దుబాయ్‌: వచ్చే 2020-21 సీజన్‌లో భాగంగా అంతర్జాతీయ క్రికెట్‌ కౌన్సిల్‌(ఐసీసీ) తమ అంపైర్ల ఎలైట్‌ ప్యానల్‌ను ప్రకటించింది. ఇందులో భారత్‌కు చెందిన అంపైర్‌ నితిన్‌ మీనన్‌కు చోటు కల్పిస్తూ ఐసీసీ నిర్ణయం తీసుకుంది. భారత్‌కు చెందిన అంపైర్‌ నితిన్‌ను ఎలైట్‌ ప్యానల్‌ చేర్చే విషయాన్ని ఐసీసీ సోమవారం ప్రకటించింది. దాంతో ఈ సీజన్‌లో ఐసీసీ అంపైర్ల ఎలైట్‌ ప్యానల్‌లో చోటు దక్కించుకున్న పిన్నవయస్కుడిగా 36 ఏళ్ల నితిన్‌ నిలిచారు. ఇప్పటివరకూ మూడు టెస్టులకు, 24 వన్డేలకు, 16 టీ20లకు నితిన్‌ అంపైర్‌గా వ్యహరించారు. ఇంగ్లండ్‌కు చెందిన నిగెల్‌ ఎల్‌లాంగ్‌ స్థానంలో నితిన్‌కు అవకాశం దక్కింది. గతంలో శ్రీనివాస్‌ వెంకట్రాఘవన్‌, సుందర్‌ రవిలు ఐసీసీ ఎలైట్‌ ప్యానల్‌లో పని చేసిన భారత అంపైర్లు. కాగా, గతేడాది సుందర్‌ రవిని ఐసీసీ ఎలైట్‌ ప్యానల్‌ నుంచి ఐసీసీ తప్పించింది. (కరోనాతో మాజీ క్రికెటర్‌ మృతి) అంతకుముందు ఎమిరేట్స్‌ ఐసీసీ ఇంటర్నేషనల్‌ అంపైర్స్‌ ప్యానల్‌లో ఉన్న నితిన్‌ను.. ఎలైట్‌ ప్యానల్‌ అంపైర్‌గా ఐసీసీ జనరల్ మేనేజర్  జియోఫ్ అలార్డైస్, మాజీ ఆటగాడు, వ్యాఖ్యాత సంజయ్ మంజ్రేకర్, మ్యాచ్ రిఫరీలు రంజన్ మదుగలే, డేవిడ్ బూన్‌లతో కూడిన ప్యానెల్ ఎంపిక చేసింది. చాలా ఏళ్లుగా భారత అంపైర్ల స్టాండర్డ్స్‌పై విమర్శలు వినిపిస్తూ వస్తున్న సంగతి తెలిసిందే. ఈ క్రమంలో మరొకసారి భారత్‌కు చెందిన అంపైర్‌కు ఎలైట్‌ ప్యానల్‌లో చోటు దక్కడం విశేషం. కొంతకాలంగా నితిన్‌ అంపైర్‌గా కొన్ని కచ్చితమైన నిర్ణయాలు తీసుకున్న క్రమంలోనే అతనికి ఎలైట్‌ ప్యానల్‌లో చోటు కల్పించారు. ‘ఎలైట్ అంపైర్ల ప్యానెల్‌కు తనను ఎంపిక చేయడం గొప్ప గౌరవంగా, గర్వకారణంగా భావిస్తున్నాను.  ప్రముఖ అంపైర్లు, రిఫరీలతో ఉన్న ఎలైట్‌ ప్యానల్‌లో చేరాలనేది నా కల. కల ఇన్నాళ్లకు నిజం కావడం అదృష్టంగా భావిస్తున్నాను’ అని నితిన్‌ ఆనందం వ్యక్తం చేశారు. (30 నిమిషాల కామెంటరీ అనుకుంటే..) నా తండ్రి కూడా అంపైరే ‘నా తండ్రి నరేంద్ర మీనన్‌ కూడా అంతర్జాతీయ అంపైరే. 2006లో బీసీసీఐ అంపైర్ల కోసం ఒక ఎగ్జామ్‌ నిర్వహించింది. అంతకు పూర్వం పది సంవత్సరాల క్రితం నాన్న చెప్పిన మాటలు గుర్తొచ్చాయి. నువ్వు క్లియర్‌గా ఉంటే అంపైరింగ్‌ కోసం ఎగ్జామ్‌కు దరఖాస్తు చేసుకో అన్నారు. నాకు అంపైరింగ్‌ అంటే ఇష్టం దాంతోనే అంపైరింగ్‌ పరీక్ష రాయడం జరిగింది. అలా నేను అంపైర్‌ను అయ్యాను’ అని మీనన్‌ తన జర్నీని రెండు మాటల్లో చెప్పేశారు.


 * శంషుద్దీన్ ఎమర్జింగ్ ప్యానెల్‌కు
 * అంపైర్లను ఎంపిక చేసిన ఐసీసీ
 న్యూఢిల్లీ: రాబోయే సీజన్‌కు ఐసీసీ అంపైర్లను ఎంపిక చేసింది. అద్భుతమైన ట్రాక్ రికార్డు ఉన్న ఎస్.రవి.. ‘ఎలైట్ ప్యానెల్’లో స్థానాన్ని నిలబెట్టుకోగా, శంషుద్దీన్‌ను ‘ఎమర్జింగ్ ప్యానెల్’కు తీసుకుంది. 2011లో అంపైర్‌గా బాధ్యతలు చేపట్టిన రవి.. ఇప్పటి వరకు 11 టెస్టులు, 26 వన్డేలు, 18 టి20 మ్యాచ్‌ల్లో అంపైరింగ్ చేశారు. మరోవైపు 46 ఏళ్ల శంషుద్దీన్‌కు మరింత ప్రోత్సాహిన్నిస్తూ వన్డే ఎమర్జింగ్ ప్యానెల్‌కు ఎంపిక చేసింది. ఇప్పటికే ఆయన ఏడు వన్డేలు, 10 టి20 మ్యాచ్‌లతో పాటు అండర్-19 ప్రపంచకప్‌లో అంపైరింగ్ బాధ్యతలు నిర్వర్తించారు.


 న్యూఢిల్లీ:అంతర్జాతీయ క్రికెట్ మండలి(ఐసీసీ)ఎలైట్ ప్యానెల్లో భారత్ అంపైర్ ఎస్ రవి(సుందరం రవి)కి మరోసారి  స్థానం దక్కింది. గతేడాది ఐసీసీ ఎలైట్ ప్యానెల్లో తొలిసారి చోటు దక్కించుకున్న ఎస్ రవి నియమాకాన్ని తిరిగి యథావిధిగా కొనసాగించనున్నట్లు అంపైర్ల సెలక్షన్ ప్యానెల్ తాజాగా స్పష్టం చేసింది. 
  
 2015లో  ఐసీసీ ఎలైట్ ప్యానెల్‌లో భారత తరపున ఎస్ రవికి చోటు కల్పించిన సంగతి తెలిసిందే.  అంతకుముందు 12  ఏళ్ల క్రితం భారత అంపైర్ ఎస్.వెంకట్రాఘవన్ ఒక్కరే ఐసీసీ ఎలైట్ ప్యానెల్ చోటు దక్కించుకోగా.. ఆ తరువాత ఎస్ రవి ఆ అరుదైన గౌరవాన్ని వరుసగా రెండోసారి దక్కించుకోవడం విశేషం. 2011 విశాఖపట్నంలో జరిగిన వన్డేతో అంపైర్‌గా అరంగేట్రం చేసిన రవి ఇప్పటిదాకా 11 టెస్టులు, 26 వన్డేలు, 18 టి 20ల్లో బాధ్యతలు నిర్వర్తించారు. ఇదిలా ఉండగా అంపైర్ల సెలక్షన్ ప్యానెల్ అయిన 'ఎమర్జింగ్ ప్యానెల్' కు మరో భారత్ అంపైర్ సి షంసుద్దీన్  ప్రమోట్ అయ్యారు. షంసుద్దీన్ ఏడు వన్డేలు, 10 టీ 20లకు అంపైర్ గా బాధ్యతలు నిర్వర్తించారు.


  దుబాయ్: సుదీర్ఘ విరామం తర్వాత ఐసీసీ ఎలైట్ ప్యానెల్‌లో ఓ భారత అంపైర్‌కు స్థానం దక్కింది. ఎస్.వెంకట్రాఘవన్ అనంతరం 11 ఏళ్లుగా ఈ అత్యుత్తమ అంపైర్ల ప్యానెల్‌లో మరో భారతీయుడికి చోటుదక్కలేదు. అయితే తాజాగా సుందరం రవి ఈ ఘనత సాధించారు. అంపైర్లు స్టీవ్ డేవిస్ రిటైర్ కాగా, బిల్లీ బోడెన్ (కివీస్)ను తప్పించడంతో ఇంటర్నేషనల్ ప్యానెల్ నుంచి రవితో పాటు క్రిస్ గఫానే (కివీస్) ఎలైట్ ప్యానెల్‌కు ప్రమోట్ అయ్యారు. ఎలైట్ ప్యానెల్‌లో మొత్తం 12 మంది అంపైర్లుంటారు.  2011 విశాఖపట్నంలో జరిగిన వన్డేతో అంపైర్‌గా అరంగేట్రం చేసిన రవి ఇప్పటిదాకా ఆరు టెస్టులు, 24 వన్డేలు, 12 టి20ల్లో బాధ్యతలు నిర్వర్తించారు. ‘ఐసీసీ ఎలైట్ ప్యానెల్‌లో చోటు దక్కించుకోవడం గౌరవంగా భావిస్తున్నాను. ఈ విషయంలో బీసీసీఐకి, ఐసీసీకి కృతజ్ఞతలు తె లుపుకుంటున్నాను’ అని 49 ఏళ్ల రవి అన్నారు.