రెబ్బన: ఆదిలాబాద్ జిల్లా రెబ్బన మండలం నారాయణపూర్‌లో గుర్తితెలియని వ్యక్తులు దుర్గం వెంకటయ్య(40) అనే వ్యక్తిని హత్యచేశారు. ఈ సంఘటన బుధవారం వేకువజామున జరిగింది. గ్రామ శివారులో వెంకటయ్య మృతదేహం పడిఉండగా ఉదయం గ్రామస్తులు గమనించి పోలీసులకు సమాచారం అందించారు. మృతుని శరీరంపై గాయాలున్నాయని, గుర్తు తెలియని వ్యక్తులు హతమార్చి పడేసి ఉంటారని భావిస్తున్నారు. రెబ్బన పోలీసులు సంఘటన స్థలాన్ని పరిశీలించి దర్యాప్తు చేస్తున్నారు. ఈ సంఘటనకు సంబంధించి పూర్తి వివరాలు అందాల్సి ఉంది.