మీ దగ్గర కొత్త హోండా మోటార్ సైకిల్ వాహనం ఉందా? అయితే, వెంటనే షో రూమ్ తీసుకెళ్లండి. ప్రముఖ ద్విచక్ర వాహన తయారీ దిగ్గజం హోండా మోటార్ సైకిల్ అండ్ స్కూటర్ ఇండియా(హెచ్ఎంఎస్ఐ) రిఫ్లెక్స్ రిఫ్లెక్టర్లలలో సమస్య కారణంగా మన దేశంలోని కొన్ని మోడళ్లను రీకాల్ చేస్తుంది. వెనక్కి పిలిపించిన వాటిలో హోండా యాక్టివా 5జీ, హోండా యాక్టివా 6జీ, హోండా యాక్టివా 125, సిబి షైన్, హార్నెట్ 2.0, ఎక్స్-బ్లేడ్, హెచ్ నెస్ సీబి 350, సీబి 300ఆర్ ఉన్నాయి. రీకాల్ చేయబడ్డ మొత్తం యూనిట్ సంఖ్య ఇంకా తెలియదు. రిఫ్లెక్స్ రిఫ్లెక్టర్ల సమస్య వల్ల రాత్రి సమయంలో వెనుక నుంచి వచ్చే వాహనాలకు ముందు వెళ్తున్న వాహనం సరిగా కనిపించక ప్రమాదం జరిగే అవకాశం ఎక్కువ.  అందుకే ముందు జాగ్రత్త చర్యలలో భాగంగా నవంబర్ 2019 నుంచి జనవరి 2021 మధ్య తయారు చేయబడ్డ మోడల్స్ కు వారెంటీ స్టేటస్ తో సంబంధం లేకుండా కొత్త రిఫ్లెక్స్ రిఫ్లెక్టర్ ని ఉచితంగా అధీకృత హెచ్ఎంఎస్ఐ డీలర్ లు మార్చానున్నట్లు తెలిపింది. ప్రభుత్వం జారీ చేసిన మార్గదర్శకాలకు లోబడి కంపెనీ జూన్ 1, 2021న రీకాల్ ప్రక్రియను ప్రారంభించింది. వాహనాన్ని తనిఖీ చేయడానికి అవసరమైతే రీప్లేస్ మెంట్ కోసం కాల్, ఈమెయిల్స్, ఎస్ఎంఎస్ ద్వారా వినియోగదారులను చేరుకొనున్నట్లు హెచ్ఎంఎస్ఐ తెలిపింది. అదేవిధంగా, కస్టమర్ లు కంపెనీ వెబ్ సైట్ లో విఐఎన్ ని కూడా నమోదు చేయవచ్చు. హెచ్ ఎమ్ ఎస్ఐ డీలర్ షిప్ లు/విడిభాగాల డిస్ట్రిబ్యూటర్ ల వద్ద అనుమానిత స్పేర్ పార్టుల స్టాక్ కూడా రీకాల్ చేయనున్నారు. అమెరికాలోలో కూడా ఇలాంటి సమస్య కారణంగా హోండా మోటార్ కంపెనీ రీకాల్ చేసింది. యుఎస్ఎలో 28,528 మోటార్ సైకిళ్లలో లోపభూయిష్టమైన రియర్ రిఫ్లెక్టర్ ఫిట్ మెంట్ లను మార్చేసింది.  చదవండి: BMW : మూడు సెకన్లలోనే అంత వేగమా


 ధర రూ.79,900
  పనాజి: హోండా మోటార్‌సైకిల్ అండ్ స్కూటర్ కంపెనీ కొత్త బైక్‌ను మార్కెట్లోకి తెచ్చింది. సీబీ హార్నెట్ 160 ఆర్ పేరుతో అందిస్తున్న ఈ కొత్త బైక్ ధర రూ.79,900 (ఎక్స్ షోరూమ్, న్యూఢిల్లీ)అని  కంపెనీ తెలిపింది. భారత్ స్టేజ్(బీఎస్)-ఫోర్ పర్యావరణ నిబంధనలకనుగుణంగా తయారైన తొలి భారతీయ బైక్ ఇదని కంపెనీ చీఫ్ ఎగ్జిక్యూటివ్ కీత మురమత్సు చెప్పారు.  ఈ బైక్ విక్రయాలు 21 నగరాల్లో నేటి(శుక్రవారం) నుంచి, దేశవ్యాప్తంగా కొత్త ఏడాది నుంచి ప్రారంభమవుతాయని పేర్కొన్నారు. 160 సీసీ ఇంజిన్ సామర్థ్యం ఉన్న ఈ బైక్ సింగిల్ డిస్క్, డ్యుయల్ డిస్క్ విత్ సీబీఎస్... ఈ రెండు వేరియంట్లలో లభిస్తుందని చెప్పారు. ఈ మోడల్‌కే ప్రత్యేకమైన మొబైల్ యాప్‌ను ఆయన ఆవిష్కరించారు.