తనకల్లు: సీజీ ప్రాజెక్టు గిరిజన గురుకుల పాఠశాల వద్ద బుధవారం జరిగిన రోడ్డు ప్రమాదంలో జింక మృతి చెందింది. ఇదే ప్రమాదంలో ఇమామ్‌బాషా అనే ద్విచక్రవాహనదారుడు తీవ్రంగా గాయపడ్డాడు. పోలీసులు తెలిపిన వివరాల మేరకు...వైఎస్సార్‌ జిల్లా గాలివీడుకు చెందిన కృష్ణారెడ్డి తన మిత్రుడు ఇమామ్‌బాషాతో కలిసి ద్విచక్రవాహనంలో అమడగూరు మండలం లోకోజుపల్లికి వ్యక్తిగత పనిమీద బయలుదేరాడు. గురుకుల పాఠశాల సమీపంలో జింక అడ్డంగా రావడంతో బలంగా ఢీకొన్నాడు.
 
 జింక అక్కడికక్కడే మృతి చెందిగా, బండిలో నుంచి కింద పడిన ఇమామ్‌బాషాకు ముఖం, తల, కాళ్లకు తీవ్ర గాయాలు కాగా కృష్ణారెడ్డికి స్వల్ప గాయాలతో బయటపడ్డాడు. సమాచారం అందుకున్న ఎస్‌ఐ శ్రీనివాసులు సంఘటన స్థలాన్ని పరిశీలించారు. క్షతగాత్రులను ప్రథమ చికిత్స కోసం 108లో స్థానిక ప్రభుత్వాసుపత్రికి తీసుకురాగా, వైద్యుల సూచన మేరకు కదిరి ప్రభుత్వాసుపత్రికి తరలించారు. జింక మృతదేహాన్ని అటవీ శాఖాధికారులకు అప్పగించారు.