‘సన్నాఫ్ ఆఫ్ సత్యమూర్తి’లో విరాజ్ ఆనంద్‌గా క్లాస్ లుక్‌లో  కనిపించిన  అల్లు అర్జున్ ఇప్పుడు ఫుల్ మాస్ పాత్రలో కనిపించనున్నారు. బోయపాటి శ్రీను దర్శకత్వంలో పూర్తి స్థాయి మాస్ ఎంటర్‌టైనర్ చేస్తున్నారాయన. గీతా ఆర్ట్స్ పతాకంపై అల్లు అరవింద్ నిర్మిస్తున్న ఈ చిత్రం షూటింగ్ బుధవారం హైదరాబాద్‌లో ప్రారంభమైంది. రకుల్ ప్రీత్ సింగ్, క్యాథరిన్ కథానాయికలు. ఎస్.ఎస్. థమన్ స్వరాలందిస్తున్నారు. నిర్మాత మాట్లాడుతూ -‘‘అల్లు అర్జున్ ఇమేజ్‌కు తగ్గట్టుగా అభిమానులను అలరించేలా సినిమా ఉంటుంది. బోయపాటి శ్రీను శైలిలో సాగే శక్తిమంతమైన  కథాకథనాలు ఈ చిత్రానికి హైలైట్.  ఈ రోజు నుంచి ఆర్‌ఎఫ్‌సీలో చిత్రీకరణ జరుగుతోంది’’ అని తెలిపారు.