హైదరాబాద్‌ : కూచిపూడి  నాట్య గురువు శ్రీమతి భూపతిరాజు లక్ష్మీకి  అంతర్జాతీయ లేడీ లెజెండ్‌-2020 అవార్డు వరించింది. అంతర్జాతీయ స్థాయిలో ప్రతి ఏటా బెక్కంటి శ్రీనివాస్‌ చారిటబుల్‌ ట్రస్ట్‌, ఆటా ఆధ్వర్యంలో  ఖమ్మం జిల్లా భద్రాచలంలో మార్చి 8న మహిళా దినోత్సవాన్ని పురస్కరించుకుని ఈ అవార్డును ప్రదానం చేస్తారు. ఈ మేరకు  ట్రస్ట్‌ చైర్మన్‌, ఆట జాతీయ అధ్యక్షులు బెక్కంటి శ్రీనివాస్‌రావు ఉత్తర్వులు జారీ చేశారు. కాగా భూపతిరాజు లక్ష్మి వద్ద పలువురు నాట్యంలో శిక్షణ తీసుకుంటున్నారు.


 భూపతిరాజు స్వీయ దర్శకత్వంలో బోలా శంకర క్రియేషన్స్‌పై నిర్మిస్తున్న ‘గగన్‌’ హైదరాబాద్‌లో ప్రారంభమైంది. తొలి సన్నివేశానికి నాగబాల సురేష్‌ కుమార్‌ క్లాప్‌ ఇవ్వగా, దర్శకులు రేలంగి నరసింహారావు కెమెరా స్విచ్చాన్‌ చేశారు. ‘‘ఈ సినిమా అందరికీ తెలిసిన రియల్‌ కథ. అరకు, విశాఖపట్నం, హైదరాబాద్‌ పరిసర ప్రాంతాల్లో షూటింగ్‌ ప్లాన్‌ చేసి మూడు షెడ్యూల్లో పూర్తి చేస్తాం’’ అన్నారు భూపతిరాజు. ఈ చిత్రానికి సంగీతం: నందన్‌రాజు, ప్రొడక్షన్‌ కంట్రోలర్‌: వర్రా శ్రీనివాసరెడ్డి ఎగ్జిక్యూటివ్‌ నిర్మాత: బి.మోహనరాజు.