భీంపూర్‌ (బోథ్‌): ఆదిలాబాద్‌ జిల్లా భీంపూర్‌ మండలం బెల్సారి రాంపూర్‌ గ్రామానికి చెందిన సీఆర్పీఎఫ్‌ జవాను పుర్క సుఖ్‌దేవ్‌ (24) శ్రీనగర్‌ సరిహద్దు ప్రాంతంలో తన తుపాకీతో కాల్చుకుని ఆత్మహత్య చేసుకున్నాడు. శుక్రవారం రాత్రి ఈ ఘటన చోటుచేసుకుంది. ఈ విషయాన్ని కుటుంబీకులకు సమాచారం అందజేశారు. ప్రత్యేక వాహనంలో నాగ్‌పూర్‌కు, అక్కడి నుంచి సీఆర్పీఎఫ్‌ వాహనంలో స్వగ్రామానికి మృతదేహాన్ని తరలించారు. కుటుంబసభ్యులు, మిత్రులు అశ్రునయనాల నడుమ అంత్యక్రియలు నిర్వహించారు. ఆత్మహత్యకు గల కారణం తమకు తెలియరాలేదని తోటి జవాన్లు, కుటుంబీకులు చెప్పారు.  


 భీమ్‌పూర్ గ్రామం (ఆదిలాబాద్) : తామ్సి మండలం భీమ్‌పూర్ గ్రామం వద్ద గురువారం సాయంత్రం పెళ్లి బృందం ప్రయాణిస్తున్న వాహనం బోల్తాపడి 35 మంది గాయపడ్డారు. భీమ్‌పూర్ గ్రామానికి చెందిన పెళ్లి బృందం దండోరా గ్రామంలో పెళ్లికి వెళ్లి వస్తుండగా చిత్తల్‌కోటి- భీమ్‌పూర్ గ్రామాల మధ్య మ్యాక్స్ వాహనం అదుపుతప్పి బోల్తాపడింది. క్షతగాత్రులను రిమ్స్ ఆస్పత్రికి తరలించారు.