► తొలి రౌండ్‌లోనే ఓడిన టాప్‌ సీడ్‌
 ► మకరోవా అద్భుత ప్రదర్శన
 
 పారిస్‌: టెన్నిస్‌ సీజన్‌ రెండో గ్రాండ్‌స్లామ్‌ టోర్నమెంట్‌ ఫ్రెంచ్‌ ఓపెన్‌ పెను సంచలనంతో ప్రారంభమైంది. మహిళల సింగిల్స్‌ విభాగంలో ప్రపంచ నంబర్‌వన్, టాప్‌ సీడ్‌ క్రీడాకారిణి ఎంజెలిక్‌ కెర్బర్‌ ఊహించనిరీతిలో తొలి రౌండ్‌లోనే ఇంటిముఖం పట్టింది. రష్యా అన్‌సీడెడ్‌ ప్లేయర్‌ ఎకతెరీనా మకరోవా అద్వితీయ ఆటతీరుకు కెర్బర్‌ చేతులెత్తేసింది. ఈ క్రమంలో టాప్‌ సీడ్‌ హోదాలో ఫ్రెంచ్‌ ఓపెన్‌ చరిత్రలో తొలి రౌండ్‌లోనే నిష్క్రమించిన మొదటి క్రీడాకారిణిగా కెర్బర్‌ గుర్తింపు పొందింది.
 గతంలో టాప్‌ సీడ్‌ హోదాలో హెనిన్‌ (బెల్జియం) 2004లో, సెరెనా (అమెరికా) 2014లో రెండో రౌండ్‌లో వెనుదిరిగారు. ఆదివారం జరిగిన మహిళల సింగిల్స్‌ తొలి రౌండ్‌లో ప్రపంచ 40వ ర్యాంకర్‌ మకరోవా 6–2, 6–2తో కెర్బర్‌ను చిత్తు చేసి రెండో రౌండ్‌లోకి ప్రవేశించింది. ‘ఫ్రెంచ్‌ ఓపెన్‌లో తొలి రౌండ్‌లోనే టాప్‌ సీడ్‌ క్రీడాకారిణిని ఓడించిన తొలి ప్లేయర్‌గా నేను చరిత్ర సృష్టించానన్న విషయం తెలియగానే నమ్మలేకపోయాను’ అని మకరోవా వ్యాఖ్యానించింది. గంటా 22 నిమిషాలపాటు జరిగిన ఈ మ్యాచ్‌లో మకరోవా ప్రత్యర్థి సర్వీస్‌ను ఆరుసార్లు బ్రేక్‌ చేసింది. 27 విన్నర్స్‌ కొట్టిన ఆమె, నెట్‌ వద్దకు 16 సార్లు దూసుకొచ్చి 12 సార్లు పాయింట్లు గెలిచింది.
 
 గత ఏడాది ఆస్ట్రేలియన్‌ ఓపెన్, యూఎస్‌ ఓపెన్‌ టైటిల్స్‌ సాధించి, వింబుల్డన్‌లో రన్నరప్‌గా నిలిచిన కెర్బర్‌కు ఈ ఏడాది కలిసి రావడంలేదు. తాజా సీజన్‌లో ఆమె 19 మ్యాచ్‌ల్లో గెలిచి, 13 మ్యాచ్‌ల్లో ఓడిపోవడం గమనార్హం. మరోవైపు కెర్బర్‌కు ముందు నాలుగుసార్లు మాత్రమే టాప్‌ సీడ్‌ క్రీడాకారిణులు ఓ గ్రాండ్‌స్లామ్‌ టోర్నమెంట్‌లో తొలి రౌండ్‌లో ఓడిపోవడం జరిగింది. గతంలో టాప్‌ సీడ్‌ హోదాలో రుజుకి (1979 ఆస్ట్రేలియన్‌ ఓపెన్‌లో), స్టెఫీ గ్రాఫ్‌ (1994 వింబుల్డన్‌లో), మార్టినా హింగిస్‌ (1999, 2001 వింబుల్డన్‌లో) తొలి రౌండ్‌లో ఓడిపోయారు.
 
 ఆకట్టుకున్న క్విటోవా: గత డిసెంబరులో తన ఇంట్లో ఆగంతకుడి కత్తి దాడిలో చేతికి గాయమై ఆటకు దూరమైన పెట్రా క్విటోవా (చెక్‌ రిపబ్లిక్‌) ఫ్రెంచ్‌ ఓపెన్‌తో పునరాగమనం చేసింది. తొలి రౌండ్‌లో క్విటోవా 6–3, 6–2తో జూలియా బోసెరప్‌ (అమెరికా)పై అలవోకగా గెలిచి శుభారంభం చేసింది. ‘గత వారంలోనే నేను ఫ్రెంచ్‌ ఓపెన్‌లో ఆడాలని నిర్ణయం తీసుకున్నాను. కష్టకాలంలో నాకు మద్దతుగా నిలిచినందుకు అందరికీ ధన్యవాదాలు’ అని క్విటోవా వ్యాఖ్యానించింది. ఇతర తొలి రౌండ్‌ మ్యాచ్‌ల్లో ఎనిమిదో సీడ్‌  కుజ్‌నెత్సోవా (రష్యా) 7–5, 6–4తో మెక్‌హాలె (అమెరికా)పై పదో సీడ్‌ వీనస్‌ (అమెరికా) 6–4, 7–6 (7/3)తో కియాంగ్‌ (చైనా)పై గెలిచారు.
 
 థీమ్‌ శుభారంభం: పురుషుల సింగిల్స్‌ తొలి రౌండ్‌లో ఆరో సీడ్‌ డొమినిక్‌ థీమ్‌ (ఆస్ట్రియా) 6–4, 6–0, 6–2తో టామిక్‌ (ఆస్ట్రేలియా)ను ఓడించాడు. 11వ సీడ్‌ దిమిత్రోవ్‌ (బల్గేరియా) 6–2, 6–3, 6–4తో రాబర్ట్‌ (ఫ్రాన్స్‌)పై, 23వ సీడ్‌ కార్లోవిచ్‌ (క్రొయేషియా) 7–6 (7/5), 7–5, 6–4తో సిట్‌సిపాస్‌ (గ్రీస్‌)పై గెలుపొందారు. 


 పోర్న్ స్టార్తో కలసి విలాసవంతమైన హోటల్లో ఓ నెల రోజులు గడిపే అవకాశం రష్యా పాఠశాల విద్యార్థికి వచ్చింది. ఈ చాన్స్ అతనికి అంత ఈజీగా ఏమీ రాలేదు. ఆన్లైన్ కాంపిటీషన్లో పాల్గొని వేలాదిమంది కుర్రాళ్లను వెనక్కినెట్టి విజేతగా నిలిచాడు. ఈ చాన్స్ కొట్టేసింది రుస్లాన్ ష్కెడ్రిన్ అనే 16 ఏళ్ల బాలనటుడు కాగా.. అతనితో గడిపే పోర్న్ స్టార్ ఎకటరీనా మకరోవా. మాస్కోలోని ఓ హోటల్లో వీరిద్దరూ కలవబోతున్నారు.
 
 పోర్న్ స్టార్తో కలసి గడిపే అవకాశం వచ్చినందుకు రుస్లాన్ తెగ సంబరపడిపోతున్నాడు. 'విజేతగా నిలిచానని నా స్నేహితులు చెబితే తొలుత నమ్మలేదు. అబద్ధం అనుకున్నా. నిజమని తెలుసుకున్నాక చాలా సంతోషం వేసింది. కాంపిటీషన్ నిర్వహించిన వెబ్సైట్కు ధన్యవాదాలు. నాకు ఈ చాన్స్ వచ్చినందుకు నా స్నేహితుల్లో కొందరు సంతోషించగా, మరికొందరు అసూయపడుతున్నారు. మకరోవాను చూశాను. ఆమె అంటే చాలా ఇష్టం' అని రుస్లాన్ అన్నాడు.
 
 రుస్లాన్ తల్లి వెరా ష్కెడ్రినా మాత్రం అతనిపై మండిపడుతోంది. రుస్లాన్ నిర్ణయాన్ని పూర్తిగా వ్యతిరేకిస్తున్నట్టు చెప్పింది. 'అతను చదువుకుంటున్నాడు. పరీక్షలు ఉన్నాయి. పోర్న్ స్టార్తో నెల రోజులు గడపడమంటే అర్థమేంటి?' అని రుస్లాన్ తల్లి అభ్యంతరం చెప్పింది. ఇందుకు బదులుగా కొంత నగదును బహుమతిగా ఇస్తే బాగుంటుందని అభిప్రాయపడింది. వెబ్ సైట్ నిర్వాహకులు చేసిన నిర్వాకం వల్ల తమ కుటుంబంలో గొడవలు వస్తున్నాయని వాపోయింది. అతని సోదరి డయానా ష్కెడ్రినా కూడా ఇదే అభిప్రాయం వ్యక్తం చేసింది. పోర్న్ స్టార్ మకరోవా మాట్లాడుతూ.. తాను రుస్లాన్ను చూడలేదని, ఫొటోలు చూశానని చెప్పింది. అతను తనతో మాస్కో హోటల్లో ఉండవచ్చని, ఇష్టం లేకుంటే విదేశాలకు రావచ్చంటూ ఈ అమ్మడు మరో ఆఫర్ ఇచ్చింది.