ముంబై: సినీ నటులు విషాదాంతాలు కొనసాగుతున్నాయి. 29 ఏళ్ల యువనటి అంజనీ శ్రీవాస్తవ సోమవారం అనుమానాస్పద స్థితిలో మృతిచెందింది. ముంబై పశ్చిమ అంధేరిలోని తన నివాసంలో ఆమె సీలింగ్‌ ఫ్యాన్‌కు ఉరి వేసుకొని కనిపించింది. ఆమె ఆత్మహత్యకు కారణాలు ఇంకా తెలియరాలేదు. పోలీసులు ఈ కేసును విచారిస్తున్నారు.
 అంజనీ శ్రీవాస్తవ పలు భోజ్‌పూరి సినిమాల్లో నటించింది. గత కొన్నాళ్లుగా ముంబైలో అద్దె ఇంట్లో ఉంటున్న ఆమె ఆదివారం నుంచి ఫోన్‌ ఎత్తకపోవడంతో ఆందోళన చెందిన కుటుంబసభ్యులు ఆమె అద్దెకు ఉంటున్న ఇంటి యాజమానిని కాల్‌ చేశారు. దీంతో అనుమానం వచ్చిన ఇంటి యాజమాని డుప్లికేట్‌ తాళంచెవితో ఆమె ఇంటిని తెరిచిచూడగా ఆమె విగతజీవిగా కనిపించింది. వెంటనే ఆయన పోలీసులకు సమాచారం ఇచ్చారు. అంజనీ ఎందుకు ఆత్మహత్య చేసుకున్నదీ ఇంకా తెలియరాలేదు. ఆమె ఎలాంటి సూసైడ్‌ నోట్‌ రాయలేదని తెలుస్తోంది.


 ముంబై మహానగరం పశ్చిమ అంథేరిలోని లోటస్ బిజినెస్ పార్క్ బహుళ అంతస్తుల భవనంలో భారీ అగ్నిప్రమాదం సంభవించింది. 22 అంతస్తుల గల భవనంలోని 21వ అంతస్తు నుంచి మంటలు ఎగిసిపడుతున్నాయి. దాంతో అగ్నికీలకు భారీగా ఎగసిపడుతున్నాయి. అగ్నిప్రమాదంపై  సమాచారం అందుకుని 12 అగ్నిమాపక శకటాలతో సహా సిబ్బంది అక్కడికి చేరుకుని మంటలార్పుతున్నారు. అయితే మున్సిపల్ ఉన్నతాధికారులు, పోలీసు ఉన్నతాధికారులు అక్కడికి చేరుకుని పరిస్థితిని సమీక్షిస్తున్నారు.