కౌడిపల్లి(నర్సాపూర్‌) : స్థలమేదైనా..సమయమేదైనా..మమ్మల్ని ఆపేదెవరు, మాకు అడ్డు చెప్పేవారు లేరు.. అన్నట్లుగా ఉంది శునకరాజుల తీరు. మండల కేంద్రమైన కౌడిపల్లిలో శునకాలు అధికమయ్యాయి. వాటి దర్జాకు అడ్డులేకుండా ఉంది. కౌడిపల్లిలోని మండల కార్యాలయానికి వెళ్లే ప్రధాన రహదారిలో కుక్కలు గేదెమీద, కారు మీద దర్జాగా  కూర్చుని సేదతీరాయి ఇలా.. 


 నాంపల్లి : విద్యుదాఘాతంతో గేదె మృతిచెందింది. ఈ మండలంలోని పెద్దాపురంలో గురువారం చోటు చేసుకుంది. వివరాలు.. గ్రామానికి చెందిన గోవిందమ్మ గేదె రోజూ మాదిరిగానే మేతకు వెళ్లింది. గ్రామ శివారులో మేత మేస్తుండగా రక్షణ వలయం లేని ట్రాన్స్‌ఫార్మర్‌ వద్ద విద్యుత్‌ తీగలకు తగలడంతో విద్యుదాఘాతానికి గురై అక్కడికక్కడే మృతిచెంది. సంబంధి శాఖ అధికారుల నిర్లక్ష్యంతోనే గేదె మృతిచెందిందని గ్రామస్తులు ఆరోపిస్తున్నారు.