న్యూఢిల్లీ: స్పైస్‌ జెట్‌ విమానానికి శుక్రవారం భారీ ప్రమాదం తప్పింది. బెంగళూరు నుంచి ఢిల్లీకి వెళ్లిన స్పైస్‌ జెట్‌ ఫ్లైట్‌ 136కు హైడ్రాలిక్‌ ఫెయిల్యూర్‌ కారణంగా సమస్య తలెత్తింది. దీంతో.. ఢిల్లీ ఎయిర్‌పోర్టులో సిబ్బంది చాకచక్యంగా ఎమర్జెన్సీ ల్యాండింగ్ చేయడంతో ప్రయాణికులు ఊపిరిపీల్చుకున్నారు.
 
 దీనిపై స్పందించిన స్పైస్‌జెట్‌ సంస్థ.. హైడ్రాలిక్‌ ఫ్లూయిడ్‌ను కోల్పోవడం మూలంగా విమానానికి ల్యాండింగ్ సమస్య తలెత్తిందని వెల్లడించింది. ప్రయాణికులు, సిబ్బంది క్షేమంగా ఉన్నారని పేర్కొంది.