పెన్సిల్ మార్క్‌లను చెరపడానికి ఒకప్పుడు ఏం వాడేవారో తెలుసా? బ్రెడ్ ముక్కలను వాడేవారట. ఇంగ్లండ్ కంటి వైద్యుడు, సైంటిఫిక్ పరికరాల తయారీదారైన ఎడ్వర్డ్ నైన్ 1770లో రబ్బరు ముక్కను పెన్సిల్ మార్క్‌లు చెరపడానికి ఉపయోగించాడట. పక్కనే ఉన్న బ్రెడ్ ముక్క బదులుగా రబ్బరు ముక్కను తీసుకోవడంతో అది ఎరేజర్‌గా ఉపయోగపడుతుందన్న విషయం ఎడ్వర్డ్‌కి తెలిసింది. ఆ తర్వాత ఆయనే రబ్బర్‌తో ఎరేజర్‌లను తయారు చేసి అమ్మడం ప్రారంభించాడు. తప్పులను సరిచేయడం కోసం ఉపయోగపడుతున్న ఎరేజర్లు అలా ఓ పొరపాటు కారణంగా పుట్టాయన్నమాట.