శ్రీరాజ్ బళ్లా నటిస్తూ దర్శకత్వం వహించిన చిత్రం ‘అనగనగా’. ‘అలా జరిగింది’ అనేది ఉపశీర్షిక. ఎన్వీఎస్ అచ్యుత్, వెంకట్‌రాజ్ గూడూరి, శ్రీరాజ్ బళ్లా నిర్మాతలు. రవిబాబు, సాయిరాజ్, ప్రశాంతి, శ్రావణి ముఖ్య పాత్రధారులు. రవివర్మ బళ్ల స్వరాలందించిన ఈ చిత్రం పాటల ప్లాటినమ్ డిస్క్ వేడుక హైదరాబాద్‌లో జరిగింది. అతిథులుగా విచ్చేసిన రేలంగి నరసింహారావు, ఆర్పీ పట్నాయక్, కొడాలి వెంకటేశ్వరరావు, అశోక్‌కుమార్‌లు యూనిట్‌కి శుభాకాంక్షలు అందించి, జ్ఞాపికలు అందజేశారు. సస్పెన్స్ థ్రిల్లర్‌గా తెరకెక్కిన ఈ చిత్రం ప్రేక్షకులను అలరిస్తుందని శ్రీరాజ్ నమ్మకం వ్యక్తం చేశారు.