూర్తి చేసి న వారికి ప్రమోషన్‌ ఇవ్వాలని విజ్ఞప్తి చేశా రు. రిటైర్మెంట్‌ బెనిఫిట్స్‌ కింద రూ.5లక్షలు చెల్లించాలని కోరారు. తమ సమస్యలను అసెంబ్లీలో ప్రస్తావించకుంటే ఉద్యమం ఉ ధృతం చేస్తామని హెచ్చరించారు. కార్య క్రమంలో సంఘం జిల్లా కార్యదర్శి సుజాత, లత, ఆశ, అనిత తదితరులున్నారు.

పొలాలకు రోడ్లు వేయాలి వ్యవసాయ పొలాలకు వెళ్లేందుకు సరైన రోడ్లు లేక రైతులు ఇబ్బంది పడుతున్నారు. ఈ విషయం అసెంబ్లీలో అనేకసార్లు ప్రస్తావించి ప్రతిపాదనలూ అందజేశాం. బీటీ రోడ్లకు మరమ్మతు చేయాలి. వానాకాలం కంటే ముందే లోతట్టు ప్రాంతాల వద్ద బ్రిడ్జీలు నిర్మించాలి. కొరాట–చనాకాకు నిధులు విడుదల చేసి ప్రాజెక్ట్‌ను పూర్తి చేయాలి. సాత్నాల ఆయకట్టు కెనాల్‌ లైనింగ్‌ పనులు చేపట్టాలి. ఇందుకు నిధులు కేటాయించాలి. – పాయల్‌ శంకర్‌, ఆదిలాబాద్‌ ఎమ్మెల్యే బడుల్లో వసతులు కల్పించాలి గురుకులాలు, ఆశ్రమ పాఠశాలల్లో కనీస మౌలిక వసతులు లేక విద్యార్థులు తీవ్ర ఇబ్బందులు ఎదుర్కొంటున్నారు. బెడ్లు లేక పలు పాఠశాలల్లో కింద పడుకుంటున్నారు. నియోజకవర్గంలో తాగు, సాగునీటి సమస్యలు పరిష్కరించాలి. కేసీఆర్‌ సర్కారు ప్రారంభించిన అనేక పథకాలను ఈ ప్రభుత్వం విస్మరిస్తోంది. వాటిని పూర్తి చేసే దిశగా చర్యలు తీసుకోవాలి. – అనిల్‌ జాదవ్‌, బోథ్‌ ఎమ్మెల్యే సాక్షి, ఆదిలాబాద్‌: కాంగ్రెస్‌ సర్కారు బుధవారం అసెంబ్లీలో రాష్ట్ర బడ్జెట్‌ ప్రవేశపెట్టనుంది. ఉపముఖ్యమంత్రి, ఆర్థికశాఖమంత్రి మల్లు భట్టివిక్రమార్క ఈ పద్దు చదవనున్నారు. బడ్జెట్‌లో జిల్లాకు ఒనగూరే చర్యలు ఏవైన ఉంటాయా.. అని జిల్లా ప్రజలు గంపెడాశలు పెట్టుకున్నారు. గతేడాది బడ్జెట్‌లో నామమాత్రంగా జిల్లాకు కేటాయింపులు జరిగినా ఒక్క రూపాయి కూడా విడుదల కాలేదు. ఈ నేపథ్యంలో నేటి బడ్జెట్‌లో జిల్లాకు స్వాంతన లభించేలా కాంగ్రెస్‌ ప్రభుత్వం నుంచి చేయూత ఉంటుందో.. లేదో చూడాల్సిందే. రాష్ట్ర ప్రభుత్వం ప్రవేశపెట్టనున్న బడ్జెట్‌పై జిల్లా ప్రజలు ఎన్నో ఆశలు పెట్టుకున్నారు. ప్రధానంగా ఏళ్లుగా ఎన్నో ప్రాజెక్ట్‌లు పెండింగ్‌లో ఉన్నాయి. వాటికి నిధులు కేటాయిస్తారా.. అనేది చూడాల్సిందే. కొన్ని ప్రాజెక్ట్‌లు అసంపూర్తిగా ఉండగా, మరికొన్ని ప్రారంభించాల్సి ఉంది. రహదారులు, బ్రిడ్జీల నిర్మాణంపై ప్రజలు ఆశలు పెట్టుకున్నారు. విద్య, వైద్య రంగంలో మౌలిక సదుపాయాల అభివృద్ధికి ఎలాంటి చర్యలు ఉంటాయో చూడాల్సిందే. వీటిపై ముందడుగు పడేనా?● తెలంగాణ–మహారాష్ట్ర సరిహద్దులో జైనథ్‌ మండలం కొరట గ్రామం వద్ద సరిహద్దు మహారాష్ట్రలోని చనాక మధ్యలో పెన్‌గంగా నదిపై ఇదివరకే బ్యారేజ్‌ నిర్మించారు. దీనికి సంబంధించి పంప్‌హౌస్‌, ఎల్‌పీపీ కెనాల్‌ పనులు కూడా పూర్తయ్యాయి. నీటి ఎత్తిపోతలకు సంబంధించి ప్ర యోగాత్మకంగా డ్రైరన్‌, వెట్‌రన్‌ కూడా నిర్వహించారు. ఇక ప్రధాన కెనాల్‌ నుంచి కాలువలు, ఉప కాలువల నిర్మాణ పనులు చేపట్టాల్సి ఉంది. దీనికి సంబంధించి భూసేకరణతో పాటు నిర్మాణానికి సంబంధించి మరో రూ.250 కోట్లు అవసరమున్నట్లు అధికారులు చెబుతున్నారు. ఈ పనులు పూర్తయితే ఎల్‌పీపీ కాలువ ద్వారా 37,500 ఎకరాల ఆయకట్టుకు సాగునీరు అందించే పరిస్థితి ఉంటుంది. పిప్పల్‌కోటి రిజర్వాయర్‌ ని ర్మాణం కోసం మరో వెయ్యి ఎకరాల భూమి సేకరించాల్సి ఉంది. దీని నుంచి కొరాట–చనాకా కెనాల్‌ నిర్మించాల్సి ఉంది. తద్వారా లక్ష్యంలోని 13,500 ఎకరాల ఆయకట్టును కూడా స్థిరీకరించేందుకు దోహదపడుతుంది. అయితే గత బీఆర్‌ఎస్‌ ప్రభుత్వ హయాంలో మొదలైన ఈ ప్రాజెక్ట్‌పై ప్రస్తుతం నీలినీడలు కమ్ముకున్నా యి. ప్రభుత్వం దీనికి నిధులు కేటాయిస్తుందా.. లేదా? అని జిల్లా ప్రజలు ఎదురుచూస్తున్నారు. ● నేరడిగొండ మండలం కుప్టి గ్రామం వద్ద ప్రాజెక్ట్‌ నిర్మించాలని గతంలో బీఆర్‌ఎస్‌ ప్రభుత్వం ఆలోచన చేసింది. 2018లో రూ.794 కోట్ల వ్యయంతో నిర్మించాలని అంచనా వేసినా ఒక్క అడుగు కూడా ముందుకు పడలేదు. పలుసార్లు ఈ ప్రాజెక్ట్‌కు సంబంధించి అంచనా వ్యయాన్ని అధికారులు సవరిస్తూ వచ్చారు. తాజాగా ఈ ప్రాజెక్ట్‌ అంచనా వ్యయం రూ.1,323 కోట్లకు చేరింది. త్వరలో నూతన ఎస్‌ఎస్‌ఆర్‌ రేట్ల ప్రకారం ఈ అంచనా వ్యయం మరింత పెరగనుంది. 5.30 టీఎంసీల నీటి నిల్వ సామర్థ్యంతో ఈ ప్రాజెక్ట్‌ నిర్మించనుండగా, కడెం ప్రాజెక్ట్‌ కింద స్థిరీకరణకు నోచుకోని 25,267 ఎకరాలను సస్యశ్యామలం చేసే ఉద్దేశంతో దీనిని నిర్మించతలపె ట్టారు. అయితే ఇప్పటివరకు ఒక్క అడుగు కూ డా ముందుకు పడలేదు. అంతే కాకుండా ఇక్కడ నిర్మించే బ్యాలెన్సింగ్‌ రిజర్వాయర్‌ ద్వారా రానున్న రోజుల్లో బోథ్‌ నియోజకవర్గంలోని అనేక గ్రామాలకు లిఫ్ట్‌ ఇరిగేషన్‌ పద్ధతిలో ఆయకట్టుకు సాగునీరు అందించవచ్చనే ఆలోచన ఉంది. అలాగే కుంటాల జలపాతానికి ఏడాది పొడవునా నీటి కళ ఉండేలా ప్రణాళిక చేశారు. ● జిల్లా కేంద్రంలో రైల్వే ఓవర్‌ బ్రిడ్జి, రైల్వే అండర్‌ బ్రిడ్జి నిర్మాణ పనులు కొనసాగుతున్నాయి. మధ్యలో ఈ పనులు వివిధ కారణాలతో ఆగిపోయాయి. రాష్ట్ర ప్రభుత్వ వాటా కింద ఈ ప్రాజెక్ట్‌కు రూ.27 కోట్ల నిధులు రావాల్సి ఉంది. వాటికి సంబంధించి ఈ బడ్జెట్‌లో కేటాయింపులుంటాయని జిల్లా ప్రజలు ఆశిస్తున్నారు.ఎమ్మెల్యేల నుంచి ప్రతిపాదనలుబడ్జెట్‌కు ముందు జిల్లాకు చెందిన ఎమ్మెల్యేలు ఆయా నియోజకవర్గాల్లో చేపట్టాల్సిన అభివృద్ధి పనుల కోసం ఇప్పటికే ప్రతిపాదనలు అందజేశారు. వాటికి బడ్జెట్‌లో మోక్షం లభిస్తుందని ఆశలు పెట్టుకున్నారు. అయితే జిల్లాలో ఆదిలాబాద్‌ నియోజకవర్గంలో బీజేపీ, బోథ్‌, ఆసిఫాబాద్‌లో బీఆర్‌ఎస్‌ ఎమ్మెల్యేలు ఉండడంతో ఆయా నియోజకవర్గాల్లో కేటాయింపులపై సంబంధిత ఎమ్మెల్యేల నుంచి అసంతృప్తి వ్యక్తమవుతోంది. అంతేకాకుండా స్వల్పంగా నిధులు కేటాయించినా అవి కూడా విడుదల చేయకపోవడంతో వారిలో నిరుత్సాహం కనిపిస్తోంది. ఈ నేపథ్యంలో ప్రతిపక్ష పార్టీల శాసనసభ్యులున్న నియోజకవర్గాల్లో కూడా అభివృద్ధి పనుల విషయంలో ప్రభుత్వం దృష్టి సారించాలనే అభిప్రాయం వారి నుంచి వ్యక్తమవుతోంది.

కై లాస్‌నగర్‌: క లెక్టర్‌ రాజర్షి షాకు స్కోచ్‌ అవార్డు లభించింది. ఈ మేరకు స్కోచ్‌ సంస్థల మేనేజింగ్‌ డైరెక్టర్‌ దీపక్‌ దలాల్‌ మంగళవారం ఉత్తర్వులు జారీ చేశారు. ఈ నెల 29న ఢిల్లీలోని లోధి రోడ్‌లో గల ఇండియా హ్యబిటేట్‌ సెంటర్‌లో కలెక్టర్‌ ఈ అవార్డును అందుకోనున్నారు. బాలల ది నోత్సవాన్ని పురస్కరించుకుని ప్రభుత్వ పాఠశాలల్లో చదివే విద్యార్థులకు ఆరోగ్యంపై అవగాహన కల్పించాలనే ఉద్దేశంతో కలెక్టర్‌ గతేడాది నవంబర్‌ 14న ఆరోగ్య పాఠశాల కార్యక్రమానికి శ్రీకారం చుట్టారు. ఉదయం ప్రార్థన సమయంలో ఆరోగ్య సంరక్షణకు అనుసారించాల్సిన విధానాలపై ఉపాధ్యాయులు, వైద్యు ల ద్వారా వారికి అవగాహన కల్పించారు. ప్రతీ వారం మండలానికి రెండు పాఠశాలల చొప్పు న గైడ్‌ టీచర్లు, స్టూడెంట్‌ లీడర్లతో కలెక్టరేట్‌లో సమీక్షించి వారంలో పాఠశాలలో జరిగిన మా ర్పులను తెలుసుకుని మరింత పకడ్బందీగా అమలు చేసేలా దిశానిర్దేశం చేశారు. కార్యక్రమ నిర్వహణతో విద్యార్థుల్లో వ్యక్తిగత, పరిసరాల పరిశుభ్రతలో మార్పులు వచ్చాయి. కలెక్టర్‌కు ఈ అవార్డు రావడంపై పలువురు అధికారులు, ఉపాధ్యాయులు హర్షం వ్యక్తం చేస్తున్నారు. జిల్లాలో ‘సీఎం ప్రజావాణి’ అమలుపై సమీక్షకై లాస్‌నగర్‌: జిల్లాలో పైలెట్‌ ప్రాజెక్ట్‌గా అమలు చేస్తున్న సీఎం ప్రజావాణి కార్యక్రమ నిర్వహణ తీరుపై కలెక్టర్‌ రాజర్షి మంగళవారం జిల్లా పరిషత్‌ సమావేశ మందిరంలో జిల్లా అధికారులు, ప్రిసైడింగ్‌ అధికారులు, ఫిర్యాదుల పరి ష్కార అధికారులు, ఐఎఫ్‌సీ డేటా ఎంట్రీ ఆపరేటర్లతో శిక్షణ, సమీక్ష నిర్వహించారు. మండలాల వారీగా అందిన దరఖాస్తులు.. వాటి డా టా ఎంట్రీ, పరిష్కారానికి చేపట్టిన చర్యలపై సమీక్షించి పలు సూచనలు చేశారు. పైలెట్‌ ప్ర జావాణిలో అందిన పెండింగ్‌ దరఖాస్తులను త్వరగా పరిష్కరించాలని ఆదేశించారు. అడిషనల్‌ కలెక్టర్‌ శ్యామలాదేవి, సబ్‌ కలెక్టర్‌ యువరాజ్‌, ట్రెనీ కలెక్టర్‌ అభిగ్యాన్‌, జెడ్పీ సీఈవో జి తేందర్‌రెడ్డి, ఆర్డీవో వినోద్‌కుమార్‌, తహసీ ల్దార్లు, ఉపాఽధిహామీ ఏపీవోలు పాల్గొన్నారు.

ఆదిలాబాద్‌టౌన్‌: కుష్ఠును ప్రారంభ దశలో గుర్తించి చికిత్స పొందితే అంగవైకల్యం రాదని డీఎంహెచ్‌వో నరేందర్‌ రాథోడ్‌ అన్నారు. పట్టణంలోని శాంతినగర్‌ అర్బన్‌ పీహెచ్‌సీ పరిధిలో సోమవారం కుష్ఠు గుర్తింపు సర్వే ప్రారంభించారు. ముందుగా ఏర్పాటు చేసిన సమావేశంలో సిబ్బందికి పలు సూచనలు చేశారు. కుష్ఠు పోస్టర్లు, అవగాహన పత్రాలను విడుదల చేశారు. ఈ సందర్భంగా ఆయన మాట్లాడుతూ వ్యాధిగ్రస్తులను గుర్తించేందుకు సోమవారం నుంచి 15 రోజుల పాటు సర్వే నిర్వహించనున్నట్లు పేర్కొన్నారు. ఇంటికి వచ్చే సిబ్బందికి ప్రజ లు సహకరించాలని కోరారు. సర్వే నిమిత్తం జిల్లాలోని 22 పీహెచ్‌సీ, ఐదు అర్బన్‌ హెల్త్‌ సెంటర్ల పరిధిలో 1002 బృందాలను ఏర్పాటు చేశామని, వీరిని పర్యవేక్షించడానికి 200 మంది సూపర్‌వైజర్లను నియమించామన్నారు. కార్యక్రమంలో ఎన్‌సీడీ ప్రోగ్రాం అధికారి గజానన్‌, అర్బన్‌ పీహెచ్‌సీ వైద్యులు వినోద్‌, డీపీఎంవో వామన్‌రావు తదితరులు పాల్గొన్నారు.

ఆదిలాబాద్‌టౌన్‌: కుష్ఠును ప్రారంభ దశలో గుర్తించి చికిత్స పొందితే అంగవైకల్యం రాదని డీఎంహెచ్‌వో నరేందర్‌ రాథోడ్‌ అన్నారు. పట్టణంలోని శాంతినగర్‌ అర్బన్‌ పీహెచ్‌సీ పరిధిలో సోమవారం కుష్ఠు గుర్తింపు సర్వే ప్రారంభించారు. ముందుగా ఏర్పాటు చేసిన సమావేశంలో సిబ్బందికి పలు సూచనలు చేశారు. కుష్ఠు పోస్టర్లు, అవగాహన పత్రాలను విడుదల చేశారు. ఈ సందర్భంగా ఆయన మాట్లాడుతూ వ్యాధిగ్రస్తులను గుర్తించేందుకు సోమవారం నుంచి 15 రోజుల పాటు సర్వే నిర్వహించనున్నట్లు పేర్కొన్నారు. ఇంటికి వచ్చే సిబ్బందికి ప్రజ లు సహకరించాలని కోరారు. సర్వే నిమిత్తం జిల్లాలోని 22 పీహెచ్‌సీ, ఐదు అర్బన్‌ హెల్త్‌ సెంటర్ల పరిధిలో 1002 బృందాలను ఏర్పాటు చేశామని, వీరిని పర్యవేక్షించడానికి 200 మంది సూపర్‌వైజర్లను నియమించామన్నారు. కార్యక్రమంలో ఎన్‌సీడీ ప్రోగ్రాం అధికారి గజానన్‌, అర్బన్‌ పీహెచ్‌సీ వైద్యులు వినోద్‌, డీపీఎంవో వామన్‌రావు తదితరులు పాల్గొన్నారు.

కై లాస్‌నగర్‌: ఐసీడీఎస్‌ను నిర్వీర్యం చేసే పీఎంశ్రీ పథకం, మోబైల్‌ అంగన్‌వాడీ కేంద్రాలను రద్దు చే యాలనే డిమాండ్‌తో అంగన్‌వాడీ వర్కర్స్‌ అండ్‌ హెల్పర్స్‌ యూనియన్‌ ఆధ్వర్యంలో సోమవారం ఆందోళన చేపట్టారు. కలెక్టరేట్‌ ఎదుట 48గంటల మహాధర్నా కార్యక్రమాన్ని ప్రారంభించారు. జిల్లా నలుమూలల నుంచి తరలివచ్చిన అంగన్‌వాడీలు, ఆయాలు కలెక్టరేట్‌ ఎదుట బైఠాయించారు. ఈ సందర్భంగా పలువురు మాట్లాడుతూ, కేంద్రం తెచ్చిన నూతన జాతీయ విద్యావిధానం అమలైతే అంగన్‌వాడీ కేంద్రాల మనుగడే ఉండదన్నారు. ఈ చ ట్టా న్ని నిలిపివేసేలా కాంగ్రెస్‌ ప్రభుత్వం అసెంబ్లీ లో తీర్మానం చేయాలని డిమాండ్‌ చేశారు. రాత్రి అక్కడే వంటావార్పు నిర్వహించిన అంగన్‌వాడీలు నిరసన శిబిరంలోనే నిద్రించారు. కార్యక్రమంలో సంఘం రాష్ట్ర అధ్యక్ష, ప్రధాన కార్యదర్శులు సునీ త, జయలక్ష్మి, మంగ, వెంకటమ్మ, పాల్గొన్నారు.

ఆదిలాబాద్‌టౌన్‌(జైనథ్‌): జైనథ్‌ వ్యవసాయ మా ర్కెట్‌ యార్డులో సోమవారం గందరగోళం నెలకొంది. హమాలీలు, మార్కెట్‌ కార్యదర్శి మధ్య వాగ్వాదం చోటు చేసుకుంది. మధ్యాహ్నం వరకు ఆందోళన కొనసాగడంతో శనగ కొనుగోళ్లు నిలి చిపోయాయి. పోలీసులు అక్కడికి చేరుకుని వారి ని సముదాయించి పరిస్థితిని అదుపులోకి తీసుకొ చ్చారు. యార్డులో ఉదయం 10గంటలకు ప్రా రంభం కావాల్సిన కొనుగోళ్లు ఆలస్యం కావడంతో రైతులు ఎండలోనే బారులు తీరాల్సిన పరి స్థితి. మార్కెట్‌ అధికారుల అలసత్వం కారణంగా ఈ వ్యవహారం రచ్చకెక్కింది. పాతవారితో తూ కం సాఫీగా సాగుతున్నా కొత్త వారిని రంగంలోకి దింపడంపై ఆగ్రహం వ్యక్తమైంది. గొడవ ఇలా.. బిహార్‌ రాష్ట్రానికి చెందిన కూలీలు కొన్నేళ్లుగా హమాలీలుగా పనిచేస్తున్నారు. వీరిని గుత్తేదారు మనోజ్‌ తీసుకొచ్చి ఏటా సోయా, కందులు, శన గ పంట లోడింగ్‌, అన్‌లోడింగ్‌, తూకం చేయించ డం వంటి పనులు చేయిస్తున్నాడు. అయితే జైన థ్‌ మండలంలోని ఓ పార్టీకి చెందిన నాయకుడు లేబర్‌ లైసెన్స్‌ తీసుకుని కూలీలను సోమవారం యార్డుకు తీసుకువచ్చాడు. దీంతో బిహార్‌కు చెందిన హమాలీలు, కొత్త గుత్తేదారు మధ్య వాగ్వా దం చోటు చేసుకుంది. 15ఏళ్లుగా రైతులకు ఎలాంటి ఇబ్బందులు కలగకుండా ధాన్యాన్ని వాహనాల నుంచి లోడింగ్‌, ఆన్‌లోడింగ్‌ చేస్తున్నామని బిహార్‌కు చెందిన గుత్తేదారు పేర్కొన్నాడు. తమ పొట్టకొట్టి కొత్త వారిని ఎలా తీసుకుంటా రని ప్రశ్నించాడు. ప్రస్తుత హమాలీలకు ముఖ ద్దాంగా ఉన్న తాను కొన్నేళ్లుగా కూలీలను తీసుకువచ్చి పనులు చేయిస్తున్నట్లు పేర్కొన్నాడు. మా ర్కెట్‌ కమిటీ చైర్మన్‌, కార్యదర్శి తనను డబ్బులు డిమాండ్‌ చేశారని తెలిపాడు. ఇటీవల చేపట్టిన సోయా, కందుల కొనుగోళ్ల సమయంలో మా హమాలీలు కొనసాగాలంటే రూ.4లక్షలు ఇవ్వాలంటూ డిమాండ్‌ చేశారని అన్నాడు. తాను అంతగా ఇవ్వలేనని రూ.1.50 లక్షలు ఇస్తానని చె ప్పాడు. ఈక్రమంలో చైర్మన్‌ కుమారుడికి ఆన్‌లైన్‌ ద్వారా రూ.1.20 లక్షలు, అలాగే మరో రూ.30 వేలు నగదు అందించినట్లు పేర్కొన్నాడు.మిగతా డబ్బుల కోసమే తనను తొలగించేందుకు కుట్ర పన్నారని వాపోయాడు. మార్కెట్‌ కార్యదర్శి సై తం తనను డబ్బుల కోసం వేధిస్తున్నాడని ఆరో పించాడు. కాగా శనగలు విక్రయించేందుకు వచ్చి న రైతులు పాత గుత్తేదారు, హమాలీలతోనే తాము తూకం చేయించుకుంటామని వారికి మ ద్దతుగా నిలిచారు. కొత్త ముఖద్దాం తెచ్చిన హ మాలీలతో తమ శనగలను తూకం వేయించమని భీష్మించారు. కాగా కొత్త ముఖద్దాం తాను మండలానికి చెందిన వ్యక్తి అని బిహార్‌కు చెందిన ము ఖద్దాంకు కాకుండా తాను తెచ్చిన కూలీలతోనే తూకం వేయించాలని పేర్కొన్నాడు. పరిస్థితి అదుపు తప్పడంతో పోలీసులు రంగప్రవేశం చేసి ఇరువర్గాల వారికి నచ్చజెప్పారు. మధ్యాహ్నం 2గంటల తర్వాత మార్క్‌ఫెడ్‌, నాఫెడ్‌, పీఏసీఎస్‌ ఆధ్వర్యంలో కొనుగోళ్లు ప్రారంభమయ్యాయి. ఈ విషయమై మార్కెట్‌ కార్యదర్శి దేవన్నను వివరణ కోరేందుకు పలుమార్లు ఫోన్‌లో యత్నించగా స్పందించలేదు. తర్వాత ఫోన్‌ స్విచ్‌ఆఫ్‌ చేసుకున్నాడు. మార్కెట్‌ కమిటీ చైర్మన్‌ అశోక్‌రెడ్డిని ఫోన్‌లో సంప్రదించగా బిహార్‌ రాష్ట్రానికి చెందిన గుత్తేదారు సక్రమంగా పనులు చేపట్టడం లేదని, ఇదివరకే ఆయనను చెప్పామన్నారు. తాను డబ్బులు తీసుకున్న మాట వాస్తవం కాదని స్ప ష్టం చేశాడు. మార్కెట్‌ కమిటీ తీర్మానం చేసి ఆ గుత్తేదారుడిని తొలగిస్తామని పేర్కొన్నాడు. మధ్యాహ్నం వరకు నిలిచిన శనగ కొనుగోళ్లు ఆందోళనకు దిగిన హమాలీలు పాత వారి తొలగింపుపై ఆగ్రహం మార్కెట్‌ చైర్మన్‌ రూ.4లక్షలు డిమాండ్‌ చేశారని గుత్తేదారు ఆరోపణ పాత హమాలీలకే రైతుల మద్దతు

● కలెక్టర్‌ రాజర్షి షా ఆదిలాబాద్‌టౌన్‌: ఆర్టిఫిషియల్‌ ఇంటిలిజెన్స్‌ (ఏఐ) పరిజ్ఞానంతో విద్యార్థుల్లో అభ్యసన సామర్థ్యాలు మెరుగుపడనున్నాయని కలెక్టర్‌ రాజర్షి షా అన్నారు. భోరజ్‌ మండలంలోని పిప్పర్‌వాడ ప్రభుత్వ ప్రాథమిక పాఠశాలలో ఏఐ విద్యాబోధన కార్యక్రమాన్ని ఆయన సోమవారం ప్రారంభించారు. అనంతరం జెడ్పీ ఉన్నత పాఠశాలలో ఆరోగ్య పాఠశాల కార్యక్రమంలో భాగంగా నిర్వహిస్తున్న హెల్త్‌ కార్నర్‌ను పరిశీలించారు. పదో తరగతి విద్యార్థులకు విజయోత్సవ లేఖలతో పాటు హాల్‌టికెట్లు అందజేసి ఆల్‌ది బెస్ట్‌ చెప్పారు. ఇందులో డీఈవో ప్రణీత, హెచ్‌ఎం శశికళ, నవనీత, తహసీల్దార్‌ రాజేశ్వరి, ఎంపీడీవో వేణు, ఎంఈవో శ్రీనివాస్‌, ప్రఽశాంత్‌ రెడ్డి, సంతోష్‌రెడ్డి, యువనేస్తం సభ్యులు తదితరులు పాల్గొన్నారు.

● విద్యార్థుల్లో అభ్యసన సామర్థ్యాల పెంపే లక్ష్యం ● 3,4,5 తరగతుల వారికి ప్రత్యేక బోధన ● జిల్లాలో 8 పాఠశాలలు ఎంపిక ● ఇదివరకే నాలుగు చోట్ల ప్రారంభం ● నేడు మరో నాలుగు బడుల్లో షురూ ఆదిలాబాద్‌టౌన్‌: సర్కారు పాఠశాలల్లో విద్యా ప్ర మాణాలు పెంచేందుకు ప్రభుత్వం చర్యలు చేపట్టింది. ప్రాథమిక స్థాయిలో అభ్యసన సామర్థ్యాల పెంపుపై దృష్టి సారించింది. ఈ మేరకు 3,4,5 తరగతు ల విద్యార్థులకు సాంకేతిక పద్ధతిలో ఆర్టిఫిషల్‌ ఇంటెలిజెన్స్‌ (ఏఐ) ఆధారిత డిజిటల్‌ పద్ధతుల్లో విద్యాబోధన చేయనున్నారు. పైలెట్‌ ప్రాజెక్ట్‌ కింద జిల్లా ఎంపికై ంది. ఈ మేరకు ఆయా పాఠశాలల్లో పది మంది విద్యార్థులను ఎంపిక చేసి బోధించనున్నా రు. వారిలో ప్రగతి ఆధారంగా మిగతా వారికి బోధ న కొనసాగించనున్నారు. శనివారం నాలుగు పాఠశాలల్లో ఈ కార్యక్రమాన్ని ప్రారంభించారు. నేడు మరో నాలుగు పాఠశాలల్లో కలెక్టర్‌ ప్రారంభించనున్నారు. చతుర్విద ప్రక్రియలతో పాటు మెరుగైన సా మర్థ్యాలను అందుకోవడమే ఈ కార్యక్రమ ముఖ్య ఉద్దేశం. ఈకే, స్టెప్‌ ఫౌండేషన్‌ సహకారంతో సాఫ్ట్‌వేర్‌ను రూపొందించారు. ఇప్పటికే ఉపాధ్యాయులకు శిక్షణ సైతం అందించారు. ఉన్నత పాఠశాలల్లోని ఆవరణలో ఉన్న పాఠశాలలను ఎంపిక చేసి కృత్రిమ మేద ద్వారా తరగతులను బోధించనున్నారు. సాంకేతిక విద్యా విధానాలే లక్ష్యంగా.. పాఠశాల విద్యా శాఖ ఆధునిక విద్యా విధానాలను అమలు చేయాలనే లక్ష్యంగా ముందుకు సాగుతుంది. ఈ దిశగా బెంగుళూరు కేంద్రంగా పనిచేసే స్టెప్‌ ఫౌండేషన్‌ సేవలను రాష్ట్ర ప్రభుత్వం వినియోగించుకోవాలని నిర్ణయించింది. ఈ ఫౌండేషన్‌ విద్యా రంగంలో డిజిటల్‌ పరిష్కారాలను అందిస్తూ గుజ రాత్‌, కర్ణాటక, ఒడిశా, పంజాబ్‌, తమిళనాడు రాష్ట్రాల్లో ఆయా ప్రభుత్వాలతో కలిసి ఇప్పటికే పని చేస్తుంది. ఏఐ ఆధారిత డిజిటల్‌ విద్యా విధానాలు, పాఠశాల విద్యలో నూతన అభ్యాస పద్ధతులు, డేటా ఆధారిత అధ్యయన విశ్లేషణలు, ఉపాధ్యాయులకు శిక్షణ కల్పించారు. జిల్లాలోనూ ఎనిమిది పాఠశాలలను ఎంపిక చేశారు. వీటిలో భోరజ్‌ మండలంలోని పిప్పర్‌వాడ, బాలాపూర్‌, జైనథ్‌ మండలంలోని అడ, ఆదిలాబాద్‌ పట్టణంలోని రణదీవెనగర్‌, తాటిగూడ, తలమడుగు మండలంలోని ఖోడద్‌, దేవాపూర్‌ తెలుగు, ఉర్దూ మీడియం ప్రాథమిక పాఠశాలలు ఉన్నాయి. నాలుగు పాఠశాలల్లో శనివారం ప్రారంభించగా, మరో నాలుగు పాఠశాలల్లో సోమవారం నుంచి షురూ చేయనున్నారు. ఏఐతో విద్యాబోధన.. రాష్ట్ర వ్యాప్తంగా ప్రతీ జిల్లాలో కొన్ని పాఠశాలలను ఎంపిక చేశారు. ఇందులో భాగంగా జిల్లాలో ఎనిమిది ఎంపికై న విషయం తెలిసిందే. 3,4,5 తరగతుల విద్యార్థులకు ఈ విధానం ద్వారా బోధన చేపట్టనున్నారు. ఈ మూడు తరగతుల నుంచి పది మంది విద్యార్థులను ఎంపిక చేశారు. వారానికి రెండు రోజుల పాటు తెలుగు, మరో రెండు రోజుల పాటు గణితం బోధించనున్నారు. అత్యాధునిక సాంకేతిక పరిజ్ఞానం సాయంతో విద్యాబోధన చేసి ప్రాథమిక పాఠశాలలను బలోపేతం చేయడమే ఈ కార్యక్రమం ముఖ్య ఉద్దేశం. 20 నిమిషాల వ్యవధిలో ఏఐ పాఠాలు బోధిస్తారు. విద్యార్థి పాఠాలను అర్థం చేసుకుంటున్నారా.. లేదా అనేది ఏఐ గుర్తి స్తుంది. విద్యార్థికి పాఠ్యాంశాలు అర్థం కానట్లయితే సరళమైన మార్గంలో ఏఐ బోధన చేస్తుంది. ఇలా ప్రతీ విద్యార్థి అభ్యసన సామర్థ్యాలను మదింపు చేయనుంది. అనంతరం విద్యార్థులపై నివేదిక తయారు చేసి ప్రభుత్వానికి అందజేయనున్నారు. పకడ్బందీగా అమలు .. జిల్లాలో ఎనిమిది పాఠశాలలు ఎంపికయ్యా యి. నాలుగు చోట్ల ఇప్పటికే కార్యక్రమం ప్రా రంభం కాగా, మిగతా నాలుగు పాఠశాలల్లో కలెక్టర్‌ సోమవారం ప్రారంభించనున్నారు. టెక్నాలజీ ద్వారా విద్యాబోధనతో విద్యార్థుల సామర్థ్యాలు పెరుగుతాయి. ఉపాధ్యాయులకు ఇప్పటికే శిక్షణ అందించాం. పైలెట్‌ ప్రాజెక్ట్‌గా జిల్లాలో పకడ్బందీగా అమలు చేసేలా చర్యలు చేపడుతున్నాం. – ప్రణీత, డీఈవో

కై లాస్‌నగర్‌: ఎల్‌ఆర్‌ఎస్‌ కోసం 2020లో దరఖాస్తు చేసుకున్న ప్లాట్ల యజమానులు ఈ నెల 31లోపు ఫీజు చెల్లించి 25శాతం రాయితీ పొందాలని మున్సిపల్‌ కమిషనర్‌ సీవీఎన్‌. రాజు అన్నారు. ఎల్‌ఆర్‌ఎస్‌ ప్రక్రియపై ప్రజలకు అవగాహన కల్పించడంలో భాగంగా ఆదివారం పట్టణంలోని టీచర్స్‌ కాలనీలో ప్రత్యేక మేళా నిర్వహించారు. దరఖాస్తుదారుల సందేహాలను నివృత్తి చేశారు. ఎల్‌ఆర్‌ఎస్‌ ఫీజు చెల్లించిన పలువురికి అప్పటికప్పుడు ప్రొసీడింగ్‌ ఉత్తర్వులు అందజేశారు. ఈ సందర్భంగా ఆయన మాట్లాడుతూ, ఎల్‌ఆర్‌ఎస్‌ ద్వారా అక్రమ లేఅవట్‌లోని ప్లాట్లను సక్రమం చేసుకోవడంతో పాటు భవన నిర్మాణ అనుమతులు సులభంగా పొందవచ్చన్నారు. తక్కువ ఫీజుతోనే ప్లాట్లను రెగ్యులరైజ్‌ చేసుకోవచ్చన్నారు. దరఖాస్తుదారులు స్వచ్ఛందంగా ముందుకొచ్చి ఫీజు చెల్లించాలని ఆయన సూచించారు. ఇందులో టీపీఓ సుమలత, వార్డు ఆఫీసర్లు అక్షయ్‌ కుమార్‌, శ్రీనివాసరెడ్డి, కుమ్ర లక్ష్మణ్‌ , సిబ్బంది తదితరులు పాల్గొన్నారు.

ఆదిలాబాద్‌: ఆధ్యాత్మికతతోనే మానసిక ప్రశాంతత చేకూరుతుందని మాజీ మంత్రి జోగు రామన్న అన్నారు. జిల్లా కేంద్రంలోని రణదీవే నగర్‌ కాలనీలో నిర్మించనున్న శ్రీ సీ తారామచంద్రస్వామి ఆలయ శంకుస్థాపన కార్యక్రమానికి ఆదివారం ఆయన ముఖ్య అతిథిగా హాజరై మాట్లాడారు. సనాతన ధర్మ విశిష్టతను ప్రతి ఒక్కరూ భావితరాలకు తెలపాలన్నారు. అప్పుడే మెరుగైన సమాజ నిర్మాణానికి పునాదులు పడుతాయన్నారు. కార్యక్రమంలో విజ్జగిరి నారాయణ, కోవ రవి, దమ్మ పాల్‌, కొండ గణేశ్‌, నల్ల మహేందర్‌, రామేశ్వర్‌, చిందం శివ కుమార్‌, తదితరులు పాల్గొన్నారు.

ఆదిలాబాద్‌: హైదరాబాద్‌లోని బిర్లా ప్లాని టోరియంలో ఆదివారం నిర్వహించిన ప్ర పంచ వినియోగదారుల దినోత్సవానికి జి ల్లా నుంచి రాష్ట్ర వినియోగదారుల సంఘాల సమైక్య ఆర్గనైజింగ్‌ సెక్రటరీ సంతోష్‌కుమార్‌ హాజరయ్యారు. ఈ సందర్భంగా ఆయన మాట్లాడుతూ బ్యూరో ఆఫ్‌ ఇండియన్‌ స్టాండర్డ్‌, క్యాట్కో సంస్థలు సంయుక్తంగా ప్రపంచ వినియోగదారుల దినోత్స వం నిర్వహించాయన్నారు. కార్యక్రమానికి ముఖ్య అతిథిగా తెలంగాణ రాష్ట్ర వినియోగదారుల వివాదాల పరిష్కార కమిషన్‌ అధ్యక్షురాలు మీనా రామనాథం హాజరైనట్లు తెలిపారు. అలాగే జిల్లా నుంచి శేఖర్‌, నిర్మల్‌ జిల్లా నుంచి కూన గంగాధర్‌ హాజరైనట్లు పేర్కొన్నారు.

ఆదిలాబాద్‌టౌన్‌: కేంద్రంలో పదేళ్ల బీజేపీ పాలనలో వ్యవసాయ రంగం సంక్షోభంలో పడిందని, ఈ మేరకు రైతులను చైతన్యపరిచి ఉద్యమ కా ర్యాచరణ ప్రకటిస్తామని ఏఐకేఎస్‌ రాష్ట్ర అధ్యక్షు డు హన్మంత్‌రావు అన్నారు. జిల్లా కేంద్రంలోని సంఘ భవనంలో ఏఐకేఎస్‌ జిల్లా 7వ మహాసభలను ఆదివారం నిర్వహించారు. ఈ సందర్భంగా ఆయన ముఖ్యఅతిథిగా హాజరై జెండా ఆవిష్కరించారు. అనంతరం మాట్లాడుతూ, రైతాంగ సమస్యలను పరిష్కరించడంలో కేంద్ర ప్రభుత్వం విఫలమైందన్నారు. మోదీ ఈ రంగాన్ని ప్రైవేటీకరణ చేసేందుకు గతంలో మూడు నల్ల చ ట్టాలను తీసుకొచ్చారని గుర్తు చేశారు. పార్టీలకతీతంగా రైతులు ఉద్యమించినట్లు పేర్కొన్నారు. 764 మంది రైతులు చనిపోవడంతో మోదీ సర్కా రు దిగివచ్చి వాటిని రద్దు చేసినట్లు తెలిపారు. మళ్లీ దొడ్డిదారిన అమలు చేసేందుకు కుట్రలు పన్నుతున్నారని ఆరోపించారు. సమావేశంలో ఏఐకేఎస్‌ జిల్లా అధ్యక్ష, ప్రధాన కార్యదర్శులు శంకర్‌, దేవిదాస్‌, సీపీఐ జిల్లా ప్రధాన కార్యదర్శి ముడుపు ప్రభాకర్‌రెడ్డి, సహాయ కార్యదర్శి సిర్ర దేవేందర్‌, ఏఐటీయూసీ రాష్ట్ర కార్యదర్శి విలాస్‌, పోశెట్టి, భాస్కర్‌, కేశవ్‌ తదితరులు పాల్గొన్నారు.● ఏఐకేఎస్‌ రాష్ట్ర అధ్యక్షుడు హన్మంత్‌రావు

తలమడుగు మండలం లక్ష్మిపూర్‌లో ఇందిరమ్మ ఇంటి నిర్మాణానికి ముగ్గుపోస్తున్న హౌసింగ్‌ ఏఈ తలమడుగు మండలం లక్ష్మీపూర్‌లో ఇందిరమ్మ ఇంటి నిర్మాణానికి ముగ్గుపోస్తున్న హౌసింగ్‌ ఏఈ కై లాస్‌నగర్‌: ఇంటిస్థలం కలిగిన నిరుపేదల సొంతింటి కల సాకారం చేసేందుకు గాను రాష్ట్ర ప్రభుత్వం ప్రతిష్టాత్మకంగా చేపట్టిన ఇందిరమ్మ ఇళ్ల ని ర్మాణాలు ఆరంభంలోనే జాప్యం జాప్యమవుతున్నా యి. పైలట్‌ ప్రాజెక్ట్‌ కింద మండలానికి ఒక గ్రామాన్ని ఎంపిక చేసిన అధికారులు అర్హులైన వారికి ఇళ్లను మంజూరు చేశారు. జనవరి 26న అట్టహాసంగా కార్యక్రమాలు నిర్వహించి వారికి మంజూరు పత్రాలు అందజేశారు. రెండు నెలలవుతున్నా ఇప్పటికీ పలు గ్రామాల్లో ఇళ్ల నిర్మాణాలకు సంబంధించి ముగ్గు పోయడం (మార్కవుట్‌) షురూ చేయలేదు. కొన్నిచోట్ల ముగ్గు పోసినా పునాదులు తవ్వుకున్నారే తప్ప నిర్మాణాలు ఇంకా ప్రారంభించలేదు. జిల్లాలో ‘ఇందిరమ్మ’ నిర్మాణాలు కేవలం మోడల్‌ ఇళ్లకే పరిమితమైందనే అభిప్రాయం వ్యక్తమవుతుంది. నిర్మాణాలను వేగవంతం చేసి క్షేత్రస్థాయిలో పర్యవేక్షించాల్సిన హౌసింగ్‌శాఖకు అధికారులు లేకపోవడం గమనార్హం. ఐటీడీఏ, పీఆర్‌ శాఖలకు బాధ్యతలు అప్పగించినా వారు వాటిని పట్టించుకోకపోవడంతో ఈ పరిస్థతి నెలకొంది. ఆరంభంలోనే ఇలా ఉంటే నిర్మాణాలు ఏ విధంగా పూర్తవుతాయనే సందేహాలు వ్యక్తమవుతున్నాయి. 216 చోట్ల మాత్రమే ముగ్గు.. పైలట్‌ ప్రాజెక్ట్‌లో భాగంగా జిల్లాలోని ప్రతీ మండలంలో ఒక్కో గ్రామంలో తొలుత ఇందిరమ్మ ఇళ్ల ని ర్మాణాలు చేపట్టాలని సంకల్పించారు. ఆదిలాబా ద్‌ మున్సిపాలిటీ మినహా 17 మండలాల్లోని 17 గ్రా మాల్లో అర్హులైన వారిని గుర్తించారు. వాటి పరిధిలో 2,148 మందికి ఇళ్లను మంజూరు చేస్తూ ప్రొసీడింగ్‌ ఉత్తర్వులు జారీ చేశారు. ఇక్కడి వరకు భాగానే ఉన్నా నిర్మాణాల్లో మాత్రం వేగం పుంజుకోవడం లేదు. ఇప్పటి వరకు కేవలం ఎనిమిది గ్రామాల్లో 216 ఇళ్లకు మాత్రమే ముగ్గు పోశారు. ఇందులో కొన్ని చోట్ల పునాదులు తవ్వుకున్నప్పటికీ పనులు మాత్రం ముందుకు సాగని పరిస్థితి. మరో తొమ్మిది గ్రామాల్లో ఇప్పటి వరకు ముగ్గు సైతం పోయకపోవడం గమనార్హం. కొరవడిన పర్యవేక్షణ ముగ్గు నుంచి ఇళ్ల నిర్మాణం పూర్తయ్యే వరకు పనులు పర్యవేక్షించాల్సిన అధికారులు హౌసింగ్‌శాఖలో లేరు. ఆ శాఖలో పీడీ, డీఈతో పాటు కేవలం ఒకే ఒక ఏఈ మాత్రమే ఉన్నారు. దీంతో 17 మండలా ల్లోని ఇళ్లను పర్యవేక్షించడం వీరికి కత్తిమీద సాములా మారింది. ఇళ్ల నిర్మాణాలు వేగంగా సాగాలనే ఉద్దేశంతో పంచాయతీరాజ్‌ శాఖకు ఆరు మండలాలు, ఐటీడీఏకు నాలుగు మండలాల బాధ్యతలు అప్పగించగా హౌసింగ్‌లోని ఆ ముగ్గురు అధికారులు ఏడు మండలాలను పర్యవేక్షించాల్సి వస్తోంది. దీంతో క్షేత్రస్థాయిలోకి వెళ్లే అవకాశం లేకపోవడం, పీఆర్‌, ఐటీడీఏ అధికారులు ఇందిరమ్మ ఇళ్లను ప ట్టించుకోవడం లేదనే విమర్శలు వినిపిస్తున్నాయి. ప్రారంభంలోనే ఇలాంటి పరిస్థితి ఉంటే నిర్మాణాలు ఊపందుకుంటే పరిస్థితి ఏంటనే అభిప్రా యం సర్వత్రా వ్యక్తమవుతుంది. స్థలం నిబంధనల సడలింపు గతంలో ఇందిరమ్మ ఇళ్ల నిర్మాణాల్లో అనేక అక్రమాలు చోటు చేసుకున్నాయి. ఒక స్థలంలో చూపించి మరో స్థలంలో ఇళ్లు నిర్మించుకోవడం, పాత ఇళ్లకే రంగులు వేసి కొత్తవాటిగా చూపి బిల్లులు లేపుకో వడం, ఉపాధి నిధులు కావడంతో ఇష్టారాజ్యంగా దోచుకున్నారు. ఇలాంటి అక్రమాలకు చెక్‌పెట్టాలని భావించిన ప్రభుత్వం ప్రత్యేక యాప్‌ రూపొందించింది. సర్వే సమయంలో చూపిన స్థలంలోనే ఇళ్లను నిర్మించుకునేలా దానికి జియో పెన్సింగ్‌ విధానం అమలు చేయాలని నిర్ణయించింది. ఆన్‌లైన్‌ విధానంలో యాప్‌లో లబ్ధిదారు వివరాలు, ఇంటి స్థలం వంటి సమాచారం నమోదు చేయాల్సి ఉంది. జిల్లాలో పలుచోట్ల నెట్‌వర్క్‌ లేకపోవడం, సర్వర్‌ సమ స్య తలెత్తడం వంటి కారణాలతో ఆవివరాలు నమో దు చేసేందుకు ఆస్కారం లేకుండా పోయింది. దీంతో నిర్మాణ స్థలంలో మార్కవుట్‌ ఇచ్చేందుకు సమ స్య తలెత్తింది. దీన్ని గమనించిన అధికారులు విషయాన్ని ప్రభుత్వం దృష్టికి తీసుకెళ్లారు. దీంతో స్థలం క్యాప్చర్‌ నిబంధనలో సడలింపునిచ్చింది. సర్వే సమయంలో చూపిన స్థలమే కాకుండా లబ్ధి దారు తమకు నచ్చిన చోట ఉన్న స్థలంలో ఇంటిని నిర్మించుకునే అవకాశం కల్పించింది. దీంతో జిల్లాలోని అన్ని గ్రామాల్లో మార్కవుట్‌ను గౌండ్రింగ్‌ చేసేలా అధికారులు ముందుకు సాగుతున్నారు. జిల్లాలో ఇందిరమ్మ ఇళ్ల ప్రగతి వివరాలు మండలం గ్రామం మంజూరైన మార్కవుట్‌ ఇళ్లు ఇచ్చినవి ఆదిలాబాద్‌రూరల్‌ పిప్పల్‌దరి 145 00 బజార్‌హత్నూర్‌ అందుగూడ 134 20 బేల డోప్టాల 83 20 భీంపూర్‌ బెల్సారిరాంపూర్‌ 133 57 బోథ్‌ కుచులాపూర్‌ 232 35 గాదిగూడ సావిరి 117 00 గుడిహత్నూర్‌ వైజాపూర్‌ 149 00 ఇచ్చోడ నవేగావ్‌ 118 00 ఇంద్రవెల్లి గట్టేపల్లి 126 00 జైనథ్‌ పిప్పర్‌వాడ 101 23 మావల వాగాపూర్‌ 152 45 నార్నూర్‌ బాబేఝరి 160 00 నేరడిగొండ వాంకిడి 53 00 సిరికొండ రిమ్మ 153 00 తలమడుగు లక్ష్మిపూర్‌ 69 10 తాంసి హస్నాపూర్‌ 67 06 ఉట్నూర్‌ మత్తడిగూడ 156 00వేగవంతమయ్యేలా చర్యలు స్థలం క్యాప్చర్‌లో జియోపెన్సింగ్‌ నిబంధన ఉండటంతో నెట్‌వర్క్‌ లేకపోవడం, సర్వర్‌ సమస్యతో యాప్‌లో వివరాల నమోదుకు అంతరాయం ఏర్పడేది. దీంతో ఇళ్ల నిర్మాణాల మార్కవుట్‌లో ఆలస్యమైంది. ప్రభుత్వం తాజాగా ఆ నిబంధనలు సడలించడంతో పాటు పీఆర్‌, ఐటీడీఏ అధికారులకు కూడా కొన్ని మండలాల బాధ్యతలు అప్పగించాం. దీంతో మార్కవుట్‌ను ఈ నెలాఖరులోగా గ్రౌండింగ్‌ చేసి పనులు వేగంగా సాగేలా దృష్టి సారిస్తాం. – నసీర్‌, హౌసింగ్‌ ఏఈ

● కాంగ్రెస్‌లో పాత, కొత్త నాయకుల గుర్తింపు ● ఏ,బీ,సీ గ్రేడ్‌లుగా విభజన ● పార్టీలో మారుతున్న సమీకరణాలు ● స్థానిక ఎన్నికల నేపథ్యంలో పార్టీలో హాట్‌టాపిక్‌ సాక్షి,ఆదిలాబాద్‌: కాంగ్రెస్‌లో సమీకరణాలు మారుతున్నాయి. పార్టీలో పాత, కొత్త నాయకుల పరంగా గ్రేడ్‌లు చేపడుతున్నారనే టాక్‌ వినిపిస్తోంది. గాంధీభవన్‌లో ఇటీవల రాష్ట్ర వ్యవహారాల ఇన్‌చార్జి మీనాక్షి నటరాజన్‌ ఈ నిర్ణయం తీసుకున్నట్లుగా చర్చ సాగుతోంది. ఇందులో భాగంగా ముందు నుంచి పార్టీలో ఉన్న వారికి ప్రాధాన్యత అనే సంకేతాలు ఇచ్చేలా ప్రక్రియ నడుస్తున్నట్లు సమాచారం. మొత్తంగా త్వరలో జిల్లా పరంగా ప్రత్యేక కమిటీ ద్వారా ఈ ప్రక్రియ చేపట్టనున్నట్లుగా తెలుస్తోంది. పార్టీ రాష్ట్ర వ్యవహారాల ఇన్‌చార్జిగా మీనాక్షి నటరాజన్‌ను అధిష్టానం నియమించిన తర్వాత అనేక సంచనాలకు కేంద్ర బిందువవుతున్నారు. ప్రధానంగా పార్టీ ప్రతిపక్షంలో ఉన్నప్పుడు పదేళ్ల పాటు జెండా మోసిన వారికి ప్రాధాన్యత ఇవ్వాలనే సంకేతాలు ప్రస్తుతం చర్చనీయాంశంగా మారాయి. ఈ క్రమంలో ముందు నుంచి పార్టీలో ఉన్న నాయకులు, కార్యకర్తలు హర్షం వ్యక్తం చేస్తుండగా, మధ్యలో వచ్చిన వారికి ఇది మింగుడుపడని వ్యవహారంలా మారింది. దీంతో ఏం జరుగుతుందో చూద్దామనే భావనలో వారు ఉన్నారు. స్థానిక సంస్థల ఎన్నికలు ముందుండగా ప్రధానంగా క్షేత్రస్థాయిలో పాత , కొత్త నాయకులకు టికెట్ల విషయంలో ఇప్పటికే వివాదం నెలకొంది. ఈ గ్రేడ్‌ల విభజన తర్వాత పరిస్థితి ఎలా ఉంటుందనేది ప్రస్తుతం ఆసక్తికరంగా మారింది. గ్రేడ్‌లుగా విభజన.. ముందు నుంచి పార్టీలో ఉన్న వారిని ‘ఏ గ్రేడ్‌గా, ఎన్నికల ముందు వచ్చిన వారిని ‘బి’ గ్రేడ్‌గా, అధికారంలోకి వచ్చాక వచ్చిన వారిని ‘సి’ గ్రేడ్‌లో చేర్చనున్నట్లుగా చెబుతున్నారు. ఇటీవల ఆదిలాబాద్‌ పార్లమెంట్‌కు సంబంధించి సమావేశం గాంధీభవన్‌లో నిర్వహించగా వాడీవేడిగా సాగినట్లు ఆ రోజు నుంచి నాయకులు, కార్యకర్తల్లో చర్చ సాగుతోంది. ప్రధానంగా మీనాక్షి నటరాజన్‌ ఏ విషయాన్నైనా దాగుడుమూతలు లేకుండా సమావేశంలో స్పష్టంగా చెప్పాలని సూచించడం నాయకులకు ధైర్యాన్నిచ్చింది. ఈ నేపథ్యంలోనే ఆ సమావేశంలో అనేక అంశాల పరంగా ఆదిలాబాద్‌ పార్లమెంట్‌లో కాంగ్రెస్‌ పార్టీ వైఫల్యాలకు ఇవే కారణాలంటూ పలువురు నాయకులు ఆమె ఎదుట ఓపెన్‌గా పేర్కొన్నారు. పార్లమెంట్‌ నియోజకవర్గంలో పరిస్థితిని పూర్తిగా అదుపులోకి తెచ్చేందుకు ఆమె ఏకంగా నియోజకవర్గం వారీగా కమిటీలను నియమిస్తూ, జిల్లాకు మరో ప్రత్యేక కమిటీని నియమిస్తున్నట్లు పేర్కొనడం సంచలనం కలిగించింది. మొత్తంగా త్వరలో జిల్లాలో పర్యటించే ఆ కమిటీలో పలు విధాన పరమైన నిర్ణయాలు అమలులోకి వచ్చే అవకాశమున్నట్లుగా తెలుస్తోంది.

కై లాస్‌నగర్‌: అనుమతుల్లేకుండా చేపట్టిన సెల్‌టవర్‌ నిర్మాణ పనులు వెంటనే నిలిపివేయాలని పట్టణంలోని న్యూహౌసింగ్‌బోర్డు పరిధి లోని జూబ్లీహిల్స్‌ కాలనీవాసులు డిమాండ్‌ చేశారు. శనివారం టవర్‌ నిర్మిస్తున్న ప్రాంతంలో పిల్లలతో కలిసి మహిళలు ధర్నా నిర్వహించారు. ఈ సందర్భంగా పలువురు మాట్లాడు తూ, టవర్‌ నిర్మాణంతో ఆరోగ్యపరంగా తీవ్ర దుష్పరిణామాలు ఎదురవుతాయన్నారు. పనులు వెంటనే నిలిపివేయాలని జిల్లా ఉన్నతాధికారులకు విన్నవించినా పట్టించుకోవడం లేదన్నారు. పనులు ఆపేంతవరకు ఆందోళనలు కొనసాగిస్తామని హెచ్చరించారు.

కడెం: మండలంలోని లింగాపూర్‌తండాకు చెందిన అంగన్‌వాడీ టీచర్‌ ధరంసోత్‌ శ్రీలతపై అదే తండాకు చెందిన సురేందర్‌, కమల, సరోజ దాడి చేశారు. శనివారం ఉదయం అంగన్‌వాడీ కేంద్రానికి వచ్చిన సరుకులు తీసుకునేందుకు శ్రీలత వెళ్తుండగా దాడికి పాల్పడ్డారు. ఈ దాడిలో గాయపడిన శ్రీలతను ఖానాపూర్‌ ఆస్పత్రికి, అక్కడి నుంచి మెరుగైన చికిత్స కోసం నిర్మల్‌ ఆస్పత్రికి తరలించారు. ఆస్పత్రిలో చికిత్స పొందుతున్న అంగన్‌వాడీ టీచర్‌ శ్రీలతను సీడీపీవో సరిత, సూపర్‌వైజర్లు పరామర్శించారు. హోలీ పండుగ రోజున జరిగిన గొడవ కారణంగానే అంగన్‌వాడీ టీచర్‌పై దాడి జరిగినట్లు గ్రామస్తులు భావిస్తున్నారు. దాడి చేసినవారిని కఠినంగా శిక్షించాలని ఏఐటీయూసీ జిల్లా అధ్యక్షుడు భుక్యా రమేశ్‌ డిమాండ్‌ చేశారు. విద్యుత్‌ కంచెకు తగిలి రైతు దుర్మరణం నర్సాపూర్‌ (జి): పంటను అడవి జంతువుల బారి నుంచి రక్షించుకునేందుకు విద్యుత్‌ కంచె ఏర్పాటు చేసుకున్న రైతుకు అదే కంచె మృత్యుపాశమై కాటేసిన ఘటన మండలంలో శనివారం చోటుచేసుకుంది. ఎస్సై సాయికిరణ్‌ తెలిపిన వివరాల ప్రకారం.. మండలంలోని రాంపూర్‌ అనుబంధ నసీరాబాద్‌ గ్రామానికి చెందిన బొందుగుల మల్లయ్య (54) వ్యవసాయం చేస్తూ కుటుంబాన్ని పోషించేవాడు. తనకున్న రెండెకరాల్లో మొక్కజొన్న సాగు చేశా డు. పంటను అడవి జంతువుల బారి నుంచి రక్షించుకునేందుకు చుట్టూ జీఐ వైర్‌ చుట్టి కరెంట్‌ కనెక్షన్‌ ఇస్తుండేవాడు. శుక్రవారం సాయంత్రం వ్యవసాయ క్షేత్రానికి వెళ్లి విద్యుత్‌ కనెక్షన్‌ ఇస్తుండగా ప్రమాదవశాత్తు కరెంట్‌ షాక్‌ తగిలి అక్కడికక్కడే మృతి చెందాడు. శనివారం ఉదయం వరకు మల్లయ్య ఇంటికి రాకపోయేసరికి అతడి భార్య చిన్నక్క వ్యవసాయ క్షేత్రానికి వెళ్లి చూడగా కరెంట్‌ షాక్‌ తగిలి మృతి చెంది ఉన్నాడు. చిన్నక్క ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు. మద్యం మత్తులో ఒకరి ఆత్మహత్య ఇంద్రవెల్లి: మద్యం మత్తులో వ్యక్తి పురుగుల మందు తాగి ఆత్మహత్యకు పాల్పడిన ఘటన మండలంలోని బుర్సన్‌పటర్‌ గ్రామంలో చోటు చేసుకుంది. కుటుంబీకులు, ఎస్సై సునీల్‌ తెలిపిన వివరాల ప్రకారం.. గ్రామానికి చెందిన సోన్‌కాంబ్లే విద్యాసాగర్‌(57) వ్యవసాయం చేస్తూ కుటుంబాన్ని పోషిస్తున్నాడు. శుక్రవారం హోలీ సంబరాల్లో భాగంగా అతిగా మద్యం తాగాడు. అదే మత్తులో సాయంత్రం చేనుకు వెళ్లి అక్కడ గుర్తు తెలియని పురుగుల మందు తాగి స్పృహ కోల్పోయాడు. గమనించిన స్థానికులు వెంటనే కుటుంబీకులకు సమాచారం అందించి 108లో ఆదిలాబాద్‌ రిమ్స్‌కు తరలించారు. చికిత్స పొందుతూ రాత్రి మృతి చెందాడు. మృతుడి కుమారుడు కిరణ్‌ ఫిర్యాదు మేరకు కేసు దర్యాప్తు చేస్తున్నట్లు ఎస్సై తెలిపారు. మద్యానికి బానిసై మరొకరు..బజార్‌హత్నూర్‌: మద్యానికి బానిసైన వ్యక్తి ఉరేసుకుని ఆత్మహత్యకు పాల్పడిన సంఘటన మండలంలోని రాంనగర్‌ గ్రామంలో చోటు చేసుకుంది. ఎస్సై అప్పారావ్‌ తెలిపిన వివరాల ప్రకారం.. జాతర్ల గ్రామపంచాయతీ పరిధిలోని రాంనగర్‌ గ్రామానికి చెందిన గొడం గంగారాం(54) కొంతకాలంగా మద్యానికి బానిసయ్యాడు. జీవితంపై విరక్తి చెంది శనివారం ఉదయం తన పంట పొలంలోని చెట్టుకు తాడుతో ఉరేసుకుని బలవన్మరణానికి పాల్పడ్డాడు. మృతుడి కుమారుడు అజయ్‌ ఫిర్యాదు మేరకు కేసు దర్యాప్తు చేస్తున్నట్లు ఎస్సై తెలిపారు. ఉరేసుకుని ఒకరి ఆత్మహత్య కడెం: మండలంలోని పెద్దబెల్లాల్‌ పంచా యతీ పరిధి మొర్రిగూడెం గ్రామానికి చెందిన ఆకుల సత్తెన్న (42) ఉరేసుకుని ఆత్మహత్యకు పాల్పడ్డాడు. ఎస్సై ఎం.కృష్ణసాగర్‌రెడ్డి తెలిపిన వివరాల ప్రకారం.. 20 ఏళ్ల క్రితం వివాహమైన సత్తెన్నకు సంతానం కలగకపోవడం, రెండేళ్ల క్రితం భార్య అ నారోగ్యంతో మరణించడంతో మద్యానికి బానిసయ్యాడు. ఒంట రిజీవితం గడుపుతున్న అతడు మనస్తాపంతో గతంలో పలు సార్లు ఆత్మహత్యాయత్నం చేశాడు. ఈక్రమంలో ఈనెల 14న మద్యం సేవించి బాత్‌రూంలో టవల్‌తో ఉరేసుకుని ఆత్మహత్యకు పాల్పడ్డాడు. మృతుడి తమ్ముడు ఆకుల శంకర్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై పేర్కొన్నారు.

● స్మార్ట్‌కార్డుల దరఖాస్తుకు ప్రత్యేకపోర్టల్‌ ● కేంద్ర, రాష్ట్ర సంక్షేమ పథకాల లబ్ధికి దోహదం ● ఒకే కార్డుతో అనేక ప్రయోజనాలు కై లాస్‌నగర్‌: రాష్ట్ర ప్రభుత్వం అందించే సంక్షేమ పథకాల ప్రయోజనాలతో పాటు కేంద్ర పథకాలను పొందేందుకు వీలుగా దివ్యాంగులకు యూనిక్‌ డిజ బెలిటి ఐడెంటిఫికేషన్‌ నంబర్‌ (యూడీఐడీ) స్మార్ట్‌ కార్డుల జారీకి రాష్ట్ర ప్రభుత్వం శ్రీకారం చుట్టింది. ఇప్పటి వరకు వారి వైకల్య ధ్రువీకరణపత్రాన్ని సదరం శిబిరాల్లో కాగితం రూపంలో అందిస్తున్నా రు. అందుకు నిర్ణీత కాల పరిమితి ఉంటుంది. కార్డు పునరుద్ధరణ, కొత్త కార్డుల జారీ కోసం దివ్యాంగులు ఇబ్బందులు పడకుండా ఉండాలనే ఉద్దేశంతో ఆధార్‌ తరహా ప్రత్యేక నంబర్‌తో కూడిన స్మార్ట్‌కార్డులను జారీ చేయనుంది. ఈ మేరకు ప్రభుత్వం ఆదేశాలు జారీ చేసింది. అందుకనుగుణంగా ఈ నెల 8న జిల్లాలోని దివ్యాంగుల ప్రతినిధులు, డీఆర్డీఏ, వికలాంగులు, వయోవృద్ధుల సంక్షేమశాఖ అధికారులతో ప్రత్యేక సమీక్ష నిర్వహించి స్మార్ట్‌కార్డుల జారీపై దిశానిర్దేశం చేశారు. దరఖాస్తుల స్వీకరణకు ప్రత్యేక పోర్టల్‌ యూడీఐడీ కార్డులకు దరఖాస్తు చేసుకునేందు కోసం కేంద్ర ప్రభుత్వం http://www. swavlambancard.gov. in ప్రత్యేక ఫోర్టల్‌ను ప్రారంభించింది. దీని ద్వారా దివ్యాంగులు నేరుగా ఆన్‌లైన్‌లో ఇంటి నుంచే దరఖాస్తు చేసుకోవచ్చు. లేదంటే మీసేవ కేంద్రాల్లోనూ అప్లై చేసుకోవచ్చు. దరఖాస్తులో అడిగిన వివరాలు నింపడంతో పాటు పాస్‌పోర్టుసైజ్‌ ఫొటో, సంతకం, ఆధార్‌ను అప్‌లోడ్‌ చేయాల్సి ఉంటుంది. ఇలా దరఖాస్తు చేసుకోగానే ఎన్‌రోల్‌మెంట్‌ నంబర్‌ సెల్‌ఫోన్‌కు మేసేజ్‌ రూపంలో అందుతుంది. 31.10.2023 వరకు జారీ చేసిన సదరం సర్టిఫికెట్లు కలిగిన వారందరికీ యూడీఐడీ స్మార్టు కార్డు, సర్టిఫికెట్లు ప్రభుత్వం జనరేట్‌ చేసి ఉంచింది. కొంతమందికి ఆ కార్డులను నేరుగా వారు సూచించిన చిరుమానాకు పోస్టల్‌ ద్వారా పంపించగా మరికొందరి కార్డులను జిల్లా సంక్షేమాధికారి కార్యాలయానికి పంపించింది. కార్డు రానటువంటి వారెవరైనా ఉంటే యుడీఐడీ పోర్టల్‌లో ఆధార్‌కార్డు, మొబైల్‌ నంబర్‌ ద్వారా తెలుసుకునే వెసులుబాటును సైతం కల్పించింది. జిల్లాలోని దివ్యాంగుల వివరాలు కేటగిరీ దివ్యాంగులు ఆర్థోపెడిక్‌ 6,535 దృష్టిలోపం 1,266 వినికిడి లోపం 1,315 మానసిక వైకల్యం 1,295దివ్యాంగులు సద్వినియోగం చేసుకోవాలిజిల్లాలోని దివ్యాంగులు కేంద్ర ప్రభుత్వం జారీ చేయనున్న యుడీఐడీ స్మార్ట్‌కార్డుల కోసం దరఖాస్తు చేసుకోవాలి. ఈ మేరకు అవగాహన కల్పించేలా వీవోఏలు, స్వయం సహాయక సంఘాల మహిళలతో పాటు పంచాయతీ కార్యదర్శులు విస్తృత ప్రచారం కల్పించాలి. సదరం సర్టిఫికెట్‌ కలిగిన వారికి కూడా ఈ స్మార్ట్‌కార్డులు నేరుగా వారి ఇంటి వద్దకే రానున్నాయి. ఏమైనా సందేహాలుంటే ఎంపీడీవో కార్యాలయాల్లో సంప్రదించి నివృత్తి చేసుకోవచ్చు. – రాథోడ్‌ రవీందర్‌, డీఆర్డీవో

● కలెక్టర్‌ రాజర్షిషాఆదిలాబాద్‌టౌన్‌: ఆర్టిఫిషల్‌ ఇంటెలిజెన్స్‌ (ఏఐ) పరిజ్ఞానంతో విద్యార్థులకు మరింత నాణ్యమైన వి ద్యాబోధన అందుతుందని కలెక్టర్‌ రాజర్షిషా అన్నా రు. జిల్లా కేంద్రంలోని తాటిగూడ ప్రభుత్వ పాఠశాలలో ఎఫ్‌ఎల్‌ఎన్‌–ఏఎక్సల్‌ ల్యాబ్‌ను శనివారం ప్రారంభించారు. ఈ సందర్భంగా కలెక్టర్‌ మాట్లాడుతూ, విద్యార్థుల సామర్థ్యాలను పెంచేందుకు ఏఐ ఎంతగానో దోహద పడుతుందన్నారు. స్టెప్‌ ఫౌండేషన్‌తో ప్రభుత్వం ఒప్పందం కుదుర్చుకుందని, ప్రత్యేక సాఫ్ట్‌వేర్‌ ద్వారా విద్యాబోధన చేయనున్నట్లు పేర్కొన్నారు. ఉపాధ్యాయులు విద్యార్థులను ప్రోత్సహించి ప్రయోజకులుగా తీర్చిదిద్దాలని సూచించారు. కార్యక్రమంలో డీఈవో ప్రణీత, సెక్టోరియల్‌ అధికారి శ్రీకాంత్‌గౌడ్‌, హెచ్‌ఎం నారాయణ, శిక్షకుడు గణేశ్‌ తదితరులు పాల్గొన్నారు. ఈవీఎంల గోడౌన్‌ పరిశీలనకై లాస్‌నగర్‌: జిల్లా కేంద్రంలోని శాంతినగర్‌లో గల ఈవీఎంల గోడౌన్‌ను కలెక్టర్‌ రాజర్షి షా శనివారం పరిశీలించారు. త్రైమాసిక తనిఖీల్లో భాగంగా వివి ధ రాజకీయ పార్టీల ప్రతినిధులతో కలిసి సందర్శించారు. స్ట్రాంగ్‌ రూం సీల్‌ తీయించి అందులో భద్రపర్చిన ఈవీఎంల స్థితిగతులను స్వయంగా పరిశీ లించారు. అనంతరం యథావిధిగా సీల్‌ వేయించా రు. అనంతరం కలెక్టరేట్‌లోని సమావేశ మందిరంలో సమావేశం నిర్వహించి జిల్లా ఓటర్లకు సంబంధించిన వివరాలను రాజకీయ పార్టీల ప్రతినిధుల కు వివరించారు. 18 ఏళ్లు నిండిన యువత ఓటర్లుగా నమోదు చేసుకునేలా చూడాలని కోరారు. ఇందులో అదనపు కలెక్టర్‌ శ్యామలాదేవి, ఆర్డీవో వినోద్‌కుమార్‌, ఎన్నికల విభాగం సూపరింటెండెంట్‌ రాథోడ్‌ పంచపూల తదితరులు పాల్గొన్నారు. వ్యాధిగ్రస్తులు సరైన సమయంలో మాత్రలు వేసుకోవాలిఆదిలాబాద్‌రూరల్‌: క్షయ వ్యాధిగ్రస్తులు సరైన సమయంలో మాత్రలు వేసుకోవాలని కలెక్టర్‌ రాజర్షి షా అన్నారు. వంద రోజుల టీబీ కార్యక్రమంలో భాగంగా మండలంలోని అంకోలి పీహెచ్‌సీలో టీబీ పెషెంట్స్‌కు నిక్షయ పోషణ్‌ కిట్స్‌ను శనివారం పంపిణీ చేశారు. కార్యక్రమంలో డీఎంహెచ్‌వో నరేందర్‌ రాథోడ్‌, గ్లాండ్‌ఫార్మా ప్రతినిధులు రఘురామన్‌, గిరీష్‌, సుబ్బరాజు, లోక భారతి ట్రస్టు ప్రతినిధి కుమారన్‌, డిప్యూటీ డీఎంహెచ్‌వోలు మనోహర్‌, సాధన, డీటీసీవో సుమలత, ఎన్‌సీడీ పీవో శ్రీధర్‌, డీఎల్‌వో గజానంద్‌, మండల వైద్యాధికారులు ఆశాకిరణ్‌, సర్ఫరాజ్‌, టీబీ ఎంవో సాయిప్రియ తదితరులు పాల్గొన్నారు.

● స్నేహితుడికి రూ.50 వేలు ఇచ్చిన కొడుకు ● దాడిచేసి గొలుసు ఎత్తుకెళ్లిన దుండగులు ● 24 గంటల్లో కేసు ఛేదించిన పోలీసులు మంచిర్యాలరూరల్‌(హాజీపూర్‌): తండ్రి, కొడుకు మధ్య కొన్ని రోజులుగా తలెత్తిన గొడవ చివరకు దాడి దారితీసింది. తండ్రి గొడవతో విసిగిపోయిన కొడుకు దాడి చేయించేందుకు స్నేహితుడికి సుపారీ ఇచ్చాడు. సుపారీ తీసుకున్న స్నేహితుడు దుండగులతో దాడి చేయించడంతోపాటు బంగారు గొలుసు ఎత్తుకెళ్లారు. ఈ ఘటన మంచిర్యాల మున్సిపల్‌ కార్పొరేషన్‌ పరిధిలోని వేంపల్లిలో జరిగింది. బాధితుడి ఫిర్యాదు మేరకు కేసు నమోదు చేసుకున్న పోలీసులు 24 గంటల్లో కేసును ఛేదించారు. మంచిర్యాల రూరల్‌ సీఐ అశోక్‌, హాజీపూర్‌ ఎస్సై సురేశ్‌ హాజీపూర్‌ పోలీస్‌ స్టేషన్‌లో శనివారం వివరాలు వెల్లడించారు. వేంపల్లికి చెందిన నాగిరెడ్డి సత్యానందం–సరస్వతి దంపతులకు కొడుకు రమేశ్‌ ఉన్నాడు. దుకాణం నడుపుతూ జీవనం సాగిస్తున్నారు. కొన్ని రోజులుగా తండ్రి, కొడుకు మధ్య గొడవలు జరుగుతున్నాయి. ఈ క్రమంలో రమేశ్‌ తండ్రిపై దాడి చేయించేందుక అతని స్నేహితుడు సొల్లు అవినాశ్‌కు రూ.50 వేల సుపారీ ఇచ్చాడు. దీంతో అవినాష్‌ గర్మిళ్లకు చెందిన అందె అశోక్‌, అట్ల సంతోష్‌, ఎన్టీఆర్‌ నగర్‌కు చెందిన మామిడిపల్లి చందు, చింతల కృష్ణతో కలిసి దాడికి ప్లాన్‌ చేశాడు. ఈ క్రమంలో శుక్రవారం మధ్యాహ్నం సత్యానందర్‌ ఇంట్లో ఉండగా దాడి చేయించాడు. అంతేకాకుండా అతని మెడలోని బంగారు గొలుసు లాక్కెళ్లారు. దీంతో బాధితుడు సాయంత్ర పోలీసులకు ఫిర్యాదు చేశాడు. కేసు నమోదు చేసిన పోలీసులు ఈ ఘటనను సీరియస్‌గా తీసుకున్నారు. మూడు బృందాలుగా ఏర్పడి గాలింపు చేపట్టారు. కొడుకుపై అనుమానంతో..ఈ క్రమంలో కొడుకుపై అనుమానం రావడంతో అతడిని విచారణ చేశారు. దీంతో జరిగిన విషయం చెప్పాడు. దీంతో పోలీసులు అవినాశ్‌తోపాటు అశోక్‌, సంతోష్‌, చందు, కృష్ణను కూడా అదుపులోకి తీసుకున్నారు. 24 గంటల్లో దాడి కేసును ఛేదించారు. అయితే విచారణలో రమేశ్‌ చెప్పిన విషయాలు విని పోలీసులు షాక్‌కు గురయ్యారు. కేవలం కుటుంబ కలహాలతో కన్న తండ్రిపైనే దాడికి సుపారి ఇచ్చినట్లు రమేశ్‌ పోలీసులకు తెలిపాడు. నిందితుల నుంచి తులం బంగారు గొలుసు, సుపారీ కింద ఇచ్చిన రూ.30,670 నగదు, రెండు ద్విచక్ర వాహనాలు స్వాధీనం చేసుకున్నారు. 24 గంటల్లో కేసు ఛేదించిన మంచిర్యాల రూరల్‌ సీఐ ఆశోక్‌, హాజీపూర్‌ ఎస్సై సురేశ్‌, సీసీసీ ఎస్సై సుగుణాకర్‌, ఏఎస్సై ఎజాజ్‌, కానిస్టేబుళ్లు చంద్రశేఖర్‌, నరేందర్‌, ఎస్‌కే.పాషాను సీపీ అంబర్‌ కిషోర్‌ ఝా, డీసీపీ భాస్కర్‌, ఏసీపీ ప్రకాశ్‌ అభినందించారు.

‘ఆదిలాబాద్‌కు ఎయిర్‌పోర్టు తెస్తా.. ఆ బాధ్యత నాది.. ఆ మంచి పేరు కూడా నేనే తీసుకుంటా.. మొదటి విడతలో వరంగల్‌కు తెచ్చా.. రెండో విడతలో ఆదిలాబాద్‌కు తీసుకొస్తా.. తెలంగాణ వచ్చిన తర్వాత కొత్త ఎయిర్‌పోర్టుల కోసం ఎలాంటి ప్రయత్నం జరగలేదు.. అదే పక్క రాష్ట్రాలను చూడండి.. ఎన్ని ఉన్నాయి.. మన దగ్గర కూడా పెంచేందుకు కృషి చేస్తున్నా.. పెండింగ్‌ ప్రాజెక్ట్‌లను సాధించేందుకే ఢిల్లీ వెళుతున్నా.. కేంద్ర మంత్రులను కలుస్తున్నా.. ఆదిలాబాద్‌ ఎయిర్‌పోర్టుకు సంబంధించి కేంద్రంలో ఉన్నవారితో ఇక్కడి బీజేపీ నేతలకు ఉన్న సంబంధాలను ఉపయోగించుకుందాం.. రాష్ట్ర ప్రయోజనాల విషయంలో మాకు ఎలాంటి భేషజాలు లేవు’ ఇది సీఎం రేవంత్‌రెడ్డి శనివారం శాసనసభలో అన్న మాటలు. ●రాష్ట్ర బడ్జెట్‌కు సంబంధించి ప్రస్తుతం అసెంబ్లీ సమావేశాలు జరుగుతున్న విషయం తెలిసిందే. గవర్నర్‌ ప్రసంగానికి సంబంధించి ధన్యవాదాలు తెలిపే తీర్మానంపై శనివారం శాసనసభలో చర్చ సా గింది. ఈ సందర్భంగా స్థానిక ఎమ్మెల్యే పాయల్‌ శంకర్‌.. ఆదిలాబాద్‌లో ఎయిర్‌పోర్టు నిర్మాణానికి సంబంధించి చర్చ లేవనెత్తారు. ప్రధానంగా కేంద్ర ప్రభుత్వం సిద్ధంగా ఉన్నప్పటికీ రాష్ట్ర ప్రభుత్వం నుంచి చొరవ లేకపోవడంతో ఆదిలాబాద్‌ విషయంలో ముందడుగు పడటం లేదని పేర్కొన్నారు. వెనుకబడిన ఈ ప్రాంతంలో ఎయిర్‌పోర్టు ఏర్పాటుతో పాటు పరిశ్రమల అభివృద్ధికి అనేక అవకాశాలున్నా పట్టించుకోవడం లేదన్నారు. దీనిపై స్పందించిన సీఎం రేవంత్‌రెడ్డి ఈ ప్రాంతవాసుల మనోభావా లకు అనుగుణంగా కీలక వ్యాఖ్యలు చేశారు. ‘సాక్షి’ ప్రత్యేక చొరవ.. కేంద్ర ప్రభుత్వం ఇటీవల వరంగల్‌లోని మామూనూరులో ఎయిర్‌పోర్టు ఏర్పాటుకు నిర్ణయం తీసుకున్న విషయం తెలిసిందే. ఈ క్రమంలో సీఎం రేవంత్‌రెడ్డి వరంగల్‌కు ఎయిర్‌పోర్టు తానే తీసుకొ చ్చానని చెప్పుకోవడం, ఆ తర్వాత హైదరాబాద్‌లో కేంద్రమంత్రులు కిషన్‌రెడ్డి, రామ్‌మోహన్‌ నాయు డు విలేకరుల సమావేశం ఏర్పాటు చేసి దేశంలో కొత్త ఎయిర్‌పోర్టులు ఏర్పాటు చేసే విషయంలో మోదీ సర్కారు చొరవ చూపుతుందని పేర్కొన్నా రు. అలాగే రాష్ట్రంలోని భద్రాద్రి కొత్తగూడెం, నిజామాబాద్‌లోని జక్రాన్‌పల్లిలో కూడా ఏర్పాటు చేసే విషయంలో ముందుంటామని స్పష్టం చేశారు. అయితే ఆదిలాబాద్‌ అంశాన్ని ప్రస్తావించకపోవడంతో ఈ ప్రాంతవాసుల్లో నిరాశ వ్యక్తమైంది. ప్రధానంగా ఇక్కడ మౌలిక వసతులు అందుబాటులో ఉండడం, దశాబ్దాలుగా విమానాశ్రయం ఏర్పా టు డిమాండ్‌ ఉన్నా విస్మరించడంపై ఒకింత నారా జ్‌ అయ్యారు. ఈ క్రమంలో ‘సాక్షి ’ సామాజిక బా ధ్యతగా చొరవ తీసుకుంది. ఈ నెల 5న జిల్లా కేంద్రంలోని టీఎన్జీవో భవన్‌లో ‘ఆదిలాబాద్‌ ఎయిర్‌పోర్టు సాధన కోసం’ చర్చా వేదిక నిర్వహించింది. కార్యక్రమానికి అపూర్వ స్పందన లభించింది. పట్ట ణానికి చెందిన మేధావులు, ప్రముఖులు పాల్గొని ఆదిలాబాద్‌కు విమానాశ్రయం ఇవ్వాలని ముక్తకంఠంతో డిమాండ్‌ చేశారు. అంతే కాకుండా ఎయిర్‌పోర్టు సాధన కోసం అప్పటికప్పుడే అడహక్‌ కమిటీని సైతం ఏర్పాటు చేశారు. రానున్న రోజుల్లో రాజకీయాలకతీతంగా ఐక్య ఉద్యమానికి సిద్ధమని ప్రకటించడంతో స్థానిక ప్రజాప్రతినిధులపై ఒత్తిడి పెరిగింది. అదే రోజు ఎంపీ గోడం నగేశ్‌, ఆదిలా బాద్‌ ఎమ్మెల్యే పాయల్‌ శంకర్‌ విలేకరుల సమావేశం ఏర్పాటు చేసి ఎయిర్‌పోర్టు సాధన కోసం కృషి చేస్తున్నామని పేర్కొన్నారు. అలాగే ఈ ప్రాంతా నికి విమానాశ్రయం వస్తే కలిగే ప్రయోజనాలు.. అందుబాటులో ఉన్న వనరులు.. తదితర అంశాల ను ప్రస్తావిస్తూ ‘సాక్షి’ ఈనెల 9న తెలంగాణ యాసలో సండే స్పెషల్‌గా ‘మామ.. ఎయిర్‌పోర్టస్తే మనకేమస్తది’ శీర్షికన మరో కథనాన్ని ప్రచురించింది. ఈ నేపథ్యంలో తాజాగా అసెంబ్లీలో ఎమ్మెల్యే శంకర్‌ ఈ విషయాన్ని ప్రస్తావించగా సీఎం రేవంత్‌రెడ్డి సానుకూలంగా స్పందించడం జిల్లాలో సర్వత్రా చర్చనీయాంశమైంది. కేంద్రం పాజిటివ్‌గా ఉంది ఆదిలాబాద్‌లో ఎయిర్‌పోర్టు ఏర్పాటు చేసే అంశంలో కేంద్రం పాజిటివ్‌గా ఉంది. రాష్ట్రం నుంచి గతంలో బీఆర్‌ఎస్‌ సర్కారు సహకరించకపోవడంతో అనేక ప్రాజెక్ట్‌లు పెండింగ్‌లో ఉన్నాయి. వీటి సాధన విషయంలోనే మేము ప్రధానమంత్రితో పాటు కేంద్ర మంత్రులను తరచూ కలుస్తున్నాం. అందుకే అసెంబ్లీలో ఈ విషయాన్ని నేను ప్రస్తావించాను. ముఖ్యమంత్రి పాజిటివ్‌గా స్పందించారు. నేను అనేది ఒకటే..‘ పేరు మీకొచ్చినా .. మా ఆదిలాబాద్‌కు మాత్రం ఎయిర్‌పోర్టు కావాలి.. అనేదే మా నినాదం’. – పాయల్‌ శంకర్‌, ఎమ్మెల్యే, ఆదిలాబాద్‌ఈనెల 9న ‘సాక్షి’లో సండే స్పెషల్‌ స్టోరీఈనెల 6న ‘సాక్షి’లో ప్రచురితమైన కథనం

● ఎస్పీ అఖిల్‌ మహాజన్‌తాంసి: ఆదిలాబాద్‌ జిల్లా మహారాష్ట్రను ఆనుకుని ఉన్నందున అక్రమ రవాణాను అరికట్టేందుకు సరిహద్దులో నిఘా పెంచాలని ఎస్పీ అఖి ల్‌ మహాజన్‌ అన్నారు. మండలకేంద్రంలోని పోలీస్‌స్టేషన్‌ను శనివారం ఆయన సందర్శించారు. రికార్డులను పరిశీలించి పెండింగ్‌ కేసుల వివరాలు అడిగి తెలుసుకున్నారు. అనంతరం ఆవరణలో మొక్క నాటారు. ఫిర్యాదుదారులతో మర్యాదగా వ్యవహరిస్తూ, వారి సమస్యల సత్వర పరిష్కారానికి కృషి చేయాలని సిబ్బందికి సూచించారు. ఎస్పీ వెంట డీఎస్పీ జీవన్‌ రెడ్డి, రూరల్‌ సీఐ కె.ఫణిందర్‌, ఎస్సై రాధిక, ఉన్నారు. తొలిసారిగా గ్రామానికి విచ్చేసిన ఎస్పీని గ్రామస్తులు సన్మానించారు. తలమడుగు పోలీస్‌స్టేషన్‌ తనిఖీ..తలమడుగు: మండలకేంద్రంలోని పోలీస్‌ స్టే షన్‌ను ఎస్పీ అఖిల్‌ మహాజన్‌ తనిఖీ చేశారు. స్టేషన్‌ ఆవరణలో మొక్క నాటారు. ఆయన వెంట ఎస్సై అంజమ్మ, సిబ్బంది ఉన్నారు. ఏప్రిల్‌ 20 నుంచి ‘ఓపెన్‌’ పరీక్షలుఆదిలాబాద్‌టౌన్‌: ఓపెన్‌ స్కూల్‌ పదో తరగతి, ఇంటర్మీడియెట్‌ పరీక్షలు ఏప్రిల్‌ 20 నుంచి 26 వరకు నిర్వహించనున్నట్లు డీఈవో ప్రణీత ప్రకటనలో తెలిపారు. ఉద యం 9 నుంచి మ ధ్యాహ్న 12 గంటల వర కు, మధ్యాహ్నం 2.30 నుంచి సాయంత్రం 5.30 గంటల వరకు పరీక్షలు ఉంటాయని పేర్కొన్నారు. అలాగే ప్రాక్టికల్‌ పరీక్షలు ఏప్రిల్‌ 26 నుంచి మే 3 వరకు నిర్వహించనున్నట్లు తెలిపారు. విషయాన్ని అభ్యాసకులు గమనించాలని సూచించారు.

ఆదిలాబాద్‌టౌన్‌: కేంద్ర ప్రభుత్వం జీవో 3ను పునరుద్ధరించి ఆదివాసీలకు ఉద్యోగాలు దక్కేలా చూడాలని టీఏజీఎస్‌ రాష్ట్ర కార్యదర్శి పూసం సచిన్‌ డిమాండ్‌ చేశారు. బెంగుళూర్‌లో నిర్వహిస్తున్న ఆదివాసీ అధికార్‌ రాష్ట్రీయ మంచ్‌ జాతీయ సమావేశాల్లో ఆయన రాష్ట్ర ప్రతినిధిగా పాల్గొని మాట్లాడారు. జీవో 3ను పునరుద్ధరణ చేసే అధికారం, అవకాశం కేంద్ర ప్రభుత్వానికి మాత్రమే ఉందన్నారు. అయితే ఆ దిశగా ప్రభుత్వం ఎలాంటి చొరవ చూపడం లేదన్నారు. సుప్రీంకోర్టు తీర్పు నేపథ్యంలోనైనా కేంద్రం స్పందించి 5వ షెడ్యూల్‌లో ఆదివాసీ యువతకు న్యాయం జరిగేలా చర్యలు చేపట్టాలని డిమాండ్‌ చేశారు.

తాంసి: రైతులు సాగు చేస్తున్న ప్రతీ పంటను ప్రభుత్వం మద్దతు ధరతో కొనుగోలు చేస్తూ వారికి అండగా నిలుస్తుందని డీసీసీబీ చైర్మన్‌ అడ్డి భోజారెడ్డి అన్నారు. మండల కేంద్రంలోని సబ్‌ మార్కెట్‌ యార్డులో ప్రాథమిక సహకార సంఘం ఆధ్వర్యంలో ఏర్పాటు చేసిన శనగల కొనుగోలు కేంద్రాన్ని శనివారం ఆయన ప్రారంభించారు. రైతులు కొనుగోలు కేంద్రాల్లోనే పంట దిగుబడులను విక్రయించుకుని మద్దతు ధర పొందాలని సూచించారు. కార్యక్రమంలో సీఈవో కేశవ్‌, ఏవో రవీందర్‌, రైతులు పాల్గొన్నారు. కల్యాణలక్ష్మీ చెక్కుల పంపిణీ తాంసి, భీంపూర్‌ మండలాలకు చెందిన పలు వురు లబ్ధిదారులకు డీసీసీబీ చైర్మన్‌ భోజారెడ్డి శనివారం కల్యాణలక్ష్మి చెక్కులు అందజేశారు. తాంసి ఎంపీడీవో కార్యాలయంలో 35 మందికి, భీంపూర్‌ పంచాయతీ కార్యాలయ ఆవరణలో 57 మందికి పంపిణీ చేశారు. కార్యక్రమంలో తహసీల్దార్లు లక్ష్మి, నలందప్రియ, ఎంపీడీవోలు మోహన్‌ రెడ్డి, గోపాలకృష్ణారెడ్డి తదితరులు పాల్గొన్నారు.

● చెన్నూర్‌ చేలల్లో సాగు.. ● పంట మార్పిడికి ముందుకు వస్తున్న రైతులు ● తక్కువ నీటి వసతి.. ఎక్కువ దిగుబడి ● పంటను ఆశించని తెగుళ్లు చెన్నూర్‌రూరల్‌: ఎప్పుడూ ఒకే రకం పంటల సాగుతో భూమిలో సారం దెబ్బతింటుంది. పంట మార్పిడి విధానం పాటించాలని వ్యవసాయాధికారులు కూడా తరచూ రైతులకు అవగాహన కల్పిస్తున్నారు. అయితే చాలా మంది రైతులు దీనిని పట్టించుకోరు. కానీ, చెన్నూరు మండలంలో కొందరు రైతులు అధికారుల సూచనలతో పంట మార్పిడి విధానంతో లాభాలు గడిస్తున్నారు. మిర్చి పంట సాగు చేసి పురుగు ఆశించడం, సరైన దిగుబడి రాకపోవడం, మద్దతు ధర లేకపోవడంతో విసిగిపోయిన రైతులు ప్రత్యామ్నాయ పంటల వైపు మొగ్గుచూపుతున్నారు. కొందరు మిర్చి పంటకు బదులుగా పొగాకు సాగుచేస్తున్నారు. ఈ పంటకు తక్కువ నీరు, తెగుళ్ల బెడద లేకపోవడంతో సాగుకు చాలా మంది ముందుకు వస్తున్నారు. చెన్నూర్‌ మండలంలో గతేడాది కేవలం రెండెకరాల్లో పొగాకు సాగు కాగా, ఈ ఏడాది జిల్లా వ్యాప్తంగా సుమారు 20 ఎకరాల వరకు సాగు చేశారు. చెన్నూర్‌ మండలం అక్కెపల్లి, శివలింగాపూర్‌లో మాత్రమే సాగవుతుంది. మిర్చి, పత్తి పంట పెట్టుబడి తరహాలోనే పొగాకు పంటకు పెట్టుబడి అవుతుందని, లాభాలు మాత్రం ఎక్కువగా ఉంటున్నాయని రైతులు పేర్కొంటున్నారు. చీడ, పీడలు, తక్కువే..పొగాకు పంటలో కలుపు, తెగుళ్ల బెడద ఉండదు. ఒక లద్దె పురుగు, తేనె మంచు మాత్రమే ఆశిస్తుంది. దీని నివారణకు లామ్డాసైహలోత్రిన్‌, ఇమిడాక్లోప్రిడ్‌ మందును ఎకరాకు 120 ఎంఎల్‌ పిచికారీ చేస్తే సరిపోతుంది. లేదా క్లోరాంధ్రనిలిప్రోల్‌ 60 ఎంఎల్‌ పిచికారీ చేయాలి. ఈ పంటకు కోతులు, అడవి పందులు, పశువుల బెడద ఉండదు. ఆరబెట్టే విధానం..పంట వేసిన ఐదు నెలలకు దిగుబడి చేతికి వస్తుంది. ఆకులను తెంపి సోలార్‌ కవర్‌ ఉన్నట్లయితే 8 నుంచి 10 రోజులు ఆరబెడితే సరిపోతుంది. లేదంటే తోరణాలుగా తయారు చేసి 20 రోజుల నుంచి 25 రోజులు ఆరబెట్టాలి. మార్కెట్‌కు తీసుకువెళ్లే సమయంలో బేల్లుగా తయారు చేసి తేమశాతం లేకుండా చూసుకోవాలి. క్వింటాల్‌ ధర రూ.15 వేల వరకు వస్తుంది. జనగామ జిల్లా ములకనూరులో పొగాకు మార్కెటింగ్‌ సౌకర్యం ఉన్నప్పటికి ఆశించిన స్థాయిలో మద్దతు ధర రాకపోవడంతో రైతులు ఆంధ్రకు వెళ్లాల్సి వస్తుంది. రైతులు ఒకే రకం పంట సాగు చేయకుండా ఇలా పంట మార్పిడి చేస్తే అధిక లాభాలు పొందవచ్చు. రైతులు ముందుకు రావాలి పంట మార్పిడిని అవలంబించేందుకు రైతులు ముందుకు రావాలి. అక్కెపల్లి, శివలింగాపూర్‌ గ్రామాల రైతులు పొగాకు సాగు చేస్తున్నారు. ఈ పంటకు ఎలాంటి తెగుళ్లు ఆశించవు. పశువులు, ఆడవిపందులు, కోతుల బెడద ఉండదు. నీటి తడులు కూడా తక్కువగా ఉంటాయి. రైతులు స్వచ్ఛందంగా ముందుకు రావాలి. – యామిని, ఏవో, చెన్నూర్‌ పంట మార్పిడి చేయాలి ఎప్పటికీ ఒకే రకం పంటలు కాకుండా పంట మార్పిడి చేస్తే భూసారం దెబ్బతినకుండా ఉంటుంది. మా క్లస్టర్‌లో కొందరు రైతులు పొగాకు సాగు చేశారు. పంట దిగుబడి కూడా బాగానే వస్తుంది. రైతులు ఆలోచించాలి. – రాజశేఖర్‌, ఏఈవో, అక్కెపల్లి, క్లస్టర్‌ సాగు విధానంపొగాకు ఐదు నెలల పంట. ఆగస్టు, సెప్టెంబర్‌లో సాగుచేయాలి. ఇక్కడి రైతులకు నారు ఆలస్యంగా రావడంతో నవంబర్‌లో మొక్కలు పెట్టా రు. ఆంధ్రప్రదేశ్‌లోని ప్రకాశం జిల్లా కొత్తూరులోని జీపీఏ కంపెనీ వారు నారును అందించారు. ఒక్కో మొక్కకు రూ.1 చొప్పున పడుతుంది. ఎకరాకు 10 వేల మొక్కలు నాటుతారు. జీపీఏ కంపెనీ వారే పండిన పంటను కొనుగోలు చేస్తారు. ఇక్కడ సాగు చేసే పొగాకు రకం వైట్‌బెర్లీ రకం. ఎకరాకు రూ.70 వేలు ఖర్చవుతుంది. మొక్కలు నాటుపెట్టే సమయంలో ఆఖరి దుబ్బులో 15 కిలోల యూరియా, ఒక డీఏపీ 50 కిలోల బస్తా వేస్తారు. నాటుపెట్టి ఆకులు వచ్చే సమయంలో 50 కిలోల పొటాష్‌ని వేస్తారు. నీటితడులు మూడుసార్లు మాత్రమే అందిస్తారు. 25 రోజుల్లో అందించాల్సి ఉంటుంది. నాటు పెట్టిన 50 రోజుల్లో ఒక అమ్మోనియా వేస్తారు. ఎకరాకు 10 క్వింటాళ్ల దిగుబడి వస్తుంది.

ఆదిలాబాద్‌టౌన్‌: హోలీ సందర్భంగా ఎలాంటి అవాంఛనీయ ఘటనలు చోటు చేసుకోకుండా పోలీసులు అప్రమత్తమై ఉంటూ విధులు నిర్వర్తించాలని ఎస్పీ అఖిల్‌ మహాజన్‌ అన్నారు. జిల్లా కేంద్రంలోని ప్రధాన కూడళ్లను శుక్రవా రం ఆయన పరిశీలించారు. ప్రమాదాలు చోటు చేసుకోకుండా డ్రంకెన్‌ డ్రైవ్‌ పరీక్షలు నిర్వహించాలని పోలీస్‌ అధికారులను ఆదేశించారు. ప్ర జలంతా ప్రశాంత వాతావరణంలో పండుగ నిర్వహించుకోవాలని సూచించారు. పట్టణంలోని వినాయక చౌక్‌, అబ్దుల్లా చౌక్‌, గాంధీచౌక్‌ అంబేద్కర్‌ చౌక్‌, శివాజీ చౌక్‌ ప్రాంతాలను పరిశీలించి ట్రాఫిక్‌ సమస్యను అడిగి తెలుసుకున్నారు. త్వరలోనే అందరి సహకారంతో శాశ్వ త పరిష్కారం దిశగా చొరవచూపనున్నట్లు తెలిపారు. ఆయన వెంట డీఎస్పీలు ఎల్‌.జీవన్‌ రెడ్డి, పోతారం శ్రీనివాస్‌, సీఐలు సునీల్‌, శ్రీ నివాస్‌, రిజర్వ్‌ఇన్‌స్పెక్టర్లు, సిబ్బంది ఉన్నారు.బీఆర్‌ఎస్‌ నిరసనఆదిలాబాద్‌టౌన్‌: బీఆర్‌ఎస్‌ ఎమ్మెల్యే జగదీశ్వర్‌రెడ్డిని అసెంబ్లీ నుంచి సస్పెండ్‌ చేయడాన్ని నిరసిస్తూ పార్టీ ఆధ్వర్యంలో శుక్రవారం ఆందోళన చేపట్టారు. జిల్లా కేంద్రంలో పార్టీ కార్యాలయం ఎదుట సీఎం రేవంత్‌ రెడ్డి దిష్టిబొమ్మను దహనం చేశారు. ఈ సందర్భంగా పార్టీ పట్టణ అధ్యక్షుడు అలాల్‌ అజయ్‌ మాట్లాడుతూ కాంగ్రెస్‌ ప్రభుత్వం ఎన్నికల్లో ప్రజలకు ఇచ్చిన హామీలను అమలు చేయాలని, తడి ఆరిపోయి ఎండుతున్న పంట పొలాల రైతులను ఆదుకోవాలని అడిగిన పాపానికి జగదీశ్వర్‌ రెడ్డిని ఉద్దేశపూర్వకంగా అసెంబ్లీ నుంచి సస్పెండ్‌ చేయడాన్ని ఖండిస్తున్నామన్నారు. కార్యక్రమంలో పార్టీ జిల్లా ఉపాధ్యక్షుడు విజ్జగిరి నారాయణ, మాజీ కౌన్సిలర్లు కొండ గణేశ్‌, దమ్మాపాల్‌, అశోక్‌ స్వామి, ఏఎంసీ మాజీ చైర్మన్‌ మెట్టు ప్రహ్లాద్‌, మాజీ ఎంపీపీ గోవర్ధన్‌, తిరుపతి తదితరులు పాల్గొన్నారు.

● ఇచ్చోడ మండలంలోని అడెగామకు చెందిన అల్లూరి వెంకట్‌రెడ్డి స్టార్‌ హెల్త్‌ ఇన్సూరెన్స్‌లో రూ.10లక్షల విలువ గల ఇన్సూరెన్స్‌కు సంబంధించి రూ.33,866 చెల్లించాడు. తన భార్య భుజానికి గాయమైంది. ఈ మేరకు సదరు ఇన్సూరెన్స్‌ కంపెనీని సంప్రదించగా న్యాయం జరగలేదు. దీంతో ఆయన కన్జుమర్‌ కమిషన్‌ను ఆశ్రయించాడు. వైద్య ఖర్చుల నిమిత్తం రూ.లక్ష 81వేలను 9 శాతం వడ్డీతో కలిపి ఇవ్వాలని, అలాగే రూ.10వేల పరిహారం, రూ.5వేలు ఖర్చులకు ఇప్పించారు.నష్టపోతే వినియోగదారుల కమిషన్‌ను ఆశ్రయించాలివినియోగదారులకు న్యాయం చేయడమే కన్జుమర్‌ కమిషన్‌ ముఖ్య ఉద్దేశం. వస్తువులు కొనుగోలు చేసినప్పుడు తప్పనిసరిగా ఒరిజినల్‌ బిల్లు తీసుకోవాలి. 2018 నుంచి ఇప్పటివరకు ఉమ్మడి జిల్లాలో 1100 కేసులను పరిష్కరించడం జరిగింది. కన్జుమర్‌ కమిషన్‌ ద్వారా రియల్‌ ఎస్టేట్‌ కేసులు, ఇన్సూరెన్స్‌, మెడికల్‌ లీగల్‌ కేసులు, విద్యుత్‌ శాఖ, చిట్‌ఫండ్స్‌, సీడ్స్‌, వస్తువులు తదితర వాటికి సంబంధించి మోసపోతే నేరుగా సంప్రదించవచ్చు. 90 రోజుల్లో కేసుల పరిష్కారం కోసం చర్యలు చేపడతాం. నష్టపోయిన బాధితులకు పరిహారం ఇప్పించేలా చూస్తాం. సోమవారం నుంచి శుక్రవారం వరకు ఆదిలాబాద్‌ జిల్లా కేంద్రంలో కేసుల పరిష్కారం కోసం బెంచ్‌ నిర్వహించడం జరుగుతుంది. – జాబేజ్‌ శ్యాముల్‌, డీసీడీఆర్‌సీ ప్రెసిడెంట్‌ ఆదిలాబాద్‌టౌన్‌: కష్టపడి సంపాదించిన డబ్బు తో కొన్న వస్తువు సరిగ్గా పనిచేయకపోవడం, సంస్థలు అందించే సేవల్లో లోపాలతో వినియోగదారులు తీ వ్రంగా నష్టపోతున్న ఘటనలు జరుగుతూనే ఉన్నా యి. వస్తువులు, సరుకులు కొనుగోలు చేసే సమయంలో అవగాహన లోపం, సేవలు పొందడం తెలియక చాలామంది వినియోగదారులు మోసాలకు గురవ్వాల్సి వస్తోంది. చాలా సంస్థలు నైతిక విలువలు వదిలేసి నాసిరకం వస్తువులు, సరుకులు తయారు చేసి వినియోగదారులకు అంటగడుతున్నారు. వినియోగదారుల ప్రయోజనాలను పూర్తిగా తుంగలో తొక్కుతున్నారు. దీన్ని నివారించేందుకు కేంద్రం ప్రత్యేక చట్టాన్ని తీసుకొచ్చింది. ఇదివరకు ఏ వస్తువునైనా షాపులోకి వెళ్లి నేరుగా కొనుగోలు చేసేవారు. ప్రస్తుతం చాలా మంది ఆన్‌లైన్‌లో కొనుగోలు చేస్తున్నారు. దీంతో మోసాలు సైతం మరింతగా పెరిగిపోతున్నాయి. హక్కులను మరింతగా రక్షించేందుకు కన్జుమర్‌ కమిషన్‌ కీలకపాత్ర పోషి స్తుంది. వేల కేసుల పరిష్కారానికి చొరవ చూపింది. నష్టపోయినదానికంటే అధికంగా పరిహారం అందించి బాధితులకు అండగా నిలిచింది. నేడు అంతర్జాతీయ వినియోగదారుల హక్కుల దినోత్సవం సందర్భంగా ప్రత్యేక కథనం. అవగాహనే శ్రీరామ రక్ష.. ప్రజల శ్రేయస్సు కోసం కేంద్ర, రాష్ట్ర ప్రభుత్వాలు ఎన్నో చట్టాలు తీసుకొచ్చినా అవగాహన లేమితో అవి మెరుగైన ఫలితాలను సాధించడం లేదు. ప్ర స్తుత సాంకేతిక యుగంలోనూ ఎందరో వినియోగదారులకు తమ హక్కులపై సరైన చైతన్యం లేకుండా పోయింది. తమకు జరిగిన అన్యాయంపై కనీ సం ఫిర్యాదుసైతం చేయకుండా పోతున్నారు. నచ్చి న వస్తువుల సేవలు ఎంచుకోవడంతో పాటు వాటి నాణ్యత, పనితీరు గురించి తెలుసుకోవడం, అభిప్రాయం తెలియజేయడం తదితర హక్కులు విని యోగదారులకు ఉంటాయి. వస్తుసేవల విషయంలో ఏదైనా సమస్య తలెత్తితే వాటి విలువ ఆ ధారంగా జిల్లా, రాష్ట్ర, జాతీయ కమిషన్లను ఆశ్రయించవచ్చు. నష్టపోయిన వినియోగదారులకోసం ఉమ్మ డి జిల్లా పరిధిలో ఆదిలాబాద్‌ జిల్లా కేంద్రంలోని జిల్లా కోర్టుఆవరణలో జిల్లా వినియోగదారుల వివా దాల పరిష్కార కమిషన్‌ (డీసీడీఆర్సీ) ఉంది. అయి తే ప్రభుత్వాలు, స్వచ్ఛంద సంస్థలు వీటిపై అవగా హన కల్పిస్తే వినియోగదారులకు మరింతన్యాయం జరగనుంది. కేసులను 90 రోజుల్లో పరిష్కరించా లని చట్టం చెబు తోంది. చాలా కారణాలతో తీర్పుల్లో జాప్యం అవుతోంది. అయితే బాధితులు ఆన్‌లైన్‌, ఆఫ్‌లైన్‌లో మోసాలకు గురైతే నేరుగా ఫిర్యా దు చేసే అవకాశం ఉంది. ఒక్క రూపాయి నుంచి రూ.5లక్షల వరకు ఎలాంటి ఖర్చు లేకుండా న్యాయం పొందవచ్చు.వినియోగదారుల కోర్టులో కేసుల వివరాలు..ఉమ్మడి జిల్లా పరిధిలో 1988 నుంచి ఇప్పటివరకు నమోదైనవి 7,408పరిష్కారమైనవి 7,237పెండింగ్‌లో ఉన్నవి 1712023 నుంచి ఇలా.. సంవత్సరం నమోదైనవి పరిష్కారం అయినవి 2023 256 228 2024 163 29 2025 50 43

● గత బడ్జెట్‌లో నిధులు కేటాయించినా పైసా విదల్చని వైనం ● భూసేకరణలో పురోగతి నిల్‌ ● పెరుగుతున్న అంచనా వ్యయం ● తాజాగా మళ్లీ సవరించేందుకు సిద్ధం ● ఇకనైనా అడ్డంకులు తొలిగేనాసాక్షి,ఆదిలాబాద్‌: జిల్లాలో ప్రతిపాదిత కుప్టి ప్రాజెక్టుకు కాంగ్రెస్‌ ప్రభుత్వం అధికారంలోకి వచ్చిన తర్వాత గత బడ్జెట్‌లో నిధులు కేటాయించినా ఆ తర్వాత ఒక్క పైసా కూడా విదల్చలేదు. భూసేకరణలోనూ అడుగు కూడా ముందుకు పడలేదు. ఏటా ప్రాజెక్ట్‌ నిర్మాణ అంచనా వ్యయం పెరుగుతూనే పోతోంది. తాజాగా మళ్లీ సవరించేందుకు సిద్ధమవుతున్నారు. ఇప్పటికై నా ఆటంకాలు తొలుగుతాయా అనేది వేచి చూడాల్సిందే. మళ్లీ సవరణ..? నేరడిగొండ మండలం కుప్టి గ్రామం వద్ద ప్రాజెక్ట్‌ నిర్మించాలని గతంలో బీఆర్‌ఎస్‌ ప్రభుత్వం ఆలోచన చేసింది. అయితే ముందడుగు పడలేదు. కాంగ్రెస్‌ ప్రభుత్వం అధికారంలోకి వచ్చిన తర్వాత తొలిసారి గతేడాది బడ్జెట్‌లో రూ.234 కోట్లు మంజూరు ఇచ్చింది. దీంతో అప్పుడు ప్రాజెక్టు నిర్మాణానికి అడుగు పడినట్టేనని అంతా భావించారు. తదనుగుణంగా సాగునీటి, రెవెన్యూ అధికారులు రంగంలోకి కూడా దిగారు. ప్రాజెక్టు అమరిక కోసం భూమిని పరిశీలించారు. అప్పట్లో ముంపు భూములకు పరిహారం తేల్చిన తర్వాతే ఏదైనా అని నిర్వాసితులు స్పష్టం చేయడంతో కొంత వివాదం తలెత్తింది. నేరడిగొండ మండలంలోని కుమారి, గాజిలి, గాంధారి, కుప్టి గ్రామాలు ఈ ప్రాజెక్టు కింద ముంపుకు గురికానున్నాయి. ఇదిలా ఉంటే ఈ ప్రాజెక్టుకు సంబంధించి మొదట 2018లో రూ.794 కోట్ల వ్యయంతో నిర్మించాలని అప్పట్లో బీఆర్‌ఎస్‌ సర్కార్‌ అంచన వేసింది. అయితే ఒక్క అడుగు కూడా ముందుకు పడలేదు. తర్వాత పలుమార్లు ప్రాజెక్టు అంచనా వ్యయం సవరించారు. తాజాగా కాంగ్రెస్‌ సర్కార్‌ ఈ ప్రాజెక్టు విషయంలో ఎలాంటి అడుగు వేస్తుందనేదే ఆసక్తికరం. ఇదిలా ఉంటే వచ్చే జూలైలో దీనికి సంబంధించి స్టాండర్డ్‌ షెడ్యూల్‌ ఆఫ్‌ రేట్స్‌ (ఎస్‌ఎస్‌ఆర్‌) ప్రకారం మరోసారి అంచనా వ్యయం పెంచేందుకు రంగం సిద్ధమవుతోంది. పూర్తి ఆయకట్టు స్థిరీకరించేందుకు.. బచావత్‌ అవార్డు ప్రకారం కడెం రిజర్వాయర్‌కు 68,150 ఎకరాల ఆయకట్టుకు 13.42 టీఎంసీల నీటిని వినియోగించుకోవచ్చని ఉంది. అయితే ఈ ప్రాజెక్టు వానాకాలంలో మాత్రమే నీటిని స్వీకరిస్తుంది. అది కూడా 7.20 టీఎంసీలకు మాత్రమే పరిమితమైంది. ఆయకట్టుకు నీటి డిమాండ్‌ ప్రధానంగా అక్టోబర్‌ నుంచి డిసెంబర్‌ వరకు ఉంటుంది. ప్రతీ పంట కాలం ముగిసే సమయానికి నీటి కొరత ఏర్పడుతుంది. ఇది రైతులు ఎదుర్కొంటున్న ప్రధాన సమస్య. 42,883 ఎకరాలకు మాత్రమే కడెం ప్రాజెక్టు నుంచి ఆయకట్టుకు సాగునీరు అందుతుంది. మిగతా 25,267 ఎకరాల ఆయకట్టును స్థిరీకరించేందుకు ఈ ప్రాజెక్టు ఎగువన ఉన్న పరీవాహక ప్రాంతమైన కుప్టి వద్ద ఈ బ్యాలెన్సింగ్‌ రిజర్వాయర్‌ నిర్మించాలని పదేళ్ల కిందట.. అంటే 2015లో అప్పటి బీఆర్‌ఎస్‌ ప్రభుత్వం నిర్ణయించింది. కడెం ఆయకట్టుకు అనుబంధంగా ఈ బ్యాలెన్సింగ్‌ రిజర్వాయర్‌ ఉంటుంది. బహుళార్థసాధక ప్రాజెక్ట్‌.. కడెం ప్రాజెక్టును 1958 సంవత్సరంలో నిర్మించా రు. 7.20 టీఎంసీల నీటి సామర్థ్యంతో నిర్మించిన ఈ ప్రాజెక్టుకు 18 గేట్లు ఉన్నాయి. ఆదిలాబాద్‌ జి ల్లాలోని నేరడిగొండ, ఇచ్చోడ మండలాల మధ్యలో ఉన్న కుప్టి గ్రామం నుంచి నీటి పరీవాహకం ఉంది. ఈ నీరే కడెం ప్రాజెక్టుకు చేరుతుంది. బచావత్‌ అవా ర్డు ప్రకారం 13.42 టీఎంసీల నీటిని వినియోగించుకునేందుకు అవకాశం ఉన్నప్పటికీ కడెం వద్ద అటవీ సంపద దృష్ట్యా ప్రాజెక్ట్‌ సామర్థ్యాన్ని పెంచే అవకా శాలు లేవు. దీంతోనే ప్రభుత్వం ఎగువన ఉన్న కుప్టి వద్ద ప్రాజెక్టు నిర్మాణానికి బీజం వేసింది. ఇందులో భాగంగానే కుప్టి బహుళార్థసాధక ప్రాజెక్టు నిర్మించాలని తలపెట్టారు. ఆయకట్టు స్థిరీకరణ, విద్యుత్‌ ఉత్పత్తి, తాగునీటి సదుపాయం అందించడం వంటి ప్రయోజనాలతో దీన్ని చేపట్టాలని యోచిస్తున్నారు. అంతే కాకుండా రానున్న రోజుల్లో కుప్టి ప్రా జెక్టుకు అనుసంధానంగా చుట్టుపక్కలా గ్రామాల కు లిఫ్ట్‌ ఇరిగేషన్‌ పద్ధతిలో ఆయకట్టుకు కూడా సాగునీరు అందించవచ్చనే ఆలోచన ఉంది.కుప్టి ప్రాజెక్టు స్వరూపం ఇలా..నీటి నిల్వ సామర్థ్యం:5.30 టీఎంసీలు నీటిమట్టం : 394.00 మీటర్లు జలమార్గం : 7 రేడియల్‌ గేట్లు సిల్ప్‌వేతో నిర్మాణంసంవత్సరం డీపీఆర్‌ అంచనా వ్యయం2020–21 రూ.846.737 కోట్లు 2021–22 రూ.900 కోట్లు 2022–23 రూ.1100 కోట్లు 2023–24 రూ.1323 కోట్లుప్రధాన ప్రయోజనాలు.. మూడు మెగావాట్ల జల విద్యుత్‌ ఉత్పత్తి బోథ్‌ నియోజకవర్గంలో భవిష్యత్తులో లిఫ్ట్‌ ఇరిగేషన్‌ పథకాల ద్వారా కొత్త నీటిపారుదల సామర్థ్యాన్ని సృష్టించేందుకు అవకాశాలు నీటి ప్రవాహం కొనసాగడంతో కుంటాల జలపాతం సహజ సౌందర్యం చాలా కాలం పాటు ఉంటుంది. తద్వారా ప్రభుత్వానికి పర్యాటకుల ద్వారా ఆదాయం లభిస్తుంది. కడెం ఆయకట్టు నుంచి గోదావరినదిలో పునరుత్పత్తి నీటి కారణంగా గూడెం, ధర్మపురి వద్ద గోదావరి నదికి నీరు చేరడం ద్వారా సమీపంలో ఉన్న దేవాలయాలకు ఎక్కువ మంది యాత్రికులు ఆకర్షితులయ్యే అవకాశం ఉంటుంది.నిధులు మంజూరైతే భూసేకరణ చేస్తాం..ప్రభుత్వం నుంచి నిధులు మంజూరైన పక్షంలో భూసేకరణ చేపడతాం. నాలుగు గ్రామాల్లో 2500 ఎకరాల భూసేకరణ చేపట్టాల్సి ఉంది. ప్రాజెక్టు అంచనా వ్యయం ఏటా సవరించడం జరుగుతుంది. ఆ ప్రకారం త్వరలో మళ్లీ కొత్త వ్యయం రూపొందించనున్నాం. – భీంరావు, మైనర్‌ ఇరిగేషన్‌ డీఈ, ఇచ్చోడ డివిజన్‌

కొరాట–చనాకా బ్యారేజ్‌ (ఫైల్‌) సాక్షి, ఆదిలాబాద్‌: తెలంగాణ–మహారాష్ట్ర సరిహద్దులో దిగువ పెన్‌గంగానదిపై నిర్మిస్తున్న చనాకా–కొరాట బ్యారేజీ నిర్మాణంపై నీలి నీడలు కమ్ముకున్నాయి. బీఆర్‌ఎస్‌ ప్రభుత్వం ప్రతిష్టాత్మకంగా చేపట్టిన ఈ ప్రాజెక్ట్‌ ప్రస్తుతం కాంగ్రెస్‌ సర్కారు దృష్టి సారిస్తేనే పూర్తయ్యే పరిస్థితి ఉంది. నిర్మాణ పనులు తుది దశలో ఉన్న సమయంలో రాష్ట్రంలో బీఆర్‌ఎస్‌ ప్రభుత్వం పడిపోయి కాంగ్రెస్‌ అధికారంలోకి వచ్చిన విషయం తెలిసిందే. ఒకవేళ ఇది పూర్తయితే జిల్లాలో అత్యధిక ఆయకట్టుకు సాగునీరు అందించే ప్రాజెక్ట్‌గా నిలుస్తుంది. కాగా, త్వరలో కాంగ్రెస్‌ ప్రభుత్వం రాష్ట్ర బడ్జెట్‌ ప్రవేశపెట్టనుంది. ఈ నేపథ్యంలో నిధుల కేటాయింపులో పెండింగ్‌లో ఉన్న ఈ ప్రాజెక్ట్‌ను పరిగణనలోకి తీసుకోవాలనే అభిప్రాయం సర్వత్రా వ్యక్తమవుతోంది. ప్రాధాన్యత క్రమంలో తీసుకున్నా.. కాంగ్రెస్‌ రాష్ట్రంలో అధికారంలోకి వచ్చిన తర్వాత ప్రధానంగా బీఆర్‌ఎస్‌ ప్రభుత్వం చేపట్టిన ప్రాజెక్ట్‌లను పూర్తి చేయడంలో వివక్ష చూపుతోందని గులాబీ నేతలు ఆరోపిస్తున్నారు. గత జూలైలో రాష్ట్ర ప్రభుత్వం పెండింగ్‌లో ఉన్న ప్రాజెక్ట్‌లను ప్రాధాన్యత క్రమంలో పూర్తి చేస్తామని ప్రకటించింది. దీంట్లో కొరాట–చనాకా బ్యారేజ్‌ కూడా ఉండగా ఇప్పటివరకు ఒక్క అడుగు కూడా ముందుకు పడలేదన్న విమర్శలు కూడా వ్యక్తమవుతున్నాయి. ప్రాజెక్ట్‌ స్వరూపం ఇలా.. లోయర్‌ పెన్‌గంగపై తెలంగాణ–మహారాష్ట్ర నది భూభాగాన్ని కలుపుతూ కొరాట–చనాకా బ్యారేజ్‌ నిర్మాణానికి రూ.1,227 కోట్ల అంచనా వ్యయంతో 2015–16లో పరిపాలన అనుమతి ఇచ్చారు. ఆది లాబాద్‌ నియోజకవర్గంలోని రెండు మండలాలు, బోథ్‌ నియోజకవర్గంలో ఒక మండలం కలుపుకొని మొత్తంగా 51 వేల ఎకరాలకు సాగునీరు అందించేలా ప్రణాళిక రూపొందించారు. ప్రస్తుతం దీని అంచనా వ్యయం సుమారు రూ.2వేల కోట్లకు చేరింది. ఇవీ.. పెండింగ్‌ పనులు చనాకా–కొరాట బ్యారేజీ నిర్మాణంలో భాగంగా బ్యారేజ్‌, దానికి కొద్ది దూరంలో పంప్‌హౌస్‌, కాలు వల నిర్మాణం, డిస్ట్రిబ్యూటరీ, పిప్పల్‌కోటి రిజర్వాయర్‌ నిర్మాణ పనులు చేపట్టాలి. ఇందులో బ్యారే జ్‌, పంపుహౌస్‌, ఎల్‌పీపీ కెనాల్‌ నిర్మాణ పనులు దాదాపు పూర్తయ్యాయి. డిస్ట్రిబ్యూటరీ, దాని కింద మైనర్స్‌, సబ్‌ మైనర్స్‌ నిర్మించాలి. వీటికి సంబంధించి పనులే ప్రస్తుతం పెండింగ్‌లో ఉన్నాయి. వీటన్నింటికీ సంబంధించి భూసేకరణ, నిర్మాణ వ్యయం అంచనా వేసిన అధికారులు గతంలోనే ప్రభుత్వానికి నివేదిక ఇచ్చారు. ప్రభుత్వం నిధులు మంజూరు చేసిన పక్షంలో మిగతా పనులు పూర్తి కానున్నాయి. కాగా, ఈ ప్రాజెక్ట్‌కు సంబంధించి పంప్‌హౌస్‌ వద్ద ఇది వరకే డ్రైరన్‌, వెట్‌రన్‌ నిర్వహించారు. ఇందులో భాగంగా ఎల్‌పీపీ కెనాల్‌లోకి నీళ్లు ఎత్తిపోయడాన్ని పరిశీలించారు. అయితే ఎల్‌పీపీ ప్రధాన కెనాల్‌ పనులు పూర్తయినా డిస్ట్రిబ్యూటరీ, మైనర్స్‌, సబ్‌ మైనర్స్‌ పనులు పెండింగ్‌లో ఉండటంతో నీటిని విడుదల చేయలేని పరిస్థితి నెలకొంది. ఈ నేపథ్యంలో ప్రభుత్వం పెండింగ్‌ పనులు పూర్తి చేస్తే ఎల్‌పీపీ కెనాల్‌ ద్వారా 37,500 ఎకరాల ఆయకట్టుకు సాగునీరు అందనుంది. కొరాట–చనాకా బ్యారేజ్‌ వివరాలు అంచనా వ్యయం : రూ.1,227 కోట్లు ప్రస్తుత అంచనా.. : రూ.2 వేల కోట్లు ఆయకట్టు లక్ష్యం: 51 వేల ఎకరాలు నిధులు కేటాయిస్తేనే.. డిస్ట్రిబ్యూటరీ సిస్టంను డీ–14 నుంచి డీ–19 వర కు నిర్మించాలి. దీనికి సంబంధించి ఇంకా 800 ఎకరాల భూసేకరణ చేయాల్సి ఉందని అధికారులు చెబుతున్నారు. దీనికి సుమారు రూ.100 కోట్ల వరకు అవసరమని పేర్కొంటున్నారు. డిస్ట్రిబ్యూటరీ సిస్టం నిర్మాణానికి రూ.150 కోట్లు అవసరమని తెలిపారు. మొత్తంగా ప్రభుత్వం రూ.250 కోట్లు మంజూరు చేస్తే డిస్ట్రిబ్యూటరీ పనులు పూ ర్తయితే ఎల్‌పీపీ కెనాల్‌ ద్వారా ఆయకట్టుకు సాగు నీరు అందించే వీలుంటుంది. ఇక పిప్పల్‌కోటి రి జర్వాయర్‌ నిర్మాణం కోసం మరో వెయ్యి ఎకరా లు సేకరించాల్సి ఉంది. దాని నుంచి కొరాట–చనాకా కెనాల్‌ నిర్మాణ పనులు చేపట్టాల్సి ఉంది. ఈ రిజర్వాయర్‌ ద్వారా మరో 13,500 ఎకరాల ఆయకట్టుకు సాగునీరు అందనుంది.

ఆదిలాబాద్‌టౌన్‌: డయాగ్నోస్టిక్‌ కేంద్రాల్లో లింగనిర్ధారణ పరీక్షలు నిర్వహిస్తే చర్యలు తప్పవని డీఎంహెచ్‌వో నరేందర్‌ రాథోడ్‌ హెచ్చరించారు. గురువారం జిల్లా కేంద్రంలోని డయాగ్నోస్టిక్‌ కేంద్రాలను తనిఖీ చేశా రు. స్కానింగ్‌, ఇతర పరీక్షలకు సబంధించి న ధరల పట్టికను ఆస్పత్రిలో ప్రదర్శించాల ని పేర్కొన్నారు. పోలీస్‌, తహసీల్దార్‌, స్వ చ్ఛంద సంస్థ, ఆరోగ్య సిబ్బందితో ప్రత్యేక బృందాన్ని ఏర్పాటు చేసినట్లు తెలిపారు. ని త్యం డయాగ్నోస్టిక్‌ కేంద్రాలను తనిఖీ చేస్తామని వివరించారు. ఆయన వెంట డిప్యూటీ డీఎంహెచ్‌వో సాధన, సిబ్బంది ఉన్నారు.

ఆదిలాబాద్‌టౌన్‌: క్షయ నియంత్రణ కేంద్రానికి అవసరమైన హ్యాండిల్‌ ఎక్స్‌రే మిషన్‌ను సుశోధన స్వచ్ఛంద సంస్థ సభ్యులు గురువారం డీఎంహెచ్‌వో నరేందర్‌ రాథోడ్‌కు అందించారు. ఈ సందర్భంగా డీఎంహెచ్‌వో మాట్లాడుతూ.. జిల్లాలో వంద రోజుల క్షయ గుర్తింపు కార్యక్రమం కొనసాగుతోందని తెలిపారు. ఇంటింటికీ వెళ్లి అనుమానితుల నమూనాల సేకరించి, ఎక్స్‌రే తీసి ఆస్పత్రికి రెఫర్‌ చేస్తున్నట్లు పేర్కొన్నారు. జిల్లాలో రెండు ఎక్స్‌రే మిషన్లు మాత్రమే ఉన్న విషయాన్ని సుశోధన స్వచ్ఛంద సంస్థ ఎండీకి తెలుపగా ఆయన నెలపాటు వినియోగించుకునేందుకు హ్యాండిల్‌ ఎక్స్‌రే మిషన్‌ ఇచ్చారని పేర్కొన్నారు. మారుమూల గిరిజన ప్రాంతాలకు వెళ్లినపుడు అనుమానితులకు అప్పటికప్పుడే ఎక్స్‌రే తీసి వ్యాధి నిర్ధారించే అవకాశముందని పేర్కొన్నారు. కార్యక్రమంలో టీబీ అధికారిణి సుమలత, సమియొద్దీన్‌ పాల్గొన్నారు.

బోథ్‌: కేసుల నమోదులో జాప్యం చేయొద్దని ఎస్పీ అఖిల్‌ మహాజన్‌ సూచించారు. గురువారం బోథ్‌ పోలీస్‌స్టేషన్‌ను తనిఖీ చేశారు. ఈ సందర్భంగా ఎస్పీకి సీఐ వెంకటేశ్వరరావు, ఎస్సై ప్రవీణ్‌ పుష్పగుచ్ఛం అందజేసి స్వాగతం పలికారు. ఎస్పీ గౌరవ వందనం స్వీకరించారు. అనంతరం పోలీస్‌స్టేషన్‌ ఆవరణలో మొక్క నాటి నీరు పోశారు. పరిసరాల ను పరిశీలించారు. కేసుల వివరాలు తెలుసుకుని ప లు సూచనలు చేశారు. సొనాల మండలంలోని ఘ న్‌పూర్‌ చెక్‌పోస్ట్‌ను తనిఖీ చేశారు. వాహనాల రాకపోకలు గమనించారు. ఆదిలాబాద్‌ డీఎస్పీ జీవన్‌రెడ్డి, పీఎస్సై రాజశేఖర్‌రెడ్డి సిబ్బంది ఉన్నారు. బజార్‌హత్నూర్‌ ఠాణా తనిఖీ బజార్‌హత్నూర్‌: మండల కేంద్రంలోని పోలీస్‌స్టేషన్‌ను ఎస్పీ అఖిల్‌ మహాజన్‌ ఆకస్మికంగా తనిఖీ చేశారు. రికార్డులు పరిశీలించారు. పలు సూచనలు చేశారు. డీఎస్పీ జీవన్‌రెడ్డి, సీఐ, ఎస్సై ఉన్నారు

కైలాస్‌నగర్‌: ఆర్టిఫిషియల్‌ ఇంటిలిజెన్స్‌ (ఏఐ) ఆ ధారిత పరిజ్ఞానంతో విద్యాబోధన చేసేందుకు జి ల్లాలోని తొమ్మిది ప్రభుత్వ పాఠశాలలను ఫైలట్‌ ప్రాజెక్ట్‌ కింద ఎంపిక చేసినట్లు కలెక్టర్‌ రాజర్షి షా తెలిపారు. ఈ అంశంపై గురువారం కలెక్టర్లు, వి ద్యాధికారులతో విద్యాశాఖ కార్యదర్శి వీడియో కా న్ఫరెన్స్‌ నిర్వహించారు. 3నుంచి 5వ తరగతి విద్యార్థుల్లో చదువులో వెనుకబడినవారికి ఏఐ ద్వారా బోధించనున్నట్లు తెలిపారు. ఈ నెల 15న నాలుగు పాఠశాలల్లో ప్రారంభించేందుకు ఏర్పాట్లు చేయాలని జిల్లా విద్యాధికారిని ఆదేశించారు. ట్రైనీ కలెక్టర్‌ అభిగ్యాన్‌, ఎంఈవోలు మనోహర్‌, వెంకట్రావ్‌, క్వాలిటీ కో ఆర్డినేటర్‌ శ్రీకాంత్‌ తదితరులు పాల్గొన్నారు. అనంతరం రాష్ట్ర ఎన్నికల ప్రధానాధికారి సుదర్శన్‌రెడ్డి, కార్మిక ఉపాఽధి, శిక్షణ శాఖ ముఖ్య కార్యదర్శి సంజయ్‌కుమార్‌ నిర్వహించిన వీడియో కాన్పరెన్స్‌లో కలెక్టర్‌ రాజర్షి షా పాల్గొన్నారు.

కై లాస్‌నగర్‌: ఆదిలాబాద్‌ పట్టణంలో పైపులైన్‌ లీకేజీల ద్వారా నిత్యం ఎనిమిది ఎంఎల్‌డీల నీరు వృథాగా పోతున్న వైనాన్ని ‘వృథా అరికట్టకుంటే వ్యథే’ శీర్షికన ఈ నెల 12న ‘సాక్షి’లో ప్రచురితమైన కథనానికి మున్సిపల్‌ ఇంజినీర్‌ పేరి రాజు స్పందించారు. గురువారం మున్సిపల్‌ కార్యాలయంలోని తన చాంబర్‌లో వాటర్‌సప్లయ్‌ విభాగం వర్క్‌ ఇన్‌స్పెక్టర్లు, పంపు ఆపరేటర్లు, లీకేజీ నియంత్రణ సిబ్బందితో సమీక్ష నిర్వహించారు. పట్టణంలో నీటి ఎద్దడి తలెత్తే ప్రాంతాలు, నీటి సమస్య ఎదుర్కొంటున్న కాలనీల గురించి ఆరా తీశారు. పైపులైన్‌ లీకేజీల వివరాలు తెలుసుకున్నారు. లీకేజీలను నియంత్రించి నీటి సరఫరాలో అంతరాయం లేకుండా చూసేందుకు ము గ్గురితో కూడిన ఏడు ప్రత్యేక బృందాలను నియమించినట్లు తెలిపారు. కాలనీల్లోని చేతిపంపులు, బోరుబావుల విద్యుత్‌ మో టర్లు పనిచేయకుంటే సత్వరమే సమాచా రం ఇవ్వాలని ఆదేశించారు. ఎక్కడైనా లీకే జీ ఏర్పడితే యుద్ధప్రాతిపదికన మరమ్మతు చేపట్టి నీటి సరఫరాకు అంతరాయం కలగకుండా చూడాలని సూచించారు. ఇందుకు రూ.కోటి అంచనాతో ప్రభుత్వానికి ప్రతిపాదనలు పంపినట్లు తెలిపారు. డీఈలు తిరుపతి, కార్తిక్‌ తదితరులు పాల్గొన్నారు.

కై లాస్‌నగర్‌: లేఅవుట్‌ రెగ్యులరైజేషన్‌ స్కీం (ఎల్‌ఆర్‌ఎస్‌) ప్రక్రియను ఈ నెల 31లోపు పూర్తి చేయాలనే ప్రభుత్వ ఆదేశాలకు అనుగుణంగా బల్దియా అధికారులు చర్యలు చేపట్టారు. గడువులోపు చెల్లిస్తే ఫీజులో 25శాతం రాయితీ కల్పిస్తామని ప్రభుత్వం ప్రకటించిన సంగతి తెలిసిందే. దీనిపై దరఖాస్తుదారులకు అవగాహన కల్పిస్తున్నారు. స్వయంగా వారికి ఫోన్‌ చేసి ఫీజు చెల్లించాలని కోరుతున్నారు. బల్దియా వార్డు ఆఫీసర్లకు ఈ బాధ్యతలు అప్పగించగా, వారు రెండు రోజులుగా అదే పనిలో నిమగ్నమయ్యారు. ఉదయం నుంచి సాయంత్రం వరకు దరఖాస్తుదారులకు ఫోన్‌ చేసి ప్లాట్లు రెగ్యులరైజ్‌ చేసుకోవాలని సూచిస్తున్నారు. రాయితీ అవకాశాన్ని వినియోగించుకోవాలని చైతన్యపరుస్తున్నారు. వార్డు ఆఫీసర్లకు బాధ్యతలు ఎల్‌ఆర్‌ఎస్‌ దరఖాస్తుల పరిశీలన ప్రక్రియ నాలు గేళ్లుగా పెండింగ్‌లో ఉంది. దీన్ని గుర్తించిన రాష్ట్ర ప్రభుత్వం ప్రక్రియను వేగవంతం చేసేదిశగా చర్యలు చేపట్టింది. అక్రమ లేఅవుట్లలోని పది శాతం ప్లాట్లను అమ్ముకుని, అమ్ముడుపోకుండా మిగిలినవాటన్నింటికి ప్రభుత్వం రిజిస్ట్రేషన్‌ చేసుకునే అవకాశాన్ని కల్పించిన సంగతి తెలిసిందే. గతంలో దరఖాస్తు చేసుకోనివారికి కూడా అ వకాశం కల్పించింది. 25శాతం రిబేట్‌ కూడా ప్రకటించడంతో అధికారులు రెగ్యులర్‌గా ఎల్‌ఆర్‌ఎస్‌పై సమీక్షిస్తూ ప్రక్రియను వేగవంతం చేయాలని ఆదేశిస్తున్నారు. గడువులోపు ప్రక్రియ పూర్తి చేసేందుకు చర్యలు చేపట్టారు. ఇప్పటివరకు బల్దియా, రెవెన్యూ, ఇరిగేషన్‌ అధికారులు సంయుక్తంగా క్షేత్రస్థాయిలో పరిశీలించి 14,580 దరఖాస్తులను ఆమోదించారు. వారంతా ఫీజు చెల్లించేలా చూడాలని 30 మంది బల్దియా వార్డు ఆఫీసర్లకు బాధ్యతలు అప్పగించారు. ఒక్కొక్కరికి 500 దరఖాస్తులు ఇచ్చి వాటి యజమానులు ఫీజు చెల్లించేలా చూడాలని ఆదేశించారు. దీంతో రంగంలోకి దిగిన వార్డు ఆఫీసర్లు రెండు రోజులుగా కౌన్సిల్‌ సమావేశ మందిరం నుంచి దరఖాస్తుదారులకు ఫోన్లు చేస్తున్నారు. కాగా, వందకు పైగా దరఖాస్తులు ఎల్‌టీపీలు, మీ సేవ కేంద్రాల నిర్వాహకుల పేరిట ఉన్నట్లు తెలిసింది. దీంతో చేసినవారికే పదేపదే ఫోన్లు చేయాల్సి వస్తోందని, ఇప్పటికే కొందరు ప్లాట్లు అమ్ముకున్నట్లు సమాధానామిస్తున్నారని, మరికొందరికి ఫోన్లు కలవడంలేదని వార్డు ఆఫీసర్లు చెబుతున్నారు. ఇప్పటివరకు 370 మందే.. బల్దియా అధికారుల ఫోన్లకు దరఖాస్తుదారులు స్పందిస్తున్నారు. తమ ప్లాట్లను రెగ్యులరైజ్‌ చేసుకునేందుకు ముందుకు వస్తున్నారు. బల్దియా కార్యాలయానికి వచ్చి సందేహాలను నివృత్తి చేసుకుంటున్నారు. దీంతో పట్టణ టౌన్‌ ప్లానింగ్‌ విభాగం సందడిగా మారుతోంది. ఇప్పటివరకు 370 మంది దరఖాస్తుదారులు ఫీజు చెల్లించారు. ఈ లెక్కన బల్దియాకు రూ.కోటి వరకు ఆదా యం సమకూరినట్లు సమాచారం. చెల్లింపు గడువు ఇంకా 16 రోజులు ఉండగా మిగతా 14 వేల దరఖాస్తుదారుల్లో ఎంతమంది ఫీజు చెల్లిస్తారోననే ప్రశ్నలు తలెత్తుతున్నాయి. దిగువ, మధ్యతరగతి వారితో పాటు కూలీ పనులు చేసుకునేవారూ తక్కువ ధరలో చిన్నపాటి ప్లాట్లు కొన్నవారు చాలా మందే ఉన్నారు. అలాంటి వారు చేతిలో డబ్బుల్లేక ఆవేదనకు గురవుతున్నారు. 31లోపు చెల్లించి రాయితీ పొందండి దరఖాస్తుదారులకు అధికారుల ఫోన్లు ఫీజు వసూళ్లలో వార్డు ఆఫీసర్లు బిజీ సందడి సందడిగా మున్సిపల్‌ ఆఫీస్‌ గడువులోపు ప్రక్రియ పూర్తయ్యేనా..? ముందుకు వస్తున్నారు అక్రమ లేఅవుట్లలోని ప్లాట్లను ఈ నెల 31లోపు ఫీజు చెల్లించి రెగ్యులరైజ్‌ చేసుకునేవారికి ప్రభుత్వం 25శాతం రాయితీ ఇస్తోంది. దీనిని దరఖాస్తుదారులు సద్వినియోగం చేసుకోవాలి. ఇప్పటికే చాలామంది ఎల్‌ఆర్‌ఎస్‌ ఫీజు చెల్లించేందుకు ముందుకువస్తున్నారు. – నవీన్‌కుమార్‌, బల్దియా టౌన్‌ప్లానింగ్‌ సూపర్‌వైజర్‌

● ఎస్పీ అఖిల్‌ మహాజన్‌ ఆదిలాబాద్‌టౌన్‌: విధి నిర్వహణలో ప్రతి ఒక్కరూ అప్రమత్తంగా ఉండాలని ఎస్పీ అఖిల్‌ మహాజన్‌ అన్నారు. జైనథ్‌ పోలీస్‌ స్టేషన్‌ను బుధవారం తనిఖీ చేశారు. స్టేషన్‌ పరిధిలో వచ్చే గ్రామాలు, మహారాష్ట్ర సరి హద్దుతో ఉన్న స్టేషన్ల వివరాలు, నమోదవుతున్న కేసుల వివరాలపై ఆరా తీశారు. స్టేషన్‌ ఆవరణలో మొక్క నాటారు. అనంతరం మాట్లాడారు. సరిహద్దులో మహారాష్ట్ర ఉన్నందున ఎలాంటి అసాంఘిక కార్యకలా పాలకు తావివ్వకుండా నిరంతరం అప్రమత్తంగా ఉంటూ విధులు నిర్వహించాలన్నా రు. అనంతరం జైనథ్‌ లక్ష్మీనారాయణ స్వామి ఆలయాన్ని సందర్శించారు. కాగా పిప్పర్‌వాడ టోల్‌ ప్లాజా, పెన్‌గంగ సరిహద్దుతో పాటు భోరజ్‌ చెక్‌ పోస్ట్‌లను ఎస్పీ పరిశీలించారు. ఆయన వెంట డీఎస్పీ ఎల్‌. జీవన్‌రెడ్డి, సీఐ సాయినాథ్‌, ఎస్సై పురుషోత్తం, సిబ్బంది ఉన్నారు.

ఆదిలాబాద్‌టౌన్‌: జిల్లాలో ఎండలు ముదురుతున్నాయి. మార్చిలోనే భానుడు తన ప్రతాపం చూపుతున్నాడు. ఉక్కపోత షురూ కావడంతో జనం ఇ బ్బందులకు గురవుతున్నారు. ఉదయం 11 దాటిందంటే ఎండ తీవ్రత తట్టుకోలేక పోతున్నారు. పగ టి ఉష్ణోగ్రతలు రోజురోజుకు పెరుగుతున్నాయి. ప్రస్తుతం జిల్లాలో 40 డిగ్రీల సెల్సియస్‌కు చేరువైంది. బేలలో బుధవారం 39.9 డిగ్రీలుగా నమోదైంది. ఈ ఏడాది ఎండలు మండే అవకాశం ఉందని వాతావరణ శాఖ అధికారులు చెబుతున్నారు. ఎండ ల తీవ్రత దృష్ట్యా అప్రమత్తంగా ఉండాలని వైద్యులు సూచిస్తున్నారు. ప్రస్తుతం మధ్యాహ్న సమయంలో ఎండ తీవ్రత పెరగడంతో జిల్లా కేంద్రంలోని ప్రధాన కూడళ్లు నిర్మానుష్యంగా మారుతున్నాయి. నిత్యం కిటకిటలాడే బస్టాండ్‌, రైల్వేస్టేషన్‌, తెలంగా ణచౌక్‌, అంబేడ్కర్‌,గాంధీచౌక్‌ ప్రాంతాలు బోసి పో యి దర్శనమిస్తున్నాయి. చిరువ్యాపారులు, ఉపాధిహామీకూలీలు ఇబ్బందులకు గురవుతున్నారు. కూలర్లకు అతుక్కుపోయి.. ఎండ వేడిమి తట్టుకోలేక జనం ఇళ్లకే పరిమితమవుతున్నారు. కూలర్లు, ఏసీలకు అతుక్కుపోతున్నారు. మధ్యాహ్న సమయంలో ఇంటినుంచి బయటకు వెళ్లేందుకు జంకుతున్నారు. ఎండవేడిమి తట్టుకునేందుకు వ్యాపారులు, ఇతర పనులకు వెళ్లేవారు శీతలపానియాలు, కొబ్బరి బోండాలు తాగుతూ ఉపశమనం పొందుతున్నారు. మరోవైపు దాహార్తి తో మూగజీవాలు అల్లాడుతున్నాయి. వడదెబ్బతో అప్రమత్తం.. జిల్లాలో ఎండ తీవ్రత పెరుగుతున్న దృష్ట్యా వడదెబ్బకు గురయ్యే ప్రమాదం ఉందని వైద్య నిపుణులు సూచిస్తున్నారు. ఎండలో పనిచేసే వారు, తిరిగే వారు త్వరగా వడదెబ్బకు గురయ్యే అవకాశాలు ఉంటాయని పేర్కొంటున్నారు. గొడుగు, ఇతర రక్షణ కవచాలు ధరించాలని సూచిస్తున్నారు. కళ్లు తిరగడం, తీవ్రమైన తలనొప్పి, గుండె దడ, చెమట ఎక్కువగా రావడం, ఫిట్స్‌ తదితర లక్షణాలు బయట పడతాయని చెబుతున్నారు. శరీరంలో ప్రొటీన్‌ స్థాయి తగ్గిపోయి అవయవాలు పనిచేయడం ఆగిపోతాయని పేర్కొంటున్నారు. శరీర ఉష్ణోగ్రతలు మామూలు స్థితిలో ఉండేలా చూసుకోవాలని చెబుతున్నారు. వృద్ధులు, చిన్నారులకు వేడిగాలి తగిలినా వడదెబ్బకు గురయ్యే ప్రమాదం లేకపోలేదని వివరిస్తున్నారు. మధ్యాహ్న సమయంలో ఎండ కారణంగా నిర్మానుష్యంగా బస్టాండ్‌ రహదారి జిల్లాలో ఆరు రోజులుగా నమోదైన ఉష్ణోగ్రతలు (డిగ్రీ సెల్సియస్‌లో) తేదీ కనిష్టం గరిష్టం 7న 11.7 34.8 8న 13.2 36.3 9న 15.7 38.3 10న 20.7 38.0 11న 20.7 37.8 12న 39.9 19.2 జాగ్రత్తలు పాటించాలి ఎండల తీవ్రత పెరుగుతున్న క్రమంలో ప్రజలు జాగ్రత్తలు పాటించాలి. అత్యవసరమైతే తప్ప ఇంటి నుంచి బయటకు వెళ్లకూడదు. చిన్నారులు, గర్భిణులు, బాలింతలు ఎండ బారిన పడకుండా చూడాలి. వదులైన కాటన్‌ దుస్తులు ధరించాలి. రోజుకు కనీసం 5 లీటర్ల నీటిని తాగడం మంచిది. ఓఆర్‌ఎస్‌ ప్యాకెట్లు అందుబాటులో ఉంచుకోవాలి. పండ్ల రసాలు, కొబ్బరి నీళ్లు తాగడం శ్రేయస్కరం. – డాక్టర్‌ రమ, గైనకాలజిస్ట్‌

ఆదిలాబాద్‌టౌన్‌: ప్రైవేటు పాఠశాలలకు దీటుగా సర్కారు బడుల్లో విద్యాబోధన సా గుతుందని డీఈవో ప్రణీత అన్నారు. సాత్నాల మండలం జామిని ప్రాథమికో న్నత పాఠశాలలో బుధవారం నిర్వహించిన కార్యక్రమంలో ఆమె మాట్లాడారు. విద్యార్థుల చదువు కోసం గ్రామస్తులు రూ.60వేల విలువైన టీవీని అందించడం అభినందనీ యమని కొనియాడారు. మారుతున్న కా లానికి అనుకూలంగా డిజిటల్‌ తరగతులు దోహదపడతాయన్నారు. కార్యక్రమంలో ఎంఈవో గంగుల శ్రీనివాస్‌, ప్రధానోపాధ్యాయుడు శరత్‌ యాదవ్‌, ఎస్‌ఎంసీ చైర్మన్‌ దేవ్‌ బాయ్‌ తదితరులు పాల్గొన్నారు.

● కలెక్టర్‌ రాజర్షి షా తాంసి: వేసవిలో సాగునీటి ఎద్దడిని నివారించేందుకు రైతులు వ్యవసాయ బోరుబావుల వద్ద ఇంకుడు గుంతలు నిర్మించుకోవాలని కలెక్టర్‌ రాజర్షి షా సూచించారు. మండలంలో భూ గర్భజలాలు అడుగంటి యాసంగిలో సాగుచేసిన పలు పంటలు నీరందక ఎండిపోతున్నట్లు వ్యవసాయ అధికారులు కలెక్టర్‌ దృష్టికి తీసుకెళ్లారు. ఈ మేరకు కలెక్టర్‌ బుధవారం అధికారులతో కలిసి క్షేత్రస్థాయిలో పంటలను పరిశీలించారు. తొలుత మండల కేంద్రంలోని సబ్‌స్టేష న్‌కు వెళ్లి విద్యుత్‌ సరఫరా వివరాలను ఎస్‌ఈ, డీఈలను అడిగి తెలుసుకున్నారు. కరెంట్‌ సరఫరాలో సమస్య తలెత్తకుండా చూడాలని అధి కారులను ఆదేశించారు. అనంతరం హస్నాపూర్‌ శివారు మత్తడివాగు సమీపంలో ఎండిపోతున్న జొన్న పంటను పరిశీలించారు. రైతు రవి కిరణ్‌తో మాట్లాడి వివరాలు అడిగి తెలుసుకున్నారు. అలాగే పలువురు రైతులతో మాట్లాడి వారి సమస్యలపై ఆరా తీశారు. మత్తడివాగు కుడికాలువ పూర్తయినా తమ పంటలకు మా త్రం సాగునీరు అందడం లేదని రైతులు పేర్కొన్నారు. వెంటనే ఈఈ విఠల్‌తో ఫోన్‌లో మా ట్లాడి సాగు నీరు అందేలా చర్యలు చేపట్టాలని కలెక్టర్‌ ఆదేశించారు. ఈ సందర్భంగా కలెక్టర్‌ మాట్లాడుతూ, ప్రతీ రైతు బోరుబావి వద్ద ఇంకుడుగుంత నిర్మించుకోవాలన్నారు. ఉపాధి హామీ పథకం ద్వారా వాటి నిర్మాణానికి చర్యలు చేపట్టాలని అధికారులను ఆదేశించారు. ఆయన వెంట జిల్లా వ్యవసాయాధికారి శ్రీధర్‌ స్వామి, విద్యుత్‌ శాఖ ఎస్‌ఈ జేఆర్‌ చౌహాన్‌, డీఈ హరికృష్ణ, ఏడీ శ్రావణ్‌, ఎంపీడీవో మో హన్‌రెడ్డి, తహసీల్దార్‌ లక్ష్మి, ఏవో రవీందర్‌, ఏఈవోలు శివ, నిఖిత, రైతులు ఉన్నారు. గ్రామాల్లో నీటి ఎద్దడి లేకుండా చర్యలు ఆదిలాబాద్‌టౌన్‌(జైనథ్‌): గ్రామాల్లో నీటి ఎద్ద డి తలెత్తకుండా చర్యలు తీసుకుంటామని కలెక్టర్‌ రాజర్షిషా అన్నారు. సాత్నాల మండలంలో ని అడ్డగుట్ట గ్రామ పరిధిలోని మిషన్‌ భగీరథ పంప్‌హౌస్‌ను బుధవారం పరిశీలించారు. గిరి గ్రామాల్లో నీటి సమస్య తలెత్తకుండా చర్యలు చేపట్టాలన్నారు.అనంతరం మండలపంచాయ తీ అధికారుల సంఘం డైరీని ఆవిష్కరించారు. ఇందులో డివిజనల్‌ పంచాయతీ అధికారి ఫ ణిందర్‌రావు, కార్యదర్శులు పాల్గొన్నారు.

ఆదిలాబాద్‌రూరల్‌: ఆదివాసీల అక్రమ అరెస్టులపై తిరుగుబాటు తప్పదని ఆదివాసీ హక్కుల పోరాట సమితి (తుడుందెబ్బ) రాష్ట్ర కో కన్వీనర్‌ గోడం గణేశ్‌ హెచ్చరిచారు. మావల మండలం బట్టిసావర్‌గాం శివారు లో గల కుమురంభీం గూడలో బుధవారం ఏర్పాటు చేసిన సమావేశంలో ఆయన మాట్లాడారు. కుమురంభీం జిల్లా వాంకిడి మండలం రింగారిట్‌ గ్రామంలో వారం క్రితం గ్రామ పటేల్‌ కోవ జంగు, కోవ రాములను చెట్లు నరికారనే నేపంతో అక్రమంగా అరెస్ట్‌ చేశారని విమర్శించారు. వారిని వెంటనే విడుదల చేయడంతో పాటు అక్రమ కేసులు ఎత్తివేయాలన్నారు. అలాగే టైగర్‌ జోన్‌ పేరుతో ఆదివాసీ గ్రామాలను తరలించే కుట్రలను ఆపాలని, లేకుంటే ఆందోళనలు ఉధృతం చేస్తామని హెచ్చరించారు. ఇందులో తుడుందెబ్బ జిల్లా ప్రధాన కార్యదర్శి మనోజ్‌, మహిళా సంఘం జిల్లా అధ్యక్షురాలు రేణుక, ఉపాధ్యక్షురాలు ఇందిరా, డివిజన్‌ అధ్యక్షురాలు లలిత, నాయకులు నాగోరావ్‌, ఆనంద్‌రావ్‌, పార్వతిబాయి, తదితరులున్నారు.

ఆదిలాబాద్‌టౌన్‌: ఈనెల 17 నుంచి జిల్లాలో నిర్వహించే కుష్ఠు గుర్తింపు సర్వేను పకడ్బందీగా నిర్వహించాలని డీఎంహెచ్‌వో నరేందర్‌ రాథోడ్‌ అన్నా రు. డీఎంహెచ్‌వో సమావేశ మందిరంలో ఎల్‌సీడీసీ సర్వేపై బుధవారం సమీక్ష నిర్వహించారు. ఈ సందర్భంగా ఆయన మాట్లాడుతూ, ఆశ కార్యకర్తలు ఈనెల 17 నుంచి 30వరకు తమకు కేటాయించిన ఇళ్లను సందర్శించి కుష్ఠు అనుమానితులను గుర్తించాలన్నారు. సమావేశంలో జిల్లా కుష్ఠు నివారణ అధికారి గజానంద్‌, టీబీ నియంత్రణ అధికారి సుమలత, డీపీఎంవోలు రమేశ్‌, వామన్‌రావు, వైద్యాధికారులు, లెప్రసీ నోడల్‌ పర్సన్లు, సూపర్‌వైజర్లు పాల్గొన్నారు. శిబిరం పరిశీలన ఆదిలాబాద్‌రూరల్‌: మండలంలోని అంకోలి ప్రాథమిక ఆరోగ్య కేంద్రం పరిధిలో గల బంగారుగూడలో బుధవారం నిర్వహించిన వ్యాధి నిరోధక టీకాల శిబిరాన్ని డీఎంహెచ్‌వో నరేందర్‌ రాథోడ్‌ పరిశీలించారు.

ఆదివాసీలు హోలీ పండుగను ప్రత్యేకంగా జరుపుకుంటారు. మోదుగుపూలతో తయారు చేసిన రంగులనే వినియోగించడం ఆనవాయితీగా వస్తోంది. 8లోu ఇచ్చోడలోని సుభాష్‌నగర్‌కు చెందిన లక్ష్మి ఇంట్లో బోరుబావిలో నీళ్లు రాకపోవడంతో ఇబ్బందులు ఎదుర్కొంటున్నారు. ఒకసారి బోరు ఆన్‌ చేస్తే రెండు మూడు బిందెల నీళ్లు మాత్రమే వస్తున్నాయి. కొద్దిసేపటి తర్వాత ఆన్‌ చేస్తే మళ్లీ అదే పరిస్థితి. ఒక్క ఈ ఇంట్లోనే కాదు.. ఇచ్చోడలోని పలు కాలనీల్లో ఇదే పరిస్థితి.

● అంగన్‌వాడీ నోటిఫికేషన్‌ కోసం నిరుద్యోగుల నిరీక్షణ ● జిల్లాలో 129 టీచర్‌, 523 ఆయా పోస్టులు ఖాళీ ఆదిలాబాద్‌టౌన్‌: అంగన్‌వాడీ పోస్టుల భర్తీకి మోక్షం లభించడం లేదు. ఏళ్లుగా ఖాళీగా ఉండడంతో లబ్ధిదారులకు పూర్తిస్థాయిలో పౌష్టికాహారం అందడం లేదు. అంగన్‌వాడీ టీచర్‌, ఆయా పోస్టుల నోటిఫికేషన్‌ కోసం నిరుద్యోగ మహిళలు ఎదురుచూస్తున్నారు. ప్రభుత్వం ఇటీవల ఖాళీల భర్తీ ప్రక్రియ చేపడతామని ప్రకటించడంతో వారంతా నిరీక్షిస్తున్నారు. దీనికితోడు ఇటీవల జిల్లాలో 65 ఏళ్లు పైబడిన అంగన్‌వాడీ టీచర్లు, ఆయాలు ఉద్యోగ విరమణ పొందడంతో మరిన్ని ఖాళీలు ఏర్పడ్డాయి. ఆయాలు ఉన్న చోట టీచర్లు లేరు. మరికొన్ని చోట్ల ఆయాలు లేకపోవడంతో చిన్నారులు, గర్భిణులు, బాలింతలు ఇబ్బందులు పడుతున్నారు. ఇదిలా ఉండగా రెండు, మూడు నెలల క్రితం కొంత మంది అంగన్‌వాడీ ఆయాలకు పదోన్నతి కల్పించారు. మిగతా వారి జాబితాను సిద్ధం చేసినప్పటికీ ఈ ప్రక్రియ ముందుకు సాగడం లేదు. ఎమ్మెల్సీ ఎన్నికల కోడ్‌ ఉండడంతో పదోన్నతులు కల్పించలేదని చెబుతున్నారు. ఆయాల పదోన్నతులు, బదిలీ ప్రక్రియ తర్వాతే పోస్టుల భర్తీకి మోక్షం లభిస్తుందని ఆ శాఖాధికారులు చెబుతున్నారు. ఖాళీలతో తంటాలు.. జిల్లాలో ఐదు ఐసీడీఎస్‌ ప్రాజెక్టులు ఉన్నాయి. జైనథ్‌, నార్నూర్‌, ఉట్నూర్‌, బోథ్‌, ఆదిలాబాద్‌ అర్బన్‌లో ఉండగా వీటి పరిధిలో 1256 అంగన్‌వాడీ కేంద్రాలు ఉన్నాయి. ఇందులో 129 టీచర్‌ పోస్టులు, 523 ఆయా పోస్టులు ఖాళీగా ఉన్నా యి. చాలా కేంద్రాల్లో టీచర్లు, ఆయాలు లేకుండానే కేంద్రాలను నడుపుతున్నారు. ఆయాలు లేకపోవడంతో పిల్లలను ఇంటి నుంచి తీసుకురా వడం, కేంద్రంలో వంట చేయడం తదితర సమస్యలు ఏర్పడుతున్నాయి. టీచర్లు లేకపోవడంతో విద్యాబోధన సాగడం లేదు. కొన్ని కేంద్రాల్లో పౌష్టికాహారం అందించి ఇంటికి పంపుతున్నారు. పిల్లల ఎత్తు, బరువు కొలతలు తదితర వివరాలు తీసుకోవడం ఇబ్బందిగా మారింది. ఏడుగురికే పదోన్నతి.. మిగతా వారి సంగతేంటి? జిల్లాలో ఇటీవల 65 ఏళ్లుపైబడిన 50 మంది అంగన్‌వాడీ టీచర్లు, 146 మంది ఆయాలు ఉద్యోగ విరమణ పొందారు. దీంతో మరిన్ని ఖాళీలు ఏర్పడ్డాయి. అర్హతలు గల ఆయాలకు పదోన్నతులు కల్పించాలని ప్రభుత్వం ఆదేశాలు జారీ చేసింది. అయితే ఐసీడీఎస్‌ అధికారులు ఆదరాబాదరగా కొంత మందికే పదోన్నతులు కల్పించి మిగతా అర్హులైన వారిని విస్మరించారు. కేవలం ఏడుగురికి పదోన్నతి కల్పించారు. మరోపది మందికిపైగా అర్హత గల ఆయాలు దరఖాస్తులు చేసుకున్నారు. రేపుమాపు అంటూ కాలం వెళ్లదీస్తున్నారే తప్పా ప్రక్రియ ముందుకు సాగడం లేదు. వీరి పదోన్నతులు జరిగితే ఖాళీగా ఉన్న అంగన్‌వాడీ టీచర్లు, ఆయా పోస్టుల భర్తీకి నోటిఫికేషన్‌ విడుదలయ్యే అవకాశం ఉంది. జిల్లాలో.. అంగన్‌వాడీ కేంద్రాలు 1,256 పనిచేస్తున్న టీచర్లు 1,127 టీచర్‌ పోస్టు ఖాళీలు 129 పనిచేస్తున్న ఆయాలు 733 ఆయా పోస్టు ఖాళీలు 523 ప్రభుత్వం నుంచి ఆదేశాలు రాలేదు.. అంగన్‌వాడీ పోస్టుల భర్తీకి సంబంధించి ప్రభుత్వం నుంచి ఆదేశాలు రాలేదు. సర్కారు ఆదేశాల మేరకు చర్యలు చేపడతాం. ప్రస్తుతం టీచర్ల పదోన్నతి ప్రక్రియ జరగాల్సి ఉంది. రోస్టర్‌ ప్రక్రియ తయారు చేయాలి. ఇదివరకు బదిలీ అయిన టీచర్ల స్థానంలో అర్హత గల ఏడుగురు ఆయాలకు పదోన్నతి కల్పించాం. మిగతా వారి నుంచి దరఖాస్తులు స్వీకరించాం. త్వరలో వారికి పదోన్నతి ప్రక్రియ పూర్తి చేస్తాం. ప్రస్తుతం జిల్లాలో 129 అంగన్‌వాడీ టీచర్లు, 523 ఆయా పోస్టులు ఖాళీగా ఉన్నాయి. లబ్ధిదారులకు ఇబ్బందులు కలగకుండా చర్యలు చేపడుతున్నాం. – మిల్కా, ఐసీడీఎస్‌ ఇన్‌చార్జి పీడీ

ఇచ్చోడ: సిరిచెల్మ అటవీ ప్రాంతంలోని ఫకీర్‌పేట్‌ బీట్‌లో టేకు చెట్లు స్మగ్లర్ల చేతిలో నరికివేతకు గురవుతున్నాయి. టేకుచెట్లను నరికి సైజులుగా మార్చి బైక్‌లపై తరలిస్తున్నట్లు తెలుస్తోంది. మాన్కపూర్‌ వద్ద చెక్‌పోస్టు ఉన్నప్పటికీ కలప తరలించుకుపోవడం పలు అనుమానాలకు తావిస్తోంది. సిరిచెల్మలో టైగర్‌జోన్‌ అటవీ అధికారి క్యాంపు కార్యాలయం, ఫకీర్‌పేట్‌ వద్ద బెస్‌ క్యాంపులు ఉన్నాయి. వీటికి సమీపంలోనే టేకుచెట్లు నరికివేతకు గురికావడం అటవీశాఖ పనితీరుకు అద్దం పడుతోంది. దీనిపై టైగర్‌జోన్‌ ఎఫ్‌ఆర్వో నాగవత్‌ స్వామిని ‘సాక్షి’ వివరణ కోరగా టేకు చెట్లు నరికినట్లు తమదృష్టికి వచ్చిందని, చెట్లు నరికిన వారి కోసం గాలిస్తున్నట్లు తెలిపారు.

ఉట్నూర్‌రూరల్‌: ఉమ్మడి ఆదిలాబాద్‌ జిల్లాలోని 4, 5వ తరగతి విద్యార్థులకు నిర్వహించిన వర్డ్‌ పవర్‌ ఛాంపియన్‌ షిప్‌ (డబ్ల్యూపీసీ)రాష్ట్రస్థాయి పోటీల్లో విద్యార్థులు ప్రతిభ కనబర్చారు. ఈ పోటీల్లో స్పెల్లింగ్‌, రీడింగ్‌, అర్థం రౌండ్ల అనంతరం అత్యుత్తమ ప్రతిభ కనబరిచిన విద్యార్థులను ఎంపిక చేశారు. 4వ తరగతి నుండి ఆడే విజయ్‌కుమార్‌ (నిర్మల్‌), యశ్వంత్‌ (ఆసిఫాబాద్‌), రాజేశ్‌ (ఆసిఫాబాద్‌), కోట్నాక్‌ కళ్యాణ్‌ (ఆసిఫాబాద్‌), కుర్సెంగ వినోద్‌ (ఆసిఫాబాద్‌) విద్యార్థులు ప్రతిభ కనబర్చారు. 5వ తరగతి నుండి కృష్ణ ధృవ (ఆసిఫాబాద్‌), తొడసం వైష్ణవి(ఆదిలాబాద్‌), మడావి వరలక్ష్మి (ఆదిలాబాద్‌), రాథోడ్‌ బాలాజీ(నిర్మల్‌), లక్ష్మణ్‌చౌదరి (నిర్మల్‌), కిరణ్‌ రాథోడ్‌ (ఆసిఫాబాద్‌) జిల్లాలకు చెందిన విద్యార్థులు సత్తాచాటారు. విజేతలకు ఐటీడీఏ పీవో ఖుష్బూ గుప్తా బహుమతులు ప్రదానం చేశారు. కార్యక్రమంలో ఏసీఎంవో జగన్‌, విభా ఫౌండేషన్‌ సీనియర్‌ ప్రొగ్రాం మేనేజర్‌ వీరనారాయణ పాల్గొన్నారు.

వాతావరణం పొడిగా ఉంటుంది. మధ్యాహ్నం ఎండతీవ్రత పెరగనుంది. ఉక్కపోత ప్రభావం కనిపిస్తుంది. గురువారం: 5:10బుధవారం: 6:21ఇంటింటా డ్రమ్ములతో కూడిన ఈ చిత్రం పట్టణంలోని సర్వేనంబర్‌ 170 కాలనీలోనిది. ఈ కాలనీలో సీసీ రోడ్డు, డ్రెయినేజీ నిర్మాణ పనులు చేపడుతుండటంతో పైపులైన్‌ పగిలి నీటి సరఫరా నిలిచింది. దీంతో కాలనీకి ట్యాంకర్‌ నీరే దిక్కయింది. నిత్యం రెండు ట్యాంకర్లతో 18 ట్రిప్పుల్లో సరఫరా చేస్తున్నారు. ఆ నీటిని స్థానికులు డ్రమ్ముల్లో నిలువ చేసుకుంటున్నారు.

కై లాస్‌నగర్‌: స్థానిక సంస్థల ఎన్నికలపై దృష్టి సారించాలని జిల్లా ఇన్‌చార్జి మంత్రి సీత క్క అన్నారు. కాంగ్రెస్‌ పార్టీ ఉమ్మడి ఆదిలా బాద్‌ జిల్లా ముఖ్య నాయకులు, నియోజకవర్గ ఇన్‌చార్జీలతో మంత్రి హైదరాబాద్‌లోని తన క్యాంపు కార్యాలయంలో సోమవారం రాత్రి సమీక్ష నిర్వహించారు. రానున్న స్థాని క సంస్థల ఎన్నికల్లో అనుసరించాల్సిన కా ర్యాచరణపై వారికి దిశానిర్దేశం చేశారు. అన్ని నియోజవర్గాల్లో పార్టీని పటిష్టం చే యాలని, ప్రభుత్వ పథకాలను ప్రజల వద్ద కు తీసుకెళ్లాలని సూచించారు. గ్రామ పంచా యతీ, మండల, జిల్లా పరిషత్‌, మున్సి పల్‌ ఎన్నికల్లో పార్టీ గెలుపునకు ఇప్పటినుంచే పక్కా ప్రణాళికతో ముందుకు సాగాలని సూ చించారు. ఇందులో ఎమ్మెల్సీ దండే విఠల్‌, ఎమ్మెల్యేలు వెడ్మ బొజ్జు పటేల్‌, ప్రేమ్‌ సాగర్‌రావు, మాజీ కేంద్ర మంత్రి వేణుగోపాలా చారి, మాజీ ఎంపీ సోయం బాపూరావ్‌, పార్టీ నేతలు విఠల్‌రెడ్డి, రేఖానాయక్‌, సత్తు మల్లేశ్‌, ఆత్రం సుగుణ, శ్రీహరిరావు, గజేందర్‌, శ్రీనివాసరెడ్డి తదితరులున్నారు.

ఆదిలాబాద్‌టౌన్‌: సైబర్‌ నేరాలకు పాల్పడాలనే భా రీ కుట్రను ఆదిలాబాద్‌ జిల్లా పోలీసులు భగ్నం చే శారు. అంతర్రాష్ట్ర సైబర్‌ నేరస్తులను టూటౌన్‌, సై బర్‌క్రైం పోలీసులు అరెస్టు చేశారు. వారి నుంచి మొ బైల్‌ ఫోన్లు, సిమ్‌ కార్డులు, ద్విచక్ర వాహనాలు, మొబైల్‌ బ్యాటరీలను స్వాధీనం చేసుకుని ఆరుగురిపై కేసు నమోదు చేశారు. ఒకరు పరారీలో ఉండగా, ఐదుగురిని అరెస్టు చేశారు. ఎస్పీ అఖిల్‌ మ హాజన్‌ మంగళవారం జిల్లా కేంద్రంలోని పోలీస్‌ హె డ్‌క్వార్టర్‌లోని సమావేశ మందిరంలో ఇందుకు సంబంధించిన వివరాలు వెల్లడించారు. బిహార్‌ రాష్ట్రంలోని కాతిహర్‌ జిల్లా హతియదిర గ్రామానికి చెందిన ఆరుగురు ముఠాగా ఏర్పడి దేశ వ్యాప్తంగా సై బర్‌ నేరాలకు పాల్పడడానికి కుట్ర పన్నినట్లు తెలి పారు. ఇందులో ఏ–1గా ఉన్న తబారక్‌ మిగతా ఐదు గురిని బైక్‌లపై తెలంగాణ రాష్ట్రానికి పంపించాడు. వారు పాత మొబైళ్లు తీసుకొని ప్లాస్టిక్‌ డబ్బాలు ఇస్తామంటూ పట్టణాలు, పల్లెల్లో తిరిగారు. పా త మొబైళ్లు సిమ్‌కార్డు, బ్యాటరీలను సేకరించారు. వాటిద్వారా వివిధ రాష్ట్రాల్లోని ప్రజలకు బ్యాంక్‌ అధికారులంటూ ఫోన్‌ చేసి సైబర్‌ బారిన పడే వి ధంగా కుట్ర పన్నారు. వారి కుట్రను ఆదిలాబాద్‌ పోలీసులు భగ్నం చేసినట్లు ఎస్పీ పేర్కొన్నారు. నిందితులు మహ్మద్‌ మెరాజుల్‌, మహెబూబ్‌ ఆలం, మహ్మద్‌ జమాల్‌, ఎండీ ఉజీర్‌, అబ్దుల్లాను అరెస్టు చేయగా ఏ–1 నిందితుడు తబారక్‌ పరారీలో ఉన్న ట్లు తెలిపారు. అరెస్టయిన వారి వద్ద నుంచి 2,125 పాత మొబైల్‌ ఫోన్లు, 107 సిమ్‌ కార్డులు, ఐదు ద్విచక్ర వాహనాలతో పాటు వారు వినియోగించే మొబైల్‌ ఫోన్‌లు, 600 మొబైల్‌ బ్యాటరీలను స్వాఽ దీనం చేసుకుని టూటౌన్‌ పోలీసు స్టేషన్‌లో కేసు నమోదు చేసినట్లు తెలిపారు. కుట్ర భగ్నం చేసిన సై బర్‌ డీఎస్పీ హసీబుల్లా, ఆదిలాబాద్‌ డీఎస్పీ ఎల్‌. జీవన్‌రెడ్డి, టూటౌన్‌ సీఐ కరుణాకర్‌రావు, సీసీఎస్‌ ఇన్‌స్పెక్టర్‌ చంద్రశేఖర్‌ను ఎస్పీ అభినందించారు. ఆరుగురు అంతర్రాష్ట్ర ముఠా సభ్యులపై కేసు పోలీసుల అదుపులో ఐదుగురు నిందితులు 2,125 పాత మొబైళ్లు, 107 సిమ్‌ కార్డులు, 600 మొబైల్‌ బ్యాటరీలు, 5 వాహనాలు సీజ్‌ వివరాలు వెల్లడించిన ఆదిలాబాద్‌ ఎస్పీ అఖిల్‌ మహాజన్‌

‘అమ్మా.. ఇంకో మూడు నెలలైతే లోకం చూసేవాడిని కదమ్మా.. ఎందుకమ్మ ఇంత పనిచేశావు. నీ కడుపులో నన్ము మోయలేకపోయావా.. ఆరు నెలలుగా నీ కడుపులో హాయిగా పెరుగుతున్నా.. నీవు మింగిన మాత్రలకు నాకు ఊపిరి ఆడడం లేదమ్మా.. లోకం చూపించి అనాథాశ్రమంలో పడేసినా బాగుండేది.. తెల ్లవారేసరికే నా ఊపిరి తీశావేంటమ్మా.. నీవు చేసిన తప్పుకు నన్ను బలి ఇచ్చావా..’ గుడిహత్నూర్‌: ఆదిలాబాద్‌ జిల్లా గుడిహత్నూర్‌ మండలంలోని గురుజ వాగులో పడేసిన పిండానికి మాటలు వస్తే ఇలాగే ప్రశ్నించేదేమో. క్షణికావేశంలో చేసిన తప్పుకు గర్భం దాల్చిన ఓ యువతి.. బయటి ప్రపంచానికి ఆ విషయం తెలియకుండా ఉండేందుకు ఆరు నెలల గర్భంలోనే పిండాన్ని చంపేశారు. ఈ హృదయ విదారక సంఘటన గురుజ గ్రామంలో చోటు చేసుకుంది. పోలీసులు, గ్రామస్తులు తెలిపిన ప్రకారం వివరాలు ఇలా ఉన్నాయి... మంగళవారం ఉదయం గ్రామ శివారులోని వాగు ప్రాంతానికి బహిర్భూమికి వెళ్లిన కొందరు గ్రామస్తులకు మృత శిశువు కనిపించింది. పోలీసులకు సమాచారం అందించడంతో ఎస్సై మహేందర్‌ సంఘటనా స్థలానికి చేరుకొని శిశువు మృతదేహాన్ని రిమ్స్‌కు తరలించారు. ఈ ఘటనపై విచారణ చేపట్టారు. స్థానికులు అందించిన వివరాలను సేకరించి ఉన్నతాధికారులకు సమాచారం అందించారు. కేసు నమోదు చేసుకొని వెంటనే దర్యాప్తు చేపట్టారు. ఈ క్రమంలో ఓ యువతి, ఇద్దరు యువకులతోపాటు ఆర్‌ఎంపీని అదుపులోని తీసుకున్నట్లు తెలిసింది. పెళ్లి కాకుండానే గర్భం దాల్చిన ఓ యువతి.. ఆరు నెలల గర్భాన్ని తీయించుకునేందుకు ఆర్‌ఎంపీని ఆశ్రయించినట్లు సమాచారం. మంగళవారం రాత్రి గ్రామంలో తిరిగిన సదరు ఆర్‌ఎంపీ ప్రాణాపాయమని తెలిసినా.. ఆరు నెలల గర్భాన్ని తొలగించారు. ఆ పిండాన్ని ఇలా వాగులో పడేసి ఉంటారని ప్రచారం జరుగుతోంది. దర్యాప్తు పూర్తి కానందున పూర్తి వివరాలు బుధవారం అందిస్తామని సీఐ భీమేష్‌ తెలిపారు. మృత శిశువును పరీక్షించిన వైద్యులు మగ శిశువుగా నిర్ధారించారు. పిండం వయస్సు సుమారు 6 నెలలు దాటి ఉండవచ్చని సమాచారం. గురుజలో ఆరు నెలల పిండం కడుపులోనే చంపి.. వాగులో పడేసి.. విచారణ జరుపుతున్న పోలీసులు...

● రూ.50వేలు లంచం తీసుకుంటూ పట్టుబడ్డ డిప్యూటీ ఈఈ ● బిల్లుల మంజూరు కోసం రూ.లక్ష డిమాండ్‌ ఆదిలాబాద్‌రూరల్‌: ఓ అవినీతి అధికారి ఏసీబీ వలలో చిక్కాడు. ఆదిలాబాద్‌లోని ఎడ్యుకేషనల్‌ వెల్ఫేర్‌ ఇన్‌ఫ్రాస్ట్రక్చర్‌ డెవలప్‌మెంట్‌ కార్పొరేషన్‌లో డిప్యూటీ ఎగ్జిక్యూటివ్‌ ఇంజినీర్‌ జిన్నాంవార్‌ శంకర్‌ కాంట్రాక్టర్‌ నుంచి రూ.50వేలు లంచం తీసుకుంటూ మంగళవారం ఏసీబీకి పట్టుబడ్డాడు. వివరాలిలా ఉన్నాయి. టీజీఐడీసీ డిప్యూటీ ఈఈ శంకర్‌ ఇటీవల కాంట్రాక్టర్‌ను ఇబ్బందులకు గురి చేస్తున్నాడు. కేఆర్కే కాలనీ సమీపంలో మైనార్టీ రెసిడెన్షియల్‌ పాఠశాల పనుల కాంట్రాక్ట్‌ను కరుణాకర్‌రావు దక్కించుకున్నాడు. రూ.14.36 కోట్లతో జిల్లా కేంద్రానికి చెందిన సబ్‌ కాంట్రాక్టర్‌ నారాయణరెడ్డి తీసుకుని పనులు చేపడుతున్నాడు. విడతల వారీగా పూర్తయిన పనులకు సంబంధించి రూ.2 కోట్లు విడుదలయ్యాయి. మంజూరైన ఈ బిల్లులను డీఈఈ శంకర్‌ మరో భవన నిర్మాణం చేపడుతున్న కాంట్రాక్టర్‌కు చెల్లించేందుకు సిద్ధమయ్యాడు. విష యం తెలుసుకున్న నారాయణరెడ్డి మంగళవారం డిప్యూటీ ఈఈని కార్యాలయంలో కలిశాడు. తాను చేసిన పనులకు గాను మంజూరైన డబ్బులు విడుదల చేయాలని కోరాడు. 0.5 శాతం ఇవ్వాలని సదరు అధికారి సూచించాడు. ఈ క్రమంలో కాంట్రాక్టర్‌ ఏసీబీని ఆశ్రయించాడు. ఆ సమయ ంలోనే అధికారి ఫోన్‌ చేసి డబ్బులు అడిగాడు. తాను నిర్మాణం చేపడుతున్న భవనం దగ్గరికి రావాలని పేర్కొన్నాడు. మంగళవారం రూ.50వేలు, మిగతా రూ. 50వేలు బుధవారం ఇవ్వాలని కాంట్రాక్టర్‌తో సదరు అధికారి ఒప్పందం కుదుర్చుకున్నాడు. బిల్లులు విడుదలైన ప్రతీసారి కమీషన్‌ ఇవ్వాలని పేర్కొన్నాడు. మధ్యాహ్నం సదరు అధికారి నిర్మాణం చేపడుతున్న భవనం దగ్గరికి రాగా కాంట్రాక్టర్‌ ఆయనకు రూ.50వేలు ఇస్తుండగా ఏసీబీ అధికారులు రెడ్‌ హ్యాండెడ్‌గా పట్టుకున్నారు. అధికారి నుంచి డబ్బులు స్వాధీనం చేసుకున్నారు. కేసు నమోదు చేశారు. పట్టుబడ్డ అధికారిని కరీంనగర్‌కు తరలించారు. బుధవారం ఏసీబీ కోర్టులో హాజరు పర్చనున్నట్లు పేర్కొన్నారు. దాడుల్లో ఏసీబీ డీఎస్పీ విజయ్‌కుమార్‌, సీఐలు కిరణ్‌రెడ్డి, స్వామి ఉన్నారు.

టీజీపీఎస్సీ మంగళవారం విడుదల చేసిన గ్రూప్‌–2 పరీక్ష ఫలితాల్లో ఉమ్మడి ఆదిలాబాద్‌ జిల్లా అభ్యర్థులు సత్తా చాటారు. ఇప్పటికే ప్రభుత్వ ఉద్యోగం చేస్తున్న వారుసైతం పోటీ పరీక్షలకు సన్నద్ధమై ఉత్తమ ర్యాంకులు సాధించారు. వీరంతా సర్టిఫికెట్‌ వెరిఫికేషన్‌ తర్వాత ఉద్యోగ నియామక పత్రాలు అందుకోనున్నారు.250 ర్యాంక్‌ సాధించిన అశోక్‌కుమార్‌● ఉమ్మడి ఆదిలాబాద్‌ జిల్లా వాసులకు ర్యాంకులు191 ర్యాంకు సాయిరాం కౌటాల: కుమురంభీం జిల్లా కౌటాల మండలంలోని తలోడి గ్రామానికి చెందిన మండల రాజేశంగౌడ్‌–తారక్క దంపతుల కుమారుడు సాయిరాంగౌడ్‌ గ్రూప్‌–2లో 383 మార్కులతో రాష్ట్రస్థాయిలో 191 ర్యాంకు సాధించాడు. సాయిరాం ప్రస్తుతం బెజ్జూర్‌ మండలం మొగవెల్లి పంచాయతీ కార్యదర్శిగా విధులు నిర్వహిస్తున్నాడు. గ్రూప్‌–4లో రెవెన్యూ జూనియర్‌ అసిస్టెంట్‌గా సెలెక్ట్‌ కావడంతో పాటు గ్రూప్‌–1 మెయిన్స్‌లో 436 మార్కులు సాధించాడు. 97వ ర్యాంక్‌ లెక్కల శ్రావణ్‌ మంచిర్యాలరూరల్‌(హాజీపూర్‌): మంచిర్యాల జిల్లా హాజీపూర్‌ మండలం గుడిపేటకు చెందిన లెక్కల లింగయ్య, కళావతి దంపతుల కుమారుడు శ్రావణ్‌కుమార్‌ గ్రూప్‌–2 ఫలితాల్లో రాష్ట్రస్థాయిలో 97వ ర్యాంక్‌ సాధించాడు. 2019లోనే జిల్లాస్థాయిలో మొదటి ర్యాంక్‌, రాష్ట్రస్థాయిలో 10వ ర్యాంక్‌తో పంచాయతీ కార్యదర్శిగా ఉద్యోగం సాధించిన శ్రావణ్‌ సంతృప్తి లేకపోవడంతో ఉద్యోగానికి రాజీనామా చేశాడు. గతేడాది గ్రూప్‌–4లో జిల్లాస్థాయిలో 11వ ర్యాంక్‌ సాధించి బెల్లంపల్లి తహసీల్దార్‌ కార్యాలయంలో జూనియర్‌ అసిస్టెంట్‌గా పని చేస్తున్నాడు. ప్రస్తుతం విడుదల చేసిన గ్రూప్‌–2 ఫలితాల్లో 394 మార్కులతో రాష్ట్రస్థాయిలో 97వ ర్యాంక్‌ సాధించాడు. గ్రూప్‌–1లోనూ 404 మార్కులు సాధించాడు. మెరిసిన ‘బజార్‌హత్నూర్‌’ యువకులు బజార్‌హత్నూర్‌: ఆదిలాబాద్‌ జిల్లా బజార్‌హత్నూర్‌ మండల కేంద్రానికి చెందిన బిట్లింగు లక్ష్మణ్‌, సరస్వతి దంపతుల కుమారుడు ఉదయ్‌కుమార్‌ 404 మార్కులతో రాష్ట్రస్థాయిలో 51వర్యాంకు సాధించాడు. ఉదయ్‌ ప్రస్తుతం ఆదిలాబాద్‌ ట్రెజరీలో జూనియర్‌ అకౌంటెంట్‌గా విధులు నిర్వహిస్తున్నాడు. మండలంలోని కొలారి గ్రామానికి చెందిన బుద్దేవార్‌ రాధ, నర్శింహులు దంపతుల కుమారుడు బుద్దేవార్‌ ముఖేష్‌ గ్రూప్‌–2 ఫలితాల్లో 418 మార్కులతో రాష్ట్రస్థాయిలో 15వ ర్యాంకు సాధించాడు. 2019లో పంచాయతీ కార్యదర్శి, 2021లో నీటిపారుదల శాఖలో జూనియర్‌ అసిస్టెంట్‌ ఉద్యోగం సాధించాడు.తాంసి: మండల కేంద్రానికి చెందిన జానకొండ అశోక్‌ కుమార్‌ గ్రూప్‌–2లో ఫలితాల్లో 380 మార్కులతో రాష్ట్రస్థాయిలో 250వ ర్యాంక్‌ సాధించాడు. ప్రస్తుతం జైనథ్‌ మండలం సుందరగిరి గ్రామ పంచాయతీ కార్యదర్శిగా విధులు నిర్వహిస్తున్నాడు. సోమవారం విడుదలైన గ్రూప్‌–1 ఫలితాల్లో 399 మార్కులు సాధించాడు. సోదరుడు శ్రీకాంత్‌ అందించిన సహకారంతో గ్రూప్‌–1, 2 పరీక్షలకు సన్నద్ధమై విజయం సాధించినట్లు అశోక్‌ కుమార్‌ పేర్కొటున్నాడు.337వ ర్యాంకు సాధించిన వెంకటేశ్‌ నస్పూర్‌: మంచిర్యాల జిల్లా నస్పూర్‌కు చెందిన పోలంపల్లి వెంకటేశ్‌ గ్రూప్‌–2 ఫలితాల్లో 375 మార్కులతో రాష్ట్రస్థాయిలో 337వ ర్యాంకు సాధించాడు. 2014లో నిర్వహించిన వీఆర్‌వో పరీక్షలలో ఉమ్మడి జిల్లా టాపర్‌గా నిలిచాడు. కొంతకాలం నస్పూర్‌ తహసీల్దార్‌ కార్యాలయంలో వీఆర్‌ఏగా విధులు నిర్వహించాడు. ప్రస్తుతం లక్సెట్టిపేట మోడల్‌ డిగ్రీ కళాశాలలో జూనియర్‌ అసిస్టెంట్‌గా విధులు నిర్వహిస్తున్నాడు. 19వ ర్యాంక్‌ శివకృష్ణ ఆసిఫాబాద్‌అర్బన్‌/ఆసిఫాబాద్‌రూరల్‌: కుమురంభీం జిల్లా కేంద్రానికి చెందిన శ్రీరామ్‌ సత్యనారాయణ, వాణిశ్రీ దంపతుల కుమారుడు శివకృష్ణ గ్రూప్‌–2 ఫలితాల్లో రాష్ట్రస్థాయిలో 19వ ర్యాంకు, జోన్‌స్థాయిలో 4వ ర్యాంకు సాధించాడు. సత్యనారాయణ స్థానిక సరస్వతి శిశుమందిర్‌లో ఉపాధ్యాయుడిగా విధులు నిర్వహిస్తుండగా శివకృష్ణ అదే పాఠశాలలో చదివి ట్రిపుల్‌ఐటీలో సీటు సాధించాడు. గతేడాది ప్రకటించిన గ్రూప్‌–4 ఫలితాల్లో రాష్ట్రంలోనే మొదటి ర్యాంకు సాధించగా ప్రస్తుతం జిల్లా కేంద్రంలోని కలెక్టరేట్‌లో ఆడిట్‌ సెక్షన్‌లో విధులు నిర్వర్తిస్తున్నారు. సత్తా చాటిన యువకులు నెన్నెల: మంచిర్యాల జిల్లా నెన్నెల మండలంలోని ఆవుడం గ్రామానికి చెందిన యువకులు గ్రూప్‌–2 ఫలితాల్లో సత్తా చాటారు. చీర్ల లక్ష్మయ్య–రమక్క దంపతుల కుమారుడు సురేష్‌రెడ్డి రాష్ట్రస్థాయిలో 55వ ర్యాంకు సాధించగా మండల మురళిగౌడ్‌, ఉష దంపతుల కుమారుడు సుమంత్‌ 172వ ర్యాంకు సాధించాడు. సురేష్‌రెడ్డి ప్రస్తుతం సింగరేణిలో జూనియర్‌ అసిస్టెంట్‌గా విధులు నిర్వహిస్తూనే గ్రూపు–2లో ర్యాంకు సాధించాడు. సుమంత్‌ ప్రస్తుతం జీహెచ్‌ఎంసీలో జూనియర్‌ అసిస్టెంట్‌గా విధులు నిర్వహిస్తున్నాడు.188వ ర్యాంకు సాయికృష్ణ సారంగపూర్‌: నిర్మల్‌ జిల్లా సారంగపూర్‌ మండలంలోని బీరవెల్లి గ్రామానికి చెందిన బట్టు నర్సన్న–సురేఖ దంపతుల కుమారుడు సాయికృష్ణ గ్రూప్‌–2 ఫలితాల్లో 188వ ర్యాంకు సాధించి తన సత్తా చాటుకున్నాడు. నర్సన్న స్థానికంగా బిజినెస్‌ చేస్తుండగా సురేఖ దేగాం ఉన్నత పాఠశాలలో పీడీగా విధులు నిర్విర్తిస్తున్నారు. చిన్నతనం నుంచి చదువుపై ఆసక్తి ఉన్న సాయికృష్ణ ఇంటర్‌ హైదరబాద్‌లోని శ్రీచైతన్య జూనియర్‌ కళాశాలలో, ఢిల్లీలో బీటెక్‌ పూర్తి చేసి తొలి ప్రయత్నంలోనే గ్రూప్‌–2లో విజయం సాధించాడు. తల్లిదండ్రులు, గురువుల సహకారంతోనే విజయం సాధించానని పేర్కొన్నాడు. గ్రూప్‌–1 ఫలితాల్లో సత్తా నిర్మల్‌ఖిల్లా: నిర్మల్‌ జిల్లా కేంద్రానికి చెందిన ఎర్రవోతు శ్యామల, ముత్తన్న దంపతుల కుమారుడు సాయి ప్రణయ్‌ టీజీపీఎస్సీ ఇటీవల విడుదల చేసిన ఫలితాల్లో 557 మార్కులు సాధించి రాష్ట్రస్థాయిలో ప్రతిభ కనబరిచాడు. సాయి ప్రణయ్‌ ఒకటి నుంచి ఏడో తరగతి వరకు స్థానిక సెయింట్‌ థామస్‌ పాఠశాలలో, 8 నుంచి 10 వరకు హైదరాబాద్‌లోని గురుకులంలో, ఇంటర్‌ నారాయణ జూనియర్‌ కాలేజీలో, బీటెక్‌ సీఎంఆర్‌ ఇంజినీరింగ్‌ కళాశాలలో పూర్తి చేశాడు. గతేడాది నిర్వహించిన గ్రూప్‌–1 ప్రిలిమ్స్‌, మెయిన్స్‌ పరీక్షలకు హాజరయ్యాడు. తాజాగా వెల్లడైన ఫలితాల్లో అత్యున్నత మార్కులు సాధించాడు.గోలేటివాసికి 229వ ర్యాంకు రెబ్బెన: కుమురంభీం జిల్లా కౌటాల మండలంలోని గుడ్లబోరికి చెందిన కామ్రే రావూజీ, లహనుబాయి దంపతుల కుమారుడు భాస్కర్‌ రాష్ట్ర స్థాయిలో 229వ ర్యాంకు సాధించాడు. ప్రస్తుతం బెల్లంపల్లి ఏరియాలోని ఏరియా స్టోర్స్‌లో సీనియర్‌ అసిస్టెంట్‌గా విధులు నిర్వహిస్తున్నాడు. ఒకవైపు ఉద్యోగ బాధ్యతలు నిర్వహిస్తూనే మరోవైపు గ్రూప్‌–2 కోసం సంసిద్ధమయ్యాడు. ఆన్‌లైన్‌లో కోచింగ్‌, సొంత ప్రిపరేషన్‌తో గ్రూప్‌–2 ఫలితాల్లో 381.065 మార్కులు సాధించి రాష్ట్ర స్థాయిలో 229 ర్యాంకు సాధించాడు. కష్టపడి చదివితే విజయం దానంతట అదే వస్తుందని భాస్కర్‌ అంటున్నాడు. భాస్కర్‌శ్రావణ్‌కుమార్‌

మంచిర్యాలటౌన్‌: అంతర్జాతీయ మహిళా దినోత్సవాన్ని పు రస్కరించుకొని మంగళవారం పట్టణంలోని వైశ్యభవన్‌లో ఏర్పాటు చేసిన కార్యక్రమంలో వివిధ రంగాలలో విశిష్ట సేవలందించిన మహిళలను మంచిర్యాల వాసవీ వనిత క్లబ్‌ ఆధ్వర్యంలో ఘనంగా సన్మానించారు. వైద్య రంగంలో ఉత్తమ సేవలు అందించిన బర్త్‌రూట్‌ ఆస్పత్రి వైద్యురాలు శృతి గోలిని ఘనంగా సన్మానించారు. ఈ కార్యక్రమంలో వాసవీ వనిత క్లబ్‌ అధ్యక్షురాలు మల్యాల సంగీత, సెక్రటరి కే.గాయత్రి, కోశాధికారి గుండా సునీత, పలువురు మహిళలు పాల్గొన్నారు. విద్యుదాఘాతంతో రైతు మృతిభైంసారూరల్‌: మండలంలోని కోతల్‌గాం గ్రామానికి చెందిన రైతు పోలబోయిన భోజన్న(62) విద్యుత్‌ షాక్‌తో మంగళవారం మృతి చెందినట్లు సీఐ నైలు తెలిపారు. గ్రామానికి చెందిన భోజన్న అడవి జంతువుల బారి నుంచి పంటను రక్షించుకునేందుకు విద్యుత్‌ తీగలు అమర్చాడు. ఎప్పటిలాగే మంగళవారం రైతు తన పంటపొలంలోకి వెళ్లగా విద్యుత్‌ తీగలు తగిలి అక్కడికక్కడే మృతి చెందాడు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు సీఐ తెలిపారు. ఐదుగురు జూదరుల అరెస్టుఆదిలాబాద్‌టౌన్‌(జైనథ్‌): భోరజ్‌ మండలంలోని గిమ్మ గ్రామ శివారులో పేకాట ఆడుతున్న ఐదుగురిని అరెస్టు చేసినట్లు జైనథ్‌ ఎస్సై పురుషోత్తం తెలిపారు. గండ్రత్‌ సతీష్‌, అయిండ్ల కిరణ్‌ కుమార్‌, కందుల సాయికృష్ణ, జి సతీష్‌, ఎన్‌ రాకేష్‌లను అదుపులోకి తీసుకుని వారి వద్ద నుంచి 52 పేక ముక్కలు, రూ. 43,290 నగదును సీజ్‌ చేసినట్లు ఆయన పేర్కొన్నారు. శ్రీకాంత్‌ అనే మరో వ్యక్తి పరారయ్యాడన్నారు.

ఆదిలాబాద్‌టౌన్‌: సీసీఐ ఫ్యాక్టరీ, ఎయిర్‌పో ర్టు విషయంలో స్థానిక ఎంపీ, ఎమ్మెల్యేలు పచ్చి అబద్ధాలు మాట్లాడుతున్నారని, చేతకాకపోతే రాజీనామా చేయాలని బీఆర్‌ఎస్‌ జిల్లా అధ్యక్షుడు జోగు రామన్న అన్నారు. జిల్లా కేంద్రంలోని ఆ పార్టీ కార్యాలయంలో మంగళవారం నిర్వహించిన విలేకరుల స మావేశంలో ఆయన మాట్లాడారు. సీసీఐ పరిశ్రమను తుక్కు కింద అమ్మేయడానికి టెండర్లు ప్రకటించిన విషయాన్ని బయట పెట్టడంతో దానిపై వారిద్దరు అవగాహన లేకుండా మాట్లాడుతున్నారన్నారు. ఎయిర్‌పోర్టు విషయంలో ఎంపీ చేసిన వ్యాఖ్యలు నిజమైతే తన స్వగ్రామమైన జాతర్లలోని శివాలయంలో ప్రమాణం చేయాలని సవాల్‌ విసిరారు. బీఆర్‌ఎస్‌పై లేనిపోని ఆరోపణలు చేస్తే సహించమన్నారు. తాను ప్రజాభిప్రాయానికి అనుగుణంగా అభివృద్ధి చేశానే తప్ప మోసపూరిత మాటలు చెప్పలేదని గుర్తు చేశారు. పరిశ్రమల విషయంలో యు వతతో పాటు ప్రజలను తప్పుదోవ పట్టించేలా ఎంపీ, ఎమ్మెల్యే మాట్లాడుతున్నారన్నా రు. అబద్దాలతో కాలయాపన చేసే బదులు రాజీనామా చేయడం ఉత్తమమని హితబోధ చేశారు. 11 ఏళ్లుగా బీజేపీ కేంద్రంలో అధి కారంలో ఉన్నా సీసీఐ పరిశ్రమను పునః ప్రారంభించకపోవడం వారి అసమర్థతే కారణమన్నారు. వాటి సాధన కోసం పార్టీ ఆధ్వర్యంలో ఆందోళనలు తీవ్రతరం చేస్తామన్నా రు. ఇందులో నాయకులు నారాయణ, అజ య్‌, ప్రహ్లాద్‌, రాజు, భూమన్న తదితరులు పాల్గొన్నారు.

ఇక్కడ కనిపిస్తున్నవి పట్టణంలోని ఆర్టీవో కార్యాలయ సమీపంలో గల మిషన్‌ భగీరథ పైపులైన్‌ లీకేజీ దృశ్యాలు. ఫలితంగా నీరంతా ఇలా రోడ్డుపై వృథాగా పోతోంది. ఈ ఒక్క చోటే కాదు.. జిల్లా కేంద్రంలోని చాలా ప్రాంతాల్లో ఇదే పరిస్థితి.●ప్రత్యేక దృష్టి సారిస్తున్నాం ఇప్పటికై తే పట్టణంలో నీటి సమస్య అంతగా లేదు. కొన్ని ప్రాంతాలకు ట్యాంకర్ల ద్వారా సరఫరా చేస్తున్నాం. ఏప్రిల్‌ 15 నాటికి లాండసాంగ్వీ పంప్‌హౌస్‌లో సమస్య తలెత్తే అవకాశముంది. దీనిని అధిగమించేందుకు ట్యాంకర్లను పెంచేలా ఇప్పటికే ప్రణాళిక సిద్ధం చేశాం. లీకేజీలను అరికట్టేందుకు దృష్టి సారిస్తున్నాం. అవసరమైతే అదనపు సిబ్బందిని నియమించుకుని తగు చర్యలు తీసుకుంటాం. – పేరిరాజు, మున్సిపల్‌ ఇంజినీర్‌ కై లాస్‌నగర్‌: గ్రేడ్‌–1 స్థాయి కలిగిన ఆదిలాబాద్‌ మున్సిపల్‌ పరిధిలో మిషన్‌ భగీరథ పైపులైన్‌, వాల్వ్‌ల లీకేజీల కారణంగా నిత్యం వేలాది లీటర్ల తాగునీరు వృథాగా పోతోంది. సకాలంలో గుర్తించకపోవడం, మరమ్మతు పనుల్లో జాప్యం అవుతుండడంతో పలు కాలనీలకు నీటి సరఫరాలో అంతరాయం ఏర్పడుతోంది. ఫలితంగా మార్చిలోనే నీటి గోస మొదలైంది. ప్రస్తుతం పట్టణంలో రోజు విడిచి రోజు నీటిని సరఫరా చేస్తున్నారు. ఎండల తీవ్రత పెరిగే కొద్ది భూగర్భజలాల మట్టం తగ్గి నీటి ఎద్దడి తీవ్రమయ్యే అవకాశం కనిపిస్తోంది. బల్దియా అధికారులు మేల్కొని ప్రత్యేక దృష్టి సారించకుంటే ఈ వేసవిలో పట్టణవాసులకు నీటి తిప్పలు తప్పకపోవచ్చనే అభిప్రాయం వ్యక్తమవుతుంది. పలుచోట్ల ట్యాంకర్ల ద్వారా.. బల్దియా పరిధిలో కుళాయిల ద్వారా నీటిని సరఫరా చేస్తున్నప్పటికీ కేఆర్‌కే కాలనీ, భగత్‌సింగ్‌నగర్‌, ఖర్షీద్‌నగర్‌ వంటి కాలనీల్లోని కొన్ని ప్రాంతాలకు తాగునీరు అందడం లేదు. దీంతో ఆయా చోట్లకు ట్యాంకర్ల ద్వారా నీటిని సరఫరా చేస్తున్నారు. బల్దియాకు సంబంధించి ఆరు ట్యాంకర్లు ఉండగా మరో మూడింటిని అద్దె ప్రాతిపాదికన తీసుకున్నారు. ప్రస్తుతం 170 సర్వేనంబర్‌ కాలనీలో నీటి సమస్య తీవ్రమైంది. అక్కడ సీసీ రోడ్లు, డ్రెయినేజీల నిర్మాణ పనులు చేపడుతుండటంతో భగీరథ పైపులైన్‌ పగిలిపోయింది. దీంతో ఆ కాలనీలకు ట్యాంకర్లే దిక్కయ్యాయి. ఒక్కో ట్యాంకర్‌ రోజుకు తొమ్మిది ట్రిప్పుల చొప్పున సరఫరా చేస్తున్నాయి. మిగతా కాలనీల్లోనూ సమస్య తలెత్తితే మరిన్ని ట్యాంకర్లను అందుబాటులోకి తెస్తామని అధికారులు చెబుతున్నారు. రోజు విడిచి రోజు సరఫరా ఆదిలాబాద్‌ పట్టణానికి రోజుకు 31.90 ఎంఎల్‌డీల నీరు అవసరం. ప్రస్తుతం 24ఎంఎల్‌డీల నీరు మాత్రమే సరఫరా అవుతుంది. ఇందులో నిర్మల్‌ జిల్లా దిలావర్‌పూర్‌ మండలం మాటేగాం సమీపంలోని ఫిల్టర్‌బెడ్‌ నుంచి రోజుకు 18ఎంఎల్‌డీల నీరు మిషన్‌ భగీరథ ద్వారా అందుతోంది. అయితే కొన్ని కాలనీల కు కలుషిత నీరు సరఫరా అవుతున్నట్లుగా స్థానికులు పేర్కొంటున్నారు. ఆదిలాబాద్‌ రూరల్‌ మండలం లాండసాంగ్వీ పంప్‌హౌస్‌ నుంచి 6ఎంఎల్‌డీలు సరఫరా అవుతుండగా ఇక్కడి నుంచి 17 వార్డులకు నీటిని అందిస్తున్నారు. ఎలాంటి విద్యుత్‌ అవసరం లేకుండా మావల చెరువు నుంచి 1.5 ఎంఎల్‌డీల నీరు ఫిల్టర్‌బెడ్‌కు అందుతుంది. ఇక్కడి నుంచి ఏడు వార్డులకు నీటిని సరఫరా చేస్తున్నారు. దీంతో పట్టణంలోని 24 వార్డులకు నిత్యం నీటిని సరఫరా చేస్తుండగా మరో 25 వార్డులకు మాత్రం రోజు విడిచి రోజు అందిస్తున్నారు.

● ఎమ్మెల్యే పాయల్‌ శంకర్‌ఆదిలాబాద్‌: ఎన్నికల హామీలు నిలబెట్టుకోవడంలో కాంగ్రెస్‌ ప్రభుత్వం పూర్తిగా విఫలమైందని ఆదిలాబాద్‌ ఎమ్మెల్యే పాయల్‌ శంకర్‌ అన్నారు. జిల్లా కేంద్రంలోని తన క్యాంపు కార్యాలయంలో మంగళవారం ఆయన విలేకరులతో మాట్లాడారు. రాష్ట్రంలో కాంగ్రెస్‌ అధికారంలోకి వచ్చి 15 నెలలు గడుస్తున్నా ఆరు గ్యారెంటీలు పూర్తిస్థాయిలో అమలు కాలేదని విమర్శించారు. 100 రోజుల్లోనే అన్నింటిని అమలు చేస్తామని శాసనసభలో ప్రకటించిన ప్రభుత్వం వాటికి నిధుల కేటాయింపులో సైతం సరైన ప్రాధాన్యత ఇవ్వలేదని మండిపడ్డారు. బుధవారం నుంచి జరిగే శాసనసభ సమావేశాల్లో హామీల అమలు విషయంలో ప్రభుత్వంపై ఒత్తిడి తీసుకు వస్తామని తెలిపారు. అలాగే మాజీ ఎమ్మెల్యే జోగు రామన్న చేసిన వ్యాఖ్యలపై స్పందిస్తూ నాలుగు సార్లు ఎమ్మెల్యేగా ఉండి కూడా ఆదిలాబాద్‌ నియోజకవర్గ అభివృద్ధికి ఆయన చేసింది ఏమీ లేదని విమర్శించారు. విమానాశ్రయం విషయంలో కేంద్ర ప్రభుత్వం సానుకూలంగా స్పందించిన ఎన్‌ఓసీ ఇవ్వడానికి నాటి రాష్ట్ర ప్రభుత్వం ముందుకు రాలేదన్నారు. మరోవైపు సీసీఐ విషయంలో సైతం అనవసర రాద్ధాంతం చేస్తున్నారని, జిల్లా కేంద్రంలో రైల్వే వంతెనల విషయంలో తాను ప్రజాప్రతినిధిగా లేకపోయినా ఎంతగానో కృషి చేశానన్నారు. ఇవన్నీ మర్చిపోయి వ్యక్తిగతంగా విమర్శలకు దిగడం సబబు కాదన్నారు. తన తీరును మార్చుకోవాలని హితవు పలికారు. ఆయన వెంట నాయకులు లాలా మున్నా, ఆకుల ప్రవీణ్‌, జోగు రవి, ఇంద్రసేనారెడ్డి తదితరులు పాల్గొన్నారు.

ఆదిలాబాద్‌టౌన్‌: చెడిపోయిన ఫోనే కదా.. ఇంట్లో నిరుపయోగంగా ఉండడం కంటే స్క్రాప్‌లో విక్రయిస్తే ఎంతోకొంత డబ్బులు వస్తాయి.. లేదా ఇంట్లో పనికొచ్చే గిన్నెలు, ప్లాస్టిక్‌ డబ్బాలతో ఏదైనా ఉపయోగం ఉంటుందని జనం అనుకుంటుంటారు. అయితే ఆ పాత ఫోన్లే కొంప ముంచుతున్నాయి. వాటిని విక్రయించిన వారికి సైబర్‌ నేరగాళ్లు చుక్కలు చూపుతున్నారు. ఆర్థిక లావాదేవీలతో పాటు ఇతర నేరాలకు పాల్పడినప్పుడు ఫోన్‌ విక్రయించిన వారు కేసుల్లో ఇరుక్కుంటున్నారు. తీరా మోసపోయామని తెలిసి బాధితులు లబోదిబోమంటున్నారు. రోజురోజుకు సైబర్‌ కేటుగాళ్లు కొత్త పుంతలు తొక్కుతున్నారు. పల్లెల్లో చిక్కు వెంట్రుకలకు గిన్నెలు, డబ్బాలు ఇస్తున్న విషయం తెలిసిందే. ఇదే తరహా వ్యాపారానికి బిహార్‌కు చెందిన ఓ ముఠా తెరలేపింది. గ్రామాల్లో మోటార్‌సైకిల్‌పై డబ్బాలు కట్టుకొని పాత సెల్‌ఫోన్లు కొంటాం.. అంటూ తిరుగుతున్నారు. విషయం తెలియని అమాయకులు వారికి ఎంతో కొంతకు విక్రయిస్తున్నారు. లేదా వస్తువులు తీసుకొని ఇచ్చేస్తున్నారు. అయితే ఇలాంటి వారిపైన అప్రమత్తంగా ఉండాలని పోలీసులు సూచిస్తున్నారు. జిల్లాలో బిహార్‌ ముఠా ఏకంగా 2వేలకు పైగా పాత సెల్‌ఫోన్లను కొనుగోలు చేసి ఆ రాష్ట్రానికి తరలించేందుకు సిద్ధంగా ఉండగా, జిల్లా పోలీసులు పసిగట్టి వారి గుట్టురట్టు చేశారు. సైబర్‌ కేటుగాళ్ల ప్లాన్‌ ఇలా.. ● బిహార్‌కు చెందిన ముఠా ద్విచక్ర వాహనాలపై పల్లె, పట్టణాల్లో తిరుగుతూ చెడిపోయిన సెల్‌ఫోన్లతో పాటు పనిచేసే వాటిని తీసుకుని ప్లాస్టిక్‌ డబ్బాలు, గిన్నెలు అందజేస్తారు. ఇలా సేకరించిన వాటిని ఢిల్లీకి చెందిన డీలర్లకు ఒక్కోటి రూ.100 చొప్పున విక్రయిస్తారు. వారు వాటిని కాంబోడియా, ఫిలిప్పైన్స్‌, లాంగోస్‌, సౌత్‌ఈస్ట్‌ ఏసియా దేశాలకు తరలించి సైబర్‌ నేరాలకు పాల్పడే వారికి విక్రయిస్తారు. అక్కడ వాటికి రిపేర్లు చేసి అందులో ఐఎంఈ నంబర్‌తో సెల్‌ఫోన్‌ వినియోగదారు సమాచారం సేకరిస్తారు. మరోవైపు మన దేశంలోని వివిధ ప్రాంతాలకు చెందిన నిరుద్యోగులకు ఉద్యోగాలిప్పిస్తామని ఆయా దేశాలకు చెందిన సైబర్‌మోసగాళ్లు వల విసురుతారు. ఇక్కడి నుంచి సింగాపూర్‌కు తీసుకెళ్లి వారి వీసాను లాక్కుంటారు. తిరిగి వెళ్లకుండా ఇబ్బందులకు గురిచేస్తారు. గత్యంతరం లేని పరిస్థితుల్లో కొంతమంది సైబర్‌ మోసగాళ్లు చెప్పే పనులకు బలవుతుంటారు. ఆయా భాషల్లో నైపుణ్యం సాధించేలా వారికి ప్రత్యేక శిక్షణ ఇస్తారు. బ్యా ంకు ఉద్యోగులు, పోలీసు అధికారులుగా, పార్ట్‌టైమ్‌ జాబ్‌ కల్పిస్తామని వారితో ఫోన్లు చేయిస్తారు. లింకులు, ఓటీపీల ద్వారా బ్యాంకులో ఉన్న డబ్బును కాజేస్తారు. అమాయకులతో పాటు అన్ని తెలిసిన వారు సైతం వీరి వలలో పడుతున్నారు. రూ.లక్షల్లో మోసపోతున్నారు. ఇటీవల పెరుగుతున్న కేసులు.. జిల్లాలో రోజురోజుకు సైబర్‌ కేసులు పెరుగుతూనే ఉన్నాయి. అమాయకులు వారి ఉచ్చులోపడి నష్టపోతున్నారు. గతేడాది దాదాపు 200 వరకు కేసులు నమోదయ్యాయి. ఇందులో ఆర్థిక లావాదేవీలకు సంబంధించి 86 కేసులున్నాయి. బాధితుల నుంచి సైబర్‌ మోసగాళ్లు రూ.1 కోటి 50లక్షల వరకు దోచుకున్నారు. అయితే కొన్ని డబ్బులను బ్యాంకుల్లో సైబర్‌ పోలీసులు ఫ్రీజింగ్‌ చేశారు. గతేడాది మూడు లోక్‌ అదాలత్‌లలో రూ.17లక్షల 60వేలను బాధితులకు అందజేశారు. ఈ ఏడాది 15 కేసుల వరకు నమోదయ్యాయి. రూ.5లక్షల వరకు సైబర్‌ మోసగాళ్ల చేతిలో నష్టపోయారు. ఖాతా మాయమే.. బ్యాంకు ఖాతా మనదే అయినప్పటికీ మనం విక్రయించే ఫోన్లు, ఇతర వివరాలు తెలుపడంతో అందులో ఉన్న డబ్బులను మనకు తెలియకుండగానే కాజేస్తున్నారు. ఫోన్లను హ్యాక్‌ చేసి ఓటీపీలు పంపి మోసాలకు పాల్పడుతున్నారు. జిల్లాలో సైబర్‌ నేరాలకు సంబంధించి అవగాహన కల్పిస్తున్నప్పటికీ ఇంకా బాధితులు నేరగాళ్ల చేతిలో మోసపోతూనే ఉన్నారు. మన మెయిల్‌, ఫేస్‌బుక్‌లను హ్యాక్‌ చేసి సందేశాలను పంపుతూ కొల్లగొడుతున్నారు. ఇటీవలే క్రెడిట్‌ కార్డు లిమిట్‌ పెంచాలా అని, మీ పిల్లలు మత్తు పదార్థాల కేసుల్లో ఇరుక్కుపోయారని, పోలీసులమని బెదిరింపులకు పాల్పడుతూ మోసగాళ్లు బాధితుల ఖాతాల్లో నుంచి డబ్బులు మాయం చేస్తున్నారు. పాత మొబైల్స్‌ ఇస్తున్నారా.. తస్మాత్‌ జాగ్రత్త మరమ్మతులు చేసి వాటి ద్వారానే సైబర్‌ మోసాలు లబోదిబోమంటున్న బాధితులు అప్రమత్తంగా ఉండాలంటున్న పోలీసులు‘పాత ఫోన్లకు.. ప్లాస్టిక్‌ డబ్బాలు ఇస్తాం’ అంటూ వీధుల్లో తిరిగే వారికి పాడైపోయిన మీ సెల్‌ఫోన్లు ఇస్తున్నారా.. ఒక్క క్షణం ఆలోచించండి.. లేకుంటే మీరు కష్టాలు కొని తెచ్చుకున్నట్లే. అందులోని డేటాతో కొందరు కేటుగాళ్లు సైబర్‌ నేరాలకు పాల్పడుతున్నారు. జిల్లా పోలీసులు ప్రత్యేక దృష్టి సారించడంతో తాజాగా ఈ ముఠా గుట్టు రట్టయింది. అప్రమత్తంగా ఉండాలి సైబర్‌ మోసాలపై ప్రజలు అప్రమత్తంగా ఉండాలి. కొందరు గ్రామాలకు వచ్చి పాత సెల్‌ఫోన్లను కొనుగోలు చేస్తున్నారు. పని చేయని మొబైల్స్‌ను ఎవరికీ విక్రయించొద్దు. ఎవరికై న ఫోన్లు విక్రయించినా, కొనుగోలు చేసినా తప్పనిసరిగా బిల్లులు తీసుకోవాలి. కొంత మంది అమాయకులతో పాటు అన్ని తెలిసిన వారు కూడా నేరగాళ్ల చేతిలో మోసపోతున్నారు. ఒకవేళ డబ్బులు పోగొట్టుకుంటే వెంటనే టోల్‌ఫ్రీ నం.1930కు సమాచారం అందించాలి. www. cybercrime. comలో ఫిర్యాదు చేయాలి. – అఖిల్‌ మహాజన్‌, ఎస్పీ

● కలెక్టర్‌ రాజర్షిషాఆదిలాబాద్‌టౌన్‌: మహిళల సంక్షేమానికి ప్రభుత్వం పెద్దపీట వేస్తుందని కలెక్టర్‌ రాజర్షిషా అన్నారు. మ హిళా దినోత్సవం పురస్కరించుకుని జిల్లా కేంద్రంలోని జెడ్పీ సమావేశ మందిరంలో మహిళా శిశు సంక్షేమశాఖ ఆధ్వర్యంలో మంగళవారం వేడుకలు నిర్వహించారు. విద్యార్థుల సాంస్కృతిక ప్రదర్శనలు ఆకట్టుకున్నాయి. మహిళల ఆరోగ్యంపై వైద్యులు అవగాహన కల్పించారు. ఈ సందర్భంగా కలెక్టర్‌ మాట్లాడుతూ, ఆడ పిల్లల చదువును ప్రోత్సహించాలన్నారు. పని ప్రదేశాలు, ప్రభుత్వ, ప్రైవేట్‌ సంస్థల్లో మహిళలను వేధింపులకు గురిచేస్తే చట్టప్రకారం చర్యలు తప్పవన్నారు. మహిళలు ఆర్థిక స్వా లంబన దిశగా ముందుకు సాగాలన్నారు. ఎమ్మెల్యే పాయల్‌ శంకర్‌ మాట్లాడుతూ అన్నిరంగాల్లో మహిళలు ముందుకెళ్తున్నారని పేర్కొన్నారు. ఎక్కడైతే సీ్త్రలు గౌరవించబడతారో అక్కడ సమాజం సంతో షంగా ఉంటుందన్నారు. అనంతరం పలు స్వచ్ఛంద సంస్థలు, జిల్లా అధికారులను సన్మానించి జ్ఞాపికలు అందజేశారు. కార్యక్రమంలో ఐసీడీఎస్‌ ఇన్‌చార్జి పీడీ మిల్కా, డీఈవో ప్రణీత, టీబీ నివారణ అధికారి డాక్టర్‌ సుమలత, మహిళా కమిషన్‌ సభ్యురాలు ఈశ్వరిబాయి, మహిళా సాధికారత కేంద్రం కోఆర్డినేటర్‌ యశోద, సఖీ కేంద్రం నిర్వాహకురాలు సరస్వతి, నాగమణి, ఐసీడీఎస్‌ అధికారులు, సిబ్బంది, అంగన్‌వాడీ కార్యకర్తలు, వివిధ శాఖల ఉద్యోగులు, విద్యార్థులు పాల్గొన్నారు.

మంచిర్యాలరూరల్‌(హాజీపూర్‌): ఉమ్మడి ఆదిలాబాద్‌ జిల్లా బాడీబిల్డంగ్‌ ఓవరాల్‌ చాంపియన్‌గా మంచిర్యాల జిల్లా పాత మంచిర్యాలకు చెందిన మాసు వెంకటేశ్‌ నిలిచాడు. సీసీసీలో తెలంగాణ బాడీ బిల్డింగ్‌ అసోసియేషన్‌ ఆధ్వర్యంలో బాడీ బిల్డింగ్‌ ఆసోసియేషన్‌ ఆధ్వర్యంలో ఆదివారం నిర్వహించిన బాడీ బిల్డింగ్‌ జూనియర్‌, సీనియర్‌, మాస్టర్‌ డిస్ట్రిక్ట్‌ చాంపియన్‌షిప్‌ పోటీలు ఉత్సాహంగా సాగాయి. ఈ పోటీల్లో ఉమ్మడి ఆదిలాబాద్‌ జిల్లాలోని మంచిర్యాల, నిర్మల్‌, ఆదిలాబాద్‌, కుమురంభీం ఆసిఫాబాద్‌ జిల్లాలకు చెందిన పలువురు బాడీ బిల్డర్లు పాల్గొన్నారు. మాసు వెంకటేశ్‌ అన్ని కేజీల విభాగాల్లో మంచిర్యాల జిల్లా చాంపియన్‌గా నిలిచాడు. ఉమ్మడి ఆదిలాబాద్‌ జిల్లా వ్యాప్తంగా నిర్వహించిన చాంపియన్‌ ఆఫ్‌ ద చాంపియన్‌ పోటీల్లోనూ విజేతగా నిలిచాడు.

● ఆశ్రమ పాఠశాలలో విద్యార్థిని మృతి ● ఇచ్చోడలో ఘటన ఇచ్చోడ/బోథ్‌/నార్నూర్‌/ఉట్నూర్‌రూరల్‌: ఏమైందో ఏమో కాని నిద్రలోనే ఆ విద్యార్థి తిరిగి రాని లోకాలకు చేరింది. ఈ ఘటన ఇచ్చోడ మండల కేంద్రంలోని బాలికల ఆశ్రమ పాఠశాలలో చోటు చేసుకుంది. వివరాల్లోకి వెళితే.. బజార్‌హత్నూర్‌ మండలం మొర్కండి గ్రామానికి చెందిన చిక్రం లాలిత్య (14) పాఠశాలలో తొమ్మిదో తరగతి చదువుతుంది. ఆదివారం రాత్రి భోజనం అనంతరం తోటి విద్యార్థులతో కలిసి మొదటి అంతస్తులో నిద్రకు ఉపక్రమించింది. సోమవారం ఉదయం 6 గంటలకు విద్యార్థులంతా నిద్రలేచారు. ఆమె మాత్రం పడుకుని ఉండగా స్నేహితులు వచ్చి లేపేందుకు యత్నించగా స్పందించలేదు. నోటి నుంచి తెల్లటి నురుగు ఉండగా వెంటనే వసతి గృహ సిబ్బందికి తెలిపారు. హెచ్‌ఎం కాత్లె ఉత్తం దాస్‌ అక్కడికి చేరుకుని విద్యార్థినిని పరిశీలించి మృతిచెందినట్లుగా గుర్తించాడు. వెంటనే పోలీసులతోపాటు విద్యార్థిని తల్లిదండ్రులకు సమాచారం అందజేశారు. విద్యార్థిని తల్లిదండ్రులు వెంటనే అక్కడికి చేరుకున్నారు. గత ఆదివారమే తమ బిడ్డను కలిసివెళ్లినట్లు వారు విలపిస్తూ పేర్కొన్నారు. ఘటనా స్థలానికి చేరుకున్న సీఐ భీమేశ్‌ మృతదేహాన్ని పోస్టుమార్టం నిమిత్తం తరలించేందుకు యత్నించగా విద్యార్థిని తండ్రి రాజేశ్వర్‌ తమ బంధువులు వచ్చేంత వరకు ఇక్కడి నుంచి కదిలేది లేదని అడ్డుకున్నాడు. పక్కనే పరీక్షలకు సిద్ధమవుతున్న ఇంటర్‌ విద్యార్థులకు ఇబ్బందులు కలగచేయవద్దని సూచించి రాజేశ్వర్‌ను అక్కడి నుంచి మృతదేహం వెంట బోథ్‌కు తరలించారు. పంచనామా అనంతరం మృతదేహన్ని వారికి అప్పగించారు. బోథ్‌ ఎమ్మెల్యే అనిల్‌జాదవ్‌ బాధిత కుటుంబసభ్యులను పరామర్శించారు. అంత్యక్రియల కోసం రూ.10 వేలు కుటుంబానికి అందించారు. ప్రభుత్వం నిర్లక్ష్యంతోనే బాలిక మృతిచెందిందని ఆరోపించారు. బాధిత కుటుంబానికి న్యాయం చేయాలన్నారు. విద్యార్థిని తండ్రి ఫిర్యాదు మేరకు కేసు దర్యాప్తు చేస్తున్నట్లు ఎస్సై తిరుపతి తెలిపారు. కాగా, విద్యార్థిని మృతిపై సమగ్ర విచారణ జరిపించి బాధిత కుటుంబానికి న్యాయం చేయాలని ధర్మసమాజ్‌ పార్టీ రాష్ట్ర సెక్రటరీ అన్నెల లక్ష్మణ్‌, విద్యార్థి సంఘాలు పాఠశాల ఎదుట, ఐటీడీఏ కార్యాలయం ఎదుట ఆందోళనలు చేపట్టాయి. ధర్మసమాజ్‌ పార్టీ, సీపీఐ నాయకులు ఆస్పత్రి ఎదుట బైఠాయించారు. ఈ విషయమై నాయకులు ఐటీడీఏ డీడీ వివరణ కోరగా, నిర్లక్ష్యంగా సమాధానం ఇచ్చారన్నారు. మృతిపై విచారణ చేపట్టాలని ఐటీడీఏ పీవో ఖష్బుగుప్తాకు ఎస్‌ఎఫ్‌ఐ జిల్లా ప్రధాన కార్యదర్శి ఆత్రం నగేశ్‌ వినతిపత్రం అందించారు. బాధిత కుటుంబంలో ఒకరికి ప్రభుత్వం ఉద్యోగం ఇవ్వాలని డిమాండ్‌ చేశారు.

నిర్మల్‌ జిల్లా చిట్యాలకు చెందిన రాజు–సరోజ దంపతుల కుమార్తె దివిటి అరుణ. రాష్ట్రస్థాయి అథ్లెటిక్స్‌ పోటీల్లో పతకాల పంట పండిస్తోంది. ప్రస్తుతం ఆదిలాబాద్‌ ప్రభుత్వ సైన్స్‌ డిగ్రీ కళాశాలలో బీఎస్సీ (ఎంపీసీఎస్‌) సెకండియర్‌ చదువుతోంది. రాష్ట్రస్థాయి అథ్లెటిక్స్‌ పోటీల్లో హ్యమర్‌ త్రో, డిస్కస్‌ త్రో ఈవెంట్లలో మొత్తం ఐదు పతకాలు సాధించింది. హ్యమర్‌ త్రోలో రెండు రజతం, 2 కాంస్య, డిస్కస్‌ త్రోలో కాంస్య పతకాలు సొంతం చేసుకుంది. భవిష్యత్తులో స్పోర్ట్స్‌ కోటాలో ఉద్యోగం సాధిస్తానని ధీమాగా చెబుతోంది. – అరుణ

నిర్మల్‌ జిల్లా కుంటాల మండలం అంబకంటి గ్రామానికి చెందిన చిన్నయ్య–చిన్నక్క దంపతుల కుమార్తె సీహెచ్‌. వసంత. రాష్ట్రస్థాయి అథ్లెటిక్స్‌ పోటీల్లో సత్తా చాటుతోంది. పోటీల్లోని ట్రిపుల్‌ జంప్‌, హ్యామర్‌ త్రో ఈవెంట్లలో ఇప్పటివరకు 8 పతకాలు సాధించింది. యూనివర్సిటీ లెవల్లో హ్యామర్‌ త్రో ఈవెంట్లో కాంస్య పతకంతో సత్తా చాటింది. ప్రస్తుతం జిల్లా కేంద్రంలోని ప్రభుత్వ ఆర్ట్స్‌ అండ్‌ కామర్స్‌ డిగ్రీ కళాశాలలో బీకాం చదువుతున్న ఆమె వ్యాయామ ఉపాధ్యాయురాలిగా కెరియర్‌ ఎంచుకుంటా అంటోంది. – సీహెచ్‌. వసంత

నిర్మల్‌ జిల్లా ముధోల్‌ మండలం అష్ట గ్రామానికి చెందిన రాజశేఖర్‌–సుగుణ దంపతుల కుమార్తె బి.స్వాతి. అథ్లెటిక్స్‌ పోటీల్లో ప్రతిభ కనబరుస్తోంది. ఇప్పటివరకు స్టీపుల్‌ చేజ్‌, జావెలిన్‌ త్రో ఈవెంట్లలో రెండు పతకాలతో మెరిసింది. ఇప్పటివరకు ఒక రజతం, ఒక కాంస్య పతకంతో సత్తా చాటింది. ప్రతీరోజు ఉదయం, సాయంత్రం నాలుగు గంటలు సాధన చేస్తున్నానని చెబుతోంది. మరిన్ని క్రీడా ఈవెంట్లలో సత్తా చాటడానికి, నిరంతరం క్రీడా నైపుణ్యాలు అలవర్చుకుంటానని తెలుపుతోంది. – స్వాతి

నేరడిగొండ: మండలంలోని బోరిగాం బస్టాండ్‌ సమీపంలో 44వ జాతీయ రహదారిపై జరిగిన రోడ్డు ప్రమాదంలో యువకుడు మృతిచెందాడు. వివరాలు ఇలా ఉన్నాయి.. మండలంలోని వడూర్‌ గ్రామానికి చెందిన బొడిగే గణేశ్‌ (26) ఆదివారం రాత్రి నిర్మల్‌లో ఉంటున్న ఆయన భార్య వద్దకు బైక్‌పై వెళ్తున్నాడు. గుర్తుతెలియని వాహనాన్ని ఢీకొనడంతో తలకు తీవ్ర గాయాలై సంఘటన స్థలంలో మృతిచెందాడు. మృతదేహాన్ని బోథ్‌ ప్రభుత్వ ఆస్పత్రికి తరలించారు. సోమవారం పోస్టుమార్టం అనంతరం మృతదేహాన్ని కుటుంబ సభ్యులకు అప్పగించారు. భార్య కోసం వెళ్తూ రోడ్డు ప్రమాదంలో మృతిచెందడంతో కుటుంబీకులు కన్నీటిపర్యంతమయ్యారు. గోడ మీదపడి కూలీ.. రెబ్బెన: మండలంలోని నవేగాంలో కూలీపై గోడపడి మృతి చెందినట్లు ఎస్సై చంద్రశేఖర్‌ తెలిపారు. ఆయన కథనం ప్రకారం.. నవేగాం గ్రామానికి చెందిన కొద్దెన లస్మయ్య కూలీ పనులు చేసుకుంటూ జీవనం సాగిస్తుంటాడు. గ్రామానికి చెందిన బొల్లు తిరుపతి ఇంటి పనుల కోసం సోమవారం లస్మయ్యను కూలీని పిలిచారు. పని నిమగ్నమై ఉన్న సమయంలో ఒక్కసారిగా లస్మయ్యపై గోడ కూలి పడటంతో తీవ్రగాయాలయ్యాయి. వెంటనే కాగజ్‌నగర్‌ ఆసుపత్రికి తరలిస్తుండగా మార్గమధ్యలో మృతిచెందాడు. మృతుడి అన్న రాజయ్య ఫిర్యాదుతో కేసు దర్యాప్తు చేస్తున్నట్లు ఎస్సై తెలిపారు. ప్రమాదవశాత్తు కుంటలో పడి ఒకరు.. ఉట్నూర్‌రూరల్‌: మండల కేంద్రంలోని బోయవాడకాలనీకి చెందిన పిండి విజయ్‌ (36) ప్రమాదవశాత్తు కుంటలో పడి మృతి చెందాడు. ఎస్సై మనోహర్‌ కథనం ప్రకారం.. విజయ్‌ ఇంటి అవసరం నిమిత్తం కట్టెలు ఏరేందుకు మండలంలోని కామాయిపేట అటవీ ప్రాంతానికి ఆదివారం వెళ్లాడు. మధ్యాహ్న సమయంలో దాహం వేయగా గ్రామ సమీపంలోని కుంటలో నీరు తాగేందుకు వెళ్లి ప్రమాదవశాత్తు కాలు జారి పడిపోయాడు. ఆదివారం రాత్రి అయినా ఇంటికి రాకపోవడంతో కుటుంబ సభ్యులు పోలీసులకు సమాచారం అందించారు. సోమవారం కుంట వద్ద చెప్పులు చూసి గ్రామస్తులు పోలీసులకు సమాచారమివ్వడంతో స్థలానికి చేరుకుని పరిశీలించారు. మృతదేహాన్ని పోస్టుమార్టం నిమిత్తం ప్రభుత్వ ఆసుపత్రికి తరలించారు. ఈమేరకు కేసు దర్యాప్తు చేస్తున్నట్లు ఎస్సై తెలిపారు. అనుమానాస్పదంగా యువకుడు.. ఆదిలాబాద్‌రూరల్‌: మావల శివారు ప్రాంతంలో గల ఎర్రకుంటలో ఒకరు అనుమానాస్పదంగా మృతిచెందారు. పోలీసుల కథనం ప్రకారం.. మావల గ్రామానికి చెందిన షేక్‌ ఫర్వేజ్‌ అదే గ్రామంలోని పెట్రోల్‌ పంపులో ఉద్యోగం చేస్తూ కుటుంబాన్ని పోషిస్తున్నాడు. ఆదివారం ఉదయం ఇంటి నుంచి వెళ్లి రాలేదు. కుటుంబ సభ్యులు రాత్రి వరకు గాలించిన ఆచూకీ దొరకలేదు. సోమవారం ఉదయం ఎర్రకుంట ప్రాంతం వైపు వెళ్లిన మావలకు చెందిన సతీశ్‌.. మృతదేహాన్ని గమనించి పోలీసులకు సమాచారం అందించారు. ఆదిలాబాద్‌ రూరల్‌ సీఐ ఫణిధర్‌ సంఘటన స్థలానికి వెళ్లి పరిశీలించారు. పోస్టుమార్టం నిమిత్తం మృతదేహాన్ని రిమ్స్‌ మార్చురీకి తరలించారు. కుమారుడి మృతిపై అనుమానం ఉందని తల్లి రెహనా ఫిర్యాదుతో కేసు దర్యాప్తు చేస్తున్నట్లు పోలీసులు తెలిపారు.

● ప్రతిభ కనబర్చిన ఉమ్మడి జిల్లా క్రీడాకారులు ● పతకాలతో సత్తాచాటుతూ.. ● అంతర్జాతీయ పోటీలకు ప్రాతినిధ్యం వారందరిది నిరుపేద కుటుంబ నేపథ్యం. అయినప్పటికీ భవిష్యత్‌లో ఉన్నతంగా ఎదగాలని చదువును కొనసాగిస్తూనే క్రీడారంగాన్ని ఎంచుకున్నారు. అథ్లెటిక్స్‌లో నిరంతరం సాధన చేసి ప్రతిభ కనబరుస్తున్నారు. జిల్లా, రాష్ట్ర, జాతీయస్థాయి పోటీల్లో ఉమ్మడి జిల్లా క్రీడాకారులు సత్తా చాటి పతకాలు సాధిస్తున్నారు. అంతర్జాతీయ పోటీలకు దేశం తరుఫున ప్రాతినిధ్యం వహిస్తున్నారు. గత నెల 18, 19వ తేదీల్లో హైదరాబాద్‌లోని ఉస్మానియా యూనివర్సిటీలో 11వ తెలంగాణ రాష్ట్ర యూత్‌ అథ్లెటిక్స్‌ చాంపియన్‌ షిప్‌ పోటీల్లోనూ ప్రతిభ కనబర్చారు. ఉమ్మడి జిల్లా క్రీడాకారులపై ప్రత్యేక కథనం. – ఆదిలాబాద్‌శిక్షకుల ప్రోత్సాహంతోనే.. బేల మండలం సిర్సన్నకు చెందిన ఎస్కే ఫిరోజ్‌– షరీఫా దంపతుల కుమార్తె ముస్కాన్‌. అథ్లెటిక్స్‌ పోటీల్లో విజేతగా నిలుస్తోంది. ప్రస్తుతం ఉస్మానియా యూనివర్సిటీలో డీ.పెడ్‌ కోర్సు చేస్తున్న ఆమె హ్యామర్‌త్రో ఈవెంట్‌లో మూడు పతకాలు సాధించింది. హైదరాబాద్‌, హన్మకొండలో జరిగిన రాష్ట్రస్థాయి పోటీల్లో స్వర్ణం, రజతం, ఉస్మానియా యూనివర్సిటీ స్థాయిలో కాంస్య పతకాలతో మెరిసింది. శిక్షకులు రేణుక, వీజీఎస్‌ రాకేశ్‌ ప్రోత్సాహంతో రాగలిగింది. జాతీయ అథ్లెటిక్స్‌ శిక్షకురాలిగా ఎదగాలన్నదే తన లక్ష్యమని చెబుతోంది. – ముస్కాన్‌ అంతర్జాతీయ స్థాయిలో మెరిశాడు ఇచ్చోడ మండలం దేవుల్‌ నాయక్‌ తండాకు చెందిన రమేశ్‌ రాథోడ్‌–లక్ష్మీబాయి దంపతులకు కుమారుడు రాథోడ్‌ వంశీ. గతేడాది జూలైలో నేపాల్‌లో జరిగిన టార్గెట్‌ బాల్‌పోటీల్లో దేశం తరఫున ప్రాతినిధ్యం వహించాడు. ఇందులో భారత్‌ రెండో స్థానంలో నిలువగా, వెండి పతకం నిలబెట్టుకున్నాడు. రాష్ట్రస్థాయి పోటీల్లో హామర్‌ త్రో ఈవెంట్లో రెండుసార్లు రజత పతకాలు సాధించగా, ఓసారి కాంస్య పతకంతో విజేతగా నిలిచాడు. కాకతీయ విశ్వవిద్యాలయ యూనివర్సిటీ స్థాయి పోటీల్లో బ్యాడ్మింటన్‌ క్రీడలో ప్రాతినిధ్యం వహించి రాణించాడు. వ్యాయామ ఉపాధ్యాయుడిగా కావడమే లక్ష్యంగా ప్రతీరోజు నాలుగు గంటలు మైదానంలో శ్రమిస్తున్నాడు. – వంశీ గ్రూప్‌–1 ఆఫీసర్‌ కావడమే లక్ష్యం.. ఆదిలాబాద్‌కు చెందిన ప్రవీణ్‌–గీత దంపతుల కుమారుడు డి.చంద్రసిద్ధార్థ.. ప్రైవేట్‌ కళాశాలలో ఇంటర్‌ సెకండియర్‌ చదువుతున్నాడు. ఐదో తరగతి నుంచే ఆటలపై మక్కువ పెంచుకుని, రాష్ట్ర, జాతీయ స్థాయి క్రీడా పోటీల్లో రాణిస్తున్నాడు. అథ్లెటిక్స్‌లో రేస్‌వాక్‌ ఈవెంట్లో ఇటీవల జరిగిన రాష్ట్రస్థాయి పోటీల్లో కాంస్య పతకం గెలుపొందాడు. 2022లో జాతీయస్థాయి పోటీలకు ప్రాతినిధ్యం వహించాడు. గతేడాది డిసెంబర్‌లో జరిగిన ఆర్మీ రిక్రూట్‌మెంట్‌ ర్యాలీలో ఉత్తీర్ణత సాధించాడు. సైనికుడిగా విధులు నిర్వర్తిస్తూనే, తన చిన్ననాటి కల అయిన గ్రూప్‌–1 ఆఫీసర్‌ కావడమే లక్ష్యంగా సన్నద్ధమవుతున్నాడు. – డి.చంద్రసిద్ధార్థ ఎన్‌ఐఎస్‌ శిక్షకుడినవుతా బజార్‌హత్నూర్‌ మండలం మంజారం తండాకు చెందిన గురుదయాల్‌ సింగ్‌–శారదబాయి దంపతుల కుమారుడు అజాడే అనిల్‌. ఆదిలా బాద్‌ ప్రభుత్వ సైన్స్‌ డిగ్రీ కళాశాలలో డిగ్రీ సెకండియర్‌ చదువుతున్నాడు. ఈయన అథ్లెటిక్స్‌లో హేమర్‌ త్రో, స్టీపుల్‌ చేజ్‌, ట్రిపుల్‌ జంప్‌ పోటీల్లో పాల్గొని పతకాలు సాధిస్తున్నాడు. 2019 పూణెలో జరిగిన స్విమ్మింగ్‌ జాతీయస్థాయి పోటీల్లో ప్రతిభ కనబర్చాడు. ఇటీవల రాష్ట్రస్థాయి అథ్లెటిక్స్‌ పోటీల్లో ఒక వెండి, కాంస్య పతకాలు కై వసం చేసుకున్నాడు. అంతర్జాతీయ పోటీల్లో విజేతగా నిలవడమే కాకుండా నేషనల్‌ ఇనిస్టిట్యూట్‌ ఆఫ్‌ స్పోర్ట్స్‌ కోచ్‌గా వ్యవహరించడమే తన లక్ష్యమని, ఇందుకోసం శిక్షకులు వీజీఎస్‌ రాకేశ్‌, వీజీఎస్‌ జోల పర్యవేక్షణలో శిక్షణ పొందుతున్నా. – అజాడే అనిల్‌

తాంసి: గ్రూప్‌–1 ఫలితాలను టీజీపీఎస్సీ సోమవారం విడుదల చేసింది. ఇందులో పలువురుయువకులు ప్రతిభ కనబర్చారు. కొందరు ఇప్పటికే ప్రభుత్వ ఉద్యోగాలు చేస్తున్నవారు ఉన్నారు. పరీక్ష రాసి ఉత్తమ మార్కులు సాధించారు. తాంసి మండలంలోని బండల్‌నాగాపూర్‌కు చెందిన సురుకుంటి సచిన్‌.. 454.5 మార్కులు సాధించాడు. ఈయన వార్డు ఆఫీసర్‌గా ఆదిలాబాద్‌ మున్సిపల్‌ కార్యాలయంలో విధులు నిర్వహిస్తున్నాడు. భీంపూర్‌ మండలం కరంజి(టి) గ్రామానికి చెందిన ఎల్టి కార్తీక్‌రెడ్డి..443 మార్కులు సాధించాడు. బోథ్‌ మండలం ధనోర గ్రామానికి చెందిన నల్ల లావణ్యరెడ్డి..తాంసి మండలం హస్నాపూర్‌ పంచాయతీ కార్యదర్శిగా విధులు నిర్వహిస్తోంది. ఓ వైపు విధులు నిర్వహిస్తూనే గ్రూప్‌–1 పరీక్ష రాయగా 441.5 మార్కులు సాధించింది. తాంసికి చెందిన జానకొండ అశోక్‌ పంచాయతీ కార్యదర్శిగా జైనథ్‌ మండలం సుందరగిరిలో విధులు నిర్వర్తిస్తూనే గ్రూప్‌–1 పరీక్ష రాశాడు. 398.50 మార్కులు సాధించాడు.

ఉట్నూర్‌రూరల్‌: అన్నిరంగాల్లో మహిళల పాత్ర కీలకమని ఐటీడీఏ పీవో ఖుష్బూ గుప్తా పేర్కొన్నారు. సోమవారం తన కార్యాలయంలో నిర్వహించిన అంతర్జాతీయ మహిళా దినోత్సవం సందర్భంగా ఐటీడీఏ మహిళా ఉద్యోగులకు శుభాకాంక్షలు తెలిపారు. అనంతరం ఆమె మాట్లాడుతూ ప్రస్తుత సమాజంలో మహిళలు..ముఖ్యమంత్రులు, మంత్రులు, ఐఏఎస్‌, ఐపీఎస్‌, ఆర్మీ, నేవీ, ఎయిర్‌ఫోర్స్‌, శాస్త్రవేత్తలుగా రాణిస్తున్నారని తెలిపారు. అనంతరం మహిళా ఉద్యోగులకు లంచ్‌ బాక్స్‌లు అందజేశారు. నారీశక్తి పురస్కారాల ప్రదానంనిర్మల్‌ఖిల్లా: అన్నిరంగాల్లో మహిళలు రాణించడం శుభ పరిణామమని పలువురు వక్తలు అభిప్రాయపడ్డారు. స్థానిక విశ్రాంత ఉద్యోగుల సంఘం భవనంలో సోమవారం ‘పాటే మా ప్రాణం’సంగీత ఆకాడమీ ఆధ్వర్యంలో మహిళా దినోత్సవాన్ని పురస్కరించుకుని వివిధ రంగాల్లో విశిష్ట సేవలందించిన వారికి ’నారీశక్తి పురస్కారాలు ప్రదానం చేశారు. డాక్టర్లు రజిని, చంద్రిక, న్యాయవాది నివేదిత, సుగుణ, ఎస్సై రోహిణి, ఎఫ్‌ఆర్వో శ్రీదేవి, పంచాయతీ కార్యదర్శి రాణి, కేజీబీవీ ఎస్‌ఓ లతాదేవి, విజయలక్ష్మి, స్వాతి, లక్ష్మి, శ్రీలత, రాజ్యలక్ష్మి పురస్కార గ్రహీతలు ఉన్నారు. అనంతరం వారిని సన్మానించారు. కార్యక్రమంలో కార్మికశాఖ అసిస్టెంట్‌ కమిషనర్‌ ముత్యంరెడ్డి, విశ్రాంత ఉద్యోగుల సంఘం జిల్లా అధ్యక్షుడు ఎంసీ లింగన్న, ప్రముఖవైద్యులు యు.కృష్ణంరాజు, సంగీత అకాడమీ వ్యవస్థాపక అధ్యక్షుడు నాగరాజు, వర్కింగ్‌ ప్రెసిడెంట్‌ నవ్య, కార్యదర్శి శ్రీకాంత్‌ సభ్యులు వాణిశ్రీ, కవిత, మమత, మంజుల తదితరులు పాల్గొన్నారు.

కై లాస్‌నగర్‌: ఆదిలాబాద్‌ రూరల్‌ మండలం నిషాన్‌ఘాట్‌లోని సర్వేనంబర్‌ 38లో గుడిసెలు వేసుకుని జీవిస్తున్న ప్రజలకు మౌలిక వసతులు కల్పించాలని డిమాండ్‌ చేస్తూ సీపీఐ ఆధ్వర్యంలో సోమవారం ఆందోళన చేపట్టారు. కలెక్టరేట్‌ ఎదుట ధర్నా నిర్వహించారు. పార్టీ జిల్లా సహాయ కార్యదర్శి సిర్ర దేవేందర్‌ మాట్లాడుతూ, కాలనీలో ఎనిమిదేళ్లుగా నిరుపేదలు అంధకారంలో ఇబ్బందులు పడుతున్నా అధికారులు, ప్ర జాప్రతినిధులు పట్టించుకోకపోవడం విచా రకరమన్నారు. కలెక్టర్‌ చొరవ చూపి కాలనీ లో విద్యుత్‌ సౌకర్యంతో పాటు తాగునీరు, రోడ్లు, డ్రైనేజీలు వంటి మౌలిక వసతులు క ల్పించాలని కోరారు. అనంతరం కలెక్టర్‌ను కలిసి వినతిపత్రం అందజేశారు. ఇందులో పార్టీ నాయకులు గంగారెడ్డి, దేవిదాస్‌, కేశవ్‌, కృష్ణస్వామి తదితరులు పాల్గొన్నారు.

ఆదిలాబాద్‌టౌన్‌: 2024లో నిర్వహించిన ఎస్సెస్సీ స్పాట్‌ వాల్యుయేషన్‌కు సంబంధించిన రెమ్యూనరేషన్‌ వెంటనే చెల్లించాలని తెలంగాణ రాష్ట్ర టీచర్స్‌ ఫెడరేషన్‌ (టీఆర్‌టీఎఫ్‌) జిల్లా అధ్యక్షుడు రామగిరి శివకుమార్‌ అన్నారు. ఈ మేరకు జిల్లా కేంద్రంలోని డీఈవో కార్యాలయంలో జిల్లా వి ద్యాశాఖ పరీక్షల విభాగం అసిస్టెంట్‌ కమిషనర్‌ను సోమవారం కలిసి వినతిపత్రం అందజేశారు. రెమ్యూనరేషన్‌ చెల్లించని పక్షంలో ఈ సారి స్పాట్‌ విధులు బహిష్కరిస్తామని స్పష్టం చేశారు. ఇందులో సంఘం ప్రధాన కార్యదర్శి సురేందర్‌ రెడ్డి, సహాయ కార్యదర్శి విద్యాసాగర్‌రెడ్డి ఉన్నారు.

కైలాస్‌నగర్‌: వేధింపులకు గురయ్యే మహిళలు హెల్ప్‌లైన్‌ 181కు కాల్‌ చేసి లేదా www. shebox. nic. in వెబ్‌సైట్‌ ద్వారా లేదా లిఖితపూర్వకంగా ఫిర్యాదు చేయవచ్చని కలెక్టర్‌ రాజర్షి షా అన్నారు. పని ప్రదేశాల్లో మహిళలపై లైంగిక వేధింపుల నిరోధక పరిష్కార చట్టం–2013పై కలెక్టరేట్‌ సమావేశ మందిరంలో సోమవారం అవగాహన కార్యక్రమం నిర్వహించారు. ఈసందర్భంగా కలెక్టర్‌ మా ట్లాడుతూ.. ఈ చట్టంపై ప్రతీ మహిళ అవగాహన కలిగి ఉండాలన్నారు. వేధింపులను నియంత్రించడంలో భాగంగా ఫిర్యాదు చేసేందుకు ప్రతీ కార్యాలయంలో ప్రత్యేక కమిటీలను ఏర్పాటు చేసుకోవాలని సూచించారు. చట్టం ఆవశ్యకతను తెలిపే పోస్టర్‌ ఆవిష్కరించారు. అనంతరం కలెక్టరేట్‌ ఆవరణలోని ఫ్రీడం పార్కులో జిల్లా న్యాయసేవాధికార సంస్థ కార్యదర్శి సౌజన్యతో కలిసి మొక్కలు నాటి నీళ్లు పోశారు. కార్యక్రమంలో అదనపు కలెక్టర్‌ శ్యా మలాదేవి, సబ్‌ కలెక్టర్‌ యువరాజ్‌, ఆర్డీవో వినోద్‌ కుమార్‌, ట్రెయినీ కలెక్టన్‌ అభిగ్యాన్‌, జిల్లా సంక్షేమాధికారి మిల్కా తదితరులు పాల్గొన్నారు. ఇఫ్తార్‌కు హాజరైన కలెక్టర్‌.. రంజాన్‌ మాసంలో ముస్లింలు నియమనిష్ఠలతో కఠిన ఉపవాస వ్రతం ఆచరిస్తారని కలెక్టర్‌ రాజర్షి షా అన్నారు. జిల్లా కేంద్రంలోని కలెక్టరేట్‌ సమావేశ మందిరంలో డీఎస్‌వో వాజిద్‌ అలీ ఆధ్వర్యంలో సోమవారం ఏర్పాటు చేసిన ఇఫ్తార్‌లో కలెక్టర్‌ పా ల్గొని మాట్లాడారు. ఇందులో అదనపు కలెక్టర్‌ శ్యామలాదేవి, ఆర్డీవో వినోద్‌ కుమార్‌, డీఎల్పీవో ఫణింద్రరావు, మున్సిపల్‌ కమిషనర్‌ సీవీఎన్‌ రాజు తదితరులు పాల్గొన్నారు.

ఔట్‌సోర్సింగ్‌ ఏజెన్సీల వివరాలు.. ఎంప్యానల్‌మెంట్‌ గుర్తించిన సంవత్సరం : 2019–20 ఎంప్యానల్‌మెంట్‌లో ఉన్న ఏజెన్సీలు : 17 యాక్టీవ్‌గా ఉన్న ఏజెన్సీలు : 09 వివిధ శాఖల్లో ఔట్‌సోర్సింగ్‌ పోస్టులు : (సుమారు) 1250సాక్షి,ఆదిలాబాద్‌: ఔట్‌సోర్సింగ్‌ ఏజెన్సీలు.. ఇటు నిర్వాహకులకు, అటు అధికారులకు ఎనీ టైమ్‌ మనీలా మారిపోయాయి. దీంతో ప్రస్తుతం కొనసాగుతున్న వాటిని ఆ శాఖలు వదులుకోవడం లేదు. ఐదేళ్లుగా వాటికే వర్క్‌ ఆర్డర్లు ఇస్తూ రెన్యూవల్‌ చేస్తున్నారు. కొత్త పోస్టులు మంజూరైనా వాటికే పంచేస్తున్నారు. సాధారణంగా ఏటా లేనిపక్షంలో రెండేళ్లకోసారి ఏజెన్సీల మార్పు చేపట్టాలి. ఇందుకోసం కొత్త ఎంప్యానల్‌మెంట్‌ రూపొందించాలి. అయితే ఈ ప్రక్రియకు ఐదేళ్లుగా బ్రేక్‌ పడడం గమనార్హం. ఐదేళ్ల క్రితం ఏర్పాటైనవే.. ప్రభుత్వ శాఖల్లో ఔట్‌సోర్సింగ్‌ సర్వీసులను ఏజెన్సీలు చేపడతాయి. ఆ ఏజెన్సీలకు వీటి నియామక ప్రక్రియ అప్పగించేందుకు ముందుగా అవి ప్రభుత్వం నుంచి గుర్తింపు పొందాలి. దాన్నే ఎంప్యానల్‌మెంట్‌ అంటారు. 2019–20 సంవత్సరంలో దీనికి సంబంధించి టెండర్లు నిర్వహించి ఏజెన్సీలను గుర్తించారు. ఆ తర్వాత ఏటా వాటి గడువు పొడగిస్తూనే ఉన్నారు. ఇప్పటికి ఐదేళ్లవుతుంది. ఔట్‌సోర్సింగ్‌ కమిటీ చైర్మన్‌ అయిన కలెక్టర్‌కు ఈ టెండర్ల నిర్వహణకు సంబంధించి విచక్షణ అధికారాలు ఉంటాయి. జిల్లాలో ఎంప్యానల్‌మెంట్‌ నుంచి మొదలుకొని వర్క్‌ ఆర్డర్‌.. ఇలా ప్రతీ అంశంలో గతంలో అక్రమాలు వెలుగు చూశాయి. ఈ నేపథ్యంలో ఇప్పుడున్న ఎంప్యానల్‌మెంట్‌ రద్దు చేసి కొత్తగా టెండర్లు చేపట్టి దీన్ని గాడిలో పెట్టేందుకు ఏవైన చర్యలు తీసుకుంటారా అనేది చూడాల్సిందే. అడ్డూ అదుపులేని ఏజెన్సీల అక్రమాలు.. గతంలో బీసీ సంక్షేమ శాఖలో అక్షర ఏజెన్సీకి సంబంధించి అక్రమం వెలుగు చూసింది. ఇందులో కింది స్థాయి ఔట్‌సోర్సింగ్‌ ఉద్యోగులైన కుక్‌, వాచ్‌మెన్‌, తదితర ఉద్యోగులకు సంబంధించి ఈ ఏజెన్సీ నెలల తరబడి వేతనాలు చెల్లించకుండా, అటు వారికి సంబంధించి పీఎఫ్‌ కట్టకుండా ప్రభుత్వం నుంచి లక్షల రూపాయల బిల్లులను డ్రా చేసుకున్నారు. ఈ వ్యవహారాన్ని అప్పట్లో శ్రీసాక్షిశ్రీ వెలుగులోకి తెచ్చింది. అయితే విస్తుపోవాల్సిన అంశం ఏమిటంటే.. ఆ అక్షర ఏజెన్సీ అసలు ఎంప్యానల్‌మెంట్‌ జాబితాలోనే లేదు. ఇకపోతే ఇటీవల రిమ్స్‌లోనూ ఔట్‌సోర్సింగ్‌ ఉద్యోగాల నియామకాల విషయంలో నిరుద్యోగుల నుంచి డబ్బులు వసూలు చేస్తున్నారన్న విమర్శలు కూడా వ్యక్తమయ్యాయి. ఈ నేపథ్యంలో పాత ఏజెన్సీల అక్రమాలకు అడ్డూ అదుపు లేకుండా పోయింది. అప్పట్లో ఎంప్యానల్‌మెంట్‌లో 17 ఔట్‌సోర్సింగ్‌ ఏజెన్సీలను గుర్తించారు. వాటికి మాత్రమే వర్క్‌ ఆర్డర్‌ ఇవ్వాలి. మధ్యలో వీటి సంఖ్య 20కి పెరిగినట్లు విమర్శలు వ్యక్తమయ్యాయి. కొత్త ఎంప్యానల్‌మెంట్‌ ఏర్పాటయ్యే వరకు పాత వాటిలో ముందుగా గుర్తించిన ఏజెన్సీలను మినహాయిస్తే మిగతా వాటిని చేర్చేందుకు ఆస్కారం ఉండదు. అయితే జిల్లాలో గతంలో ఉపాధికల్పన శాఖ అధికారులుగా చేసిన వారు పలు అక్రమాలకు పాల్పడ్డారనే విమర్శలు ఉన్నాయి. ఇలా అదనంగా ఏజెన్సీలు ఎలా పుట్టుకొచ్చాయన్నది జిల్లా ఔట్‌సోర్సింగ్‌ కమిటీకి తెలిసే జరిగిందా.. తెలియక జరిగిందా.. అనే సందేహాలు వ్యక్తమయ్యాయి. గతంలో ఏసీబీ దాడుల్లో ఉపాధికల్పన శాఖ అధికారులు పట్టుబడ్డారు. ఓ ఏజెన్సీకి వర్క్‌ ఆర్డర్‌ ఇచ్చే విషయంలో రూ.2.25 లక్షలు లంచం తీసుకుంటూ దొరికిపోయారు. అప్పటినుంచే జిల్లాలో ఉన్న ఎంప్యానల్‌మెంట్‌, వివిధ ప్రభుత్వ శాఖల్లో అస్తవ్యస్తంగా ఉన్న ఔట్‌సోర్సింగ్‌ ఏజెన్సీల నిర్వహణ తీరును కమిటీ గాడిలో పెట్టేందుకు ఎలాంటి చర్యలు తీసుకుంటుందని నిరుద్యోగులు ఆశగా ఎదురుచూస్తున్నారు. ఏళ్లుగా ఉన్న ఈ ఎంప్యానల్‌మెంట్‌ను రద్దు చేసి కొత్తది ఏర్పాటు చేసి ఔట్‌సోర్సింగ్‌ ఉద్యోగాల కల్పనలో అర్హులైన నిరుద్యోగులకు ఆసరగా నిలవాలన్న అభిప్రాయం వ్యక్తమవుతుంది. కొత్త ఎంప్యానల్‌మెంట్‌ ఏర్పాటుకు చర్యలు.. కొత్త ఎంప్యానల్‌మెంట్‌ ఏర్పాటుకు చర్యలు తీసుకుంటున్నాం. విధివిధానాలు రూపొందిస్తున్నాం. పాత దాని గడువు ఈ మార్చి 31తో ముగిసిపోతుంది. సాధారణంగా ఎంప్యానల్‌మెంట్‌ గడువు కొన్ని జిల్లాల్లో ఏడాది, మరికొన్ని జిల్లాలో రెండేళ్ల పాటు ఉంటుంది. జిల్లాలో కొన్నేళ్లుగా పాత ఎంప్యానల్‌మెంటే కొనసాగుతుంది. కలెక్టర్‌ దృష్టికి తీసుకెళ్లి ప్రక్రియ చేపడతాం. –మిల్కా, ఉపాధికల్పనశాఖ ఇన్‌చార్జి అధికారి

ఆదిలాబాద్‌టౌన్‌: వైకల్యం గల పిల్లలు ఆత్మస్థైర్యంతో ముందుకు సాగాలని డీఈవో ప్రణీత అన్నారు. జిల్లా కేంద్రంలోని ప్రభు త్వ డైట్‌ కళాశాలలో అలింకో, విద్యశాఖ ద్వారా దివ్యాంగులకు సోమవారం ఉపకరణాలు అందజేశారు. జిల్లా వ్యాప్తంగా 123 మంది చిన్నారులకు సీపీ చైర్‌, కృత్రిమ అవయవాలు, ఎలక్ట్రిక్‌ ట్రైసైకిల్‌, వినికిడి యంత్రాలు, రోలేటర్‌ తదితర పరికరాలను అందించారు. ఈ సందర్భంగా డీఈవో మాట్లాడుతూ,దివ్యాంగులు సకలాంగులతో సమానంగా పోటీ పడుతున్నారని పేర్కొన్నారు. తల్లిదండ్రులు కూడా తమ పిల్లలను ఉన్నత చదువులు చదివించి ప్రయోజకులుగా తీర్చి దిద్దాలన్నారు. కార్యక్రమంలో సెక్టోరియల్‌ అధికారులు సుజాత్‌ ఖాన్‌, శ్రీకాంత్‌గౌడ్‌, ఎంఈవోలు సోమయ్య, శ్రీనివాస్‌,హెచ్‌ఎంలు లచ్చిరాం, లక్ష్మణ్‌, డైట్‌ కళాశాల వైస్‌ ప్రిన్సిపాల్‌ కిరణ్‌కుమార్‌ పాల్గొన్నారు.

● ట్రాఫిక్‌ సమస్యలు, శాంతిభద్రతలపై నిఘా ● సంఘవిద్రోహ శక్తుల కట్టడికి చర్యలు ● ‘సాక్షి’ ఇంటర్వ్యూలో నూతన ఎస్పీ అఖిల్‌ మహాజన్‌ ఆదిలాబాద్‌టౌన్‌: జిల్లాలో నేరాల అదుపు, శాంతిభద్రతలపై ప్రత్యేక దృష్టి సారించడంతో పాటు అసాంఘిక కార్యకలాపాలపై ఉక్కుపా దం మోపుతానని జిల్లా నూతన ఎస్పీ అఖిల్‌ మహాజన్‌ అన్నారు. ఎస్పీగా సోమవారం ఆయన బాధ్యతలు స్వీకరించారు. అనంతరం ‘సాక్షి’కి ఇచ్చిన ఇంటర్వ్యూలో పలు విషయాలు వెల్లడించారు. ఆయన మాటల్లోనే.. సాక్షి: సర్‌, గుడ్‌మార్నింగ్‌.. వెల్‌కం ఆదిలాబా ద్‌. మీ నేపథ్యం, ఐపీఎస్‌ శిక్షణ.. ఇప్పటివర కు ఏయేప్రాంతాల్లో విధులు నిర్వర్తించారు? ఎస్పీ: స్వస్థలం వచ్చి కశ్మీర్‌. పాఠశాల విద్య అక్కడే సాగింది. ఆ తర్వాత హైదరాబాద్‌లో ని జేఎన్‌టీయూలో పట్టభద్రుడిని అయ్యా ను. అమ్మ ఊర్మిళ గృహిణి. నాన్న రాకేశ్‌ వ్యా పారి. భార్య దివ్యాన్షి డాక్టర్‌. నాది 2017 ఐపీఎస్‌ బ్యాచ్‌. మొదటగా సిద్దిపేటలో శిక్షణ పూర్తి చేశాను. తర్వాత మంచిర్యాల ఏసీపీ, డీసీపీగా పెద్దపల్లి, రామగుండం డీసీపీగా, సిరిసిల్ల ఎస్పీగా పనిచేశాను. సాక్షి:జిల్లాలో మాదకద్రవ్యాలు, పేకాట నిర్మూ లనకు ఎలాంటి చర్యలు తీసుకుంటారు..? ఎస్పీ: మాదకద్రవ్యాలను అరికట్టేందుకు ప్రత్యే క చర్యలు చేపడతాం. అసాంఘిక కార్యకలా పాలకు పాల్పడే వారిని ఉపేక్షించేది లేదు. యువత చెడువ్యసనాలకు దూరంగా ఉండా లి.విలువైన జీవితాన్ని నాశనం చేసుకోవద్దు. ఎవరైనా గంజాయి, డ్రగ్స్‌ సరఫరా చేస్తే స మాచారం అందించాలి. క్రైమ్‌ రేట్‌ను తగ్గించడమే లక్ష్యంగా ముందుకు సాగుతాం. గుట్కా, మట్కా, పేకాటపై దృష్టి సారిస్తాం. సాక్షి: మీ ప్రాధాన్యత అంశాలు..? ఎస్పీ: జిల్లాలో శాంతిభద్రతల పరిరక్షణకు ప్ర త్యేక చర్యలు తీసుకుంటాం. నేరాలను అదుపులో ఉంచేందుకు అవసరమైన ప్రణాళికలు రూపొందిస్తాం. అసాంఘిక కార్యకలాపాల కు తావు లేకుండా చూస్తాం. సరిహద్దు ప్రాంతాల్లో కట్టుదిట్టమైన నిఘాతో పాటు సంఘ విద్రోహ శక్తుల కట్టడికి కృషి చేస్తాం. రౌడీ షీటర్లపై నిఘాతో పాటు ప్రజలు సైబర్‌ నేరగాళ్ల ఉచ్చులో పడకుండా అవగాహన కార్యక్రమాలు చేపడతాం. సాక్షి: జిల్లా కేంద్రంలో ట్రాఫిక్‌ సమస్య తీవ్రంగా ఉంది. ఎలాంటి చర్యలు చేపడతారు..? ఎస్పీ: విషయం నా దృష్టికి వచ్చింది. ట్రాఫిక్‌ పోలీసులు, అధికారులతో సమావేశం నిర్వహించి ప్రత్యేక చర్యలు చేపడతాం. అంతేకా కుండా అవగాహన కార్యక్రమాలు ఏర్పాటు చేస్తాం. నిబంధనలు ఉల్లంఘించిన వారిపై చర్యలు తీసుకుంటాం.తల్లిదండ్రులు కూడా మైనర్లకు వాహనాలు ఇవ్వకూడదు. అలాగే రోడ్డు ప్రమాదాల నివారణపై దృష్టి సారి స్తాం. బ్లాక్‌స్పాట్లను గుర్తించి అవసరమైన చర్యలు చేపడతాం. సాక్షి: మహిళల భద్రత కోసం ఎలా ముందుకెళ్తారు..? ఎస్పీ: మహిళల భద్రత కోసం ప్రత్యేక చర్యలు చేపడతాం. షీటీంల ద్వారా మహిళలు, యు వతులు, విద్యార్థినులకు అవగాహన కల్పి స్తాం. అవసరమైతే అదనంగా బృందాలను ఏర్పాటు చేస్తాం. పోకిరీలు వేధిస్తే డయల్‌ 100కు సమాచారం అందించాలి. తక్షణమే పోలీసులు అక్కడికి చేరుకొని బాధితులకు న్యాయం జరిగేలా చూస్తాం. నేరాల నియంత్రణకు పెట్రోలింగ్‌, గస్తీ ముమ్మరం చేస్తాం. సాక్షి: జిల్లా కేంద్రంలో పలుచోట్ల సీసీ కెమెరా లు పనిచేయట్లేదు. దొంగతనాలు, ప్రమాదా లు జరిగిన సమయంలో గుర్తించలేని పరిస్థి తి ఉంది. ఎలాంటి చర్యలు చేపడతారు? ఎస్పీ: జిల్లాకేంద్రంలోని అన్ని చౌక్‌లు, ముఖ్య కూడళ్లలో సీసీ కెమెరాలు పనిచేసేలా చూస్తాం. అవసరమైన వాటికి మరమ్మతులు చేయిస్తాం. దొంగతనాలు, అసాంఘిక కార్యకలాపాల నివారణకు సీసీ కెమెరాలు ఎంతగానో దోహద పడతాయి. ప్రజలు, వ్యాపారులు వీటి ఏర్పాటు కోసం స్వచ్ఛందంగా ముందుకు రావాలి. సంఘటనలు జరిగినప్పుడు పోలీసు దర్యాప్తు సులువు అవ్వడంతో పాటు ఫుటేజీ ఆధారంగా ఉంటుంది. సాక్షి: మావోయిస్టుల కదలికలపై ఎలాంటి దృష్టి సారిస్తారు..? ఎస్పీ: జిల్లాలో మావోయిస్టుల ప్రభావం అంతగా లేదు. అయినప్పటికీ వారి కదలికలపై చర్యలు చేపడతాం.అమాయక గిరిజన యు వత అటువైపు ఆకర్షితులు కాకుండా అవగా హన కార్యక్రమాలు ఏర్పాటు చేస్తాం. వారికి ఉపాధి అవకాశాలు కల్పించేలా చూడడంతో వైద్య శిబిరాలు ఏర్పాటు చేస్తాం.బాధ్యతలు స్వీకరించిన ఎస్పీ..నూతన ఎస్పీ అఖిల్‌ మహాజన్‌ స్థానిక పోలీసు కార్యాలయంలో సోమవారం బాధ్యతలు స్వీకరించారు. ముందుగా ఆయనకు పోలీసులు గౌ రవ వందనం చేశారు. ఇక్కడ ఎస్పీగా పనిచేసి కరీంనగర్‌ సీపీగా బదిలీపై వెళ్తున్న గౌస్‌ ఆలం నుంచి బాధ్యతలు స్వీకరించారు. ఎస్పీ అఖిల్‌ మాట్లాడుతూ.. జిల్లాలో శాంతి భద్రతల పరిరక్షణ ధ్యేయమన్నారు. ఇందులో అదనపు ఎస్పీ సురేంద్రరావు, డీఎస్పీలు శ్రీనివాస్‌, జీవన్‌రెడ్డి,నాగేందర్‌,హసీబుల్లా తదితరులున్నారు.

● మాలీ మహా సంఘం రాష్ట్ర అధ్యక్షుడు సుకుమార్‌ పెట్కులే ఆదిలాబాద్‌రూరల్‌: సావిత్రిబాయి పూలే, మహాత్మ జ్యోతిబా పూలే దంపతులకు భారతరత్న ప్రకటించి గౌరవించాలని అఖిల భారతీయ మాలీ మహా సంఘం రాష్ట్ర అధ్యక్షుడు సుకుమార్‌ పెట్కులే అన్నారు. సావిత్రిబాయి పూలే వర్ధంతిని జిల్లా కేంద్రంలోని సాంఘిక సంక్షేమ శాఖ కార్యాలయ ఆవరణలో సోమవారం ఘనంగా నిర్వహించారు. పూలే దంపతుల విగ్రహాలకు పూలమాలలు వేసి నివాళులర్పించారు. అనంతరం ఆయన మాట్లాడారు. మహిళా విద్య కోసం జ్యోతిరావు పూలే దంపతులు చేసిన కృషిని కొనియాడారు. ప్రభుత్వం వారి సేవలను గుర్తించి భారతరత్నతో గౌరవించాలన్నారు. ఇందులో సంఘం రాష్ట్ర ప్రధాన కార్యదర్శి సాంబన్న, కోశాధికారి సతీశ్‌ గురుణులే, యువజన విభాగం రాష్ట్ర అధ్యక్షుడు ఉమేశ్‌రావు డోలే, మాలీ ఉద్యోగుల సంఘం జిల్లా అధ్యక్షుడు చంద్రశేఖర్‌, కార్యవర్గ సభ్యులు అనిల్‌, శ్రీను ఆచారి, హరీశ్‌, భాస్కర్‌ నందిని, తదితరులున్నారు.

ఆదిలాబాద్‌టౌన్‌: ఆదిలాబాద్‌ జిల్లాను ఎప్పటికీ మరిచిపోలేనని ఎస్పీ గౌస్‌ ఆలం అన్నారు. కరీంనగర్‌ సీపీగా బదిలీపై వెళ్తున్న ఆయనకు జిల్లా పోలీ సు అధికారులు ఆదివారం ఘనంగా వీడ్కోలు పలికారు. స్థానిక పోలీస్‌ పరేడ్‌ మైదానంలో నిర్వహించిన కార్యక్రమంలో పోలీసులు గౌరవ వందనం సమర్పించారు. గజమాలతో సత్కరించారు. ప్రత్యేకంగా అలంకరించిన జీపులో ఉన్న ఎస్పీ కుటుంబీకులపై పూల వర్షం కురిపించారు. అనంతరం పోలీస్‌ అధికారులు, ఉద్యోగులు, సిబ్బంది హెడ్‌క్వార్టర్స్‌ వరకు తాడుతో లాగి తమ అభిమానాన్ని చాటారు. ఈ సందర్భంగా ఎస్పీ మాట్లాడుతూ.. జిల్లాను, ఇక్కడి సిబ్బందిని విడిచి వెళ్లడం బాధాకరమన్నారు. 14 నెలల పాటు చేసిన సేవలు, పోలీసులతో తన అనుబంధాన్ని పంచుకున్నారు. సహకరించిన ప్రతీ ఒక్కరికి ధన్యవాదాలు తెలిపారు. కార్యక్రమంలో డీఎస్పీలు జీవన్‌రెడ్డి, శ్రీనివాస్‌, నాగేందర్‌, హసీబుల్లా, సీఐలు, రిజర్వ్‌ ఇన్‌స్పెక్టర్లు, ఎస్సైలు, రిజర్వ్‌ సబ్‌ ఇన్‌స్పెక్టర్లు, పోలీసు సిబ్బంది, వివిధ శాఖల సిబ్బంది తదితరులు పాల్గొన్నారు. బదిలీ వీడ్కోలు సందర్భంగా ఎస్పీ గౌస్‌ ఆలం పూల వర్షం కురిపించిన పోలీస్‌ అధికారులు

● అనుమతులు లేకుండా ఇటుక బట్టీల నిర్వహణ ● ప్రభుత్వానికి పన్ను చెల్లించని నిర్వాహకులు ● కార్మికులకు కరువైన వసతులు ● అయినా పట్టించుకోని అధికారులుఆదిలాబాద్‌టౌన్‌: జిల్లాలో ఇటుక బట్టీల దందా జోరుగా సాగుతోంది. నిర్వాహకులు నిబంధనలు పాటించకున్నా అధికారులు ‘మామూలు’గా వ్యవహరించడంపై సర్వత్రా విమర్శలు వెల్లువెత్తుతున్నాయి. ఇటుక బట్టీ వ్యాపారం చేసే ముందు గ్రామపంచాయతీ, ఇండస్ట్రీయల్‌, మైనింగ్‌, ఇతర శాఖల అనుమతులు తప్పనిసరి. అయితే జిల్లాలో ఏ వ్యాపారి కూడా ఈ అనుమతులు తీసుకోకుండా దందా నిర్వహిస్తుండడం గమనార్హం. వీరంతా రూ. లక్షల్లో ఆదాయం గడిస్తున్నా సర్కారుకు రూపాయి పన్ను చెల్లించడం లేదని తెలుస్తోంది. మరోవైపు ఇందులో పనిచేసే కార్మికులకు సైతం కనీస సౌకర్యాలు అందని పరిస్థితి. వారి పిల్లల బాల్యం సైతం బట్టిల్లోనే మగ్గుతోంది. చిరుప్రాయంలోనే ఆ పసి మొగ్గలు బాల కార్మికులుగా మారుతున్న దుస్థితి. కార్మికులకు సౌకర్యాలు కరువు జిల్లా వ్యాప్తంగా దాదాపు వందకు పైగా ఇటుక బట్టీలు కొనసాగుతున్నాయి. అయితే నిర్వాహకులు ఎక్కడా నిబంధనలు పాటించడం లేదు. మావల మండల కేంద్రం, బట్టిసావర్గాం, ఆదిలాబాద్‌ మండలంలోని యాపల్‌గూడ, అంకోలి, తంతోలి, బంగారుగూడ, తలమడుగు మండలంలోని కజ్జర్ల, ఉండం, తాంసి, భీంపూర్‌, ఇంద్రవెల్లి తదితర మండలాల్లో ఈ బట్టీలను నిర్వహిస్తున్నారు. ఇందులో పనిచేసేందుకు కార్మికులను జిల్లాతో పాటు మహా రాష్ట్ర, ఒడిశా, ఛత్తీస్‌గఢ్‌ రాష్ట్రాల నుంచి నిర్వాహకులు తీసుకొస్తున్నారు. ఊరికి దూరంగా, అటవీ ప్రాంతాలు, పంట పొలాల్లో బట్టీలను నిర్వహిస్తున్నారు. ఆయా ప్రాంతాల్లో కార్మికులకు కనీస సౌకర్యాలు ఉండవు. చిన్న చిన్న గుడిసెలు వేసుకుని నివాసం ఉంటున్నారు. విద్యుత్‌ సౌకర్యం లేకపోవడంతో రాత్రి వేళలో విషకీటకాల బారిన పడిన ఘటనలు సైతం ఉన్నాయి. బట్టీల్లోనే బాల్యం.. వేరే ప్రాంతాల నుంచి వలస వచ్చిన కార్మికుల పిల్ల లు సైతం ఇటుక బట్టీల్లోనే పనులు చేస్తున్నారు. ని బంధనల ప్రకారం 6 నుంచి 14 ఏళ్లలోపు వారు ఎ లాంటి పనులు చేయడానికి వీల్లేదు. అయితే ఏ బట్టీ వద్ద చూసినా బాలకార్మికులు దర్శనమిస్తుండడం గమనార్హం. బడిలో గడపాల్సిన బాల్యం బట్టీల్లో మగ్గుతున్నా అధికారులు అటువైపు కన్నెత్తి చూడకపోవడం విమర్శలకు తావిస్తోంది. నోటీసులు జారీ చేస్తాం..నిబంధనలకు విరుద్ధంగా ఇటుక బట్టీలు నిర్వహిస్తున్న వారికి నోటీసులు జారీ చేసి శాఖాపరమైన చర్యలు చేపడతాం. వ్యాపారులు సంబంధిత గ్రామపంచాయతీ, ఇండస్ట్రీయల్‌ అనుమతి పొందిన తర్వాత మైనింగ్‌ శాఖ నుంచి అనుమతి తీసుకోవాలి. ఆన్‌లైన్‌లో రిజిస్ట్రేషన్‌ చేసుకున్నాక సర్టిఫికెట్‌ జారీ చేస్తాం. పంచాయతీ శాఖ అధికారుల నుంచి ఏయే జీపీల్లో ఇటుక బట్టీలు ఉన్నాయో వివరాలు సేకరిస్తాం. – రవీందర్‌, మైనింగ్‌ ఏడీ, ఆదిలాబాద్‌

బజార్‌హత్నూర్‌: ఆదిలాబాద్‌ జిల్లా బజార్‌హత్నూర్‌ మండల కేంద్రంలోని మోడల్‌ స్కూల్‌ కు చెందిన ముగ్గురు టీచర్లపై వేటు పడింది. కాంట్రాక్ట్‌ ఒకేషనల్‌ ఉపాధ్యాయుడు అజయ్‌, అవర్లీ బెస్డ్‌ టీచర్లు జ్ఞానేశ్వర్‌, ఉమేష్‌ విద్యార్థినులతో అనుచితంగా ప్రవర్తించినట్లు ఫొటోలు వైరల్‌ కావడంతో కలెక్టర్‌ ఆదేశాల మేరకు డీఈవో వారిని సర్వీస్‌ నుంచి తొలగిస్తూ శని వారం రాత్రి ఉత్తర్వులు జారీ చేశారు. ఇటీవల ఈ మోడల్‌ స్కూల్‌ విద్యార్థులను విజ్ఞాన యా త్రకు తీసుకెళ్లారు. ఈ క్రమంలో విద్యార్థినులతో ఈ ముగ్గురు ఉపాధ్యాయులు అనుచితంగా ప్రవర్తించినట్లు ఫొటోలు సోషల్‌ మీడియాలో వైరల్‌ అయ్యాయి. విద్యార్థి సంఘాల నాయకులు డీఈవో, కలెక్టర్‌కు ఫిర్యాదు చేశారు. స్పందించిన కలెక్టర్‌ రాజర్షిషా బాధ్యులపై చర్యలు తీసుకోవాలని డీఈవోను ఆదేశించారు. విచారణ చేపట్టిన జిల్లా విద్యాశాఖాధికారి బాధ్యులైన ముగ్గురు ఉపాధ్యాయులను సర్వీస్‌ నుంచి తొలగిస్తూ ఉత్తర్వులు జారీ చేశారు.‘సీఎం ప్రజావాణి’ సద్వినియోగం చేసుకోండికై లాస్‌నగర్‌: సీఎం ప్రజావాణి కార్యక్రమంలో భాగంగా సోమవారం సిరికొండ, ఇచ్చోడ మండల కేంద్రాల్లోని ఎంపీడీవో కార్యాలయాల్లో బహిరంగ విచారణ నిర్వహిస్తున్నట్లు కలెక్టర్‌ రాజర్షిషా ప్రకటనలో తెలిపారు. కార్యక్రమానికి హాజరయ్యే అర్జీదారులకు ఎలాంటి ఇబ్బందులు కలగకుండా వసతులు కల్పించాలని పేర్కొన్నారు. ఆయా మండలాల ప్రజలు ఈ అవకాశాన్ని సద్వినియోగం చేసుకోవాలని సూచించారు.

ఆదిలాబాద్‌టౌన్‌: కరీంనగర్‌ సీపీగా బదిలీ పై వెళ్తున్న ఎస్పీ గౌస్‌ ఆలంను సనాతన హిందూ ఉత్సవ సమితి ప్రతినిధులు శనివా రం మర్యాదపూర్వకంగా కలిశా రు. అధ్యక్షుడు ప్రమోద్‌ కుమార్‌ ఆధ్వర్యంలో ఎస్పీని శాలువాతో సత్కరించారు. ఈ సందర్భంగా ఎస్పీ మాట్లాడుతూ, జిల్లా ప్ర జల సహకారం తనకు పూర్తిగా లభించిందని పేర్కొన్నారు. ఇందులో సమితి ప్రతి నిధులు సూ ర్యకాంత్‌, రవీందర్‌, సుభాష్‌, నర్సింలు, కిషన్‌రావు తదితరులున్నారు. యువజన కాంగ్రెస్‌ ఆధ్వర్యంలో... యువజన కాంగ్రెస్‌ అసెంబ్లీ ఉపాధ్యక్షుడు సామ రూపేశ్‌రెడ్డి ఆధ్వర్యంలో పలువురు ఎస్పీని మర్యాదపూర్వకంగా కలిసి శాలువా తో సత్కరించారు. ఇందులో నాగరాజు రాకేశ్‌, ఫిరోజ్‌, జితేందర్‌, రవీందర్‌ తదితరులున్నారు.

ఆదిలాబాద్‌టౌన్‌: రాజీమార్గం ద్వారా కేసులు పరిష్కరించుకుని కక్షిదారులు ప్రశాంతమైన జీవనం గడపాలని జిల్లా మొదటి అదనపు జడ్జి శివరాం ప్రసాద్‌ అన్నారు. జిల్లా కోర్టు ప్రాంగణంలో డీఎల్‌ఎస్‌ఏ ఆధ్వర్యంలో శనివారం జాతీయ లోక్‌ అదాలత్‌ నిర్వహించారు. రాజీ కుదుర్చుకున్న పలు కేసులను పరిష్కరించి క్షకిదారులకు పత్రాలు అందజేశారు. ఈ సందర్భంగా జడ్జి మాట్లాడుతూ, కక్షిదారులు ఏళ్లుగా కోర్టుల చుట్టూ తిరుగుతూ సమయాన్ని వృథా చేసుకోవద్దనే ఉద్దేశంతోనే లోక్‌ అదాలత్‌ నిర్వహిస్తున్నామన్నారు. ఇందులో రాజీపడదగ్గ సివిల్‌, క్రిమినల్‌ కేసులను ఇరువర్గాల సమ్మతితో పరిష్కరిస్తామన్నారు. కక్షిదారులపై ఎలాంటి భయం, ఒత్తిడి పెట్టబోమన్నారు. లోక్‌ అదాలత్‌లో పరిష్కారమైన కేసులపై అప్పీల్‌కు వెళ్లే అవకాశం కూడా ఉండదన్నారు. కక్షిదారులు ఈ అవకాశాన్ని సద్వినియోగం చేసుకుని రాజీపడే కేసులను పరిష్కరించుకోవాలని సూచించారు. కార్యక్రమంలో డీఎల్‌ఎస్‌ఏ కార్యదర్శి సౌజన్య, జడ్జిలు ప్రమీళజైన్‌, కలిందే తులసి, దుర్గారాణి, హుస్సేన్‌, బార్‌ అసోసియేషన్‌ అధ్యక్షుడు నగేశ్‌, డీఎస్పీ ఎల్‌.జీవన్‌ రెడ్డి తదితరులు పాల్గొన్నారు. మహిళా న్యాయమూర్తులకు సన్మానం అంతర్జాతీయ మహిళా దినోత్సవం పురస్కరించుకుని డీఎల్‌ఎస్‌ఏ ఆధ్వర్యంలో మహిళా న్యాయమూర్తులను ఘనంగా సన్మానించారు. వారి సేవలను కొనియాడారు. మహిళలను గౌరవించడం మన సంప్రదాయమని, ప్రతి ఒక్కరూ వారికి సముచిత గౌరవం ఇవ్వాలని జడ్జి శివరాం ప్రసాద్‌ అన్నారు. కార్యక్రమంలో న్యాయమూర్తులు, ఉద్యోగులు, కోర్టు సిబ్బంది తదితరులు పాల్గొన్నారు. ● జడ్జి శివరాం ప్రసాద్‌

● ఆదిలాబాద్‌, మంచిర్యాలలో కొత్తగా డిస్పెన్సరీలు ● అందుబాటులోకి వైద్యం ● కార్మిక కుటుంబాలకు ఉచితంగా సేవలు సాక్షి ప్రతినిధి, మంచిర్యాల: ప్రైవేటు రంగాల్లో పని చేస్తున్న కార్మికులు, ఉద్యోగుల కుటుంబా లకు వైద్యం చేరువ చేసేందుకు ఈఎస్‌ఐ(కార్మి క రాజ్య బీమా సంస్థ) కీలక నిర్ణయం తీసుకుంది. ఉమ్మడి ఆదిలాబాద్‌ జిల్లాలో మరో రెండు డిస్పెన్సరీల ఏర్పాటుకు నిర్ణయించింది. రాష్ట్ర వ్యాప్తంగా 18 డిస్పెన్సరీలు ఏర్పాటు చేస్తుండగా ఇందులో ఆదిలాబాద్‌, మంచిర్యాల జిల్లాల్లో రెండు ఏర్పాటు చేయనున్నారు. ప్రస్తుతం ఉమ్మడి జిల్లా పరిధిలో నిర్మల్‌ పట్టణం శాంతినగర్‌లో, మంచిర్యాల పట్టణం ఏసీసీ కాలనీలో ఈఎస్‌ఐ డిస్పెన్సరీలు ఉన్నాయి. కుమురంభీం ఆసిఫాబాద్‌ జిల్లా కాగజ్‌నగర్‌లో ఈఎస్‌ఐ ఆసుపత్రి ఉంది. నిర్మల్‌లో బీడీ కార్మికులకు ప్రత్యేకంగా మరొకటి ఉంది. ఉమ్మడి జిల్లాలో సిమెంట్‌ పరిశ్రమలు, మట్టి, స్పిన్నింగ్‌, పేపర్‌ మిల్లు తదితర కార్మిక వర్గాలు ఎక్కువగా ఉన్న చోట్ల ఈఎస్‌ఐ ఆధ్వర్యంలో కార్మికులకు వైద్య సేవలు అందించేందుకు ఏర్పాటయ్యాయి. ఈ డిస్పెన్సరీ, ఆసుపత్రిలో వైద్యులు, సిబ్బంది ఖాళీలతో అరకొర వైద్యమే అందుతోంది. అంతేగాక సొంత భవనాలు లేక అద్దె భవనాల్లోనే అసౌకర్యాల మధ్య సేవలందిస్తున్నాయి. ఇటీవల మంచిర్యాల కలెక్టరేట్‌ సమీపంలో ఈఎస్‌ఐ డిస్పెన్సరీ నిర్మాణం కోసం భూమి కేటాయించారు. కొత్తగా ఆదిలాబాద్‌ పట్టణం, మంచిర్యాల జిల్లా జైపూర్‌ సింగరేణి థర్మల్‌ పవర్‌ ప్లాంటు ఆవరణలో కొత్త డిస్పెన్సరీలు ఏర్పాటయ్యే అవకాశం ఉంది. దీంతో సేవలు మెరుగవుతాయనే ఆశలు నెలకొన్నాయి. ఈఎస్‌ఐ కార్డు ఉంటే.. ప్రైవేటు రంగాల్లో పని చేస్తున్న ఉద్యోగులు చాలీచాలని జీతాలతో తమ కుటుంబాల వైద్య ఖర్చులకే రూ.లక్షల్లో వెచ్చించాల్సి వస్తోంది. నెలకు రూ.21వేల లోపు వేతనం పొందుతున్న ప్రతీ కార్మికుడు లేదా ఉద్యోగి ఈఎస్‌ఐకి అర్హులు. దివ్యాంగ ఉద్యోగులైతే రూ.25వేల వరకు అవకాశం ఉంది. ఈఎస్‌ఐ కార్డుతో ఉచితంగా వైద్య సేవలు పొందవచ్చు. స్థానికంగా వైద్య పరీక్షలు చేయించుకుని సిఫారసుతో హైదరా బాద్‌తోపాటు దేశంలో ఎక్కడైనా ఈఎస్‌ఐ పెద్ద ఆసుపత్రిల్లో ఖరీదైన వైద్యం సైతం ఉచితంగా పొందవచ్చు. అలాగే ఈఎస్‌ఐ చెల్లిస్తున్న కార్మి కులకు పని ప్రదేశాల్లో గాయపడిన, ఇతర ప్రమాదం ఏదైనా జరిగితే వేతనంతో కూడిన సెలవు, వైద్య ఖర్చులు పొందే అవకాశం ఉంటుంది. అయితే చాలామంది ఈఎస్‌ఐని ఉపయోగించుకోవడం లేదు. ఇక కొన్ని సంస్థలు తమ పరిధిలో పని చేస్తున్న కార్మికులకు కనీసం ఈఎస్‌ఐ కూడా చెల్లించకుండా ఇబ్బంది పెడుతున్నాయి. ప్రైవేటు ఉద్యోగులు తప్పనిసరిగా ప్రతీ నెలా ఈఎస్‌ఐ చెల్లించేలా చూసుకోవాల్సి న అవసరం ఉంది. అవగాహన లేక సేవలకు దూరం ఉమ్మడి జిల్లాలో వేలాది మంది ఆయా రంగా ల్లో పని చేస్తున్నారు. ప్రైవేటు విద్య, వైద్యారో గ్య సంస్థలు, మున్సిపల్‌, కార్పొరేషన్‌ సిబ్బంది, రవాణా, షాపింగ్‌ మాల్స్‌, ఫ్యాక్టరీలు, బ్యాంకింగ్‌, నాన్‌ బ్యాంకింగ్‌, హోటల్స్‌, రెస్టారెంట్స్‌, సినిమా థియేటర్లు, తదితర చోట్ల కనీ సం పది మంది పని చేసే చోట ఆయా యాజ మాన్యాలు ఈఎస్‌ఐ పరిధిలోకి రావాల్సి ఉంది. అయితే చాలా చోట్ల అమలు కావడం లేదు. దీంతో అనేక మంది కార్మికులు తమ కష్టార్జ్జితం వైద్యానికే వెచ్చించాల్సి వస్తోంది. అయితే చాలామంది ఈ సేవలు పూర్తి స్థాయిలో విని యోగించుకోలేకపోతున్నారు. ప్రైవేటు ఆసుపత్రులకే వెళ్తున్నారు. ఈ క్రమంలో ఉమ్మడి జిల్లాలో కార్మికులకు విస్తృతంగా ప్రచారం కల్పించి అర్హులు సేవలు పొందేలా చూడాల్సిన అవసరం ఉంది.

● బల్దియా సమీక్షలో ఎమ్మెల్యే పాయల్‌ శంకర్‌ కై లాస్‌నగర్‌: మున్సిపల్‌ పరిధిలో అక్రమంగా ఇంటినంబర్లు జారీ చేస్తే బాధ్యులపై కఠిన చర్యలు తప్పవని ఎమ్మెల్యే పాయల్‌ శంకర్‌ హెచ్చరించారు. ము న్సిపల్‌ కార్యాలయ సమావేశ మందిరంలో మున్సి పల్‌ అధికారులతో శుక్రవారం ఆయన సమీక్ష నిర్వహించారు. ఇంజినీరింగ్‌, శానిటేషన్‌, మెప్మా, టౌన్‌ప్లానింగ్‌ విభాగాల వారీగా సమీక్షించిన ఆయన అందులోని అక్రమాలను ప్రస్తావిస్తూ అధికారుల తీ రుపై మండిపడ్డారు. అక్రమంగా ఇంటి నంబర్లు జా రీ చేయడంతోనే కబ్జాదారులు రిజిస్ట్రేషన్లు చేసుకుంటున్నారని, అడ్డుకుంటే కోర్టుకు వెళ్లి రూ.కోట్ల విలు వైన భూములు బల్దియాకు దక్కకుండా చేస్తున్నారన్నారు. బాధ్యులైన వారిని సస్పెండ్‌ చేయించేదాకా వదలమని హెచ్చరించారు. పట్టణంలో ఆక్రమణల ను అరికట్టేందుకు ఏర్పాటు చేసిన టోల్‌ఫ్రీ నంబ ర్‌పై ప్రజల్లో విస్తృత ప్రచారం కల్పించాలన్నారు. అ లాగే ఇంటి అనుమతుల కోసం ప్రజలను ఇబ్బందులకు గురిచేయకుండా సకాలంలో జారీ చేయాలన్నా రు. బయోమైనింగ్‌ కాంట్రాక్టర్‌కు ఎలాంటి పర్యవేక్షణ లేకుండా రూ.1.5కోట్లు ఎలా చెల్లించారని ఆగ్రహం వ్యక్తం చేశారు. బ్లీచింగ్‌ పౌడర్‌, డీజిల్‌ బిల్లుల్లో అనేక అక్రమాలు జరిగినట్లుగా తన వద్ద పూర్తి ఆధారాలున్నాయని, అయితే ఈ సమావేశంలో వాటిని ప్రస్తావించడం లేదన్నారు. ఇప్పటికై నా సదరు అధి కారులు తమ వైఖరి మార్చుకోవాలన్నారు. నిధుల వినియోగంపై సరైన పర్యవేక్షణ లేదని మండిపడ్డా రు. వార్డు ప్రత్యేకాధికారులు, ఇంజినీరింగ్‌ అధికా రులు సంయుక్తంగా ప్రతీ వార్డులో క్షేత్రస్థాయిలో జియోట్యాగింగ్‌ ద్వారా నీటి ఎద్దడిని పరిశీలించి రెండు రోజుల్లో నివేదిక అందజేయాలన్నారు.షెల్టర్‌ హోంల నిర్వహణ పేరిట అక్రమంగా బిల్లులు తీసుకుంటున్నారని మెప్మా సిబ్బందిపై ఆగ్రహం వ్యక్తం చేశారు. సమావేశంలో మున్సిపల్‌ కమిషనర్‌ సీవీఎన్‌. రాజు, ఈఈ పెరిరాజు, డీఈలు తిరుపతి, కార్తీక్‌ తదితరులు పాల్గొన్నారు.

ఆదిలాబాద్‌టౌన్‌(జైనథ్‌): అక్రమంగా తరలిస్తున్న రేషన్‌ బియ్యాన్ని జైనథ్‌ పోలీసులు శుక్రవారం ఉదయం పట్టుకున్నారు. పీడీఎస్‌ బియ్యాన్ని లారీలో తరలిస్తున్నట్లు పోలీసులకు సమాచారం అందడంతో వాహనాల తనిఖీ చేపట్టారు. బోరజ్‌ మండల కేంద్రం జాతీయ రహదారి–44పై బస్టాండ్‌ వద్ద ఓ లారీని తనిఖీ చేయగా అందులో 290 క్వింటాళ్ల బియ్యాన్ని గుర్తించారు. హైదరాబాద్‌ నుంచి మధ్యప్రదేశ్‌లోని బాలగట్‌కు తరలిస్తున్నట్లు జైనథ్‌ సీఐ డి.సాయినాథ్‌ తెలిపారు. పట్టుకున్న బియ్యం విలువ సుమారు రూ.16 లక్షల వరకు ఉంటుందని పేర్కొన్నారు. సంఘటన స్థలానికి ఆదిలాబాద్‌ డీఎస్పీ ఎల్‌.జీవన్‌రెడ్డి చేరుకుని వివరాలను అడిగి తెలుకున్నారు. అక్రమంగా బియ్యం, ఇసుక రవాణా చేసేవారిపై ఉక్కుపాదం మోపుతామని హెచ్చరించారు. లారీడ్రైవర్‌ తాహిర్‌ను అదుపులో తీసుకుని, ఆయనతోపాటు లారీ యజమాని ఎండీ.నజీమ్‌, బియ్యం సరఫరా చేస్తున్న నిందితులు నాగనాథ్‌, షఫీలపై కేసు నమోదు చేసినట్లు తెలిపారు. పట్టుకున్న బియ్యాన్ని సివిల్‌ సప్లై అధికారులకు అప్పగించారు. జైనథ్‌ ఎస్సై పురుషోత్తం, పోలీస్‌ సిబ్బంది ఉన్నారు.

ఇచ్చోడ: మండల కేంద్రంలోని ఎస్బీఐ సిరిచెల్మ ఎక్స్‌రోడ్డు బ్రాంచిలో బంగారు ఆభరణాలు పో గొట్టుకున్న వ్యక్తికి మేనేజర్‌ సునీల్‌ మనోహర్‌ శుక్రవారం అప్పగించారు. వి వరాలు ఇలా ఉన్నాయి.. బోథ్‌ మండలం సొనాల గ్రామానికి చెందిన అనిల్‌ మండల కేంద్రంలో ముత్తుట్‌ ఫైనాన్స్‌లో తాకట్టు పెట్టిన తులం బంగారాన్ని డబ్బులు కట్టి విడిపించుకున్నాడు. అక్కడి నుంచి మరో పనిమీద సిరిచెల్మ ఎక్స్‌రోడ్డులో ఎస్బీఐ బ్రాంచికి వె ళ్లాడు. చెక్కు రాస్తుండగా క వరులో ఉన్న బంగారం నగలు కౌంటర్‌ వద్ద మరిచి బయట కు వెళ్లిపోయాడు. కౌ ంటర్‌ వద్ద కేశవపట్నానికి కలీం గ మనించి బ్రాంచి మేనేజర్‌కు అందించాడు. బంగారు నగలు పోగొట్టుకున్న సదరు వ్యక్తి మేనేజర్‌ను సంప్రదించాడు. బంగారం నగలను అప్పగించారు.

అతివలు అన్నిరంగాల్లో రాణిస్తున్నారు. ఆ దిశగా ముందుకు సాగుతున్నారు. పురుషులకు సమానంగా సత్తా చాటుతున్నారు. క్రీడా, విద్య, స్వయం ఉపాధి, తదితర రంగాల్లో ప్రతిభ కనబర్చి శెభాశ్‌ అనిపించుకుంటున్నారు ఉమ్మడి జిల్లాలోని పలువురు నారీమణులు. కొందరు పలువురికి ఉపాధి చూపుతున్నారు. శనివారం అంతర్జాతీయ మహిళా దినోత్సవం సందర్భంగా సాక్షి ప్రత్యేక కథనం. చెన్నూర్‌రూరల్‌: గతంలో సర్పంచ్‌గా పని చేసింది. ఆ పదవీ కాలం పూర్తి కాగానే ఉపాధ్యాయ వృత్తిని ఎంచుకుంది. మండలంలోని అంగ్రాజ్‌పల్లికి చెందిన చెవ్వ సువర్ణ. తాండూరు మండలం తంగళ్లపల్లికి చెందిన ఈమెకు చెన్నూర్‌ మండలం అంగ్రాజ్‌పల్లికి చెందిన చెవ్వ శ్రీనివాస్‌తో 2003లో వివాహమైంది. వీరికి ఇద్దరు ఆడ పిల్లలు. అప్పటికే బీఎస్సీ ఫస్టియర్‌ చదివింది. మూడేళ్లలో పూర్తి చేయాల్సిన డిగ్రీ.. పిల్లల ఆలపాలన చూసుకుంటూ ఐదేళ్లు పట్టింది. 2010లో ఎంఎస్సీ, 2012లో బీఈడీ పూర్తి చేసింది. 2013లో సర్పంచ్‌కు బీసీ మహిళా రిజర్వేషన్‌ రావడంతో గ్రామస్తుల కోరిక మేరకు స్వతంత్య్ర అభ్యర్ధిగా పోటీ చేసి గెలుపొందింది. ఐదేళ్లవరకు ప్రజలకు సేవలందించింది. 2019లో చెన్నూర్‌లోని సోషల్‌ వెల్ఫేర్‌ పాఠశాలలో గణిత టీచర్‌గా ఎంపికై విద్యార్థులకు పాఠాలు చెబుతోంది. భర్త ప్రోత్సాహంతో సాధ్యమైందని అంటోంది. స్విట్జర్లాండ్‌లో సాఫ్ట్‌వేర్‌ జాబ్‌ కోటపల్లి: మా స్వగ్రామం కోటపల్లి. మే ము నలుగురు అక్కాచెల్లెళ్లు. తల్లిదండ్రులు బాగా చదివించారు. అందరూ వివిధ రంగాల్లో స్థిరపడ్డాం. తాను స్విట్టర్లాండ్‌లో ఆరేళ్లుగా సాఫ్ట్‌వేర్‌ ఉద్యో గం చేస్తున్నా. ఏటా రెండు నెలలు అమ్మానాన్నలను స్విట్టర్లాండ్‌కు తీసుకెళ్తున్నా. – లక్ష్మీప్రసన్నతల్లిదండ్రుల ప్రోత్సాహం వల్లనే.. ఖానాపూర్‌: మా తల్లిదండ్రులు రవి–లావణ్య. మేము చిన్న వయస్సులో ఉన్నప్పటి నుంచి వడ్రంగి వృత్తి చేస్తూ కష్టపడి చదివించారు. మేం ఇద్దరు కూతుళ్లు తల్లిదండ్రుల ప్రోత్సాహం వల్ల ఉద్యోగా లు సాధించారు. ఒకరు ఎస్జీటీ టీచర్‌గా పెంబి మండలం నాగాపూర్‌లో, మ రొ కరు నిర్మల్‌ మున్సిపాల్టీలో వార్డు ఆఫీసర్‌గా పనిచేస్తోంది. – రక్షిత–మాధురి ఒక్క బిడ్డ చాలనుకున్నం నిర్మల్‌: ‘ఆడబిడ్డయితే ఏంటి.. తను వారసురాలే కదా. తనకు ఉత్తమ చదువును, ఉన్నత జీవితాన్ని ఇవ్వాలనుకున్నాం. అందుకే మాకు ఒక్కబిడ్డనే చాలనుకున్నాం..’అంటున్నారు నిర్మల్‌ జిల్లాకేంద్రంలోని ఆదర్శనగర్‌కు చెందిన తిరుపతి సుస్మిత, ప్రమోద్‌రావు దంపతులు. ఎవరెన్ని ఒత్తిళ్లు పెట్టినావారు అనుకున్నట్లుగానే ఒక్కబిడ్డకే జన్మనిచ్చారు. తన ఆకాంక్షలకు తగ్గట్లుగానే చదివించారు. తల్లిదండ్రుల ఆశయాలను ఆకళింపు చేసుకున్న ఆ బిడ్డ శరదితన్వి తనకంటూ గుర్తింపును తెచ్చుకుంటోంది. స్థానిక దీక్ష జూనియర్‌ కళాశాల కరస్పాండెంట్‌గా చేస్తున్న ప్రమోద్‌రావు ముందు నుంచి కొంత సామాజిక స్పృహతో ఆలోచిస్తుంటారు. శరదితన్వి ప్రస్తుతం ప్రముఖ సాఫ్ట్‌వేర్‌ కంపెనీ ఆక్సెంచర్‌లో సాఫ్ట్‌వేర్‌ డెవలపర్‌గా చేస్తోంది. తండ్రిలాగే సామాజికస్పృహతో తన స్థాయిలో సేవలందిస్తోంది. స్వ‘శక్తి’తో ముందుకు.. ఆదిలాబాద్‌: ఉన్నత విద్యాభ్యాసం చేస్తున్న మహిళ ప్రైవేట్‌ ఉద్యోగానికి మొగ్గు చూపింది జిల్లా కేంద్రంలోని తిర్పెల్లి కాలనీకి చెందిన ముదిగొండ కల్పన. ఇంటర్‌ తర్వాత వివాహం కాగా, అటు కుటుంబ బాధ్యతలు మోస్తూనే 2007లో డిగ్రీ పూర్తి చేసింది. భర్త ప్రోత్సాహంతో 2010లో జిరాక్స్‌, ఆన్‌లైన్‌ సెంటర్‌, బుక్‌స్టాల్‌ ప్రారంభించింది. టైలరింగ్‌ చేస్తోంది. ఇటీవల బ్యూటీషియన్‌ కోర్సులో శిక్షణ తీసుకుంటుంది. ఓ వైపు ఇంటిని చక్కదిద్దుతూనే బుక్‌సెంటర్‌ నడుపుతోంది. కుమారుడు, కుమార్తెలను చదివించి ప్రయోజకులుగా చేయాలనే తనవంతుగా శ్రమిస్తోంది.ఆడబిడ్డపై ఆలోచన మారాలి నిర్మల్‌:‘ఆడబిడ్డయినా.. మగబిడ్డయినా ఒకటే. ఒ కప్పుడు మగపిల్లాడుంటే చాలు అనుకునేది. కా నీ.. ఈరోజుల్లో ఎవరైనా మంచి చదువు, ఉ ద్యో గం ఉంటేనే విలువ. పెద్దపెద్ద కార్పొరేట్‌ కంపెనీ ల నుంచి మొదలు పెళ్లి సంబంధాల దాకా ఆడ, మగ అనే తేడాలు చూడటం లేదు. వారి చదువు, హోదా, సంస్కారాన్ని గుర్తిస్తున్నారు. అందుకే మాకు ఒక్క ఆడబిడ్డనే అని ఏరోజూ ఆలోచించలేదు..’అని చెబుతున్నారు నిర్మల్‌కు చెందిన వైద్యదంపతులు చిటికేశి రంజిత, సంతోష్‌రాజ్‌. తమ బిడ్డ ఇషితారాజ్‌ ఎంత చదివితే అంత చదివిస్తామంటున్నారు. ప్రస్తుతం తాను ఎంబీబీఎస్‌ చదువుతోంది. అమ్మ గైనకాలజిస్ట్‌, నాన్న పీడియాట్రిక్‌ వైద్యుడు.వీరిద్దరూ బిడ్డకు గైడ్‌ చేస్తున్నామే తప్పా .. ఇది చదువు, అది చేయు అని చెప్పడం లేదంటున్నారు. అన్నిరంగాల్లో సీ్త్ర, పురుషులు సమానంగా పనిచేస్తున్నారని, ఇకపై ఆడ,మగ అనే ఆలోచనను మానుకోవాల్సిందేనని అంటున్నారు.చిన్నచూపు పోవాలి ఆసిఫాబాద్‌అర్బన్‌: మా స్వగ్రామం మంచిర్యాల. నాన్న ఓ సంస్థలో చిరుద్యోగి. ఇద్దరం ఆడపిల్లలం అయినా ఎవరిపైనా ఆధారపడొద్దని ఉన్నత చదువులు చదివించారు. నేను ప్రస్తుతం ఆసిఫాబాద్‌ అసిస్టెంట్‌ ట్రెజరీ ఆఫీసర్‌(ఏటీవో)గా పనిచేస్తుండగా, మా చెల్లెలు ప్రభుత్వ టీచర్‌గా విధులు నిర్వర్తిస్తోంది. నాకు ముగ్గురు, మా చెల్లికి ఇద్దరు ఆడపిల్లలే. వారిని అన్నిరంగాల్లో రాణించేలా తీర్చిదిద్దుతాం. చదువుతోనే భవిష్యత్తు బాగుంటుంది. ప్రతీ మహిళా చట్టాలపై అవగాహన ఉండాలి. సమాజంలో మహిళలనే చిన్నచూపు పోవాలి.– భానుమతి గోమాస, అసిస్టెంట్‌ ట్రెజరీ ఆఫీసర్‌వైద్య వృత్తిని వదిలి.. ప్రజాసేవకు కదిలి బోథ్‌: ఎంబీబీఎస్‌ పూర్తి చేసి.. వైద్య వృత్తిని వదిలి ప్రజాసేవకు కదిలారు బోథ్‌కు చెందిన డాక్టర్‌ సంధ్యారాణి. జెడ్పీటీసీగా గెలుపొంది మహిళా శక్తిని నిరూపించారు. బోథ్‌ అభివృద్ధిలో కీలకపాత్ర పోషించా రు. జెడ్పీ సమావేశాల్లో తనగొంతు విని పించారు. ఆమె వైద్యురాలు కావడంతో బోథ్‌ ఆసుపత్రిని అభివృద్ధి పర్చే ప్రయత్నం చేశారు. ఆసుపత్రి భవన నిర్మాణానికి మంత్రులు, ఉన్నతాధికారులను కలిసి రూ.10 కోట్ల నిధులు తేవడంలో కృషిచేశారు. మాజీ జెడ్పీటీసీగా ఆమె పలు కార్యక్రమాల్లో పాల్గొంటోంది. – డా.సంధ్యారాణి, మాజీ జెడ్పీటీసీ, బోథ్‌ఇతరులపై ఆధారపడకుండా.. ఆసిఫాబాద్‌అర్బన్‌: ఇతరులపై ఆధారపడకుండా సొంతకాళ్లపై నిలబడాలని నిర్ణయించుకున్నా. ఇంటి వద్దే 20 ఏళ్ల క్రితమే టిఫిన్స్‌ సెంటర్‌ ప్రారంభించా. ప్రస్తుతం ఇంటి వద్ద 15 మంది ఉపాధి కల్పిస్తూ.. వ్యాపారం విజయవంతంగా కొనసాగుతోంది. ఇటీవల ప్రభుత్వం మంజూరు చేసిన ఇందిరా క్యాంటీన్‌ను జిల్లా కేంద్రంలోని కలెక్టరేట్‌లో ప్రారంభించాం. అక్కడ కూడా మరో ఐదుగురు ఉపాధి పొందుతున్నారు. మహిళలు ఎందులోనూ తక్కువ కాదు. ఆర్థిక స్వాతంత్య్రం సాధించాలి. – మార స్వరూప, మహిళా సమాఖ్య సంఘం సభ్యురాలు, ఆసిఫాబాద్‌ ●తేడా ఉండొద్దు ఆసిఫాబాద్‌రూరల్‌: మహిళలు, పురుషులు అనే తేడా లేకుండా సమాజంలో అందరం ఒక్కటే అనే భావన రావాలి. కొంతమంది తల్లిదండ్రులు కుమార్తె కంటే కుమారుడినే ఎక్కువ ఇష్టపడుతారు. అలా సంతానాన్ని సమానంగా చూడాలి. వారి నిర్ణయాలకు విలువ ఇవ్వాలి. – శ్రీదేవి, బీజెడ్‌సీ సెకండియర్‌, ప్రభుత్వ మహిళా డిగ్రీ కళాశాల, ఆసిఫాబాద్‌ కఠిన చట్టాలు రావాలి ఆసిఫాబాద్‌రూరల్‌: మహిళలకు కొన్నిచోట్ల రక్షణ లేకుండా పోయింది. యువతులు, మహిళలపై లైంగిక దాడులు పెరిగిపోయాయి. తప్పుచేసిన వారికి కఠిన శిక్షలు లేకపోవడంతో రెచ్చిపోతున్నారు. సమాజంలో మహిళల రక్షణకు కఠిన చట్టాలు రావాలి. – అశ్విని, ఎంపీసీఎస్‌ ఫైనలియర్‌, ప్రభుత్వ మహిళా డిగ్రీ కళాశాల, ఆసిఫాబాద్‌ మహిళలకు అవకాశాలు పెరిగాయి భైంసాటౌన్‌: నేటి కాలంలో మహిళలకు అవకాశాలు పెరిగాయి. ఏ రంగంలోనైనా వివక్ష ఉంటుంది. కానీ అవేమీ పట్టించుకోకుండా నిబద్ధతతో పనిచేస్తే గుర్తింపు లభిస్తుంది. పెరుగుతున్న ఖర్చులకు ఇంట్లో భార్యాభర్తలిద్దరూ పనిచేస్తేనే ఆర్థికంగా నిలదొక్కుకోగలుగుతారు. రాజకీయాల్లో మహిళలు ధైర్యంగా ముందుకు రావాలి. – సిరం సుష్మారెడ్డి, బీజేపీ మండల అధ్యక్షురాలు, భైంసా

ఆమె అడుగు ప్రగతి బాటన పడింది. సంఘటితమై ఆర్థిక స్వావలంబన దిశగా సాగుతోంది. ప్రకృతి నీడన స్వశక్తితో ఎదుగుతున్న వారు కొందరైతే.. సామాజిక బాధ్యతగా అండగా నిలుస్తున్న వారు ఇంకొందరు. ఇంతింతై వటుడింతై అన్నట్లుగా ఏజెన్సీకే పరిమితమైన ఆదివాసీ మహిళలు ప్రస్తుతం అన్ని రంగాల్లో రాణిస్తున్నారు. పలువురికి ఆదర్శంగా నిలుస్తున్నారు. ప్రపంచ మహిళా దినోత్సవం సందర్భంగా ప్రత్యేక కథనం. ● ఉట్నూర్‌, ఖైర్డాట్వాలో ఇప్ప లడ్డూ తయారీ కేంద్రాలుఖైర్డాట్వాలో.. నార్నూర్‌: మండలంలోని ఖైర్డాట్వా గ్రామానికి చెందిన ఆదివాసీ గిరిజన మహిళలు 12మంది ఓ గ్రూపుగా ఏర్పడ్డారు. మండల సమాఖ్య సహకారంతో రూ.3.50 లక్షలు రుణం తీసుకుని గ్రామంలోనే ఇప్పపువ్వు లడ్డూ తయారీ కేంద్రాన్ని ఏర్పాటు చేసుకున్నారు. ఫిబ్రవరి 4న కలెక్టర్‌ రాజర్షి షా చేతుల మీదుగా ప్రారంభించారు. ప్రస్తుతం నెలకు 60వేల లడ్డూలను తయారు చేస్తున్నారు. వీటిని స్వయంగా వీరే మార్కెటింగ్‌ చేస్తున్నారు. నార్నూర్‌, ఇంద్రవెల్లి, గాదిగూడ తదితర ప్రాంతాల్లో ఉన్న బేకరీలు, స్వీట్‌ హౌస్‌ల్లో రూ.300 నుంచి రూ.350 కిలో చొప్పున విక్రయిస్తున్నారు. ఇవి రక్తహీనత నివారణకు దోహదపడుతుండడంతో ఆదరణ లభిస్తుందని నిర్వాహకులు చెబుతున్నా రు. అన్ని ఖర్చులు పోనూ గత నెలలో రూ.40వేల వరకు ఆదాయం సమకూరినట్లు పేర్కొన్నారు. మహిళల ఆర్థికాభివృద్ధికి చేయూతఇంద్రవెల్లి: స్వయం సహాయక సంఘాల్లోని మహిళలను ఆర్థికంగా అభివృద్ధి చేసేందుకు రాష్ట్ర ప్రభుత్వం ప్రత్యేక కృషి చేస్తుందని కలెక్టర్‌ రాజర్షి షా, ఖానాపూర్‌ ఎమ్మెల్యే వెడ్మ బొజ్జు అన్నారు. మండలకేంద్రంలోని ఇంద్రా యి మహిళా సమాఖ్య కార్యాలయంలో సెర్ప్‌ ఆధ్వర్యంలో ఏర్పాటు చేసిన మిల్లెట్‌ బిస్కెట్‌ తయారీ కేంద్రాన్ని శుక్రవారం ప్రారంభించారు. ఈ సందర్భంగా వారు మాట్లాడారు. రాష్ట్ర ప్రభుత్వం మహిళా సంఘాలను ఆర్థికంగా బలోపేతం చేసేందుకు కృషి చేస్తోందన్నా రు. ప్రభుత్వ ప్రోత్సాహాన్ని మహిళలు సద్వి నియోగం చేసుకోవాలన్నారు. ఇందులో ఉట్నూర్‌ సబ్‌ కలెక్టర్‌ యువరాజ్‌ మర్మాట్‌, డీ ఆర్డీవో రాథోడ్‌ రవీందర్‌, రాష్ట్ర మహిళా కమి షన్‌ సభ్యురాలు కుమ్ర ఈశ్వరిబాయి, ఇంద్రవెల్లి ఏఎంసీ చైర్మన్‌ ముఖడే ఉత్తం, తహసీ ల్దార్‌ ప్రవీణ్‌కుమార్‌, ఎంపీడీవో భాస్కర్‌, ఏపీఎం రామారావ్‌ తదితరులున్నారు.ఖైర్డాట్వా గ్రామంలో లడ్డ్డూ తయారు చేస్తున్న ఆదివాసీ గిరిజన మహిళలుఉపాధి మార్గం దొరికింది.. ఖాళీగా ఉండకుండా ఏదో ఒకటి చేయాలని మేమంతా ఓ గ్రూపుగా ఏర్పడ్డాం. ఇప్పపువ్వు లడ్డూ తయారీని ఎంచుకున్నాం. ఐటీడీఏ సహకారంతో సామగ్రి కొనుగోలు చేసి యూనిట్‌ ప్రారంభించాం. ఇందులో పోషకవిలువలు ఎక్కువగా ఉండడంతో అధికారులు వీటిని గుర్తించారు. అంగన్‌వాడీ కేంద్రాల్లో గర్భిణులు, చిన్నారులతో పాటు వసతిగృహ విద్యార్థులకు అందిస్తున్నారు. అన్ని ఖర్చులు పోనూ ప్రస్తుతం ఒక్కొక్కరికి రూ.15వేల నుంచి రూ.20 వేలకు మిగులుతున్నాయి. – కుమ్రబాయి, ఆదివాసీ భీంబాయి సంఘం అధ్యక్షురాలు ఆదాయం పెరుగుతుంది గ్రామానికి చెందిన 12 మంది మహిళలం కలిసి ఒక గ్రూప్‌గా ఏర్పడ్డాం. మండల సమాఖ్య ద్వారా రూ.3.50 లక్షలు రుణం తీసుకున్నాం. ఇప్పపువ్వు లడ్డూల తయారీకి శ్రీకారం చుట్టాం. నెల రోజుల్లోనే 60వేల లడ్డూలు తయారు చేశాం. మార్కెటింగ్‌ కూడా మేమే చేసుకుంటున్నాం. అన్ని ఖర్చులు పోనూ ప్రస్తుతం నెలకు రూ.40వేల వరకు ఆదాయం వస్తుంది. మున్ముందు మరింత పెరగనుంది. – ఆత్రం కౌసల్యబాయి, గ్రూప్‌ అధ్యక్షురాలు, ఖైర్డాట్వా వారంతా అడవి తల్లి ఒడిలో సేదతీరే గిరిజనులు. సంఘంగా ఏర్పడి ప్రభుత్వ చేయూతతో ముందడుగు వేశారు. ప్రకృతి ప్రసాదించే ఇప్పపువ్వునే ఉపాధి మార్గంగా ఎంచుకున్నారు. ఆర్థికాభివృద్ధి దిశగా ముందుకు సాగుతున్నారు. వారే ఉట్నూర్‌, నార్నూర్‌ మండలంలోని ఖైర్డాట్వాకు చెందిన ఆదివాసీ మహిళలు. ఉట్నూర్‌రూరల్‌: ఉపాధి లేక ఇబ్బందులు పడుతున్న ఆదివాసీ మహిళలు సంఘటితమై స్వశక్తితో ఎదగాలని నిర్ణయించుకున్నారు. ఈ క్రమంలో ఉట్నూర్‌కు చెందిన 12 మంది భీంబాయి సంఘంగా ఏర్పడ్డారు. నాటి కాలంలో ఆదివాసీ లు రక్తహీనత నివారణకు ప్రకృతి ప్రసాదించిన ఇప్పపువ్వుతో చేసిన లడ్డూలను తినేవారని గుర్తించి వాటి తయారీకి పూనుకున్నారు. విషయాన్ని ఐటీడీఏ అధికారుల దృష్టికి తీసుకెళ్లారు. లడ్డూల తయారీతో కలిగే ప్రయోజనాలను గుర్తించిన అప్పటి కలెక్టర్‌ దివ్యా దేవరాజన్‌, పీవో ప్రత్యేక చొరవ చూపారు. వీటిని గర్భిణులు, పిల్లలకు అందించాలనే ఆలోచనతో ముందుకెళ్లారు. ఐటీడీఏ సహకారంతో రూ.14 లక్షలతో 2019లో తయారీ యూనిట్‌ ప్రారంభించారు. అప్పటి నుంచి లడ్డూలు తయారు చేస్తూ ఆర్థికాభివృద్ధి సాధిస్తున్నారు ఈ సంఘం సభ్యులు. ఆర్డర్‌ ప్రకా రం జిల్లాతో పాటు ఇతర జిల్లాలకు సరఫరా చేస్తూ ఉపాధి పొందుతున్నారు.

ఆదిలాబాద్‌: మహిళ తన జీవితంలో కుటుంబం నుంచి మొదలుకొని సమాజం వరకు ప్రత్యక్షంగా, పరోక్షంగా ఎన్నో ఆటుపోట్లు ఎదుర్కొంటుంది. ఆడపిల్ల పుట్టుకనే కాదనుకుంటున్న ప్రస్తుత సొసైటీలో వారి ఉనికిని వారే చాటుకుంటూ, ఆడపిల్లల భాగస్వామ్యం సమాజానికి ఎంత అవసరమో అనే విషయాన్ని చాటి చెబుతున్నారు. మహిళలను చిన్నచూపు చూస్తున్న వ్యవస్థలో ఆమె లేకపోతే సృష్టి లేదనే విషయాన్ని మరిచిపోతుండడం శోచనీయం. నవమాసాలు కడుపులో పిండాన్ని మోసి, ఒక జీవానికి ప్రాణం పోస్తున్న అమ్మతనం ప్రతీ సీ్త్రలో ఉంటుంది. సమాజ పురోగతిలో వారి పాత్ర ఎనలేనిది. అటువంటి అతివను గౌరవించాల్సిన బాధ్యత ప్రతీ ఒక్కరిది. – కళ్లెం జీవిత వెంకట్‌రెడ్డి, గైనకాలజిస్ట్‌, ఆదిలాబాద్‌

ఉట్నూర్‌రూరల్‌: మండల కేంద్రంలోని కేబీ కాంప్లెక్స్‌లోని డిగ్రీ కళాశాలలో శుక్రవారం మహిళా దినోత్సవ కార్యక్రమం నిర్వహించారు. ముఖ్య అథితిగా ఐటీడీఏ పీవో ఖుష్బూ గుప్తా హాజరై విద్యార్థినులకు మహిళా దినోత్సవ శుభాకాంక్షలు తెలిపారు. ఈ సందర్భంగా ఆమె మాట్లాడుతూ శతాబ్దాలుగా సంస్కృతి, సంప్రదాయాలు మహిళలను ఆరాదిస్తూ గౌరవిస్తున్నాయని పేర్కొన్నారు. పురుషులకు సమానంగా మహిళలు అన్ని రంగాల్లో రాణిస్తున్నారని కొనియాడారు. చదువును డిగ్రీతో ఆపేయకుండా కొనసాగించాలన్నారు. భవిష్యత్తులో వారియర్లుగా దైర్య సాహసాలు ప్రదర్శించాలన్నారు. గతంలో త్యాగాలు చేసిన మహిళలకు శిరస్సు వంచి సమస్కరిస్తున్నానని పీవో పేర్కొన్నారు. అసిస్టెంట్‌ కలెక్టర్‌ అభినవ్‌, కళాశాల ప్రిన్సిపాల్‌, ఉపాధ్యాయులు పాల్గొన్నారు.

● ఆయన వాహనాన్ని అడ్డుకున్న విద్యార్థులు ● ధన్నూర్‌(బి) జెడ్పీ సెకండరీ పాఠశాలలో ఘటన బోథ్‌: పాఠశాలకు హెచ్‌ఎం తరచూ ఆలస్యంగా వస్తున్నారని, హాల్‌టికెట్లు ఇవ్వమని భయపెడుతున్నారని విద్యార్థులు ఆయన వాహనాన్ని అడ్డుకున్నారు. మండలంలోని ధన్నూర్‌(బి) జెడ్పీ సెకండరీ పాఠశాలలో ఈ ఘటన చోటుచేసుకుంది. హెచ్‌ఎం రాజు చోప్డే వాహనాన్ని పాఠశాల గేటు వద్ద శుక్రవారం ఉదయం అడ్డుకున్నారు. పదో తరగతి గది బయట విద్యార్థులు భైఠాయించారు. హెచ్‌ఎం ప్రతీరోజు పాఠశాలకు ఆలస్యంగా రావడం సరికాదన్నారు. తమ సమస్యలను ఎవరికి చెప్పుకోవాలన్నారు. కాగా గ్రామానికి చెందిన ఓ వ్యక్తి మద్యం తాగి తరచూ పాఠశాలకు వస్తున్నారని ఆరోపించారు. ఇటీవల ఆ వ్యక్తి పాఠశాలకు మద్యం తాగి వచ్చి హంగామా చేయడంతో విద్యార్థులు భయభ్రాంతులకు గురయ్యారని పలువురు గ్రామస్తులు పేర్కొన్నారు. పదో తరగతి విద్యార్థులకు ప్రీ ఫైనల్‌ పరీక్షలు ఉండటంతో గ్రామాభివృద్ధి కమిటీ సభ్యులు వారితో మాట్లాడారు. ఒత్తిడికి లోనుకాకుండా ప్రశాంతంగా పరీక్షలు రాయాలని సూచించారు. విషయం తెలుసుకున్న ఎంఈవో మహమూద్‌, ఎంపీడీవో రమేశ్‌ అక్కడికి చేరుకుని వారితో మాట్లాడారు. జరిగిన ఘటనపై ఉన్నతాధికారులకు నివేదిస్తామన్నారు. దీంతో విద్యార్థులు పరీక్షలకు హాజరయ్యారు.

ఇచ్చోడ: ఆ ఊరి అమ్మాయి వివాహానికి గ్రామంలోని అన్ని కుటుంబాలకు చెందిన పెళ్లయిన ఆడపడుచులు కానుకలు సమర్పించడం ఆనవాయి తీ. ఇందులో భాగంగా స్టీల్‌, ఇత్తడి సామగ్రి అందించేవారు. అయితే వీటితో ఎక్కువగా ఉపయో గం ఉండడం లేదు. అలాగే పెళ్లి ఖర్చులు కూడా పెరిగిన నేపథ్యంలో ఆ వధువు తల్లిదండ్రులకు అండగా ఉండాలని నిర్ణయించుకున్న ఆ ఆడపడుచులు కానుకలకు బదులు నగదు అందజేయాలని నిర్ణయించుకున్నారు. విషయాన్ని కుల పెద్దలకు వివరించగా వారు సైతం ఒప్పుకున్నారు. దీంతో నూతన ఆనవాయితీకి శ్రీకారం చుట్టారు నేరడిగొండ మండలం తర్నం పంచాయతీ పరిధి అనుబంధ గ్రామమైన మంగల్‌మోట్‌కు చెందిన ఆడపడుచులు. గ్రామంలో ఈ నెల 3న పెందూర్‌ వసంత వివాహం జరిగింది. గ్రామానికి చెందిన పెళ్లయిన ఆడపడుచులంతా కలిసి సుమారు 60 మంది వరకు రూ.12వేల నగదు జమ చేసి అందజేశారు. వీరు తీసుకున్న నిర్ణయంపై ఆదివాసీ పెద్దలు హర్షం వ్యక్తం చేశా రు. సంప్రదాయాన్ని జిల్లా వ్యాప్తంగా అమలు చేసేలా చర్యలు చేపడుతున్నట్లు చెబుతున్నారు.

మంచిర్యాలఅర్బన్‌/మంచిర్యాలటౌన్‌/చెన్నూర్‌/నిర్మల్‌/వాంకిడి/బోథ్‌/ఆసిఫాబాద్‌రూరల్‌: మహిళలు, యువతులు, విద్యార్థినులు అవకాశాల ను అందిపుచ్చుకుంటూ అన్నిరంగాల్లో రాణిస్తున్నా రు. పురుషులకు దీటుగా పనులు చేస్తూ తమకంటూ ప్రత్యేక గుర్తింపు తెచ్చుకుంటున్నారు. కానీ స మాజంలో అక్కడక్కడ మహిళలపై చిన్నచూపు ఉండడం వల్ల అనేక అవకాశాలకు దూరమవుతున్నారు. పని ప్రదేశాల్లో వేధింపులు, ఆధిపత్య ధోరణులు మహిళలకు ప్రతిబంధకంగా మారుతున్నా యి. ఎక్కడ.. ఎవరితో వివక్షకు గురవుతున్నారనే అంశాలపై ‘సాక్షి’ మంచిర్యాలలోని శ్రీహర్ష డిగ్రీ కళాశాలతోపాటు ఉమ్మడి ఆదిలాబాద్‌ జిల్లాలోని పలు ప్రాంతాల్లో విద్యార్థినులు, యువతులు, మ హిళలు 350మంది నుంచి సర్వే ద్వారా వివరాలు సేకరించింది. తెలియని వారు, ఆకతాయిలతో ఇక్కట్లు పడుతున్నట్లు తేల్చిచెప్పారు. బస్టాప్‌ల్లో అత్యధికంగా ఇబ్బందులు ఎదుర్కొంటున్నట్లు వె ల్లడైంది. ఇళ్లలో ఆడ, మగ అనే వివక్ష లేదని, అభిప్రాయాలకు గౌరవం లభిస్తోందని స్పష్టమైంది.

చెప్పలేను 59ఉంది 87మీరు ఎక్కువగా ఇబ్బంది పడుతున్న ప్రదేశంలేదు 204సెల్‌ఫోన్‌లో వచ్చే మెస్సేజ్‌లతో 72మిమ్మల్ని ఇబ్బంది పెడుతున్న వారిలో అత్యధికులు ఎవరుమీ కాలేజీ, పని ప్రదేశంలో మహిళగా ఏమైనా వివక్ష ఎదుర్కొంటున్నారా..తెలియని వారు 204తెలిసిన వారే.. 146బస్టాప్‌లో 204కాలేజీ లేదా ఆఫీసులో 74

బోథ్‌: మండలంలోని మారుమూల ఆదివాసీ గ్రామమైన బాబెరకు చెందిన ఆత్రం సుశీల గ్రామంలో వందశాతం మరుగుదొడ్ల నిర్మాణం చేసుకునేలా గ్రామస్తులను ప్రోత్సహించారు. ప్రతీ ఇంట్లో మొక్కలు నాటించే ప్రయత్నం చేశారు. అలాగే ఆదివాసీ గ్రామాల్లో తిరుగుతూ ప్రభుత్వ సంక్షేమ పథకాలపై అవగాహన కల్పించారు. ఈమె సేవలకు గుర్తింపుగా 2020లో అప్పటి గవర్నర్‌ తమిళిసై చేతుల మీదుగా స్వచ్ఛ అవార్డు అందుకున్నారు. అలాగే 2022లో ఢిల్లీలో నిర్వహించిన ఆదివాసీల వర్క్‌షాప్‌నకు హాజరయ్యారు. మారుమూల గ్రామంలో పుట్టిన ఆదివాసీ మహిళ ఇలా ఉన్నతస్థాయికి ఎదిగారు. ఎంతో మంది మహిళలకు ఆదర్శంగా నిలిచారు.

ఎస్పీ గౌస్‌ ఆలం బదిలీఆదిలాబాద్‌టౌన్‌: ఆదిలాబాద్‌ ఎస్పీ గౌస్‌ ఆలం కరీంనగర్‌ పోలీస్‌ కమిషనర్‌గా బదిలీ అయ్యారు. నూతన ఎస్పీగా అఖిల్‌ మహజన్‌ జిల్లాకు బదిలీపై రానున్నారు. ఈ మేరకు ప్రభుత్వ ముఖ్య కార్యదర్శి శాంతికుమారి శుక్రవారం ఉత్తర్వులు జారీ చేశారు. ఇప్పటి వరకు ఎస్పీగా పనిచేస్తున్న గౌస్‌ ఆలం 2024 జనవరి 4న జిల్లాకు వచ్చారు. ఈయన గతంలో ములుగు ఎస్పీగా పనిచేస్తూ ఇక్కడికి బదిలీపై వచ్చారు. జిల్లాలో 14 నెలల పాటు విధులు నిర్వహించారు. పార్లమెంట్‌ ఎన్నికలను సజావుగా నిర్వహించిన క్రమంలో ఎన్నికల సంఘం నుంచి ప్రశంసలు పొందారు. జిల్లాలో గంజాయి, మాదకద్రవ్యా ల నిర్మూలనకు ప్రత్యేక దృష్టి సారించారు. అసాంఘిక కార్యకలాపాలపై ఉక్కుపాదం మోపారు. పేదలకు పంపిణీ చేసే పీడీఎస్‌ బియ్యం అక్రమ రవాణా జరగకుండా చూశారు. పక్కనున్న మహారాష్ట్ర నుంచి దేశీదారు సరఫరా కాకుండా చర్యలు చేపట్టారు. ఈయన పనిచేసినకాలంలో 1200 కిలోల గంజాయి ని స్వాధీనం చేసుకొని ధ్వంసం చేశారు. అలాగే మట్కా, గుట్కా నిర్మూలనకు చర్యలు తీసుకున్నా రు. ఏజెన్సీప్రాంతాల్లో హెల్త్‌ క్యాంపులు నిర్వహించారు. జైనూర్‌ ఘటన నేపథ్యంలో జిల్లాలో కట్టుదిట్టమైన భద్రత చర్యలు చేపట్టారు. ఇదిలా ఉండగా గతనెల 6న ఎస్పీ వివాహం జరిగింది. జిల్లాలో పనిచేసిన కాలంలో మంచి గుర్తింపు పొందారు. జిల్లాకు అఖిల్‌ మహాజన్‌ రాక.. రాజన్న సిరిసిల్ల జిల్లా ఎస్పీగా పనిచేస్తున్న అఖిల్‌ మహాజన్‌ ఆదిలాబాద్‌ ఎస్పీగా బదిలీపై రానున్నా రు. 2017 బ్యాచ్‌కు చెందిన ఈయన ఇదివరకు ఉమ్మడి ఆదిలాబాద్‌ జిల్లా పరిధిలోని మంచిర్యాల డీసీపీగా పనిచేశారు. అఖిల్‌ మహాజన్‌ జమ్మూ కశ్మీ ర్‌కు చెందినవారు. హైదరాబాద్‌లోని జవహర్‌లాల్‌ నెహ్రూ టెక్నికల్‌ యూనివర్సిటీ (జేఎన్‌టీయూ) నుంచి పట్టభద్రులయ్యారు. కాగా ఈయన సిద్దిపేటలో శిక్షణ పొందగా, మంచిర్యాలలో ఏసీపీగా, తర్వాత రామగుండం, మంచిర్యాల, పెద్దపల్లిలలో డీసీపీగా పనిచేశారు.

కైలాస్‌నగర్‌: జిల్లాలో రోడ్డు ప్రమాదాల ని యంత్రణకు పకడ్బందీ చర్యలు చేపట్టాలని కలెక్టర్‌ రాజర్షి షా, ఎస్పీ గౌస్‌ ఆలం అధి కారులను ఆదేశించారు. గురువారం కలెక్టరేట్‌ సమావేశ మందిరంలో రోడ్డు భద్రతపై సమీక్షా సమావేశం నిర్వహించి మాట్లాడా రు. రోడ్డు ప్రమాదాలు జరిగే బ్లాక్‌ స్పాట్లను గుర్తించి అక్కడ రంబుల్‌ స్టెప్స్‌, సూచిక బోర్డులు, స్పీడ్‌ బ్రేకర్లు, స్పీడ్‌ లేజర్‌ గన్‌ ఏర్పాటు చేయాలని సూచించారు. సాయంత్రం డ్రంకెన్‌డ్రైవ్‌ నిర్వహించాలని ఆదేశించారు. సమావేశంలో డీఎస్పీలు జీవన్‌రెడ్డి, శ్రీనివాస్‌, ఆర్డీవో వినోద్‌కుమార్‌, ఆర్‌అండ్‌బీ, ఎకై ్సజ్‌ అధికారులు పాల్గొన్నారు.

బజార్‌హత్నూర్‌: ఆధ్యాత్మికతతోనే మానసిక ప్ర శాంతత లభిస్తుందని ఆదిలాబాద్‌ ఎంపీ గోడం నగేశ్‌ అన్నారు. గురువారం బోథ్‌ ఎమ్మెల్యే అనిల్‌ జాదవ్‌తో కలిసి మండలంలోని గిర్నూర్‌ గ్రామంలో నూతనంగా నిర్మించిన శివాలయ విగ్రహ ప్రతి ష్ఠాపన కార్యక్రమంలో పాల్గొన్నారు. ఆలయంలో ప్రత్యేక పూజలు చేశారు. బోథ్‌ ఎమ్మెల్యే అనిల్‌ జా దవ్‌ మాట్లాడుతూ.. నియోజకవర్గంలో ఆలయాల అ భివృద్ధికి కృషి చేస్తానని తెలిపారు. మాజీ సర్పంచ్‌ కృష్ణ, నాయకులు రాజారాం, భూమయ్య, సకేశ్‌, మారుతి, నాన రమణ, అల్కె గణేశ్‌, నాన రమణ, పోరెడ్డి శ్రీనివాస్‌, కొత్త శంకర్‌ పాల్గొన్నారు.