నెదర్లాండ్స్‌తో రెండో టీ20 మ్యాచ్‌లో బంగ్లాదేశ్‌ (BAN vs NED T20I) ఘన విజయం సాధించింది. పర్యాటక జట్టును ఏకంగా తొమ్మిది వికెట్ల తేడాతో లిటన్‌ దాస్‌ బృందం చిత్తు చేసింది. తద్వారా మరో మ్యాచ్‌ మిగిలి ఉండగానే సిరీస్‌ను కైవసం చేసుకుంది.కాగా ఆసియా కప్‌-2025 (Asia Cup) సన్నాహకాల్లో భాగంగా బంగ్లాదేశ్‌ సొంతగడ్డపై నెదర్లాండ్స్‌తో మూడు మ్యాచ్‌ల టీ20 సిరీస్‌ ఆడుతోంది. ఈ క్రమంలో శనివారం జరిగిన తొలి మ్యాచ్‌లో ఎనిమిది వికెట్ల తేడాతో గెలిచిన బంగ్లా జట్టు.. తాజాగా రెండో టీ20లోనూ సత్తా చాటింది.103 పరుగులకే ఆలౌట్‌సెల్హైట్‌ వేదికగా సోమవారం నాటి మ్యాచ్‌లో టాస్‌ గెలిచిన బంగ్లాదేశ్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన నెదర్లాండ్స్‌ ఆతిథ్య జట్టు బౌలర్ల ధాటికి కుప్పకూలింది. 17.3 ఓవర్లలో కేవలం 103 పరుగులు మాత్రమే చేసి ఆలౌట్‌ అయింది.ఓపెనర్లలో మాక్‌ ఒడౌడ్‌ (8) విఫలం కాగా.. విక్రమ్‌జిత్‌ సింగ్‌ (24) ఫర్వాలేదనిపించాడు. ఇక వన్‌డౌన్లో వచ్చిన తేజ నిడమానూరు డకౌట్‌ కాగా.. ఆ తర్వాతి స్థానాల్లో బ్యాటింగ్‌ చేసిన కెప్టెన్‌ చార్ల్స్‌ ఎడ్‌వర్డ్స్‌ (9), షారిజ్‌ అహ్మద్‌ (12), నోవా క్రోస్‌ (2), సికందర్‌ జుల్ఫికర్‌ (2) కూడా చేతులెత్తేశారు.మూడు వికెట్లతో సత్తా చాటిన నసూమ్‌కైల్‌ క్లెన్‌ (4) కూడా విఫలం కాగా.. ఆఖర్లో ఆర్యన్‌ దత్‌ 24 బంతుల్లో 30 పరుగులు చేసి డచ్‌ జట్టు ఇన్నింగ్స్‌లో టాప్‌ రన్‌ స్కోరర్‌గా నిలిచాడు. ఇక బంగ్లా బౌలర్లలో లెఫ్టార్మ్‌ స్పిన్నర్‌ నసూమ్‌ అహ్మద్‌ మూడు వికెట్లతో సత్తా చాటగా.. టస్కిన్‌ అహ్మద్‌, ముస్తాఫిజుర్‌ రెహ్మాన్‌ తలా రెండు వికెట్లు కూల్చారు.తాంజిద్‌ హసన్‌ తమీమ్‌ అర్ధ శతకంమిగిలిన వారిలో మెహదీ హసన్‌, తాంజిమ్‌ హసన్‌ సకీబ్‌ చెరో వికెట్‌ దక్కించుకున్నారు. ఇక లక్ష్య ఛేదనలో బంగ్లాదేశ్‌ మరోసారి దుమ్మురేపింది. 13.1 ఓవర్లలో కేవలం ఒక్క వికెట్‌ మాత్రమే నష్టపోయి 104 పరుగులు సాధించింది. ఓపెనర్లలో పర్వేజ్‌ హొసేన్‌ ఇమాన్‌ 23 పరుగులతో ఫర్వాలేదనిపించగా.. తాంజిద్‌ హసన్‌ తమీమ్‌ అర్ధ శతకంతో సత్తా చాటాడు.మొత్తంగా 40 బంతులు ఎదుర్కొన్న తాంజిద్‌.. నాలుగు ఫోర్లు, రెండు సిక్సర్ల సాయంతో 54 పరుగులతో అజేయంగా నిలిచాడు. అతడికి తోడుగా కెప్టెన్‌ లిటన్‌ దాస్‌ (18 బంతుల్లో 18 నాటౌట్‌) నిలవగా.. ఫోర్‌తో తాంజిద్‌ బంగ్లా విజయాన్ని ఖరారు చేశాడు. ఇక నెదర్లాండ్స్‌ను తక్కువ స్కోరుకే పరిమితం చేయడంలో కీలక పాత్ర పోషించిన నసూమ్‌ అహ్మద్‌కు ‘ప్లేయర్‌ ఆఫ్‌ ది మ్యాచ్‌’ అవార్డు దక్కింది. బంగ్లాదేశ్‌- నెదర్లాండ్స్‌ మధ్య నామమాత్రపు మూడో టీ20కి బుధవారం (సెప్టెంబరు 3) షెడ్యూల్‌ ఖరారైంది.చదవండి: IND vs PAK: నేను.. రోహిత్‌ ఘోరంగా ఢీకొట్టుకున్నాం.. ఆరోజు ధోని ఫైర్‌: కోహ్లి

సొంతగడ్డపై నెదర్లాండ్స్‌ (BAN vs NED)తో టీ20 సిరీస్‌లో బంగ్లాదేశ్‌ శుభారంభం చేసింది. సైల్హెట్‌ వేదికగా శనివారం జరిగిన మ్యాచ్‌లో ఆతిథ్య జట్టు ఎనిమిది వికెట్ల తేడాతో జయభేరి మోగించింది. కాగా మూడు టీ20లు ఆడే నిమిత్తం నెదర్లాండ్స్‌ క్రికెట్‌ జట్టు బంగ్లాదేశ్‌ పర్యటనకు వచ్చింది.ఇందులో భాగంగా ఇరుజట్ల మధ్య శనివారం నాటి తొలి టీ20లో టాస్‌ గెలిచిన బంగ్లాదేశ్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన నెదర్లాండ్‌.. బంగ్లా బౌలర్ల విజృంభణ నేపథ్యంలో స్వల్ప స్కోరుకే పరిమితమైంది. నిర్ణీత 20 ఓవర్లలో ఎనిమిది వికెట్ల నష్టానికి 136 పరుగులు చేసింది.ఫర్వాలేదనిపించిన మాక్స్‌, తేజఓపెనర్లలో మాక్స్‌ ఒడౌడ్‌ (15 బంతుల్లో 23) రాణించగా.. విక్రమ్‌జిత్‌ సింగ్‌ (11 బంతుల్లో 4) తేలిపోయాడు. ఈ ఇద్దరి వికెట్లను బంగ్లా పేసర్‌ టస్కిన్‌ అహ్మద్‌ (Taskin Ahmed) దక్కించుకున్నాడు. ఇక వన్‌డౌన్‌లో వచ్చిన తేజ నిడమానూరు (26 బంతుల్లో 26) ఫర్వాలేదనిపించగా.. కెప్టెన్‌ ఎడ్‌వర్డ్స్‌ (12), షారిజ్‌ అహ్మద్‌ (15), నోవా క్రోస్‌ (11), కైలే క్లెన్‌ (9), టిమ్‌ ప్రింగ్లే (9) విఫలమయ్యారు. ఆఖర్లో ఆర్యన్‌ దత్‌ (8 బంతుల్లో 13) వేగంగా ఆడే ప్రయత్నం చేశాడు.ఇక బంగ్లా బౌలర్లలో టస్కిన్‌ అహ్మద్‌ మొత్తంగా నాలుగు వికెట్లతో చెలరేగగా.. సైఫ్‌ హసన్‌ రెండు, ముస్తాఫిజుర్‌ రెహ్మాన్‌ ఒక వికెట్‌ పడగొట్టారు. ఇదిలా ఉంటే.. నామమాత్రపు లక్ష్యంతో బరిలోకి దిగిన బంగ్లాదేశ్‌కు ఆదిలోనే ఎదురుదెబ్బలు తగిలాయి. ఆర్యన్‌ దత్‌ బౌలింగ్‌లో పర్వేజ్‌ హుసేన్‌ ఇమాన్‌ (15) అవుట్‌ కాగా.. టిమ్‌ ప్రింగ్లే మరో ఓపెనర్‌ తాంజిద్‌ హసన్‌ తమీమ్‌ (29) వికెట్‌ను దక్కించుకున్నాడు.లిటన్‌ దాస్‌ మెరుపు అర్ధ శతకం.. సైఫ్‌ హసన్‌ ధనాధన్‌ఈ ‍క్రమంలో వన్‌డౌన్‌లో బ్యాటింగ్‌కు దిగిన కెప్టెన్‌ లిటన్‌ దాస్‌ మెరుపు అర్ధ శతకంతో దుమ్ములేపాడు. 29 బంతుల్లో ఆరు ఫోర్లు, రెండు సిక్సర్ల సాయంతో లిటన్‌ దాస్‌ 54 పరుగులతో అజేయంగానిలిచాడు. అతడికి తోడుగా ఆల్‌రౌండర్‌ సైఫ్‌ హసన్‌ రాణించాడు. కేవలం 19 బంతుల్లోనే 36 పరుగులతో నాటౌట్‌గా నిలిచి.. లిటన్‌ దాస్‌తో కలిసి జట్టును విజయతీరాలకు చేర్చాడు.ఇక 13.3 ఓవర్లలో కేవలం రెండు వికెట్లు కోల్పోయి 138 పరుగులు చేసిన బంగ్లాదేశ్‌.. పసికూన నెదర్లాండ్స్‌పై ఎనిమిది వికెట్ల తేడాతో గెలుపొందింది. మూడు మ్యాచ్‌ల సిరీస్‌లో 1-0తో ముందంజ వేసింది. నాలుగు వికెట్లతో నెదర్లాండ్స్‌ను దెబ్బకొట్టిన టస్కిన్‌ అహ్మద్‌కు ‘ప్లేయర్‌ ఆఫ్‌ ది మ్యాచ్‌’ అవార్డు లభించింది.పదేళ్ల తర్వాత..కాగా పదేళ్ల తర్వాత సొంతగడ్డపై ఇదే అతిపెద్ద (బాల్స్‌ పరంగా) విజయం. 2014లో ఢాకా వేదికగా టీ20 ప్రపంచకప్‌ మ్యాచ్‌లో అఫ్గనిస్తాన్‌తో మ్యాచ్‌లో 48 బంతులు మిగిలి ఉండగానే బంగ్లా గెలుపొందింది. తాజాగా 39 బంతులు మిగిలి ఉండగానే విజయఢంకా మోగించింది.చదవండి: వైభవ్‌? ఆయుశ్‌ మాత్రే?.. అతడే ముందుగా టీమిండియాలోకి వస్తాడు!