యాపిల్ ఐపోన్ ల‌వ‌ర్స్‌కు శుభ‌వార్త‌. అమెజాన్ యాపిల్ ఐఫోన్ 13 కొనుగోలు దారుల‌కు భారీ ఆఫ‌ర్ల‌ను అందిస్తున్న‌ట్లు ప్ర‌క‌టించింది. ప్రస్తుతం అమెజాన్‌లో ఐఫోన్13 గరిష్ట రిటైల్ ధర రూ.79,900నుండి తగ్గించి రూ.74,900కు విక్రయిస్తోంది. అయితే వినియోగదారులు స్మార్ట్‌ఫోన్‌పై రూ.11,000 వరకు డిస్కౌంట్‌తో పాటు ఇత‌ర ఆఫ‌ర్‌ల‌ను పొంద‌వ‌చ్చు.     కొనుగోలుదారులు ఐసీఐసీఐ బ్యాంక్‌, ఎస్‌బీఐ క్రెడిట్ కార్డ్, డెబిట్ కార్డ్‌తో ఐఫోన్ 13ను సొంతం చేసుకోవాల‌నుకుంటే క్యాష్‌బ్యాక్ రూపంలో రూ.6000 తగ్గింపు పొందవచ్చు. దీంతో ఐఫోన్ ధ‌ర రూ.68,900 ఉండ‌నుంది. ఐఫోన్13 256జీబీ వేరియంట్‌ను రూ.78,900 తగ్గింపు ధరతో కొనుగోలు చేయడానికి కస్టమర్‌లు క్రెడిట్ కార్డ్‌ డిస్కౌంట్‌లను ఉపయోగించవచ్చు. 512జీబీ వేరియంట్‌ను రూ. 98,900 తగ్గింపు ధరతో కొనుగోలు చేయవచ్చు. అమెజాన్ ప్రకారం వినియోగదారులు ఐఫోన్13 కొనుగోలు చేసిన 90రోజులలోపు వారి క్రెడిట్ కార్డ్‌లకు లేదా బ్యాంక్ అకౌంట్‌ల‌లో రూ.6వేలు జ‌మ అవుతాయి. అంతే కాకుండా స్మార్ట్‌ఫోన్ కొనుగోలుపై అదనపు తగ్గింపు పొందడానికి కస్టమర్‌లు ఎక్ఛేంజ్ ఆఫ‌ర్‌ను పొంద‌వ‌చ్చు. అమెజాన్‌లో ఎక్ఛేంజ్ ఆఫ‌ర్ 128జీబీ, 256జీబీ, 512జీబీ స్టోరేజ్ వేరియంట్‌లతో సహా అన్ని మోడల్స్ కు వ‌ర్తిస్తుంద‌ని అమెజాన్ తెలిపింది.   కస్టమర్‌లు తమ పాత స్మార్ట్‌ఫోన్ పై రూ.15,350 వరకు ఎక్ఛేంజ్ ఆఫ‌ర్‌ పొందవచ్చు. ఎక్ఛేంజ్ స్మార్ట్‌ఫోన్ మోడల్‌పై ఆధారపడి ఉంటుంది. ఫ్లిప్‌కార్ట్‌లో, ఆపిల్ ఐఫోన్ 13 కూడా రూ.5000 తగ్గింపుతో రూ.74,900కి విక్రయిస్తోంది. వాల్‌మార్ట్ యాజమాన్యంలో ఇ-కామర్స్ కంపెనీ ఐఫోన్ 13 కొనుగోలుపై 5శాతం క్యాష్‌బ్యాక్ పొందడానికి కస్టమర్‌లు యాక్సిస్ ఫ్లిప్‌కార్ట్ బ్యాంక్ క్రెడిట్ కార్డ్‌లను ఉపయోగించవచ్చు.


 ముంబై : ఈ-కామర్స్‌ దిగ్గజం ఫ్లిప్‌కార్ట్‌ తమ ఉద్యోగుల్లో ఉన్న ప్రతిభను వెలికితీయడానికి ఓ సరికొత్త  ప్రొగ్రామ్‌ను లాంచ్‌ చేసింది. 'బడ్డింగ్‌ స్టార్‌ ప్రొగ్రామ్‌' పేరుతో ఉద్యోగులు తమకు నచ్చిన జాతీయ లేదా అంతర్జాతీయ ఈవెంట్లలో పాల్గొనేలా అవకాశం కల్పిస్తోంది. అయితే దీనికి కంపెనీలో ఆరు నెలల పాటు ఉద్యోగం చేసిన అర్హత కలిగి ఉండాలి. ఇంటర్నల్‌ కంపెనీ ప్యానల్‌​ ఎంపికచేసిన ఉద్యోగులు ఈ ప్రొగ్రామ్‌కు షార్ట్‌ లిస్టు అవుతారు. వారికి 3 లక్షల రూపాయల ఆర్థిక సాయం కూడా ఫ్లిప్‌కార్ట్‌ అందిస్తోంది. ఉద్యోగులు వారు పంపిన ప్రతిపాదనలకు వారం రోజుల్లో అంగీకారం తెలిపి, ఆమోదం తెలిపిన ఐదు రోజుల్లోనే ఆర్థిక సాయం కూడా అందిస్తామని ఫ్లిప్‌కార్ట్‌ చెప్పింది.  
  
 రోజు చేసే పనికి మించి, ఉద్యోగుల్లో ఉన్న ఆసక్తిని వెలికితీయడానికి ఈ ప్రొగ్రామ్‌ ఫ్లిప్‌స్టర్స్‌కు అవకాశం ఇస్తోందని ఫ్లిప్‌కార్ట్‌ డైరెక్టర్‌టోటల్‌ రివార్డ్స్‌ సతీష్‌ కేవీ చెప్పారు. ఒకవేళ తమ కస్టమర్లకు ఆనందం చేకూర్చాలని తాము భావిస్తే, అదే సంతోషం, ఆనందం ఉద్యోగులకు కల్పించడం అవసరమని చెప్పారు. వర్క్‌ప్లేస్‌లో ఉద్యోగులకు సంతోషంగా ఉంచడంతో ఉత్పాదకత పెరుగుతుందని అంతేకాక, తమ చుట్టుపక్కల ఉన్న ప్రజలపై కూడా ప్రభావితం చేస్తుందని పేర్కొన్నారు.  ఈ ప్రొగ్రామ్‌లో ప్రభుత్వ అధికారులు నిర్వహించే జాతీయ, అంతర్జాతీయ స్పోర్ట్స్‌ ఈవెంట్లు, నాన్‌-స్పోర్ట్స్‌ ఈవెంట్లు ఉంటాయి. కానీ ఇది స్థానిక లేదా రాష్ట్ర స్థాయి పోటీలకు సపోర్టు చేయదు. టూరిస్ట్‌ కార్యకలాపాలకు కూడా ఇది వర్తిచదని ఫ్లిప్‌కార్ట్‌ పేర్కొంది.