బాలీవుడ్‌ నటి రకుల్‌ ప్రీత్‌ సింగ్‌కి అక్టోబర్‌ 5న తీవ్రమైన వర్కవుట్‌ సెషన్‌లో వెన్నుకి గాయమయ్యింది. ఆమె జిమ్‌లో బ్యాక్‌బ్రేస్‌ని ధరించకుండా 80 కిలోల డెడ్‌లిఫ్ట్‌ని నిర్వహించి వెన్ను నొప్పి బారిన పడింది. అయినా లెక్క చేయక ఆ తర్వాత కూడా వర్కౌట్‌ సెషన్‌ని కొనసాగించింది. దీంతో ఆమె వెన్నుకి తీవ్ర గాయమయ్యింది. నొప్పి తీవ్రంగా ఉండటంతో పూర్తి బెడ్‌ రెస్ట్ తీసుకుంటున్నట్లు సోషల్‌ మీడియా వేదికగా నెటిజన్లతో పంచుకుంది. నిజానికి ఈ డెడ్‌లిఫ్ట్‌ వర్కౌట్స్‌ని ఒత్తిడిని నివారించడానికి, వెన్ను కండరాలను బలోపేతం చేయడానికి ఎక్కువగా చేస్తుంటారు. అయితే ఇవి చేసేటప్పుడూ జాగ్రత్తలు తీసుకోవాల్సి ఉంటుంది. ముఖ్యంగా ఫిట్‌నెస్‌ నిపుణుల ఆధ్వర్యంలో వారి సూచనలు సలహాలతో చేయాలి. ఇక్కడ రకుల్‌లా గాయాల బారిన పడకుండా వెనుక కండరాలను బలోపేతం చేసే కొన్ని ప్రభావవంతమైన వ్యాయామాలు ఏంటో సవివరంగా చూద్దామా..!వార్మ్-అప్వార్మప్‌తో వ్యాయామాన్ని ప్రారంభించడం చాలా అవసరం. 5 నుంచి 10 నిమిషాల మితమైన కార్డియోతో ప్రారంభించండి, ఆపై ఫోర్స్‌గా చేసే వ్యాయామాలకు సిద్ధమయ్యేలా కొన్ని స్ట్రెచింగ్‌ వ్యాయామాలు చేయండిరెసిస్టెన్స్ బ్యాండ్ పుల్-అపార్ట్చాలా మంది వ్యక్తులు రెసిస్టెన్స్ బ్యాండ్ పుల్-అపార్ట్ వ్యాయామాలతో తమ బ్యాక్ వర్కౌట్‌ను ప్రారంభిస్తారు. ఈ వ్యాయామం చాలా ప్రభావవంతమైనది. సుమారు 15 నుంచి 20 చొప్పున 1 లేదా 2 సెట్‌లను పూర్తి చేసేలా మంచి రిసిస్టెన్స్ బ్యాండ్‌ను ఎంచుకోవాలి. లాట్ పుల్డౌన్ఈ వ్యాయామాన్ని రెసిస్టెన్స్ బ్యాండ్‌తో లేదా జిమ్‌లో మెషీన్‌ సాయంతో పూర్తి చేయవచ్చు. ఈ వ్యాయామం వెనుక డెల్టాయిడ్లు, రోంబాయిడ్స్, కండరపుష్టి, ముంజేతులతో పాటు మధ్య, దిగువ వెనుక కండరాలను లక్ష్యంగా చేసుకుంటుంది. బలమైన వెన్ను కండరాలు కావాలనుకునే వారికి ఇది ముఖ్యమైన వ్యాయామం.క్వాడ్రూప్డ్ సింగిల్ ఆర్మ్ డంబెల్ రోకదలిక ఎగువన ఓవర్-రోయింగ్ కదలిక దిగువన ఎక్కువగా సాగదీయడం వంటి అనేక సమస్యలను పరిష్కరిస్తుంది. ఏదైనా ఇతర రోయింగ్ కదలికలను పూర్తి చేయడానికి ఈ వ్యాయామాన్ని సిఫార్సు చేస్తారు నిపుణులు.(చదవండి: అత్యంత అరుదైన వ్యాధి నెమలైన్‌ మయోపతి)


 లండన్: అరటన్ను బరువును పైకెత్తి ప్రముఖ వెయిట్ లిఫ్టర్ ఎడ్డీ హాల్ రికార్డు సృష్టించాడు. అయితే, ఈ బరువును పైకెత్తి క్రమంలో అతడి తలలోని రక్తనాళాలు తీవ్ర ఒత్తిడికి గురై పగిలిపోవడంతో స్తంభించిపోయాడు. కాసేపట్లోనే అతడి ముక్కు నుంచి రక్తం కారింది. దాదాపు అతడు చావును చూసి చివరకు సురక్షితంగా బయటపడ్డాడు. అయితే, ఇది మాత్రం తన జీవితంలో గుర్తుండిపోయే ఈవెంట్ అని చరిత్రలో లిఖించబడి ఉంటుందని కోలుకుంటున్న అతడు చెప్పాడు. లీడ్స్ అరెనాలో జరుగుతున్న అరటన్ను కేజీల వెయిట్ లిఫ్టింగ్ విభాగంలో ఈసారి ఎలాగైనా రికార్డు తిరగరాయాలని భావించిన ఎడ్డీ హాల్ అందులో పాల్గొన్నాడు.
 
 గతంలో తన పేరిటే ఉన్న 465 కేజీల రికార్డును బద్దలు కొట్టేందుకు సిద్ధమయ్యాడు. స్టేజీపై ఉన్న అతడిని అందరు ఉత్కంఠ  భరితంగా చూస్తుండగా.. గాఢ శ్వాస తీసుకొని చిట్లిపోయి రక్తం కారిపోతుందా అన్నంత ఎరుపుగా మొఖం మారగా అరటన్ను బరువు మొకాలి ఎత్తువరకు లేపాడు. ఆ వెంటనే దాన్నికిందపడేసి మొకాళ్లపై కూలబడిపోయాడు. ఎలాంటి ప్రతిస్పందన లేకుండా స్తంభించిపోయాడు. క్షణాల్లో అతడి ముక్కు, నోటి నుంచి రక్తం కారింది. ఈవెంట్ నిర్వాకులు అతడి ముందు వాలిపోయి సహాయ చర్యలకు దిగారు.
 
 ఈలోగా స్వయంగా అతడే మళ్లీ లేవగలిగాడు. అనంతరం అతడిని వైద్యానికి తరలించారు. ఈ సందర్భంగా అతడు మాట్లాడుతూ..'ఆ ఈవెంట్ నన్ను దాదాపు చంపేసింది. నా శరీరంపై చెప్పలేనంత ఒత్తిడిపడింది. దాంతో దాన్ని వదిలేసి వెళ్లిపోయాను. నాకు ముక్కులో నుంచి రక్తం కూడా వచ్చింది. అయితే, ఇలా చేయడం మంచి పనికాదని నాకు అనిపించింది. కానీ, నేను ఆ పనిచేశాను.అది కచ్చితంగా చరిత్ర పుస్తకాల్లో నిలిచి ఉంటుంది. చాలా ఏళ్లపాటు ఈ రికార్డు ఉంటుంది.చంద్రుడిపైకి అడుగుపెట్టిన తొలి వ్యక్తిలా, నాలుగు నిమిషాల్లో ఒక మైలు పరుగెత్తిన తొలి వ్యక్తిలా అరటన్ను పైకెత్తిన తొలి వ్యక్తిని నేను ఈ అనుభూతి అద్భుతంగా ఉంది' అంటూ అతడు తన అనుభవాన్ని చెప్పాడు.