breached
-
తెగిన ఆనకట్ట..23 మంది మృతి!
సాక్షి, ముంబై : గత కొన్నిరోజులుగా కురుస్తున్న భారీ వర్షాలకు మహారాష్ట్రలోని రత్నగిరి జిల్లా చిప్లున్ తాలుకాలోని తెవరీ ఆనకట్ట తెగింది. ఈ దుర్ఘటనలో దాదాపు 23 మంది వరకు చనిపోయి ఉండొచ్చని అనుమానిస్తున్నారు. ఇప్పటివరకు 11 మృతదేహాలు లభ్యమయ్యాయి. తెవరీ ఆనకట్టకు 20 లక్షల క్యూబిక్ మీటర్ల నీటిని నిల్వచేసే సామర్థ్యం ఉండగా, మంగళవారం రాత్రి తెగిందని అధికారులు వెల్లడించారు. దీంతో ఆనకట్ట కింద ఉన్న ఏడు గ్రామాల్లో వరదలాంటి పరిస్థితి ఏర్పడింది. 12 ఇళ్లు కొట్టుకుపోయాయి. రత్నగిరి అదనపు ఎప్పీ మాట్లాడుతూ ‘ఇప్పటివరకు 11 మృతదేహాలను బయటకు తెచ్చాం. ఆయా గ్రామాల్లోని ప్రజలను సురక్షిత ప్రదేశాలకు తరలించాం’ అని చెప్పారు. మరణించిన వారి బంధువులకు ప్రభుత్వం రూ. 4 లక్షల నష్ట పరిహారం ప్రకటించింది. ముఖ్యమంత్రి ఈ ఘటనపై విచారణకు ఆదేశించారు. వరద నీటి ఉధృతికి దెబ్బతిన్న ఇళ్లు ముందే చెప్పినా పట్టించుకోలేదు: ఆనకట్టకు పగుళ్లు ఉన్నట్లు గతేడాది నవంబర్లోనే గుర్తించి జిల్లా అధికారులకు చెప్పి మరమ్మతులు చేయించమన్నామనీ, అయినా పట్టించుకోలేదని స్థానికులు ఆరోపిస్తున్నారు. తివరే ఆనకట్ట చిప్లున్, దపోలీ తాలూకాల్లో విస్తరించి ఉంది. అయితే ఈ ఆనకట్ట ఏ తాలూకా పరిధిలోకి వస్తుందనే విషయంపై వివాదం ఉండటంతో రెండు తాలూకాల అధికారులూ పట్టించుకోలేదని చనిపోయిన వ్యక్తి బంధువు ఒకరు చెప్పారు. మరో వ్యక్తి మాట్లాడుతూ ‘అధికారుల నిర్లక్ష్యం వల్లనే ఈ రోజు ఇలా జరిగింది. నా తల్లిదండ్రులు, భార్య, ఏడాదిన్నర వయసున్న బిడ్డ గల్లంతయ్యారు. నా సోదరుడు తన వాహనం తెచ్చుకోడానికి వెళ్లి తిరిగిరాలేదు’ అంటూ కన్నీటి పర్యంతమయ్యాడు. గల్లంతైన వారి కోసం జాతీయ విపత్తు స్పందన దళం గాలింపు చేపడుతున్నారు. ప్రమాదానికి కారణం ప్రభుత్వమేనని స్థానిక ప్రజాప్రతినిధులు ఆరోపిస్తున్నారు. ఆనకట్టకు మరమ్మతులు చేయాల్సిందిగా తాము ఎన్నిసార్లు కోరినా ప్రభుత్వం పట్టించుకోలేదన్నారు. ఆనకట్ట గోడలకు పగుళ్లు ఉన్నాయని అధికార యంత్రాంగానికి చెప్పామనీ, అయినా వారు ఏ చర్యలూ తీసుకోలేదని ప్రజాప్రతినిధులు నిందించారు. -
మైస్పేస్ అకౌంట్లు హ్యకింగ్
శాన్ ఫ్రాన్సిస్కో : ప్రముఖ సోషల్ నెట్ వర్కింగ్ సైట్ మైస్పేస్ అకౌంట్లు భారీ ఎత్తున్న హ్యాకింగ్ కు గురయ్యాయి. దొంగలించబడ్డ 3600లక్షలకు పైగా పాత అకౌంట్ల పేర్లు, పాస్ వర్డ్ లు ఆన్ లైన్ హ్యాకర్ ఫోరమ్ లో అమ్మకం జరిగాయని టైమ్ ఇంక్ నిర్థారించింది. ఈ సోషల్ నెట్ వర్కింగ్ సైట్ ను ఫిబ్రవరిలో టైమ్ కొనుగోలు చేసింది. లిమిటెడ్ యూజర్ పేర్లు, పాస్ వర్డ్ లు, ఈ-మెయిల్ అడ్రస్ లతో 2013 జూన్ 11న గట్టి అకౌంట్ సెక్యురిటీతో ఈ ప్లాట్ ఫామ్ ను పున: ప్రారంభించారు. తమ సమాచార భద్రత, గోప్యత టీమ్ లు మైస్పేస్ టీమ్ కు సపోర్టుగా నిలుస్తారని టైమ్ ఇంక్ ఎగ్జిక్యూటివ్ వైస్ ప్రెసిడెంట్ అండ్ చీఫ్ ఫైనాన్సియల్ ఆఫీసర్ జెఫ్ బెయిర్ట్స్ తెలిపారు. అయితే ఈ హ్యాకింగ్ ప్రభావం టైమ్ ఇంక్ సిస్టమ్స్, చందాదారులు సమాచారం, ఇతర మీడియా ఆస్తులపై లేదని టైమ్ ఇంక్ ప్రకటన విడుదలచేసింది. 2003 లో మైస్పేస్ స్థాపించారు. సోషల్ నెట్ వర్గింగ్ లో ఇది చాలా ప్రాధాన్యత కల సైట్. కానీ ఫేస్ బుక్ వంటి సైట్ ల పోటీని తట్టుకోలేక తన ప్రాబల్యాన్ని కోల్పోయింది. మల్టిపుల్ అకౌంట్లకు, మైస్పేస్ కు ఒకే పాస్ వర్డ్ కలిగి ఉన్నవారు ఎక్కువ హ్యాకింగ్ కు గురవుతున్నారని మైస్పేస్ తెలిపింది. యూజర్ల పాస్ వర్డ్ లను, ఈ-మెయిల్ అడ్రస్ లను వివిధ సైట్లలో ప్రయత్నిస్తూ ఈ హ్యాకింగ్ కు పాల్పడుతున్నారని పేర్కొంది.