మేము మీ అబ్బాయిని కలవొచ్చా?’ అని  ఒక స్త్రీ, ఒక పురుషుడు జంటగా ఒక ఇంటి ముందుకు వచ్చి ఆ ఇంట్లోని టీనేజ్‌ కొడుకు తల్లిని అడుగుతారు. ఒంటి మీద బట్టలు లేకుండా వాకిట్లో చిరునవ్వులు చిందిస్తూ ఉన్న ఆ ఇద్దరినీ చూసి తల్లి  నిశ్ఛేష్టురాలు అవుతుంది.. ‘హాయ్‌.. మేమిద్దరం మీ అబ్బాయికి బాగా తెలిసిన వాళ్ళం. అతడు మమ్మల్ని ల్యాప్‌టాప్‌లో, ఐ ప్యాడ్‌లో, ప్లే స్టేషన్లో, తన ఫోన్లో, మీ ఫోన్‌లో కూడా రోజూ చూస్తుంటాడు. అయితే అతడు చూస్తున్న విధంగా నిజజీవితంలో ఉండదని అతడికి చెబుదామని వచ్చాం’ అంటారు. ఈలోపు ఆ టీనేజ్‌ కొడుకు కూడా లోపలిని నుంచి వస్తూ  తల్లితో మాట్లాడుతున్న ఆ ఇద్దరు పోర్న్‌ స్టార్‌లను చూసి గతుక్కుమని చేతిలోని బౌల్‌ని కిందపడేసుకుంటాడు. వాళ్లు అతడికి చెప్పాల్సిది చెప్పి, బై చెప్పి వెళ్లిపోతారు. న్యూజీలాండ్‌ ప్రభుత్వం ‘కీప్‌ ఇట్‌ రియల్‌’ సీరీస్‌ పేరుతో ఇస్తున్న టీవీ యాడ్స్‌ లో ఇదీ ఒకటి. హాస్యం, సీరియస్‌ సందేశం కలిపి వివిధ అంశాలపై న్యూజిలాండ్‌ కొన్నాళ్లుగా తన పౌరుల్ని చైతన్యవంతుల్ని చేస్తోంది.

అనుమానంతో భార్యను వేధించాడు. విభేదాలు వచ్చి ఆమెతో విడిపోయాడు. అయినా అతనిలోని శాడిజం చల్లారలేదు. భార్య ఫొటోలను అశ్లీల వెబ్‌సైట్‌లలోకి పోస్ట్‌ చేశాడు. ఆమె పేరుతో చాటింగ్‌ చేశాడు. చివరకు పోలీసులకు చిక్కాడు. సాక్షి, సిటీబ్యూరో: వృత్తిరీత్యా బ్యాంక్‌ మేనేజర్‌ అయినప్పటికీ శాడిస్ట్‌గా మారి బరితెగించాడు. భార్యను వేధించాలనే ఉద్దేశంతో ఆమె ఫొటోలను అశ్లీల వెబ్‌సైట్లలో పోస్ట్‌ చేయడంతో పాటు ఆమె మాదిరిగానే చాటింగ్స్‌ చేయడం మొదలెట్టాడు. దీనిపై ఫిర్యాదు అందుకున్న సిటీ సైబర్‌ క్రైమ్‌ పోలీసుల కేసు నమోదు చేసుకుని దర్యాప్తు చేశారు. సాంకేతిక ఆధారాలను బట్టి నిందితుడిని బుధవారం శ్రీకాకుళంలో అదుపులోకి తీసుకున్నట్లు సమాచారం. శ్రీకాకుళం జిల్లా అరసవెల్లిలోని ఓ గ్రామీణ బ్యాంకులో ఓ వ్యక్తి మేనేజర్‌గా పనిచేస్తున్నాడు. అతడి భార్య కూడా కొన్నాళ్లపాటు అక్కడే మరో బ్యాంకులో పని చేసి, ఇటీవలే హైదరాబాద్‌కు బదిలీ అయ్యారు. భార్యపై అనుమానం పెంచుకున్న అతను ఆమెను వేధిస్తుండటంతో ఇద్దరి మధ్యా విభేదాలు పెరిగాయి. ఈ నేపథ్యంలో అదును చూసుకుని ఆమె సెల్‌ఫోన్‌ తీసుకుని అందులో ఉన్న ఆమె ఈ–మెయిల్‌ ఐడీ సంగ్రహించాడు. దీనిని వినియోగించి కొన్ని అశ్లీల వెబ్‌సైట్లలో ఖాతాలు తెరిచి అందులో తన భార్య ఫొటోలు పోస్ట్‌ చేశాడు. అంతటితో ఆగకుండా ఆమె పేరుతో ఉన్న అకౌంట్‌ నుంచి ఆమె మాదిరిగానే చాటింగ్స్‌ చేస్తున్నాడు. ఈ పంథాలో ఆమెకు పరిచయం ఉన్న వారికి మేసేజ్‌లు పంపిస్తూ... ఆమెను తీవ్ర మానసిక వేదనకు గురి చేశాడు. తన పేరుతో ఎవరో ఈ పని చేశారని భావించిన బాధితురాలు సిటీ సైబర్‌ క్రైమ్‌ పోలీసులకు ఫిర్యాదు చేయడంతో కేసు నమోదైంది. దర్యాప్తు చేపట్టిన పోలీసులు సాంకేతిక ఆధారాలను బట్టి భర్తే నిందితుడిగా గుర్తించి అరసవెల్లిలో అదుపులోకి తీసుకున్నారు. ఈ శాడిస్ట్‌ మొగుడిని నగరానికి తరలించనున్నారు.  


 న్యూఢిల్లీ: గత కొద్ది రోజులుగా అశ్లీల వెబ్సైట్లపై పంజా విసిరిన కేంద్ర ప్రభుత్వం తన ఆలోచనలో మార్పు చేసుకుంటున్నట్లు తెలుస్తోంది. ఇప్పటి వరకు మొత్తం 857 అశ్లీల వెబ్ సైట్లపై నిషేధం విధించిన కేంద్రం వీటిలో కొన్ని సైట్లపై నిషేధం ఎత్తివేయాలనుకుంటోంది. అయితే, బాలలకు సంబంధించిన అశ్లీల వెబ్సైట్లపై నిషేధం మాత్రం కొనసాగించాలని భావిస్తోంది.
 
 ప్రభుత్వం అశ్లీల వెబ్సైట్లపై నిషేధం విధించాలని నిర్ణయించినప్పటి నుంచి భిన్నవాదనలు తలెత్తాయి. వాటిని తిరిగి కొనసాగించాలని కొందరు.. కేంద్ర ప్రభుత్వం మంచి చేసిందని మరికొందరు అభిప్రాయాలు వెలువరించారు. ప్రజాస్వామ్య దేశంలో ఇలాంటి చర్య ప్రశ్నాత్తకమవుతుందని కూడా విమర్శించారు. ముఖ్యంగా సామాజిక అనుసంధాన వేడుకల్లో కేంద్రం ప్రభుత్వ తీరును చాలామంది వ్యతిరేకించారు. ఈ నేపథ్యంలో మరోసారి తమ నిర్ణయాన్ని పునఃపరిశీలన చేసుకునే ఆలోచనలో కేంద్రం పడింది.