ముంబై: ధనత్రయోదశి పర్వదినం సందర్భంగా మంగళవారం దేశవ్యాప్తంగా బంగారం ఆభరణాల కొనుగోళ్లు పెరిగాయి. కరోనా కారణంగా గతేడాది డిమాండ్‌ తగ్గగా.. ఈ ఏడాది పరిస్థితుల్లో స్పష్టమైన మార్పు కనిపించింది. కొనుగోళ్లకు వచ్చే వారి సంఖ్య ఎక్కువగా ఉందని.. గతేడాదితో పోలిస్తే 40 శాతం పెరిగినట్టు పరిశ్రమ వర్గాలు చెప్పాయి. ఆన్‌లైన్‌ విక్రయాలు కూడా ఊపందుకున్నాయి.   15 టన్నుల ఆభరణాలు..   జ్యుయలరీ పరిశ్రమ కరోనా మహమ్మారి నుంచి కోలుకుందని అఖిలభారత ట్రేడర్ల సమాఖ్య (సీఏఐటీ) పేర్కొంది. ‘‘దేశవ్యాప్తంగా రూ.7,500 కోట్ల విలువ మేర సుమారు 15 టన్నుల బంగారం ఆభరణాలు విక్రయాలు ధనత్రయోదశి రోజున నమోదయ్యాయి’’ అని తెలిపింది. గత డిమాండ్‌ తోడవ్వడం, ధరలు అనుకూలంగా ఉండడం, లాక్‌డౌన్‌ ఆంక్షలు సడలిపోవడం డిమాండ్‌కు మద్దతునిస్తాయని ప్రపంచ స్వర్ణ మండలి (డబ్ల్యూజీసీ) సీఈవో సోమసుందరం పీఆర్‌ పేర్కొన్నారు. ప్రస్తుత త్రైమాసికం ఇటీవలి సంవత్సరాల్లోనే బంగారానికి అత్యంత మెరుగ్గా ఉంటుందని అంచనా వేస్తున్నట్టు చెప్పారు. ఈ ఏడాది ధనత్రయోదశి సందర్భంగా బంగారానికి డిమాండ్‌ గతేడాదితో పోలిస్తే మెరుగ్గా ఉందని పీసీ జ్యుయలర్స్‌ ఎండీ బలరామ్‌గార్గ్‌ సైతం తెలిపారు. గతేడాదితో పోలిస్తే డిమాండ్‌ రెట్టింపైనట్టు ఆగ్మంట్‌ గోల్డ్‌ ఫర్‌ ఆల్‌ డైరెక్టర్‌ సచిన్‌ కొథారి పేర్కొన్నారు.   20–30 టన్నుల మేర.. ‘‘బంగారం ధరలు 2019తో పోలిస్తే పెరిగినప్పటికీ.. కరోనా ముందు నాటి స్థాయికి విక్రయాలు చేరుకుంటాయని అంచనా వేస్తున్నాము’’అని అఖిల భారత జెమ్‌ అండ్‌ జ్యుయలరీ డొమెస్టిక్‌ కౌన్సిల్‌ చైర్మన్‌ ఆవిష్‌ పెథే తెలిపారు. ఏటా ధనత్రయోదశి నాడు దేశవ్యాప్తంగా 20–30 టన్నుల బంగారం అమ్ముడుపోతోందని.. ఈ ఏడాది విక్రయాలు కొంచెం అధికంగానే ఉంటాయని పరిపరిశ్రమ వరా>్గలు వెల్లడించాయి. బంగారం ధరలు తులం రూ.57,000 స్థాయి వరకు వెళ్లి దిగి రావడం కూడా డిమాండ్‌కు కలిసొచ్చింది. ఢిల్లీలో బంగారం 10 గ్రాముల ధర రూ.47,644 (పన్నులు కాకుండా) పలికింది. అయితే 2020 ధనత్రయోదశి రోజున ఉన్న ధర రూ.39,240తో పోలిస్తే కాస్త పెరగడం గమనార్హం. బుధవారం ఉదయం వరకు త్రయోదశి తిథి ఉన్నందున ఆ రోజు కూడా బంగారం కొనుగోళ్లు కొనసాగనున్నాయి. హాల్‌మార్క్‌ ఉన్న ఆభరణాలే కొనండి హాల్‌మార్క్‌ కలిగిన ఆభరణాలను మాత్రమే కొనుగోలు చేయాలని ప్రభుత్వం సూచించింది. బ్యూరో ఆఫ్‌ ఇండియన్‌ స్టాండర్డ్స్‌ (బీఐఎస్‌) వద్ద నమోదైన వర్తకులకు చెందిన దుకాణాల్లో మాత్రమే హాల్‌మార్క్‌ ఆభరణాలను, కళాఖండాలను కొనుగోలు చేయాల్సిందిగా వినియోగదార్ల వ్యవహారాల శాఖ స్పష్టం చేసింది. ‘బిల్లు/ఇన్వాయిస్‌ తప్పనిసరిగా తీసుకోవాలి. హాల్‌మార్క్‌ ఆభరణాల విక్రయ బిల్లు, ఇన్వాయిస్‌లో.. ప్రతి ఆభరణం తాలూకు ప్రత్యేక వివరణ, విలువైన లోహం నికర బరువు, క్యారెట్‌లో స్వచ్ఛత, హాల్‌మార్కింగ్‌ రుసుమును సూచిస్తుంది’ అని వివరించింది. దేశవ్యాప్తంగా 256 జిల్లాల్లో 2021 జూన్‌ 23 నుంచి 14, 18, 22 క్యారట్ల ఆభరణాలకు హాల్‌మార్కింగ్‌ను ప్రభుత్వం తప్పనిసరి చేసింది. 


  సాక్షి, న్యూఢిల్లీ: యువఓటర్ల ప్రాధాన్యాన్ని రాజకీయ పార్టీలే కాదు, ప్రచార సామగ్రి విక్రేతలూ గుర్తించారు. ఎన్నికల ప్రచార సామగ్రి విక్రయించే దుకాణ ల్లో యువ ఓటర్లను ఆకట్టుకునే పలు వస్తువులు కనిపిస్తున్నాయి. యువతీయువకులు ఎక్కువగా ఉపయోగించే నెక్ బ్యాండ్, చీర్ స్టిక్, కార్ పెర్‌ఫ్యూమర్ వంటి సామగ్రి ఇప్పుడు రాజకీయ పార్టీల నేత చిత్రాలు, పార్టీల గుర్తులతో లభిస్తున్నాయి. ఎన్నికల ప్రచార సామగ్రిలో యువతను ఆకట్టుకునే వస్తువులకు ప్రాధాన్యం ఇస్తున్నట్లు ఆల్ ఇండియా ఎలక్షన్ మెటీరియల్ ట్రేడర్స్ అసోసియేషన్ అధ్యక్షుడు అనిల్ కుమార్ చెప్పారు.  ఈ ఎన్నికలు నిజంగా యువతరం ఎన్నికలని ఆయన అభిప్రాయపడ్డారు.
 
 
 ఇదివరకు జెండాలు, పోస్టర్లు, బ్యానర్లు మాత్రమే కొనే రాజకీయ పార్టీలు.. కొంతకాలంగా టీషర్టులు, మాస్కుల వంటివాటిని కూడా కొనడం ప్రాంభించాయన్నారు. ఇప్పుడు యువతరాన్ని ఆకట్టుకునే హైటెక్ ప్రచార సామగ్రికి కూడా ఆర్డర్లు ఇస్తున్నాయని ఆయన చెప్పారు. ముఖ్యంగా బీజేపీ కార్యకర్తలు ఈ సామగ్రిని ఎక్కువగా ఇష్టపడుతున్నారని తెలిపారు. మొబైల్ డైరీలు, ఎల్‌ఈడీ బ్యాడ్జ్‌లు, రిస్ట్‌బ్యాండ్ కమ్ పెన్‌డ్రైవ్‌లు నెక్ బ్యాండ్, సిలి కాన్ బ్యాండ్, సోలార్ కౌటౌట్లు, త్రీడీ విసనకర్రలు, త్రీడీ పాకెట్ కేలండర్ల వంటి ప్రచార సామగ్రిని రాజకీయ పార్టీలు యువ ఓటర్ల కోసం కొంటున్నాయని ఆయన చెప్పారు. సోలార్ కటౌట్లు రోజంతా సౌరశక్తిని గ్రహించి రాత్రిపూట వెలుగులు విరజిమ్ముతాయని ఆయన చెప్పారు. ఎన్నికల కమిషన్ ఎన్నికల వ్యయంపై విధించిన ఆంక్షల కారణంగా తమ సామగ్రి ఎక్కువగా అమ్ముడుపోవడం లేదని దుకాణదారులు అంటున్నారు.
 
 
  మహిళా ఓటర్లను దృష్టిలో పెట్టుకుని కూడా ప్రచార సామగ్రిని తయారు చేసినట్లు అనిల్ కుమార్ తెలిపారు.  నేతల చిత్రాలు, రాజకీయ పార్టీల చిహ్నాలతో కూడిన సౌందర్య సాధనాలను మహిళా ఓటర్లను ఆకట్టుకోవడానికి తయారు చేశామన్నారు. బిందీలు, హెయిర్ క్లిప్పులు, గొలుసులు, కడియాల వంటి వాటినీ అమ్ముతున్నామని అనిల్ వివరించారు. సదర్‌బజార్‌లో లభించే ఎన్నికల ప్రచార సామగ్రిని నగరంలోని పార్టీలతోపాటు పొరుగున ఉన్న ఉత్తరప్రదేశ్, హర్యానా, రాజస్థాన్, బీహార్‌కు చెందిన రాజకీయ పార్టీల నాయకులు కూడా తీసుకెళ్తుంటారని దుకాణదారులు తెలిపారు.
 
 దేశంలోని ఇతర ప్రాంతాలకు, ముఖ్యంగా ఈశాన్య రాష్ట్రాలకు కూడా తాము ప్రచార సామగ్రిని ఆర్డరుపై అందజేస్తుంటామని చెప్పారు. కాగా ఈ ఎన్నికల్లో యువఓటర్ల ప్రభావం ఎక్కువగా ఉండ నుందని పలు సర్వేలు ఇప్పటికే ప్రకటించాయి.