దర్శకధీరుడు రాజమౌళి తెరకెక్కించిన అద్భుత చిత్రకావ్యం బాహుబలి. తెలుగు చిత్ర పరిశ్రమను ప్రపంచదేశాలకు పరిచయం చేసి, బాక్సాఫీస్‌ వద్ద భారీ వసూళ్ల వర్షం కురిపించింది ఈ సినిమా. యంగ్‌ రెబల్‌స్టార్‌ ప్రభాస్‌ హీరోగా, పవర్‌ఫుల్‌ విలన్‌గా రానా నటించారు. బాహుబలి‌, భల్లాలదేవ పాత్రల్లో ఇద్దరూ నువ్వా-నేనా అన్నట్లు పోటీపడి నటించారు. ఈ సినిమాతో ప్రభాస్‌ జాతీయ స్థాయిలో గుర్తింపు తెచ్చుకున్నారు. ‘బాహుబలి-2 ది కన్‌క్లూజన్’‌ సినిమా ప్రేక్షకుల ముందుకు వచ్చి ఈ రోజుతో(మంగళవారం) సరిగ్గా మూడేళ్లు పూర్తి అవుతోంది. ఈ నేపథ్యంలో యంగ్‌ రెబల్‌ స్టార్‌ ప్రభాస్‌ బాహుబలి చిత్ర బృందానికి, అభిమానులకు కృతజ్ఞతలు తెలిపారు. తన జీవితంలో అతిపెద్ద సినిమా అని, ఎప్పటికీ గుర్తిండేపోయే మధుర జ్ఞాపకమని  సోషల్‌ మీడియాలో పోస్ట్‌ చేశారు. ('ప్రభాస్‌ను నేను పెళ్లి చేసుకోవడం లేదు') ‘బాహుబలి-2 కేవలం సినిమా మాత్రమే కాదు. జాతీయ స్థాయిలో పేరు ప్రఖ్యాతలు పొందిన చిత్రం. నా జీవితంలో అతిపెద్ద సినిమా. నా అభిమానులకు బాహుబలి చిత్ర యూనటి్‌కు, అద్భుత చిత్రంగా తీర్చిదిద్దిన రాజమౌళికి రుణపడి ఉంటాను. బాహుబలి-2 పూర్తి అయి మూడు సంవత్సరాలు పూర్తి అవుతోంది. ఇంతటి గొప్ప చిత్రంలో నటించడం అదృష్టంగా భావిస్తున్నా.. మీ అందరి ప్రేమలకు కృతజ్ఞుడిని’. అంటూ షూటింగ్‌ సమయంలో రానా, రాజమౌళితో కలిసి ఉన్న ఓ స్టిల్‌ను ఇన్‌స్టాగ్రామ్‌లో షేర్‌ చేశారు. కాగా బాహుబలి మొదటి భాగం 2015లో విడుదలవ్వగా.. రెండో భాగం 2017 ఏప్రిల్‌ 28న ప్రేక్షకుల ముందుకు వచ్చింది. (ఇటలీ పార్ట్‌.. హైదరాబాద్‌లోనే!) View this post on Instagram Baahubali 2 was not just a film that the nation loved but also, the biggest film of my life. And, I’m grateful to my fans, team and director S. S Rajamouli who made it one of the most memorable projects. Baahubali 2 completes three years and I’m delighted for all the love the film and I have received. @ssrajamouli @shobuy_ @ranadaggubati #AnushkaShetty @tamannaahspeaks @meramyakrishnan #Sathyaraj #Nassar @arkamediaworks_official @baahubalimovie @karanjohar @dharmamovies #AnilThadani #AAFilms #Baahubali2 A post shared by Prabhas (@actorprabhas) on Apr 27, 2020 at 11:30pm PDT


 ప్రస్తుతం తెలుగు సినిమా అభిమానులతో పాటు జాతీయ స్థాయిలో హైప్ క్రియేట్ చేస్తున్న సౌత్ సినిమా బాహుబలి. ఇప్పటికే తొలి భాగం ఘనవిజయం సాధించటంతో రెండో భాగం కోసం అభిమానులతో పాటు సినీ వర్గాలు కూడా ఎదురుచూస్తున్నారు. యూనిట్ సభ్యులు, తొలి భాగాన్ని మించిన ఎన్నో అద్భుతాలు రెండో భాగంలో ఉంటాయంటూ ప్రచారం చేస్తుండటం సినిమా మీద అంచనాలను మరింత పెంచేస్తోంది. ఈ క్రేజ్ను క్యాష్ చేసుకునేందుకు ప్లాన్ చేస్తున్నాడు హీరో ప్రభాస్.
 
 దాదాపు నాలుగేళ్లుగా బాహుబలికే అంకితం అయిపోయిన ప్రభాస్, ప్రస్తుతం సుజిత్ దర్శకత్వంలో మరో సినిమాను ప్రారంభించే పనిలో ఉన్నాడు. 150 కోట్ల భారీ బడ్జెట్తో అంతర్జాతీయ స్ధాయిలో తెరకెక్కుతున్న ఈ సినిమాను మేలో ప్రారంభించేందుకు రెడీ అవుతున్నారు. అయితే ఈ లోగా సినిమా మీద అంచనాలు పెంచేందుకు బాహుబలి సినిమాను వాడుకోవాలని నిర్ణయించుకున్నారు. అందుకే మార్చిలో కొత్త సినిమాకు సంబంధించిన టీజర్ను షూట్ చేసి.. ఆ టీజర్ను బాహుబలి 2తో పాటు రిలీజ్ చేసేందుకు  ప్లాన్ చేశారు.
 
 మార్చి నెలలోనే ఈ షూటింగ్ను ముగించేసి బాహుబలి రిలీజ్ వరకు టీజర్ను రెడీ చేసేందుకు యూనిట్ రెడీ అవుతోంది. టీజర్ కోసమే భారీ బడ్జెట్ను కేటాయించారట. ఈ న్యూస్తో ప్రభాస్ అభిమానులు తెగ సంబరపడిపోతున్నారు. దాదాపు నాలుగేళ్లుగా ప్రభాస్ బాహుబలిగానే చూస్తున్న ఫ్యాన్స్కు డబుల్ ట్రీట్ ప్లాన్ చేశాడు డార్లింగ్. బాహుబలి లుక్తో పాటు స్టైలిష్ యాక్షన్ హీరోగానూ అలరించనున్నాడు.