విజయ్‌ రాఘవేంద్ర, హరిప్రియ జంటగా ఆదిరామ్‌ దర్శకత్వంలో తెరకెక్కిన కన్నడ చిత్రం ‘రణతంత్ర’. ఎస్‌. రమేశ్‌ నిర్మించిన ఈ చిత్రాన్ని శ్రీ జె.వి. ప్రొడక్షన్స్‌ పతాకంపై శ్రీమతి లతా మార్టోరి సమర్పణలో డిస్ట్రిబ్యూటర్‌ కమ్‌ ప్రొడ్యూసర్‌ వెంకట్రావ్‌ మార్టోరి ‘ఇది పెద్ద సైతాన్‌’ పేరుతో తెలుగులో విడుదల చేస్తున్నారు.
 
 వెంకట్రావ్‌ మాట్లాడుతూ – ‘‘లవ్‌ అండ్‌ యాక్షన్‌ రొమాంటిక్‌ హారర్‌ మూవీ ఇది.  తెలుగులో వచ్చిన హారర్‌ సినిమాలు పెద్ద సక్సెస్‌ అయ్యాయి. మా చిత్రం కూడా హిట్‌ అవుతుందనే నమ్మకం ఉంది. ఆగస్టు 4న ఈ సినిమా విడుదల చేస్తాం. అలాగే మా బ్యానర్‌లో ‘మహాబలి’, గోలీసోడా’ వంటి చిత్రాల్ని కూడా రిలీజ్‌ చేస్తున్నాం. పెద్ద స్టార్‌ కాస్టింగ్‌తో తెలుగులో దసరాకి స్ట్రెయిట్‌ సినిమాను ప్రారంభించనున్నాం’’ అన్నారు.