న్యూఢిల్లీ: అది సోమవారం.. వేకువజాము.. ముంబైపై ఎమిరేట్స్ ఎయిర్‌లైన్స్‌కు చెందిన ఈకే-706 నిండుగా ప్రయాణికులతో వెళుతోంది  అదే సమయంలో ఎతిహాద్ ఎయిర్‌లైన్స్ విమానం ఈవై-622  ఎదురుగా దూసుకొస్తోంది.  వాటి మధ్య దూరం కేవలం కొన్ని కిలోమీటర్లే. మరో 25-30 సెకన్లలో అవి ఢీకొని భారీ విధ్వంసం, ప్రాణ నష్టం జరగడం ఖాయం. ఇంతలో ముంబై ఎయిర్ ట్రాఫిక్ కంట్రోల్ (ఏటీసీ) సిబ్బంది దీనిని గుర్తించారు. వెంటనే ఒక విమానానికి అత్యవసర సందేశం పంపారు. దీంతో ఆ విమానం దిశ మార్చుకోవడంతో...కొద్ది సెకన్లలో భారీ ప్రమాదం తప్పింది. ఎమిరేట్స్ విమానం దుబాయ్ నుంచి సీషెల్స్‌కు వెళుతుండగా, ఎతిహాద్ విమానం సీషెల్స్ నుంచి అబుదాబి వెళుతోంది. ఈ ఉదంతంపై విచారణ చేపట్టారు.


 చెన్నై: అబుదాబి చెందిన ఎతిహాద్ ఎయిర్ లైన్స్ విమానంలో సాంకేతిక లోపం తలెత్తడంతో చెన్నై విమానాశ్రయంలో నిలిపివేశారు. సోమవారం ఉదయం విమానం పైకి ఎగరడానికి సిద్దమవుతున్న సమయంలో సాంకేతిక సమస్య వచ్చింది.
 
 దీన్ని గమనించిన పైలట్ వెంటనే విమానాన్ని ఆపేశాడని ఎయిర్పోర్ట్ అధికారులు తెలిపారు. విమానంలోని 117 మంది ప్రయాణికులకు వసతి కల్పించామన్నారు. సమస్యను పరిష్కరించిన తర్వాత వీరిని తమ గమ్యస్థానాలకు పంపిచనున్నారు.