ట్రెంట్‌ బ్రిడ్జ్‌ వేదికగా ఇంగ్లండ్‌, న్యూజిలాండ్‌ మధ్య జరుగుతోన్న రెండో టెస్టులో ఓ ఆశ్చర్యకర సంఘటన చోటు చేసుకుంది. న్యూజిలాండ్‌ బ్యాటర్‌ డారిల్‌ మిచిల్‌ కొట్టిన ఓ భారీ సిక్సర్‌కు స్టాండ్స్‌లో ఉన్న ఓ మహిళ చేతిలోని బీర్‌ గ్లాస్‌ పగిలిపోయింది. న్యూజిలాండ్ ఇన్నింగ్స్‌ 56 ఓవర్‌ వేసిన జాక్ లీచ్ బౌలింగ్‌లో మిచెల్‌ స్ట్రైట్‌గా భారీ సిక్సర్‌ బాదాడు. అయితే బంతి నేరుగా గ్యాలరీలో కూర్చోని మ్యాచ్‌ వీక్షిస్తున్న ఓ అభిమాని బీర్‌ గ్లాస్‌లో పడింది. దీంతో గ్లాస్‌ పగిలిపోయి బీర్‌ అంతా కిందపడిపోయింది. కాగా బౌండరీ లైన్‌ వద్ద ఫీల్డింగ్‌ చేస్తున్న ఇంగ్లండ్‌ ఆటగాడు మాథ్యూ పాట్స్ తన సహచరులకు ఏమి జరిగిందో సైగలు చేస్తూ చెప్పాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఇక ఈ సంఘటన గురించి తెలుసుకున్న న్యూజిలాండ్‌ జట్టు ఆ ఆభిమానికి మరో కొత్త బీర్‌ను  అందజేసింది. ఈ విషయాన్ని ఇంగ్లండ్‌ బార్మీ ఆర్మీ ట్విటర్‌లో షేర్‌ చేసింది. చదవండి: T20 WC 2022: 'అతడు టీ20 ప్రపంచకప్‌లో టీమిండియాకు బెస్ట్‌ ఫినిషర్‌ అవుతాడు' What a shot from Daryl Mitchell - hopefully he'll get the guy another pint...#ENGvsNZ pic.twitter.com/uDm7cu3RrN — Ian McDougall (@IanMcDougall1) June 10, 2022 Susan - the lady earlier who Daryl Mitchell’s pint hit - has been given a replacement by the Kiwi team 👏👏👏#ENGvNZ pic.twitter.com/53ig2R5cML — England’s Barmy Army (@TheBarmyArmy) June 10, 2022


 
 బీర్‌ సీసాతో పొడిచి, బావిలో పడేసిన వైనం దుండగులు 
 
 మెట్‌పల్లిరూరల్‌ : మండలంలోని కొండ్రికర్లకు చెందిన ఆటో డ్రైవర్‌ డబ్బ సుధీర్‌(26)ను గుర్తు తెలియని వ్యక్తులు హత్య చేసినట్లు ఎస్సై అశోక్‌ తెలిపారు. గ్రామ శివారులోని పెద్దాపూర్‌ రోడ్డులో సెల్‌ఫోన్‌ టవర్‌ పక్కన ఉన్న నీరు లేని వ్యవసాయ బావిలో మృతదేహాన్ని పడేశారని పేర్కొన్నారు. శుక్రవారం ఆటో నడిపిన సుధీర్‌ రాత్రి ఇంటికి వచ్చాడు. నిద్రకు ఉపక్రమిస్తుండగా అతడికి ఫోన్‌ వచ్చింది. మాట్లాడుకుంటూ బయటకు వెళ్లిన వచ్చిన సుధీర్‌ అర్ధరాత్రి వరకూ ఇంటికి రాలేదు. ఉదయం సుధీర్‌ మృతదేహాన్ని  గ్రామస్తులు బావిలో గుర్తించి పోలీసులకు సమాచారం ఇచ్చారు. బావికి సమీపంలో బీరు  సీసాల గాజు ముక్కలు, ప్లాస్టిక్‌ గ్లాసులు లభించాయి. పోలీసులు శవాన్ని బయటకు తీయించి పంచనామా చేశారు. సుధీర్‌ సెల్‌ఫోన్‌ను కూడా స్వాధీనం చేసుకున్నారు. ఫోన్‌ చేసింది ఎవరో తెలియరాలేదని, వారే ఈ ఘాతుకానికి పాల్పడి ఉంటారనే అనుమానాలు వ్యక్తమవుతున్నాయి. పోలీసులు కేసు దర్యాప్తు చేస్తున్నారు. సుధీర్‌ చిన్నపుడే అతడి తండ్రి మృతి చెందగా, వికలాంగుడైన అన్నను తల్లి గంగవ్వ పెంచి పోషించింది. ఆసరగా ఉంటాడనుకున్న కొడుకు  హత్యకు గురి కావడంతో తల్లి గుండెలు పగిలేలా రోదిస్తోంది.