న్యూయార్క్: పెళ్లిచేసే పురోహితుడికి సంభావనగా ఎన్ని డబ్బులిస్తాం.. మహా అయితే రూ.10 వేలకు మించవు. కానీ అమెరికాలోని ఓ వ్యాపారవేత్త పురోహితుడికే ఏకంగా రూ.10 కోట్లు ఇస్తానన్నాడట. విచిత్రమేంటంటే అంత డబ్బు ఇస్తానన్నా ఆ పురోహితుడు అంగీకరించలేదట! విషయం ఏంటంటే..
  
 హాలీవుడ్ హిట్ సినిమా 'లార్డ్ ఆఫ్ ది రింగ్స్' చూశారుగా, అందులో గాండల్ఫ్ పాత్రధారి, హాలీవుడ్ సీనియర్ నటుడు ఇయాన్ మెక్ కెల్లెన్ (77) మన కథనంలో పురోహితుడు. సరిగ్గా ఆ సినిమాలోని గెటప్ వేసుకుని తన కుమారుడి పెళ్లి తంతు నిర్వహించాలని ఇయాన్ ను కోరాడు న్యూయార్క్ వ్యాపారవేత్త. కానీ ఇయాన్ ఈ కండిషన్ ను, ఆఫర్ ను తిరస్కరించాడు.
  
 'అర్రె.. ఎందుకిలా చేశావ్? ఐదు నిమిషాల పెళ్లికి పది కోట్లు మంచి ఆఫరే కదా! ఎందుకు వదులుకున్నావ్?' అని స్నేహితులు అడితే అందుకు ఇయాన్.. 'మాంత్రికుడైన గాండల్ఫ్ శుభకార్యాలైన పెళ్లిళ్లు గట్రాకు పౌరోహిత్యం నిర్వహించడని, అందుకే తనకొచ్చిన ఆఫర్ తిరస్కరించానంటూ చమత్కరించారు.


 తమ పెళ్లికి పౌరోహిత్యం నిర్వహిస్తే.. ఏకంగా 1.5 మిలియన్ డాలర్ల (రూ. 10 కోట్లు) నజరానా ఇస్తానంటూ ఓ సీనియర్ నటుడిని ఆఫర్ వరించింది. అయితే, ఈ పౌరోహిత్యం ఆషామాషిగా చేయకూడదట. 'లార్డ్ ఆఫ్ రింగ్స్' సినిమా గాండల్ఫ్ పాత్ర మాదిరిగా దుస్తులు వేసుకొని తమ పెళ్లి నిర్వహించాలని ఈ ఆఫర్ ఇచ్చిన వ్యాపారవేత్త కండిషన్ పెట్టాడు. ఈ కండిషన్ ను, ఆఫర్ ను హాలీవుడ్ సీనియర్ నటుడు ఇయాన్ మెక్ కెల్లెన్ (77) నిర్ద్వంద్వంగా తిరస్కరించాడు. ప్రపంచవ్యాప్తంగా విజయం సాధించిన 'లార్డ్ ఆఫ్ ద రింగ్స్' సినిమాలో ఆయన గాండల్ఫ్ అనే మాంత్రికుడి పాత్రను పోషించిన సంగతి తెలిసిందే. ఈ పాత్ర ఆయనకు బాగా పేరు తెచ్చిపెట్టింది.
 
 ఈ నేపథ్యంలో అమెరికా వ్యాపారవేత్త, నెప్ స్టర్ స్థాపకుడు సీన్ పార్కర్ వివాహానికి హాజరుకావాల్సిందిగా ఆయనకు ఆహ్వానం అందింది. కాలిఫోర్నియాలో అత్యంత వైభవంగా జరిగే ఈ పెళ్లిలో గాండల్ఫ్ వేషంలో తనను పాల్గొనాల్సిందిగా ఆఫర్ వచ్చిందని, ఇందుకు 1.5 మిలియన్ డాలర్లు నజరానాగా ఇస్తామని చెప్పారని ఆయన తెలిపారు. అయితే, తాను ఈ ఆఫర్ తిరస్కరించానని, మాంత్రికుడైనా గాండల్ఫ్ పెళ్లిళ్లకు పౌరోహిత్యం నిర్వహించడని, అందుకే తనకొచ్చిన ఆఫర్ తిరస్కరించానని ఆయన చమత్కరించారు.