విడపనకల్లు (ఉరవకొండ) : విడపనకల్లు సరిహద్దులో ఉన్న కర్ణాటకలోని బళ్లారి జిల్లా చేళ్లగురికిలో బుధవారం ఎర్రితాత స్వామి మహా రథోత్సవం కనుల పండువగా జరిగింది. అర్చకులు ఎర్రితాత స్వామి ఉత్సవమూర్తిని కొలువు దీర్చాక భక్తులు రథాన్ని లాగారు. రథోత్సవాన్ని వీక్షించడానికి కర్ణాటక, ఆం‍ధ్రప్రదేశ్‌, తెలంగాణ రాష్ట్రాల నుంచి భక్తులు పెద్ద ఎత్తున తరలివచ్చారు. అవాంఛనీయ సంఘటనలు చోటు చేసుకోకుండా కర్ణాటక పోలీసులు గట్టి బందోబస్తు ఏర్పాటు చేశారు.