డిఫరెంట్ సినిమాలతో దూసుకుపోతున్న యంగ్ హీరో నారా రోహిత్ మరో ఇంట్రస్టింగ్ సినిమాకు ఓకె చెప్పాడు. తను హీరోగా పరిచయం అయిన తొలి సినిమా.. బాణంను డైరెక్ట్ చేసిన చైతన్య దంతులూరి దర్శకత్వంలో మరో సినిమా చేసేందుకు అంగీకరించాడు. తొలి సినిమాతోనే దర్శకుడిగా మంచి గుర్తింపు తెచ్చుకున్న చైతన్య తరువాత ఆశించిన స్థాయిలో రాణించలేకపోయాడు.
 
 రెండో ప్రయత్నంగా బ్రహ్మనందం కొడుకు గౌతమ్ హీరోగా తెరకెక్కించిన బసంతి కూడా మంచి సినిమాగా గుర్తింపు తెచ్చుకున్నా.. కమర్షియల్గా మాత్రం వర్క్ అవుట్ కాలేదు. దీంతో లాంగ్ గ్యాప్ తీసుకున్న చైతన్య, మరోసారి తన తొలి చిత్ర హీరోతో కలిసి పనిచేసేందుకు రెడీ అవుతున్నాడు. ఇప్పటికే రోహిత్ కు పొలిటికల్ థ్రిల్లర్ కథ వినిపించి, ఓకె చేయించుకున్నాడు. ఇప్పటికే కథలో రాజకుమారి, పండగలా వచ్చాడు సినిమాలను పూర్తి చేసిన రోహిత్, పవన్ దర్శకత్వంలో మరో సినిమాలో నటిస్తున్నాడు. ఈ సినిమా షూటింగ్ పూర్తయిన తరువాత చైతన్య దంతులూరి దర్శకత్వంలో కొత్త సినిమా ప్రారంభించనున్నాడు.


 ‘బాణం’, ‘సోలో’, ‘ప్రతినిధి’ తదితర చిత్రాల ద్వారా హీరోగా మంచి గుర్తింపు తెచ్చుకున్న నారా రోహిత్ నిర్మాతగా మారుతున్నారు. సతీశ్ దేవినేని చెప్పిన కథ నచ్చడంతో ఆయన్ను దర్శకునిగా పరిచయం చేస్తూ, ఓ చిత్రం నిర్మించడానికి సన్నాహాలు చేస్తున్నారు. ఈ సందర్భంగా నారా రోహిత్ మాట్లాడుతూ - ‘‘సతీశ్ చెప్పిన కథ విని, ఉద్వేగానికి గురయ్యా. అందుకే ఈ చిత్రాన్ని నేనే నిర్మించాలనుకున్నా. యూత్, ఫ్యామిలీస్, క్లాస్, మాస్.. ఇలా అందరూ చూసే విధంగా ఈ చిత్రం ఉంటుంది’’ అని చెప్పారు. ప్రస్తుతం ‘పండగలా వచ్చాడు’, ‘అసుర’ చిత్రాల్లో హీరోగా నటిస్తున్నానని రోహిత్ అన్నారు.
  


 ‘బాణం’లా తెరపైకి దూసుకొచ్చి ‘సోలో’గా ప్రేక్షకుల హృదయాలను గెలిచిన నారా రోహిత్ త్వరలో ‘శంకర’గా ప్రేక్షకుల ముందుకు రానున్నారు. తాతినేని సత్య దర్శకత్వంలో వాసిరెడ్డి చంద్రమౌళి ప్రసాద్ ఈ చిత్రాన్ని నిర్మిస్తున్నారు. 
  
  ఇటీవల అమెరికన్ భామ హాజెల్ క్రౌనీపై చిత్రీకరించిన ఐటమ్ సాంగ్‌తో చిత్రీకరణ పూర్తయింది. సాయికార్తీక్ స్వరాలందించిన ఈ చిత్రం పాటలను ఈ నెలలోనే విడుదల చేసేందుకు నిర్మాత సన్నాహాలు చేస్తున్నారు. ఈ సందర్భంగా ఆయన మాట్లాడుతూ- ‘‘నారా రోహిత్‌కి ఇది నిజంగా డిఫరెంట్ ఫిలిం. 
  
  ఇందులో రోహిత్‌కి జోడీగా రెజీనా నటిస్తున్నారు. ఆమె పాత్ర కథకు చాలా కీలకం. తాతినేని సత్య నవ్యంగా చిత్రాన్ని తెరకెక్కిస్తున్నారు. యువతరానికి బాగా నచ్చే సినిమా ఇది. త్వరలోనే సినిమాను ప్రేక్షకుల ముందుకు తెస్తాం’’ అని తెలిపారు. ఈ చిత్రానికి సమర్పణ: కె.ఎస్.రామారావు.