వేంగంగా వెళ్తున్న లారీ రోడ్డు దాటుతున్న ఆటోను ఢీకొట్టిన ఘటనలో ఆటోలో ఉన్న నలుగురు ప్రయాణికులకు తీవ్ర గాయాలయ్యాయి. ఈ సంఘటన తూర్పుగోదావరి జిల్లా రాజానగరం ఏడీబీ క్రాస్ రోడ్డు వద్ద ఆదివారం ఉదయం చోటుచేసుకుంది. కాకినాడ వైపు వెళ్తున్న ఆటోను విశాఖ నుంచి వస్తున్న లారీ ఢీకొట్టింది. దీంతో ఆటోలో ఉన్న నలుగురికి తీవ్ర గాయాలయ్యాయి. ఇది గుర్తించిన పోలీసులు క్షతగాత్రులను రాజమండ్రి ఆస్పత్రికి తరలించారు.