శ్రీనగర్‌ : జమ్మూ కశ్మీర్‌ మాజీ ముఖ్యమంత్రి, నేషనల్‌ కాన్ఫరెన్స్‌ అధినేత ఫరూక్‌ అబ్దుల్లాపై సోమవారం సీబీఐ ఛార్జ్‌షీట్‌ దాఖలు చేసింది. కశ్మీర్‌లో క్రికెట్‌ స్టేడియంలు, అంతర్జాతీయ మ్యాచ్‌ల నిర్వహణ కొరకు బోర్డు ఆఫ్‌ క్రికెట్‌ కంట్రోల్‌ ఇండియా (బీసీసీఐ) నుంచి 38 కోట్లు నిధులు తీసుకుని దుర్వినియోగపరిచారని సీబీఐ ఛార్జ్‌షీట్‌లో  పేర్కొంది. ఫరూక్‌తో పాటు జమ్మూ కశ్మీర్‌ క్రికెట్‌ అసోషియేషన్‌ (జేకేసీఎ) మాజీ చైర్మన్‌ మహ్మద్‌ అస్లాం గోని, జేకేసీఏ సెక్రటరీ సలీమ్‌ ఖాన్‌, కశ్మీర్‌ బ్యాంక్‌ చైర్మన్‌ బషీర్‌ అహ్మద్‌ల పేర్లు కూడా సీబీఐ ఛార్జ్‌షీట్‌  పెర్కొంది. 2015 నుంచి హైకోర్టు ఆదేశాల మేరకు కేసును దర్యాప్తు చేస్తున్నట్లు, ఫరూక్‌ అబ్దుల్లాను విచారణకు హాజరుకావల్సిందిగా సమన్లు పంపినట్లు సీబీఐ అధికారి ఎస్‌ఎస్‌ కిషోర్‌ తెలిపారు. జేకేసీఏ మాజీ చైర్మన్‌ అస్లాం గోని నిధుల అవకతవకలపై ఫిర్యాదు చేయడం విశేయం. కశ్మీర్‌లో క్రికెట్‌ స్టేడియంల నిర్మాణం కోసం తీసుకున్న నిధులను బ్యాలెన్స్‌ షీట్‌లో పెందుపరచలేదని, 50 కోట్లతో స్డేడియం, 27 వేలతో మౌలికవసతులు కల్పించామని తెలిపారు. ఫరూక్‌కు అతి సన్నిహితుడైన గోని అతనితో విభేదించి కాంగ్రెస్‌ పార్టీలో చెరారు. నిధుల దుర్వినియోగంపై సీబీఐతో విచారణ జరిపించడం జేకేసీఐ చైర్మన్‌గా తన నైతిక బాధ్యతని పేర్కొన్నారు. ప్రస్తుతం కుటంబంతో బ్రిటన్‌లో గడుపుతున్న ఫరూక్‌ దేశం తిరిగి రాగానే విచారణకు హాజకుకావల్సిందని సీబీఐ ఆదేశించింది.


 లక్నో: క్రికెట్ కుంభకోణంపై ప్రధాని నరేంద్ర మోదీ మౌనం వీడి, చర్యలు చేపట్టాలని కాంగ్రెస్ ఉపాధ్యక్షుడు రాహుల్ గాంధీ డిమాండ్ చేశారు. అవినీతిని సహించనని చెప్పిన మోదీ ఇప్పుడెందుకు నోరు మెదపడం లేదని ప్రశ్నించారు. రెండు రోజుల అమేథి పర్యటన ముగించుకుని ఢిల్లీకి బయలుదేరే ముందు ఆయన విలేకరులతో మాట్లాడారు.
 
 'ఎన్నికల ప్రచారంలో కుంభకోణాల గురించి మాట్లాడుతూ అవినీతిని సహించబోనని మోదీ చెప్పారు. ఆయన అధికారంలోని పలు కుంభకోణాలు తెరపైకి వచ్చాయి. తాజాగా క్రికెట్ స్కామ్ వెలుగు చూసింది. దీన్ని వెలుగులోకి తెచ్చిన ఎంపీని(బీజేపీ నుంచి) సస్పెండ్ చేశారు' అని రాహుల్ అన్నారు.
 
 అవినీతిని కూకటి వేళ్లతో పెకలించివేస్తానని ప్రగల్బాలు పలికారని గుర్తు చేశారు. 'నేను అవినీతిని పాల్పడను. ఎవరు అవినీతికి పాల్పడినా సహించనని అన్న మోదీ నేడు మౌనం దాల్చారు. ఆయనపై ప్రజలకు నమ్మకం పోతోంద'ని రాహుల్ అన్నారు. ఢిల్లీ జిల్లా క్రికెట్ సంఘం(డీడీసీఏ) నిధుల దుర్వినియోగంపై విచారణ జరిపించి చర్యలు తీసుకోవాలని డిమాండ్ చేశారు.