న్యూఢిల్లీ: ఏటీపీ దుబాయ్ 500 టైటిల్ నెగ్గిన డబుల్స్ స్టార్ రోహన్ బోపన్న తన ర్యాంకింగ్‌ను మెరుగుపర్చుకున్నాడు. తాజాగా వెల్లడించిన డబుల్స్ ర్యాంకింగ్స్‌లో నాలుగు స్థానాలు ఎగబాకి 12వ స్థానంలో నిలిచాడు.
 పేస్ పదో స్థానంలోనే ఉండగా భూపతి ఆరు స్థానాలు దిగజారి 47వ ర్యాంకులో ఉన్నాడు. సింగిల్స్ విభాగంలో సోమ్‌దేవ్ (78), యూకీ బాంబ్రీ (146) ర్యాంకింగ్‌లో ఎలాంటి మార్పు లేదు. సాకేత్ మైనేని 297వ ర్యాంక్‌లో ఉన్నాడు.
  


  న్యూఢిల్లీ: భారత టెన్నిస్ స్టార్ సానియా మీర్జా మళ్లీ టాప్-10 డబుల్స్ ర్యాంకుల్లోకి ఎగబాకింది. డబ్ల్యూటీఏ విడుదల చేసిన తాజా ర్యాంకుల్లో ఆమె తొమ్మిదో స్థానానికి చేరింది. ఈ వారం టోర్నీలేమీ ఆడకపోయినప్పటికీ.... 26 ఏళ్ల హైదరాబాదీ రెండు స్థానాల్ని మెరుగుపరుచుకుంది. ఇతర క్రీడాకారిణిల వైఫల్యంతో పాటు ఆమె ఇటీవల సాధించిన టైటిల్ విజయాలు సానియాను టాప్-10లోకి చేర్చాయి. కారా బ్లాక్ (జింబాబ్వే)తో కలిసి ఆమె చైనా ఓపెన్, ప్యాన్ పసిఫిక్ ఓపెన్ డబుల్స్ టైటిల్స్ గెలిచిన సంగతి తెలిసిందే. కారా కూడా ఒక స్థానాన్ని మెరుగుపర్చుకొని 13వ ర్యాంకుకు చేరింది.