సాక్షి, న్యూఢిల్లీ: ఐక్యరాజ్యసమితికి భారత శాశ్వత ప్రతినిధిగా పర్వతనేని హరీశ్‌ను నియమిస్తూ కేంద్ర విదేశాంగ శాఖ ఆదేశాలు జారీ చేసింది. ప్రస్తుతం జర్మనీలో భారత రాయబారిగా సేవలందిస్తున్న హరీష్‌ త్వరలో యూఎన్‌ అంబాసిడర్‌గా బాధ్యతలు స్వీకరిస్తారని కేంద్రం బుధవారం ఒక ప్రకటనలో పేర్కొంది. సెప్టెంబర్‌లో ఐరాసలో ప్రధాని మోదీ ఒక సదస్సుకు హాజరుకానున్న నేపథ్యంలో హరీశ్‌ నియామకం త్వరగా పూర్తయింది. ఐరాసలో భారత శాశ్వత ప్రతినిధి రుచిరా కాం¿ోజ్‌ జూన్‌లో పదవీవిరమణ చేశాక ఆ పోస్ట్‌ అప్పటి నుంచీ ఖాళీగా ఉంది. ఈ నేపథ్యంలో తదుపరి రాయబారి నియామక ప్రక్రియను కేంద్రం వేగంగా పూర్తిచేసింది. 1990 బ్యాచ్‌ ఇండియన్‌ ఫారిన్‌ సరీ్వస్‌ అధికారి అయిన హరీష్‌ మూడు దశాబ్దాలుగా విదేశాంగ శాఖ పరిధిలో పలు దేశాల్లో పనిచేశారు.


 సీఎం కేసీఆర్‌తో భేటీలో జర్మనీ రాయబారి
  
  సాక్షి, హైదరాబాద్: తెలంగాణకు జర్మన్ కంపెనీలను తీసుకొస్తామని ఆ దేశ రాయబారి డాక్టర్ మార్టిన్ నెయ్ తెలిపారు. రాష్ట్రంలో పెట్టుబడులకు సంబంధించి కంపెనీలతో సంప్రదింపులు జరుపుతామని వెల్లడించారు. జర్మన్ కంపెనీల పెట్టుబడుల అవకాశాలపై మార్టిన్ నెయ్, గాబ్రియేల్ నెయ్ దంపతులు మంగళవారం క్యాంపు కార్యాల యంలో సీఎం కేసీఆర్‌తో చర్చించారు. ప్రజా సంక్షేమమే లక్ష్యంగా సీఎం ఎన్నో పథకాలు అమలు చేస్తున్నారని మార్టిన్ ప్రశంసించారు. దేశంలో ఉన్న 1,846 జర్మనీ కంపెనీల్లో అత్యధికంగా చెన్నై, పుణే కేంద్రంగా పనిచేస్తున్నాయని వివరించారు. కేసీఆర్ మాట్లాడుతూ.. రాష్ట్రానికి ఐరోపా, గల్ఫ్ దేశాల నుంచి పెట్టుబడులను ఆకర్షించేందుకు ఆయా దేశాలతో సంప్రదిస్తున్నాన్నారు.
 
 ప్రపంచంలోనే అత్యుత్తమ పారిశ్రామిక విధానాన్ని రాష్ట్రంలో అమ లు చేస్తున్నామని మార్టిన్‌కు వివరించి దాని కాపీని అందజేశారు. ఐటీ ఇంక్యుబేటర్, టీ-హబ్‌ల గురించి వివరించారు. జర్మనీ విద్యావిధానం, నైపుణ్యాభివృద్ధి శిక్షణకు తీసుకుంటున్న చర్యలను అడిగి తెలుసుకున్నారు. హైదరాబాద్‌లోని జర్మనీ రాయబార కార్యాలయ గౌరవ కౌన్సిల్‌గా బీవీ మోహన్ రెడ్డిని నియమించామని మార్టిన్ నెయ్ తెలి పారు. తెలంగాణ సంస్కృతిని తెలిపే ఆర్ట్ ఆఫ్ తెలంగాణ, తెలంగాణ టూరిజం పుస్తకాలను మార్టిన్‌కు కానుకగా సీఎం అందజేశా రు. మంత్రి కేటీఆర్, సీఎస్ రాజీవ్ శర్మ, పరిశ్రమల శాఖ ముఖ్య కార్యదర్శి అరవింద్ కుమార్, నాస్కామ్ ప్రతినిధి బీవీ మోహన్‌రెడ్డి, జర్మనీ కౌన్సిల్ జనరల్ అచిన్ ఫాబిగ్, ప్రొటోకాల్ అధికారి పద్మప్రియ పాల్గొన్నారు.