ఇండియన్ ప్రీమియర్ లీగ్ (ఐపీఎల్‌) వ్యవస్థాపకుడు లలిత్‌ మోడీ జీవితంపై స్పోర్ట్స్ జర్నలిస్ట్ బోరియా మజుందార్ 'మవెరిక్ కమిషనర్' ద ఐపీఎల్‌- లలిత్‌ మోడీ సాగా అనే పుస్తకాన్ని రచించిన సంగతి తెలిసిందే. ఇప్పుడు ఇదే పుస్తకం ఆధారంగా ఓ చిత్రం తెరకెక్కనుంది. బాలయ్య సినిమాల సహా నిర్మాత ఈ చిత్రానికి నిర్మాతగా వ్యవహరించనున్నాడు. ఎన్టీఆర్ కథానాయకుడు, ఎన్టీఆర్ మహానాయకుడు సినిమాలకు సహ నిర్మాతగా వ్యవహరించిన విష్ణువర్ధన్‌ ఇందూరి లలిత్‌ మోడీ బయోపిక్‌ను తెరకెక్కించనున్నట్లు ప్రకటించాడు.  Winning the 83 World Cup was the tip of the iceberg. The book "Maverick Commissioner" by sports journalist @BoriaMajumdar is a fascinating account of the IPL and the Man behind it Lalit Modi. Elated to announce that we are adapting this book into a feature film. @SimonSchusterIN pic.twitter.com/tLEGGCkkxn — Vishnu Vardhan Induri (@vishinduri) April 18, 2022 విష్ణువర్ధన్ ఇందూరి.. తమిళనాడు ముఖ్యమంత్రి, దివంగత జయలలిత జీవితంపై తలైవీ అనే చిత్రాన్ని నిర్మించాడు. అలాగే స్పోర్ట్స్ డ్రామా 83 సినిమాకు కూడా ఆయనే నిర్మాతగా వ్యవహరించాడు. ఐపీఎల్ ప్రారంభమై నేటికి 15 సంవత్సరాలు (ఏప్రిల్‌ 18, 2008) అయిన సందర్భంగా విష్ణువర్ధన్‌ ఇందూరి లలిత్‌ మోడీ బయోపిక్‌ ప్రాజెక్ట్‌ను ప్రకటించాడు. ఈ బయోపిక్‌కు సంబంధించి పూర్తి వివరాలు తెలియాల్సి ఉంది.  చదవండి: ఉమ్రాన్‌ మాలిక్‌ స్పీడ్‌కు ఫిదా అయిన కేటీఆర్‌

రాంగోపాల్‌ వర్మ తాజాగా తెరకెక్కించబోతున్న సినిమా 'లక్ష్మీస్‌ ఎన్టీఆర్‌'.. దివంగత నేత ఎన్టీ  రామారావు జీవితకథ ఆధారంగా ఈ సినిమాను తీయనున్నట్టు వర్మ ప్రకటించిన నాటినుంచి.. ఈ ప్రాజెక్టు చుట్టూ అనేక వివాదాలు ముసురుకుంటున్నాయి. ఇప్పటికే పలువురు టీడీపీ నేతలు ఈ సినిమా విషయంలో వర్మపై విరుచుకుపడ్డారు. వారి విమర్శలకు, ఆరోపణలకు వర్మ ఫేస్‌బుక్‌ వేదికగా దీటుగానే సమాధానం ఇస్తున్నారు. ఎన్టీఆర్‌ జీవితంలోని ప్రజలకు పెద్దగా తెలియని చీకటికోణాలను ఈ సినిమాలో ఆవిష్కరిస్తానంటూ వర్మ చెప్తున్నారు. ఈ సినిమాపై అభిమానుల్లో ఇప్పటికే అంచనాలు ఏర్పడ్డాయి. ఈ నేపథ్యంలో తాజాగా వర్మ పెట్టిన ఓ పోస్టు అందరి దృష్టి ఆకట్టుకుంటోంది. ఎన్టీఆర్‌ తనకు షేక్‌హ్యాండ్‌ ఇస్తున్న ఫొటోను వర్మ తాజాగా ఫేస్‌బుక్‌లో పోస్టు చేశారు. ఈ ఫొటోలో వెనుక ఎన్టీఆర్‌-శివపార్వతి దండలు మార్చుకుంటుండగా.. వారి వెనుక చంద్రబాబు నిల్చున్న ఫొటో ఉది. ఈ ఫొటోకు వర్మ ఆసక్తికరమైన కామెంట్‌ పెట్టారు. ఎన్టీఆర్‌పై సినిమా తీస్తున్నందుకు ఆయన తనను అభినందిస్తున్నారంటూ పేర్కొన్నారు. మొత్తానికి ఈ పోస్టుకు 11వేలకుపైగా రియాక్షన్‌లు రావడం గమనార్హం.  


 విజయవాడ: ఎన్టీఆర్ జీవిత చరిత్ర ఆధారంగా తెరకెక్కించబోతున్న సినిమాపై ఏపీ మంత్రి నారా లోకేష్‌ స్పందించారు. ఎన్టీఆర్‌ జీవిత చరిత్రలో బాలకృష్ణ కథనాయకుడిగా చేస్తే సినిమా చాలా బాగా వస్తుందని ఆయన అభిప్రాయపడ్డారు. ఆయనిక్కడ బుధవారం విలేకరులతో మాట్లాడుతూ.. మామయ్య బాలకృష్ణ ఉండగా ఎన్టీఆర్ జీవిత చరిత్ర సినిమాపై ఎలాంటి ఆందోళన అవసరం లేదన్నారు.
  
 ఎన్టీఆర్‌ బయోపిక్‌పై మామయ్యే నిర్ణయం తీసుకున్నారని.. ఆయన నిర్ణయానికి తమ వైపు నుంచి అందరి సహకారం ఉంటుందన్నారు. అయితే ఈ చిత్ర దర్శకుడిగా వర్మ అనేది ఇంకా నిర్ణయం తీసుకోలేదన్నారు. మరోవైపు ఎన్టీఆర్ జీవిత చ‌రిత్ర‌ను తానే తెర‌కెక్కించ‌బోతున్న‌ట్టు రాంగోపాల్‌ వర్మ ప్ర‌కటించాడు. ఈ మేరకు ఆయన ఒక ఆడియో కూడా విడుదల చేశాడు. 
  
 కాగా ఎన్టీఆర్‌ చదివిన ఎస్‌ఆర్‌ఆర్‌ కళాశాలను అభివృద్ధి చేస్తామన్నారు. కళాశాల పరిస్థితి బాగలేదని విద్యార్థులు తన దృష్టికి తీసుకొచ్చినట్టు తెలిపారు. కళాశాల అభివృద్ధికి కృషి చేస్తానని లోకేష్‌ హామీ ఇచ్చారు.