యల్లమ్మగూడెంలో వింత.. గంగమ్మ దేవత మహిమేనని పూజలు
 తిప్పర్తి: నల్లగొండ జిల్లా తిప్పర్తి మండలంలోని యల్లమ్మగూడెంలో గురువారం ఓ వింత చోటు చేసుకుంది. ఊళ్లోని పురాతన శివాలయాన్ని పునర్నిర్మించేందుకు ఆలయ ఆవరణలో ఓ ఎండిన చెట్టును కూలీలు రంపంతో కోస్తున్నారు. సగభాగం కోయగానే అందులో నుంచి ఒక్కసారిగా సన్నధారతో నీరు రావడంతో గ్రామస్తులు ఆశ్చర్యానికి గురయ్యారు. ఈ విషయం గ్రామమంతా తెలిసి అందరూ అక్కడికి చేరుకున్నారు. అంతలోనే ఓ మహిళకు పూనకం రావడం, ఆ మహిళ ఇది గంగమ్మ దేవత మహిమేనని కొలుపు చెప్పడంతో గ్రామస్తులు పసుపు, కుంకుమలతో పూజలు చేశారు.