సాక్షి, గుంతకల్లుటౌన్‌: స్థానిక ఆచారమ్మ కొట్టాలలోని వ్యభిచార గృహంపై వన్‌టౌన్‌ పోలీసులు దాడులు నిర్వహించారు. అందిన సమాచారం మేరకు శనివారం రాత్రి 11 గంటలకు వన్‌టౌన్‌ సీఐ రామసుబ్బయ్య, ఎస్‌ఐ మురారి, సిబ్బంది అక్కడకు చేరుకుని తనిఖీలు చేపట్టారు. వ్యభిచార గృహాన్ని నిర్వహిస్తున్న మహిళతో పాటు ఓ యువతి, విటుడిని అరెస్ట్‌ చేశారు. వీరి నుంచి రూ.2వేలు స్వాధీనం చేసుకున్నారు. పరారీలో ఉన్న మరో నిర్వాహకుడి కోసం గాలిస్తున్నట్లు పోలీసులు తెలిపారు.    


 అనంతపురం: అనంతపురం జిల్లా గుంతకల్లులో నకిలీ బంగారం విక్రయిస్తున్న ఇద్దరు వ్యక్తులను పోలీసులు గురువారం అదుపులోకి తీసుకున్నారు. వారి వద్ద నుంచి రూ. 18 లక్షల నగదుతోపాటు మూడు కిలోల బంగారాన్ని స్వాధీనం చేసుకున్నారు. అనంతరం వారిని అరెస్ట్ చేసి పోలీసు స్టేషన్కు తరలించారు. వారిపై పోలీసులు కేసు నమోదు చేసి దర్యాప్తు చేస్తున్నారు. నకిలీ బంగారాన్ని అసలు బంగారం అంటూ సదరు వ్యక్తులు బంగారు దుకాణ దారుడిని మోసగించబోయారు. ఆ విషయాన్ని కనిపెట్టిన దుకాణదారుడు పోలీసులకు సమాచారం అందించారు. దీంతో పోలీసు ఇద్దరు వ్యక్తులను అరెస్ట్ చేశారు.