ఆకివీడు: స్థానిక అయిభీమవరం రోడ్డులో ఎకై ్సజ్‌ సర్కిల్‌ ఆఫీసుకు కూతవేటు దూరంలో జల్సా మద్యం షాపు ఆవరణలో మద్యం సేవించి శనివారం ఓ వ్యక్తి మృతి చెందాడు. కొల్లిగడ్డి ముని (55) అనే వ్యక్తి రెండు రోజులుగా మద్యం అతిగా తాగడంతో మృతిచెందాడని స్థానికులు చెబుతున్నారు. మద్యం షాపు వెనుక భాగంలో భారీగా సిట్టింగ్‌కు ఏర్పాటుచేయడంతో మందుబాబులు విచ్చలవిడిగా తాగుతున్నారని పలువురు ఆరోపిస్తున్నారు. సిట్టింగ్‌ ప్రాంతంలో అన్నీ సమకూర్చడంతో అర్ధరాత్రి వరకూ ఇక్కడే ఉంటూ మద్యం తాగుతున్నారని అంటున్నారు. ఏ సమయంలో అయినా మద్యం అందుబాటులో ఉండటంతో పలువురు అతిగా తాగి రోడ్లపై పడిపడుతున్నారని, మరికొందరు వాహనాలు నడుపుతూ ప్రమాదాలకు గురవుతున్నారని ఆవేదన వ్యక్తం చేస్తున్నారు. బ్రాందీ షాపుల వద్ద అనధికార సిట్టింగులు ఉన్నా ఎకై ్సజ్‌ అధికారులు పట్టించుకోవడంలేదని అంటున్నారు. ఎకై ్సజ్‌ అధికారులు దాడులు చేసి, సిట్టింగులు తొలగించాలని కోరుతున్నారు.

ఏలూరు(మెట్రో): జిల్లాలో పారిశ్రామిక ప్రగతిలో 20 శాతం వృద్ధి రేటు సాధించేలా కృషి చేస్తున్నామని, పరిశ్రమల స్థాపనకు ఔత్సాహిక పారిశ్రామికవేత్తలు ముందుకు రావాలని కలెక్టర్‌ కె.వెట్రిసెల్వి పిలుపునిచ్చారు. కలెక్టరేట్‌లో శనివారం నిర్వహించిన పారిశ్రామిక సమ్మిట్‌–2025 కార్యక్రమంలో ఆమె మాట్లాడారు. జిల్లాలో ప్రస్తుతం ఉన్న పరిశ్రమల సంఖ్యకు 200 శాతానికి పైగా పెంచేలా అధికారులు శ్రద్ధ చూపాలన్నారు. పరిశ్రమల ఏర్పాటుపై యువతకు అనుమతులు, రుణాలు, శిక్షణ, సాంకేతిక సహకారం వంటివి అందిస్తామన్నారు. జిల్లా గ్రామీణాభివృద్ధి సంస్థ పీడీ ఆర్‌.విజయరాజు మాట్లాడుతూ మహిళలను పారిశ్రామికవేత్తలుగా తీర్చిదిద్దేందుకు కార్యాచరణ ప్రణాళిక రూపొందించామన్నారు. రాష్ట్ర చాంబర్‌ అఫ్‌ కామర్స్‌ అండ్‌ ఇండస్ట్రీ ప్రతినిధి భాస్కర్‌ మాట్లాడారు. జిల్లాలో డ్వాక్రా రుణాల ద్వారా యూనిట్లు స్థాపించిన పలువురు మహిళలను కలెక్టర్‌ సన్మానించారు. జాబ్‌మేళాలో ఉద్యోగాలు సాధించిన యువతకు నియామక పత్రాలు అందించారు. గుడ్‌ హెల్త్‌ మిల్లెట్స్‌ ఫుడ్‌ బ్రాండ్‌ పేరుతో చిరుధాన్యాల ఆహార ఉత్పత్తులు తయారు చేస్తున్న జిల్లా మహిళా సమాఖ్య కార్యదర్శి తోట కృపామణిని కలెక్టర్‌ సన్మానించారు. పరిశ్రమల శాఖ జిల్లా మేనేజర్‌ సుబ్రహ్మణ్యేశ్వరరావు, జిల్లా వ్యవసాయాధికారి హబీబ్‌ బాషా, ఎల్‌డీఎం నీలాద్రి తదితరులు పాల్గొన్నారు.

తాడేపల్లిగూడెం (టీఓసీ): విశాఖ స్టీల్‌ ప్లాంట్‌కు ప్యాకేజీ ఇచ్చిన విషయంలో కూటమి నేతలు సంబరాలు ఎందుకు చేసుకుంటున్నారో అర్థం కావడంలేదని మాల మహానాడు జాతీయ అధ్యక్షుడు, జిల్లా ఎస్సీ,ఎస్టీ విజిలెన్స్‌ అండ్‌ మోనిటరింగ్‌ కమిటీ సభ్యుడు చీకటిమిల్లి మంగరాజు అన్నారు. పట్టణంలో మాల మహానాడు ఆధ్వర్యంలో శనివారం జరిగిన సమావేశంలో ఆయన మాట్లాడుతూ కూటమి ప్రభుత్వంలో కార్మికులు జీతాలు సరిగా ఇవ్వడం లేదని, 25 వేల మంది కార్మికులకు గాను 10 వేల మందితో ప్లాంట్‌ నడుస్తోందన్నారు. స్టీల్‌ ప్లాంట్‌కు హాలిడే ప్రకటించి, ప్లాంట్‌ను సెయిల్‌లో విలీనం చేయాలని, సొంతంగా గనులు కేటాయించాలని డి మాండ్‌ చేశారు. ప్రధాని మోదీ విశాఖకు వచ్చిన స మయంలో చెప్పిన ప్యాకేజీ ఇప్పుడు కేంద్ర మంత్రు లు ప్రకటించడం వెనుక మతలబు ఏంటో అన్నారు.

● ముక్తకంఠంతో కోరుతున్న ప్రజలు ● సంచలనం రేపిన ‘సాక్షి’ కథనం నూజివీడు: ఆగిరిపల్లిలోని శోభనాచల వ్యాఘ్ర లక్ష్మీ నరసింహస్వామి ఆలయంలో గతంలో జరిగిన దోపిడీపై, మళ్లీ దోపిడీ చేసేందుకు కొందరు పావులు కదుపుతున్న వైనంపై ‘సాక్షి’ ప్రచురించిన కథనం ఆగిరిపల్లితో పాటు నియోజకవర్గవ్యాప్తంగా తీవ్ర సంచలనం కలిగించింది. దేవుడి పేరు చెప్పుకొని చేస్తున్న దోపిడీ గురించి ఉన్నది ఉన్నట్టు ‘సాక్షి’ తెలిపిందని ప్రజలు చర్చించుకోవడం విశేషం. రశీదులు ఇవ్వకుండా చందాలు వసూలు చేయడమేంటని విస్మయం వ్యక్తంచేస్తున్నారు. రథసప్తమి ఉత్సవాల్లో అన్నదానం నిర్వహణకు సంబంధించి దాతల చందాలకు రశీదులు ఇవ్వకపోవడమేంటని భక్తులు ప్రశ్నిస్తున్నారు. కొందరు స్వార్థపరులు స్వామి వారి ప్రతిష్ఠకు భంగం వాటిల్లిలే ప్రవర్తించడం సిగ్గుచేటని అంటున్నారు. రెండేళ్లుగా నూతన కమిటీ మా దిరిగా ఇప్పుడు కూడా నిర్వహించాలని, చందా లకు రశీదులు ఇవ్వాలని, జవాబు దారీతనంతో, పారదర్శకంగా ఉత్సవాలు నిర్వహించాలని ప్రజలు ముక్తకంఠంతో కోరుతున్నారు.

దెందులూరు: సంక్రాంతి పెద్ద పండుగను పురస్కరించుకుని ఉమ్మడి పశ్చిమగోదావరి జిల్లాలో మద్యం వ్యాపారం భారీగా సాగింది. పండుగ మూడు రోజుల్లో మొత్తంగా రూ.25 కోట్లకు పైగా మద్యం విక్రయాలు జరిగాయి. సంక్రాంతికి ఇతర రాష్ట్రాల నుంచి పెద్ద సంఖ్యలో ప్రజలు తరలిరావడం, కోడిపందేల బరుల వద్ద యథేచ్ఛగా మద్యం విక్రయించడం, వీధివీధినా బెల్టు షాపులు ఉండటంతో ఎకై ్సజ్‌కు భారీగా ఆదాయం సమకూరింది. రూ.120 కోట్ల అమ్మకాలు ఉమ్మడి జిల్లాలో ఈనెల 1 నుంచి 15వ తేదీ వరకు రూ.120 కోట్ల మేర మద్యం విక్రయాలు జరిగాయి. ప్రధానంగా పండుగ రోజుల్లో భోగి (ఈనెల 13), సంక్రాంతి (ఈనెల 14), కనుమ (ఈనెల 15) నాడు ఏలూరు జిల్లాలో రూ.15 కోట్లు, పశ్చిమ గోదావరి జిల్లాలో రూ.12 కోట్లకుపైగా విక్రయాలు జరిగాయి. గత నెలతో పోలిస్తే ఈనెలలో ఇప్పటివరకు 20 శాతం మేర అదనంగా మద్యం విక్రయించారు. ఏలూరు జిల్లాలో 144, పశ్చిమగోదావరి జిల్లాలో 175 మద్యం దుకాణాలు ఉన్నాయని, పండుగ మూడు రోజుల్లో సుమారు రూ.27 కోట్ల మేర విక్రయాలు జరిగాయని ఎకై ్సజ్‌ సూపరింటెండెంట్‌ ప్రభుకుమార్‌ తెలిపారు. నూరుశాతం ఆక్యుపెన్సీతో ఆర్టీసీ సంక్రాంతి సందర్భంగా హైదరాబాద్‌, చైన్నె, బెంగళూరు తదితర ప్రాంతాల నుంచి ఉమ్మడి జిల్లాకు పెద్ద సంఖ్యలో బంధువులు తరలిరావడంతో ఆర్టీసీ బస్సులు వంద శాతం ఆక్యుపెన్సీతో నడుస్తున్నాయి. వందల సంఖ్యలో ప్రత్యేక సర్వీసులు నడుస్తున్నాయి. ఏలూరు ఆర్టీసీ డిపో 131 ప్రత్యేక సర్వీసులు ఏర్పాటుచేసింది. హైదరాబాద్‌కు 72, విశాఖకు 4 హైటెక్‌ బస్సులు ప్రత్యేకంగా ఉన్నాయి. రద్దీకి అనుగుణంగా అదనపు సర్వీసులు నడుపుతామని ఆర్టీసీ డీపీ టీఓ ఎన్‌వీ వరప్రసాద్‌ తెలిపారు. ఈనెల 8 నుంచి 13 వరకు 131 సర్వీసుల ద్వారా రూ.43 లక్షల ఆదాయం ఆర్టీసీకి సమకూరింది. దూర ప్రాంతాలకు సోమ, మంగళవారాల వరకు ప్రజలు రిజర్వేషన్లు చేసుకుంటున్నారని, రద్దీ దృష్ట్యా అప్పటికప్పుడు బస్సులు ఏర్పాటు చేస్తామని రవాణా శాఖ అధికారులు చెబుతున్నారు. పండుగ మూడు రోజుల్లో రూ.27 కోట్లకుపైగా మద్యం విక్రయాలు ఈనెల 15 వరకు రూ.120 కోట్లకు పైగా అమ్మకాలు

అలరించిన నృత్య ప్రదర్శన భీమవరం (ప్రకాశంచౌక్‌): మావుళ్లమ్మ ఆలయ వార్షిక మహోత్సవాల్లో భాగంగా కళాంజలి నృత్యనికేతన్‌ (పాలకొల్లు) కళాకారుల నృత్య ప్రదర్శనలు ఆకట్టుకున్నాయి. ఏలూరు (ఆర్‌ఆర్‌పేట): చిన్న తప్పిదంతో జీవితాన్ని కోల్పోవడం, అంగవైకల్యం పొందడం జరుగుతుందని, వాహనచోదకులతో పాటు సహ ప్రయాణికులు తప్పనిసరిగా హెల్మెట్‌ ధరించాలని జిల్లా న్యాయ సేవాధికార సంస్థ చైర్మన్‌, ఉమ్మడి జిల్లా ప్రధాన న్యాయమూర్తి సి.పురుషోత్తంకుమార్‌ హితవు పలికారు. ఏలూరులో న్యాయమూర్తి పురుషోత్తంకుమార్‌ అధ్యక్షతన హెల్మెట్‌ ధారణ–ప్రమాదాల నివారణ అనే అంశంపై అవగాహన సదస్సు నిర్వహించారు. ఈ సందర్భంగా ఆయన మా ట్లాడుతూ హెల్మెట్‌ ధారణపై అవగాహన సదస్సులు నిర్వహిస్తున్నామని, శనివారం న్యాయశాఖ ఉద్యోగస్తులు, న్యాయవాదులు, న్యాయవాద గుమస్తాలు, ప్రజలకు అవగాహన కల్పించామన్నారు. కారులో ప్రయాణించేవారు తప్పనిసరిగా సీట్‌ బెల్ట్‌ ధరించాలని సూచించారు. అనంతరం పలువురికి హెల్మెట్లు అందజేశారు. జిల్లా న్యాయ సేవాధికార సంస్థ కార్యదర్శి కె.రత్నప్రసాద్‌, ఏలూరు బార్‌ అసోసియేషన్‌ ప్రెసిడెంట్‌ కోనే సీతారాం, ప్రభుత్వ న్యాయవాది బీజే రెడ్డి, న్యాయవాదులు ఏలూరు వెంకటేశ్వరరావు, బీఈ సంగీతరావు తదితరులు పాల్గొన్నారు.

నూజివీడు: మెరుగైన జీవనానికి స్వచ్ఛతపై ప్రజల్లో పూర్తి అవగాహన కల్పించి పట్టణాన్ని స్వచ్ఛ నూజివీడుగా తీర్చిదిద్దాలని కలెక్టర్‌ కె.వెట్రిసెల్వి అన్నారు. స్వచ్ఛ ఆంధ్ర–స్వచ్ఛ దివస్‌ కార్యక్రమంలో భాగంగా నూజివీడులో శని వారం ఆమె పర్యటించి పారిశుద్ధ్య పరిస్థితులను పరిశీలించారు. మున్సిపల్‌ అధికారులకు సూచనలిచ్చారు. షాపుల యజమానులు, చిరువ్యాపారులు ఎక్కడపడితే అక్కడ చెత్త వేయడానికి వీలులేదని అన్నారు. ప్రభుత్వం ప్రతి మూడో శనివారం స్వచ్ఛ ఆంధ్ర కార్యక్రమాన్ని నిర్వహించాలని ఆదేశించిందని, ఈ మేరకు జిల్లాలో కార్యక్రమాలు చేపడతామన్నా రు. పట్టణంలో ప్లాస్టిక్‌ నియంత్రణకు ప్రత్యేక చర్యలు చేపట్టాలన్నారు. సబ్‌ కలెక్టర్‌ స్మరణ్‌ రాజ్‌, జెడ్పీ సీఈఓ కె.సుబ్బారావు, మున్సిపల్‌ కమిషనర్‌ ఆర్‌.వెంకటరామిరెడ్డి, తహసీల్దార్‌ బీవీ సుబ్బారావు ఉన్నారు. ‘నవోదయ’ పరీక్షకు 1,455 మంది హాజరు ఏలూరు (ఆర్‌ఆర్‌పేట): జిల్లాలో శనివారం నిర్వహించిన జవహర్‌ నవోదయ ప్రవేశ పరీక్షకు 1,455 మంది విద్యార్థులు హాజరయ్యారు. జిల్లాలోని 13 కేంద్రాల్లో 3,148 మంది విద్యార్థులకు గాను 1,693 మంది గైర్హాజరయ్యారు. జిల్లా విద్యాశాఖాధికారి 3, పెదవేగి నవోదయ విద్యాలయ ప్రిన్సిపాల్‌ 3, ప్రభుత్వ పరీక్ష అసిస్టెంట్‌ కమిషనర్‌ 2 కేంద్రాల్లో తనిఖీలు చేశారు. పరీక్షలు ప్రశాంతంగా జరిగాయని డీఈఓ ఎం.వెంకట లక్ష్మమ్మ తెలిపారు. పరీక్షా పే చర్చతో జాతీయ సమైక్యత ఏలూరు (ఆర్‌ఆర్‌పేట): ఢిల్లీలో ఈనెల 13వ తేదీన జరిగిన పరీక్షాపే చర్చ సదస్సులో జిల్లాలోని నిడమర్రు హైస్కూల్‌ 9వ తరగతి విద్యార్థి పతివాడ రాకడ సువార్తరాజు పాల్గొన్నాడని డీఈఓ ఎం.వెంకటలక్ష్మమ్మ తెలిపారు. శనివారం తన కార్యాలయంలో సువార్త రాజు, సోషల్‌ టీచర్‌ కొల్లేపర కృష్ణ ప్రసాద్‌లను ఆమె ప్రత్యేకంగా అభినందించారు. ఈ సందర్భంగా డీఈఓ మాట్లాడుతూ జాతీయ స్థాయిలో కేంద్ర విద్యాశాఖ ఆధ్వర్యంలో ఢిల్లీలో నిర్వహించిన పరీక్షాపే చర్చ సదస్సుకు రాష్ట్రం నుంచి 8 పాఠశాలల విద్యార్థులు ఎంపికయ్యారని, వారిలో ఏలూరు జిల్లా నుంచి సువార్త రాజు ఉన్నాడన్నారు. కార్యక్రమంలో శారీరక మానసిక అభివృద్ధిలో ఆహారం పాత్రం అనే అంశంపై చర్చా గోష్టి నిర్వహించారన్నారు. జాతీయ సమైక్యత, భిన్నత్వంలో ఏకత్వ భావన పెంపొందించేందుకు ఇటువంటి కార్యక్రమాలు దో హదపడతాయన్నారు. సమగ్ర శిక్ష అదనపు ప్రాజెక్ట్‌ కో–ఆర్డినేటర్‌ పంకజ్‌ కుమార్‌, ఎంఈఓ భాస్కర్‌ కుమార్‌, శ్రీనివాస్‌రావు, హెచ్‌ ఎం రాజేశ్వరి అభినందనలు తెలిపారు. 20న మెగా షుగర్‌ వైద్య శిబిరం భీమవరం: యూకే–ఇండియా డయాబెటిక్‌ ఫుట్‌ ఫౌండేషన్‌ ఆధ్వర్యంలో ఉప్పలపాటి వెంకట కృష్ణంరాజు మెమోరియల్‌ ఉచిత మెగా షుగర్‌ వ్యాధి చికిత్స శిబిరాన్ని ఈనెల 20న భీమవరం డీఎన్నార్‌ ఇంగ్లిష్‌ మీడియం స్కూల్‌ ఆవరణలో నిర్వహించనున్నట్టు దివంగత కేంద్ర మంత్రి కృష్ణంరాజు భార్య శ్యామలాదేవి తెలిపారు. శనివారం ఆమె విలేకరుల సమావేశంలో మాట్లాడుతూ డాక్టర్‌ వేణు కవర్తపు (లండన్‌) ఆధ్వర్యంలో డాక్టర్ల బృందం షుగర్‌ బాధితులకు వైద్య పరీక్షలు చేసి మందులు అందిస్తామన్నారు. రాష్ట్ర క్షత్రియ కార్పొరేషన్‌ చైర్మన్‌ వేగేశ్న కనకరాజు సూరి, డాక్టర్‌ పీఆర్‌కే వర్మ మాట్లాడుతూ పలు దేశాలకు చెందిన సుమారు 40 మంది స్పెషలిస్ట్‌ డాక్టర్లు సేవలందింస్తారని, రోగులు ముందుగా సెల్‌ 96763 09926, 99893 42009, 94904 32934 నంబర్లలో సంప్రదించి రిజిస్ట్రేషన్‌ చేసుకోవాలని సూచించారు. డీఎన్నార్‌ కళాశాల అధ్యక్ష, కార్యదర్శులు గోకరాజు వెంకట నర్సింహరాజు, గాదిరాజు సత్యనారాయణ రాజు (బాబు) తదితరులు పాల్గొన్నారు.

కుక్కునూరు: పోలవరం ప్రాజెక్టు కోసం సర్వం త్యాగం చేస్తున్న తమకు పరిహారం విషయంలో అన్యాయం జరుగుతూనే ఉందని నిర్వాసితులు ఆవేదన చెందుతున్నారు. పరిహారం చెల్లింపులో భాగంగా అధికారులు ముంపు గ్రామాల్లోని ప్రతి ఇంటికి వెళ్లి ఇళ్ల వివరాలతో పాటు కుటుంబ సభ్యుల వివరాలను సేకరించారు. సర్వే నోటిఫికేషన్‌ తేదికి ముందు మూడేళ్లుగా ముంపు ప్రాంతంపై జీవనోపాధి పొందుతున్న కుటుంబాలను ఆర్‌ అండ్‌ ఆర్‌ పరిహారానికి అర్హులుగా ప్రకటించింది. నోటిఫికేషన్‌ తేదికి కుటుంబంలో 18 సంవత్సరాలు నిండిన యువతను ప్రత్యేక కుటుంబంగా పరిగణించి వారికి కూడా ఆర్‌ అండ్‌ ఆర్‌ పరిహారం అందించేలా వివరాలు సేకరించారు. ఈ విషయంలో నోటిఫికేషన్‌ తేదికి వారం రోజులు వయసు తగ్గిన వారిని అధికారులు పరిగణలోకి తీసుకోలేదు. ఈ విషయమై నిర్వాసితులు భూసేకరణాధికారి దృష్టికి తీసుకెళ్లినా చట్టం ప్రకారం ఇవ్వడం కుదరదనడంతో చేసేది లేక నిర్వాసితులు మిన్నకుండి పోయారు. ప్రభుత్వం మానవతా దృక్పథంతో 18 సంవత్సరాల వయసు నిండలేదని పరిగణలోకి తీసుకోని వారికి ఆర్‌ అండ్‌ ఆర్‌ పరిహారం చెల్లించాలని నిర్వాసితులు కోరుతున్నారు. కిడ్నాప్‌ కేసులో నిందితుల అరెస్టు? భీమవరం: పట్టణంలో ఆక్వా వ్యాపారి కిడ్నాప్‌ కేసులో ఏడుగురు నిందితులను పోలీసులు ఆదుపులోనికి తీసుకున్నట్లు తెలిసింది. పట్టణానికి చెందిన వి.సత్యనారాయణను టౌన్‌ రైల్వేస్టేషన్‌ వద్ద కొంతమంది కిడ్నాప్‌ చేసిన సంగతి తెలిసిందే. అనంతపురం ప్రాంతానికి చెందిన కొంతమందికి దాదాపు రూ.5 కోట్ల వరకు బాకీ ఉండగా సక్రమంగా చెల్లించకపోవడం కిడ్నాపునకు కారణమని తెలుస్తోంది. 2020లో ముగ్గురు వ్యక్తులకు బాకీ పడిన సొమ్ముకు సంబంధించి సెటిల్‌మెంట్‌ చేసుకోగా ఒప్పందం మేరకు సొమ్ములు చెల్లించకపోవడంతో అనంతపురం ప్రాంతానికి చెందిన ఒక వ్యక్తి ద్వారా కిడ్నాప్‌ చేయించినట్లు తెలిసింది.పోలీసులకు ఫిర్యాదు చేయడంతో టూటౌన్‌ సీఐ కాళీచరణ్‌ తన సిబ్బందితో విచారణ చేపట్టగా సీసీ పుటేజ్‌ ఆధారంగా కిడ్నాప్‌లో పాల్గొన్న 12 మందిలో ఏడుగురిని అదుపులోనికి తీసుకుని విచారిస్తున్నట్లు తెలిసింది.

ఫైనల్స్‌కు కోల్‌కతా, మహారాష్ట్ర, రాజస్థాన్‌, ఢిల్లీ జట్లు నరసాపురం: నరసాపురం రుస్తుంబాదలో జరుగుతున్న జాతీయస్థాయి కబడ్డీ పోటీల్లో పురుషుల విభాగంలో కోల్‌కతా పోలీస్‌, మహారాష్ట్ర జట్లు, మహిళల విభాగంలో రాజస్తాన్‌, ఢిల్లీ జట్లు ఫైనల్స్‌కు చేరాయి. శనివారం ఉదయం నుంచి లీగ్‌లో చివరి మ్యాచ్‌లు, సెమీఫైనల్స్‌ మ్యాచ్‌లు హోరాహోరీగా సాగాయి. ఫ్లడ్‌లైట్స్‌ వెలుతురులో అర్ధరాత్రి వరకూ ఫైనల్స్‌ జరగనున్నాయి. మ్యాచ్‌లను కలెక్టర్‌ సీహెచ్‌ నాగరాణి, ఎస్పీ నయీం హష్మీ తిలకించారు. గెలుపొందిన జట్లకు రూ.7.50 లక్షల ప్రైజ్‌మనీ, షీల్డ్‌లు అందిస్తారు. కాపు కార్పొరేషన్‌ చైర్మన్‌ కొత్తపల్లి సుబ్బారాయుడు, పోటీల కన్వీనర్‌ కొత్తపల్లి జానకీరామ్‌, ఆర్డీవో దాసి రాజు, డీఎస్పీ డి.శ్రీవేద, వీ.వీర్లెంకయ్య పాల్గొన్నారు.

ఏలూరు(మెట్రో): జిల్లాలోని ప్రతి మండలం, సచివాలయాలకు లక్ష్యాన్ని కేటాయించడం ద్వారా ఎంఎస్‌ఎంఈ సర్వేను వేగవంతం చేయాలని కలెక్టర్‌ కె.వెట్రిసెల్వి ఆదేశించారు. శనివారం కలెక్టరేట్‌లో జిల్లా పరిశ్రమల ప్రోత్సాహక కమిటీ సమావేశంలో ఆమె మాట్లాడారు. ప్రధాన మంత్రి విశ్వకర్మయోజన దరఖాస్తుల ప్రాసెసింగ్‌ను యుద్ధప్రాతిపదికపై పూర్తి చేయాలన్నారు.గిరిజన ఉత్పత్తుల మార్కెటింగ్‌ను ప్రోత్సహించాలని ఐటీడీఏ ఏపీఓను ఆదేశించారు. పీఎంఈజీపీ దరఖాస్తులను పెండింగ్‌ లేకుండా పరిష్కరించాలన్నారు. ఏలూరులో కార్పేట్‌, బంగారు నగల తయారీ రెండు ప్రతిపాదిత క్లస్టర్లకు సంబంధించి సమావేశం నిర్వహించి చర్యలు తీసుకోవాలని ఆదేశించారు.

తణుకు అర్బన్‌: గీత కార్మికులపై ఎకై ్సజు అధికారుల దాడులు తక్షణమే ఆపాలని ఆంధ్రప్రదేశ్‌ కల్లు గీత కార్మిక సంఘం రాష్ట్ర ప్రధాన కార్యదర్శి జుత్తిగ నరసింహుమూర్తి ప్రభుత్వాన్ని డిమాండ్‌ చేశారు. తణుకు అమరవీరుల భవనంలో శనివారం నిర్వహించిన కల్లు గీత కార్మిక సంఘం జిల్లా కమిటీ సమావేశంలో ఆయన మాట్లాడారు. రాష్ట్రంలో బెల్టు షాపులు, అక్రమ మద్యం అరికట్టలేని ఎకై ్సజ్‌ విభాగం గీత కార్మికులపై దాడులు చేసి అవమానపరుస్తున్నారని ఇకపై ఊరుకోబోమని హెచ్చరించారు. కూటమి ప్రభుత్వం అధికారంలోకి రాకముందు ఎన్నికల ప్రచారంలో గీతవృత్తిని కాపాడతామని, గీత కార్మికుల కార్పొరేషన్‌కి నిధులు కేటాయిస్తామని వాగ్దానం చేసి అధికారంలోకి వచ్చిన తర్వాత దాడులు చేయించడం దుర్మార్గమన్నారు. గ్రామాల్లో బెల్టు షాపులను ఏర్పాటు చేసి విచ్చలవిడిగా మద్యం అమ్మకాలు సాగిస్తున్నారని ఎద్దేవా చేశారు. ఎకై ్సజ్‌ అధికారులు, ప్రజాప్రతినిధులు కుమ్మకై ్క మద్యాన్ని ఏరులై పారించడంతో కల్లు అమ్మకాలు లేక గీత కార్మిక కుటుంబాలు పస్తులు ఉంటున్నారని విమర్శించారు. గీత కార్మికులకు పెన్షన్లు ఆంక్షలు లేకుండా 50 సంవత్సరాలకే ఇవ్వాలని, వడ్డీ లేని రుణాలు మంజూరుచేయాలని ప్రభుత్వాన్ని డిమాండ్‌ చేశారు. కామన మునిస్వామి అధ్యక్షతన నిర్వహించిన సమావేశంలో సభ్యులు కడలి పాండు, బొంతు శ్రీనివాస్‌, బొక్క చంటి, కాసాని శీను తదితరులు పాల్గొన్నారు.

భీమవరం: ఆక్వా సాగులో నష్టాలు చవిచూస్తున్న రైతులు ఖర్చు తగ్గించుకోడానికి ప్రయత్నిస్తున్నారు. ఇటీవల రొయ్యలకు తెగుళ్లు అధికం కావడంతో అనేకమంది రొయ్యల సాగును పక్కనపెట్టి చేపల సాగువైపు మక్కువ చూపుతున్నారు. జిల్లా వ్యాప్తంగా సుమారు 80 వేల ఎకరాల్లో రొయ్యల సాగు చేస్తున్నారు. ఇటీవల రొయ్యల ధరలు కొంతమేరకు ఆశాజనకంగా ఉన్నా వైరస్‌ వంటి తెగుళ్లు పెరిగిపోయి తక్కువ కౌంట్‌లో పట్టుబడులు పట్టాల్సిన పరిస్థితి ఏర్పడుతోంది. దీంతో కనీసం పెట్టుబడి ఖర్చులు కూడా చేతికిరాక రొయ్యల రైతులు ఆందోళన చెందుతున్నారు. దీంతో రొయ్యల సాగులో ఖర్చు తగ్గించుకోడానికి ప్రయత్నాలు ప్రారంభించారు. రొయ్యల చెరువులు నిత్యం నీటితో నిండుగా ఉండాలి. గట్టు లీకేజీ, వేసవికాలంలో నీరు ఆవిరి కావడంతో విద్యుత్‌ మోటార్లు, ఆయిల్‌ ఇంజిన్లు ఉపయోగించి నీరు తోడాల్సి ఉంటుంది. నీటి లీకేజీలు అరికట్టడానికి కొంతమంది రైతులు సరికొత్త పద్ధతిని అవలంభిస్తున్నారు. గట్ల చుట్టూ మైకా బరకాలు వేసి నీరు లీకేజీ లేకుండా ఏర్పాటు చేస్తున్నారు. బరకాలు వేయడం వల్ల గట్లు కోతకు గురికాకుండా ఉపయోగపడతాయని చెబుతున్నారు. సముద్ర తీరప్రాంతం, ఇసుక ప్రాంతంలోని భూముల్లోని రొయ్యల చెరువులకు మైకా బరకాలు ఏర్పాట్లు ఎక్కువగా చేస్తున్నారు. మిగిలిన రైతులు కూడా చెరువు గట్ల చుట్టూ బరకాల ఏర్పాటుకు సిద్ధమవుతున్నారు.

శ్రీనివాసా.. గోవిందా.. వేంకటరమణా.. గోవిందా.. స్మరణలు మార్మోగాయి. ద్వారకాతిరుమలలో చినవెంకన్న క్షేత్రం భక్తజన సంద్రాన్ని తలపించింది. శనివారం, సంక్రాంతి సెలవులు ముగుస్తుండటంతో వేలాది మంది భక్తులు తరలివచ్చారు. తెలంగాణ నుంచి ఉభయ గోదావరి జిల్లాలకు వచ్చిన పండుగ చుట్టాలు తిరుగు ప్రయాణంలో స్వామివారిని దర్శించుకున్నారు. క్షేత్రంలోని వైకుంఠం క్యూ కాంప్లెక్స్‌ పూర్తిగా నిండిపోవడంతో భక్తులు ఆరుబయటే బారులు తీరారు. తూర్పు రాజగోపుర ప్రాంతంలో భక్తులు పోటెత్తారు. ఉచిత ప్రసాదం కోసం క్యూలు కట్టారు. క్షేత్రంలోని విభాగాలన్నీ కిటకిటలాడాయి. పార్కింగ్‌ ప్రాంతాలు, ఘాట్‌ రోడ్లు వాహనాలతో నిండిపోయాయి. రాత్రి వరకు రద్దీ కొనసాగింది. అనివేటి మండపంలో బాలల కోలాట నృత్యాలు ఆకట్టుకున్నాయి. –ద్వారకాతిరుమల

ఏలూరు(మెట్రో): రైతులకు స్వచ్ఛమైన భూములను అప్పగించేందుకు చరిత్రలో ఎన్నడూ లేనివిధంగా జగనన్న భూరక్ష పథకం ద్వారా కోట్లాది రూపాయలు వెచ్చించి గత వైఎస్సార్‌సీపీ సర్కారు భూముల రీ సర్వే ప్రక్రియను ప్రారంభించింది. అయితే సర్వే ప్రక్రియ పూర్తి కావస్తున్న తరుణంలో గద్దెనెక్కిన కూటమి ప్రభుత్వం రీ సర్వేను అర్ధాంతరంగా నిలిపివేసింది. అలాగే వైఎస్సార్‌సీపీ ప్రభుత్వంపై కక్షను వెళ్లగక్కింది. సర్వే పూర్తి చేసి హద్దులు గుర్తిస్తూ నాటిన సర్వే రాళ్లపై ఉన్న గత సీఎం జగన్‌ చిత్రాలను తొలగించేందుకు ప్రత్యేక డ్రైవ్‌ చేపట్టింది. ఇందుకోసం లక్షలాది రూపాయలు వెచ్చించింది. ఇదిలా ఉండగా గత ప్రభుత్వంలో పూర్తిచేసిన రీ సర్వేనే మరోమారు చేపట్టేందుకు కూటమి ప్రభు త్వం తాజాగా చర్యలు తీసుకుంది. గతంలో గ్రా మాల వారీగా ఎటువంటి ఇబ్బందులు లేకుండా సర్వే పూర్తి చేశారు. దానిని కూటమి ప్రభుత్వం పూర్తిచేయడం మాని ప్రజాధనాన్ని దుర్వినియోగం చేసేలా ఈనెల 20 నుంచి భూముల రీసర్వేకు చర్యలు చేపట్టింది. కేవలం జగన్‌మోహన్‌రెడ్డి సర్కారుపై ఉన్న అక్కసుతో పూర్తి చేసిన సర్వేను పక్కనపెట్టి గొప్పల కోసం మరోమారు సర్వే చేపడుతుందని రైతులు అంటున్నారు. గత ప్రభుత్వంలో మూడు దశల్లో పక్కాగా.. గత వైఎస్సార్‌సీపీ ప్రభుత్వంలో జిల్లాలో 664 రెవెన్యూ గ్రామాలు ఉండగా మూడు విడతల్లో 559 గ్రామాల్లో డ్రోన్‌ సర్వే పూర్తిచేశారు. అలాగే 252 గ్రామాల్లో పూర్తిస్థాయిలో హద్దులు గుర్తింపు ప్రక్రియ చేపట్టారు. తొలి దశలో 82 గ్రామాల్లో 90,555 ఎకరాలు, రెండో దశలో 77 గ్రామాల్లో 87,018 ఎకరాలు, మూడో దశలో 77 గ్రామాల్లో 1,13,272 ఎకరాల్లో సర్వే నిర్వహించి రెవెన్యూ రికార్డులను సైతం మార్పు చేశారు. ఆయా భూముల్లో సర్వే రాళ్లు పాతి హద్దులు నిర్ణయించారు. రైతులకు హక్కు పత్రాలు సైతం అందజేశారు. జిల్లావ్యాప్తంగా 50 బృందాలతో.. జిల్లాలోని జంగారెడ్డిగూడెం, ఏలూరు, నూజివీడు డివిజన్‌ల పరిధిలో సర్వేకు ప్రభుత్వం చర్యలు తీసుకుంది. జంగారెడ్డిగూడెం డివిజన్‌లో 10 బృందాలు 5,801.93 ఎకరాలు, ఏలూరు డివిజన్‌లో 26 బృందాలు 10,913.17 ఎకరాలు, నూజివీడు డివిజన్‌లో 14 బృందాలు 7,891.36 ఎకరాలు మొత్తంగా జి ల్లావ్యాప్తంగా 50 బృందాలు 24,606.46 ఎకరాలను సర్వే చేసేందుకు నిర్ణయించారు. జంగారెడ్డిగూడెం డివిజన్‌లో 7 మండలాల పరిధిలో 7 గ్రా మాలు, ఏలూరు డివిజన్‌లో పరిధిలో 11 మండలాల పరిధిలో 11 గ్రామాలు, నూజివీడు డివిజన్‌లో 6 మండలాల పరిధిలో 6 గ్రామాలు ప్రస్తుతం సర్వే చేసేందుకు చర్యలు తీసుకోనున్నారు. జిల్లాలో ఇప్పటికే 252 గ్రామాల్లో పూర్తి మళ్లీ సర్వేకు కూటమి ప్రభుత్వం చర్యలు కోట్లాది రూపాయల ప్రజాధనం వృథా సర్వే సిబ్బందికి ముప్పుతిప్పలు గత వైఎస్సార్‌సీపీ ప్రభుత్వంలో 11.81 లక్షల ఎకరాల్లో పూర్తయిన సర్వే గత ప్రభుత్వంలో రీ సర్వే ప్రక్రియ రెవెన్యూ గ్రామాలు 664 డ్రోన్‌ సర్వే పూర్తయిన గ్రామాలు 559 సర్వే పూర్తయిన గ్రామాలు 252 డ్రోన్‌ సర్వే పూర్తయిన ఎకరాలు 11,81,565 స్వచ్ఛీకరణకు సిద్ధంగా ఉన్న ఎకరాలు 3,34,518 స్వచ్ఛీకరణ పూర్తయిన గ్రామాలు 236 స్వచ్ఛీకరణ పూర్తయిన ఎకరాలు 2,90,845 20 నుంచి మండలానికి ఓ గ్రామంలో.. భూముల రీ సర్వేలో భాగంగా జిల్లాలోని ప్రతి మండలంలో ఒక గ్రామాన్ని గుర్తించి ఆ గ్రామంలో రైతుల ఆధ్వర్యంలో సర్వే చేపట్టేందుకు చర్యలు తీసుకుంటామని కూటమి సర్కారు చెబుతోంది. ఈనెల 20 నుంచి చేపట్టే సర్వే కార్యక్రమంలో 200 నుంచి 250 ఎకరాలకు ఒక బ్లాక్‌గా విభజించనున్నారు. ఆ బ్లాక్‌లకు ఒక బృందం ఏర్పాటు చేసి బృందంలో ఇద్దరు గ్రామ సర్వేయర్లు, గ్రామ రెవెన్యూ అధికారి, గ్రామ సహాయకుడు ఉంటారు. ఈ బృందానికి మరో సాంకేతిక సహాయకుడు సహాయాన్ని అందిస్తాడు. పొలాల గట్ల విస్తీర్ణాన్ని పక్కాగా కొలుస్తామని, ఎక్కడికక్కడ గ్రామ ప్రజలు భూ యజమానుల సమక్షంలో సర్వే చేయనున్నట్టు అధికారులు చెబుతున్నారు.

పెనుమంట్ర : మార్టేరు ప్రాంతీయ వ్యవసాయ పరిశోధనా స్థానంలో శనివారం శిక్షణ, సందర్శన కార్యక్రమం నిర్వహించారు. సహ పరిశోధన సంచాలకుడు డాక్టర్‌ టి.శ్రీనివాస్‌ అధ్యక్షత వహించారు. ఈ సందర్భంగా శ్రీనివాస్‌ మాట్లాడుతూ జిల్లాలో అధిక శాతం వరినాట్లు పూర్తయ్యాయని, గత సంవత్సరం అనుభవాలు దృష్టిలో ఉంచుకుని వ్యవసాయ శాఖ అధికారులు ఎప్పటికప్పుడు తగిన సమాచారం ఇవ్వాలని కోరారు. నారుమడి, ప్రధాన పొలం నాటిన నెల రోజుల వరకు కాండం తొలిచే పురుగు, ఆకుముడుత పురుగు ఆశించకుండా ప్రతి సెంటు నారుమడికి 160 గ్రాముల కార్బొప్యూరాన్‌ 3 జీ గుళికలు వేయాలని కోరారు. జిల్లా వ్యవసాయశాఖ అధికారి జడ్‌.వెంకటేశ్వరరావు మాట్లాడుతూ జిల్లాలో 50 శాతం విస్తీర్ణంలో నాట్లు పూర్తయ్యాయని, ఈ నెలాఖరు వరకు దాదాపు 90 శాతం నాట్లు పూర్తవుతాయని అన్నారు. ప్రధాన శాస్త్రవేత్త డాక్టర్‌ ఎం.గిరిజారాణి దాళ్వాలో ఎంటీయూ 1121, పీఆర్‌ 126 రకాలకు ప్రత్యామ్నాయమైన ఎంటీయూ 1293, ఎంటీయూ 1273 రకాలను సాగుచేసేలా రైతులను ప్రోత్సహించాలని కోరారు.కార్యక్రమంలో ప్రధాన శాస్త్రవేత్త ఎంవీ కృష్ణాజీ, వ్యవసాయశాఖ అధికారులు పాల్గొన్నారు. జ్యూయలరీ షాపులో అగ్ని ప్రమాదం తణుకు అర్బన్‌: తణుకులో జయంతి జ్యూయలర్స్‌ బంగారు దుకాణంలో శనివారం అగ్ని ప్రమాదం చోటు చేసుకుంది, మధ్యాహ్నం వ్యాపార లావాదేవీలు నిర్వహిస్తున్న సమయంలో దుకాణం లోపల ఉన్న రెండు ఏసీల నుంచి మంటలు చెలరేగి దట్టమైన పొగలు కమ్మేశాయి. ప్రమాద విషయాన్ని తెలుసుకుని వచ్చిన అగ్నిమాపక వాహన సిబ్బంది మంటలను అదుపు చేశారు. దుకాణంలో ఉన్న రెండు ఏసీలు కాలిపోయాయని ఇతర నష్టమేమీ జరగలేదని యజమాని కాన్‌రాజ్‌ తెలిపారు.

నూజివీడు: మెరుగైన జీవనానికి స్వచ్ఛతపై ప్రజల్లో పూర్తి అవగాహన కల్పించి పట్టణాన్ని స్వచ్ఛ నూజివీడుగా తీర్చిదిద్దాలని కలెక్టర్‌ కె.వెట్రిసెల్వి అన్నారు. స్వచ్ఛ ఆంధ్ర–స్వచ్ఛ దివస్‌ కార్యక్రమంలో భాగంగా నూజివీడులో శని వారం ఆమె పర్యటించి పారిశుద్ధ్య పరిస్థితులను పరిశీలించారు. మున్సిపల్‌ అధికారులకు సూచనలిచ్చారు. షాపుల యజమానులు, చిరువ్యాపారులు ఎక్కడపడితే అక్కడ చెత్త వేయడానికి వీలులేదని అన్నారు. ప్రభుత్వం ప్రతి మూడో శనివారం స్వచ్ఛ ఆంధ్ర కార్యక్రమాన్ని నిర్వహించాలని ఆదేశించిందని, ఈ మేరకు జిల్లాలో కార్యక్రమాలు చేపడతామన్నా రు. పట్టణంలో ప్లాస్టిక్‌ నియంత్రణకు ప్రత్యేక చర్యలు చేపట్టాలన్నారు. సబ్‌ కలెక్టర్‌ స్మరణ్‌ రాజ్‌, జెడ్పీ సీఈఓ కె.సుబ్బారావు, మున్సిపల్‌ కమిషనర్‌ ఆర్‌.వెంకటరామిరెడ్డి, తహసీల్దార్‌ బీవీ సుబ్బారావు ఉన్నారు. ‘నవోదయ’ పరీక్షకు 1,455 మంది హాజరు ఏలూరు (ఆర్‌ఆర్‌పేట): జిల్లాలో శనివారం నిర్వహించిన జవహర్‌ నవోదయ ప్రవేశ పరీక్షకు 1,455 మంది విద్యార్థులు హాజరయ్యారు. జిల్లాలోని 13 కేంద్రాల్లో 3,148 మంది విద్యార్థులకు గాను 1,693 మంది గైర్హాజరయ్యారు. జిల్లా విద్యాశాఖాధికారి 3, పెదవేగి నవోదయ విద్యాలయ ప్రిన్సిపాల్‌ 3, ప్రభుత్వ పరీక్ష అసిస్టెంట్‌ కమిషనర్‌ 2 కేంద్రాల్లో తనిఖీలు చేశారు. పరీక్షలు ప్రశాంతంగా జరిగాయని డీఈఓ ఎం.వెంకట లక్ష్మమ్మ తెలిపారు. పరీక్షా పే చర్చతో జాతీయ సమైక్యత ఏలూరు (ఆర్‌ఆర్‌పేట): ఢిల్లీలో ఈనెల 13వ తేదీన జరిగిన పరీక్షాపే చర్చ సదస్సులో జిల్లాలోని నిడమర్రు హైస్కూల్‌ 9వ తరగతి విద్యార్థి పతివాడ రాకడ సువార్తరాజు పాల్గొన్నాడని డీఈఓ ఎం.వెంకటలక్ష్మమ్మ తెలిపారు. శనివారం తన కార్యాలయంలో సువార్త రాజు, సోషల్‌ టీచర్‌ కొల్లేపర కృష్ణ ప్రసాద్‌లను ఆమె ప్రత్యేకంగా అభినందించారు. ఈ సందర్భంగా డీఈఓ మాట్లాడుతూ జాతీయ స్థాయిలో కేంద్ర విద్యాశాఖ ఆధ్వర్యంలో ఢిల్లీలో నిర్వహించిన పరీక్షాపే చర్చ సదస్సుకు రాష్ట్రం నుంచి 8 పాఠశాలల విద్యార్థులు ఎంపికయ్యారని, వారిలో ఏలూరు జిల్లా నుంచి సువార్త రాజు ఉన్నాడన్నారు. కార్యక్రమంలో శారీరక మానసిక అభివృద్ధిలో ఆహారం పాత్రం అనే అంశంపై చర్చా గోష్టి నిర్వహించారన్నారు. జాతీయ సమైక్యత, భిన్నత్వంలో ఏకత్వ భావన పెంపొందించేందుకు ఇటువంటి కార్యక్రమాలు దో హదపడతాయన్నారు. సమగ్ర శిక్ష అదనపు ప్రాజెక్ట్‌ కో–ఆర్డినేటర్‌ పంకజ్‌ కుమార్‌, ఎంఈఓ భాస్కర్‌ కుమార్‌, శ్రీనివాస్‌రావు, హెచ్‌ ఎం రాజేశ్వరి అభినందనలు తెలిపారు. 20న మెగా షుగర్‌ వైద్య శిబిరం భీమవరం: యూకే–ఇండియా డయాబెటిక్‌ ఫుట్‌ ఫౌండేషన్‌ ఆధ్వర్యంలో ఉప్పలపాటి వెంకట కృష్ణంరాజు మెమోరియల్‌ ఉచిత మెగా షుగర్‌ వ్యాధి చికిత్స శిబిరాన్ని ఈనెల 20న భీమవరం డీఎన్నార్‌ ఇంగ్లిష్‌ మీడియం స్కూల్‌ ఆవరణలో నిర్వహించనున్నట్టు దివంగత కేంద్ర మంత్రి కృష్ణంరాజు భార్య శ్యామలాదేవి తెలిపారు. శనివారం ఆమె విలేకరుల సమావేశంలో మాట్లాడుతూ డాక్టర్‌ వేణు కవర్తపు (లండన్‌) ఆధ్వర్యంలో డాక్టర్ల బృందం షుగర్‌ బాధితులకు వైద్య పరీక్షలు చేసి మందులు అందిస్తామన్నారు. రాష్ట్ర క్షత్రియ కార్పొరేషన్‌ చైర్మన్‌ వేగేశ్న కనకరాజు సూరి, డాక్టర్‌ పీఆర్‌కే వర్మ మాట్లాడుతూ పలు దేశాలకు చెందిన సుమారు 40 మంది స్పెషలిస్ట్‌ డాక్టర్లు సేవలందింస్తారని, రోగులు ముందుగా సెల్‌ 96763 09926, 99893 42009, 94904 32934 నంబర్లలో సంప్రదించి రిజిస్ట్రేషన్‌ చేసుకోవాలని సూచించారు. డీఎన్నార్‌ కళాశాల అధ్యక్ష, కార్యదర్శులు గోకరాజు వెంకట నర్సింహరాజు, గాదిరాజు సత్యనారాయణ రాజు (బాబు) తదితరులు పాల్గొన్నారు.

దెందులూరు: మండలంలోని వేగవరంలో శుక్రవారం రాత్రి పెదవేగి మండలం వంగూరు గ్రామానికి చెందిన అడ్డాల కుమార్‌ రోడ్డు ప్రమాదంలో మృతిచెందాడు. దెందులూరు ఎస్సై ఆర్‌.శివాజీ వివరాల ప్రకారం.. వెనుక ఉన్న బైక్‌ కుమార్‌ బైక్‌ను ఢీకొట్టింది. అతను ఎద్దుల బండిని ఢీ కొట్టి రోడ్డుపై పడ్డాడు. కుమార్‌కు తీవ్ర గాయాలు కావడంతో ఏలూరులోని ప్రైవేటు ఆసుపత్రికి తరలించారు. చికిత్స పొందుతూ మృతి చెందాడని వైద్యులు తెలిపారు. సంక్రాంతి పండగకు వచ్చి మృత్యువాత పడడంతో అతని కుటుంబ సభ్యులు, బంధువులు కన్నీరుమున్నీరవుతున్నారు.

చింతలపూడి: మెట్ట ప్రాంతంలో రైతులు అంతర పంటలపై మక్కువ చూపుతున్నారు. ఏటా అతివృష్టి లేదా అనావృష్టితో ఒక పంటకు నష్టం వాటిల్లినా మరో పంట ఆదుకుంటుందన్న ఆశతో ఖర్చుకు వెనుకాడకుండా అంతర పంటలు సాగు చేస్తూ లాభాలు ఆర్జిస్తున్నారు. పెరుగుతున్న ఎరువులు, పురుగు మందులు ఖర్చు, సాగు పెట్టుబడులతో గిట్టుబాటు ధర లభించకపోవడంతో మరింత ఆదాయం కోసం వాణిజ్య పంటలతో పాటు అంతర పంటలపై మొగ్గు చూపుతున్నారు. మెట్ట ప్రాంతంలో 10 వేల హెక్టార్లలో రైతులు అంతర పంటలు సాగు చేస్తున్నట్లు అధికారులు చెబుతున్నారు. అంతర పంటల్లో భాగంగా కొబ్బరిలో కోకో, అరటి, వక్క, ఆయిల్‌పాం తోటల్లో వేరుశనగ, మొక్కజొన్న, మామిడిలో మొక్కజొన్న, ఏకకాలంలో రెండు, మూడు రకాల కూరగాయల సాగు చేస్తున్నారు. అంతర పంటల సాగు వల్ల వాణిజ్య పంటల సాగులో పెట్టుబడులను అంతర పంటల నుంచి రైతులు సమకూర్చుకుంటున్నారు. దీనివల్ల కూలీల కొరతను అధిగమించడమే కాకుండ ఎరువులు, పురుగు మందులు వాడినప్పుడు ఖర్చు తగ్గినట్లు రైతులు చెబుతున్నారు. తక్కువ నీటితో ఎక్కువ పంటలను పండించే వీలు కలుగుతుందంటున్నారు. ప్రభుత్వాలు కూడ అంతర పంటల వైపు రైతులను ప్రోత్సహించాల్సిన అవసరం ఉంది. రైతులకు ప్రత్యేక రాయితీలు, రుణాలు అందించి అంతర పంటల సాగు పెరగడానికి కృషి చేయాలని విజ్ఞప్తి చేస్తున్నారు.

భీమవరం : భీమవరం ఎస్‌ఆర్‌కెఆర్‌ ఇంజినీరింగ్‌ కళాశాల ఇండియన్‌ సొసైటీ ఫర్‌ టెక్నికల్‌ ఎడ్యుకేషన్‌(ఐఎస్‌టీఈ) విద్యార్థి విభాగం ఆధ్వర్యంలో ఫిబ్రవరి 21, 22 తేదీల్లో శ్రీనిపుణశ్రీ పేరిట జాతీయ స్థాయి విద్యార్థి సింపోజియం నిర్వహిస్తున్నట్లు కళాశాల ప్రిన్సిపల్‌ కేవీ మురళీకృష్ణంరాజు చెప్పారు. శనివారం కళాశాలలో సింపోజియం పోస్టర్‌ను కళాశాల సెక్రటరీ అండ్‌ కరస్పాండెంట్‌ సాగి రామకృష్ణ నిషాంత్‌ వర్మ విడుదల చేశారు. ఈ సందర్భంగా మురళీకృష్ణంరాజు, కళాశాల డైరెక్టర్‌ ఎం.జగపతిరాజు, ఐఎస్‌టిఈ ఫ్యాకల్టీ కోఆర్డినేటర్‌ ఎస్‌.రామ్‌గోపాల్‌ రెడ్డి మాట్లాడుతూ సింపోజియంలో దేశంలో వివిధ ప్రాంతాల నుంచి విద్యార్థులు పాల్గొంటున్నారన్నారు. సింపోజియంలో అయిదు విభాగాలకు చెందిన 17 ఈవెంట్లు నిర్వహించి విజేతలకు బహుమతులు అందిస్తారన్నారు.

అత్తిలి: మానవ జీవితానికి సంబంధించిన అనేక నిత్యసత్యాలను తనదైన శైలిలో తేట తెలుగు పదాలతో వర్ణించి తెలుగువారి హృదయాల్లో చిరస్మరణీయుడిగా నిలిచిన ప్రజా కవి యోగి వేమన. అత్తిలి మండలం ఆరవల్లిలో వేమనకు మందిరాన్ని నిర్మించి, ఏటా జనవరి 18న వేమన జయంతిని ఆధ్వర్యంలో ఘనంగా నిర్వహిస్తున్నారు. శనివారం వేమన 100వ జయంత్యుత్సవాన్ని నేత్రపర్వంగా జరిపారు. వేకువజామున వెలగల దాసు వంశీయులు వేమనకు గోస్తనీ నది స్నానం చేయించారు. వేమన మందిరాన్ని పుష్పాలతో విశేషంగా అలంకరించారు. ఉదయం నుంచి భక్తులు పెద్ద సంఖ్యలో హాజరై వేమనను దర్శించుకున్నారు. ఆలయ ప్రాంగణంలో భజన కీర్తనలు, కోలాట భజన, సినీ సంగీత విభావరి నిర్వహించారు. బ్యాండు మేళాలు, మంగళ వాద్యాలు, బాణసంచా కాల్పుల నడుమ విశేషంగా అలంకరించిన పల్లకీపై వేమన చిత్రపటాన్ని ఉంచి గ్రామ పురవీధులలో ఊరేగించారు. వేమన పల్లకీ కింద నుంచి తల్లిదండ్రులు తమ చిన్నారులను దాటించారు. ఇలా చేయడం వల్ల పిల్లలకు ఆయుష్షు పెరుగుతుందనేది గ్రామస్తుల నమ్మకం. ఉత్సవాలకు హాజరైన భక్తులకు ఆలయ కమిటీ ఆధ్వర్యంలో అన్నదానం చేశారు. ఉత్సవాల సందర్భంగా ఏర్పాటు చేసిన దుకాణాల వద్ద సందడి నెలకొంది. వేమన జయంతి సందర్భంగా గ్రామంలో పండుగ వాతావారణం నెలకొంది. దేశ, విదేశాలలో ఉన్నవారు స్వగ్రామానికి చేరుకుని బంధుమిత్రులతో ఉత్సాహంగా గడిపారు. ఆలయ ప్రాంగణంలో ఏర్పాటు చేసిన విద్యుత్‌ దీపాలంకరణ ఉత్సవాలకు ప్రత్యేక ఆకర్షణగా నిలిచాయి. వేమన ఉత్సవ కమిటీ చైర్మన్‌ వెలగల అమ్మిరెడ్డి, కమిటీ సభ్యుల పర్యవేక్షణలో ఉత్సవాలను ఘనంగా నిర్వహించారు. కార్యక్రమంలో వేమన ఉత్సవ కమిటీ చైర్మన్‌ వెలగల అమ్మిరెడ్డి, స్థానిక ప్రముఖులు సత్తి వెంకట శ్రీనివాసరెడ్డి, గొలుగూరి శ్రీరామారెడ్డి, టీడీపీ మండలాధ్యక్షుడు ఆనాల ఆదినారాయణ, వెలగల ప్రసాదరెడ్డి తదితరులు పాల్గొన్నారు. వేమనను దర్శించుకున్న సినీ ప్రముఖులు యోగి వేమనను గ్రామానికి చెందిన ప్రముఖ సినీ దర్శకుడు ఎస్వీ కృష్ణారెడ్డి, నిర్మాత కె.అచ్చిరెడ్డిలు దర్శించుకున్నారు. ఈ సందర్భంగా కృష్ణారెడ్డి, అచ్చిరెడ్డిని ఆలయ కమిటీ చైర్మన్‌ వెలగల అమ్మిరెడ్డి సత్కరించారు. క్రీడా ప్రాంగణంలో జరుగుతున్న వాలీబాల్‌ పోటీలు, మహిళా కబడ్డీ పోటీలను తిలకించారు. శునకాలకు అన్నదానం ఆరవల్లి వేమన జయంతి ఉత్సవాలలో శునకాలకు అన్నదానం చేశారు. పలు రకాల ఆహార పదార్థాలను కావిడిలో పెట్టుకుని గ్రామంలో తిరుగుతూ కనిపించిన శునకాలకు విస్తరి వేసి వడ్డించారు. ఆరవల్లిలో ఘనంగా వేమన శత జయంత్యుత్సవాలు శునకాలకు అన్నదానం

వారి మనసులు కలిశాయి. దేశాల సరిహద్దులు చెరిగిపోయాయి. ఆంధ్ర అమ్మాయి, జర్మనీ అబ్బాయిల ప్రేమకు పెద్దలు అంగీకారం తెలపడంతో టి.నరసాపురం మండలం ఏపుగుంట గ్రామంలో నిశ్చితార్ధం వైభవంగా జరిగింది. ప్రేమకు ఎల్లలు లేవని నిరూపిస్తూ పెళ్లివైపు అడుగులు వేశారు. ఏపుగుంటకు చెందిన కూనపాము లావణ్య నాలుగేళ్ల క్రితం జర్మనీలోని మెల్లె నగరంలో నర్సింగ్‌ విద్యను అభ్యసించేందుకు వెళ్లింది. కోర్సు పూర్తిచేసిన అనంతరం, అక్కడే ఓ ఆసుపత్రిలో నర్సుగా పనిచేస్తోంది. ఆసుపత్రిలోనే ఎలక్ట్రీషియన్‌గా పనిచేస్తున్న జర్మనీకి చెందిన మార్కస్‌తో పరిచయం ఏర్పడింది. పరిచయం ప్రేమగా మారడంతో వారి ప్రేమను తల్లిదండ్రులకు తెలిపారు. ఈ క్రమంలోనే ఈ నెల 4న లావణ్య, మార్కస్‌లు ఏపుగుంట చేరుకున్నారు. శనివారం ఆర్‌సీఎం చర్చిలో మత గురువులు, స్థానికుల సమక్షంలో వివాహ నిశ్చితార్ధ వేడుక ఘనంగా నిర్వహించారు. – టి.నరసాపురం

ఏలూరు (ఆర్‌ఆర్‌పేట): 2025–26 విద్యా సంవత్సరానికి జిల్లాలోని జవహర్‌ నవోదయ విద్యాలయాల్లో 6వ తరగతి ప్రవేశాలకు పరీక్షను శనివారం నిర్వహించనున్నట్టు డీఈఓ ఎం.వెంకట లక్ష్మమ్మ ఓ ప్రకటనలో తెలిపారు. జిల్లాలో 13 కేంద్రాలను ఏర్పాటుచేశామని, ఉదయం 10 గంటలకు విద్యార్థులు కేంద్రాలకు చేరుకోవాలని సూచించారు. నవోదయ వెబ్‌సైట్‌ నుంచి అడ్మిట్‌ కార్డులను డౌన్‌లోడ్‌ చేసుకుని తీసుకురావాలన్నారు. బ్లాక్‌ లేదా బ్లూ పెన్‌తో మాత్రమే జవాబులు బబుల్‌ చేయాలని, కేంద్రాల్లోకి ఎటువంటి ఎలక్ట్రానిక్‌ వస్తువులకు అనుమతి లేదన్నారు. వివరాలకు హెల్ప్‌లైన్‌ నంబర్లు 63030 39477, 94907 287768, 96406 76608, 90785 68664, 80748 33690, 94917 31486లో సంప్రదించాలని కోరారు. పోలీసుల అదుపులో కిడ్నాపర్లు భీమవరం: భీమవరంలో గురువారం ఆక్వా వ్యాపారి వి.సత్యనారాయణను కిడ్నాప్‌ చేసిన వ్యక్తులను అనంతపురంలో పోలీసులు అదుపులోకి తీసుకున్నట్టు తెలిసింది. ఆర్థిక లావాదేవీల కారణంగా కొందరు వ్యక్తులు కారులో వచ్చి భీమవరం టౌన్‌ రైల్వేస్టేషన్‌ వద్ద సత్యనారాయణను బలవంతంగా తీసుకువెళ్లారు. కేసు దర్యాప్తులో భాగంగా టూటౌన్‌ సీఐ జి.కాళీచరణ్‌ సీసీ పుటేజీల ద్వారా కిడ్నాప్‌ చేసిన కారు వెళ్లిన మార్గాలను పరిశీలిస్తూ అనంతపురం పోలీసులను అప్రమత్తం చేశారు. దీనిపై పోలీసులను వివరణ కోరగా కేసు దర్యాప్తులో ఉందని చెప్పారు.

ఏలూరు (టూటౌన్‌): వ్యవసాయానికి పగటిపూట 9 గంటలు విద్యుత్‌ సరఫరా చేయాలని ఏపీ రైతు సంఘం జిల్లా కార్యదర్శి కె.శ్రీనివాస్‌ డిమాండ్‌ చేశారు. శుక్రవారం స్థానిక అన్నే భవనంలో జిల్లా అ ధ్యక్షుడు కట్టా భాస్కరరావు అధ్యక్షతన జరిగిన స మావేశంలో మాట్లాడారు. వ్యవసాయానికి విద్యుత్‌ సరఫరాను 7 గంటలకు కుదించడంపై ఆందోళన వ్యక్తం చేశారు. దీనివల్ల పంటల సాగుపై తీవ్ర ప్రభావం చూపుతుందని, ప్రధానంగా మెట్టలో మొక్కజొన్న, మిర్చి, పొగాకు, ఉద్యాన పంటల రైతులు తీవ్ర ఇబ్బందులు పడతారన్నారు. ప్రభు త్వం వెంటనే జోక్యం చేసుకోకపోతే నిరసనలు చేపడతామని హెచ్చరించారు. వ్యవసాయానికి విద్యుత్‌ను 9 గంటల నుంచి 7 గంటలకు కుదించడం దారుణమన్నారు. అప్రకటిత విద్యుత్‌ కోతలపై అన్నదాతలు ఆందోళన చెందతుఉన్నారని అన్నారు. అలాగే కొత్తగా బోర్లు వేసుకున్న రైతులకు విద్యుత్‌ కనెక్షన్లు ఇవ్వాలని కోరారు. సంఘ జిల్లా ఉపాధ్యక్షుడు సిరిబత్తుల సీతారామయ్య తదితరులు పాల్గొన్నారు.

● వైఎస్సార్‌సీపీ కార్యకర్తపై ఎమ్మెల్యే ఆరిమిల్లి దౌర్జన్యకాండ ● ఎమ్మెల్యే హుకుంతో స్టేషన్‌కు వచ్చిన ఆర్టీఓ ● మధ్యాహ్నం 12 గంటల నుంచి పోలీస్‌స్టేషన్‌లోనే బాధితుడు తణుకు అర్బన్‌: వైఎస్సార్‌సీపీ సోషల్‌ మీడియా కార్యకర్త పంజా దుర్గారావుపై తణుకు ఎమ్మెల్యే ఆరిమిల్లి రాధాకృష్ణ చేసిన దౌర్జన్యకాండ శుక్రవారం తణుకులో సంచలనం రేకెత్తించింది. వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డిపై ఉన్న అభిమానంతో వైఎస్సార్‌సీపీకి అనుకూలంగా, అధికార పార్టీ చేస్తున్న అక్రమాలను సోషల్‌ మీడియా ద్వారా ఎండగడుతున్న దుర్గారావును టార్గెట్‌ చేసిన ఎమ్మెల్యే నడిరోడ్డుపై ఒక సామాన్య ఆటో డ్రైవర్‌ అని కూడా చూడకుండా వెంటాడి వీరంగం చేసిన ఘటనను ప్రజలు చీదరించుకుంటున్నారు. బెదిరించి, ఇష్టానుసారంగా దూషించిన తర్వాత పోలీసులకు అప్పగించడం, ఆపై స్టేషన్‌లో నడిచిన హైడ్రామాపై పలువురు విమర్శిస్తున్నారు. ఉదయం 12 గంటల నుంచి తణుకు పట్టణ పోలీస్‌స్టేషన్‌లో హై డ్రామా నడిచింది. ఎమ్మెల్యే ఆదేశాల మేరకు పోలీసులు అదుపులోకి తీసుకున్న దుర్గారావును స్టేషన్‌ లో ఎవరూ కలవకుండా నిర్బంధించడం, వ్యవహారాన్ని గుట్టుగా ఉంచడం అనుమానాలకు తావిస్తోంది. టీడీపీకి చెందిన ప్రముఖులు స్టేషన్‌కు రావడం, అధికారులతో మంతనాలు జరపడం, లీగల్‌ బృందంతో సంప్రదింపులు జరపడం వెనుక భారీ కుట్రపూరిత వ్యవహారం నడుస్తోందని వైఎస్సార్‌సీపీ శ్రే ణులు, కుటుంబసభ్యులు భయాందోళనలు వ్యక్తం చేశారు. ఎమ్మెల్యే ఒత్తిడితో పోలీసులు ఏ కేసులు న మోదు చేస్తారో, ఎక్కడికి తీసుకువెళ్తారోననే ఉత్కంఠ నడిచింది. రాత్రి 10.30 గంటలు గడిచినా దుర్గారావును స్టేషన్‌లోనే ఉంచడం, సోషల్‌ మీడియాలో పెట్టిన పోస్టులపై విచారణ చేయాల్సి ఉందని పోలీసు అధికారులు చెబుతుండటం వంటి అంశాలు అనుమానాస్పదంగా మారాయి. విడ్డూరంగా ఆర్టీఓ తీరు సామాన్య ఆటోడ్రైవర్‌ వ్యవహారానికి సంబంధించి ఎమ్మెల్యే ఆదేశాలతో ఆర్టీఓ హుటాహుటిన పోలీసుస్టేషన్‌కు రావడం, వెంటనే దుర్గారావు ఆటోను స్వా ధీనం చేసుకుని నిమిషాల వ్యవధిలోనే తణుకు ఆ ర్టీసీ బస్‌డిపోకు తరలించడం విడ్డూరంగా మారింది. ట్రాఫిక్‌ రూల్స్‌ పాటించలేదని, జిల్లా మారి హై వేపైకి ఆటో వచ్చిందని తదితర కారణాలు చూపించి రూ.3,400 జరిమానా విధించడం, రవాణా కార్యాలయం నుంచి పనిగట్టుకుని పోలీస్‌స్టేషన్‌కు వచ్చి మరీ అధికారం చూపించడం ఆశ్చర్యం కలిగిస్తోంది. భర్త దుర్గారావును చూసేందుకు తణుకు పోలీస్‌స్టేషన్‌కు వచ్చిన భార్య నాగలక్ష్మి, కుమార్తెలు కన్నీరుమున్నీరయ్యారు. ముఖ్యంగా ఆడబిడ్డల రోదనలు తణుకువాసులను కదిలించాయి.

వివాహిత మృతి బంధువులను పరామర్శించడానికి వెళ్తున్న వివాహిత రోడ్డు ప్రమాదానికి గురై అక్కడికక్కడే మృతి చెందిన ఘటన శివదేవుని చిక్కాలలో చోటుచేసుకుంది. IIలో uఏలూరు(మెట్రో): స్వచ్ఛ ఆంధ్ర–స్వచ్ఛ దివాస్‌ కింద రానున్న వంద రోజుల్లో అత్యంత పరిశుభ్ర జిల్లాగా ఏలూరు జిల్లాను తీర్చిదిద్దేందుకు ప్రత్యేక కార్యాచరణ అమలు చేయాలని కలెక్టర్‌ కె.వెట్రిసెల్వి అధికారులను ఆదేశించారు. శుక్రవారం కలెక్టరేట్‌లో అధికారులతో ఆమె మాట్లాడుతూ శాఖల వారీగా నోడల్‌ అధికారులను నియమించాలన్నారు. శనివారం ఏలూరు పాత బస్టాండ్‌ ప్రాంతంలో కార్యక్రమ నిర్వహణకు ఏర్పాట్లు చేయాలన్నారు. శ్రమదానం, మానవహారం, ప్రతిజ్ఞ, పరిసరాలను పరిశుభ్రం చేయడం వంటి కార్యక్రమాలు చేపట్టాలన్నారు. జెడ్పీ సీఈఓ కె.సుబ్బారావు, కమిషనర్‌ ఎ.భానుప్రతాప్‌, డీపీఓ కె.అనురాధ, డీఈఓ వెంకటలక్ష్మమ్మ పాల్గొన్నారు. అవగాహన కల్పించాలి : జిల్లావ్యాప్తంగా స్వచ్ఛ ఆంధ్ర–స్వచ్ఛ దివాస్‌ కార్యక్రమంపై ప్రజలకు అవగాహన కల్పించాలని, అధికారులంతా అంకితభావంతో భాగస్వాములు కావాలని కలెక్టర్‌ పిలుపునిచ్చారు. కలెక్టర్‌ క్యాంపు కార్యాలయం నుంచి ఆమె వీడియో కాన్ఫరెన్స్‌ ద్వారా అధికారులకు సూచనలిచ్చారు. జిల్లా రెవెన్యూ అధికారి వి.విశ్వేశ్వరరావు, జెడ్పీ సీఈఓ కె.సుబ్బారావు పాల్గొన్నారు. ప్రత్యేక దృష్టి : జిల్లాలో ఉద్యాన పంటలు విస్తరణ, ఆక్వా రంగం, పాడిపరిశ్రమ అభివృద్ధిపై ప్రత్యేక దృష్టి సారించాలని కలెక్టర్‌ అధికారులను ఆదేశించారు. కలెక్టరేట్‌లో అధికారులతో ఆమె సమీక్షించారు. జిల్లా సమగ్ర అభివృద్ధి ధ్యేయంగా స్వర్ణాంధ్ర– 2047 విజన్‌ ప్రణాళికలో భాగంగా లక్ష్యాలను సాధించాలన్నారు. మార్చి నెలాఖరు నాటికి నూరు శాతం లక్ష్యాలు సాధించాలన్నారు. జిల్లా ఉద్యాన శాఖ అధికారి ఎస్‌.రామ్మోహన్‌, జిల్లా వ్యవసాయ శాఖ అధికారి ఎస్‌కే హబీబ్‌ బాషా, ఏపీఎంఐపీ పీడీ పీవీఎస్‌ రవికుమార్‌, జిల్లా మత్స్యశాఖ అధికారి కేఎస్‌వీ నాగలింగాచార్యులు, పశు సంవర్ధక శాఖ ఇన్‌చార్జ్‌ జేడీ టి.గోవిందరాజు పాల్గొన్నారు.