కడప : అత్యంత నాణ్యతా ప్రమాణాలు పాటించడంవల్లే దక్షిణ భారత దేశంలో భారతి సిమెంటు అగ్రగామిగా నిలుస్తోందని ఆ కంపెనీ మార్కెటింగ్ జనర ల్ మేనేజర్ ఎంసీ మల్లారెడ్డి తెలిపారు. ఇంజనీర్లను మంగళవారం నల్లింగాయపల్లెలోని భారతి సిమెంటు ఫ్యాక్టరీ సందర్శనకు  తీసుకెళ్లారు. ఈ సందర్భంగా సిమెంటు తయారీ, నాణ్యత గూర్చి క్వాలిటీ కంట్రోల్ డిపార్ట్‌మెంటు సిబ్బంది ఇంజనీర్లకు వివరించారు.
  
 అనంతరం నిర్వహించిన ఇంజనీర్స్ మీట్‌లో మల్లారెడ్డి మాట్లాడుతూ ఏ ఇంజనీర్లయినా ప్రథమంగా ఎంపిక చేసేది భారతి సిమెంటునేనన్నారు. మిగతా సిమెంట్లతో పోల్చితే ఇది మూడురెట్లు నాణ్యమైనది, పటిష్టమైనదన్నారు. ట్యాంపర్ ఫ్రూఫ్ ప్యాకింగ్ వల్ల వినియోగదారుడికి నష్టం కలగదన్నారు. ఈ  కారణాల వల్లే మార్కెట్‌లో ముందువరుసలో ఉంటోందన్నారు.


 తిరుపతి, న్యూస్‌లైన్ : స్థాపించిన అతి తక్కువ కాలంలోనే భారతీ సిమెంట్స్ అందరి మన్ననలు పొంది ఇంజనీర్స్ ప్రథమ ఎంపిక ఉత్పత్తిగా అభివృద్ధి సాధించిందని భారతీ సిమెంట్స్ జనరల్ మేనేజర్ (మార్కెటింగ్) ఎంసీ. మల్లారెడ్డి అన్నారు. భారతీ సిమెంట్స్ ఆధ్వర్యంలో మంగళవారం రాత్రి తిరుపతిలో ఇంజనీర్స్ మీట్ ఘనంగా నిర్వహించారు. ఈ సందర్భంగా మల్లారెడ్డి మాట్లాడుతూ భారతీ
  సిమెంట్స్ కంపెనీ వినియోగదారులకు నాణ్యమైన సిమెంట్‌ను సరఫరా చేయడం ద్వారా అనతికాలంలోనే విశేష అభివృద్ధి సాధించిందన్నారు.
 
 ఇంజనీర్స్ సేవలకే కాకుండా వినియోగదారులు, తాపీ మేస్త్రీలకు సైతం లక్ష రూపాయల ప్రమాద బీమా అందిస్తున్నామని వివరించారు. ఈ సమావేశంలో జనరల్ మేనేజర్(టెక్నికల్ సర్వీస్) సతీష్. టెక్నికల్ మేనేజర్ ఓబుళరెడ్డి,  పలువురు ఇంజనీర్లు, డీలర్లు, సబ్ డీలర్లు పాల్గొన్నారు.  అనంతపురం జేఎన్‌టీయూకు చెందిన శశిధర్ రీయూస్‌ఫుల్ కాంక్రీట్ ద్వారా ఏ విధంగా నిర్మాణ వ్యయాన్ని తగ్గించుకోవచ్చో ఈ కార్యక్రమంలో తెలియజేశారు.