న్యూఢిల్లీ: ప్రముఖ వాహన తయారీ కంపెనీ ‘వోల్వో ఆటో ఇండియా’ కార్ల ధరలను 2.5% వరకు పెంచుతున్నట్లు ప్రకటించింది. ఈ పెంపు ఏప్రిల్‌ నుంచి అమల్లోకి వస్తుందని పేర్కొంది. ఉత్పత్తి వ్యయం పెరుగుదల కారణంగా వాహన ధరలు పెంచుతున్నామని తెలిపింది. ఈ కంపెనీ దేశీ మార్కెట్లో రూ.25.49 లక్షలు–రూ.1.25 కోట్ల ధరల శ్రేణిలో కార్లను విక్రయిస్తోంది. కాగా బీఎండబ్ల్యూ, హోండా తదితర కంపెనీలు కూడా వాహన ధరలను ఏప్రిల్‌ నుంచి పెంచుతున్నట్లు ఇప్పటికే ప్రకటించాయి.