సిడ్నీ: భారత టెన్నిస్‌ డబుల్స్‌ నంబర్‌వన్‌ రోహన్‌ బోపన్న తన భాగస్వామి ఎడ్వర్డ్‌ రోజర్‌ వాసెలిన్‌ (ఫ్రాన్స్‌)తో కలిసి సిడ్నీ ఓపెన్‌ టోర్నీలో సెమీఫైనల్‌కు చేరుకున్నాడు. సిడ్నీలో బుధవారం జరిగిన క్వార్టర్‌ ఫైనల్లో బోపన్న–వాసెలిన్‌ ద్వయం 7–6 (7/5), 7–6 (7/5)తో నాలుగో సీడ్‌ ఫ్యాబ్రిస్‌ మార్టిన్‌ (ఫ్రాన్స్‌)–నికోలస్‌ మొన్రో (అమెరికా) జంటను కంగుతినిపించింది.  


 లండన్: పురుషుల టెన్నిస్ సీజన్ ముగింపు టోర్నీ ఏటీపీ వరల్డ్ టూర్ ఫైనల్స్ ఆఖరి లీగ్ మ్యాచ్‌లో భారత ఆటగాడు రోహన్ బోపన్న-ఫ్లోరిన్ మెర్జి (రొమేనియా) జోడి ఓటమిపాలైంది. గురువారం జరిగిన ఈ మ్యాచ్‌లో ఎనిమిదో సీడ్ బోపన్న-మెర్జి 4-6, 6-1, 5-10తో ఐదోసీడ్ ఇటాలియన్ ద్వయం ఫోగ్నిని-సైమన్ బోల్లెలి చేతిలో ఓడారు. దీంతో ఇప్పటికే సెమీస్ బెర్త్ ఖరారు చేసుకున్న బోపన్న ద్వయం... యాష్ / స్మిత్ గ్రూప్‌లో రెండో స్థానానికి పరిమితంకాగా, ఫోగ్నిని- బోల్లెలి జంట అగ్రస్థానంలో నిలిచింది.
  


 మాడ్రిడ్ (స్పెయిన్) : ఆద్యంతం ఉత్కంఠభరితంగా సాగిన పోరులో అద్భుత విజయం సాధించిన రోహన్ బోపన్న (భారత్)-ఫ్లోరిన్ మెర్జియా (రుమేనియా) ద్వయం మాడ్రిడ్ ఓపెన్ మాస్టర్స్ సిరీస్ టైటిల్‌ను సొంతం చేసుకుంది. ఆదివారం జరిగిన పురుషుల డబుల్స్ ఫైనల్లో ఒక మ్యాచ్ పాయింట్ కాచుకున్న బోపన్న జంట 6-2, 6-7 (5/7), 11-9తో ఐదో సీడ్ మట్కోవ్‌స్కీ (పోలండ్)-నెనాద్ జిమోనిచ్ (సెర్బియా) జోడీని ఓడించింది.
 
 85 నిమిషాలపాటు జరిగిన ఈ మ్యాచ్‌లో తొలి సెట్ దక్కించుకున్న బోపన్న ద్వయం రెండో సెట్‌ను టైబ్రేక్‌లో కోల్పోయింది. నిర్ణాయక సూపర్ టైబ్రేక్‌లో 8-9తో ఓటమి అంచుల్లో నిలిచినప్పటికీ... పట్టుదలతో పోరాడి వరుసగా మూడు పాయింట్లు గెలిచి విజయాన్ని ఖాయం చేసుకుంది. బోపన్న కెరీర్‌లో ఇది మూడో ‘మాస్టర్స్ సిరీస్’ టైటిల్ కావడం విశేషం.
 
 35 ఏళ్ల ఈ బెంగళూరు ప్లేయర్ 2011లో ఐజామ్ ఖురేషీ (పాకిస్తాన్)తో, 2012లో మహేశ్ భూపతి (భారత్)తో కలిసి పారిస్ మాస్టర్స్ సిరీస్ టైటిల్స్ సాధించాడు. ఓవరాల్‌గా కెరీర్‌లో 13వ డబుల్స్ టైటిల్ నెగ్గిన బోపన్నకు ఈ ఏడాది ఇది మూడో టైటిల్. విజేతగా నిలిచిన బోపన్న-మెర్జియాలకు ప్రైజ్‌మనీగా 2,47,560 యూరోలు (రూ. కోటీ 76 లక్షలు) లభించాయి.