ముంబై: కామెడీ కింగ్ కపిల్ శర్మ ఇక తన షోకు బాలీవుడ్ తారలను ఆహ్వానించాల్సిన అవసరం రాదేమో. బంధువులను స్వాగతిస్తే సరిపోయేట్టు ఉంది. ఎందుకంటే బాలీవుడ్ లో సగం మంది స్టార్స్ కపిల్ బంధువులే. ఇదంతా నిజమనుకుంటున్నారా? ఉత్తిదే. తమ సినిమాల ప్రమోషన్ కోసం తన షోకు వస్తున్న తారలను ఆట, పాటలతో వదిలి పెట్టకుండా సరదాగా బంధుత్వం కూడా కలిపేస్తున్నాడు కపిల్.
 
 ఇటీవల హీరోయిన్ జాక్వెలెస్ ఫెర్నాండెజ్ ను సెట్లోలోనే పెళ్లాడేసి తన కల నెరవేరిందని సంబరపడిన కపిల్.. ఇప్పుడు సోదరిని ఎంచుకున్నాడు. హీరోయిన్ సొనాక్షి సిన్హాతో రాఖీ కట్టించుకుని సోదరుడిగా మురిసిపోయాడు. తన తాజా సినిమా 'అకిరా' సినిమా ప్రమోషన్ కోసం కపిల్ షోకు వచ్చిన సొనాక్షి సెట్లో సందడి చేసింది. పనిలో పనిగా తన సినిమా విశేషాలను ఏకరువు పెట్టింది. మురుగదాస్ దర్శకత్వం వహించి నిర్మించిన 'అకిరా' సినిమా సెప్టెంబర్ మొదటి వారంలో విడుదలకానుంది.


 కిటకిటలాడే ముంబై వీధులు... చుట్టూ భారీ జనసందోహం... బాలీవుడ్ బొద్దుగుమ్మ సోనాక్షి సిన్హా ధర్నా చేస్తూ కనిపించింది! పైన భానుడు భగభగమంటుంటే... ఓ పక్కన టియర్ గ్యాస్ కమ్ముకొస్తుంటే... జంకు, బెరుకు లేకుండా రోడ్డు మధ్యలో నిలబడి నినాదాలతో అదరగొట్టింది! స్టార్ స్టేటస్... లగ్జరీ లైఫ్... అమ్మడికి రోడ్డెక్కాల్సినంత అవసరం ఏమొచ్చిందనేగా! కూల్..! రియల్‌గా కనిపించినా... ఇదంతా ‘రీల్’ లైఫ్ సన్నివేశం.ప్రస్తుతం ఈ సుందరాంగి చేస్తున్న ‘అకీరా’ సినిమా కోసం ఇంతలా కష్టపడిందనేది ఓ ఆంగ్ల పత్రిక కథనం.
 
  ఏఆర్ మురుగదాస్ దర్శకత్వం వహిస్తున్న ఈ పిక్చర్ కోసం సోను మార్షల్ ఆర్ట్స్ కూడా ప్రాక్టీస్ చేసిందని సమాచారం. ఆమె రియల్ ఫాదర్ శత్రుఘన్ సిన్హా ఇందులోనూ అదే రోల్ ప్లే చేస్తున్నాడు.


 అందం, అభినయమేకాదు.. అదరగొట్టే ఫైట్లు, ఒళ్లు గగుర్పొడిచే ఫీట్లతోనూ ప్రేక్షకుల హృదయాల్ని కొల్లగొడతానంటోంది బాలీవుడ్ భామ సోనాక్షి సిన్హా! హిందీ సినిమా 'అకీరా' లో సోనాక్షి కోసమే ప్రత్యేకంగా ఓ భారీ యాక్షన్ సీక్వెన్స్ను ప్లాన్ చేశాడట దర్శకుడు ఏఆర్ మురుగదాస్.
 
 దానికోసం ఫిట్ నెస్ ట్రైనర్లదగ్గర ప్రత్యేక శిక్షణ తీసుకున్నానని, గంటలతరబడి ఒళ్లుహూనమయ్యేలా కష్టపడ్డానని, ఇటీవలే ఆ సీక్వెన్స్ చిత్రీకరణ పూర్తికావడంతో అలసట ఆవహించిందని సోనాక్షి ఆదివారం ట్విట్టర్లో పోస్ట్ చేసింది. బాలీవుడ్ ఖిలాడీ అక్షయ్ కుమార్  అకీరాలో హీరో. సోనాక్షి, ఆమె తండ్రి శత్రుఘ్నసిన్హా కలిసి నటిస్తోన్న తొలి చిత్రం కూడా ఇదే కావడం మరో విశేషం.