మగాళ్లు మాత్రమే కనిపించే ఉద్యోగాలలోఇప్పుడు అమ్మాయిలూకనిపించడం కామన్‌అయిపోయింది. అయితే‘ఫ్లేర్‌ బార్‌టెండర్‌’గాఅమీ చేస్తున్న ఉద్యోగంమాత్రం ఇప్పటికీ అన్‌ కామన్‌. దేశంలో ఇంకే మహిళా ఈ ఉద్యోగంలో లేరు! అమీ బెహ్రామ్‌ ష్రాఫ్‌! స్వస్థలం ముంబై. వృత్తి ఫ్లేర్‌ బార్‌టెండర్‌. క్రెడిట్‌ కూడా అదే. దేశంలోనే తొలి మహిళా ఫ్లేర్‌ బార్‌టెండర్‌. సరైన మోతాదులో డ్రింక్‌ని మిక్స్‌ చేయడం మిక్సాలజీ. బార్‌లోని ఎక్విప్‌మెంట్స్‌ (బాటిల్స్, గ్లాసెస్‌ ఎట్‌సెట్రా)తో  ఆకట్టుకునేలా విన్యాసాలు చేస్తూ డ్రింక్‌ను మిక్స్‌ చేసి సర్వ్‌ చేయడమే ఫ్లేర్‌ బార్‌టెండర్‌ పని. ఇది పూర్తిగా పురుషుల వృత్తి. అలాంటి  ఈ రంగంలో మగవాళ్లకు దీటుగా ఫ్లేర్‌ బార్‌టెండర్‌గా తనకంటూ ఓ స్టయిల్‌ను క్రియేట్‌ చేసుకుంది అమీ. ఇప్పటివరకు దేశవిదేశాల్లోని ప్రసిద్ధి చెందిన పబ్‌లు, బార్‌లలో వెయ్యి షోస్‌ (విన్యాసాలు) వరకు  చేసింది. పదిహేడేళ్లకే ఈ ఫీల్డ్‌లోకి వచ్చింది.  మొదటి నుంచి భిన్నంగా ఉండడం, విభిన్నంగా ఆలోచించడం అమీ నైజం. లెవెంత్‌ క్లాస్‌లో ఉన్నప్పుడు అమీ, ఆమె స్నేహితురాలు డెల్‌నాజ్‌ ఇద్దరూ కలిసి ‘కాక్‌టేల్స్‌’ అనే సినిమా చూశారు. అందులో ఫ్లేర్‌ బార్‌ టెండర్‌ విన్యాసాలు చూసి ముగ్ధులైపోయారు. ఆ ఇంట్రెస్ట్‌తో,  ఫాసినేషన్‌తో నిజంగానే ఓ ఫ్లేర్‌ బార్‌టెండర్‌ను కలిశారిద్దరూ. అతని ఆర్ట్‌ను సునిశితంగా గమనించారు. నేర్చుకోవడానికి సిద్ధమయ్యారు. అలా ఈ ఫీల్డ్‌లోకి ఎంటర్‌ అయ్యారు. ఫస్ట్‌ చాన్స్‌ తీసుకుంది మాత్రం అమీనే.  పేరెంట్స్‌కి చెప్పినప్పుడు  ముందు ఆశ్చర్యపోయారట. అమీ పట్టుదల తెలుసు అందుకని నో అని అనలేదు కానీ బార్‌లో ఉద్యోగం కాబట్టి జాగ్రత్తలు మాత్రం చెప్పారు. కొత్తదనాన్ని ప్రేరణగా తీసుకుంటుంది అమీ. ప్రకృతి నుంచి కూడా స్ఫూర్తి పొందుతుంది. అలా భారతదేశంలోనే ప్రముఖ మిక్సాలజిస్ట్‌గా పేరు సంపాదించింది. ‘‘ఆ పాపులారిటీ వల్ల అప్పుడప్పుడు నా ఈగో శాటిస్‌ఫై అవుతుంది తప్ప.. దాన్నో గొప్ప అచీవ్‌మెంట్‌గా అనుకోను. ఇది నా ప్రొఫెషన్‌. న్యాయం చేయాలి. చేస్తున్నాను’’ అంటుంది నవ్వుతూ అమీ. మగాళ్లతో ఏమైనా ఇబ్బంది? ‘‘ఈ ఫీల్డ్‌లో ఉన్న మగవాళ్లు.. ఫీల్డ్‌లో లేని ఆడవాళ్లు నన్ను చూసి జాలి పడ్తుంటారు. మంచి ఉద్యోగం కోసం ట్రై చేయొచ్చు కదా, ఇంకా బెటర్‌ కెరీర్‌ని ప్లాన్‌చేసుకోవచ్చు కదా అంటూ సలహాలిస్తుంటారు. అంతకు మించి ఈ వృత్తిలో నాకేం ఇబ్బందులు లేవు. అయితే ఆ ఉచిత సలహాలకు కొత్తలో కోపంగా ఉండేది. ఇప్పుడు నార్మల్‌ అయిపోయింది. నవ్వి ఊరుకుంటాను. మేల్‌ బార్‌టెండర్స్‌ ఇంకో ఉద్యోగం చూసుకో అంటున్నారంటే.. జెలస్‌ ఫీలవుతున్నారని అర్థం కదా.. సో.. ఆ మాట విన్నప్పుడల్లా సెల్ఫ్‌ కాన్ఫిడెన్స్‌ పెరుగుతుంది. సెల్ఫ్‌ డిసిప్లిన్‌ కూడా పెద్ద సవాల్‌ ఈ ప్రొఫెషన్‌లో’’ అంటుంది అమీ.  మరిచిపోలేని షో కాయింట్రో మిక్సాలజీ కాంపిటీషన్‌! అందులో ప్రైజ్‌ రావడం అమీ మర్చిపోలేని షో. ఇంకా జిందగీ లైవ్‌  ఐబీఎన్‌7 విమెన్స్‌ అచీవ్‌మెంట్‌ అవార్డ్‌ (2013), ఎమ్‌టీవీ కెప్టెన్‌ షాక్‌ కాంపిటీషన్‌ విన్నర్‌.. ఇలాంటివి. బెస్ట్‌ మిక్సాలజిస్ట్‌గా ఉన్న పేరు కంటే కూడా తన  ఫ్లేర్‌ ఆర్ట్‌ను చూసి పిల్లలు నవ్వినప్పుడు.. అంతకుమించిన కాంప్లిమెంట్‌ లేదని సంతోషపడ్తుందట.  మంచి మ్యుజీషియన్‌ కావాలనే లక్ష్యం కూడా ఆమెలో ఇంకా ఉంది. అందుకే ఇన్‌స్ట్రుమెంటల్‌ మ్యూజిక్‌ నేర్చుకుంటోంది. మరి ఫ్యూచర్‌ ప్లాన్స్‌? ‘‘ఈ మాట విన్నా.. అనుకున్నా వింతగా అనిపిస్తుంది. ఎందుకంటే నేనేదీ ప్లాన్‌ చేసుకోను. టైమ్‌ వెంట జర్నీ చేస్తూంటా. వర్తమానంలో ఉండడానికే ఇష్టపడ్తా. ఈ క్షణాన్నే ఎంజాయ్‌ చేస్తా’’ అంటోంది అమీ ష్రాఫ్‌.  – శరాది 


 బార్లు, పబ్బుల్లో రంగురంగుల మద్యం సీసాలను ఒకచేత్తో గాల్లోకి విసురుతూ మరోచేత్తో ఒడుపుగా పట్టుకుంటూ చూపరులను ఆశ్చర్యపరిచే వ్యక్తులను బార్‌టెండర్లు అంటారు. వినియోగదారుల అభిరుచికి తగిన మధువును అందించడం వీరి బాధ్యత. ప్రస్తుతం నగరాలు, పట్టణాల్లో కార్పొరేట్ సంస్కృతి వేగంగా విస్తరిస్తుండడంతో బార్‌టెండర్లకు గిరాకీ పెరుగుతోంది. అందుకే దీన్ని కెరీర్‌గా మలచుకుంటే అవకాశాలకు కరువే ఉండదని ఈ రంగంలోని నిపుణులు అంటున్నారు.
  
  ఫ్రీలాన్స్‌గానూ ఎన్నో అవకాశాలు
  బార్‌టెండర్ అంటే కౌంటర్ వెనుక నిల్చొని మద్యం సరఫరా చేసే ఉద్యోగి మాత్రమే కాదు. వినియోగదారులను ఆనందపర్చడం, సందర్భానికి తగిన ఆహార పదార్థాలను అందించడం వంటి బాధ్యతలను పర్యవేక్షించాల్సి ఉంటుంది. బార్‌టెండర్లకు స్టార్ హోటళ్లు, బార్లు, పబ్బులు, రెస్టారెంట్లు, రిసార్‌‌టలు, నైట్‌క్లబ్బులు, క్రూయిజ్ షిప్పుల్లో ఎన్నో ఉద్యోగావకాశాలు ఉన్నాయి. నివాస గృహాల్లో జరిగే విందుల్లోనూ బార్‌టెండర్ల భాగస్వామ్యం ఉంటోంది. పార్టీల సీజన్‌లో ఫ్రీలాన్స్‌గా కూడా పనిచేసుకోవచ్చు. బార్‌టెండర్ల విధులు సాధారణంగా రాత్రిపూటే ఉంటాయి. రాత్రి సమయాల్లో పనిచేసేందుకు సిద్ధపడేవారు ఈ రంగంలో అడుగుపెట్టొచ్చు. బార్‌టెండర్లకు ప్రముఖులతో పరిచయాలు ఏర్పడే అవకాశాలుంటాయి. పనితీరును మెరుగుపర్చుకుంటే  హాస్పిటాలిటీ రంగంలో ఉన్నతస్థాయికి చేరుకోవచ్చు. ప్రారంభంలో వేతనాలు తక్కువగానే ఉన్నప్పటికీ వినియోగదారుల నుంచి టిప్పులు భారీగానే అందుతాయి.
  
  కావాల్సిన స్కిల్స్:
  బార్‌టెండర్లకు మెరుగైన కమ్యూనికేషన్ స్కిల్స్ ఉండాలి. స్నేహభావం అవసరం. కొత్త వ్యక్తులతో చొరవగా మాట్లాడే నేర్పు కావాలి. ఆత్మవిశ్వాసం ఉట్టిపడే బాడీ లాంగ్వేజ్ ఉండాలి. నిత్యం ఉల్లాసంగా, ఉత్సాహంగా పనిచేయగలగాలి. బేవరేజెస్‌పై తగిన పరిజ్ఞానం ఉండాలి. ఎప్పటికప్పుడు కొత్తకొత్త కాక్‌టెయిల్స్, మాక్‌టెయిల్స్ సృష్టించాలి.
  
  అర్హతలు:  
  మన దేశంలో బార్ టెండింగ్‌లో స్వల్పకాలిక కోర్సులు అందుబాటులో ఉన్నాయి. ఇదే రంగంలో ఉన్నతస్థాయికి చేరుకోవాలనుకుంటే.. గ్రాడ్యుయేషన్‌లో ఉత్తీర్ణులైన తర్వాత ఈ కోర్సుల్లో చేరొచ్చు. ఒకవైపు ఈ కోర్సు చదువుతూనే బార్లలో పనిచేసుకోవచ్చు. కోర్సుల వ్యవధి రెండు నుంచి నాలుగు నెలలు ఉంటుంది. ఫీజు రూ.20 వేల నుంచి రూ.40 వేల వరకు ఉంది. కోర్సులో భాగంగా వైన్, స్పిరిట్స్, మిక్సాలజీపై అవగాహన కల్పిస్తారు. కోర్సు పూర్తయిన తర్వాత అభ్యర్థులకు ఉద్యోగ, ఉపాధి అవకాశాలు లభించేలా బార్ స్కూల్స్ సహకరిస్తాయి.
  
  వేతనాలు:  
  స్టార్ హోటళ్లు, పబ్బుల్లో బార్‌టెండర్లకు అధిక వేతనాలుంటాయి. ప్రారంభంలో నెలకు రూ.15 వేలు అందుకోవచ్చు. సీనియారిటీ ఆధారంగా వేతనం పెరుగుతుంది. అనుభవాన్ని బట్టి నెలకు రూ.50 వేల నుంచి రూ.80 వేలు పొందొచ్చు. బార్‌లో ట్రైనీకి రూ.3,500 నుంచి రూ.5 వేలు చెల్లిస్తారు. స్కిల్డ్ బార్‌టెండర్‌కు రూ.12 వేల నుంచి రూ.15 వేల వేతనం ఉంటుంది. దీంతోపాటు ఆకర్షణీయమైన టిప్పులు లభిస్తాయి. ఫ్రీలాన్స్ బార్‌టెండర్‌గా పనిచేస్తే పార్టీల సీజన్‌లో ఒక్క రోజులో రూ.3 వేలు సంపాదించుకోవచ్చు. బార్‌టెండర్‌గా పనిచేస్తూ అనుభవం పెంచుకొని స్టార్ హోటళ్లలో ఫుడ్ అండ్ బేవరేజ్(ఎఫ్ అండ్ బీ) మేనేజర్ స్థాయికి చేరుకుంటే  నెలకు రూ.లక్ష వేతనం పొందొచ్చు. యూకే, అమెరికా, ఆస్ట్రేలియాలాంటి దేశాల్లో భారీ జీతభత్యాలు ఉంటాయి.
  
  కోర్సులను ఆఫర్ చేస్తున్న సంస్థలు
      ఇంటర్నేషనల్ స్కూల్ ఆఫ్ బార్‌టెండింగ్-హైదరాబాద్
     వెబ్‌సైట్: www.bartendingindia.com
      ఇండియన్ ఇన్‌స్టిట్యూట్ ఆఫ్ బార్‌టెండింగ్
     వెబ్‌సైట్: www.iibtindia.com
      కాక్‌టెయిల్స్ అండ్ డ్రీమ్స్ బార్ స్కూల్
      వెబ్‌సైట్: http://ahta.in/cd_why.htm
      తులీహో పోర్టల్స్
      వెబ్‌సైట్: http://tulleeho.com/
      ఇన్‌స్టిట్యూట్ ఆఫ్ బార్ ఆపరేషన్స్ అండ్         
  
  మేనేజ్‌మెంట్     
  వెబ్‌సైట్: http://barwizard.in/
      బి మన్‌‌స స్కూల్ ఆఫ్ బార్‌టెండింగ్
      వెబ్‌సైట్: www.bmanns.net
  
  పెరుగుతున్న అవకాశాలు
  ‘‘ఒకప్పుడు మెట్రో నగరాలకే పరిమితమైన లగ్జరీ పార్టీ ట్రెండ్ చిన్న పట్టణాలకు కూడా విస్తరించింది. బార్లలో కస్టమర్ల అభిరుచికి అనుగుణంగా వైన్ మిక్స్ చేసి ఇవ్వడం బార్‌టెండర్ల డ్యూటీ. బార్లు, రెస్టారెంట్స్, స్టార్ హోటళ్లు, పబ్బులో బార్‌టెండర్ పాత్ర కీలకం. పార్టీ సక్సెస్ కావడం వీరిపైనే ఆధారపడి ఉంటుంది. ఎంత ఆల్కహాల్ ఇవ్వాలనేది కస్టమర్ల వయసును బట్టి నిర్ణయించాలి. మోతాదు మించకుండా సమపాళ్లలో అందించాలి. వైన్ అందించడమేకాదు.. ఫుడ్ సర్వ్ చేయడం, బిల్స్ వసూలు చేయడం వంటివి కూడా వీరి విధి నిర్వహణలో భాగమే. ప్రస్తుతం హైదరాబాద్‌లో పార్టీ కల్చర్ బాగా పెరిగిపోయింది. ఇక్కడ 24 గంటలూ వైన్ ఔట్‌లెట్స్‌కు అనుమతులిస్తున్నారు. దీంతో బార్‌టెండర్లకు ఉద్యోగ, ఉపాధి అవకాశాలు పెరుగుతున్నాయి. నగరంలోనూ బార్‌టెండింగ్ శిక్షణా సంస్థలు ఏర్పాటయ్యాయి. ఇక్కడ అంతర్జాతీయ స్థాయి శిక్షణ పొందడం వల్ల కోర్సు పూర్తయ్యాక విదేశాల్లోనూ పనిచేయొచ్చు. ఆంగ్ల భాషపై పట్టు, కమ్యూనికేషన్ స్కిల్స్ ఉంటే కెరీర్‌లో రాణించొచ్చు’’
  - కృష్ణచైతన్య, డెరైక్టర్, బార్ మాస్టర్,
   ఇంటర్నేషనల్ స్కూల్ ఆఫ్ బార్‌టెండింగ్