లండన్‌: దక్షిణ లండన్‌లో అగ్నికి ఆహుతైన గ్రెన్‌ఫెల్‌ భవంతి నుంచి గురువారం మరో 5 మృతదేహాలను వెలికితీశారు. దీంతో ఇప్పటి వరకు ఈ దుర్ఘటనలో మృతిచెందిన వారి సంఖ్య 17కు పెరిగింది.
 ఈ సంఖ్య మరింత పెరిగే అవకాశాలున్నాయని, ఇంకా చాలా మంది జాడ తెలియట్లేదని స్థానిక పోలీసులు తెలిపారు. శిథిలాల కింద బాధితులు సజీవంగా ఉండే అవకాశాలు తక్కువేనని పేర్కొన్నారు. గాయాలతో ఆసుపత్రిలో చికిత్స పొందుతున్న 37 మందిలో 12  మంది పరిస్థితి ఆందోళనకరంగా ఉంది.