గుంటూరు జిల్లా: పెదకాకానిలోని వాసవీనగర్‌లో ఉన్న ఓ పత్తి గోదాంలో ఆదివారం భారీ అగ్నిప్రమాదం జరిగింది. షార్ట్‌ సర్క్యూట్‌ కారణంగా మంటలు చెలరేగి ప్రమాదం జరిగి  ఉండవచ్చునని భావిస్తున్నారు. ఫైరింజన్లతో మంటలను అదుపు చేసేందుకు తీవ్రంగా ప్రయత్నిస్తున్నారు. మంటల్లో దాదాపుగా పత్తి బేళ్లన్నీ దగ్ధమవుతుండటంతో ఆస్తి నష్టం రూ.కోట్లలో ఉండవచ్చునని వ్యాపారులు అంచనా వేస్తున్నారు. 


 సదాశివపేట (మెదక్): మెదక్ జిల్లా సదాశివపేట మార్కెట్‌యార్డులోని పత్తిగోదాములో గురువారం తెల్లవారుజామున అగ్నిప్రమాదం చోటుచేసుకుంది. అగ్నిప్రమాదానికి విద్యుదాఘాతమే కారణమని స్థానికులు భావిస్తున్నారు. గోదాములో మంటలు భారీగా ఎగసి పడుతున్నాయి. మంటలను ఆర్పేందుకు అగ్నిమాపక సిబ్బంది తీవ్రంగా శ్రమిస్తున్నారు. గోదాములో ఎంతపత్తి ఉంది? నష్టం ఎంత మేరకు సంభవించింది అనే వివరాలు తెలియాల్సి ఉంది.