ప్రముఖ తైవానీస్ కంప్యూటర్ హార్డ్ వేర్, కన్స్యూమర్ ఎలక్ట్రానిక్స్ కంపెనీ ఆసుస్‌ 2022 సీఈఎస్ టెక్ షోలో ప్రపంచంలోనే మొట్టమొదటి 17 అంగుళాల ఫోల్డబుల్ ఓఎల్ఈడీ ల్యాప్‌టాప్‌ని ఆవిష్కరించింది. ఈ ల్యాప్‌టాప్‌ 2022 మధ్యలో కొనుగోలుకు అమ్మకానికి రానుంది. ప్రపంచంలోనే మొట్టమొదటి 17.3 అంగుళాల ఫోల్డబుల్ ఓఎల్ఈడీ ల్యాప్‌టాప్‌గా పేర్కొన్న జెన్ బుక్ 17 ఫోల్డ్ ఓఎల్ఈడీ ల్యాప్‌టాప్‌లో రెండు సైజుల ఓఎల్ఈడీ డిస్ ప్లేను కలిగి ఉంది. 1920 ఎక్స్ 1280పీ రిజల్యూషన్ గల ఈ ల్యాప్‌టాప్‌ డిస్ ప్లేను ఇంటెల్, బోటెక్నాలజీ గ్రూప్ భాగస్వామ్యంతో ఆసుస్ సహ-అభివృద్ధి చేసింది.  ఇందులో ఉన్న ఆర్టిఫీషియల్ హెచ్డీఐఆర్ కెమెరా యూజర్ ఉనికిని గుర్తిస్తుంది. వెలుతురు బట్టి స్వయంచాలకంగా సర్దుబాటు చేసుకునే ఇంటిగ్రేటెడ్ కలర్ సెన్సార్ ఉంది. స్పష్టమైన వీడియో కాల్స్ కోసం ఆసుస్ 3డీ నాయిస్ రిడక్షన్(3డిఎన్ఆర్) టెక్నాలజీ గల 5 మెగా పిక్సల్ వెబ్ క్యామ్ ఇందులో ఉంటుంది. ఇది 12వ జనరేషన్ ఇంటెల్ కోర్ ఐ7 యు-సిరీస్ ప్రాసెసర్లు, ఇంటెల్ ఐరిస్ ఎక్స్ గ్రాఫిక్స్, 16 జీబీ ర్యామ్, 1 టీబీ ఎస్‌ఎస్‌డితో వస్తుంది.  దీర్ఘకాలిక బ్యాటరీ కోసం 75 డబ్ల్యుహెచ్ బ్యాటరీ ఉంది. ఇది ఫాస్ట్ ఛార్జింగ్ టెక్నాలజీకి సపోర్ట్ చేస్తుంది. అంతరిక్షంలోకి పంపిన మొదటి ఆసుస్ ల్యాప్ టాప్ 25వ వార్షికోత్సవాన్ని పురస్కరించుకుని ఆసుస్ ప్రత్యేక జెన్ బుక్ 14ఎక్స్ ఓఎల్ఈడీ స్పేస్ ఎడిషన్ (UX5401ZAS)ను కూడా ప్రకటించింది.  (చదవండి: ఆన్‌లైన్‌ కిరాణా బిజినెస్‌పై రిలయన్స్‌ భారీ డీల్‌..! ఏకంగా...!)

ఖరీదైన ల్యాప్‌ట్యాప్‌ లను చాలా జాగ్రత్తగా వినియోగించుకోవాలి. ఏమాత్రం ఏమరుపాటుగా ఉన్నా అవి పగిలే పోయే అవకాశం ఉంది. కానీ తాజాగా మార్కెట్‌లో విడుదలైన ఆసుస్‌ బాహుబలి ల్యాప్‌ ట్యాప్‌ మాత్రం కింద పడినా పగలదు.ఇందుకోసం ప్రత్యేకమైన ఎక్విప్‌ మెంట్‌ను యాడ్‌ చేసినట్లు ఆసుస్‌ ప్రతినిధులు తెలిపారు.  తైవాన్‌ ఎల్రక్టానిక్స్‌ దిగ్గజం ఆసుస్‌ తన ప్రాడక్ట్‌ల విడుదలతో ఇండియన్‌ మార్కెట్‌లో సందడి చేస్తోంది. ఈ ఏడాది జులై నెలలో ఆసుస్‌ క్రోమ్‌​బుక్‌ ల్యాప్‌టాప్‌ క్రోమ్‌​బుక్‌ ఫ్లిప్ సీ214, క్రోమ్‌​బుక్‌ సీ423, క్రోమ్‌​బుక్‌ సీ523, క్రోమ్‌బుక్‌ సీ223 విడుదలతో హాట్‌ టాపిగ్గా మారింది. అయితే తాజాగా కింద పడినా డ్యామేజీ అవ్వకుండా ఉండేలా క్రోమ్​బుక్​ డిటాచబుల్​ సీజెడ్​1 (Asus Chromebook Detachable CZ1)ను విడుదల చేసింది.    ఆసుస్​ క్రోమ్​బుక్​ డిటాచబుల్​ సీజెడ్​1 స్పెసిఫికేషన్స్‌  500 గ్రాముల బురువు ఉండే ఆసుస్​ క్రోమ్​బుక్​ డిటాచబుల్​ సీజెడ్​1.. ఇంట్లో వినియోగించే డెస్క్‌, లేదంటే డైనింగ్‌ టేబుల్‌ పై నుంచి కింద పడినా పగలదు. పైగా కింద పడినా ప్రొటెక్ట్‌ చేసేలా నాలుగు వైపుల రబ్బర్‌ ట్రిమ్‌తో వస్తుందని ఆసుస్‌ ప్రతినిధులు తెలిపారు. వీటితో పాటు ​గూగుల్​ అస్టిస్టెంట్​ వాయిస్ రికగ్నయిజేషన్ తో  వినియోగదారుల్ని అలసరిస్తుండగా..1920x1200 పిక్సెల్స్,​10.1 ఫుల్​ హెచ్​డీ, ఎల్​సీడీ డబ్ల్యూయూఎక్స్​జీఏ టచ్​స్క్రీన్ డిస్​ప్లే, 16:10 యాస్పెక్ట్ రేషియో,100 శాతం ఎస్​ఆర్​జీబీ, 400 నిట్స్​ పీక్​ బ్రైట్​నెస్ పాటు క్రోమ్ ఓఎస్​తో వస్తోంది.    మీడియాటెక్ కంపానియో 500 (ఎంటీ8183) ప్రాసెసర్, ఆర్మ్​ మాలి-జీ72 ఎంపీ3 జీపీయూ చిప్​సెట్ తో వస్తుండగా 4జీబీ ర్యామ్​, 128 జీబీ ఈఎంఎంసీ స్టోరేజీ చేసుకోవచ్చు. యూఎస్​బీ టైప్​-సీ పోర్టు, 3.5ఎంఎం జాక్​, 1.5ఎంఎం కీట్రావెల్ కీబోర్డు ​తో పాటు టైపింగ్​కు అనువుగా ఉండేలా ఎర్గో లిఫ్ట్​ డిజైన్​తో ఆకర్షిస్తుంది. 8 మెగాపిక్సెళ్ల రేర్​ కెమెరా , 2 మెగాపిక్సెల్​ ఫ్రంట్ కెమెరా, 15 సెకన్ల పాటు చార్జింగ్ చేస్తే 45 నిమిషాల పాటు వినియోగించుకోవచ్చు. 27డబ్ల్యూహెచ్​ఆర్ బ్యాటరీతో వస్తున్నఈ క్రోమ్​బుక్​ను 11 గంటల వరకు నిర్విరామంగా వినియోగించుకునేలా బ్యాటరీ సదుపాయం ఉన్నట్లు ఆసుస్‌ తెలిపింది. ఆసుస్​ క్రోమ్​బుక్ డిటాచబుల్​ అడ్జెస్ట్‌ మెంట్‌ కోసం స్టాండ్​ తో వస్తుండగా..ఈ మోడల్ ధర ఎంతో తెలియాల్సి ఉంది.  చదవండి : ఆపిల్‌ లాంచ్ చేయబోయే కొత్త ప్రాడక్ట్స్ ఇవే?!


 న్యూఢిల్లీ: ఆసుస్ కంపెనీ కొత్తగా కాంపాక్ట్ కంప్యూటింగ్ డివైస్, ఆసుస్ ఈబుక్ ఎక్స్205ను మార్కెట్లోకి తెచ్చింది. ఈ డివైస్ ధర రూ.14,999 అని ఆసుస్ ఇండియా కంట్రీ మేనేజర్(సిస్టమ్ బిజినెస్ గ్రూప్) పీటర్ చంగ్ చెప్పారు. కేజీ కంటే తక్కువ బరువుండే దీనిని  విద్యార్ధులు, యువ ప్రొఫెషనల్స్ కోసం రూపొందించామని వివరించారు. విండోస్ 8.1 ఆపరేటింగ్ సిస్టమ్‌పై పనిచేసే ఈ డివైస్‌లో 11.6 అంగుళాల డిస్‌ప్లే, ఇంటెల్ ఆటమ్ క్వాడ్‌కోర్ ప్రాసెసర్, 2జీబీ ర్యామ్, 32 జీబీ ఆన్‌బోర్డ్ మెమరీ, 128 జీబీ ఎక్స్‌పాండబుల్ మెమరీ, 500 జీబీ క్లౌడ్ స్టోరేజ్ స్పేస్, వీజీఏ కెమెరా వంటి ఫీచర్లున్నాయని పేర్కొన్నారు.
 
 ఫ్లిప్‌కార్ట్ ద్వారా దీనిని విక్రయిస్తామని,  తర్వాత ఆసుస్ ఎక్స్‌క్లూజివ్ స్టోర్స్‌లో అందుబాటులోకి తెస్తామని వివరించారు, ఆకర్షణీయమైన ఫీచర్లున్న నెట్‌బుక్స్‌కు భారత మార్కెట్లో డిమాండ్ ఉండగలదని వివరించారు. రానున్న నెలల్లో మరిన్ని నెట్‌బుక్స్‌ను మార్కెట్లోకి తెస్తామని, ఈ ఏడాది 50 వేల నెట్‌బుక్‌లు అమ్మడం లక్ష్యమని తెలిపారు.