‘దేవర’ తాజా షెడ్యూల్‌లో జాయిన్‌ అయ్యారట ఎన్టీఆర్‌. ‘జనతా గ్యారేజ్‌’ వంటి హిట్‌ ఫిల్మ్‌ తర్వాత హీరో ఎన్టీఆర్, దర్శకుడు కొరటాల శివ కాంబినేషన్‌లో రూపొందుతున్న సినిమా ‘దేవర’. ఈ చిత్రంతో జాన్వీ కపూర్‌ తెలుగు చిత్ర పరిశ్రమకు హీరోయిన్‌గా పరిచయం అవుతున్నారు. కాగా ఈ సినిమా తాజా షెడ్యూల్‌ చిత్రీకరణ హైదరాబాద్‌లో ప్రారంభమైందని తెలిసింది. ఓ భారీ సెట్‌లో కీలక సన్నివేశాలను చిత్రీకరిస్తున్నారట. ఈ షెడ్యూల్‌లో ముఖ్యంగా టాకీ పార్ట్‌ తీస్తారని తెలిసింది. అలాగే ఈ షెడ్యూల్‌లోనే ఓ పాట కూడా చిత్రీకరించే ఆలోచనలో ఉందట యూనిట్‌. న్యూ ఇయర్, సంక్రాంతి సెలవుల తర్వాత ఎన్టీఆర్‌ ‘దేవర’ షూటింగ్‌లో జాయిన్‌ కావడం ఇదే. రెండు భాగాలుగా కల్యాణ్‌ రామ్, మిక్కిలినేని సుధాకర్, కె. హరికృష్ణ నిర్మిస్తున్న ‘దేవర’ తొలి భాగం ఏప్రిల్‌ 5న విడుదల కానుంది.

ఓ సినిమా హిట్‌ అయిందంటే ఆ కాంబినేషన్‌లో మరో చిత్రం ఎప్పుడు వస్తుందా? అనుకుంటుంటారు. ఆ కాంబినేషన్‌ మరోసారి కలసి పని చేస్తోందంటే ఇటు అభిమానులు,  అటు ఇండస్ట్రీ కచ్చితంగా ఆసక్తిగా ఎదురు చూస్తుంది. అలా ఎన్నిసార్లు కలసి పని చేసినా వన్స్‌మోర్‌ అంటుంది. తమిళంలో అలాంటి యాక్టర్, డైరెక్టర్‌ కాంబినేషనే ధనుష్‌–వెట్రిమారన్‌. వీళ్ల కాంబినేషన్‌లో ‘పొల్లదావన్, ఆడుకుళం’ వంటి సూపర్‌ హిట్‌ చిత్రాలు వచ్చాయి. తాజాగా ‘వడ చెన్నై’ అనే మూడు భాగాల గ్యాంగ్‌స్టర్‌ డ్రామాలోని ఫస్ట్‌ పార్ట్‌ ఈనెల 17న రిలీజ్‌కు రెడీ అయింది. ఇప్పుడు మరో సినిమా కోసం ఈ కాంబినేషన్‌ రిపీట్‌ కానుందట. పొలిటికల్‌ డ్రామాగా ఈ చిత్రం ఉండనుందట. సాహిత్య అకాడమీ అవార్డ్‌ పొందిన ‘వెక్కై’ అనే నవల అధారంగా ఈ చిత్రం తెరకెక్కనుందని టాక్‌.


 ఎప్పుడెప్పుడు వస్తుందా అని అందరూ ఎదురుచూస్తున్న చిత్రం ‘బాహుబలి’. ఆర్కే మీడియా పతాకంపై  రాజమౌళి దర్శకత్వంలో ప్రభాస్, రానా, అనుష్క ప్రధాన పాత్రల్లో నటిస్తున్న ఈ సినిమా రెండు భాగాలుగా రానుంది. మంగళవారం రాత్రి అన్నపూర్ణ స్టూడియోస్‌లో ఈ చిత్రం మొదటి భాగానికి ‘బాహుబలి’ చిత్ర బృందం గుమ్మడి కాయ కొట్టేసింది. షూటింగ్ అంతా అయిపోవడంతో, ఇక పోస్ట్ ప్రొడక్షన్, ఆ వెంటనే రిలీజ్ మిగిలాయి.