ఇప్పటికే ‘మనం’ సినిమాతో జనం ముందుకొచ్చేశారు అఖిల్. ఇక హీరోగా అలరించడమే తరువాయి. అక్కినేని అభిమానులందరూ ఎప్పుడెప్పుడా అని ఆసక్తిగా ఎదురుచూస్తున్న ఆ శుభతరుణం కోసం ఇప్పటికే రంగం సిద్ధం చేసేశారట అక్కినేని నాగార్జున. నవంబర్ ద్వితీయార్ధంలో అఖిల్ సినిమా ప్రారంభోత్సవం ఘనంగా జరుపనున్నట్లు విశ్వసనీయ సమాచారం. మాస్‌ను మంత్రముగ్ధులను చేసే చిత్రాలను తెరకెక్కించే వీవీ వినాయక్ ఈ చిత్రానికి దర్శకత్వం వహించనున్నట్లు తెలిసింది.
 ఇప్పటికే కథ కూడా ఫైనల్ అయ్యిందని వినికిడి. హీరోయిజాన్ని అత్యంత శక్తిమంతంగా ఆవిష్కరించడంలో వినాయక్ దిట్ట. మరి హీరోగా నటిస్తున్న తొలి సినిమాలో అఖిల్‌ని ఆయన ఏ స్థాయిలో చూపిస్తారో ప్రత్యేకించి చెప్పనవసరం లేదు. నితిన్ తండ్రి - నిర్మాత సుధాకరరెడ్డి నిర్మాణంలో, అన్నపూర్ణ స్టూడియోస్ సమర్పణలో ఈ చిత్రం రూపొం దనుందని సమాచారం. పూర్తి వివరాలు ఇంకా తెలియాల్సి ఉంది.