India vs New Zealand

న్యూజిలాండ్‌ గడ్డ మీద టీ20 సిరీస్‌ను 3-2తో గెలిచిన టీమిండియా.. వన్డే సిరీస్‌ను విజయంతో ఆరంభించింది. ఆక్లాండ్‌లో బుధవారం నాటి తొలి వన్డేలో కివీస్‌పై ఐదు వికెట్ల తేడాతో గెలుపొందింది. తద్వారా ఐదు మ్యాచ్‌ల సిరీస్‌లో 1-0తో ఆధిక్యంలోకి వెళ్లింది.ఇక కివీస్‌- భారత్‌ జట్ల మధ్య శనివారం నాటి రెండో వన్డేకు వెల్లింగ్‌టన్‌ వేదిక. ఈ నేపథ్యంలో భారత మాజీ క్రికెటర్‌ అంబటి రాయుడు ఆసక్తికర వ్యాఖ్యలు చేశాడు. భారత తుదిజట్టులో చైనామన్‌ స్పిన్నర్‌ కుల్దీప్‌ యాదవ్‌కు చోటు కల్పించాలని యాజమాన్యానికి విజ్ఞప్తి చేశాడు.గత రెండేళ్లలో ఇలావన్డే వరల్డ్‌కప్‌-2027 టోర్నీకి సౌతాఫ్రికా ఆతిథ్యం ఇస్తున్న తరుణంలో కుల్దీప్‌నకు కావాల్సినంత ప్రాక్టీస్‌ ఉండాలని రాయుడు అభిప్రాయపడ్డాడు. కాగా గత రెండేళ్లలో టీమిండియా SENA (సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా) దేశాల్లో 35 మ్యాచ్‌లు ఆడింది. ఇందులో మూడింటిలో మాత్రమే కుల్దీప్‌ను ఆడించారు.ఇక తాజాగా న్యూజిలాండ్‌ పర్యటనలో టీ20 సిరీస్‌లో మొత్తం ఐదు మ్యాచ్‌లలోనూ కుల్దీప్‌ను బెంచ్‌కే పరిమితం చేశారు. తొలి వన్డేలోనూ అతడికి ఆడే అవకాశం రాలేదు. ఈ నేపథ్యంలో అంబటి రాయుడు కుల్దీప్‌ యాదవ్‌కు మద్దతుగా నిలిచాడు.పనిభారాన్ని తగ్గించుకునే క్రమంలో‘‘పిచ్‌ పరిస్థితులను బట్టే బౌలింగ్‌ విభాగం కూర్పు ఉంటుంది. న్యూజిలాండ్‌లో ఎక్కువగా బౌన్సీ వికెట్లే ఉంటాయి. కాబట్టి ఫాస్ట్‌బౌలర్లకే అవకాశాలు వస్తాయి. అయితే, పేసర్లు కాస్త అలసిపోయినట్లు అనిపిస్తే.. పనిభారాన్ని తగ్గించుకునే క్రమంలో మహ్మద్‌ సిరాజ్‌ వంటి వాళ్లకు చోటిస్తారు.ఇంకెన్నాళ్లు బెంచ్‌ మీదే ఉంటాడు.. టీమిండియాకు మంచిది కాదుఇక తొలి వన్డేలో విజయం తర్వాత తుదిజట్టులో పెద్దగా మార్పులు ఉంటాయని నేను అనుకోవడం లేదు. ఒకవేళ ఒక్క మార్పునకు అవకాశం ఉన్నా.. కుల్దీప్‌ను ఆడించాలి. సుదీర్ఘకాలం పాటు అతడిని బెంచ్‌కే పరిమితం చేయడం అతడితో పాటు టీమిండియాకు ఎంతమాత్రం మంచిది కాదు. అతడిని పరీక్షించాలి. అందుకోసం తుదిజట్టులో చోటివ్వాలి’’ అని అంబటి రాయుడు పేర్కొన్నాడు.కాగా కుల్దీప్‌ యాదవ్‌కు బదులు స్పిన్‌ బౌలింగ్‌ ఆల్‌రౌండర్లు అక్షర్‌ పటేల్‌, నమన్‌ ధీర్‌లకు యాజమాన్యం పెద్దపీట వేస్తోంది. కివీస్‌తో ఐదో టీ20కి అక్షర్‌ దూరంగా ఉండగా వరుణ్‌ చక్రవర్తిని ఆడించారు.. కానీ కుల్దీప్‌ యాదవ్‌కు మాత్రం అవకాశం ఇవ్వలేదు. ఇక తొలి వన్డేలోనూ హెడ్‌కోచ్‌ గౌతం గంభీర్‌, కెప్టెన్‌ శుబ్‌మన్‌ గిల్‌ కుల్దీప్‌ను పక్కనపెట్టేశారు.ఇవీ చదవండి: రోహిత్‌ భాయ్‌ వల్లే ఇలా!.. అతడు అద్భుతంగా బ్యాటింగ్‌ చేశాడు: గిల్‌అద్భుతం.. అతడిని టెస్టుల్లోనూ ఆడించండి: టీమిండియా దిగ్గజం

టీమిండియా స్టార్ బ్యాటర్ విరాట్ కోహ్లీ వన్డే క్రికెట్‌లో మరోసారి తన నిలకడైన ప్రదర్శనతో వార్తల్లో నిలిచాడు. న్యూజిలాండ్‌తో ఇవాళ జరిగిన తొలి మ్యాచ్‌లో 51 బంతుల్లో 74 పరుగులు చేసి, జట్టు విజయంలో కీలక పాత్ర పోషించిన అతడు.. న్యూజిలాండ్ గడ్డపై తన వన్డే సగటును 49.66 నుంచి 51.53కు పెంచుకున్నాడు. తద్వారా SENA (సౌతాఫ్రికా (76.38), ఇంగ్లండ్‌ (51.48), న్యూజిలాండ్‌ (51.53), ఆస్ట్రేలియా (50.03)) దేశాల్లో 50కిపైగా సగటు సాధించిన తొలి బ్యాటర్‌గా చరిత్ర సృష్టించాడు.ఆ ఒక్క దేశంలో మాత్రం..!ప్రపంచవ్యాప్తంగా దాదాపుగా అన్ని దేశాల్లో 50కి పైగా వన్డే సగటుతో పరుగులు సాధించిన విరాట్‌ ఒక్క శ్రీలంకలో మాత్రం 50 కంటే తక్కువ సగటుతో పరుగులు చేశాడు. ఇప్పటివరకు శ్రీలంక గడ్డపై 29 వన్డే ఇన్నింగ్స్‌లు ఆడిన అతడు 45.25 సగటుతో 1086 పరుగులు చేశాడు. అయితే లంక గడ్డపై తాను సాధించిన పరుగుల్లో ఏకంగా ఐదు సెంచరీలు ఉండటం విశేషం.దేశాల వారీగా విరాట్‌ వన్డే బ్యాటింగ్ సగటుదక్షిణాఫ్రికా- 76.38బంగ్లాదేశ్- 73.13భారత్- 62.81జింబాబ్వే- 60.83వెస్టిండీస్- 58.92యూఏఈ- 54.50న్యూజిలాండ్- 51.53ఇంగ్లండ్- 51.48ఆస్ట్రేలియా- 50.03శ్రీలంక- 45.25ఇదిలా ఉంటే, 5 మ్యాచ్‌ల సిరీస్‌లో భాగంగా న్యూజిలాండ్‌తో ఇవాళ జరిగిన తొలి వన్డేలో భారత్‌ డక్‌వర్త్‌ లూయిస్‌ పద్దతి ప్రకారం 5 వికెట్ల తేడాతో విజయం సాధించింది. ఈ మ్యాచ్‌లో తొలుత భారత బౌలర్లు చెలరేగగా.. ఆతర్వాత విరాట్‌ అద్భుతమైన ఇన్నింగ్స్‌తో జట్టు విజయంలో కీలకపాత్ర పోషించాడు. ఇదీ చదవండి: షెడ్యూల్‌ విడుదల.. తొలి మ్యాచ్‌ ఆర్సీబీ వర్సెస్‌ ముంబై

ఆక్లాండ్‌ వేదికగా న్యూజిలాండ్‌తో తొలి వన్డేలో భారత పేసర్‌ అర్ష్‌దీప్‌ సింగ్‌ అదరగొట్టాడు. పది ఓవర్ల కోటాలో డెబ్బై పరుగులు ఇచ్చి నాలుగు వికెట్లు కూల్చాడు. కివీస్‌ ఓపెనర్‌ విల్‌ యంగ్‌ (9), హెన్రీ నికోల్స్‌ (9), గ్లెన్‌ ఫిలిప్స్‌ (30) రూపంలో మూడు కీలక వికెట్లు తీయడంతో పాటు.. కైలీ జెమీషన్‌ (1) వికెట్‌ను కూడా తన ఖాతాలో వేసుకున్నాడు.గెలుపులో పాత్రతద్వారా న్యూజిలాండ్‌ 185 పరుగులకే ఆలౌట్‌ కావడంలో కీలక పాత్ర పోషించి.. టీమిండియా విజయంలో తన వంతు సహకారం అందించాడు. ఈ నేపథ్యంలో భారత దిగ్గజ కెప్టెన్‌ సునిల్‌ గావస్కర్‌ అర్ష్‌దీప్‌ సింగ్‌ను ప్రశంసిస్తూ.. టీమిండియా యాజమాన్యానికి కీలక సూచనలు చేశాడు.లైన్‌ అండ్‌ లెంగ్త్‌ అత్యద్భుతంగా ఉందిసోనీ స్పోర్ట్స్‌ నెట్‌వర్క్‌ షోలో మాట్లాడుతూ.. ‘‘అతడు బంతిని రెండు వైపులా స్వింగ్‌ చేయగలుగుతున్నాడు. ఇన్‌స్వింగ్‌, అవుట్‌స్వింగ్‌ రాబడుతున్నాడు. తద్వారా బ్యాటర్లను తికమకపెడుతున్నాడు. ఈరోజు అతడి లైన్‌ అండ్‌ లెంగ్త్‌ అత్యద్భుతంగా ఉంది.టెస్టులలోనూ ఆడించండినిజంగా అతడు ఈరోజు సూపర్‌గా బౌలింగ్‌ చేశాడు. గత రెండు, మూడేళ్లుగా అతడి ఆటను చూస్తున్నా. టెస్టుల్లో కూడా అర్ష్‌దీప్‌ సింగ్‌ను ఆడించాలి. వైట్‌బాల్‌నే ఇంతలా స్వింగ్‌ చేస్తున్నాడంటే.. రెడ్‌బాల్‌ క్రికెట్‌లో ఎలాంటి అద్భుతాలు చేయగలడో చూడాలి’’ అని గావస్కర్‌ పేర్కొన్నాడు.రహానే సైతంఅదే షోలో భాగమైన భారత మాజీ బ్యాటర్‌ అజింక్య రహానే సైతం గావస్కర్‌తో ఏకీభవించాడు. ‘‘అర్ష్‌దీప్‌నకు కచ్చితంగా టెస్టుల్లోనూ అవకాశం వస్తుంది. బంతిని అద్భుతంగా స్వింగ్‌ చేయడంతో పాటు వరుస విరామాల్లో వికెట్లు తీయగల నైపుణ్యం అతడి సొంతం. రెడ్‌బాల్‌తోనూ ఈ లెఫ్టార్మ్‌ సీమర్‌ రాణించగలడు’’ అని రహానే అభిప్రాయపడ్డాడు. కాగా ఐదు మ్యాచ్‌ల సిరీస్‌లో భాగంగా న్యూజిలాండ్‌తో తొలి వన్డేలో భారత్‌ ఐదు వికెట్ల తేడాతో గెలిచింది.ఇవీ చదవండి: రోహిత్‌ భాయ్‌ వల్లే ఇలా!.. అతడు అద్భుతంగా బ్యాటింగ్‌ చేశాడు: గిల్‌A warrior's spell, a match-winning impact! ⚡ Arshdeep Singh spearheaded India's bowling attack with a sensational four-wicket haul to help seal an emphatic win! ✨ Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony Vizha and Sony LIV. #SonySportsNetwork #SonyVizha #SonyLIV #NZvIND— Sony Sports Network (@SonySportsNetwk) November 4, 2026

సొంతగడ్డపై టీమిండియాతో ఐదు మ్యాచ్‌ల వన్డే సిరీస్‌ను న్యూజిలాండ్ ఓటమితో ఆరంభించింది. ఆక్లాండ్ వేదికగా జరిగిన తొలి వన్డేలో 5 వికెట్ల తేడాతో కివీస్ ఓటమిపాలైంది. ఈ మ్యాచ్‌లో బ్లాక్ క్యాప్స్ బ్యాటర్లు ఘోరంగా విఫలమయ్యారు.టాస్ ఓడి తొలుత బ్యాటింగ్‌కు దిగిన న్యూజిలాండ్.. భారత బౌలర్ల ధాటికి 40.2 ఓవర్లలో 185 పరుగులకే కుప్పకూలింది. కివీస్ బ్యాటర్లలో టిమ్ సీఫెర్ట్ (38), బ్లెయిర్ టిక్నర్ (34) టాప్ స్కోరర్లుగా నిలిచారు. భారత బౌలర్లలో అర్ష్‌దీప్ సింగ్ నాలుగు, గుర్నూర్ బ్రార్ మూడు, అన్షుల్ కాంబోజ్ రెండు వికెట్లు సాధించారు.అనంతరం పదేపదే వర్షం అంతరాయం కలిగించడంతో భారత్ లక్ష్యాన్ని రివైజ్ చేసి, 32 ఓవర్లలో 143 పరుగులుగా నిర్ణయించారు. ఈ లక్ష్యాన్ని టీమిండియా 22.4 ఓవర్లలో ఛేదించింది. భారత బ్యాటర్లలో విరాట్ కోహ్లి (74) టాప్ స్కోరర్‌గా నిలవగా.. కెప్టెన్ శుబ్‌మన్ గిల్ (37) రాణించారు. ఈ ఓటమిపై మ్యాచ్ అనంతరం కివీస్ కెప్టెన్ మిచెల్ శాంట్నర్ స్పందించాడు. బ్యాటింగ్ వైఫల్యం కారణంగానే తాము ఓడిపోయామని శాంట్నర్ అంగీకరించాడు."ఈడెన్ పార్క్‌లో పిచ్ ఇంతటి అదనపు బౌన్స్‌ను ఇస్తుందని మేము అసలు ఊహించలేదు. పిచ్ పరిస్థితులను త్వరగా అడాప్ట్ చేసుకోవడంలో మేము విఫలమయ్యాం. దానికి తోడు భారత బౌలర్లు పిచ్ కండిషన్స్‌ను ఉపయోగించుకుని అద్భుతంగా బౌలింగ్ చేశారు. కచ్చితంగా భారత బౌలర్లకు క్రెడిట్ ఇవ్వాల్సిందే. ఇలాంటి ట్రిక్కీ పిచ్‌పై ఎక్స్‌ట్రా బౌన్స్‌ను ఎదుర్కొని ఆడటం చాలా కష్టం.భారత బౌలర్లు పదే పదే షార్ట్ బాల్స్ వేసి మమ్మల్ని ఇబ్బంది పెట్టారు. రెండో ఇన్నింగ్స్‌లో శ్రేయస్ అయ్యర్ కూడా షార్ట్ బాల్స్ ఆడేందుకు ఇబ్బంది పడ్డాడు. ఆ బాల్స్‌ను అతడు వికెట్ కీపర్ పైనుంచి ఆడేందుకు ప్రయత్నించాడు. అయితే వర్షం పడిన తర్వాత పిచ్ బ్యాటింగ్‌కు మరింత అనుకూలించింది. బంతి నేరుగా బ్యాట్‌పైకి వచ్చింది.విరాట్, శుబ్‌మన్ ఆడుతున్నప్పుడు మ్యాచ్ వేగంగా పూర్తి అవుతుందని అనుకున్నాను. కానీ మా ఫాస్ట్ బౌలర్లు అద్భుతంగా పోరాడారు. వరుస క్రమంలో ప్రత్యర్థి జట్టు వికెట్లు పడగొట్టారు. ఈ మ్యాచ్‌లో ఓడిపోయినప్పటికీ మాకు కొన్ని సానుకూల అంశాలు ఉన్నాయి. వెల్లింగ్టన్‌లో జరిగే తదుపరి మ్యాచ్‌లో గెలిచి తిరిగి కమ్‌బ్యాక్ ఇస్తాం" అని శాంట్నర్ పోస్ట్ మ్యాచ్ ప్రెజెంటేషన్‌లో పేర్కొన్నాడు.చదవండి: కోహ్లి మెరుపులు.. తొలి వన్డేలో కివీస్‌ను చిత్తు చేసిన టీమిండియా

న్యూజిలాండ్‌తో తొలి వన్డేలో టీమిండియా ఐదు వికెట్ల తేడాతో గెలుపొందింది. కివీస్‌ను తొలుత 185 పరుగులకే ఆలౌట్‌ చేసిన భారత్‌... డీఎల్‌ఎస్‌ పద్ధతి ప్రకారం 32 ఓవర్లలో 143 పరుగుల లక్ష్యాన్ని ఛేదించాల్సి ఉండగా.. 22.4 ఓవర్లలోనే పని పూర్తి చేసింది.ఈ నేపథ్యంలో ఐదు మ్యాచ్‌ల సిరీస్‌లో 1-0తో టీమిండియా ఆధిక్యంలోకి వెళ్లింది. గెలుపు అనంతరం భారత వన్డే కెప్టెన్‌ శుబ్‌మన్‌ గిల్‌ మాట్లాడుతూ.. జట్టు ప్రదర్శన పట్ల సంతృప్తి వ్యక్తం చేశాడు. ‘‘మా బౌలర్లు అద్భుతంగా బౌలింగ్‌ చేశారు. ఫీల్డింగ్‌లో కూడా అదరగొట్టేశాము.అక్కడే మ్యాచ్‌ మలుపు తిరిగిందిముఖ్యంగా రోహిత్‌ భాయ్‌ డారిల్‌ మిచెల్‌ను రనౌట్‌ చేసిన తీరు అద్భుతం. అక్కడే మ్యాచ్‌ మలుపు తిరిగింది. మిచెల్‌, గ్లెన్‌ ఫిలిప్స్‌ జోడీని విడదీయడం మాకు కలిసి వచ్చింది. వాళ్లిద్దరు గతంలో ఇండియాలో కూడా అద్భుతంగా బ్యాటింగ్‌ చేశారు.Shanagiri and Reflexes both getting better with age for the Hitman 😍 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/NlYb7LRmHV— Sony Sports Network (@SonySportsNetwk) November 4, 2026ఏదేమైనా మా జట్టు సమష్టి ప్రదర్శనతో ఆకట్టుకుంది. అన్షుల్‌కు ఇలాంటి పిచ్‌లు కొట్టిన పిండిలాంటివే. బ్రార్‌ కూడా అదనపు బౌన్స్‌తో అద్బుతం చేశాడు. వర్షం తర్వాత పిచ్‌ మరింతగా మారిపోయింది. అందుకే లక్ష్యాన్ని తగ్గించారు.విరాట్‌ భాయ్‌ అద్భుతంగా బ్యాటింగ్‌ చేసిఅయితే, విరాట్‌ భాయ్‌ అద్భుతంగా బ్యాటింగ్‌ చేసి మా గెలుపును సులువు చేశాడు. వెల్లింగ్‌టన్‌లోనూ నిలకడైన ప్రదర్శనతో ఇలాంటి ఫలితమే పునరావృతం చేసేందుకు పట్టుదలగా ఉన్నాము’’ అని శుబ్‌మన్‌ గిల్‌ పేర్కొన్నాడు.Chasing targets, setting standards. Virat Kohli makes it look all too effortless! 👏 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony Vizha and Sony LIV. #SonySportsNetwork #SonyVizha #SonyLIV #NZvIND https://t.co/qna13184JZ— Sony Sports Network (@SonySportsNetwk) November 4, 2026కాగా డారిల్‌ మిచెల్‌ (28), గ్లెన్‌ ఫిలిప్స్‌ (30) కివీస్‌ ఇన్నింగ్స్‌ చక్కదిద్దే ప్రయత్నం చేయగా.. రోహిత్‌ పక్షిలా గాల్లోకి ఎగిరి మిచెల్‌ను అవుట్‌ చేయడంలో కీలక పాత్ర పోషించాడు.ఇక లక్ష్య ఛేదనలో భారత ఓపెనర్‌ రోహిత్‌ శర్మ డకౌట్‌ కాగా.. మరో ఓపెనర్‌, కెప్టెన్‌ శుబ్‌మన్‌ గిల్‌ 37 పరుగులతో రాణించాడు. వన్‌డౌన్‌ బ్యాటర్‌ విరాట్‌ కోహ్లి మెరుపు అర్ధ శతకం (51 బంతుల్లో 74) జట్టు విజయంలో కీలక పాత్ర పోషించాడు. కివీస్‌ను దెబ్బకొట్టిన పేసర్‌ అన్షుల్‌ కాంబోజ్‌ (2-22)కు ప్లేయర్‌ ఆఫ్‌ ది మ్యాచ్‌ అవార్డు దక్కింది. అతడు మిచెల్‌ సాంట్నర్‌ (4), నాథన్‌ స్మిత్‌ (1) వికెట్లను తన ఖాతాలో వేసుకున్నాడు.ఇవీ చదవండి: చరిత్ర సృష్టించిన విరాట్‌ కోహ్లి

న్యూజిలాండ్‌తో వన్డే సిరీస్‌ను టీమిండియా ఘనంగా ఆరంభించింది. ఆక్లాండ్‌ వేదికగా బుధవారం జరిగిన తొలి వన్డేలో కివీస్‌పై ఐదు వికెట్ల తేడాతో ఘన విజయం సాధించింది. తద్వారా ఐదు మ్యాచ్‌ల సిరీస్‌లో 1-0తో ముందంజ వేసింది.185 పరుగులకే ఆలౌట్‌ఈడెన్‌ పార్క్‌ మైదానంలో టాస్‌ గెలిచిన భారత్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన కివీస్‌ బ్యాటర్లకు భారత బౌలర్లు చుక్కలు చూపించారు. దీంతో 40.2 ఓవర్లలో కేవలం 185 పరుగులే చేసి న్యూజిలాండ్‌ ఆలౌట్‌ అయింది.ఓపెనర్‌ టిమ్‌ సీఫర్ట్‌ 38 పరుగులతో కివీస్‌ ఇన్నింగ్స్‌లో టాప్‌ రన్‌ స్కోరర్‌గా నిలిచాడు. మిగిలిన వారిలో డారిల్‌ మిచెల్‌​ 28, గ్లెన్‌ ఫిలిప్స్‌ 30 పరుగులతో ఫర్వాలేదనిపించారు. ఆఖర్లో బ్లేయిర్‌ టిక్నర్‌ 23 బంతుల్లోనే 34 పరుగులు సాధించడంతో కివీస్‌ కనీసం 150 పరుగుల మార్కు దాటగలిగింది.చెలరేగిన భారత పేసర్లుఇక విల్‌ యంగ్‌ (9), హెన్రీ నికోల్స్‌ (9), టామ్‌ లాథమ్‌ (3), కెప్టెన్‌ మిచెల్‌ సాంట్నర్‌ (4), నాథన్‌ స్మిత్‌ (1), కైలీ జెమీషన్‌ (1) సింగిల్‌ డిజిట్‌ స్కోర్లకే పరిమితం కాగా.. జేకబ్‌ డఫీ 15 పరుగులతో అజేయంగా నిలిచాడు. టీమిండియా బౌలర్లలో పేసర్లు అర్ష్‌దీప్‌ సింగ్‌ నాలుగు, గుర్నూర్‌ బ్రార్‌ మూడు వికెట్లతో చెలరేగగా.. అన్షుల్‌ కాంబోజ్‌ రెండు వికెట్లతో మెరిశాడు.ఈ క్రమంలో నామమాత్రపు లక్ష్యంతో బరిలోకి దిగిన భారత్‌కు వర్షం పదే పదే అంతరాయం కలిగించింది. దీంతో పలుమార్లు టార్గెట్‌ను రివైజ్‌ చేసిన తర్వాత ఆఖరికి.. డీఎల్‌ఎస్‌ పద్ధతి ప్రకారం టీమిండియా లక్ష్యాన్ని 32 ఓవర్లలో 143 పరుగులుగా నిర్దేశించారు.కోహ్లి మెరుపు అర్ధ శతకంఇక లక్ష్య ఛేదనలో దిగ్గజ ఓపెనర్‌ రోహిత్‌ శర్మ డకౌట్‌ కాగా.. మరో ఓపెనర్‌, కెప్టెన్‌ శుబ్‌మన్‌ గిల్‌ 56 బంతుల్లో 37 పరుగులు చేశాడు. ఇక వన్‌డౌన్‌ బ్యాటర్‌, లెజెండరీ విరాట్‌ కోహ్లి 35 బంతుల్లోనే అర్ద శతకం పూర్తి చేసుకుని సత్తా చాటాడు. వన్డేలో ‘కింగ్‌’కు ఇది 80వ హాఫ్‌ సెంచరీ కావడం విశేషం.The King leaves to a round of applause after scoring match-winning 74. 👏 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony Vizha and Sony LIV. #SonySportsNetwork #SonyVizha #SonyLIV #NZvIND https://t.co/zDOBL4nH6J— Sony Sports Network (@SonySportsNetwk) November 4, 2026 ఆ తర్వాత కూడా జోరు కొనసాగించిన కోహ్లి.. మొత్తంగా 51 బంతులు ఎదుర్కొని 13 ఫోర్లు, ఒక సిక్సర్‌ సాయంతో 74 పరుగులు చేశాడు. అయితే, డఫీ బౌలింగ్‌లో షాట్‌కు యత్నించిన కోహ్లి.. టిమ్‌ సీఫర్ట్‌కు క్యాచ్‌ ఇవ్వడంతో మూడో వికెట్‌గా వెనుదిరిగాడు. కోహ్లి స్థానంలో వచ్చిన అక్షర్‌ పటేల్‌ డకౌట్‌ కాగా.. వైస్‌ కెప్టెన్‌ శ్రేయస్‌ అయ్యర్‌ 13 బంతుల్లో 15 పరుగులు చేసి నిష్క్రమించాడు.ఈ క్రమంలో విజయానికి 62 బంతుల్లో కేవలం 7 పరుగులు అవసరం కాగా.. కేఎల్‌ రాహుల్‌ (5 బంతుల్లో 3), నమన్‌ ధీర్‌ (3 బంతుల్లో 5) కలిసి విజయలాంఛనం పూర్తి చేశారు. భారత్‌ వర్సెస్‌ న్యూజిలాండ్‌ తొలి వన్డే సంక్షిప్త స్కోర్లున్యూజిలాండ్‌- 185(40.2)భారత్‌- 143/5(22.4)ఫలితం: డీఎల్‌ఎస్‌ పద్ధతి ప్రకారం 143 పరుగుల లక్ష్యం ఛేదించి ఐదు వికెట్ల తేడాతో గెలిచిన భారత్‌ఇవీ చదవండి: IND vs NZ: విరాట్‌ కోహ్లి ప్రపంచ రికార్డుIND vs NZ: చరిత్ర సృష్టించిన విరాట్‌ కోహ్లి.. ప్రపంచంలోనే తొలి ప్లేయర్‌గాStraight into the gap, straight into the celebrations 🤩 Naman Dhir seals India's win with a four! 🥳 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony Vizha and Sony LIV. #SonySportsNetwork #SonyVizha #SonyLIV #NZvIND https://t.co/CAOwiVZ1Uw— Sony Sports Network (@SonySportsNetwk) November 4, 2026

టీమిండియా స్టార్‌ బ్యాటర్‌, రికార్డుల రారాజు విరాట్‌ కోహ్లి మరో రికార్డు తన ఖాతాలో వేసుకున్నాడు. న్యూజిలాండ్‌తో జరుగుతున్న తొలి వన్డేలో అర్ద శతకం (51 బంతుల్లో 74; 13 ఫోర్లు, సిక్సర్‌) సాధించడంతో అంతర్జాతీయ క్రికెట్‌లో SENA (సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా) దేశాలపై అత్యధిక ప్లస్‌ స్కోర్లు చేసిన ఆటగాడిగా రికార్డు నెలకొల్పాడు. ఈ క్రమంలో క్రికెట్ దిగ్గజం సచిన్ టెండూల్కర్ రికార్డును అధిగమించాడు.సచిన్‌ తన కెరీర్‌లో SENA దేశాలపై 133 అర్ధ శతకాలు సాధించగా.. విరాట్‌ 134 సార్లు 50కి పైగా స్కోర్లు సాధించాడు.మ్యాచ్‌ విషయానికొస్తే.. ఐదు మ్యాచ్‌ల సిరీస్‌లో భాగంగా భారత్‌-న్యూజిలాండ్‌ మధ్య ఆక్లాండ్‌ వేదికగా తొలి వన్డే జరుగుతుంది. ఈ మ్యాచ్‌లో భారత్‌ గెలుపు అంచుల్లో ఉంది. టాస్‌ గెలిచి తొలుత బౌలింగ్‌ చేసిన భారత్‌ న్యూజిలాండ్‌ను 185 పరుగులకే (0.2 ఓవర్లలో) కుప్పకూల్చింది. అర్షదీప్‌ సింగ్‌ 4, గుర్నూర్‌ బ్రార్‌ 3, అన్షుల్‌ కంబోజ్‌ 2 వికెట్లతో చెలరేగారు. న్యూజిలాండ్‌ ఇన్నింగ్స్‌లో టిమ్‌ సీఫర్ట్‌ (38), డారిల్‌ మిచెల్‌ (28), గ్లెన్‌ ఫిలిప్స్‌ (30), జేకబ్‌ డఫీ (15 నాటౌట్‌) రెండంకెల స్కోర్లు చేయగా.. 11వ నంబర్‌ ఆటగాడు బ్లెయిర్‌ టిక్నర్‌ (34) ఆఖర్లో సుడిగాలి ఇన్నింగ్స్‌ ఆడాడు.అనంతరం​ భారత్‌ లక్ష్య ఛేదనలో సమయంలో వరుణుడు ఆటంకం కలిగించడంతో డక్‌వర్త్‌ లూయిస్‌ పద్దతి ప్రకారం టార్గెట్‌ను మార్చారు. లక్ష్యాన్ని 32 ఓవర్లలో 143 పరుగులకు కుదించారు. 22 ఓవర్లు ముగిసే సమయానికి భారత్‌ 5 వికెట్లు కోల్పోయి 138 పరుగులు చేసి, లక్ష్యానికి 5 పరుగుల దూరంలో ఉంది. కేఎల్‌ రాహుల్‌ (2), నమన్‌ ధిర్‌ (1) క్రీజ్‌లో ఉన్నారు. ఇదీ చదవండి: ‍స్టార్క్‌ నంబర్‌ వన్‌.. ఏడో స్థానానికి శ్రేయస్‌

టీమిండియా రన్‌మిషన్ విరాట్ కోహ్లి తన రికార్డుల వేటను కొనసాగిస్తున్నాడు. ఆక్లాండ్ వేదికగా న్యూజిలాండ్‌తో జరుగుతున్న తొలి వన్డేలో విరాట్ మరో అరుదైన ఘనతను తన పేరిట లిఖించుకున్నాడు. వన్డేల్లో లక్ష్య చేధనల్లో అత్యధిక పరుగులు చేసిన బ్యాటర్‌గా సచిన్ టెండూల్కర్ పేరిట ఉన్న ఆల్-టైమ్ రికార్డును కోహ్లి బ్రేక్ చేశాడు. 54 పరుగుల వ్యక్తిగత స్కోర్ వద్ద కోహ్లి ఈ ఫీట్ నమోదు చేశాడు. విరాట్ ఇప్పటివరకు రన్ చేజ్‌ల్లో 169 ఇన్నింగ్స్‌లు ఆడి 8,727* ప‌రుగులు చేశాడు. స‌చిన్ త‌న వ‌న్డే కెరీర్‌లో ల‌క్ష్య చేధ‌న్లో 232 ఇన్నింగ్స్‌లు ఆడి 8,720 ప‌రుగులు చేశాడు. తాజా నాక్‌తో సచిన్‌నుఅధిగమించి వన్డే చేజింగ్‌లలో అత్యధిక పరుగులు చేసిన నంబర్-1 బ్యాటర్‌గా విరాట్‌ నిలిచాడు.వన్డే చేజింగ్‌లలో అత్యధిక పరుగులు చేసిన టాప్-3 బ్యాటర్లు:1 విరాట్ కోహ్లి( భారత్) -169 మ్యాచ్‌లు- 8,727*2 సచిన్ టెండూల్కర్( భారత్)- 232 మ్యాచ్‌లు- 8,7203 రోహిత్ శర్మ (భారత్) -163 మ్యాచ్‌లు - 6,801అదేవిధంగా న్యూజిలాండ్‌పై అన్ని ఫార్మాట్లలో కలిపి అత్యధిక సార్లు ఫిప్టీ ప్లస్‌ స్కోర్లు సాధించిన ప్లేయర్‌గా బాబర్‌ ఆజం, రికీ పాంటింగ్‌ రికార్డును విరాట్‌ సమం చేశాడు. వీరుముగ్గురూ తలా 27 సార్లు ఏభైకి పైగా పరుగులు పడగొట్టారు. మరో హాఫ్‌ సెంచరీ సాధిస్తే బాబర్‌, పాంటింగ్‌ను కోహ్లి దాటేస్తాడు.చదవండి: IND vs NZ: చరిత్ర సృష్టించిన విరాట్‌ కోహ్లి.. ప్రపంచంలోనే తొలి ప్లేయర్‌గా

న్యూజిలాండ్‌, టీమిండియా మ‌ధ్య జ‌రుగుతున్న తొలి వ‌న్డేకు వ‌రుణుడు అంత‌రాయం క‌లిగిస్తున్నాడు. తొలి ఇన్నింగ్స్‌లో న్యూజిలాండ్ ఇన్నింగ్స్ ప్రారంభానికి ముందు వ‌ర్షం ఒక‌సారి ఇబ్బంది పెట్టింది. ఇక టీమిండియా ఇన్నింగ్స్ ప్రారంభ‌మైన 10.5 ఓవ‌ర్ల త‌ర్వాత భారీ వ‌ర్షం ప‌డింది. UPDATE: టీమిండియా టార్గెట్‌ను మరోసారి రివైజ్‌ చేసి 32 ఓవర్లలో 143 పరుగులుగా నిర్దేశించారు.వర్షం వల్ల అంతరాయంవ‌ర్షంతో మ్యాచ్ నిలిచిపోయే స‌మయానికి భార‌త్ 10.5 ఓవ‌ర్ల‌లో వికెట్ న‌ష్టానికి 54 ప‌రుగులు చేసింది. కోహ్లి (28), గిల్ (17) ప‌రుగుల‌తో క్రీజులో ఉన్నారు. భార‌త్ విజ‌యానికి 39.1 ఓవ‌ర్ల‌లో 132 ప‌రుగులు అవ‌స‌రం. ఈడెన్ పార్క్‌లో రెండోసారి వ‌ర్షం అంత‌రాయం క‌లిగించ‌డంతో 10 ఓవర్ల కటాఫ్‌ అనంతరం భారత్‌ ముంగిట 40 ఓవర్లలో 167 పరుగుల టార్గెట్‌ను నిర్దేశించడం జరిగింది. దీంతో భారత్‌ 11.1 ఓవర్లలో 113 పరుగులు చేయాల్సి ఉంటుంది.PC: Twitter👉ఒకవేళ మరోసారి వర్షం వస్తే మాత్రం సవరించిన టార్గెట్‌లు ఈ విధంగా ఉండనున్నాయి.20 ఓవర్ల కటాఫ్‌ అనంతరం: భారత్‌ విజయలక్ష్యం 30 ఓవర్లలో 137 పరుగులు30 ఓవర్ల కటాప్‌ అనంతరం: భారత్‌ విజయలక్ష్యం 20 ఓవర్లలో 92 పరుగులు👉ఎలా చూసుకున్నా భార‌త్‌కే విజ‌యావకాశాలు ఎక్కువ‌గా ఉన్నాయి. కోహ్లి, గిల్ క్రీజులో ఉండడం, ఆ త‌ర్వాత అయ్య‌ర్‌, కేఎల్ రాహుల్ ,అక్ష‌ర్‌, న‌మ‌న్ ధీర్‌ల‌తో బ్యాటింగ్ ఆర్డ‌ర్ ప‌టిష్టంగా క‌నిపిస్తుంది. దీంతో వ‌ర్షం తెరిపినిస్తే భార‌త్ విజ‌యం లాంఛ‌న‌మే అవనుంది.అంతకముందు టీమిండియా బౌలర్లు చెలరేగడంతో న్యూజిలాండ్ తొలి ఇన్నింగ్స్‌లో 40.2 ఓవర్లలో 185 పరుగులకు ఆలౌటైంది. కివీస్ బ్యాటర్లలో ఓపెనర్ టిమ్ సీఫెర్ట్ (38) టాప్ స్కోరర్‌గా నిలవగా, ఆఖర్లో టిక్నర్ (24 బంతుల్లో 34) మెరవగా, గ్లెన్ ఫిలిప్స్ (30), డారిల్ మిచెల్ (28) పర్వాలేదనిపించారు. భారత బౌలర్లలో అర్షదీప్ సింగ్ 4 వికెట్లు తీయగా, గుర్నూర్ బ్రార్ మూడు వికెట్లు, అన్షుల్ కాంబోజ్ చెరో రెండు వికెట్లు పడగొట్టారు.ఇదీ చదవండి: టీమిండియా ప్లేయ‌ర్ అరుదైన రికార్డు.. ప‌దేళ్ల త‌ర్వాత‌

ఆక్లాండ్ వేదిక‌గా న్యూజిలాండ్‌తో జరుగుతున్న మొద‌టి వ‌న్డే మ్యాచ్‌లో భారత యువ పేసర్ అన్షుల్ కంబోజ్ అసాధార‌ణ బౌలింగ్ ప్ర‌ద‌ర్శ‌న క‌న‌బ‌రిచాడు. 25 ఏళ్ల కాంబోజ్ స‌రైన లైన్ అండ్ లెంగ్త్‌తో బౌలింగ్ చేసి కివీస్ బ్యాట‌ర్ల‌ను ముప్పు తిప్ప‌లు పెట్టాడు. ఈ హ‌ర్యానా పేస‌ర్ తన 10 ఓవర్ల కోటాలో 2 మైడెన్లతో కేవలం 22 పరుగులు మాత్రమే ఇచ్చి 2 వికెట్లు పడగొట్టాడు.కాంబోజ్ 2.20 ఎకానమీతో బౌలింగ్ చేసి కివీస్‌ను నామ‌మాత్ర‌పు స్కోర్‌కే ప‌రిమితం చేశాడు. అన్షుల్ గత నెలలో వెస్టిండీస్‌తో జ‌రిగిన వ‌న్డే మ్యాచ్‌లో డెబ్యూ చేశాడు. త‌న డెబ్యూ మ్యాచ్‌లో ఒక్క వికెట్ కూడా సాధించిక‌పోయిన‌ప్ప‌టికి.. త‌న రెండో మ్యాచ్‌లో మాత్రం ఇర‌గ‌దీశాడు. ఈ ప్ర‌ద‌ర్శ‌న‌తో అన్షుల్ అరుదైన ఘ‌న‌త సాధించాడు.న్యూజిలాండ్ గ‌డ్డ‌పై కివీస్‌పై భారత్ తరఫున అత్యంత ఎకనామికల్ స్పెల్ (కనీసం 10 ఓవర్లు) బౌలింగ్ చేసిన నాలుగో బౌల‌ర్‌గా కాంబోజ్ నిలిచాడు. ఈ జాబితాలో భార‌త దిగ్గ‌జ పేస‌ర్ జ‌వ‌గ‌ల్ శ్రీనాథ్ టాప్ ప్లేస్‌లో ఉన్నాడు. 2003లో ఆక్లాండ్ వేదిక‌గా న్యూజిలాండ్‌తో జ‌రిగిన వ‌న్డేలో శ్రీనాథ్ కేవ‌లం 13 పరుగులు మాత్ర‌మే ఇచ్చి 3 వికెట్లు ప‌డ‌గొట్టాడు. కివీస్‌ గడ్డపై అత్యుత్తమ బౌలింగ్‌ గణాంకాలు నమోదు చేసిన బౌలర్లుజవగల్ శ్రీనాథ్: 3/13 – ఆక్లాండ్, 2003 (ఎకానమీ: 1.30)ఆశిష్ నెహ్రా: 2/16 – ఆక్లాండ్, 2002 (ఎకానమీ: 1.60)కపిల్ దేవ్: 2/18 – ఆక్లాండ్, 1994 (ఎకానమీ: 1.80)అన్షుల్ కంబోజ్: 2/22 – ఆక్లాండ్, 2026 (ఎకానమీ: 2.20)*జవగల్ శ్రీనాథ్: 4/23 – ఆక్లాండ్, 2002 (ఎకానమీ: 2.30)అంతేకాకుండా 2016లో జింబాబ్వేపై జస్ప్రీత్ బుమ్రా (1/22) సాధించిన గణాంకాల తర్వాత గడిచిన తొమ్మిదేళ్లలో ఒక భారత పేస‌ర్ నమోదు చేసిన అత్యుత్తమ ఎకనామికల్ స్పెల్ ఇదే కావడం విశేషం.

టీమిండియా స్టార్ బ్యాట‌ర్ విరాట్ కోహ్లి మైదానంలో ఎంత కూల్‌గా ఉంటాడో ప్ర‌త్యేకంగా చెప్ప‌న‌వ‌స‌రం లేదు. ఎంతో స‌ర‌దాగా ఉండే కోహ్లి త‌న స‌హ‌చ‌ర ఆట‌గాళ్ల‌ను ఆట‌పట్టించ‌డం చూస్తుంటాం. అయితే కోహ్లి కేవ‌లం త‌న జ‌ట్టు ఆట‌గాళ్ల‌తోనే కాదు, ప్ర‌త్యర్థి జ‌ట్ల ఆట‌గాళ్ల‌ను కూడా ఆట‌ప‌ట్టించ‌డం చాలా సంద‌ర్భాల్లో గ‌మ‌నించాము. తాజాగా న్యూజిలాండ్ బ్యాట‌ర్ గ్లెన్ ఫిలిప్స్‌ను కోహ్లి ఆట ప‌ట్టించిన వీడియో సోష‌ల్ మీడియాలో వైర‌ల్‌గా మారింది.విష‌యంలోకి వెళితే.. కివీస్ ఇన్నింగ్స్ 17వ ఓవ‌ర్ ముగిసిన త‌ర్వాత డారిల్ మిచెల్‌, గ్లెన్ ఫిలిప్స్ మాట్లాడుకుంటున్నారు. అంత‌క‌ముందే గుర్నూర్ బ్రార్ బౌలింగ్‌లో టామ్ లాథ‌మ్ కాట్ అండ్ బౌల్డ్‌గా వెనుదిర‌గ‌డంతో ఫిలిప్స్‌కు జాగ్ర‌త్త‌గా ఆడుదామ‌ని మిచెల్ పేర్కొన్నాడు. ఇటీవ‌లే టీ20 సిరీస్‌లో మంచి ఫామ్ క‌న‌బ‌రిచిన గ్లెన్ ఫిలిప్స్‌ను గ‌మ‌నించిన కోహ్లి, అత‌డిని ఆట‌ప‌ట్టించే ప్ర‌య‌త్నం చేశాడు. మిచెల్‌తో మాటా మంతి ముగించుకొని క్రీజువైపు వ‌స్తున్న ఫిలిప్స్‌కు ఎదురుగా వ‌చ్చిన కోహ్లి.. డ‌బ్ల్యూడ‌బ్ల్యూఈ సూప‌ర్‌స్టార్ జాన్‌సెనా పాపుల‌ర్ సిగ్నేచ‌ర్ "యూ కాంట్ సీ మీ (You Can’t See Me)" అంటూ పేర్కొన్నాడు. ఇది చూసిన ఫిలిప్స్ న‌వ్వుకుంటూ అక్క‌డి నుంచి వెళ్లాడు. దీనికి సంబంధించిన వీడియోపై ఒక లుక్కేయంది. ఆ త‌ర్వాత కాసేప‌టికే డారిల్ మిచెల్ ఔట‌వ్వ‌గా, ఫిలిప్స్ 51 బంతులాడి 30 ప‌రుగులు చేసి ఔట‌య్యాడు.మ్యాచ్ విష‌యానికొస్తే.. ఆక్లాండ్ వేదికగా జరుగుతున్న తొలి వన్డేలో టీమిండియా బౌలర్లు చెలరేగడంతో న్యూజిలాండ్ 40.2 ఓవ‌ర్ల‌లో 185 పరుగులకు ఆలౌటైంది. కివీస్ బ్యాటర్లలో ఓపెనర్ టిమ్ సీఫెర్ట్ (38) టాప్ స్కోరర్‌గా నిలవగా, ఆఖర్లో టిం‍క్నర్ (24 బంతుల్లో 34) మెరవగా, గ్లెన్ ఫిలిప్స్ (30), డారిల్ మిచెల్ (28) పర్వాలేదనిపించారు. భారత బౌలర్లలో అర్షదీప్ సింగ్ 4 వికెట్లు తీయగా, గుర్నూర్ బ్రార్ మూడు వికెట్లు, అన్షుల్ కాంబోజ్ చెరో రెండు వికెట్లు పడగొట్టారు.G.O.A.T doing G.O.A.T-ed signature moves! 🐐 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/4GRzemYxun— Sony Sports Network (@SonySportsNetwk) November 4, 2026ఇదీ చదవండి: చరిత్ర సృష్టించిన విరాట్‌ కోహ్లి.. ప్రపంచంలోనే తొలి ప్లేయర్‌గాచ‌రిత్ర సృష్టించిన న్యూజిలాండ్ బౌలర్

టీమిండియా స్టార్ విరాట్ కోహ్లి మ‌రో ప్ర‌పంచ రికార్డును త‌న పేరిట లిఖించుకున్నాడు. వ‌న్డే క్రికెట్‌లో మూడో స్దానంలో బ్యాటింగ్ చేస్తూ 13,000 పరుగులు పూర్తి చేసిన మొద‌టి బ్యాట‌ర్‌గా కోహ్లి సరికొత్త రికార్డు సృష్టించాడు. ఆక్లాండ్ వేదిక‌గా న్యూజిలాండ్‌తో జ‌రుగుతున్న తొలి వ‌న్డేలో 12 ప‌రుగుల వ్య‌క్తిగ‌త స్కోర్ వ‌ద్ద విరాట్ ఈ ఫీట్ సాధించాడు. కోహ్లి కంటే ముందు ఏ బ్యాటర్ కూడా మూడో స్దానంలో బ్యాటింగ్ చేస్తూ ఈ రికార్డు సాధించలేకపోయారు. ఈ జాబితాలో కోహ్లి తర్వాత స్ధానంలో ఆస్ట్రేలియా మాజీ కెప్టెన్‌ రికీ పాంటింగ్‌(12,662) ఉన్నాడు.మూడో స్థానంలో అత్యధిక పరుగులు చేసిన టాప్-5 బ్యాటర్లువిరాట్ కోహ్లి(భారత్‌)-13,000*రికీ పాంటింగ్ (ఆస్ట్రేలియా)- 12,662కుమార సంగక్కర(శ్రీలంక‌)-9,747జాక్వెస్ క‌ల్లిస్‌(సౌతాఫ్రికా)- 7,774కేన్ విలియ‌మ్స్‌(న్యూజిలాండ్‌)-6,504కాగా నంబ‌ర్ 3 స్దానంలో బ్యాటింగ్‌కు వచ్చి ఎన్నో చారిత్ర‌త్మ‌క రికార్డుల‌ను అందుకున్నాడు. ఏకంగా 48 వన్డే సెంచరీలు సాధించి ఆ స్థానానికి తిరుగులేని రాజుగా నిలిచాడు. వ‌న్డేల్లో అత్య‌ధిక ప‌రుగులు చేసిన జాబితాలో విరాట్ (15,109) రెండో స్ధానంలో కొన‌సాగుతున్నాడు.చదవండి: రోహిత్‌ శర్మ అత్యంత చెత్త రికార్డు.. వన్డే కెరీర్‌లో ఇదే తొలిసారి

ఆక్లాండ్ వేదిక‌గా న్యూజిలాండ్‌తో జ‌రుగుతున్న తొలి వ‌న్డేలో టీమిండియా స్టార్ ఓపెన‌ర్ రోహిత్ శ‌ర్మ తీవ్ర నిరాశ‌ప‌రిచాడు. ఈ మ్యాచ్‌లో ఆరు బంతులు ఎదుర్కొన్న రోహిత్ త‌న ఖాతా తెర‌వ‌కుండానే పెవిలియ‌న్‌కు చేరాడు. భారత ఇన్నింగ్స్ తొలి ఓవర్‌ర్ వేసిన కైల్ జేమీస‌న్ బౌలింగ్‌లో హిట్‌మ్యాన్ ఔట‌య్యాడు.తొలి ఐదు బంతులను జాగ్ర‌త్త‌గా ఆడిన రోహిత్‌.. ఆఖ‌రి బంతికి త‌న వికెట్‌ను స‌మ‌ర్పించుకున్నాడు. జేమీస‌న్ చివ‌రి బంతిని ఆఫ్‌స్టంప్ వెలుపల ఫుల్లర్ లెంగ్త్ డెలివ‌రీగా సంధించాడు. ఆ బంతిని రోహిత్ శ‌ర్మ మిడ్-ఆఫ్ దిశ‌గా ఆడేందుకు ప్ర‌య‌త్నించాడు. అయితే షాట్‌లో అంత ప‌వ‌ర్ లేకపోవ‌డంతో మిడ్-ఆఫ్‌లో ఫీల్డింగ్ చేస్తున్న న్యూజిలాండ్ కెప్టెన్ మిచెల్ శాంట్నర్ ముందుకు డైవ్ చేస్తూ అద్భుత‌మైన క్యాచ్‌ను అందుకున్నాడు. బంతిని సరిగ్గా టైమ్ చేయలేకపోయిన రోహిత్ శర్మ నిరాశగా తల కింద‌కు దించుకుంటూ క్రీజును వదిలి వెళ్లాడు.రోహిత్‌ చెత్త రికార్డు👉ఈ డకౌట్‌తో రోహిత్‌ ఓ చెత్త రికార్డును తన పేరిట లిఖించుకున్నాడు. వ‌న్డేల్లో భార‌త్ త‌ర‌పున ఓపెన‌ర్‌గా అత్య‌ధికసార్లు డ‌కౌటైన నాలుగో ప్లేయ‌ర్‌గా రోహిత్ నిలిచాడు. రోహిత్ ఇప్ప‌టివ‌ర‌కు ఓపెన‌ర్‌గా 9 సార్లు సున్నా ప‌రుగులకే అవుట‌య్యాడు. ఇంత‌కుముందు ఈ రికార్డు ప్ర‌స్తుత భార‌త హెడ్‌కోచ్ గౌత‌మ్ గంభీర్‌(8) పేరిట ఉండేది. తాజా మ్యాచ్‌తో గంభీర్‌ను రోహిత్ దాటేశాడు. ఈ జాబితాలో సౌరవ్ గంగూలీ, వీరేందర్ సెహ్వాగ్(13) అగ్ర‌స్ధానంలో ఉన్నాడు.👉కాగా వన్డేల్లో న్యూజిలాండ్‌పై రోహిత్ శర్మ డకౌట్ అవ్వడం ఇదే మొదటిసారి. అంతేకాకుండా 2023 ప్రపంచ కప్‌లో చెన్నై వేదికగా ఆస్ట్రేలియాతో జరిగిన మ్యాచ్ తర్వాత, వన్డేల్లో అతను డకౌట్ అవ్వడం ఇదే తొలిసారి కావడం​ గమనార్హం.ఓపెనర్లుగా అత్యధికసార్లు డకౌటైన భార‌త‌ ఆటగాళ్లు13 - సౌరవ్ గంగూలీ, వీరేందర్ సెహ్వాగ్12 - సచిన్ టెండూల్కర్11 - కె. శ్రీకాంత్9 - రోహిత్ శర్మ*8 - గౌతమ్ గంభీర్కాగా ఈ మ్యాచ్‌లో తొలుత బ్యాటింగ్ చేసిన కివీస్‌ ఓవర్లలో 185 పరుగులకు ఆలౌటైంది. కివీస్ బ్యాటర్లలో ఓపెనర్ టిమ్ సీఫెర్ట్ (38) టాప్ స్కోరర్‌గా నిలవగా, గ్లెన్ ఫిలిప్స్ (30), డారిల్ మిచెల్ (28) పర్వాలేదనిపించారు. భారత బౌలర్లలో అర్షదీప్ సింగ్ 4 వికెట్లు తీయగా, గుర్నూర్ బ్రార్‌ మూడు వికెట్లు, అన్షుల్ కాంబోజ్ చెరో రెండు వికెట్లు పడగొట్టారు.

ఆక్లాండ్ వేదిక‌గా టీమిండియాతో జ‌రుగుతున్న తొలి వ‌న్డేలో న్యూజిలాండ్ బౌల‌ర్ బ్లెయిర్ టిక్న‌ర్ చ‌రిత్ర సృష్టించాడు. వ‌న్డే చ‌రిత్ర‌లో 11వ స్థానంలో బ్యాటింగ్‌కు వ‌చ్చిన అత్య‌ధిక సిక్స‌ర్లు బాదిన బ్యాట‌ర్ల జాబితాలో టిక్న‌ర్ చోటు సంపాదించాడు. 4 సిక్స‌ర్లు కొట్టిన టిక్న‌ర్‌, పాకిస్తాన్ బౌల‌ర్లు మ‌హ్మ‌ద్ ఆమిర్‌, న‌సీమ్ షాల‌తో సంయుక్తంగా తొలి స్థానంలో నిలిచాడు. గ‌తంలో మ‌హ్మ‌ద్ ఆమిర్ 2016లో నాటింగ్‌హ‌మ్ వేదిక‌గా ఇంగ్లండ్‌తో మ్యాచ్‌లో 4 సిక్స‌ర్లు బాద‌గా, 2025లో న‌సీమ్ షా హామిల్టన్ వేదిక‌గా న్యూజిలాండ్‌తో మ్యాచ్‌లో 4 సిక్స‌ర్లు బాదాడు. తాజాగా 23 బంతుల్లో 34 ప‌రుగులు చేసిన టిక్న‌ర్ ఇన్నింగ్స్‌లో ఒక ఫోర్‌, నాలుగు సిక్స‌ర్లు ఉన్నాయి.👉త‌మ సొంత‌గ‌డ్డ‌పై భార‌త్‌తో ఆడిన వ‌న్డేల్లో న్యూజిలాండ్‌కు ఇది నాలుగో అత్య‌ల్ప స్కోరు. గ‌తంలో భారత్‌తో మ్యాచ్‌ల్లో లో-స్కోరింగ్ న‌మోదు చేసిన మూడు సంద‌ర్భాల్లోనూ కివీస్ ఓట‌మి పాల‌వ్వ‌డం గ‌మ‌నార్హం.142- ఆక్లాండ్‌ 1994 (7 వికెట్ల తేడాతో ఓట‌మి)157- నేపియ‌ర్‌, 2019 (8 వికెట్ల తేడాతో ఓట‌మి)168- వెల్లింగ్ట‌న్, 2003 (2 వికెట్లె తేడాతో ఓట‌మి)👉మ‌రో విష‌య‌మేంటంటే, మ్యాచ్‌లో ఎనిమిది సిక్స‌ర్లు రాగా, అవన్నీ నేరుగా గ్రౌండ్ మీదుగా లేదా వికెట్ వెనుక 'V' ఆకారంలో వచ్చాయి. అయితే వికెట్‌కు ఇరువైపులా ఒక్క సిక్సర్ కూడా రాక‌పోవ‌డం గ‌మ‌నార్హం.👉మరో ఆసక్తికర విషయమేంటంటే.. ఈ వేదికలో గత రెండు వన్డేల్లో రెండో బ్యాటింగ్‌ చేసిన జట్లు ఓటమిపాలయ్యాయి. ఒక మ్యాచ్‌లో 74 పరుగులకు ఆలౌటైతే, మరో మ్యాచ్‌లో 154 పరుగులకు ఆలౌటైంది.Banter hits different with a wicket to show for it! 😂 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/G0i2RBAN8Y— Sony Sports Network (@SonySportsNetwk) November 4, 2026ఇదీ చదవండి: చెలరేగిన భారత బౌలర్లు.. కివీస్ 185 ఆలౌట్‌సూపర్‌ మేన్‌ రోహిత్‌.. గాల్లోకి డైవ్‌ చేస్తూ! వీడియో వైరల్‌

ఆక్లాండ్ వేదికగా జరుగుతున్న తొలి వన్డేలో టీమిండియా బౌలర్లు చెలరేగడంతో న్యూజిలాండ్ 40.2 ఓవర్లలో 185 పరుగులకు ఆలౌటైంది. కివీస్ బ్యాటర్లలో ఓపెనర్ టిమ్ సీఫెర్ట్ (38) టాప్ స్కోరర్‌గా నిలవగా, గ్లెన్ ఫిలిప్స్ (30), డారిల్ మిచెల్ (28) పర్వాలేదనిపించారు. భారత బౌలర్లలో అర్షదీప్ సింగ్ 4 వికెట్లు తీయగా, గుర్నూర్ బ్రార్‌ మూడు వికెట్లు, అన్షుల్ కాంబోజ్ చెరో రెండు వికెట్లు పడగొట్టారు. టాస్ గెలిచి బౌలింగ్ ఎంచుకున్న భారత్‌కు బౌలర్లు శుభారంభాన్ని ఇచ్చారు. 9 పరుగులు చేసిన విల్ యంగ్‌ను అర్షదీప్ ఔట్ చేయడంతో కివీస్ తొలి వికెట్ కోల్పోయింది. ఆ వెంటనే నికోల్స్ కూడా వెనుదిరిగాడు. ఈ దశలో సీఫెర్ట్‌, డారిల్ మిచెల్‌లు కలిసి ఇన్నింగ్స్‌ను చక్కదిద్దే ప్రయత్నం చేశారు. 73 పరుగుల వద్ద సీఫెర్ట్ ఔట్ కాగా, ఆ తర్వాత మిచెల్ రోహిత్ అద్భుత ఫీల్డింగ్‌కు రనౌట్‌గా వెనుదిరిగాల్సి వచ్చింది. దీంతో 115 పరుగులకే ఏడు వికెట్లు కోల్పోయి కష్టాల్లో పడిన న్యూజిలాండ్‌ను గ్లెన్ ఫిలిప్స్ ఆదుకున్నాడు. చివర్లో జాకబ్ డఫీ మూడు ఫోర్లు బాదడంతో కివిస్ 150 పరుగుల మార్క్‌ను దాటింది. ఆఖర్లో బ్లెయిర్ టింక్నర్ (23 బంతుల్లో 34; ఒక ఫోర్‌, 4 సిక్సర్లు) మెరవడంతో న్యూజిలాండ్‌ 180 పరుగుల మార్క్‌ను దాటింది.

టీమిండియా స్టార్ బ్యాటర్, మాజీ కెప్టెన్ రోహిత్ శర్మ వయస్సు, ఫిట్‌నెస్‌పై తరచూ విమర్శలు వస్తున్న సంగతి తెలిసిందే. 2027 వన్డే ప్రపంచకప్ ఆడేందుకు అతడు అర్హుడు కాదంటూ కొందరు చర్చిస్తున్నారు. అయితే ఈ విమర్శలన్నింటికీ రోహిత్ శర్మ తన అద్భుతమైన ఫీల్డింగ్ స్కిల్స్‌తో మైదానంలోనే గట్టి సమాధానమిచ్చాడు. ఆక్లాండ్ వేదికగా న్యూజిలాండ్‌తో జరుగుతున్న తొలి వన్డేలో సంచలన రనౌట్‌తో హిట్‌మ్యాన్ మెరిశాడు.అసలేం జరిగింది?న్యూజిలాండ్ ఇన్నింగ్స్ 22వ ఓవర్ వేసిన అక్షర్ పటేల్ తొలి బంతిని గ్లెన్ ఫిలిప్స్‌కు లెగ్ స్టంప్ దిశగా సంధించాడు. ఆ బంతిని ఫిలిప్స్ లెగ్‌సైడ్‌ వైపు ఆడి క్విక్ సింగిల్ కోసం ప్రయత్నించాడు. అయితే మిడ్-వికెట్‌లో ఫీల్డింగ్ చేస్తున్న రోహిత్ శర్మ మెరుపు వేగంతో స్పందించాడు.క్షణాల వ్యవధిలో బంతిని అందుకున్న రోహిత్‌.. గాల్లోకి డైవ్ చేస్తూ స్ట్రైకర్ ఎండ్ వైపు అండర్ ఆర్మ్ త్రో విసిరాడు. వికెట్ కీపర్ కేఎల్ రాహుల్ బంతిని అందుకుని వెంటనే బెయిల్స్ పడగొట్టాడు. క్రీజులోకి చేరుకునేందుకు డారిల్ మిచెల్ ఎంతగానో ప్రయత్నించినప్పటికీ, రోహిత్ మెరుపు త్రో కారణంగా రనౌట్‌ అవ్వక తప్పలేదు.మిచెల్ కెరీర్‌లో తొలిసారి..భారత జట్టుపై అద్భుతమైన రికార్డు ఉన్న ప్రమాదకరమైన డారిల్ మిచెల్ తక్కువ పరుగులకే ఇలా రనౌట్ కావడంతో టీమిండియా ఊపిరి పీల్చుకుంది. కాగా, డారిల్ మిచెల్ తన వన్డే కెరీర్‌లో రనౌట్ కావడం ఇదే తొలిసారి కావడం విశేషం. ఈ రనౌట్‌కు సంబంధించిన వీడియో ప్రస్తుతం సోషల్‌ మీడియాలో వైరలవుతోంది.Shanagiri and Reflexes both getting better with age for the Hitman 😍 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/NlYb7LRmHV— Sony Sports Network (@SonySportsNetwk) November 4, 2026

అక్లాండ్ వేదికగా న్యూజిలాండ్‌తో జరుగుతున్న తొలి వన్డేలో టీమిండియా స్టార్ బ్యాటర్ విరాట్ కోహ్లి అద్భుతమైన ఫీల్డింగ్ ప్రదర్శన కనబరిచాడు. సంచలన క్యాచ్‌తో కివీస్ ప్లేయర్ నాథన్ స్మిత్‌ను విరాట్‌ పెవిలియన్‌కు పంపాడు. స్మిత్ ఇచ్చిన క్యాచ్‌ను సెకండ్ స్లిప్‌లో కోహ్లి నమ్మశక్యం కాని రీతిలో అందుకని అందరినీ ఆశ్చర్యపరిచాడు.అసలేమి జరిగిందంటే?ఈ మ్యాచ్ 29వ ఓవ‌ర్ వేసిన అన్షుల్ కాంబోజ్.. తొలి బంతిని స్మిత్‌కు 135 కిలోమీటర్ల వేగంతో ఆఫ్‌స్టంప్‌కు కాస్త వెలుపలగా ఫుల్లర్ లెంగ్త్ డెలివ‌రీగా సంధించాడు. ఆ బంతిని స్మిత్ ఆఫ్‌సైడ్ డ్రైవ్ ఆడేందుకు ప్ర‌య‌త్నించాడు. కానీ షాట్ స‌రిగ్గా కన‌క్ట్ కాక‌పోవ‌డంతో బంతి బ్యాట్ ఎడ్జ్ తాకి సెకండ్ స్లిప్ వైపు దూసుకెళ్లింది. ఆ సమయంలో సెకండ్ స్లిప్‌లో ఉన్న విరాట్ తన కుడివైపునకు గాల్లోకి డైవ్ చేస్తూ, ఒంటిచేత్తో క్యాచ్‌ను అందుకున్నాడు.అత‌డి మోచేయి నేల‌ను తాకిన‌ప్ప‌టికి కోహ్లి మాత్రం బంతిని మాత్రం విడిచిపెట్ట‌లేదు. అయితే క్యాచ్ క్లీన్‌గా ఉందో లేదో సరిచూసుకోవడానికి అంపైర్లు థర్డ్ అంపైర్‌కు రీఫ‌ర్ చేశాడు. రీప్లేలో కోహ్లి చేతి వేళ్ళు క్లియ‌ర్‌గా బంతి కింద ఉన్నట్లు తేలడంతో థర్డ్ అంపైర్ అవుట్‌గా ప్ర‌క‌టించాడు. దీంతో స్మిత్ కేవ‌లం ఒక్క ప‌రుగు మాత్ర‌మే చేసి నిరాశ‌తో మైదానాన్ని వీడాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.చదవండి: 'టెంపుల్‌'తో గిల్‌.. కోహ్లి చూస్తూ ఊరుకుంటాడా?It's the King's birthday weekend, and we get the presents! 👑 🎁 Watch the HERO VIDA India Tour of New Zealand 1st ODI, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND | [Virat Kohli] https://t.co/LffbctfFwm— Sony Sports Network (@SonySportsNetwk) November 4, 2026

టీమిండియా, న్యూజిలాండ్ మ‌ధ్య జ‌రుగుతున్న తొలి వ‌న్డేకు జ‌ట్టు కెప్టెన్ శుబ్‌మ‌న్ గిల్, సీనియ‌ర్ బ్యాట‌ర్ విరాట్ కోహ్లి వినూత్న రీతిలో ద‌ర్శ‌న‌మిచ్చారు. టాస్ అనంత‌రం జాతీయ గీతాలాప‌న స‌మ‌యంలో కెప్టెన్ గిల్ నుదుట‌న టెంపుల్ డివైస్‌తో క‌నిపించ‌గా, కోహ్లి డాష్‌కామ్ కెమెరాతో క్లిక్‌మ‌నిపించాడు. ఈ ఇద్ద‌రు మిన‌హా మిగ‌తా క్రికెట‌ర్లు మాత్రం మాములుగానే జాతీయ గీతాలాప‌న ఆల‌పించారు. దీంతో కోహ్లి, గిల్ చ‌ర్య సోష‌ల్ మీడియాలో వైర‌ల్‌గా మారింది.ఏమిటీ టెంపుల్‌?కాగా ప్రాక్టీస్ సెష‌న్‌లోను గిల్ నుదుటి ప‌క్క భాగంలో టెంపుల్ ప‌రిక‌రాన్ని ధ‌రించే బ్యాటింగ్ ఆడాడు. తాజాగా తొలి వ‌న్డేకు కూడా టెంపుల్ ప‌రిక‌రాన్ని ధ‌రించి బ‌రిలోకి దిగాడు. ఇక ఈ టెంపుల్ డివైజ్‌ నియర్ ఇన్ఫ్రారెడ్ స్పెక్ట్రోస్కోపి (Near-Infrared Spectroscopy) టెక్నాలజీతో పనిచేస్తుంది. మెదడులో రక్త ప్రవాహం, ఆక్సిజన్ స్థాయిలు, నాడీ వ్యవస్థ స్పందన, మానసిక ఒత్తిడిని ఇది రియల్ టైమ్‌లో అంచనా వేస్తుంది. గ‌తంలో భార‌త స్టార్ ష‌ట్ల‌ర్ పీవీ సింధు టెంపుల్ డివైజ్‌ను పెట్టుకోవ‌డం ద్వారా తొలిసారి వార్త‌ల్లో నిలిచింది.ఇక డాష్‌కామ్ కెమెరాతో కోహ్లి క‌నిపించ‌డంలో వింతేమీ లేదు. గిల్‌ను ఆట‌ప‌ట్టించాల‌నే ఉద్దేశంతోనే కోహ్లి ఇలా డాష్‌కామ్‌ను ఎదుట పెట్టుకొని జాతీయ‌గీతం పాడిన‌ట్లుగా తెలుస్తోంది. గిల్‌తో ఉన్న చ‌నువు కార‌ణంగానే కోహ్లి ఇలా డాష్‌కామ్ పెట్టుకొని జాతీయ గీతం పాడ‌డం సోష‌ల్ మీడియాలో వైర‌ల్‌గా మారింది.ఇదీ చదవండి: NZ Vs IND 1st ODI: 'అందుకే సిరాజ్‌ను ప‌క్క‌న‌బెట్టాం'సీరియస్‌గా మాట్లాడుకున్న గంభీర్‌, కోహ్లి!

న్యూజిలాండ్‌తో జ‌రుగుతున్న తొలి వ‌న్డేలో సీనియ‌ర్ పేస‌ర్ మ‌హ్మ‌ద్ సిరాజ్‌తో పాటు స్పెష‌లిస్ట్ స్పిన్న‌ర్ కుల్దీప్ యాద‌వ్‌ల‌ను తుదిజ‌ట్టు నుంచి త‌ప్పించ‌డంపై భార‌త కెప్టెన్ శుబ్‌మ‌న్ గిల్ స్పందించాడు. టాస్ గెలిచి బౌలింగ్ ఎంచుకున్న అనంత‌రం జ‌ట్టు కూర్పుపై మాట్లాడాడు. ‘‘మేము తొలుత బౌలింగ్ చేయాల‌నుకుంటున్నాం. వాతావ‌ర‌ణం కొద్దిగా మేఘావృతమై ఉంది. వ‌ర్షం అంత‌రాయంతో ఓవ‌ర్లు త‌గ్గిన‌ప్ప‌టికీ, స్కోరుబోర్డుపై మంచి టార్గెట్ ఉండ‌డం ఎల్ల‌ప్పుడూ మంచిదే. ఇక వ‌న్డే సిరీస్ కోసం మేము చేసుకున్న స‌న్నాహ‌కాలు బాగున్నాయి. ప్రాక్టీస్ సెష‌న్లు చాలా బాగా జ‌రిగాయి. కోహ్లి, రోహిత్ భాయ్‌ల‌తో పాటు మేమంతా ఈ సిరీస్ కోసం ఎంతో ఉత్సాహంగా ఎదురుచూస్తున్నాం. సిరాజ్‌ను త‌ప్పించ‌డం వెనుక ఎలాంటి ఉద్దేశం లేదు. జ‌ట్టు ప్ర‌యోజ‌నాల కోస‌మే అత‌డిని త‌ప్పించాం. రాబోయే మ్యాచ్‌లో అత‌డు కీల‌కం కానున్నాడు. ఇక మ్యాచ్‌లో న‌లుగురు ప్ర‌ధాన పేస‌ర్ల కాంబినేష‌న్ ఉండాల‌ని కోచ్ గంభీర్ భావించ‌డంతోనే, ఆల్‌రౌండ‌ర్ నితీశ్‌రెడ్డికి చోటు ద‌క్క‌లేదు. ఆల్‌రౌండ‌ర్లుగా న‌మ‌న్ ధీర్‌, అక్ష‌ర్‌ప‌టేల్ స్పిన్ బాధ్య‌త‌లు మోయ‌నుండ‌డంతో కుల్దీప్‌ను బెంచ్‌కు ప‌రిమితం చేయాల్సి వ‌చ్చింది. వ‌చ్చే ఏడాది వ‌న్డే ప్ర‌పంచ‌క‌ప్ నేప‌థ్యంలో ఈ సిరీస్ మాకు మంచి స‌న్నాహ‌కంగా భావిస్తున్నాం’’ అని చెప్పుకొచ్చాడు.తొలి వ‌న్డేకు భార‌త జ‌ట్టు: శుభ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లీ, శ్రేయాస్ అయ్యర్, అక్షర్ పటేల్, కెఎల్ రాహుల్ (వికెట్ కీపర్‌), నమన్ ధీర్, అన్షుల్ కాంబోజ్, ఔకిబ్ నబీ, గుర్నూర్ బ్రార్, అర్ష్‌దీప్ సింగ్ఇదీ చదవండి: సీరియస్‌గా మాట్లాడుకున్న గంభీర్‌, కోహ్లి!టీమిండియాకు శుభ‌వార్త‌.. అత‌డు వ‌చ్చేస్తున్నాడు!

న్యూజిలాండ్‌తో తొలి వ‌న్డేలో టాస్ గెలిచిన టీమిండియా బౌలింగ్ ఎంచుకుంది. సీనియ‌ర్ పేస‌ర్ మ‌హ్మ‌ద్ సిరాజ్‌ను ప‌క్క‌న‌బెట్టి అర్ష‌దీప్‌, అకిబ్ న‌బీ, గుర్నూర్ బ్రార్‌, అన్షుల్ కంబోజ్‌ల‌తో బ‌రిలోకి దిగింది. టాస్ స‌మ‌యంలో డ‌గౌట్‌లో గంభీర్‌, కోహ్లి సీరియ‌స్‌గా చ‌ర్చించుకోవ‌డం కెమెరా కంటికి చిక్కింది. వీరిద్ద‌రు ఏం మాట్లాడుకున్నారో తెలియ‌దు కానీ, ఎప్పుడు చర్చ జరిగినా ఆస‌క్తిక‌రంగానే క‌నిపిస్తుంది. గతంలో వీరిద్దరి మధ్య ఉన్న పాత ఐపీఎల్ విభేదాల కారణంగా, నెట్స్‌లో వీరి బాడీ లాంగ్వేజ్ పరస్పర చర్చలపై మీడియా, అభిమానులు ఎప్పుడూ ఆసక్తిగా గమనిస్తూ ఉంటారు. సిరీస్ మ్యాచ్‌లకు ముందు ప్రాక్టీస్ నెట్స్‌లో వీరిద్దరూ తీవ్రమైన వ్యూహాత్మక చర్చల్లో మునిగిపోవడం సాధారణంగా కనిపిస్తుంది. కోహ్లీ బ్యాటింగ్ చేస్తుండగా గంభీర్ దగ్గరుండి గమనించడం, టెక్నిక్, మ్యాచ్ ప్లానింగ్‌పై ఇద్దరూ సుదీర్ఘంగా మాట్లాడుకోవడంపై సోషల్ మీడియాలో తరచూ వీడియోలు వైరల్ అవుతుంటాయి. అయితే తాజాగా కివీస్‌తో తొలి వన్డే ప్రారంభానికి ముందు పిచ్ ప‌రిస్థితులు, బ్యాటింగ్ స్థితిగ‌తుల‌పై కోహ్లి, గంభీర్ పిచ్చాపాటిగా మాట్లాడుకొని ఉంటార‌ని అభిమానులు కామెంట్లు చేస్తున్నారు. Virat Kohli and Gautam Gambhir discussing plans and tactics for today match. https://t.co/Mpt2eIy3KB— El Halcón (@CelesteHalcon) November 4, 2026ఇదీ చదవండి: టీమిండియాకు శుభ‌వార్త‌.. అత‌డు వ‌చ్చేస్తున్నాడు!రోహిత్‌- కోహ్లి కాదు! అతడినే ఎంచుకుంటా: సాంట్నర్‌

న్యూజిలాండ్‌తో టెస్టు సిరీస్‌కు ముందు టీమిండియాకు ఒక శుభ‌వార్త అందింది. భార‌త స్టార్ పేస‌ర్ ప్ర‌సిధ్ క్రిష్ణ కివీస్‌తో టెస్టు సిరీస్‌లో ఆడేందుకు లైన్ క్లియ‌ర్ అయిన‌ట్లు తెలుస్తోంది. ఈ మేర‌కు అత‌డు ఫిట్‌నెస్ నిరూపించుకున్న‌ట్లు బీసీసీఐ సెంట‌ర్ ఆఫ్ ఎక్స‌లెన్స్ (సీవోఈ) ప్ర‌క‌టించింది. బెంగ‌ళూరులోని సీవోఈ కేంద్రంలోనే ప్ర‌సిధ్ క్రిష్ణకు రెండురోజుల పాటు సిమ్యులేష‌న్ ప‌రీక్ష‌లు నిర్వ‌హించారు. ఈ రెండు ప‌రీక్ష‌ల్లోనూ ప్ర‌సిధ్ క్రిష్ణ పాస‌వ్వ‌డంతో సీవోఈ వైద్య బృందం నుంచి ఫిట్‌నెస్ క్లియ‌రెన్స్ ల‌భించిన‌ట్లు స‌మాచారం. దీంతో న్యూజిలాండ్‌తో జ‌ర‌గ‌బోయే రెడ్‌బాల్ (టెస్టు) సిరీస్‌కు ప్ర‌సిధ్ క్రిష్ణ అందుబాటులోకి రానున్నాడు. మ‌రో రెండు రోజుల్లో న్యూజిలాండ్‌కు బ‌య‌ల్దేరి వెళ్ల‌నున్నాడు. న‌వంబ‌ర్ 7 నుంచి 10 మ‌ధ్య లింక‌న్ వేదిక‌గా న్యూజిలాండ్‌-ఏ జ‌ట్టుతో జ‌రగ‌నున్న మూడో అన‌ధికారిక టెస్టులో ప్ర‌సిధ్ క్రిష్ణ ఆడే అవ‌కాశ‌ముంది. వ‌న్డే సిరీస్‌కు అత‌డిని ప‌క్క‌న‌బెట్టిన‌ప్ప‌టికీ, టెస్టుల్లో బుమ్రాతో క‌లిసి ప్ర‌సిధ్ క్రిష్ణ బంతిని పంచుకోనున్న నేప‌థ్యంలో అత‌డి ఎంపిక ఫిట్‌నెస్ క్లియ‌రెన్స్‌పైనే ఆధార‌ప‌డి ఉంటుంద‌ని బీసీసీఐ గ‌తంలోనే తెలిపింది. తాజాగా ప్ర‌సిధ్ క్రిష్ణ ఫిట్‌నెస్ క్లియ‌రెన్స్ సాధించ‌డంతో కివీస్‌తో టెస్టు సిరీస్ ఆడేందుకు స‌మాయ‌త్త‌మ‌వుతున్నాడు. ఈ ఫాస్ట్ బౌల‌ర్ చివ‌రిసారిగా ఆగ‌స్టులో లంక‌తో జ‌రిగిన రెండు టెస్టు మ్యాచ్‌ల సిరీస్‌లో ఆడాడు. ఆ సిరీస్‌లో నాలుగు ఇన్నింగ్స్‌లు క‌లిపి ఏడు వికెట్లు ప‌డ‌గొట్టాడు. అంత‌క‌ముందు ఏడాది ఇంగ్లండ్‌లో జ‌రిగిన మూడు టెస్టుల సిరీస్‌లో ఆరు ఇన్నింగ్స్‌లు క‌లిపి 14 వికెట్లు ప‌డ‌గొట్టి భార‌త్ సిరీస్‌ను డ్రా చేసుకోవ‌డంలో ప్ర‌సిధ్ క్రిష్ణ కీల‌క‌పాత్ర పోషించాడు. కొత్త బంతితో బౌన్స్ రాబ‌ట్ట‌డం, సీమ్ బౌలింగ్‌కు అనుకూలంగా ఉండే కివీస్ పిచ్‌లు ఉండ‌డం ప్ర‌సిధ్‌కు క‌లిసిరానుంది. టీమిండియాకు అత‌డు ఒక ఆయుధంగా మారినా ఆశ్చ‌ర్య‌పోన‌వ‌స‌రం లేదు.🚨 𝗕𝗥𝗘𝗔𝗞𝗜𝗡𝗚 𝗡𝗘𝗪𝗦 🚨 Prasidh Krishna declared fit by BCCI's COE 🔥 ☑️ Fit to play all formats ☑️ He is expected to fly to New Zealand shortly, in a bid to be available for the final unofficial Test between India A and New Zealand A https://t.co/5yXBDKAIhw— Cricbuzz (@cricbuzz) November 3, 2026ఇదీ చ‌ద‌వండి: IND Vs NZ: టాస్‌ గెలిచి బౌలింగ్‌ ఎంచుకున్న టీమిండియాగోల్‌కీపర్‌ ఢీకొని... ఫుట్‌బాల్‌ ప్లేయర్‌ మృతి

NZ Vs IND 1st ODI Updates: ఆక్లాండ్ వేదిక‌గా కివీస్‌తో జ‌రిగిన తొలి వ‌న్డేలో 5 వికెట్ల తేడాతో టీమిండియా ఘ‌న విజ‌యం సాధించింది. తొలుత బ్యాటింగ్ చేసిన కివీస్ భార‌త బౌల‌ర్ల ధాటికి 40.2 ఓవర్లలో కేవలం 185 పరుగులే చేసి న్యూజిలాండ్‌ ఆలౌట్‌ అయింది.నామమాత్రపు లక్ష్యంతో బరిలోకి దిగిన భారత్‌కు వర్షం పదే పదే అంతరాయం కలిగించింది. దీంతో పలుమార్లు టార్గెట్‌ను రివైజ్‌ చేసిన తర్వాత ఆఖరికి.. డీఎల్‌ఎస్‌ పద్ధతి ప్రకారం టీమిండియా లక్ష్యాన్ని 32 ఓవర్లలో 143 పరుగులుగా నిర్దేశించారు. ఈ ల‌క్ష్యాన్ని భార‌త్ 22.4 ఓవ‌ర్ల‌లో 5 వికెట్లు కోల్పోయి చేధించింది. విరాట్ కోహ్లి(74) హాఫ్ సెంచ‌రీతో రాణించాడు.భారత్‌ మూడో వికెట్‌ డౌన్‌20వ ఓవర్‌ వేసిన జాకబ్‌ డఫీ బౌలింగ్‌లో భారత్‌ వరుసగా విరాట్‌ కోహ్లి(74), అక్షర్‌ పటేల్‌(0) వికెట్లను కోల్పోయింది. టీమిండియా విజయానికి ఇంకా 19 పరుగులు కావాలి.విరాట్‌ కోహ్లి హాఫ్‌ సెంచరీవిరాట్‌ తన హాఫ్‌ సెంచరీని 37 బంతుల్లో పూర్తి చేసుకున్నాడు. టీమిండియా విజయానికి ఇంకా 42 పరుగులు కావాలి.మరోసారి అంతరాయంవర్షం తెరిపినివ్వడంతో 10 ఓవర్ల కటాఫ్‌ అనంతరం భారత్‌ టార్గెట్‌ 40 ఓవర్లలో 167 పరుగులుగా నిర్దేశించారు. ఈలోగా వరుణుడు మరోసారి ఆటంకం కలిగించాడు. ప్రస్తుతం భారత్‌ స్కోరు 12 ఓవర్లలో 64-1గా ఉంది.వర్షం అంతరాయంఆటకు వర్షం అంతరాయం కలిగించడంతో మ్యాచ్‌ను నిలిపివేశారు. వర్షం పడే సమయానికి భారత్‌ 10.5 ఓవర్లలో వికెట్‌ నష్టానికి 54 పరుగులు చేసింది. కోహ్లి (29), గిల్‌ (17) క్రీజులో ఉన్నారు. టీమిండియా విజయానికి మరో 132 పరుగులు అవసరం.ఫిఫ్టీ మార్క్‌ దాటిన భారత్‌11 ఓవర్లు ముగిసేసరికి భారత్‌ వికెట్‌ నష్టానికి 53 పరుగులు చేసింది. కోహ్లి (28), గిల్‌ (17) పరుగులతో క్రీజులో ఉన్నారు. అంతకముందు రోహిత్‌ శర్మ డకౌట్‌గా వెనుదిరిగాడు.రోహిత్‌ డకౌట్‌186 పరుగుల లక్ష్యంతో బరిలోకి దిగిన టీమిండియాకు ఆదిలోనే షాక్‌ తగిలింది. ఓపెనర్‌ రోహిత్‌ శర్మ డకౌట్‌గా వెనుదిరిగాడు. దీంతో భారత్‌ తొలి వికెట్‌ కోల్పోయింది.భారత్‌ టార్గెట్‌ 186 రన్స్‌..ఆక్లాండ్ వేదికగా జరుగుతున్న తొలి వన్డేలో టీమిండియా బౌలర్లు చెలరేగడంతో న్యూజిలాండ్ 40.2 ఓవర్లలో 185 పరుగులకు ఆలౌటైంది. కివీస్ బ్యాటర్లలో ఓపెనర్ టిమ్ సీఫెర్ట్ (38) టాప్ స్కోరర్‌గా నిలవగా, ఆఖర్లో టిక్నర్ (24 బంతుల్లో 34) మెరవగా, గ్లెన్ ఫిలిప్స్ (30), డారిల్ మిచెల్ (28) పర్వాలేదనిపించారు. భారత బౌలర్లలో అర్షదీప్ సింగ్ 4 వికెట్లు తీయగా, గుర్నూర్ బ్రార్ మూడు వికెట్లు, అన్షుల్ కాంబోజ్ చెరో రెండు వికెట్లు పడగొట్టారు.గ్లెన్ ఫిలిప్స్ (40) ఔట్‌న్యూజిలాండ్ కీల‌క బ్యాట‌ర్ గ్లెన్ ఫిలిప్స్ (30) 9వ వికెట్‌గా వెనుదిరిగాడు. అర్ష‌దీప్ బౌలింగ్‌లో మిడాఫ్ దిశ‌గా భారీ షాట్‌కు య‌త్నించి అయ్య‌ర్ చేతికి చిక్కాడు. న్యూజిలాండ్ స్కోరు 146-9గా ఉంది.అర్ష‌దీప్ ఖాతాలో మూడో వికెట్‌న్యూజిలాండ్ 8వ వికెట్ కోల్పోయింది. కైల్ జేమీస‌న్ (1) అర్ష‌దీప్ బౌలింగ్‌లో కోహ్లికి క్యాచ్‌కు ఇచ్చి వెనుదిరిగాడు. దీంతో అర్ష‌దీప్ ఖాతాలో మూడో వికెట్ చేరింది. ప్ర‌స్తుతం కివీస్ స్కోరు 131-8గా ఉంది.న్యూజిలాండ్‌ ఏడో వికెట్‌ డౌన్‌కివీస్‌ వరుస క్రమంలో వికెట్లు కోల్పోతోంది. కేవలం ఒక్క పరుగు మాత్రమే చేసిన నాథన్‌ స్మిత్‌.. అన్షుల్‌ కాంబోజ్‌ బౌలింగ్‌లో ఔటయ్యాడు. 29 ఓవర్లకు న్యూజిలాండ్‌ స్కోర్‌: 116-7మిచెల్‌ శాంట్నర్‌ వికెట్‌అన్షుల్‌ కాంబోజ్‌ మరోసారి అదరగొట్టాడు. అతడి బౌలింగ్‌లో మిచెల్‌ సాంట్నర్‌ బౌల్డ్‌ అయ్యాడు. 134 కిలోమీటర్ల వేగంతో వచ్చిన బంతి ఎడమచేతి వాటం బ్యాటర్‌ సాంట్నర్‌ వైపు లోపలికి దూసుకొచ్చింది. ముందుకు వచ్చి ఆడటంలో విఫలమైన శాంట్నర్‌ బంతిని ఆఫ్‌సైడ్‌ వైపు నెట్టే ప్రయత్నం చేశాడు. అయితే బ్యాట్‌ లోపలి అంచుకు తగిలిన బంతి కాళ్ల మధ్య నుంచి వెళ్లి వెనుక కాలిని తాకి వికెట్లను పడగొట్టింది. దీంతో శాంట్నర్‌ 16 బంతుల్లో 4 పరుగులు చేసి పెవిలియన్‌ చేరాడు.డారిల్‌ మిచెల్‌ రనౌట్‌28 పరుగులు చేసిన డారిల్‌ మిచెల్‌ రనౌట్‌ కావడంతో న్యూజిలాండ్‌ ఐదో వికెట్‌ కోల్పోయింది. 22 ఓవర్లలో కివీస్‌ స్కోరు 99-5గా ఉంది.టామ్‌ లాథమ్‌ ఔట్‌3 పరుగులు మాత్రమే చేసిన టామ్‌ లాథమ్‌ గుర్నూర్‌ బౌలింగ్‌లో వెనుదిరగడంతో న్యూజిలాండ్‌ నాలుగో వికెట్ కోల్పోయింది. 17 ఓవర్లలో కివీస్‌ స్కోరు 84-4గా ఉంది.మెరిసిన గుర్నూర్‌.. మూడో వికెట్‌ డౌన్‌టిమ్ సీఫెర్ట్ (38) రూపంలో న్యూజిలాండ్ కీల‌క వికెట్ కోల్పోయింది. గున్నూర్ బ్రార్ బౌలింగ్‌లో షాట్‌కు య‌త్నించి స‌బ్‌స్టిట్యూట్ రుతురాజ్‌కు క్యాచ్ ఇచ్చి వెనుదిరిగాడు. దీంతో 73 ప‌రుగుల వ‌ద్ద మూడో వికెట్ ప‌డింది. 15 ఓవ‌ర్ల‌లో కివీస్ స్కోరు 79-3గా ఉంది. మిచెల్ (17), టామ్ లాథ‌మ్ (1) క్రీజులో ఉన్నారు.14 ఓవ‌ర్ల‌లో కివీస్ స్కోరెంతంటే?14 ఓవ‌ర్లు ముగిసేస‌రికి న్యూజిలాండ్ రెండు వికెట్ల న‌ష్టానికి 71 ప‌రుగులు చేసింది. టిమ్ సీఫెర్ట్ (36), డారిల్ మిచెల్ (17) క్రీజులో ఉన్నారు. అంత‌క‌ముందు అర్ష‌దీప్ రెండు వికెట్లు త‌న ఖాతాలో వేసుకున్నాడు.రెండో వికెట్‌ డౌన్‌..40 పరుగుల వద్ద న్యూజిలాండ్‌ రెండో వికెట్‌ కోల్పోయింది. 9 పరుగులు చేసిన హెన్రీ నికోల్స్ అర్షదీప్ బౌలింగ్‌లో నమన్ ధీర్‌కు క్యాచ్ ఇచ్చి వెనుదిరిగాడు. రెండో వికెట్‌ కూడా అర్షదీప్‌ ఖాతాలోకే వెళ్లడం విశేషం.విల్ యంగ్ (9) ఔట్‌9 పరుగులు చేసిన విల్ యంగ్‌ను ఔట్ చేసి అర్షదీప్ సింగ్‌ టీమిండియాకు బ్రేక్ ఇచ్చాడు. భారీ షాట్‌కు యత్నించిన విల్‌ యంగ్‌ శ్రేయస్‌ అయ్యర్‌కు క్యాచ్‌ ఇచ్చి వెనుదిరిగాడు. దీంతో న్యూజిలాండ్ 22 పరుగుల వద్ద తొలి వికెట్ కోల్పోయింది. సీఫెర్ట్ (13), హెన్రీ నికోల్స్ క్రీజులో ఉన్నారు.నితీశ్‌రెడ్డికి దక్కని చోటు..భారత జట్టు ఈ మ్యాచ్‌లో నలుగురు పేసర్లతో బరిలోకి దిగుతోంది. ఆల్‌రౌండర్‌ నితీశ్‌కుమార్‌ రెడ్డికి చోటు దక్కుతుందని భావించినప్పటికీ, అతడికి నిరాశే ఎదురైంది. అర్షదీప్‌, అకిబ్‌ నబీ, గుర్నూర్‌ బ్రార్‌, అన్షుల్‌ కాంబోజ్‌లు పేస్‌ బాధ్యతలు తీసుకోనుండగా, స్పిన్నర్లుగా అక్షర్‌ పటేల్‌, నమన్‌ ధీర్‌ ఉన్నారు. మరోవైపు న్యూజిలాండ్‌ జట్టులో కాన్వే అందుబాటులో లేకపోవడంతో టిమ్‌ సీఫెర్ట్‌ జట్టులోకి వచ్చినట్లు మిచెల్‌ సాంట్నర్‌ తెలిపాడు. టీమిండియా తుదిజట్టు: శుబ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లీ, శ్రేయాస్ అయ్యర్, అక్షర్ పటేల్, కెఎల్ రాహుల్ (వికెట్ కీపర్‌), నమన్ ధీర్, అన్షుల్ కాంబోజ్, ఔకిబ్ నబీ, గుర్నూర్ బ్రార్, అర్ష్‌దీప్ సింగ్న్యూజిలాండ్ తుదిజట్టు: టిమ్ సీఫెర్ట్, విల్ యంగ్, హెన్రీ నికోల్స్, డారిల్ మిచెల్, టామ్ లాథమ్(వికెట్ కీపర్), గ్లెన్ ఫిలిప్స్, మిచెల్ సాంట్నర్(కెప్టెన్), నాథన్ స్మిత్, కైల్ జామిసన్, జాకబ్ డఫీ, బ్లెయిర్ టిక్నర్#TeamIndia Captain @ShubmanGill wins the toss and elects to bowl in the 1st ODI. A look at our Playing XI for the game. Live - https://t.co/iZN2Y53Nur #NZvIND https://t.co/WfTOan6EiP— BCCI (@BCCI) November 4, 2026వర్షం కారణంగా టాస్‌ ఆలస్యంఅంతకముందు వర్షం కారణంగా టాస్‌ కాస్త ఆలస్యమైంది. టీ20 సిరీస్‌ను 3-2తో నెగ్గిన భారత్‌ వన్డే సిరీస్‌లోనూ జోరు చూపాలని భావిస్తోంది.జ‌ట్టు కూర్పు..టీ20 సిరీస్‌లో ఆడిన కనీసం ఐదుగురు ఆటగాళ్లకు వన్డేల్లో కూడా తుది జట్టులో ఖాయం. శ్రేయస్‌ అయ్యర్‌తో పాటు నమన్‌ ధీర్, అక్షర్‌ పటేల్, అర్‌‡్షదీప్, నితీశ్‌ రెడ్డి ఈ మ్యాచ్‌లో ఆడనున్నారు. అయ్యర్‌కు నాలుగో స్థానంలో ఇది సరైన ఫార్మాట్‌ కాగా, నమన్‌ ఇటీవలి ప్రదర్శనతో తన విలువను చూపించాడు. నాలుగేళ్ల కెరీర్‌లో 18 వన్డేలే ఆడిన అర్ష్ దీప్‌ లెఫ్టార్మ్‌ పేసర్‌గా తన స్థానాన్ని సుస్థిరం చేసుకునేందుకు ఇది సరైన అవకాశం.క‌ళ్లన్నీ రోహిత్‌, కోహ్లిపైనే..బ్యాటింగ్‌లో సహజంగానే ప్రధాన ఆకర్షణ కోహ్లి, రోహిత్‌లే. వీరిద్దరు తమ రెగ్యులర్‌ స్థానాల్లో సత్తా చాటితే జట్టుకు తిరుగుండదు. కివీస్‌ గడ్డపై 14 వన్డేలు ఆడినా ఒక్క సెంచరీ కూడా లేని రోహిత్‌ తన చివరి పర్యటనలో ఆ లోటు తీర్చుకోవాలని భావిస్తున్నాడు. కెప్టెన్‌ గిల్‌ ఈ ఏడాది ఏకంగా 895 పరుగులు చేసి వన్డేల్లో అద్భుత ఫామ్‌లో ఉన్నాడు. మిడిలార్డర్‌లో రాహుల్‌ బాధ్యత తీసుకుంటాడు. టెస్టు సిరీస్‌ను దృష్టిలో ఉంచుకొని బుమ్రాకు విశ్రాంతి కొనసాగించడంతో పేస్‌ భారం సీనియర్‌ అయిన సిరాజ్‌పైనే ఉంది. మూడో పేసర్‌ గుర్నూర్‌ 9 వన్డేలే ఆడగా, కంబోజ్, నబీలకు ఒక్కో మ్యాచ్‌ అనుభవమే ఉంది.ఇదీ చదవండి: వన్డే సమరానికి 'సై'

టీమిండియాతో తొలి వన్డే నేపథ్యంలో న్యూజిలాండ్‌ కెప్టెన్‌ మిచెల్‌ సాంట్నర్‌ మీడియాతో మాట్లాడాడు. ఈ సందర్భంగా భారత బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ గురించి ప్రశ్న ఎదురైంది. ఇందుకు బదులిస్తూ..పిచ్‌ స్వభావాన్ని బట్టే‘‘వాళ్లిద్దరు ఇప్పటికీ ఎంతో గొప్పగా ఆడుతున్నారు. ఇటీవల ఇండియాలో వెస్టిండీస్‌తో వాళ్లు ఆడిన తీరు చూశాను. సుదీర్ఘకాలంగా వాళ్లు అత్యుత్తమంగా బ్యాటింగ్‌ చేయడాన్ని నేనూ చూస్తున్నా. ఇక రోహిత్‌ శర్మ ఐపీఎల్‌లోనూ అదరగొడుతున్న తీరును సహచర ఆటగాడిగా దగ్గరగా చూశాను. అయితే, పిచ్‌ స్వభావాన్ని బట్టే మా బౌలర్లను ఎంపిక చేసుకుంటాము. కాబట్టి రో-కోల కోసం ప్రత్యేకంగా ఇప్పుడే ఎలాంటి ప్రణాళికలు వేసుకోలేము.రోహిత్‌- కోహ్లి కోసం కచ్చితంగా అభిమానులు వస్తారుఏదేమైనా విరాట్‌- రోహిత్‌ మ్యాచ్‌ ఆడుతున్నారంటే పెద్ద ఎత్తున అభిమానులు స్టేడియానికి వస్తారు. ఇటీవల టీ20 సిరీస్‌ సందర్భంగానూ మా స్టేడియాలు నిండిపోయాయి. ఇక వన్డే సిరీస్‌ మరింత కళగా ఉండబోతోంది. రోహిత్‌- కోహ్లి కోసం కచ్చితంగా అభిమానులు వస్తారు.గతంలో న్యూజిలాండ్‌లో రో-కో ఆట తీరు గురించి మాకు అవగాహన ఉంది. టాపార్డర్‌లో రోహిత్‌- శుబ్‌మన్‌ గిల్‌, కోహ్లి ఉండటం టీమిండియాకు అతిపెద్ద సానుకూలాంశం. రో-కో గురించి ప్రత్యేకంగా చెప్పాల్సింది ఏమీ లేకపోయినా.. గిల్‌ గత ఐదేళ్లుగా అత్యద్భుతంగా ఆడుతున్నాడు.మీరన్నట్లు ఒకవేళ టీమిండియా టాపార్డర్‌లోని ఒక వ్యక్తి మా జట్టులో ఆడే అవకాశం ఉంటే.. నేనైతే కచ్చితంగా గిల్‌నే ఎంచుకుంటాను’’ అని మిచెల్‌ సాంట్నర్‌ చెప్పుకొచ్చాడు. కాగా ఆక్లాండ్‌ వేదికగా భారత్‌- న్యూజిలాండ్‌ మధ్య బుధవారం (నవంబరు 4) నుంచి ఐదు మ్యాచ్‌ల వన్డే సిరీస్‌ ప్రారంభమవుతుంది. కాగా కివీస్‌తో ఐదు టీ20ల సిరీస్‌ను భారత్‌ 3-2తో గెలుచుకుంది.ఇదీ చదవండి: IND vs NZ: షెడ్యూల్‌, జట్లు, మ్యాచ్‌ టైమింగ్స్‌, లైవ్‌స్ట్రీమింగ్‌ వివరాలు

టీమిండియా వెటరన్‌ పేసర్‌ భువనేశ్వర్‌ కుమార్‌పై విమర్శలు కొనసాగుతున్నాయి. నాలుగేళ్ల తర్వాత వచ్చిన సువర్ణావకాశాన్ని అతడి సద్వినియోగం చేసుకోలేకపోయాడని అభిమానులు సైతం మండిపడుతున్నారు. ఈ నేపథ్యంలో భారత దిగ్గజ స్పిన్నర్‌ రవిచంద్రన్‌ అశ్విన్‌ చేసిన వ్యాఖ్యలు వైరల్‌గా మారాయి.కాగా ఐపీఎల్‌-2025, 2026 సీజన్లలో రాయల్‌ చాలెంజర్స్‌ బెంగళూరు జట్టు వరుసగా చాంపియన్‌గా నిలవడంలో భువీది కీలక పాత్ర. తాజా ఎడిషన్‌ ఈ స్వింగ్‌ సుల్తాన్‌ అద్భుత ప్రదర్శనతో ఆకట్టుకుని పదహారు మ్యాచ్‌లలో కలిపి ఏకంగా ఇరవై ఎనిమిది వికెట్లు కూల్చాడు.ఈ క్రమంలో న్యూజిలాండ్‌తో టీ20 సిరీస్‌కు టీమిండియా సెలక్టర్లు భువీని ఎంపిక చేశారు. అయితే, కివీస్‌ గడ్డ మీద భారీ అంచనాలతో బరిలోకి దిగిన ఈ ఫాస్ట్‌బౌలర్‌.. పూర్తిగా విఫలమయ్యాడు. ఐదు మ్యాచ్‌ల సిరీస్‌లో మొత్తంగా నాలుగు మ్యాచ్‌లు ఆడి ఏకంగా 180 పరుగులు ఇచ్చుకుని ఒకే ఒక్క వికెట్‌ తీశాడు.ఈ నేపథ్యంలో టీమిండియా స్పిన్‌ దిగ్గజం రవిచంద్రన్‌ అశ్విన్‌ భువీపై విమర్శల వర్షం కురిపించాడు. అతడి ఖేల్‌ ఇక ఖతం అయిందని.. టీమిండియా తలుపులు మూసుకుపోయినట్లేనని అభిప్రాయపడ్డాడు. భువీకి బదులు మరో వెటరన్‌ పేసర్‌ మహ్మద్‌ షమీకి అవకాశం ఇస్తే బాగుంటుందని జట్టు యాజమాన్యానికి సూచించాడు.ఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘న్యూజిలాండ్‌లో భువనేశ్వర్‌ కుమార్‌ సరిగ్గా బౌలింగ్‌ చేయలేదు. అతడి ఫామ్‌ను నిరూపించుకోలేకపోయాడు. ఐపీఎల్‌కు.. ఇక్కడి ప్రదర్శనకు చాలా తేడా ఉంది. నాకు తెలిసినంత వరకు టీమిండియాలో భువీ అధ్యాయం ఇక ముగిసినట్లే. పునరాగమనం చేయడం చాలా కష్టం.న్యూజిలాండ్‌లో అతడు అదనంగా పరుగులు ఇచ్చుకున్నాడు. ప్రదర్శన కూడా అస్సలు బాగాలేదు. అయితే, ఐపీఎల్‌తో పోలిస్తే ఇక్కడ అతడి రనప్‌ స్పీడ్‌ బాగా తగ్గిపోయింది. దీనిని బట్టి అతడు సరిగ్గా ప్రాక్టీస్‌ చేయలేదని తెలుస్తోంది.ఒకవేళ అదే నిజమైతే సెలక్టర్లు అతడికి మరో అవకాశం ఇవ్వకపోవచ్చు. అతడేమీ యువ బౌలర్‌ కాదు కదా! అనుభవజ్ఞుడు అయి ఉండి ఇలా చేయడం సరికాదు. 36 ఏళ్ల వయసులో అతడికి మళ్లీ అవకాశాలు రాకపోవచ్చు.ప్రస్తుతం షమీ రంజీల్లో అద్భుతంగా ఆడుతున్నాడు. భువీ కంటే షమీ మంచి రిథమ్‌తో బౌలింగ్‌ చేస్తున్నాడు’’ అని అశ్విన్‌ తన అభిప్రాయాలు పంచుకున్నాడు. భువీకి బదులు షమీకి అవకాశాలు ఇవ్వాలని సూచించాడు.

న్యూజిలాండ్‌తో తొలి వన్డే నేపథ్యంలో టీమిండియా కెప్టెన్ శుబ్‌మన్ గిల్ జట్టు బ్యాటింగ్ ఆర్డర్‌పై క్లారిటీ ఇచ్చాడు. తొలి వన్డేకు ముందు జరిగే సంప్రదాయ ప్రెస్ కాన్ఫరెన్స్‌లో పాల్గొన్న గిల్ జట్టు కూర్పుపై ఆసక్తికర విషయాలు వెల్లడించాడు. తొలి మూడు వన్డేలు మాత్రమే ఆడనున్న గిల్‌, ఆ తర్వాత టెస్టు సిరీస్‌కు సిద్ధమవ్వనున్నాడు. నాలుగు, ఐదు వన్డేలకు శ్రేయస్ అయ్యర్ కెప్టెన్‌గా ఉండనున్నాడు. ఇక తొలి వన్డేలో బ్యాటింగ్ ఆర్డర్‌పై గిల్ మాట్లాడుతూ.. తొలి నాలుగు స్థానాల్లో నేను, రోహిత్‌, కోహ్లి, అయ్యర్ బ్యాటింగ్‌కు వస్తాము. ఐదో, ఆరో స్థానాల విషయంలో మేము ఫ్లెక్సిబుల్ విధానాన్ని అనుసరించాలనుకుంటున్నాం. మా టాప్-4 బ్యాటర్లు కుడిచేతి వాటం ఆటగాళ్లే. కాబట్టి ఎడమచేతి వాటం బ్యాటర్ అవసరమైతే అక్షర్ భాయ్ ముందుకు వస్తాడు. మ్యాచ్ పరిస్థితులను బట్టి రాహుల్ భాయ్ కూడా ముందుగా బ్యాటింగ్‌కు రావచ్చు.’ అని గిల్ వివరించాడు.తన మెడ నొప్పితో పాటు ఫిట్‌నెస్‌పై గిల్‌ స్ప‌ష్ట‌త ఇచ్చాడు. ‘ఎలాంటి సమస్య లేదు. నేను దాదాపు గంటన్నర పాటు బ్యాటింగ్ ప్రాక్టీస్ చేశాను. ఫీల్డింగ్ కూడా ఎలాంటి ఇబ్బంది లేకుండా చేశాను.’ అని తెలిపాడు. పాండ్యా లేమితో లోయర్ ఆర్డర్ బలహీనంగా ఉందన్న విషయంపై మీ స్పందనేంటి అని గిల్‌కు ప్రశ్న ఎదురైంది. దీనిపై కెప్టెన్ మాట్లాడుతూ.. ‘నిజమే, గాయం కారణంగా ఆల్‌రౌండర్ పాండ్యా సుదీర్ఘకాలం పాటు జట్టుకు దూరంగా ఉండడం జట్టు సమతుల్యతను దెబ్బతీసింది. పాండ్యా గాయం నుంచి కోలుకొని తిరిగి జట్టులోకి వస్తే మిడిలార్డర్, లోయర్ ఆర్డర్‌ పూర్తిగా కుదురుకుంటుంది. ఏడు, ఎనిమిది స్థానాల్లో బ్యాటింగ్ సమస్యలు కూడా తొలగిపోతాయి.’ అని చెప్పుకొచ్చాడు.Shubman Gill said - "We will have floating approach for no.5 and no.6. Our top four is set, all right-handers. So if lefty is needed, Axar bhai goes and depending on match situation even KL bhai can go. So bit flexible". (Sahil Malhotra). https://t.co/R97IEnyWbs— Tanuj (@ImTanujSingh) November 3, 2026ఇదీ చదవండి: ఆ ఇద్దరికి దక్కని చోటు.. తొలి వన్డేకు భారత జట్టు అంచనా!కంకషన్‌కు గురైన కివీస్ స్టార్‌.. భారత్‌తో తొలి వన్డేకు దూరం

న్యూజిలాండ్ పర్యటనలో టీ20 సిరీస్‌ను 3-2తో దక్కించుకున్న టీమిండియా రేపటి నుంచి వన్డే సిరీస్ వేటకు సిద్ధమైంది. ఆక్లాండ్ వేదికగా రేపు కివీస్‌, భారత్‌ల మధ్య తొలి వన్డే జరగనుంది. రోహిత్‌, కోహ్లి, గిల్ రాకతో జట్టు బలంగా కనిపిస్తుంది. ఇప్పటికే ప్రాక్టీస్‌లో మునిగి తేలిన మన ఆటగాళ్లు అసలు మ్యాచ్‌లో రాణించాలనే పట్టుదలతో ఉన్నారు. ఈ నేపథ్యంలో న్యూజిలాండ్‌తో తొలి వన్డేకు భారత తుది జట్టు ఎలా ఉండబోతుందనేది ఆసక్తిగా మారింది. సోషల్ మీడియాలో ఎవరికి నచ్చినట్లుగా వారు తమ తుది జట్టును అంచనా వేస్తున్నారు. కొందరు శ్రేయస్ అయ్యర్‌కు రెస్ట్ ఇచ్చి రుతురాజ్ గై​క్వాడ్‌ను ఆడిపిస్తారని కామెంట్లు చేయగా, వన్డేల్లో మంచి ట్రాక్ రికార్డు కలిగిన అయ్యర్‌ను పక్కనబెట్టే అవకాశం లేదని ఇంకొందరు పేర్కొన్నారు.మెజారిటీ అభిమానులు ఎంపిక చేసిన తుదిజట్టు అంచనా ప్రకారం.. ఓపెనింగ్‌లో గిల్‌, రోహిత్ శర్మ రానున్నారు. వన్‌డౌన్‌లో కోహ్లి బ్యాటింగ్ చేయనున్నాడు. శ్రేయస్ అయ్యర్‌, కేఎల్ రాహుల్ మిడిలార్డర్‌లో కీలకం కానున్నారు. నమన్ ధీర్‌, అక్షర్ పటేల్‌, నితీశ్‌కుమార్ రెడ్డిలు ఆల్‌రౌండర్లుగా జట్టులో చోటు దక్కించుకున్నారు. ఇక సిరాజ్‌, అర్షదీప్‌, గుర్నూర్ బ్రార్‌లతో పేస్ విభాగం ఉండనుంది. ఈ జట్టులో ఇషాన్ కిషన్‌, రుతురాజ్ గై​క్వాడ్‌లకు చోటు దక్కలేదు. అంతేకాదు స్పెషలిస్ట్ స్పిన్నర్ కుల్దీప్ యాదవ్‌కు అవ‌కాశ‌మివ్వ‌లేదు. ఒక‌వేళ గుర్నూర్ వ‌ద్ద‌నుకుంటే అప్పుడు కుల్దీప్ జ‌ట్టులో ఉండ‌నున్నాడు. అక్షర్ పటేల్‌, నమన్ ధీర్‌లు స్పిన్ బాధ్యత తీసుకోవాల్సి ఉంటుంది. ఇది అభిమానుల అంచనా మాత్రమే కావడంతో తుది జట్టు ఎలా ఉండబోతుందనేది రేపు మ్యాచ్ ప్రారంభానికి ముందు తెలియనుంది. అయితే నితీశ్ రెడ్డి తొలి వ‌న్డేకు మాత్రమే అందుబాటులో ఉండ‌డంతో అత‌డు ఆడ‌డం ఖాయ‌మే.ఇప్ప‌టివ‌ర‌కు న్యూజిలాండ్‌, టీమిండియా ముఖాముఖి పోరులో 123సార్లు ఎదురుప‌డ్డాయి. ఇందులో భార‌త్ 63 మ్యాచ్‌ల్లో గెల‌వ‌గా, కివీస్ 52 విజ‌యాలు సాధించింది. ఏడు మ్యాచ్‌లు ర‌ద్ద‌వ్వ‌గా.. ఒక మ్యాచ్ ఫ‌లితం రాలేదు.భార‌త తుదిజ‌ట్టు అంచ‌నా: రోహిత్ శర్మ, శుభ్‌మన్ గిల్ (కెప్టెన్‌), విరాట్ కోహ్లీ, శ్రేయ‌స్ అయ్యర్ (వైస్ కెప్టెన్‌), కెఎల్ రాహుల్ (వికెట్ కీప‌ర్‌), నితీష్ కుమార్ రెడ్డి, అక్షర్ పటేల్, నమన్ ధీర్, కుల్దీప్ యాదవ్/గుర్నూర్ బ్రార్‌, మహ్మద్ సిరాజ్, అర్ష్‌దీప్ సింగ్Glittering trophy, smiling captains 🏆 😊 #TeamIndia is ODI ready 🇮🇳 #NZvIND | @ShubmanGill https://t.co/8rbsJX7VSs— BCCI (@BCCI) November 3, 2026ఇదీ చదవండి: కంకషన్‌కు గురైన కివీస్ స్టార్‌.. భారత్‌తో తొలి వన్డేకు దూరండ్రాగా ముగిసిన మ్యాచ్‌.. టీమిండియాకు శుభవార్త

ఆక్లాండ్ వేదికగా రేపు టీమిండియాతో తొలి వన్డే నేపథ్యంలో న్యూజిలాండ్ జట్టుకు గట్టి ఎదురుదెబ్బ తగిలింది. ఆ జట్టు స్టార్ ఓపెనర్ డెవాన్ కాన్వే తొలి వన్డేకు దూరమయ్యాడు. వన్డే సిరీస్ నేపథ్యంలో ఆక్లాండ్‌లోని ఈడెన్ పార్క్‌లో మంగళవారం కివీస్‌ ఆటగాళ్లు నెట్ ప్రాక్టీస్‌లో పాల్గొన్నారు. ప్రాక్టీస్‌ సెషన్‌లో భాగంగా ఒక క్యాచ్ అందుకునే క్రమంలో కాన్వే, ఫాస్ట్ బౌలర్ మాట్ హెన్రీ ఒకరినొకరు బలంగా ఢీకొన్నారు.ఈ ప్రమాదంలో కాన్వే తలకి తీవ్రమైన దెబ్బ తగలడంతో మెడికల్ టీమ్ వెంటనే అతనికి పరీక్షలు నిర్వహించింది. అనంతరం ఆసుపత్రికి తరలించి స్కాన్ చేయగా అతడు కంకషన్‌కు (తలకు గాయం) గురైనట్లు నిర్ధారణ అయింది. దీంతో భారత్‌తో జరిగే మొదటి వన్డే మ్యాచ్‌కు కాన్వే దూరమయ్యాడు. అతని స్థానంలో వికెట్ కీపర్ బ్యాటర్ టిమ్ సీఫెర్ట్ జట్టులోకి వచ్చే అవకాశం ఉంది. ఇప్పటికే రచిన్ రవీంద్ర (భుజం గాయం), మార్క్ చాప్‌మన్ (కండరాల గాయం), విలియం రూర్టిర్కీ, బెన్ సియర్స్ వంటి కీలక ఆటగాళ్లు గాయాలతో వన్డే సిరీస్‌కు దూరమవ్వగా, ఇప్పుడు కాన్వే కూడా కంకషన్‌కు గురవ్వడం కివీస్ జట్టుకు ఎదురుదెబ్బ అని చెప్పొచ్చు.ఈ ఏడాది జన‌వ‌రిలో భార‌త్‌లో జ‌రిగిన వ‌న్డే సిరీస్‌లో పాల్గొన్న కాన్వే ఆ త‌ర్వాత మ‌ళ్లీ మ‌రో వ‌న్డే మ్యాచ్ ఆడ‌లేదు. అయితే జూన్‌లో ఇంగ్లండ్‌తో జ‌రిగిన టెస్టులో కాన్వే (157 ప‌రుగులు) అద్భుత శ‌త‌కం సాధించాడు. కివీస్‌ తమ సొంత‌గ‌డ్డ‌పై వన్డే సిరీస్‌ ఆడుతుండ‌డంతో కీల‌క‌మ‌వుతాడ‌నుకున్న కాన్వే ఇలా కంక‌ష‌న్‌కు గుర‌వ్వ‌డం ఆ జట్టుకు పెద్ద‌దెబ్బే అని చెప్పొచ్చు. ఇప్ప‌టివ‌ర‌కు కాన్వే 43 వ‌న్డేల్లో 1692 ప‌రుగులు సాధించాడు. ఇందులో 5 శ‌త‌కాలు, ఆరు అర్థ‌సెంచ‌రీలున్నాయి. 🚨 DEVON CONWAY RULED OUT Devon Conway has been ruled out of the first ODI against India after suffering a concussion from a collision with Matt Henry during a training session. The incident happened at Eden Park on Tuesday, when the two players collided while attempting to take a catch. Both received immediate medical attention and underwent head injury assessments. While Henry's condition is being monitored, Conway was taken to hospital for further examination, which confirmed a concussion.— Cricbuzz (@cricbuzz) November 3, 2026ఇదీ చదవండి: NZ-A Vs IND-A: డ్రాగా ముగిసిన మ్యాచ్‌.. టీమిండియాకు శుభవార్త'హ‌ర్మ‌న్‌ప్రీత్‌ నా ఫోన్‌కాల్స్ ఎత్త‌లేదు'

న్యూజిలాండ్‌తో ఇటీవల ముగిసిన ఐదు మ్యాచ్‌ల టీ20 సిరీస్‌లో టీమిండియా మేనేజ్‌మెంట్ అనుసరించిన వ్యూహంపై సర్వత్రా చర్చ జరుగుతోంది. భారత్ వరుసగా మూడు మ్యాచ్‌లు గెలిచి 3-0తో సిరీస్‌ను కైవసం చేసుకున్న తర్వాత.. చివరి రెండు టీ20లలో బెంచ్‌పై ఉన్న యువ ఆటగాళ్లకు అవకాశం లభిస్తుందని అంతా భావించారు. అయితే మేనేజ్‌మెంట్ పెద్దగా మార్పులు చేయకపోవడం గమనార్హం.ఈ సిరీస్‌లో కుల్దీప్ యాదవ్, శివమ్ దూబే, ఆకిబ్ నబీ, కుమార్ కుషాగ్ర వంటి టాలెంటెడ్ ప్లేయర్లకు ఒక్క మ్యాచ్‌లోనూ ఆడే అవకాశం దక్కలేదు. ముఖ్యంగా స్టార్ ఆల్‌రౌండర్ శివమ్ దూబేను సిరీస్ మొత్తానికి పక్కన పెట్టడంపై భారత మాజీ క్రికెటర్ ఆకాష్ చోప్రా ఆశ్చర్యం వ్యక్తం చేశాడు. ఆసియా గేమ్స్ ఫైనల్, ఇంగ్లండ్‌తో జరిగిన వన్డే సిరీస్‌లలో అద్భుతంగా రాణించిన దూబేను ఇలా పక్కన పెట్టడం సరికాదని అతడు అభిప్రాయపడ్డారు.కివీస్‌ సిరీస్‌లో దూబే స్థానంలో పేస్ బౌలింగ్ ఆల్‌రౌండర్‌గా బరిలోకి దిగిన నితీష్ కుమార్ రెడ్డి.. అటు బ్యాట్‌తో, ఇటు బంతితోనూ పర్వాలేదనిపించాడు."శివమ్ దూబే ఆసియా గేమ్స్‌లో అద్భుతమైన ప్రదర్శన కనబరిచాడు. పాకిస్తాన్‌తో జరిగిన ఫైనల్లోనూ కీలక ఇన్నింగ్స్ ఆడాడు. అంతకుముందు ఇంగ్లండ్ సిరీస్‌లోనూ రాణించాడు. అలాంటి ఆటగాడు జట్టులో కచ్చితంగా ఉండాలి. బౌలింగ్ పరంగా దూబే కంటే నితీష్ కుమార్ రెడ్డి మెరుగైన బౌలర్ కావచ్చు. కానీ, మ్యాచ్‌లను ముగించడంలో (ఫినిషర్‌గా) మాత్రం శివమ్ దూబేయే అత్యుత్తమం. ఇప్పటికే వరల్డ్ కప్ ఫైనల్స్, ఆసియా కప్ వంటి మెగా టోర్నీల్లో దూబే తన సత్తా ఏంటో నిరూపించుకున్నాడు. త్వరలోనే అతడు మళ్లీ ప్లేయింగ్ ఎలెవ్‌న్‌లోకి వస్తాడని ఆశిస్తున్నాను" అని 'క్రిక్‌ఇన్ఫో' ఇంటర్వ్యూలో ఆకాష్ చోప్రా పేర్కొన్నారు.చదవండి: SA vs BAN: సౌతాఫ్రికా జట్టు ప్రకటన.. డేంజరస్‌ బ్యాటర్‌ రీఎంట్రీ

న్యూజిలాండ్‌తో టీ20 సిరీస్‌ను 3-2తో గెలిచిన టీమిండియా కివీస్‌ గడ్డ మీద వన్డే సిరీస్‌కు సిద్ధమైంది. ఇరుజట్ల మధ్య నవంబరు 4 నుంచి ఈ సిరీస్‌ మొదలుకానుంది. మరి ఇందుకు సంబంధించి పూర్తి షెడ్యూల్‌, వేదికలు, మ్యాచ్‌ టైమింగ్స్‌, జట్టు, లైవ్‌స్ట్రీమింగ్‌ తదితర వివరాలు తెలుసుకుందాం!!టీమిండియా వర్సెస్‌ న్యూజిలాండ్‌ వన్డే సిరీస్‌ షెడ్యూల్‌, వేదికలు👉తొలి వన్డే.. నవంబరు 4 (బుధవారం)- ఆక్లాండ్‌, ఈడెన్‌పార్క్‌👉రెండో వన్డే.. నవంబరు 7 (శనివారం)- వెల్లింగ్‌టన్‌, హెన్రీ స్టేడియం👉మూడో వన్డే.. నవంబరు 10 (మంగళవారం)- హామిల్టన్‌, సెడాన్‌ పార్క్‌👉నాలుగో వన్డే.. నవంబరు 13 (శుక్రవారం)- మౌంట్‌ మౌంగనూయ్‌, బే ఓవల్‌👉ఐదో వన్డే.. నవంబరు 15 (ఆదివారం)- మౌంట్‌ మౌంగనూయ్‌, బే ఓవల్‌.మ్యాచ్‌ టైమింగ్స్‌👉భారత కాలమానం ప్రకారం న్యూజిలాండ్‌- భారత్‌ వన్డే మ్యాచ్‌లు ఉదయం 7.30 గంటలకు ఆరంభం.లైవ్‌స్ట్రీమింగ్‌ ఎక్కడంటే👉సోనీ స్పోర్ట్స్ నెట్‌వర్క్‌ (టీవీ), సోనీ లివ్‌ (డిజిటల్‌)వన్డే సిరీస్‌కు భారత్‌, న్యూజిలాండ్‌ జట్లుటీమిండియామొదటి మూడు వన్డేలకు భారత జట్టు (అప్‌డేట్‌)శుబ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్‌ కెప్టెన్‌), కేఎల్ రాహుల్ (వికెట్‌ కీపర్‌), అక్షర్ పటేల్, నమన్ ధీర్, అన్షుల్ కాంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్‌ కీపర్‌), మహ్మద్ సిరాజ్‌, కుల్దీప్‌ యాదవ్‌, నితీశ్‌ రెడ్డి (మొదటి వన్డేకు మాత్రమే), అకిబ్ న‌బీ.నాలుగు, ఐదో వన్డేలకు భారత జట్టు (అప్‌డేట్‌)శ్రేయస్ అయ్యర్ (కెప్టెన్‌), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వికెట్‌ కీపర్‌, వైస్‌ కెప్టెన్‌), అక్షర్ పటేల్, నమన్ ధీర్, అకిబ్ న‌బీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుషాగ్రా (వికెట్‌ కీపర్‌), మహ్మద్ సిరాజ్, యశ్‌ ఠాకూర్‌, కుల్దీప్‌ యాదవ్‌.తొలి మూడు వన్డేలకు న్యూజిలాండ్‌ జట్టుమిచెల్‌ సాంట్నర్‌ (కెప్టెన్‌), మైకేల్‌ బ్రేస్‌వెల్‌, డెవాన్‌ కాన్వే, జేకబ్‌ డఫీ, మ్యాట్‌ ఫిషర్‌, మ్యాట్‌ హెన్రీ, కైలీ జెమీషన్‌, టామ్‌ లాథమ్‌ (వికెట్‌ కీపర్‌), డారిల్‌ మిచెల్‌, హెన్రీ నికోలస్‌, గ్లెన్‌ ఫిలిప్స్‌, టిమ్‌ సీఫర్ట్‌, నాథన్‌ స్మిత్‌, విల్‌ యంగ్‌, బ్లేయిర్‌ టిక్నర్‌.మిగిలిన రెండు వన్డేలకు న్యూజిలాండ్‌ జట్టుమిచెల్‌ సాంట్నర్‌ (కెప్టెన్‌), ఫిన్‌ అలెన్‌, మైకేల్‌ బ్రేస్‌వెల్‌, క్రిస్టియన్‌ క్లార్క్‌, జేకబ్‌ డఫీ, మ్యాట్‌ ఫిషర్‌, డీన్‌ ఫాక్స్‌క్రాఫ్ట్‌, లాకీ ఫెర్గూసన్‌, మిచెల్‌ హే (వికెట్‌ కీపర్‌), నిక్‌ కెల్లీ, టిమ్‌ సీఫర్ట్‌ (వికెట్‌ కీపర్‌), బ్లేయిర్‌ టిక్నర్‌, విల్‌ యంగ్‌.ఇవీ చదవండి: గెలుపు జోష్‌లో ఉన్న పాకిస్తాన్‌కు షాక్‌!చరిత్ర సృష్టించిన నమీబియా.. ఐర్లాండ్‌కు షాక్‌!

టీమిండియా వెటరన్ పేసర్ భువనేశ్వర్ కుమార్ తన పునరాగమనంలో తీవ్రంగా నిరాశపరిచాడు. దాదాపు నాలుగేళ్ల సుదీర్ఘ విరామం తర్వాత అంతర్జాతీయ క్రికెట్‌లోకి అడుగుపెట్టిన భువీ.. తన రీఎంట్రీలో ఏమాత్రం ప్రభావం చూపలేకపోయాడు. న్యూజిలాండ్‌తో ముగిసిన ఐదు మ్యాచ్‌ల టీ20 సిరీస్‌లోఈ యూపీ పేసర్ ఘోరంగా విఫలమయ్యాడు.ఈ సిరీస్‌లో మొత్తం నాలుగు మ్యాచ్‌లు ఆడిన భువనేశ్వర్.. కేవలం ఒక్క వికెట్ మాత్రమే పడగొట్టగలిగాడు. మొత్తం 16 ఓవర్లు బౌలింగ్ చేసి 11.25 ఎకానమీతో ఏకంగా 180 పరుగులు సమర్పించుకున్నాడు. దీంతో అతని బౌలింగ్ సగటు 180.00గా నమోదైంది. తద్వారా భువ‌నేశ్వ‌ర్ ఓ చెత్త రికార్డును త‌న పేరిట లిఖించుకున్నాడు. ఒక టీ20 సిరీస్‌లో అత్యంత చెత్త బౌలింగ్ సగటు నమోదు చేసిన బౌలర్‌గా భువనేశ్వర్ చరిత్రకెక్కాడు. గతంలో ఈ రికార్డు న్యూజిలాండ్ పేసర్ కైల్ జేమీసన్ పేరిట ఉండేది. 2021లో ఆస్ట్రేలియాతో జరిగిన టీ20 సిరీస్‌లో జేమీసన్ 175.00 సగటుతో బౌలింగ్ చేయగా, తాజా సిరీస్‌తో భువనేశ్వర్ అతడిని అధిగమించాడు.టీ20 సిరీస్‌లో అత్యంత చెత్త బౌలింగ్ సగటు న‌మోదు చేసిన బౌల‌ర్లు180.00 - భువనేశ్వర్ కుమార్ (వర్సెస్ న్యూజిలాండ్, 2026)175.00 - కైల్ జేమీసన్ (వర్సెస్ ఆస్ట్రేలియా, 2021)న్యూజిలాండ్ సిరీస్‌లో భువీ గణాంకాలు1వ టీ20: 4 ఓవర్లలో 0/492వ టీ20: 4 ఓవర్లలో 1/503వ టీ20: 4 ఓవర్లలో 0/405వ టీ20: 4 ఓవర్లలో 0/41 చదవండి: గెలుపు జోష్‌లో ఉన్న పాకిస్తాన్‌కు షాక్‌!

న్యూజిలాండ్‌తో వ‌న్డే సిరీస్‌కు ఎంపికైన టీమిండియా యువ ఫాస్ట్ బౌల‌ర్ గుర్నూర్ బ్రార్ చిక్కుల్లో ప‌డ్డాడు. బుధవారం తొలి వన్డే జరగనున్న నేపథ్యంలో సోష‌ల్ మీడియాలో అత‌డి నగ్న చిత్రాలు ప్ర‌త్య‌క్ష‌మ‌వ్వ‌డం వివాదానికి దారి తీసింది. బాత్‌రూంలో ఒంటిపై నూలు పోగు లేకుండా న‌గ్నంగా అద్దం ముందు నిల‌బ‌డి ప్రైవేట్ పార్ట్స్ క‌నిపించ‌డ‌కుండా ట‌వ‌ల్ అడ్డుపెట్టుకున్న ఫొటోలు సోష‌ల్ మీడియా యాప్‌ స్పాప్‌చాట్‌లో వెలుగు చూశాయి. త‌న న్యూడ్ ఫొటోల‌ను స్పాప్‌చాట్‌లో షేర్‌ చేయడంతో పాటు, కొంతమంది అమ్మాయిలను న‌గ్న చిత్రాల‌ను కూడా పంపాల‌ని అడిగిన‌ట్లు సోష‌ల్‌మీడియాలో ప్ర‌చారం జ‌రుగుతోంది. అత‌డి చాటింగ్‌కు సంబంధించిన స్క్రీన్‌షాట్స్ కూడా తాజాగా వైర‌ల్‌గా మారాయి. ఏఐతో మార్ఫింగ్ చేశారా? అయితే ఆ ఫొటోలు నిజంగా గుర్నూర్ బ్రార్‌వేనా లేక ఏఐ సాయంతో మార్ఫింగ్ చేశారా అన్న‌ది తెలియాల్సి ఉంది. ఎవ‌రైనా ఆక‌తాయిలు కావాల‌ని చేశారా లేక ఉద్దేశ‌పూర్వ‌కంగా చేశారో తెలియ‌దు కానీ, దీనివల్ల క్రికెట‌ర్ గుర్నూర్ బ్రార్ ఇబ్బందుల్లో ప‌డ్డాడు. సోష‌ల్‌మీడియాలో లీకైన త‌న ఫొటోల‌పై అటు గుర్నూర్ బ్రార్ కానీ.. ఇటు బీసీసీఐ కానీ ఇంత‌వ‌ర‌కు స్పందించ‌క‌పోవ‌డంతో క‌చ్చితంగా అవి నకిలీ ఫొటోలే కావొచ్చ‌ని కొంత‌మంది అభిమానులు నిర్థార‌ణ‌కు వ‌స్తున్నారు. PC: Twitterఅయితే కొంత‌మంది అభిమానులు మాత్రం గుర్నూర్ బ్రార్‌ను త‌ప్పుబ‌డుతున్నారు. కెరీర్ ఆరంభ ద‌శ‌లో ఉన్న ఒక క్రికెటర్ ఇలాంటి గ‌లీజు ప‌నులు చేయ‌డ‌మేంట‌ని మండిప‌డుతున్నారు. ఈ వ్య‌వ‌హారంలో బీసీసీఐ జోక్యం చేసుకొని గుర్నూర్‌పై చ‌ర్య‌లు తీసుకోవాల‌ని కోరుతున్నారు. అయితే గుర్నూర్ బ్రార్ మ‌న్మీత్ కౌర్ అనే యువ‌తితో ప్రేయాయ‌ణం న‌డుపుతున్న‌ట్లు ప్ర‌చారంలో ఉంది. ఎవ‌రీ గుర్నూర్ బ్రార్‌? గుర్నూర్ బ్రార్ పంజాబ్‌కు చెందిన ఒక ఫాస్ట్ బౌలర్. గుర్నూర్ ఈ ఏడాది జూన్ 13న ఆఫ్ఘనిస్తాన్‌తో జరిగిన వన్డే ద్వారా టీమిండియా త‌ర‌ఫున అరంగేట్రం చేశాడు. తన అరంగేట్ర మ్యాచ్‌లో అతను మూడు వికెట్లు పడగొట్టి ఆక‌ట్టుకున్నాడు. అతను దేశీయ క్రికెట్‌లో కూడా బాగా రాణించాడు. 2024-25 రంజీ ట్రోఫీ సీజన్‌లో పంజాబ్ తరపున ఆడుతూ, అతను ఏడు మ్యాచ్‌లలో 26 వికెట్లు తీశాడు. అతను 2023లో పంజాబ్ కింగ్స్ తరపున ఐపీఎల్‌లో అరంగేట్రం చేశాడు. ఆ తర్వాత 2025 మెగా వేలంలో గుజరాత్ టైటాన్స్ అతడిని రూ. 1.30 కోట్లకు కొనుగోలు చేసింది. ప్రస్తుత గుర్నూర్ బ్రార్ న్యూజిలాండ్ పర్యటనలో ఉన్నాడు. బుధవారం నుంచి ప్రారంభమయ్యే ఐదు వన్డేల సిరీస్‌లో బరిలోకి దిగనున్నాడు. వన్డే సిరీస్ ప్రారంభానికి ముందు అతనిపై ఇలాంటి ఆరోపణలు రావడం చర్చనీయాంశమైంది.🚨 GURNOOR BRAR’S PRIVATE CHATS LEAKED..!!! 🤯 Leaked screenshots allegedly show Gurnoor Brar asking girls for nude pictures while sharing his own explicit photos. Should BCCI step in and investigate this matter? 👀 https://t.co/kinf6qtON9— Sourabh (@xzx_slipknot) November 1, 2026Latest Tea On Gurnoor Brar 💀 https://t.co/Lglq8Z7WzM— CricXGoat (@GoatXCric) November 1, 2026ఇదీ చదవండి: అతడిని ఆడించి తప్పు చేశారు: భారత మాజీ క్రికెటర్‌ ఫైర్‌ఆస్ట్రేలియా జ‌ట్టు ప్ర‌క‌ట‌న‌.. కొత్త ముఖాలకు చోటు

న్యూజిలాండ్‌తో టీ20 సిరీస్‌ను టీమిండియా పరాజయంతో ముగించింది. ఇరుజట్ల మధ్య ఆదివారం జరిగిన ఐదో టీ20లో ఆతిథ్య కివీస్..‌ శ్రేయస్‌ సేనపై ఏడు వికెట్ల తేడాతో ఘన విజయం సాధించింది. ఐదు మ్యాచ్‌ల టీ20 సిరీస్‌ను 2-3తో భారత్‌కు కోల్పోయినప్పటికీ ఆధిక్యాన్ని మాత్రం తగ్గించగలిగింది.పూర్తిగా విఫలంఇక ఈ సిరీస్‌ ద్వారా నాలుగేళ్ల తర్వాత టీమిండియాలోకి తిరిగి వచ్చిన భువనేశ్వర్‌ కుమార్‌ పూర్తిగా విఫలమయ్యాడు. మొత్తంగా నాలుగు మ్యాచ్‌లు ఆడి 11.25 ఎకానమీ రేటుతో ఏకంగా 180 పరుగులు ఇచ్చుకుని కేవలం ఒకే ఒక్క వికెట్‌ తీశాడు. ఈ నేపథ్యంలో భువీ ఆట తీరుపై విమర్శలు వెల్లువెత్తుతున్నాయి.ఈ క్రమంలో భారత మాజీ క్రికెటర్‌ ఇర్ఫాన్‌ పఠాన్‌ స్పందిస్తూ.. టీమిండియా యాజమాన్యం తీరుపై మండిపడ్డాడు. భువీని ఈ సిరీస్‌లో ఆడించి తప్పుచేశారని.. అతడికి బదులు యువ పేసర్లకు మరిన్ని అవకాశాలు ఇచ్చి ఉంటే బాగుండేదని అభిప్రాయపడ్డాడు.అతడిని ఆడించి తప్పు చేశారుతన యూట్యూబ్‌ చానెల్‌ వేదికగా మాట్లాడుతూ.. ‘‘నా అభిప్రాయం ప్రకారం.. సెలక్టర్లు భువనేశ్వర్‌ కుమార్‌ను ఈ సిరీస్‌లో ఆడించి పెద్ద తప్పే చేశారు. భువీ మంచి బౌలర్‌.. సీనియర్‌ ప్లేయర్‌ అనడంలో సందేహం లేదు.అయితే, టీ20 ప్రపంచకప్‌ టోర్నీకి ఇంకా చాలా సమయం ఉంది. కాబట్టి ఇప్పుడే అతడిని ఆడించాల్సిన అవసరం లేదని నాకు అనిపించింది. వన్డే వరల్డ్‌కప్‌-2027 టోర్నీలో ఆడించాలని భావిస్తే.. అందుకు తగ్గట్లుగానే అతడిని సిద్ధం చేయాల్సింది.యువ బౌలర్లకు అన్యాయంకివీస్‌తో సిరీస్‌లో భువీని ఆడించడం ద్వారా యువ ఫాస్ట్‌ బౌలర్లకు ఎక్కువగా అవకాశాలు రాకుండా పోయాయి. భువీ లేకుంటే మయాంక్‌ యాదవ్‌ ఐదు టీ20లలోనూ ఆడేవాడు. ప్రిన్స్‌ యాదవ్‌కు కూడా వరుస మ్యాచ్‌లలో అవకాశాలు వచ్చేవి. న్యూజిలాండ్‌ గడ్డ మీద యువ పేసర్లకు అనుభవం గడించే అవకాశాన్ని మీరు ఇవ్వలేదు.అతడి నైపుణ్యాలపై సందేహాలు లేవు.. కానీభువనేశ్వర్‌ ఈ సిరీస్‌లో విఫలమయ్యాడు కాబట్టి నేను ఈ మాటలు అనడం లేదు. తొలి రెండు ఓవర్లు మంచిగానే వేసినా.. పవర్‌ ప్లేలో అతడు భారీగా పరుగులు ఇచ్చుకున్నాడు. ఏ ఆటగాడి కెరీర్‌లోనైనా ఇలాంటి వైఫల్యాలు సహజమే. అతడి నైపుణ్యాలపై ఎవరికీ ఎలాంటి సందేహాలు లేవు.కానీ సరైన సమయంలో భువీని జట్టులో ఆడించలేదు. 36 ఏళ్ల ఈ పేసర్‌కు బదులు మరో యువ ఫాస్ట్‌ బౌలర్‌ను ఆడించాల్సింది. కఠినమైన పిచ్‌లపై ఆడిస్తేనే యువ బౌలర్లకు అనుభవం వస్తుంది’’ అని ఇర్ఫాన్‌ పఠాన్‌ టీమిండియా నాయకత్వ బృందం తీరును తూర్పారబట్టాడు.ఇవీ చదవండి: ఐదేసిన ముకేశ్‌.. సిరాజ్‌కు నాలుగు వికెట్లు; కివీస్ 424 ఆలౌట్‌అతడి ఖేల్‌ ఖతం.. వన్డే జట్టులోకి తిరిగి రాలేడు: మాజీ క్రికెటర్‌

టీమిండియా షెడ్యూల్‌ ఎంత బిజీగా ఉంటుందో క్రికెట్‌ ప్రేమికులకు ప్రత్యేక చెప్పాల్సిన పనిలేదు. ఏడాది మొత్తం భారత పురుషుల క్రికెట్‌ జట్టు వరుస సిరీస్‌లతో ఆటలో తలమునకలై ఉంటుంది. ఒక్కోసారి విరామం లేని షెడ్యూల్‌ కారణంగా ఆటగాళ్లు మానసికంగా అలసిపోతూ ఉంటారు. గతంలో కొంతమంది ఈ విషయం గురించి బహిరంగంగానే మాట్లాడారు.మానసిక అలసట సహజంటీమిండియా హెడ్‌కోచ్‌ గౌతం గంభీర్‌ సైతం తాజాగా ఇలాంటి వ్యాఖ్యలే చేశాడు. న్యూజిలాండ్‌తో ఐదో టీ20 తర్వాత మీడియాతో మాట్లాడుతూ.. ‘‘నిజాయితీగా చెప్పాలంటే.. ఒక్కోసారి మానసికంగా నేను అలసిపోతూ ఉంటాను. అయితే, ఒత్తిడిని ఎలా జయించాలో నాకు బాగా తెలుసు. అందుకు నా మనసు, శరీరాన్ని ఎప్పటికప్పుడు మరింత దృఢంగా మార్చుకుంటాను.నేను కూడా మనిషినేఅలాగే నేను ఇక్కడిదాకా ఎదిగాను. ఎంతటి ఒత్తిడినైనా నేను భరించగలను. అయితే, నేను కూడా మనిషినే కాబట్టి.. ఒక్కోసారి మానసికంగా అంతా గందరగోళంగా అనిపిస్తుంది’’ అని గంభీర్‌ చెప్పుకొచ్చాడు.నా డిక్షనరీలో ఆ పదానికి తావు లేదుఅదే విధంగా.. ‘‘నా డిక్షనరీలో.. నా డైరెక్టరీలో.. నా దృక్పథంలో భయం అన్న మాటకు తావు లేదు. అసలు నా జీవితంలో ఆ మాట లేనేలేదు. మేము ప్రొఫెషనల్స్‌. కుంటిసాకులు చెప్పి తప్పించుకోవాల్సిన అవసరం మాకు ఎంతమాత్రం లేదు. భారీ స్థాయిలో అంచనాల నడుమఅయితే, విరామం లేని షెడ్యూల్‌ వల్ల ఒక్కోసారి కఠినమైన సవాళ్లు ఎదురవుతాయి. టీమిండియా హెడ్‌కోచ్‌గా ఉండటం అంతతేలికైన పనేమీ కాదు. ప్రతి ఒక్కరి దృష్టి మనమీదే ఉంటుంది. ప్రతీ మ్యాచ్‌ గెలవాలనే అభిమానులు కోరుకుంటారు. అంచనాలు భారీ స్థాయిలో ఉంటాయి. ప్రస్తుతానికి నేనైతే నా హెడ్‌కోచ్‌గా నా పనిని పూర్తిగా ఆస్వాదిస్తున్నా. అయితే, ముందుగా చెప్పినట్లు ఒక్కోసారి అలసిపోతూ ఉంటా. కానీ వెంటనే దాని నుంచి కోలుకుంటా’’ అని గంభీర్‌ తాను ఎల్లవేళలా పట్టువీడకుండా పనిలో ముందుకు సాగిపోతూ ఉంటానని పేర్కొన్నాడు.కివీస్‌ పర్యటనలో బిజీగా టీమిండియాకాగా ఐదు టీ20లు, ఐదు వన్డేలు, రెండు టెస్టులు ఆడేందుకు టీమిండియా న్యూజిలాండ్‌ పర్యటనకు వెళ్లింది. ఇందులో భాగంగా తొలుత టీ20 సిరీస్‌ జరుగగా.. 3-2తో భారత్‌ గెలిచింది. ఇరుజట్ల మధ్య బుధవారం నుంచి వన్డే సిరీస్‌ మొదలుకానుంది. ఇక గంభీర్‌ మూడు ఫార్మాట్లలోనూ ప్రస్తుతం టీమిండియా హెడ్‌కోచ్‌గా ఉన్న సంగతి తెలిసిందే. ఒక్కోసారి ఒకే సమయంలో రెండు సిరీస్‌లలో భారత జట్లు తలపడాల్సి వచ్చినప్పుడు వీవీఎస్‌ లక్ష్మణ్‌ తాత్కాలిక కోచ్‌గా వ్యవహరిస్తున్నాడు.ఇవీ చదవండి: ఫైన‌ల్లో ఆస్ట్రేలియా చిత్తు.. ఛాంపియ‌న్స్‌గా అఫ్గానిస్తాన్‌అతడి ఖేల్‌ ఖతం.. భారత వన్డే జట్టులోకి తిరిగి రాలేడు: మాజీ క్రికెటర్‌A captain's moment, shared with the next generation! 💙 Shreyas Iyer lifts the trophy after India's 3-2 series win, then hands it over to the youngsters to have their moment in the spotlight. A lovely gesture to cap off a memorable T20I Leg of the New Zealand Tour! 🏆👏 Watch the HERO VIDA India Tour of New Zealand 1st ODI on 4th Nov, 7:30 AM onwards, LIVE on Sony Sports Network TV channels, Sony LIV & Sony Vizha #SonySportsNetwork #SonyLIV #SonyVizha #NZvIND— Sony Sports Network (@SonySportsNetwk) November 1, 2026

టీమిండియా ఫాస్ట్ బౌల‌ర్ అర్ష‌దీప్ సింగ్ అంత‌ర్జాతీయ టీ20 క్రికెట్‌లో మ‌రో అరుదైన ఫీట్ సాధించాడు. టీ20ఐల్లో తొలి ప‌వ‌ర్ ప్లేలో (0-6 ఓవ‌ర్లు) అత్య‌ధిక వికెట్లు ప‌డ‌గొట్టిన బౌల‌ర్ల జాబితాలో అర్ష‌దీప్ చోటు సంపాదించాడు. ఇప్ప‌టివ‌ర‌కు అర్ష‌దీప్ తొలి ప‌వ‌ర్ ప్లేలో 65 వికెట్లు తీశాడు. తద్వారా న్యూజిలాండ్ మాజీ బౌల‌ర్ టిమ్ సౌథీ (65 వికెట్లు)తో క‌లిసి సంయుక్తంగా తొలి స్థానంలో నిలిచాడు. అర్ష‌దీప్‌ మ‌రో వికెట్ సాధిస్తే, తొలి ప‌వ‌ర్ ప్లేలో అత్య‌ధిక వికెట్లు తీసిన బౌల‌ర్‌గా అర్ష‌దీప్ ప్ర‌పంచ రికార్డు సాధించ‌నున్నాడు. డిసెంబ‌ర్‌లో లంక‌తో టీ20 సిరీస్ జ‌ర‌గ‌నున్న నేప‌థ్యంలో అర్ష‌దీప్ ఈ ఫీట్‌ను ఆ సిరీస్‌లో అందుకునే అవ‌కాశ‌ముంది.టీ20ఐల్లో 0-6 ఓవ‌ర్ల‌లో అత్య‌ధిక వికెట్లు తీసిన బౌల‌ర్లు:👉అర్ష‌దీప్ సింగ్ (టీమిండియా)- 65 వికెట్లు 👉టిమ్ సౌథీ (న్యూజిలాండ్‌)- 65 వికెట్లు👉బ్లెసింగ్ ముజ‌ర‌బానీ (జింబాబ్వే)- 62 వికెట్లు👉రిచ‌ర్డ్ న‌ర‌వా (జింబాబ్వే)- 62 వికెట్లు👉షాహిన్ అఫ్రిది (పాకిస్తాన్‌)- 60 వికెట్లు👉ఇక అర్ష‌దీప్.. న్యూజిలాండ్‌తో నాలుగో టీ20 సంద‌ర్భంగా టీ20ల్లో 150 వికెట్ల మైలురాయిని అందుకున్న విష‌యం తెలిసిందే. టీమిండియా త‌ర‌ఫున అంత‌ర్జాతీయ టీ20ల్లో 150 వికెట్ల మార్క్ అందుకున్న తొలి బౌల‌ర్‌గా అర్ష‌దీప్‌ రికార్డుల‌కెక్కాడు.న్యూజిలాండ్‌తో జ‌రిగిన ఐదు మ్యాచ్‌ల టీ20 సిరీస్‌ను భార‌త్ 3-2తో కైవ‌సం చేసుకుంది. ఆదివారం జ‌రిగిన చివ‌రి టీ20లో న్యూజిలాండ్ 7 వికెట్ల తేడాతో భార‌త్‌పై విజ‌యం సాధించింది. తొలుత బ్యాటింగ్ చేసిన భార‌త్ 20 ఓవ‌ర్ల‌లో 8 వికెట్ల న‌ష్టానికి 191 ప‌రుగులు చేసింది. ఇషాన్ కిష‌న్ (61), శ్రేయ‌స్ అయ్య‌ర్ (50) అర్థ‌సెంచ‌రీలు చేయ‌గా, న‌మ‌న్ ధీర్ (33) మెరిశాడు. అనంత‌రం బ్యాటింగ్ చేసిన న్యూజిలాండ్ 18 ఓవ‌ర్ల‌లో 3 వికెట్లు కోల్పోయి 195 ప‌రుగులు చేసి విజయాన్ని అందుకుంది. ఓపెన‌ర్ టిమ్ సీఫెర్ట్ (93) సెంచ‌రీ చేజార్చుకోగా, గ్లెన్ ఫిలిప్స్ (65 నాటౌట్‌) జ‌ట్టును గెలిపించాడు. ఇరుజ‌ట్ల మ‌ధ్య తొలి వ‌న్డే బుధ‌వారం ఆక్లాండ్ వేదిక‌గా జ‌ర‌గ‌నుంది.ఇదీ చదవండి: ‘వీళ్లిద్దరూ ఉన్నంతకాలం అతడికి అవకాశమివ్వరు!’వ‌న్డే సిరీస్ ముంగిట‌ న్యూజిలాండ్‌కు భారీ షాక్

టీమిండియాతో వ‌న్డే సిరీస్ ముంగిట న్యూజిలాండ్ జ‌ట్టుకు భారీ ఎదురుదెబ్బ త‌గిలింది. ఆ జ‌ట్టు కీల‌క ఆట‌గాళ్లు మార్క్ చాప్‌మ‌న్‌, ర‌చిన్ రవీంద్ర ఐదు మ్యాచ్‌ల వ‌న్డే సిరీస్‌కు దూర‌మ‌య్యారు. ఈ ఇద్ద‌రు గాయాల నుంచి పూర్తిగా కోలుకోక‌పోవ‌డంతో ఇంకా రిహాబిలిటేష‌న్ కేంద్రంలోనే గ‌డుపుతున్నార‌ని న్యూజిలాండ్ క్రికెట్ బోర్డు వెల్ల‌డించింది. ఈ నేప‌థ్యంలో వ‌న్డే సిరీస్ కోసం రెండు వేర్వేరు జ‌ట్ల‌ను ప్ర‌క‌టించిన న్యూజిలాండ్ జ‌ట్టులో కీల‌క మార్పుల అనంత‌రం అప్‌డేటెడ్ స్వ్కాడ్‌ను ప్ర‌క‌టించింది. గాయాల‌తో దూర‌మైన ర‌చిన్ రవీంద్ర‌, మార్క్ చాప్‌మ‌న్ స్థానాల్లో టిమ్ సీఫెర్ట్‌, హెన్రీ నికోల్స్‌, ఆల్‌రౌండ‌ర్ డీన్ ఫాక్స్‌క్రాఫ్ట్‌ల‌ను ఎంపిక చేసిన‌ట్లు తెలిపింది. ఇప్ప‌టికే వికెట్ కీప‌ర్ టిమ్ సీఫెర్ట్ నాలుగు, ఐదు వ‌న్డేల‌కు ఎంపిక కాగా, తాజాగా తొలి మూడు వ‌న్డేల‌కు కూడా అందుబాటులో ఉండ‌నున్నాడు. ఇక హెన్రీ నికోల్స్ తొలి మూడు వ‌న్డేల‌కు అందుబాటులో ఉండ‌నుండ‌గా, డీన్ ఫాక్స్ క్రాఫ్ట్ చివ‌రి రెండు వ‌న్డేల‌కు ఎంపిక‌య్యాడు. పేస‌ర్ మాట్ ఫిష‌ర్ కూడా తొలుత నాలుగు, ఐదు వ‌న్డేల‌కు ఎంపికైన‌ప్ప‌టికీ, తాజాగా సిరీస్ మొత్తానికి అందుబాటులో ఉండ‌నున్నాడు.ఇక చాప్‌మ‌న్ యూరోపియ‌న్ టీ20 ప్రీమియ‌ర్ లీగ్ ఆడుతూ కండ‌రాల గాయానికి గుర‌వ్వ‌గా, ర‌చిన్ ర‌వీంద్ర ఒక షూట్ యాడ్ ప్ర‌మోష‌న్‌లో పాల్గొంటున్న స‌మ‌యంలో భుజం గాయానికి గుర‌య్యాడు. అప్ప‌టి నుంచి వీరిద్ద‌రు రిహాబిలిటేష‌న్ సెంట‌ర్‌లో చికిత్స పొందుతున్నారు.న్యూజిలాండ్‌తో జరిగిన ఐదు మ్యాచ్‌ల టీ20 సిరీస్‌ను భారత్‌ 3-2తో కైవసం చేసుకుంది. నవంబర్‌ 4 నుంచి 15 వరకు ఐదు వన్డే మ్యాచ్‌లు జరగనున్నాయి. బుధవారం ఆక్లాండ్‌ వేదికగా ఇరుజట్ల మధ్య తొలి వన్డే మ్యాచ్‌ జరగనుంది.తొలి మూడు వ‌న్డేల‌కు న్యూజిలాండ్ జట్టు: మిచెల్ సాంట్నర్ (కెప్టెన్), మైఖేల్ బ్రేస్‌వెల్, డెవాన్ కాన్వే, జాకబ్ డఫీ, మాట్ ఫిషర్, హెన్రీ, కైల్ జామిసన్, టామ్ లాథమ్ (వికెట్ కీపర్), డారిల్ మిచెల్, హెన్రీ నికోల్స్, గ్లెన్ ఫిలిప్స్, టిమ్ సీఫెర్ట్, నాథన్ స్మిత్, విల్ యంగ్, బ్లెయిర్ టిక్నర్4-5 వన్డేల కోసం న్యూజిలాండ్ జట్టు: మిచెల్ సాంట్నర్ (కెప్టెన్), ఫిన్ అలెన్, మైఖేల్ బ్రేస్‌వెల్, క్రిస్టియన్ క్లార్క్, జాకబ్ డఫీ, మాట్ ఫిషర్, డీన్ ఫాక్స్‌క్రాఫ్ట్, లాకీ ఫెర్గూసన్, మిచెల్ హే (వికెట్ కీపర్), నిక్ కెల్లీ, టిమ్ సీఫెర్ట్ (వికెట్ కీపర్), బ్లెయిర్ టిక్నర్, విల్ యంగ్ఇదీ చదవండి: ఆ తప్పిదాలే కొంపముంచాయి.. ఓటమిపై శ్రేయస్‌ అయ్యర్‌ కీలక వ్యాఖ్యలుసింగిల్స్‌ చాంప్స్‌ సింధు, లక్ష్య సేన్‌

న్యూజిలాండ్‌తో జరిగిన ఐదో టీ20 మ్యాచ్‌లో భారత జట్టు 7 వికెట్ల తేడాతో ఘోర పరాజయాన్ని చవిచూసింది. ఆదివారం హామిల్టన్ వేదికగా జరిగిన ఈ పోరులో బ్యాటర్లు రాణించినప్పటికీ, బౌలింగ్ వైఫల్యం భారత్ కొంపముంచింది. 192 పరుగుల భారీ లక్ష్యాన్ని కివీస్ జట్టు కేవలం 3 వికెట్లు కోల్పోయి 18 ఓవర్లలోనే విజయవంతంగా ఛేదించింది. ఈ ఓటమిపై మ్యాచ్ అనంతరం భారత కెప్టెన్ శ్రేయస్ అయ్యర్ స్పందిస్తూ.. తమ స్ధాయికి తగ్గ ప్రదర్శన చేయలేకపోయామని చెప్పుకొచ్చాడు.మిడిల్ ఓవర్లలో తడబాటు వల్లే.."ఆరంభంలో వికెట్లు కోల్పోయినప్పటికీ, ఇషాన్ కిషన్ ,నేను ఇన్నింగ్స్‌ను చక్కదిద్దాం. దూకుడుగా ఆడి స్కోరు వేగాన్ని పెంచాం. కానీ మిడిల్ ఓవర్లలో వరుసగా వికెట్లు కోల్పోవడం వల్ల కొత్తగా క్రీజులోకి వచ్చిన బ్యాటర్లపై తీవ్రమైన ఒత్తిడి పడింది. పిచ్ బ్యాటింగ్‌కు అంత తేలికగా సహకరించలేదు. బంతి సీమ్ అవ్వడంతో పాటు కొద్దిగా ఆగుతూ, కొన్నిసార్లు వేగంగా దూసుకురావడంతో మా బ్యాటర్లు ఇబ్బంది పడ్డారు. అలాంటి బంతులకే నేను, తిలక్ వర్మ కూడా ఔటయ్యాం. అయినప్పటికీ 190కి పైగా పరుగులు సాధించాం. ఆ స్కోరు మంచిదే అయినప్పటికీ, బౌలింగ్, ఫీల్డింగ్ విభాగాలలో కొన్ని తప్పిదాలు చేశాం.న్యూజిలాండ్‌ లాంటి విదేశీ గడ్డలపై, భిన్నమైన పరిస్థితుల్లో, వేర్వేరు మైదానాల్లో ఆడటం మా యువ జట్టుకు ఒక గొప్ప అభ్యాసం. మొదటి మూడు మ్యాచ్‌ల్లో గెలిచి సిరీస్‌ను కైవసం చేసుకున్నాం. ఇక చివరి రెండు మ్యాచ్‌లలో కొన్ని ప్రయోగాలు చేసి, జట్టును మరింత సవాలు చేసుకుంటూ బెంచ్ స్ట్రెంగ్త్‌ను పరీక్షించాలని అనుకున్నాం. కానీ అనుకున్న విధంగా అంచనాలను అందుకోలేకపోయాం. ఈ ఓటముల నుంచి ఎంతో నేర్చుకున్నాం" అని పోస్ట్ మ్యాచ్ ప్రెజెంటేషన్‌లో శ్రేయస్ పేర్కొన్నాడు.

అంతర్జాతీయ టి20 క్రికెట్‌లో టీమిండియా సరికొత్త ప్రపంచ రికార్డును నెలకొల్పింది. ఒక క్యాలెండర్ ఇయర్‌లో 400 సిక్సర్లు బాదిన తొలి జట్టుగా భారత్ చరిత్ర సృష్టించింది. ఆదివారం హామిల్ట‌న్ వేదిక‌గా న్యూజిలాండ్‌తో జ‌రిగిన ఐదో టీ20లో శ్రేయ‌స్ సేన ఈ ఫీట్ సాధించింది.ఈ ఆఖ‌రి మ్యాచ్‌లో భార‌త్ 11 సిక్సర్లు బాది ఈ ఘనత న‌మోదు చేసింది. ఈ ఏడాది ఆడిన 40 టీ20 మ్యాచ్‌లలో భారత్ మొత్తం 400 సిక్సర్లు సాధించింది. త‌ర్వాత స్ధానాల్లో ఆస్ట్రియా (24 మ్యాచ్‌ల్లో 224 సిక్సర్లు), వెస్టిండీస్ (21 మ్యాచ్‌ల్లో 224 సిక్సర్లు) ఉన్నాయి.కాగా ఈ ఏడాది భారత్ సాధించిన 400 సిక్సర్లలో ఒక్క న్యూజిలాండ్‌పైనే ఏకంగా 142 సిక్సర్లు బాదడం గమనార్హం. ఒక క్యాలెండర్ ఇయర్‌లో ఒక ప్రత్యర్థి జట్టుపై ఒక టీమ్‌ సాధించిన అత్యధిక సిక్సర్లు ఇవే.ఈ ఏడాది టీ20ల్లో అత్య‌ధిక సిక్స‌ర్లు కొట్టిన భార‌త‌ బ్యాట‌ర్లు వీరేఅభిషేక్ శర్మ: 86 సిక్సర్లుఇషాన్ కిషన్: 60 సిక్సర్లుసంజూ శాంసన్: 50 సిక్సర్లుటీమిండియా ఓట‌మికాగా ఈ మ్యాచ్‌లో 7 వికెట్లు తేడాతో టీమిండియా ఓట‌మిపాలైంది. 192 ప‌రుగుల ల‌క్ష్యాన్ని కివీస్ కేవ‌లం మూడు వికెట్లు మాత్ర‌మే కోల్పోయి 18 ఓవ‌ర్ల‌లోనే చేధించింది. కివీస్ విజ‌యంలో టిమ్ సీఫెర్ట్‌(93), గ్లెన్ ఫిలిప్స్‌(65) కీల‌క పాత్ర పోషించారు. అంత‌కుముందు బ్యాటింగ్ చేసిన భార‌త్ 8 వికెట్ల న‌ష్టానికి 191 ప‌రుగులు చేసింది.చదవండి: ఫైన‌ల్లో ఆస్ట్రేలియా చిత్తు.. ఛాంపియ‌న్స్‌గా అఫ్గానిస్తాన్‌

న్యూజిలాండ్ స్టార్ ప్లేయ‌ర్ గ్లెన్ ఫిలిప్స్ త‌న సూప‌ర్ ఫామ్‌ను కొన‌సాగిస్తున్నాడు. ఆదివారం హామిల్ట‌న్ వేదిక‌గా టీమిండియాతో జ‌రిగిన ఐదో టీ20లో ఫిలిప్స్ అద్భుత‌మైన హాఫ్ సెంచ‌రీతో మెరిశాడు. 192 ప‌రుగుల ల‌క్ష్య చేధ‌నలో ఫిలిప్స్ ఆకాశమే హ‌ద్దుగా చెల‌రేగాడు.కేవ‌లం 38 బంతుల్లోనే 8 ఫోర్లు, 3 సిక్స్‌ల‌తో 65 ప‌రుగులు చేసి అజేయంగా నిలిచాడు. ఈ సిరీస్‌లో ఫిలిప్స్‌ ఏకంగా నాలుగు సార్లు 50కి పైగా పరుగులు సాధించాడు. ఈ కివీస్ సూపర్ స్టార్ మొత్తంగా ఐదు మ్యాచ్‌ల సిరీస్‌లో 341 పరుగులు చేశాడు.సాల్ట్ వరల్డ్ రికార్డ్ బ్రేక్‌ఈ క్రమంలో ఫిలిప్స్ ఒక ప్రపంచ రికార్డును తన పేరిట లిఖించుకున్నాడు. ‍ద్వైపాక్షిక టీ20 సిరీస్‌లో అత్యధిక పరుగులు సాధించిన బ్యాటర్‌గా ఫిలిప్స్ చరిత్ర సృష్టించాడు. ఇంతకుముందు ఈ రికార్డు ఇంగ్లండ్ ఆటగాడు ఫిల్ సాల్ట్ (2023లో వెస్టిండీస్‌పై 331 పరుగులు) పేరిట ఉండేది. తాజా ఇన్నింగ్స్‌తో సాల్ట్ వరల్డ్ రికార్డును ఫిలిప్స్ ‍బ్రేక్ చేశాడు. అదేవిధంగా ఒక క్యాలెండర్ ఈయర్‌లో ఒకే ప్రత్యర్థిపై అత్యధిక పరుగులు సాధించిన జాబితాలోనూ ఫిలిప్స్‌ అగ్రస్థానంలో నిలిచాడు.ద్వైపాక్షిక సిరీస్‌లో అత్యధిక పరుగులు చేసిన ప్లేయర్లు వీరే341* గ్లెన్‌. ఫిలిప్స్ (భారత్‌తో, 2026)331 ఫిల్‌. సాల్ట్ (వెస్టిండీస్‌తో, 2023)316 మహ్మద్ రిజ్వాన్ (ఇంగ్లాండ్‌తో, 2022)297 సాహిల్ చౌహాన్ (ఎస్టోనియా) (సైప్రస్‌తో, 2024)290 ఎం. చాప్‌మన్ (పాకిస్థాన్‌తో, 2023)ఒక క్యాలెండర్ ఈయర్‌లో ఒక ప్రత్యర్థి జట్టుపై సాధించిన అత్యధిక పరుగులుగ్లెన్ ఫిలిప్స్ (న్యూజిలాండ్) - భారత్‌పై 522 పరుగులు (2026)అభిషేక్ శర్మ (భారత్) - న్యూజిలాండ్‌పై 431 పరుగులు (2026)సాహిబ్జాదా ఫర్హాన్ (పాకిస్థాన్) - శ్రీలంకపై 398 పరుగులు (2026)

హామిల్టన్‌ వేదికగా న్యూజిలాండ్‌తో జరిగిన ఐదో టీ20లో భారత్‌ 7 వికెట్ల తేడాతో ఓటమిపాలైంది. భారత్‌ నిర్దేశించిన 192 పరుగుల భారీ లక్ష్యాన్ని కివీస్‌ 18 ఓవర్లలో కేవలం 3 వికెట్లు మాత్రమే కోల్పోయి ఛేదించింది. న్యూజిలాండ్‌ విజయంలో ఓపెనర్‌ టిమ్ సీఫెర్ట్‌ (50 బంతుల్లో 11 ఫోర్లు, 5 సిక్సర్లతో 93), గ్లెన్ ఫిలిప్స్‌ (65) కీలక పాత్ర పోషించారు.చెత్త బౌలింగ్‌తో పాటు కీలక సమయంలో క్యాచ్‌ డ్రాప్‌ కావడమే టీమిండియా ఓటమికి ప్రధాన కారణమైంది. ఆ ఒక్క క్యాచ్‌ పట్టి ఉంటే మ్యాచ్‌ ఫలితం మరోలా ఉండేదేమో! ఆ క్యాచ్ ఎవ‌రిదో కాదు కివీస్‌కు ఓంటి చేత్తో విజ‌యాన్ని అందించిన సీఫెర్ట్‌ది. ఇన్నింగ్స్‌ ఆరంభంలోనే భారత ఆటగాడు నమన్‌ ధీర్‌ అతనికి లైఫ్ ఇచ్చేశాడు.అసలేం జరిగిందంటే?192 పరుగుల లక్ష్యంతో బరిలోకి దిగిన న్యూజిలాండ్‌ మూడో ఓవర్‌లోనే తొలి వికెట్‌ కోల్పోయింది. అర్ష్‌దీప్‌ సింగ్‌ అద్భుతమైన బంతితో ఫిన్‌ అలెన్‌ను పెవిలియన్‌కు పంపాడు. ఆ తర్వాత తన తర్వాతి ఓవర్‌లోనూ అర్ష్‌దీప్‌ కివీస్‌ బ్యాటర్లను తీవ్రంగా ఇబ్బంది పెట్టాడు.ఆ ఓవర్‌లో మూడో బంతిని అర్ష్‌దీప్‌ ఆఫ్‌ స్టంప్‌కు వెలుపల లెంగ్త్‌ డెలివరీగా సంధించగా.. సీఫెర్ట్‌ దాన్ని ఆఫ్‌ సైడ్‌ మీదుగా బౌండరీకి తరలించేందుకు ప్రయత్నించాడు. అయితే బంతి బ్యాట్‌ బయటి అంచుకు తాకి డీప్‌ బ్యాక్‌వర్డ్‌ పాయింట్‌లోకి గాల్లోకి లేచింది. అక్కడ ఫీల్డింగ్‌ చేస్తున్న నమన్‌ ధీర్‌ సునాయసమైన క్యాచ్‌ను నేలపాలు చేశాడు.ఈ తప్పిదం భారత్‌కు భారీ మూల్యం చెల్లించేలా చేసింది. వ్యక్తిగత స్కోరు 13 పరుగుల వద్ద ఔటయ్యే ప్రమాదం నుంచి తప్పించుకున్న సీఫెర్ట్‌ ఆ తర్వాత మ్యాచ్‌ స్వరూపాన్నే మార్చేశాడు. కేవలం 50 బంతుల్లోనే 11 ఫోర్లు, 5 సిక్సర్లతో 93 పరుగులు బాది కివీస్‌ విజయాన్ని ఖాయం చేశాడు.కాగా అంతకుముందు నాలుగో టీ20లోనూ గ్లెన్ ఫిలిప్స్ క్యాచ్‌ను నమన్ ధీర్‌ జారవిడిచాడు. ఆ మ్యాచ్‌లో అతడు ఏకంగా సెంచరీతో చెలరేగిపోయాడు. దీంతో వరుస మ్యాచ్‌లలో కీలక క్యాచ్‌లు వదిలేసిన నమన్ ధీర్‌ను నెటిజన్లు ట్రోల్ చేస్తున్నారు.Naman Dhir dropped a lulu catch 🤦 https://t.co/60ZSsp64cn— BackToLobby (@_backtolobby) November 1, 2026

న్యూజిలాండ్‌తో ఐదు మ్యాచ్‌ల టీ20 సిరీస్‌ను భారత్ ఓటమితో ముగించింది. హామిల్టన్ వేదికగా జరిగిన ఐదో టీ20లో కివీస్ చేతిలో 7 వికెట్ల తేడాతో టీమిండియా పరాజయం పాలైంది. ఈ మ్యాచ్‌లో తొలుత బ్యాటింగ్ చేసిన టీమిండియా నిర్ణీత 20 ఓవర్లలో టీమిండియా నిర్ణీత 20 ఓవర్లలో 8 వికెట్ల నష్టానికి 191 పరుగులు చేసింది. భారత ఇన్నింగ్స్‌లో కెప్టెన్ శ్రేయస్ అయ్యర్ (50), వికెట్ కీపర్ బ్యాటర్ ఇషాన్ కిషన్ (61) అద్భుతమైన హాఫ్ సెంచరీలతో రాణించారు. న్యూజిలాండ్ బౌలర్లలో పేసర్ ఆడమ్ మిల్నే 4 వికెట్లు పడగొట్టగా.. నాథన్ స్మిత్, బ్లెయిర్ టిక్నెర్ తలా 2 వికెట్లు సాధించారు.సీఫెర్ట్, ఫిలిప్స్ విధ్వంసంఅనంతరం 192 పరుగుల భారీ లక్ష్యాన్ని కివీస్ కేవలం మూడు వికెట్లు మాత్రమే కోల్పోయి 17.2 ఓవర్లలో చేధించింది. కివీస్ ఇన్నింగ్స్ ఆరంభంలోనే డేంజరస్ బ్యాటర్ ఫిన్ అలెన్‌ను అర్ష్‌దీప్ అద్భుతమైన బంతితో కోల్తా కొట్టించాడు. ఆ తర్వాత అర్ష్‌దీప్ బౌలింగ్‌లోనే మరో కివీస్ ఓపెనర్ టిమ్ సీఫెర్ట్ ఇచ్చిన ఈజీ క్యాచ్‌ను జారవిడిచింది. ఇందుకు భారత జట్టు భారీ మూల్యం చెల్లించుకుంది.13 పరుగుల వద్ద ఔటయ్యే ప్రమాదం నుంచి తప్పించుకున్న సీఫెర్ట్.. ఆకాశమే హద్దుగా చెలరేగిపోయాడు. కేవలం 50 బంతుల్లోనే 11 ఫోర్లు, 5 సిక్స్‌లతో 93 పరుగులు చేసి మ్యాచ్‌ను భారత్‌ నుంచి లాగేసుకున్నాడు. అతడితో పాటు గ్లెన్‌ ఫిలిప్స్‌(38 బంతుల్లో 8 ఫోర్లు, 3 సిక్స్‌లతో 65) మరోసారి మెరుపు ఇన్నింగ్స్‌ ఆడాడు.భారత బౌలర్లలో అర్ష్‌దీప్‌ సింగ్‌, నితీశ్‌ కుమార్‌ రెడ్డి, వరుణ్‌ చక్రవర్తి తలా వికెట్‌ సాధించారు. అయితే తొలి మూడు టీ20ల్లో భారత్ విజయం సాధించడంతో ఐదు మ్యాచ్‌ల సిరీస్‌ను 3-2 తేడాతో సొంతం చేసుకుంది.

హామిల్టన్ వేదికగా న్యూజిలాండ్‌తో జరుగుతున్న ఐదో టీ20లో భారత కెప్టెన్ శ్రేయస్ అయ్యర్ అద్భుతమైన ఇన్నింగ్స్ ఆడాడు. టాస్ ఓడి తొలుత బ్యాటింగ్‌కు దిగిన టీమిండియాకు ఆరంభంలోనే ఎదురు దెబ్బ తగిలింది. కేవలం 19 పరుగులకే ఓపెనర్లు సంజూ శాంసన్‌, అభిషేక్ శర్మ వికెట్లు కోల్పోయి భారత్ కష్టా‍ల్లో పడింది.ఈ సమయంలో క్రీజులోకి వచ్చిన శ్రేయస్ అయ్యర్ ప్రత్యర్ధి బౌలర్లపై విరుచుకుపడ్డాడు. ఫస్ట్ డౌన్ బ్యాటర్ ఇషాన్ కిషన్‌తో కలిసి స్కోర్ బోర్డును పరుగులు పెట్టించాడు. ఈ క్రమంలో అయ్యర్‌ కేవలం 22 బంతుల్లోనే అర్ధశతకం పూర్తి చేసుకున్నాడు. ఆ తర్వాత బంతికి అయ్యర్(50) ఔటై పెవిలియన్‌కు చేరాడు. అతడి ఇన్నింగ్స్‌లో 3 ఫోర్లు, 4 సిక్స్‌లు ఉన్నాయి. కాగా ఈ హాఫ్ సెంచరీతో శ్రేయస్ అరుదైన రికార్డును తన పేరిట లిఖించుకున్నాడు.సూర్యకుమార్ రికార్డు బ్రేక్‌న్యూజిలాండ్‌పై టీ20ల్లో వేగవంతమైన హాఫ్ సెంచరీ సాధించిన భారత కెప్టెన్‌గా అయ్యర్‌ సరికొత్త రికార్డు సృష్టించాడు. ఇంతకుముందు ఈ రికార్డు భారత మాజీ కెప్టెన్ సూర్యకుమార్ యాదవ్ పేరిట ఉండేది. గతంలో న్యూజిలాండ్‌పై రాయ్‌పూర్‌లో సూర్య 23 బంతుల్లో ఫిప్టీ సాధించాడు. తాజా మ్యాచ్‌తో సూర్య ఆల్‌టైమ్ రికార్డును శ్రేయస్ బ్రేక్ చేశాడు.ఇషాన్ కిషన్, శ్రేయస్ అయ్యర్ రికార్డు భాగస్వామ్యంఈ మ్యాచ్‌లో శ్రేయస్‌తో పాటు ఇషాన్ కిషన్ కూడా కీలక ఇన్నింగ్స్ ఆడాడు. ఇషాన్ 32 బంతుల్లో 5 ఫోర్లు, 5 సిక్సర్లతో 61 పరుగులు చేశాడు. వీరిద్దరూ కలిసి మూడో వికెట్‌కు 93 పరుగుల విలువైన భాగస్వామ్యాన్ని నెలకొల్పారు. న్యూజిలాండ్ గడ్డపై న్యూజిలాండ్‌పై మూడో వికెట్‌కు భారత్‌కు ఇదే అత్యధిక భాగస్వామ్యం కావడం విశేషం. కాగా వీరిద్దరూ రాణించడంతో భారత్ నిర్ణీత 20 ఓవర్లలో 8 వికెట్ల నష్టానికి 191 పరుగుల భారీ స్కోర్ సాధించింది.

న్యూజిలాండ్‌తో జరుగుతున్న ఐదో టీ20లో వన్‌డౌన్‌లో వచ్చిన టీమిండియా బ్యాటర్ ఇషాన్ కిషన్ మరో రికార్డు తన ఖాతాలో వేసుకున్నాడు. నాలుగో టీ20లో డకౌట్ అయిన ఇషాన్ ఇవాళ్టి మ్యాచ్‌లో మాత్రం దుమ్మురేపాడు. 28 బంతుల్లో హాఫ్ సెంచరీ మార్క్ అందుకున్న ఇషాన్ ఒక అరుదైన ఫీట్ సాధించాడు. అదేంటంటే, టీమిండియా తరఫున అంతర్జాతీయ టీ20 క్రికెట్‌లో 2వేల పరుగులు పూర్తి చేయడానికి తక్కువ బంతులు తీసుకున్న మూడో బ్యాటర్‌గా ఇషాన్ నిలిచాడు. ఇషాన్ 1345 బంతుల్లో 2వేల పరుగుల మార్క్ చేరుకున్నాడు. ఈ జాబితాలో అభిషేక్ శర్మ (1024 బంతులు) తొలి స్థానంలో ఉండగా, సూర్యకుమార్ యాదవ్ (1164 బంతులు) రెండో స్థానంలో కొనసాగుతున్నాడు.👉ఇదే సమయంలో ఇషాన్‌ కిషన్‌ మరో రికార్డు కూడా తన ఖాతాలో వేసుకున్నాడు. ఒక క్యాలెండర్ ఇయర్‌లో టీమిండియా తరఫున టీ20ఐ క్రికెట్‌లో అత్యధిక పరుగులు చేసిన బ్యాటర్‌గా ఇషాన్ నిలిచాడు. గతంలో సూర్యకుమార్ యాదవ్ 2022 ఏడాదిలో 1164 పరుగులు సాధించాడు. తాజాగా సూర్య రికార్డును బద్దలుకొట్టిన ఇషాన్ ఈ ఏడాది క్యాలెండర్ ఇయర్‌లో 1220 పరుగులు సాధించాడు.మ్యాచ్ విషయానికొస్తే 11 ఓవర్లలో టీమిండియా మూడు వికెట్ల నష్టానికి 116 పరుగులు చేసింది. శ్రేయస్‌ అయ్యర్‌ (44), తిలక్‌ వర్మ (2)క్రీజులో ఉన్నారు. అంతకముందు ఇషాన్‌ కిషన్‌ 31 బంతుల్లో 61 పరుగులు చేసి ఔటవ్వగా, ఓపెనర్లు అభిషేక్‌ (1), సామ్సన్‌ (4) తక్కువ స్కోర్లకే వెనుదిరిగారు.2⃣0⃣0⃣0⃣ T20I runs unlocked ✅ Ishan Kishan continues his merry way 👌 Updates ▶️ https://t.co/B5TqF9MWu4 #TeamIndia | #NZvIND | @ishankishan51 https://t.co/XpmxfKtrcP— BCCI (@BCCI) November 1, 2026 Ishan Kishan brings the big hits and with it, the milestone! 😮‍💨 Watch the HERO VIDA India Tour of New Zealand 5th T20I, LIVE NOW on Sony Sports Network TV channels & Sony LIV. #SonySportsNetwork #SonyLIV #SonyVizha #NZvIND https://t.co/l1qriSJOMY— Sony Sports Network (@SonySportsNetwk) November 1, 2026ఇదీ చదవండి: ‘అందరినీ సంతోషపెట్టడం నా పని కాదు’ రోహిత్ శ‌ర్మ కీల‌క నిర్ణ‌యం

టీమిండియా హెడ్‌కోచ్ గౌతమ్ గంభీర్ నోటి నుంచే వచ్చే మాటలు తూటాల్లా ఉంటాయనడంలో సందేహం లేదు. ఏ విషయాన్నైనా నిర్మొహమాటంగా వెల్లడించే వ్యక్తిత్వం కలిగిన గంభీర్ మరోసారి సంచలన వ్యాఖ్యలు చేశాడు. న్యూజిలాండ్‌తో ఐదో టీ20 మ్యాచ్‌కు ముందు, ఆటగాళ్ల ఎంపిక , జట్టు ప్రదర్శనపై వస్తున్న విమర్శలపై గంభీర్ ఘాటుగా స్పందించాడు.‘జట్టు ఎంపిక అనేది నా చేతుల్లో ఉండదు. ఆటగాళ్ల ప్రదర్శనపైనే అది ఆధారపడి ఉంటుంది. అన్నిటికంటే ముందు, అందరినీ సంతోషపెట్టడం నా పని కాదు. ప్రజాదరణ పొందే (పాపులర్) నిర్ణయాలు కాకుండా, జట్టుకు ఉపయోగపడే సరైన నిర్ణయాలు తీసుకోవడమే నా బాధ్యత. ఇందుకోసమే నేను ఇక్కడ ఉన్నాను. నేటి కాలంలో సోషల్ మీడియా హడావుడి, బయట జరిగే అనవసర చర్చల వల్ల అందరికీ నచ్చే నిర్ణయాలు తీసుకోవడం చాలా సులభమని అంతా అనుకుంటారు. కానీ అలాంటి వాటికి నేను ఎన్నటికీ లొంగను. ఆటగాళ్లకు డ్రెస్సింగ్ రూమ్‌లో పూర్తి భద్రత, భరోసా కల్పించడం నా బాధ్యత. అందరిలోనూ ప్రతిభ ఉంటుంది, కానీ చాలాకాలం పాటు అద్భుతంగా రాణించిన ఆటగాళ్లకు మాత్రమే జట్టులో ఎక్కువకాలం కొనసాగేందుకు అర్హులన్నది నా అభిప్రాయం. ఇక భారత జట్టును విజయపథంలో నడిపించడమే నా ఏకైక లక్ష్యం’ అని గంభీర్‌ పునరుద్ఘాటించాడు.గతంలో వైభవ్‌ సూర్యవంశీకి అవకాశమివ్వకపోవడంపై కూడా గంభీర్‌ ఇంతే ఘాటుగా స్పందించాడు. వైభవ్‌ ఇంకా నేర్చుకునే దశలో ఉన్నాడని, వయసు తక్కువ కావడంతో అతడికి భవిష్యత్తులో చాలా అవకాశాలు ఉంటాయని, ఇప్పుడు మాత్రం బెంచ్‌కు పరిమితమవుతాడని చెప్పుకొచ్చాడు. మ్యాచ్‌ విషయానికొస్తే.. టాస్‌ ఓడి బ్యాటింగ్‌కు దిగిన టీమిండియా తడబడుతోంది. ఓపెనర్లు సామ్సన్‌ (4), అభిషేక్‌ శర్మ (1) తక్కువ స్కోర్లకే వెనుదిరిగారు. ప్రస్తుతం భారత్‌ రెండు వికెట్ల నష్టానికి 28 పరుగులు చేసింది. ఇషాన్‌ (17), శ్రేయస్‌ (8) పరుగులతో ఆడుతున్నారు.ఇదీ చదవండి: రోహిత్ శ‌ర్మ కీల‌క నిర్ణ‌యంచ‌రిత్ర సృష్టించిన సౌతాఫ్రికా కెప్టెన్‌

NZ Vs IND 5th T20I Match Updates: హామిల్టన్ వేదికగా జరిగిన ఐదో టీ20లో కివీస్ చేతిలో 7 వికెట్ల తేడాతో టీమిండియా పరాజయం పాలైంది. 192 పరుగుల భారీ లక్ష్యాన్ని కివీస్ కేవలం మూడు వికెట్లు మాత్రమే కోల్పోయి 17.2 ఓవర్లలో చేధించింది. టిమ్‌ సీఫర్ట్‌( 50 బంతుల్లోనే 11 ఫోర్లు, 5 సిక్స్‌లతో 93 పరుగులు), గ్లెన్‌ ఫిలిప్స్‌(65) విధ్వంసకర సెంచరీలతో హాఫ్‌ సెంచరీలతో సత్తాచాటారు.విజ‌యం దిశ‌గా కివీస్‌ఐదో టీ20లో న్యూజిలాండ్ విజ‌యానికి చేరువైంది. కివీస్ విజ‌యానికి 30 బంతుల్లో కేవ‌లం 29 ప‌రుగులు మాత్ర‌మే కావాలి. క్రీజులో సీఫ‌ర్ట్‌(89), గ్లెన్ ఫిలిప్స్‌(39) ఉన్నారు.దుమ్మురేపుతున్న టిమ్ సీఫెర్ట్టిమ్ సీఫెర్ట్(74 పరుగులు) దుమ్మురేపుతున్నాడు. 13 ఓవర్లు ముగిసే సరికి కివీస్‌ 2 వికెట్ల నష్టానికి 138 పరుగుల భారీ స్కోర్‌ సాధించింది. న్యూజిలాండ్‌ విజయానికి 42 బంతుల్లో 54 పరుగులు కావాలి.కివీస్‌ రెండో వికెట్‌ డౌన్‌డారిల్‌ మిచెల్‌(29) రూపంలో కివీస్‌ రెండో వికెట్‌ కోల్పోయింది. 29 పరుగులు చేసిన మిచెల్‌.. వరుణ్‌ చక్రవర్తి బౌలింగ్‌లో ఔటయ్యాడు. 9 ఓవర్లకు న్యూజిలాండ్‌ స్కోర్‌: 84/2దూకుడుగా ఆడుతున్న సీఫర్ట్‌ఆరంభంలోనే తొలి వికెట్ కోల్పోయిన‌ప్ప‌టికి కివీస్ బ్యాట‌ర్లు టీమ్ సీఫ‌ర్ట్‌(37), డారిల్ మిచెల్‌(14) దూకుడుగా ఆడుతున్నారు. 6 ఓవ‌ర్ల‌కు కివీస్ స్కోర్‌: కివీస్‌ తొలి వికెట్‌ డౌన్‌.. ఫిన్‌ అలెన్‌ అవుట్‌న్యూజిలాండ్‌ తొలి వికెట్‌ కోల్పోయింది. 2 పరుగులు చేసిన ఫిన్‌ అలెన్‌.. అర్ష్‌దీప్‌ సింగ్‌ బౌలింగ్‌లో ఔటయ్యాడుభారత్‌ భారీ స్కోర్‌ఐదో టీ20 మ్యాచ్‌లో భారత బ్యాటర్లుసత్తాచాటారు. టాస్‌ ఓడి తొలుత బ్యాటింగ్‌కు దిగిన టీమిండియా నిర్ణీత 20 ఓవర్లలో 8 వికెట్ల నష్టానికి 191 పరుగులు చేసింది. కెప్టెన్‌ శ్రేయస్‌ అయ్యర్‌(50), ఇషాన్‌ కిషన్‌(32 బంతుల్లో 5 ఫోర్లు, 5 సిక్స్‌లతో 61) హాఫ్‌ సెంచరీలతో రాణించారు. కివీస్‌ బౌలర్లలో ఆడమ్‌ మిల్నే నాలుగు వికెట్లు పడగొట్టగా.. నాథన్‌ స్మిత్‌, బ్లెయిర్‌ టిక్నర్‌ తలా రెండు వికెట్లు చొప్పున సాధించారు.తిలక్‌ వర్మ (6) ఔట్‌13.4 ఓవర్‌లో ఆరు పరుగులు చేసిన తిలక్‌ వర్మ నాథన్‌ స్మిత్‌ బౌలింగ్‌లో కాట్‌ అండ్‌ బౌల్డ్‌గా వెనుదిరిగాడు. 15 ఓవర్లు ముగిసేసరికి టీమిండియా 5 వికెట్ల నష్టానికి 144 పరుగులు చేసింది. నమన్‌ ధీర్‌ (13), నితీశ్‌రెడ్డి (3) పరుగులతో ఆడుతున్నారు.నాలుగో వికెట్‌ డౌన్‌ఫిఫ్టీ బాదిన వెంటనే కెప్టెన్‌ శ్రేయస్‌ అయ్యర్‌ నాథన్‌ స్మిత్‌ బౌలింగ్‌లో భారీ షాట్‌కు యత్నించి కీపర్‌ టిమ్‌ సీఫెర్ట్‌కు క్యాచ్‌ ఇచ్చి వెనుదిరిగాడు. దీంతో భారత్‌ 123 పరుగుల వద్ద నాలుగో వికెట్‌ కోల్పోయింది.ఇషాన్‌ (61) ఔట్‌ఇన్నింగ్స్‌ 10.2 ఓవర్లో 61 పరుగులు చేసిన ఇషాన్‌ కిషన్‌ బ్లెయిర్‌ టింక్నర్‌ బౌలింగ్‌లో నాథన్‌ స్మిత్‌కు క్యాచ్‌ ఇచ్చి వెనుదిరిగాడు. దీంతో టీమిండియా 112 పరుగుల వద్ద మూడో వికెట్‌ కోల్పోయింది.ఇషాన్ కిషన్‌ హాఫ్‌ సెంచరీనాలుగో టీ20లో డకౌట్ అయిన ఇషాన్ కిషన్ నేటి మ్యాచ్‌లో మాత్రం మెరిశాడు. 28 బంతుల్లో హాఫ్ సెంచరీ సాధించిన ఇషాన్ కిషన్ ఇన్నింగ్స్‌లో 4 ఫోర్లు, 4 సిక్సర్లు ఉన్నాయి. ప్రస్తుతం టీమిండియా 9 ఓవర్లు ముగిసేసరికి రెండు వికెట్ల నష్టానికి 84 పరుగులు చేసింది. శ్రేయస్ అయ్యర్ (24) క్రీజులో ఉన్నాడు.ముగిసిన పవర్‌ ప్లేపవర్‌ ప్లే (0-6 ఓవర్లు) ముగిసేసరికి టీమిండియా రెండు వికెట్ల నష్టానికి 50 పరుగులు చేసింది. ఇషాన్‌ కిషన్‌ (30), శ్రేయస్‌ అయ్యర్‌ (17) క్రీజులో ఉన్నారు. నిరాశపరిచిన సామ్సన్‌మ్యాచ్‌లో టీమిండియా ఓపెనర్‌ సంజూ సామ్సన్‌ నిరాశపరిచాడు. 4 పరుగులు చేసిన సామ్సన్ ఆడమ్ మిల్నే బౌలింగ్‌లో బ్రాస్‌వెల్‌కు క్యాచ్ ఇచ్చి వెనుదిరిగాడు. దీంతో భారత్‌ 19 పరుగుల వద్ద రెండో వికెట్ కోల్పోయింది. అభిషేక్‌ (1) ఔట్‌కివీస్‌ బౌలర్‌ ఆడమ్‌ మిల్నే బౌలింగ్‌లో అభిషేక్‌ శర్మ (1) క్యాచ్‌ ఔట్‌గా వెనుదిరగడంతో టీమిండియా 2 పరుగుల వద్ద తొలి వికెట్‌ కోల్పోయింది. రెండు మార్పులతో బరిలోకి..ఈ మ్యాచ్‌కు టీమిండియా రెండు మార్పులతో బరిలోకి దిగింది. మయాంక్‌ యాదవ్‌ స్థానంలో భువనేశ్వర్‌, ఆల్‌రౌండర్‌ అక్షర్‌ పటేల్‌ స్థానంలో వరుణ్‌ చక్రవర్తి జట్టులోకి వచ్చినట్లు కెప్టెన్‌ శ్రేయస్‌ అయ్యర్‌ తెలిపాడు. ఇక టింక్నర్‌ తుదిజట్టులోకి వచ్చినట్లు కివీస్‌ కెప్టెన్‌ సాంట్నర్‌ తెలిపాడు. తుది జట్లు:న్యూజిలాండ్: టిమ్ సీఫెర్ట్ (వికెట్ కీపర్), ఫిన్ అలెన్, డారిల్ మిచెల్, గ్లెన్ ఫిలిప్స్, బెవాన్ జాకబ్స్, మైఖేల్ బ్రేస్‌వెల్, మిచెల్ సాంట్నర్ (కెప్టెన్), నాథన్ స్మిత్, ఆడమ్ మిల్నే, జాకబ్ డఫీ, బ్లెయిర్ టిక్నర్టీమిండియా: సంజు సామ్సన్, అభిషేక్ శర్మ, ఇషాన్ కిషన్ (వికెట్ కీపర్), శ్రేయస్ అయ్యర్ (కెప్టెన్), తిలక్ వర్మ, నితీష్ కుమార్ రెడ్డి, నమన్ ధీర్, భువనేశ్వర్ కుమార్, అర్ష్‌దీప్ సింగ్, ప్రిన్స్ యాదవ్, వరుణ్ చక్రవర్తిTwo changes for #TeamIndia in Hamilton. Bhuvneshwar Kumar and Varun Chakaravarthy are back in the Playing XI. Updates ▶️ https://t.co/B5TqF9MWu4 #NZvIND https://t.co/Hv3DsD0bqp— BCCI (@BCCI) November 1, 2026ఇదీ చదవండి: రోహిత్ శ‌ర్మ కీల‌క నిర్ణ‌యంటీమిండియాకు షాక్‌.. అత‌డు ఆడేది అనుమానమే!

న్యూజిలాండ్‌తో వ‌న్డే సిరీస్ ఆడేందుకు ఇప్ప‌టికే కివీస్ గడ్డ‌పై అడుగుపెట్టిన టీమిండియా స్టార్ రోహిత్ శ‌ర్మ కీల‌క నిర్ణయం తీసుకున్నాడు. కివీస్‌తో వ‌న్డే సిరీస్ ముగిసిన అనంత‌రం స్వ‌దేశంలో జ‌ర‌గ‌నున్న‌ దేశ‌వాళీ టోర్నీ విజ‌య్ హ‌జారే ట్రోఫీలో ఆడాల‌ని నిర్ణ‌యించుకున్నాడు. ఈ మేర‌కు తాను విజ‌య్ హ‌జారే ట్రోఫీకి అంద‌బాటులో ఉండ‌నున్న‌ట్లు ముంబై క్రికెట్ అసోసియేష‌న్‌కు రోహిత్ వెల్ల‌డించిన‌ట్లు తెలుస్తోంది.వ‌న్డే ప్ర‌పంచ‌క‌ప్ ప్ర‌ణాళిక‌ల్లో భాగంగానే..న‌వంబ‌ర్ 15తో న్యూజిలాండ్‌తో ఐదు మ్యాచ్‌ల వ‌న్డే సిరీస్ ముగియ‌నుంది. ఆ త‌ర్వాత భార‌త్ స్వ‌దేశంలో లంక‌తో వ‌న్డే సిరీస్ ఆడ‌నుంది. డిసెంబ‌ర్ 13 నుంచి 19 మ‌ధ్య టీమిండియా, శ్రీలంకల మ‌ధ్య మూడు వ‌న్డే మ్యాచ్‌లు జ‌ర‌గ‌నున్నాయి. ఇది పూర్త‌యిన వెంట‌నే రోహిత్ విజ‌య్ హ‌జారే ట్రోఫీ ఆడ‌నున్నాడు. డిసెంబ‌ర్ 14 నుంచి 29 వ‌ర‌కు ఈ ప్ర‌తిష్టాత్మ‌క టోర్నీ జ‌ర‌గ‌నుంది. 2027 వ‌న్డే ప్ర‌పంచ‌క‌ప్ ప్ర‌ణాళిక‌ల్లో భాగంగానే విజ‌య్ హ‌జారే ట్రోఫీలో ఆడాల‌ని నిశ్చ‌యించుకున్న‌ట్లు రోహిత్ శ‌ర్మ ఒక ప్ర‌క‌ట‌న‌లో తెలిపాడు.ప‌ది రోజుల గ్యాప్‌..అయితే జ‌న‌వ‌రి 3 నుంచి జింబాబ్వేతో వ‌న్డే సిరీస్ ప్రారంభం కానుండ‌డంతో రోహిత్ మ‌ళ్లీ టీమిండియాతో చేర‌నున్నాడు. డిసెంబ‌ర్ 22 నుంచి ప‌ది రోజుల గ్యాప్‌లో రోహిత్ ముంబై త‌ర‌ఫున విజ‌య్ హాజారే ట్రోఫీలో పాల్గొన‌నున్నాడు. విజ‌య్ హ‌జారే ట్రోఫీలో లీగ్ ద‌శ డిసెంబ‌ర్ 14 నుంచి 29 వ‌ర‌కు, జ‌న‌వ‌రి 2 నుంచి 8 వ‌ర‌కు నాకౌట్ మ్యాచ్‌లు జ‌ర‌గ‌నున్నాయి.ఇక రోహిత్ శ‌ర్మ విజ‌య్ హజారే ట్రోఫీలో పాల్గొన‌డం ఇదేమి తొలిసారి కాదు. 2018లో రెండు మ్యాచ్‌లు ఆడాడు. సిక్కింతో జ‌రిగిన మ్యాచ్‌లో రోహిత్ 94 బంతుల్లోనే 155 ప‌రుగులు సాధించాడు. మొత్తం మీద విజ‌య్ హ‌జారే ట్రోఫీలో రోహిత్ ముంబై త‌ర‌ఫున 18 మ్యాచ్‌లు ఆడాడు. 2024లో టీ20లు, 2025లో టెస్టుల‌కు వీడ్కోలు ప‌లికిన రోహిత్ ప్ర‌స్తుతం వ‌న్డే ఫార్మాట్‌లో మాత్రమే కొన‌సాగుతున్న సంగ‌తి తెలిసిందే.ఇదీ చదవండి: చ‌రిత్ర సృష్టించిన సౌతాఫ్రికా కెప్టెన్‌టీమిండియాకు షాక్‌.. అత‌డు ఆడేది అనుమానమే!

న్యూజిలాండ్‌తో టెస్టు సిరీస్ నేపథ్యంలో టీమిండియాకు ఊహించని షాక్ తగిలింది. గాయం నుంచి కోలుకున్నప్పటికీ రెగ్యూలర్ వికెట్ కీపర్ రిషబ్ పంత్ తొలి టెస్టు ఆడడం అనుమానంగానే ఉంది. ఇప్పటికే న్యూజిలాండ్‌-ఏతో జరుగుతున్న అనధికారిక టెస్టు సిరీస్‌లో తొలి రెండు మ్యాచ్‌లకు దూరంగా ఉన్న పంత్‌.. తాజాగా మూడో మ్యాచ్‌కు కూడా అందుబాటులో ఉండడం లేదని బీసీసీఐ ప్రకటించింది. తొలి రెండు అనధికారిక టెస్టులకు పంత్‌ స్థానంలో ఎంపిక చేసిన కుమార్‌ కుషాగ్ర మూడో మ్యాచ్‌కు కూడా జట్టుతో పాటే కొనసాగుతాడని స్పష్టం చేసింది. పంత్ గాయం నుంచి కోలుకున్నప్పటికీ, పూర్తిస్థాయి ఫిట్‌నెస్ సాధించేందుకు సమయం పడుతుందని పేర్కొంది. అందుకోసం పంత్‌ మూడు నుంచి నాలుగు స్కిల్ (నైపుణ్యం) సెషన్స్ పూర్తి చేయాల్సి ఉందని వెల్లడించింది. ఇవి పూర్తైతేనే పంత్ టీమిండియాలో ఆడేందుకు ఆస్కారం ఉంటుంది. ఈ నేపథ్యంలో స్కిల్ సెషన్స్‌లో అతడి బ్యాటింగ్‌, వికెట్ కీపింగ్‌, ఫిట్‌నెస్‌లను పరీక్షించనున్నారు. ఈ సైకిల్ పూర్తయ్యేందుకు మూడు వారాలు పట్టనుండడంతో పంత్ తొలి టెస్టుకు దూరమయ్యే అవకాశాలే ఎక్కువగా ఉన్నాయి. నవంబర్ 19 నుంచి ఇరుజట్ల మధ్య తొలి టెస్టు మ్యాచ్ జరగనుంది.తుదిజ‌ట్టులో నితీశ్‌రెడ్డిఒకవేళ పంత్ కివీస్‌తో తొలి టెస్టుకు దూరంగా ఉంటే, ధ్రువ్ జురెల్ కీపింగ్ బాధ్య‌త‌లు తీసుకోనున్నాడు. ఇప్ప‌టికే అన‌ధికారిక టెస్టు సిరీస్‌లో కెప్టెన్ క‌మ్ వికెట్ కీప‌ర్‌గా బాధ్య‌త‌లు నిర్వ‌ర్తిస్తున్న ధ్రువ్ జురెల్ తాజాగా రెండో అన‌ధికారిక టెస్టులో సెంచ‌రీతో క‌దం తొక్కాడు. మంచి ఫామ్‌లో ఉండ‌డంతో జురెల్ కివీస్‌తో టెస్టు సిరీస్‌కు పూర్తి స్థాయిలో అందుబాటులో ఉండ‌నున్నాడు. ఇక పంత్ తొలి టెస్టుకు దూరంగా ఉంటే అత‌డి స్థానంలో ఆల్‌రౌండ‌ర్ నితీశ్ కుమార్ రెడ్డి ఆడే అవ‌కాశ‌ముంది. ఎందుకంటే తొలి మ్యాచ్ జ‌ర‌గ‌నున్న వెల్లింగ్ట‌న్ పేస‌ర్ల‌కు అనుకూలంగా ఉంటుంది. దీంతో నితీశ్‌రెడ్డి అటు బ్యాట్‌తోనూ, ఇటు బంతితోనూ రాణించే అవ‌కాశ‌ముంద‌ని బీసీసీఐ భావిస్తుంది.ఇదీ చదవండి: చ‌రిత్ర సృష్టించిన సౌతాఫ్రికా కెప్టెన్‌రెండు విజయాలతో మొత్తం తారుమారు.. డబ్ల్యూటీసీలో మార్పులు!

న్యూజిలాండ్ ప‌ర్య‌ట‌న‌లో ఉన్న టీమిండియా టీ20 సిరీస్‌ను మ‌రో రెండు మ్యాచ్‌లు మిగిలి ఉండ‌గానే 3-0తో సొంతం చేసుకున్న సంగ‌తి తెలిసిందే. అయితే నాలుగో టీ20లో అనూహ్యంగా భార‌త్ 87 ప‌రుగుల తేడాతో ఓట‌మి చ‌విచూసింది. తొలి మూడు టీ20ల్లో కివీస్ విధించిన టార్గెట్‌ను విజ‌యవంతంగా ఛేదించిన భార‌త్ నాలుగో టీ20లో మాత్రం పూర్తిగా చతికిల‌ప‌డింది. ఇక్క‌డ ఒక విష‌యం గ‌మనిస్తే.. తొలి మూడు టీ20ల్లో ఓపెనింగ్ జోడీ లేదా మిడిలార్డ‌ర్‌లో తిల‌క్ వ‌ర్మ‌, నితీశ్‌రెడ్డి, న‌మ‌న్ ధీర్‌లు ఆడ‌డంతో విజ‌యాలు అందుకుంది. కానీ కెప్టెన్ అయిన శ్రేయ‌స్ అయ్య‌ర్ మాత్రం మూడు మ్యాచ్‌ల్లోనూ బ్యాట‌ర్‌గా విఫ‌ల‌మ‌య్యాడు. మూడు టీ20ల్లో భార‌త్ విజ‌యాలు సాధించింది కాబ‌ట్టి అయ్య‌ర్ విఫ‌ల‌మైనా పెద్ద‌గా క‌నిపించ‌లేదు. బాధ్యత మరిచిన అయ్యర్‌కానీ నాలుగో టీ20లో అత‌డి బ్యాటింగ్‌లో లోపాలు క‌నిపించాయి. నాలుగో టీ20లో 260 ప‌రుగుల‌ను ఛేదించే క్ర‌మంలో ఓపెన‌ర్లు సంజూ సామ్స‌న్‌, అభిషేక్ శ‌ర్మ‌ల వికెట్ల‌ను తొంద‌ర‌గానే కోల్పోయింది. వ‌న్‌డౌన్‌లో వ‌చ్చిన ఇషాన్ డ‌కౌట్‌గా వెనుదిరిగాడు. ఈ స‌మ‌యంలో శ్రేయ‌స్ అయ్య‌ర్‌ కెప్టెన్‌గా బాధ్య‌త‌గా ఆడాల్సిన అవ‌స‌ర‌ముంది. కానీ 11 బంతుల్లో 22 ప‌రుగులు చేసిన అయ్య‌ర్ ఆడ‌మ్ మిల్నే బౌలింగ్‌లో క్లీన్‌బౌల్డ్ అయ్యి వెనుదిరిగాడు. శ్రేయ‌స్ బ్యాటింగ్ టెక్నిక్‌ఫై అనుమానాలు లేన‌ప్ప‌టికీ, క్లిష్ట ప‌రిస్థితుల్లో ఓపిక ప్ర‌ద‌ర్శిస్తూ బ్యాటింగ్ చేయాల్సిన అయ్య‌ర్ వికెట్ పారేసుకోవ‌డంపై విమ‌ర్శ‌లు వెల్లువెత్తాయి. మిడిలార్డ‌ర్‌లో తిల‌క్ వ‌ర్మ‌తో క‌లిసి బాధ్య‌త‌గా ఆడాల్సిన శ్రేయ‌స్ త‌క్కువ స్కోరుకే వెనుదిర‌గ‌డంతో ఆ ప్ర‌భావం జ‌ట్టుపై ప‌డింది. ఫ‌లితంగా భార‌త్ ఓట‌మి చ‌విచూసింది.విమర్శల వెల్లువ..ఈ సిరీస్ భార‌త్ వ‌శ‌మైన‌ప్ప‌టికీ, నాలుగో టీ20లో భార‌త్ ఓట‌మిపాలైన తీరుకు కెప్టెన్‌గా శ్రేయ‌స్‌ను నిందించాల్సిందే. ఎందుకంటే అతడు కెప్టెన్‌గా వచ్చిన తర్వాతే టీమిండియా రెండు భారీ ఓటములు చవిచూసింది. నాటింగ్‌హ‌మ్‌లో ఇంగ్లండ్‌తో జ‌రిగిన మ్యాచ్‌లోనూ భార‌త్ 125 ప‌రుగుల తేడాతో ఓట‌మిపాలైన భారత్‌, తాజాగా కివీస్‌తో మ్యాచ్‌లో 87 పరుగులతో ఓటమి చవిచూసింది. నాయ‌కుడ‌నేవాడు జ‌ట్టును న‌డిపించ‌డ‌మే కాదు, అవ‌స‌ర‌మైన‌ప్పుడు అండ‌గా నిల‌బ‌డాల్సిన అవ‌స‌ర‌ముంటుంది. కానీ అయ్య‌ర్ కెప్టెన్‌గా స‌క్సెస్ అయినప్ప‌టికీ, బ్యాట‌ర్‌గా ఫెయిల‌య్యాడు.కెప్టెన్‌గా ట్రాక్‌ రికార్డు..టీమిండియా టీ20 కెప్టెన్‌గా శ్రేయ‌స్ అయ్య‌ర్ ఈ ఏడాది జూన్ 6న సూర్య‌కుమార్ నుంచి బాధ్య‌త‌లు స్వీక‌రించాడు. 2026 ఆసియా గేమ్స్‌లో గోల్డ్ మెడ‌ల్ , ఐర్లాండ్, జింబాబ్వే, అఫ్గానిస్తాన్‌ల‌పై క్లీన్‌స్వీప్‌, ఇంగ్లండ్ చేతిలో 4-0తో, స్వ‌దేశంలో వెస్టిండీస్‌తో టీ20 సిరీస్‌ను 2-2తో స‌మం చేసిన భార‌త్‌.. న్యూజిలాండ్‌తో టీ20 సిరీస్‌ను మ‌రో రెండు మ్యాచ్‌లు మిగిలి ఉండ‌గానే 3-0తో సొంతం చేసుకుంది. ఇదీ కెప్టెన్‌గా శ్రేయ‌స్ అయ్య‌ర్ ట్రాక్ రికార్డు. కెప్టెన్ అయిన త‌ర్వాత అయ్య‌ర్‌ 25 మ్యాచ్‌ల్లో 14 విజ‌యాలు, 9 ఓట‌ములు చ‌విచూశాడు. మ‌రో రెండు మ్యాచ్‌ల్లో ఫ‌లితం రాలేదు.బ్యాటింగ్‌లో అట్టర్‌ఫ్లాఫ్‌కానీ బ్యాటింగ్‌లో మాత్రం అయ్య‌ర్ అట్ట‌ర్‌ఫ్లాఫ్ అవుతూనే వ‌స్తున్నాడు. విండీస్‌తో టీ20 సిరీస్‌లో భాగంగా అక్టోబర్ 6న లక్నోలో ఆ జ‌ట్టుపై 43 బంతుల్లో 102 ప‌రుగుల‌తో అజేయంగా నిలిచిన అయ్య‌ర్.. గ‌త ఎనిమిది ఇన్నింగ్స్‌ల్లో మాత్రం వ‌రుస‌గా 40, 1, 16, 22, 42, 7, 5, 22 పరుగులు చేసి, మొత్తం 19.37 సగటుతో 155 పరుగులు సాధించాడు. ఈ క్రమంలో అతని ఖాతాలో ఒక్క అర్ధశతకం కూడా నమోదు కాలేదు. ఇది ఇలాగే కొన‌సాగితే మాత్రం అయ్య‌ర్ కెప్టెన్‌గానే కాదు జ‌ట్టులోనూ ఎక్కువ‌కాలం ఉండ‌క‌పోవ‌చ్చు.అయితే శ్రేయ‌స్ అయ్య‌ర్ ఐపీఎల్‌లో నాయ‌కుడిగా సాధించిన విజ‌యాలే ఇవాళ టీమిండియాకు కెప్టెన్‌ను చేశాయి. ఒక ఆటగాడి బ్యాటింగ్ ఫామ్ పరిశీలనకు వచ్చినప్పుడు, కేవలం నాయకత్వ ఫలితాలు మాత్రమే జట్టులోని అతని స్థానంపై ప్రశ్నలను పరిష్కరించలేవని కెప్టెన్‌గా సూర్యకుమార్ యాదవ్ ప్రస్థానం నిరూపించింది. అయ్యర్ కూడా అవే అంచనాలను ఎదుర్కోనున్నాడు. 2028లో జరిగే టీ20 ప్ర‌పంచ‌క‌ప్ వ‌ర‌కు శ్రేయ‌స్ అయ్య‌ర్ కెప్టెన్‌గా ఉంటాడా అనేది అనుమాన‌మే!ఇదీ చదవండి: అతడి ఖేల్‌ ఖతం.. వన్డే జట్టులోకి తిరిగి రాలేడు: మాజీ క్రికెటర్‌జురెల్ సెంచ‌రీ.. ఆకాశ్ దీప్ అర్థ‌సెంచ‌రీ; భారత్ భారీ స్కోరు

ఆదివారం హామిల్టన్ వేదికగా న్యూజిలాండ్‌తో ఐదో టీ20లో తలపడేందుకు టీమిండియా సిద్దమైంది. నాలుగో టీ20లో 87 పరుగుల తేడాతో భారీ ఓటమిని ఎదుర్కొన్న భారత్‌.. ఇప్పుడు హామిల్టన్‌లో ప్రత్యర్ధిని ఓడించి ప్రతీకారం తీర్చుకోవాలని పట్టుదలతో ఉంది.అయితే ఇప్పటికే సిరీస్‌ను 3-1తో సొంతం చేసుకున్న టీమిండియా ఆఖరి మ్యాచ్‌లో కొన్ని మార్పులతో బరిలోకి దిగే అవకాశముంది. నాలుగో టీ20లో బెంచ్‌కే పరిమితమైన యువ ఓపెనర్ వైభవ్ సూర్యవంశీ, పేసర్ భువనేశ్వర్ కుమార్ తిరిగి తుది జట్టులోకి రానున్నట్లు తెలుస్తోంది. ఓపెనర్ సంజూ శాంసన్‌ను విశ్రాంతి ఇవ్వనున్నట్లు సమాచారం. అతడి స్ధానంలో వైభవ్‌కు అవకాశమివ్వనున్నట్లు బీసీసీఐ వర్గాలు వెల్లడించాయి. రెండో టీ20కు ఇషాన్ కిషన్ స్ధానంలో తుది జట్టులోకి వచ్చిన వైభవ్ కేవలం 4 పరుగులు మాత్రమే చేసి నిరాశపరిచాడు. కానీ మూడో టీ20లో మాత్రం 19 బంతుల్లో 4 ఫోర్లు, 4 సిక్స్‌లతో 45 పరుగులు చేసి జట్టు విజయంలో కీలక పాత్ర పోషించాడు.మరోవైపు రీఎంట్రీలో భువనేశ్వర్ కుమార్ దారుణంగా విఫలమయ్యాడు. ఈ సిరీస్‌లో మూడు మ్యాచ్‌లు ఆడిన భువీ కేవలం ఒక్క వికెట్ మాత్రమే పడగొట్టాడు. దీంతో నాలుగో టీ20కు అతడిని పక్కన పెట్టాడు. అయితే ఛాన్నాళ్ల తర్వాత జాతీయ జట్టులోకి వచ్చిన భువనేశ్వర్‌కు మరొక అవకాశమివ్వాలని టీమ్ మేనెజ్‌మెంట్ భావిస్తున్నట్లు పలు రిపోర్ట్‌లు పేర్కొంటున్నాయి.ఒకవేళ అదే జరిగితే ప్రిన్స్ యాదవ్ బెంచ్‌కే పరిమితం కానున్నాడు. అదేవిధంగా వరుసగా విఫలమవుతున్న అక్షర్ పటేల్ స్థానంలో శివం దూబే తుది జట్టులోకి వచ్చిన ఆశ్చర్యపోనక్కర్లేదు. కివీస్‌తో ఐదో టీ20కు భార‌త తుది జ‌ట్టు(అంచ‌నా)అభిషేక్ శర్మ, వైభవ్ సూర్యవంశీ, ఇషాన్ కిష‌న్‌(వికెట్ కీప‌ర్‌) శ్రేయాస్ అయ్యర్(కెప్టెన్‌), తిలక్ వర్మ, నమన్ ధీర్, నితీష్ కుమార్ రెడ్డి, శివం దూబే, మయాంక్ యాదవ్, భువ‌నేశ్వ‌ర్ కుమార్‌, అర్ష్దీప్ సింగ్

టీమిండియా సీనియర్‌ ఆల్‌రౌండర్‌ రవీంద్ర జడేజాను ఉద్దేశించి భారత మాజీ క్రికెటర్‌ ఛతేశ్వర్‌ పుజారా కీలక వ్యాఖ్యలు చేశాడు. వన్డేల్లో జడ్డూ కెరీర్‌ ముగింపునకు వచ్చిందని.. యాజమాన్యం అతడిని ఇకపై పరిగణనలోకి తీసుకోకపోవచ్చని అభిప్రాయపడ్డాడు.కాగా 2009లో అంతర్జాతీయ క్రికెట్‌లో అడుగుపెట్టిన 37 ఏళ్ల జడేజా.. ఇప్పటి వరకు 91 టెస్టులు, 212 వన్డేలు, 74 టీ20 మ్యాచ్‌లు ఆడాడు. టెస్టుల్లో 4160 పరుగులు చేసిన జడ్డూ.. 356 వికెట్లు కూడా పడగొట్టాడు. ఈ స్పిన్‌ బౌలింగ్‌ ఆల్‌రౌండర్‌ వన్డేల్లో 2905 రన్స్‌ చేయడంతో పాటు 234 వికెట్లు తీశాడు.వన్డేలతో పాటు టెస్టుల్లోనూఇక 2024లో టీ20 ప్రపంచకప్‌ టోర్నీలో టీమిండియా చాంపియన్‌గా నిలిచిన తర్వాత అంతర్జాతీయ టీ20లకు వీడ్కోలు పలికాడు జడ్డూ. టీమిండియా తరఫున టీ20లలో 515 పరుగులు చేయడంతో పాటు.. 54 వికెట్లు తన ఖాతాలో వేసుకున్నాడు. ప్రస్తుతం వన్డేలతో పాటు టెస్టుల్లోనూ జడ్డూ కొనసాగుతున్నాడు.జడ్డూ చివరగా ఈ ఏడాది శ్రీలంక పర్యటనలో టెస్టు, ఇటీవల స్వదేశంలో వెస్టిండీస్‌తో రెండో వన్డేలో ఆడాడు. అయితే, న్యూజిలాండ్‌తో తలపడే రెండు వన్డే జట్లలోనూ జడ్డూకు చోటు దక్కలేదు. ఈ నేపథ్యంలో పుజారా IANSతో మాట్లాడుతూ.. జడ్డూ వన్డే కెరీర్‌ దాదాపు ముగిసిపోయినట్లే అన్నాడు.అక్షర్‌ పటేల్‌ ప్రధాన ఆల్‌రౌండర్‌‘‘ఒకవేళ యాజమాన్యం గనుక రవీంద్ర జడేజా అవసరం జట్టుకు ఉందని భావిస్తే తప్పకుండా న్యూజిలాండ్‌ పర్యటనకు ఎంపిక చేసేది. ఇప్పటికే అతడికి కూడా సెలక్టర్లు విషయం చెప్పేసి ఉంటారు. ప్రస్తుతం వన్డే క్రికెట్‌లో అక్షర్‌ పటేల్‌ ప్రధాన ఆల్‌రౌండర్‌.జడ్డూ ఖేల్‌ ఖతమేఅతడికి ఎక్కువ అవకాశాలు రావడం సహజమే. జడ్డూ వయసు కూడా పెరుగుతోంది. కాబట్టి కేవలం టెస్టు క్రికెట్‌కు మాత్రమే పరిమితం కావాలని యాజమాన్యం చెప్పి ఉంటుంది. వైట్‌బాల్‌ క్రికెట్‌లో అతడికి ఇకపై ప్రాధాన్యం ఉండబోదు. టెస్టుల మీదే దృష్టి సారించాల్సి ఉంది. వన్డే వరల్డ్‌కప్‌-2027 ప్రణాళికల్లో జడ్డూ లేడనే చెప్పవచ్చు. ఎవరైనా గాయపడితే తప్ప జడేజా మళ్లీ వన్డే జట్టులోకి వచ్చే అవకాశం లేదు’’ అని ఛతేశ్వర్‌ పుజారా తన అభిప్రాయాలు పంచుకున్నాడు.ఇవీ చదవండి: న్యూజిలాండ్‌తో వన్డే సిరీస్‌.. భారత జట్టులో కీలక మార్పుసౌతాఫ్రికా పేసర్‌ వరల్డ్‌ రికార్డు.. సరికొత్త చరిత్ర

భారత టీ20 జట్టులో ఓపెనర్‌గా పాతుకుపోయాడు అభిషేక్‌ శర్మ. తన విధ్వంసకర ఆట తీరుతో ఇప్పటికే ఎన్నో రికార్డులు సాధించిన ఈ లెఫ్టాండర్‌ బ్యాటర్‌.. న్యూజిలాండ్‌తో తాజా టీ20 సిరీస్‌లో సత్తా చాటి మరోసారి ఐసీసీ ర్యాంకింగ్స్‌లో అగ్రస్థానానికి చేరాడు.2267 పరుగులు ఐపీఎల్‌లో సన్‌రైజర్స్‌ హైదరాబాద్‌ జట్టు తరఫున రాణించి.. 2024లో అంతర్జాతీయ క్రికెట్‌లో అడుగుపెట్టిన అభిషేక్‌ శర్మ.. ఇప్పటికి 71 మ్యాచ్‌లు పూర్తి చేసుకున్నాడు. అత్యధికంగా నాలుగు శతకాలు, 14 హాఫ్‌ సెంచరీలతో అదరగొట్టి 2267 పరుగులు సాధించాడు. ఈ పార్ట్‌టైమ్‌ స్పిన్నర్‌ ఖాతాలో పన్నెండు వికెట్లు కూడా ఉన్నాయి.వన్డేల్లో మాత్రం నో ఛాన్స్‌అయితే, పవర్‌ హిట్టర్‌ అభిషేక్‌ శర్మకు ఇప్పటి వరకు వన్డేల్లో మాత్రం ఆడే అవకాశం రాలేదు. దిగ్గజ కెప్టెన్‌ రోహిత్‌ శర్మ- ప్రస్తుత సారథి శుబ్‌మన్‌ గిల్‌ వన్డేల్లో ఓపెనింగ్‌ జోడీగా కొనసాగుతున్నారు. బ్యాకప్‌ ఓపెనర్లుగా యశస్వి జైస్వాల్‌, రుతురాజ్‌ గైక్వాడ్‌ పోటీలో ఉన్నారు.టీ20లలో వైభవ్‌ ధనాధన్‌ఇదిలా ఉంటే.. టీమిండియా చిచ్చరపిడుగు వైభవ్‌ సూర్యవంశీ సైతం టీ20లలో అదరగొడుతున్నాడు. ఇప్పటికి పది మ్యాచ్‌లు ఆడిన ఈ లెఫ్టాండర్‌ ఓపెనర్‌ 295 పరుగులు సాధించాడు. ఇక అభిషేక్‌, వైభవ్‌ల కంటే సీనియర్‌ ఇషాన్‌ కిషన్‌.. గతంలో క్రమశిక్షణారాహిత్యం వల్ల జట్టులో చోటు కోల్పోయాడు.పడిలేచిన కెరటం ఇషాన్‌ కిషన్‌అయితే, దేశీ క్రికెట్‌లో తనను తాను నిరూపించుకుని ఏకంగా టీ20 ప్రపంచకప్‌-2026 జట్టులో చోటు దక్కించుకున్నాడు. టీమిండియా టైటిల్‌ గెలవడంలో కీలక పాత్ర పోషించి.. ప్రస్తుతం టీ20 జట్టులో కీలకంగా మారాడు. వన్డే జట్టులోనూ చోటు దక్కించుకుంటున్నాడు ఈ వికెట్‌ కీపర్‌ బ్యాటర్‌.చివరగా ఇంగ్లండ్‌ పర్యటనలో భాగంగా వన్డేల్లో భారత్‌కు ప్రాతినిథ్యం వహించిన ఇషాన్‌ కిషన్‌.. స్వదేశంలో వెస్టిండీస్‌తో సిరీస్‌లో మాత్రం ఆడలేదు. అయితే, న్యూజిలాండ్‌తో తాజా వన్డే సిరీస్‌కు అతడు ఎంపికయ్యాడు.అభిషేక్‌, వైభవ్‌లకు అన్యాయం చేసినట్లేఈ పరిణామాల నేపథ్యంలో టీమిండియా దిగ్గజ ఆల్‌రౌండర్‌ యువరాజ్‌ సింగ్‌ కీలక వ్యాఖ్యలు చేశాడు. PTIతో మాట్లాడుతూ.. ‘‘అభిషేక్‌ శర్మను వన్డే జట్టులో చూడాలనుకుంటున్నాను. అభిషేక్‌, వైభవ్‌ సూర్యవంశీ, ఇషాన్‌ కిషన్‌ వంటి వాళ్లను యాభై ఓవర్ల క్రికెట్‌ జట్టుకు ఎంపిక చేయకపోతే.. వాళ్ల ప్రతిభకు అన్యాయం చేసినట్లే.అయితే, వన్డే జట్టులో కొంతమంది గొప్ప ఆటగాళ్లు ఉన్నారని నాకూ తెలుసు. కాబట్టి అభిషేక్‌, వైభవ్‌ వంటి వాళ్లకు చోటివ్వడం.. ఇషాన్‌ను ఆడించడం కాస్త కష్టమేనని అర్థం చేసుకోగలను. ప్రసుతం ఈ యువ బ్యాటర్లు అద్భుతంగా ఆడుతున్నారు. అలాంటి వాళ్లకు తప్పక వన్డేల్లోనూ చోటివ్వాలి.త్వరలోనే అభిషేక్‌ వన్డే జట్టులోకి వస్తాడని అనుకుంటున్నా. అభిషేక్‌ ఇప్పటి వరకు ఏదైనా తన కష్టం, కఠిన శ్రమతో సాధించుకున్నాడు. క్రెడిట్‌ మొత్తం అతడికి మాత్రమే దక్కుతుంది’’ అని యువరాజ్‌ సింగ్‌ పేర్కొన్నాడు. కాగా అభిషేక్‌ మెంటార్‌ యువీ అన్న సంగతి తెలిసిందే. ఈ పంజాబీ బ్యాటర్‌ను పవర్‌ హిట్టర్‌గా తీర్చిదిద్దిన ఘనత యువీదే అంటారు అభిమానులు.ఇవీ చదవండి: ఆస్ట్రేలియా ఓపెన‌ర్ విధ్వంసం.. 9 బంతుల్లోనే హాఫ్ సెంచ‌రీ

న్యూజిలాండ్‌తో జ‌ర‌గ‌నున్న వ‌న్డే సిరీస్‌కు సంబంధించి టీమిండియా జ‌ట్టులో బీసీసీఐ కీల‌క మార్పు చేసింది. న‌వంబ‌ర్ 4 నుంచి మొదలుకానున్న వన్డే సిరీస్‌లో భాగంగా తొలి మూడు వ‌న్డేల‌కు అకిబ్ న‌బీని జ‌ట్టులోకి ఎంపిక చేసిన‌ట్లు తెలిపింది. అయితే అకిబ్ న‌బీ ఇప్ప‌టికే చివ‌రి రెండు వ‌న్డేల‌కు జ‌ట్టుకు ఎంపికైన సంగ‌తి తెలిసిందే. గాయ నుంచి పూర్తిగా కోలుకోక‌పోవ‌డంతో ప్ర‌సిధ్ క్రిష్ణ కివీస్‌తో సిరీస్‌కు దూరం కావ‌డంతో అకిబ్ న‌బీ పేరును తొలి మూడు వ‌న్డేల‌కు కూడా ప‌రిగ‌ణ‌లోకి తీసుకుంటున్న‌ట్లు బీసీసీఐ వెల్ల‌డించింది. దీంతో న్యూజిలాండ్‌తో వ‌న్డే సిరీస్‌కు ప్ర‌క‌టించిన రెండు వేర్వేరు జ‌ట్ల‌లో అకిబ్ న‌బీ చోటు సంపాదించాడు. రోహిత్‌, కోహ్లి, శ్రేయ‌స్‌, ఇషాన్ కిష‌న్‌, న‌మ‌న్‌ధీర్‌, అక్ష‌ర్ ప‌టేల్‌, రుతురాజ్ గైక్వాడ్‌, సిరాజ్‌, కుల్దీప్ యాద‌వ్‌ల‌తో పాటు అకిబ్ న‌బీ కూడా కివీస్‌తో వ‌న్డే సిరీస్‌కు అందుబాటులో ఉండ‌నున్నాడు.లంకతో టెస్టు సిరీస్‌కు ఎంపికబారాముల్లాకు చెందిన అకిబ్ న‌బీ ఈ ఏడాది ఆగ‌స్టులో శ్రీలంక‌తో జ‌రిగిన టెస్టు సిరీస్ ద్వారా తొలిసారి టీమిండియాకు ఎంపిక‌య్యాడు. రంజీ ట్రోఫీ 2025-26 సీజ‌న్‌లో జ‌మ్మూ క‌శ్మీర్ త‌ర‌ఫున 60 వికెట్ల‌తో స‌త్తా చాటిన ఈ బారాముల్లా ఎక్స్‌ప్రెస్‌ బుమ్రా స్థానంలో జ‌ట్టులోకి వ‌చ్చాడు. అయితే వెస్టిండీస్‌తో గుహ‌వాటి వేదిక‌గా జ‌రిగిన రెండో వ‌న్డే ద్వారా అకిబ్ న‌బీ అంత‌ర్జాతీయ క్రికెట్‌లో అరంగేట్రం చేశాడు. విండీస్‌తో వన్డేతో అరంగేట్రం..తాను ఆడిన తొలి మ్యాచ్‌లో 8.5 ఓవ‌ర్లు బౌలింగ్ వేసి 84 ప‌రుగులు స‌మ‌ర్పించుకొని ఒక్క వికెట్ కూడా తీయ‌లేక‌పోయాడు. న్యూజిలాండ్‌తో జ‌రుగుతున్న టీ20 సిరీస్‌లో అకిబ్ న‌బీ భాగం కాన‌ప్ప‌టికీ, కివీస్‌-ఏ జ‌ట్టుతో భార‌త్-ఏ త‌ర‌ఫున తొలి అన‌ధికారిక టెస్టు మ్యాచ్ ఆడాడు. అయితే నేడు ప్రారంభ‌మైన రెండో అన‌ధికారిక టెస్టుకు మాత్రం అకిబ్ న‌బీ ఎంపిక‌వ్వ‌లేదు. తాజాగా వ‌న్డే సిరీస్‌కు ఎంపికవ్వ‌డంతో అకిబ్ న‌బీ ఇప్ప‌టికే సీనియ‌ర్ జ‌ట్టుతో క‌లిసి ప్రాక్టీస్ ఆరంభించాడు.🚨 News 🚨 Auqib Nabi added to #TeamIndia squad for first three ODIs vs New Zealand Details 🔽 | #NZvIND https://t.co/32rAdCiiDh— BCCI (@BCCI) October 31, 2026మొదటి మూడు వన్డేలకు భారత జట్టు (అప్‌డేట్‌)శుభ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్‌ కెప్టెన్‌), కేఎల్ రాహుల్ (వికెట్‌ కీపర్‌), అక్షర్ పటేల్, నమన్ ధీర్, అన్షుల్ కాంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్‌ కీపర్‌), మహ్మద్ సిరాజ్‌, కుల్దీప్‌ యాదవ్‌, నితీశ్‌ రెడ్డి (మొదటి వన్డేకు మాత్రమే), అకిబ్ న‌బీ.నాలుగు, ఐదో వన్డేలకు భారత జట్టు (అప్‌డేట్‌)శ్రేయస్ అయ్యర్ (కెప్టెన్‌), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వికెట్‌ కీపర్‌, వైస్‌ కెప్టెన్‌), అక్షర్ పటేల్, నమన్ ధీర్, అకిబ్ న‌బీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుషాగ్రా (వికెట్‌ కీపర్‌), మహ్మద్ సిరాజ్, యశ్‌ ఠాకూర్‌, కుల్దీప్‌ యాదవ్‌ఇదీ చదవండి: న‌ట‌రాజన్ సిక్స‌ర్లు వృథా; టీమిండియాకు షాకిచ్చిన యూఏఈఆసీస్‌ టార్గెట్‌ 288.. చ‌రిత్ర సృష్టించిన సౌతాఫ్రికా బ్యాట‌ర్లు

న్యూజిలాండ్‌-ఏతో జరుగుతున్న రెండో అనధికారిక టెస్టులో భారత-ఏ జట్టు బ్యాటింగ్‌లో తడబడుతోంది. క్రైస్ట్‌చర్చి వేదికగా మొదలైన మ్యాచ్‌లో టాస్ ఓడి బ్యాటింగ్‌కు దిగిన భారత్ 42 ఓవర్లు ముగిసేసరికి 5 వికెట్ల నష్టానికి 142 పరుగులు చేసింది. తొలి టెస్టులో దారుణంగా విఫలమైన ఓపెనర్ యశస్వి జైస్వాల్ రెండో టెస్టులోనూ అదే ఆటతీరును ప్రదర్శిస్తున్నాడు. ఫ్రేసర్ షీట్ బౌలింగ్‌లో ఎల్బీ అయిన జైస్వాల్ డకౌట్‌గా వెనుదిరిగాడు. దీంతో సున్నా పరుగుల వద్దే భారత్ తొలి వికెట్ కోల్పోయింది. ఈ దశలో మరో ఓపెనర్ సాయి సుదర్శన్ (41) రాణించగా, వన్‌డౌన్‌లో వచ్చిన దేవదత్ పడిక్కల్ తన ఫామ్‌ను కంటిన్యూ చేస్తూ అర్థసెంచరీతో మెరిశాడు. ఈ ఇద్దరు రెండో వికెట్‌కు 91 పరుగులు జోడించడంతో భారత ఇన్నింగ్స్ కాస్త కుదుటపడింది. అయితే జర్రోడ్ మెకే బౌలింగ్‌లో క్యాచ్ ఔట్ అయిన సాయి సుదర్శన్ అర్థసెంచరీ మిస్ చేసుకోగా, యశ్ రాథోడ్ 13 పరుగులు చేసి ఔటయ్యాడు. ఆ తర్వాత 140 బంతుల్లో 80 పరుగులు చేసిన పడిక్కల్ ప్రేసర్ షీట్ బౌలింగ్‌లో క్లీన్‌బౌల్డ్ అయ్యాడు. ఆ వెంటనే స్మరణ్ రవిచంద్రన్ గోల్డెన్ డక్‌ కావడంతో 137 పరుగుల వద్ద భారత్ ఐదో వికెట్ కోల్పోయింది. ప్రస్తుతం కెప్టెన్ ధ్రువ్ జురేల్ (7), వాషింగ్టన్ సుందర్ (4) క్రీజులో ఉన్నారు. న్యూజిలాండ్ బౌలర్లలో ఫ్రేసర్ షీట్ మూడు వికెట్లు తీయగా, బ్రెట్ రాండల్‌, జారోడ్ మెకే చెరొక వికెట్‌ తీశారు.ఇదీ చదవండి: జెర్సీ నెంబ‌ర్ '45' మిస్ట‌రీ గుట్టువిప్పిన రోహిత్ శ‌ర్మ‌!

టీమిండియా సీనియ‌ర్ ఆట‌గాడు రోహిత్ శ‌ర్మ న్యూజిలాండ్‌తో వ‌న్డే సిరీస్ ఆడేందుకు సిద్ధ‌మ‌వుతున్నాడు. 2027 వ‌న్డే వ‌ర‌ల్డ్‌క‌ప్ ప్ర‌యాణం త‌న చివ‌రి మ‌జిలీ అని ఇంత‌క‌ముందే చెప్పిన రోహిత్ అప్ప‌టిదాకా ఫామ్‌లో ఉండేందుకు తెగ క‌ష్ట‌ప‌డుతున్నాడు. ఇప్ప‌టికే వ‌న్డే సిరీస్ కోసం న్యూజిలాండ్ వ‌చ్చిన రోహిత్ ఆక్లాండ్‌లో ప్రాక్టీస్ కూడా షురూ చేశాడు. ఈ విష‌యం ప‌క్క‌న‌బెడితే.. టీమిండియా క్రికెట‌ర్లు ధ‌రించే జెర్సీ నెంబ‌ర్ల‌లో అన్నీ గుర్తుండ‌క‌పోయినా.. స‌చిన్‌, కోహ్లి, ధోని, రోహిత్ లాంటి క్రికెట‌ర్ల జెర్సీ నెంబ‌ర్లు మాత్రం మ‌న నోటిమీదే ఆడుతుంటాయి.ఉదాహ‌ర‌ణ‌కు స‌చిన్ జెర్సీ నెంబ‌ర్ చెప్ప‌మంటే.. '10' అని, అలాగే కోహ్లి జెర్సీ నెంబ‌ర్ '18' అని, ధోని జెర్సీ నెంబ‌ర్ '7' అని.. ఇక రోహిత్ శ‌ర్మ జెర్సీ నెంబ‌ర్ చెప్ప‌మంటే ట‌క్కున వ‌చ్చే స‌మాధానం '45'. ఒక్కొక్క‌రి జెర్సీ నెంబ‌ర్ వెనుక ఒక్కో క‌థ ఉన్న‌ట్లే.. రోహిత్ నెంబ‌ర్ 45 వెనుక కూడా క‌థ దాగుంది. తాజాగా రోహిత్ శ‌ర్మ త‌న జెర్సీ నెంబ‌ర్ 45 వెనుక క‌థ‌ను పంచుకున్నాడు.తాను హోస్ట్‌గా వ్యవహరిస్తున్న 'ఫ్యామిలీ ఫుల్ హౌస్ విత్ రోహిత్ శర్మ' అనే గేమింగ్ రియాలిటీ షోలో ఈ విషయాన్ని వెల్లడించాడు. ఈ జెర్సీ నెంబర్‌ను ఎంచుకోవడం వెనుక తన తల్లి పాత్ర కీలకమని రోహిత్ తెలిపాడు. ఈ షోలో నటుడు రాహుల్ లోహాని.. "సర్, 45 నెంబర్ జెర్సీ చూడగానే హిట్ మ్యాన్ వచ్చాడని అందరికీ అర్థమవుతుంది. కానీ మీరు ఈ నెంబర్‌నే ఎందుకు ఎంచుకున్నారు?" అని ప్రశ్నించారు.దీనిపై రోహిత్ శ‌ర్మ స్పందిస్తూ.. ''తొలినాళ్లలో అండర్-19 ఆడుతున్నప్పుడు నాకు 19వ నెంబర్ జెర్సీ కేటాయించారు. ఆ నెంబ‌ర్‌తో జెర్సీ ధ‌రించి ఎంతో ఇష్టంతో ఆడాను. కానీ ఆ తర్వాత సీనియర్ జట్టులోకి వస్తే ఆ నెంబర్‌ను కొనసాగించలేవని ఒకరు చెప్పిన‌ట్లు గుర్తు. ఎందుకంటే అప్పట్లో టీమిండియా కెప్టెన్‌గా ఉన్న రాహుల్ ద్రవిడ్ జెర్సీ నెంబ‌ర్ 19 కావ‌డం గ‌మ‌నార్హం. అందుకే ఆ నెంబర్‌ను వదులుకోవాల్సి వచ్చింది. జాతీయ జ‌ట్టుకు ఎంపిక‌య్యాకా 19 నెంబ‌ర్‌తో ఆడలేనని తెలియగానే, వెంటనే హోటల్‌కు వెళ్లి మా అమ్మకు ఫోన్ చేశాను. ఏ నెంబర్ తీసుకోవాలో చెప్పమని అడిగాను. అప్పుడు అమ్మ 'న్యూమరాలజీ ప్రకారం 9 వచ్చేలా చూసుకో, నీకు మంచిది' అని సలహా ఇచ్చింది. అయితే 9వ నెంబర్ అప్పటికే వేరొకరు తీసుకున్నారని, 27 (2+7=9) తీసుకోవడం ఇష్టం లేదని చెప్పాను. అయితే అదే సమయంలో 4, 5 అంకెలు పక్కపక్కన ఉంటే బాగుంటుందనిపించింది. ఈ విషయాన్ని అమ్మకు చెప్పి, 4+5 కలిపితే 9 వస్తుంది కదా అని ఒప్పించాను. అలా '45' నెంబర్‌ను ఎంచుకున్నాను" అంటూ రోహిత్ శ‌ర్మ‌ తన జెర్సీ వెనుక ఉన్న మిస్ట‌రీని బ‌య‌ట‌పెట్టాడు.ఇక రోహిత్ శ‌ర్మ టీమిండియా కెప్టెన్‌గా 2024 టీ20 ప్ర‌పంచ‌క‌ప్ సాధించాడు. స‌మ‌కాలీన క్రికెట‌ర్ల‌లో బెస్ట్ ఓపెన‌ర్‌గా పేరు పొందిన రోహిత్ శ‌ర్మ 291 వ‌న్డేల్లో 12,120 ప‌రుగులు, 67 టెస్టుల్లో 4,301 ప‌రుగులు, 159 టీ20ల్లో 4,231 ప‌రుగులు సాధించాడు. ఇందులో వ‌న్డేల్లో 36 సెంచ‌రీలు, టెస్టుల్లో 12 సెంచ‌రీలు, టీ20ల్లో 5 సెంచ‌రీలు ఉన్నాయి.ఇదీ చదవండి: ఆస్ట్రేలియా ఓపెన‌ర్ విధ్వంసం.. 9 బంతుల్లోనే హాఫ్ సెంచ‌రీసెమీఫైనల్లో సింధు, లక్ష్యసేన్, అన్‌మోల్‌

సొంత‌గ‌డ్డ‌పై టీమిండియాతో ఐదు మ్యాచ్‌ల టీ20 సిరీస్‌లో న్యూజిలాండ్ ఎట్ట‌కేల‌కు గెలుపు రుచి చూసింది. శుక్ర‌వారం అక్లాండ్ వేదిక‌గా జ‌రిగిన నాలుగో టీ20లో భార‌త్‌పై 87 ప‌రుగుల తేడాతో కివీస్ ఘ‌న విజ‌యం సాధించింది. తొలుత బ్యాటింగ్ చేసిన న్యూజిలాండ్ 7 వికెట్ల న‌ష్టానికి 259 ప‌రుగుల భారీ స్కోర్ సాధించింది.కివీస్ సూప‌ర్ మేన్ గ్లెన్ ఫిలిప్స్‌(107) భారీ సెంచ‌రీతో క‌దం తొక్కాడు. భార‌త బౌల‌ర్ల‌లో మ‌యాంక్ యాద‌వ్ మూడు వికెట్లు ప‌డ‌గొట్టాడు. అనంత‌రం 260 ప‌రుగుల భారీ ల‌క్ష్యంతో బ‌రిలోకి దిగిన టీమిండియా నిర్ణీత 20 ఓవ‌ర్ల‌లో 9 వికెట్ల న‌ష్టానికి 172 ప‌రుగుల‌కే ప‌రిమిత‌మైంది. కివీస్ బౌలింగ్ యూనిట్‌లో జాక‌బ్ డ‌ఫీ నాలుగు వికెట్లు ప‌డ‌గొట్ట‌గా.. కెప్టెన్ మిచెల్ శాంట్న‌ర్‌, మాథ్యూ ఫిష‌ర్ త‌లా రెండు వికెట్లు సాధించారు. ఈ క్ర‌మంలో శాంట్న‌ర్ ఓ అరుదైన రికార్డును త‌న పేరిట లిఖించుకున్నాడు.శాంట్న‌ర్ సరికొత్త చ‌రిత్ర‌టీ20ల్లో భార‌త్‌పై అత్య‌ధిక వికెట్లు ప‌డ‌గొట్టిన బౌల‌ర్‌గా శాంట్న‌ర్ వ‌ర‌ల్డ్ రికార్డు సృష్టించాడు. అతడు ఇప్పటివరకు టీమిండియాపై 31 వికెట్లు తీశాడు. ఇంతకముందు ఈ రికార్డు తన సహచర ఆటగాడు ఇష్ సోధి(30) పేరిట ఉండేది. తాజా ప్రదర్శనతో సోధి ఆల్‌టైమ్ రికార్డును శాంట్నర్ బ్రేక్ చేశాడు.భారత్‌పై అత్యధిక టీ20 వికెట్లు తీసిన బౌలర్లు31 మిచెల్ సాంట్నర్30 ఇష్ సోధి24 క్రిస్ జోర్డాన్22 జోఫ్రా ఆర్చర్/ఆదిల్ రషీద్

టీమిండియాతో నాలుగో టీ20లో విజయంపై న్యూజిలాండ్‌ కెప్టెన్‌ మిచెల్‌ సాంట్నర్‌ స్పందించాడు. సమిష్టి ప్రదర్శన కారణంగానే తమకు విజయం సాధ్యమైందన్నాడు. కాగా సొంతగడ్డపై కివీస్‌ జట్టు భారత్‌తో ఐదు టీ20ల సిరీస్‌ ఆడుతున్న సంగతి తెలిసిందే.ఆరంభంలో తడబడ్డాఇందులో భాగంగా మొదటి టీ20లు గెలిచిన టీమిండియా ఇప్పటికే సిరీస్‌ను కైవసం చేసుకుంది. అయితే, ఇరుజట్ల మధ్య శుక్రవారం నాటి నాలుగో టీ20లో మాత్రం న్యూజిలాండ్‌ ఆధిపత్యం కనబరిచింది. ఆక్లాండ్‌లో టాస్‌ ఓడి తొలుత బ్యాటింగ్‌ చేసిన కివీస్‌.. ఆరంభంలో తడబడ్డా అద్భుత రీతిలో పుంజుకుంది.శతక్కొట్టిన గ్లెన్‌, బ్రేస్‌వెల్‌ మెరుపులుగత మ్యాచ్‌లో విఫలమైన గ్లెన్‌ ఫిలిప్స్‌ ఈసారి మాత్రం దుమ్ములేపాడు. విధ్వంసకర శతకం (49 బంతుల్లో 107)తో విరుచుకుపడి భారత బౌలర్లకు చుక్కలు చూపించాడు. అతడికి తోడుగా మైకేల్‌ బ్రేస్‌వెల్‌ మెరుపు హాఫ్‌ సెంచరీ (25 బంతుల్లో 65)తో ఆకట్టుకున్నాడు. ఫలితంగా కివీస్‌ నిర్ణీత 20 ఓవర్లలో ఏడు వికెట్ల నష్టానికి 259 పరుగులు సాధించింది.172 పరుగులకే పరిమితం చేసిఅనంతరం కివీస్‌ బౌలర్లు గొప్పగా రాణించి.. టీమిండియాను 172 పరుగులకే పరిమితం చేశారు. జేకబ్‌ డఫీ నాలుగు వికెట్లతో సత్తా చాటి భారత బ్యాటింగ్‌ ఆర్డర్‌ను దెబ్బకొట్టాడు. ఈ నేపథ్యంలో విజయానంతరం మిచెల్‌ సాంట్నర్‌ జట్టు ప్రదర్శనపై సంతృప్తి వ్యక్తం చేశాడు.ఈ మేరకు.. ‘‘మేము మరోసారి టాస్‌ ఓడిపోయాము. అయితే, పరిస్థితిని బట్టి రాత్రి మంచు పెద్దగా ప్రభావం చూపదని అర్ధమైపోయింది. ఇక్కడ 260 పరుగుల టార్గెట్‌ కచ్చితంగా మంచి స్కోరే. అయితే, టీమిండియా ఆటగాళ్లను తక్కువగా అంచనా వేయకూడదు.వాళ్లకు జాగ్రత్తగా బౌలింగ్‌ చేయాలిపవర్‌ హిట్టర్లను కట్టడి చేయాలంటే గొప్పగా బౌలింగ్‌ చేయాల్సి ఉంటుంది. ఈరోజు మేము ఆ పని చేసి చూపించాము. పవర్‌ప్లేలోనే వికెట్లు కూల్చడం ద్వారా మా బౌలర్లు మ్యాచ్‌ను మావైపు తిప్పే ప్రయత్నం చేశారు.మంచి లైన్‌ అండ్‌ లెంగ్త్‌తో బౌలింగ్‌ చేసి భారత బ్యాటర్లను కట్టడి చేశారు. గ్లెన్‌ అద్భుతంగా బ్యాటింగ్‌ చేశాడు. అయితే, బీస్ట్‌ (బ్రేస్‌వెల్‌) కూడా సూపర్‌గా బ్యాటింగ్‌ చేసి వేగంగా పరుగులు రాబట్టాడు. ఈ గ్రౌండ్‌ ఆటగాళ్లకు కఠిన సవాలు విసురుతుంది.అయినా సరే మా బ్యాటర్లు, బౌలర్లు అద్భుతంగా రాణించారు. కానీ ఫీల్డింగ్‌లో చాలా తప్పిదాలే చేశాము. క్యాచ్‌లు డ్రాప్‌ చేశాము. ఏదేమైనా సమిష్టి ప్రదర్శనతో విజయం సాధించాము’’ అని మిచెల్‌ సాంట్నర్‌ హర్షం వ్యక్తం చేశాడు. India get another lifeline as Fisher puts down a sitter! 😬 Watch the HERO VIDA India Tour of New Zealand, 4th T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/K0AUxvV0wy— Sony Sports Network (@SonySportsNetwk) October 30, 2026ఈ మ్యాచ్‌లో సాంట్నర్‌ నాలుగు ఓవర్ల కోటా పూర్తి చేసి 24 పరుగులే ఇచ్చి రెండు వికెట్లు కూల్చాడు. అక్షర్‌ పటేల్‌ (7), నితీశ్‌ కుమార్‌ రెడ్డి (21) వికెట్లు తన ఖాతాలో వేసుకున్నాడు. ఇక భారత్‌- కివీస్‌ మధ్య ఆదివారం నాటి ఐదో టీ20కి హామిల్టన్‌ వేదిక.చదవండి: IND vs NZ 4th T20I: చరిత్ర సృష్టించిన న్యూజిలాండ్‌Skipper Santner does it all himself! 👏 Watch the HERO VIDA India Tour of New Zealand, 4th T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/66TFGXItmJ— Sony Sports Network (@SonySportsNetwk) October 30, 2026

న్యూజిలాండ్ ప‌ర్య‌ట‌న‌లో టీమిండియాకు తొలి ఓట‌మి ఎదురైంది. శుక్ర‌వారం అక్లాండ్ వేదిక‌గా జ‌రిగిన నాలుగో టీ20లో 87 ప‌రుగుల తేడాతో భార‌త్ ఓట‌మి పాలైంది. కివీస్ నిర్ధేశించిన 260 ప‌రుగుల ల‌క్ష్యాన్ని చేధించలేక భార‌త జ‌ట్టు చ‌తిక‌ల ప‌డింది. బ్లాక్‌క్యాప్స్ బౌల‌ర్ల ధాటికి టీమిండియా నిర్ణీత 20 ఓవ‌ర్ల‌లో 9 వికెట్లు కోల్పోయి 172 ప‌రుగుల‌కే ప‌రిమిత‌మైంది. కివీస్ సూప‌ర్ స్టార్ గ్లెన్ ఫిలిప్స్‌(107) భారీ సెంచ‌రీతో చెల‌రేగ‌గా.. భార‌త్ నుంచి ఒక్క‌రు కూడా క‌నీసం హాఫ్ సెంచ‌రీ కూడా సాధించ‌లేక‌పోయారు. న్యూజిలాండ్‌ స్పీడ్ స్టార్ జాక‌బ్ డ‌ఫీ నాలుగు వికెట్ల‌తో భార‌త జ‌ట్టును దెబ్బ‌తీశాడు. ఇక ఈ ఓట‌మిపై మ్యాచ్ అనంత‌రం టీమిండియా కెప్టెన్ శ్రేయ‌స్ అయ్య‌ర్ స్పందించాడు. బౌలింగ్‌, బ్యాటింగ్ రెండింటిలోనూ త‌మ స్దాయికి త‌గ్గ ప్ర‌ద‌ర్శ‌న చేయ‌లేక‌పోయామ‌ని శ్రేయ‌స్ చెప్పుకొచ్చాడు."తొలుత బౌలింగ్‌లో మేము విఫ‌ల‌మయ్యాం. ముఖ్యంగా పవర్‌ప్లేలోని మూడో ఓవర్ నుంచే న్యూజిలాండ్ జట్టు ఊపందుకుంది. ఆ త‌ర్వాత‌ మా బౌలర్లు మ్యాచ్‌ను కంట్రోల్ చేయడానికి ప్రయత్నించినప్పటికీ, గ్లెన్ ఫిలిప్స్ త‌న అద్భుత ఇన్నింగ్స్‌తో మాకు అవ‌కాశమివ్వ‌లేదు.అత‌డు ఆడిన కొన్ని షాట్లు నన్ను ఆశ్చ‌ర్య‌ప‌రిచాయి. నిజంగా అత‌డొక అద్భుతం. ఈ సిరీస్ అసాంతం అత‌డు నిల‌క‌డ‌గా రాణించాడు. అతడి నుంచి మేము నేర్చుకోవాల్సింది చాలా ఉంది. మేము ఎక్కడ తప్పిదాలు చేశామో హామిల్ట‌న్‌కు వెళ్లేముందు ఖచ్చితంగా చ‌ర్చిస్తాం. త‌దుప‌రి మ్యాచ్‌లో మా అత్యుత్తమ ప్రదర్శన ఇచ్చేందుకు అన్ని విధాల ప్ర‌య‌త్నిస్తాం. అక్లాండ్ మైదానంలో బౌండ‌రీలు చాలా చిన్న‌విగా ఉంటాయి. ఆ విష‌యం మాకు ముందే తెలుసు. కానీ మా జట్టులోని కొందరు ఆటగాళ్లకు ఇలాంటి మైదానాల్లో ఆడటం ఇదే తొలిసారి. కాబట్టి ఈ వాతావరణానికి, సవాళ్లకు అలవాటు పడటానికి కొంత సమయం పడుతుంది. మొద‌టి మూడు మ్యాచ్‌ల‌లో మా బాయ్స్ అద్భుత‌మైన ప్ర‌ద‌ర్శ‌న క‌న‌బ‌రిచారు. ఈ ప‌ర్య‌ట‌న నుంచి యువ ఆట‌గాళ్లు చాలా విష‌యాలు నేర్చుకుంటారు. మ‌రోసారి ఇక్క‌డికి వచ్చినప్పుడు ఏ విధంగా ఆడాలనే దానిపై స్పష్టమైన అవగాహన ఉంటుంది" అని పోస్ట్ మ్యాచ్ ప్రెజెంటేష‌న్‌లో అయ్య‌ర్ పేర్కొన్నాడు.

సొంతగడ్డపై టీమిండియాతో టీ20 సిరీస్‌లో వరుస పరాజయాల తర్వాత న్యూజిలాండ్‌ ఎట్టకేలకు గెలుపు బోణీ కొట్టింది. ఆక్లాండ్‌ వేదికగా శుక్రవారం నాటి నాలుగో టీ20లో కివీస్‌ ఘన విజయం సాధించింది. భారత జట్టుపై ఏకంగా 87 పరుగుల తేడాతో జయభేరి మోగించింది.గ్లెన్‌ ఫిలిప్స్‌ విధ్వంసకర శతకంఈడెన్‌ పార్క్‌ వేదికగా టాస్‌ గెలిచిన టీమిండియా తొలుత బౌలింగ్‌ ఎంచుకోగా.. న్యూజిలాండ్‌ బ్యాటింగ్‌కు దిగింది. గ్లెన్‌ ఫిలిప్స్‌ విధ్వంసకర శతకం (49 బంతుల్లో 107; 6 ఫోర్లు, 10 సిక్సర్లు) బాదగా.. మైకేల్‌ బ్రేస్‌వెల్‌ మెరుపు అర్ధ శతకం (25 బంతుల్లో 65) సాధించాడు.Glenn Phillips takes the aerial route, sending four consecutive deliveries sailing over the ropes! 💥 Watch the HERO VIDA India Tour of New Zealand, 4th T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/Pi01EhHJvG— Sony Sports Network (@SonySportsNetwk) October 30, 2026259 పరుగుల భారీ స్కోరుఫలితంగా నిర్ణీత 20 ఓవర్లలో కివీస్‌ ఏడు వికెట్ల నష్టానికి ఏకంగా 259 పరుగుల భారీ స్కోరు సాధించింది. తద్వారా అంతర్జాతీయ టీ20 ఫార్మాట్లో టీమిండియాపై అత్యధిక స్కోరు నమోదు చేసిన జట్టుగా ప్రపంచ రికార్డు నెలకొల్పింది. అంతకు ముందు ఈ రికార్డు ఇంగ్లండ్‌ పేరిట ఉండేది. ఇటీవల సౌతాంప్టన్‌లో జరిగిన టీ20 సందర్భంగా భారత్‌పై ఇంగ్లండ్‌ 257/3 స్కోరు నమోదు చేసింది.ఇక మ్యాచ్‌ విషయానికొస్తే.. న్యూజిలాండ్‌ విధించిన 260 పరుగుల భారీ లక్ష్యాన్ని ఛేదించలేక భారత బ్యాటర్లు చేతులెత్తేశారు. ఫలితంగా టీమిండియా 87 పరుగుల తేడాతో చిత్తుగా ఓడిపోయింది. తద్వారా ఐదు మ్యాచ్‌ల సిరీస్‌లో కివీస్‌ టీమిండియా ఆధిక్యాన్ని 3-1కు తగ్గించింది. భారత బ్యాటర్లలో తిలక్‌ వర్మ (35) టాప్‌ రన్‌ స్కోరర్‌గా నిలిచాడు. కివీస్‌ పేసర్‌ జేకబ్‌ డఫీ నాలుగు వికెట్లతో చెలరేగి టీమిండియాను దెబ్బకొట్టాడు.అంతర్జాతీయ టీ20లలో టీమిండియాపై అత్యధిక స్కోర్లు సాధించిన జట్లు ఇవే👉న్యూజిలాండ్‌- 2026లో ఆక్లాండ్‌ వేదికగా 259/7 👉ఇంగ్లండ్‌- 2026లో సౌతాంప్టన్‌ వేదికగా 257/3👉వెస్టిండీస్‌- 2026లో రాంచి వేదికగా 252/4👉వెస్టిండీస్‌- 2026లో హైదరాబాద్‌ వేదికగా 247/3👉ఇంగ్లండ్‌- 2026లో వాంఖడే వేదికగా 246/7👉వెస్టిండీస్‌- 2016లో లాడర్‌హిల్‌ వేదికగా 245/6.చదవండి: IND vs NZ: అర్ష్‌దీప్‌ సింగ్‌ ప్రపంచ రికార్డు

న్యూజిలాండ్‌తో టీ20 సిరీస్‌లో టీమిండియా జైత్రయాత్రకు బ్రేక్‌ పడింది. హ్యాట్రిక్‌ విజయాలతో ఐదు మ్యాచ్‌ల సిరీస్‌ను కైవసం చేసుకున్న భారత జట్టు.. నాలుగో టీ20లో మాత్రం పేలవ ప్రదర్శనతో డీలా పడింది.ఆతిథ్య కివీస్‌ చేతిలో ఏకంగా 87 పరుగుల తేడాతో చిత్తుగా ఓడింది. క్రైస్ట్‌చర్చ్‌ వేదికగా మొదటి, రెండో టీ20లో నాలుగు వికెట్ల తేడాతో గెలుపొందిన శ్రేయస్‌ సేన.. వెల్లింగ్‌టన్‌లో మూడో టీ20లో ఆరు వికెట్ల తేడాతో జయభేరి మోగించింది. 259 పరుగులుఈ క్రమంలో క్లీన్‌స్వీప్‌ లక్ష్యంగా ముందుకు సాగిన టీమిండియాకు నాలుగో టీ20లో కివీస్‌ బ్రేక్‌ వేసింది. ఆక్లాండ్‌లో శుక్రవారం నాటి మ్యాచ్‌లో టాస్‌ గెలిచిన భారత్‌ తొలుత బౌలింగ్‌ ఎంచుకుంది. దీంతో బ్యాటింగ్‌కు దిగిన న్యూజిలాండ్‌ నిర్ణీత 20 ఓవర్లలో ఏడు వికెట్లు నష్టపోయి ఏకంగా 259 పరుగులు సాధించింది.గ్లెన్‌ ఫిలిప్స్‌ ఆకాశమే హద్దుగాటాపార్డర్‌లో ఓపెనర్‌ టిమ్‌ సీఫర్ట్‌ (3) మరోసారి విఫలం కాగా.. ఫిన్‌ అలెన్‌ 17 బంతుల్లో 31 పరుగులు రాబట్టాడు. వన్‌డౌన్‌లో వచ్చిన డారిల్‌ మిచెల్‌ మెరుపు (9 బంతుల్లో 24) ఇన్నింగ్స్‌ ఆడాడు. ఇక గ్లెన్‌ ఫిలిప్స్‌ ఆకాశమే హద్దుగా చెలరేగి శతక్కొట్టాడు.మొత్తంగా 49 బంతుల్లో ఆరు ఫోర్లు, పది సిక్సర్లు బాదిన గ్లెన్‌.. 107 పరుగులు సాధించాడు. మిగిలిన వారిలో మైకేల్‌ బ్రేస్‌వెల్‌ ధనాధన్‌ దంచికొట్టి హాఫ్‌ సెంచరీ (25 బంతుల్లో 65) బాదాడు. భారత బౌలర్లలో మయాంక్‌ యాదవ్‌ మూడు వికెట్లు తీయగా.. అర్ష్‌దీప్‌ సింగ్‌, ప్రిన్స్‌ యాదవ్‌, నితీశ్‌ కుమార్‌ రెడ్డి, అక్షర్‌ పటేల్‌ తలా ఒక వికెట్‌ పడగొట్టారు.ఆది నుంచే తడ‘బ్యా’టుఅనంతరం లక్ష్య ఛేదనకు దిగిన భారత్‌ ఆది నుంచే తడబడింది. ఓపెనర్లలో సంజూ శాంసన్‌ (4) పూర్తిగా విఫలం కాగా.. అభిషేక్‌ శర్మ (15 బంతుల్లో 27) ఫర్వాలేదనిపించాడు. వన్‌డౌన్‌ బ్యాటర్‌ ఇషాన్‌ కిషన్‌ డకౌట్‌ కాగా.. కెప్టెన్‌ శ్రేయస్‌ అయ్యర్‌ (11 బంతుల్లో 22) వేగంగా ఆడే క్రమంలో ఆడం మిల్నే బౌలింగ్‌లో బౌల్డ్‌ అయ్యాడు.అక్షర్‌ పటేల్‌ 7 పరుగులకే పరిమితం కాగా.. మరో ఆల్‌రౌండర్‌ నమన్‌ ధీర్‌ మరోసారి మెరుపులు మెరిపించాడు. పదమూడు బంతుల్లోనే రెండు సిక్సర్లు, రెండు ఫోర్లు బాది 28 పరుగులు చేశాడు. అయితే, జేకబ్‌ డఫీ బౌలింగ్‌లో నమన్‌ బంతిని గాల్లోకి లేపగా.. నాథన్‌ స్మిత్‌ అద్భుత రీతిలో క్యాచ్‌ పట్టాడు.The Kiwis are making amends, one stunning catch at a time! 🙌 Watch the HERO VIDA India Tour of New Zealand, 4th T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/7dPMEdVR3K— Sony Sports Network (@SonySportsNetwk) October 30, 2026 తిలక్‌ వర్మ (35 బంతుల్లో 35) కాసేపు పోరాడినా అప్పటికే పరిస్థితి చేజారిపోయింది. తిలక్‌ తొమ్మిదో వికెట్‌గా వెనుదిరగగా.. ఆఖర్లో ప్రిన్స్‌ యాదవ్‌ 17 బంతుల్లో 18, మయాంక్‌ యాదవ్‌ 4 బంతుల్లో 3 పరుగులతో అజేయంగా నిలిచారు.India get another lifeline as Fisher puts down a sitter! 😬 Watch the HERO VIDA India Tour of New Zealand, 4th T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/K0AUxvV0wy— Sony Sports Network (@SonySportsNetwk) October 30, 2026న్యూజిలాండ్‌ బౌలర్లలో జేకబ్‌ డఫీ నాలుగు వికెట్లతో చెలరేగి.. భారత బ్యాటింగ్‌ ఆర్డర్‌ పతనాన్ని శాసించాడు. మాథ్యూ ఫిషర్‌, కెప్టెన్‌ మిచెల్‌ సాంట్నర్‌ చెరో రెండు వికెట్లు తీయగా.. ఆడం మిల్నే ఒక వికెట్‌ దక్కించుకున్నాడు. టీమిండియా నిర్ణీత 20 ఓవర్లలో తొమ్మిది వికెట్లు కోల్పోయి 172 పరుగులకే పరిమితమైంది.చదవండి: సికందర్‌ రజా ప్రపంచ రికార్డు.. సరికొత్త చరిత్ర

ఆక్లాండ్ వేదిక‌గా టీమిండియాతో జ‌రిగిన నాలుగో టీ20లో న్యూజిలాండ్ స్టార్ బ్యాటర్ గ్లెన్ ఫిలిప్స్ విధ్వంసక‌ర సెంచ‌రీతో చెల‌రేగాడు. మూడో స్ధానంలో బ్యాటింగ్‌కు వ‌చ్చిన ఫిలిప్స్ ఆకాశ‌మే హద్దుగా భారీ షాట్ల‌తో విరుచుకుప‌డ్డాడు. కేవ‌లం 46 బంతుల్లోనే త‌న మూడో టీ20 సెంచ‌రీ మార్క్‌ను అంద‌కున్నాడు.ఓవ‌రాల్‌గా 49 బంతులు ఎదుర్కొన్న ఫిలిప్స్‌.. 10 సిక్సర్లు, 4 ఫోర్ల సాయంతో 107 ప‌రుగులు చేశాడు. ఈ తుపాన్ సెంచ‌రీతో ఫిలిప్స్ ప‌లు అరుదైన రికార్డుల‌ను త‌న పేరిట లిఖించుకున్నాడు.భారత్‌పై ఒక ద్వైపాక్షిక టీ20 సిరీస్‌లో అత్యధిక పరుగులు చేసిన బ్యాటర్‌గా ఫిలిప్స్ చరిత్ర సృష్టించాడు. ఈ సిరీస్‌లో ఇప్ప‌టివ‌ర‌కు 4 మ్యాచ్‌లు ఆడిన ఫిలిప్స్ 92 సగటుతో ఏకంగా 276 పరుగులు చేశాడు. ఇంత‌క‌ముందు ఈ రికార్డు వెస్టిండీస్ కెప్టెన్ షాయ్ హోప్(261) పేరిట ఉండేది. తాజా ఇన్నింగ్స్‌తో హోప్‌ను ఫిలిప్స్ అధిగ‌మించాడు.భారత్‌పై టీ20 సిరీస్‌లో అత్యధిక పరుగులు చేసిన బ్యాటర్లు వీరేగ్లెన్ ఫిలిప్స్ (న్యూజిలాండ్, 2026): 276 పరుగులుషాయ్ హోప్ (వెస్టిండీస్, 2026): 261 పరుగులుహ్యారీ బ్రూక్ (ఇంగ్లండ్, 2026): 229 పరుగులుషెర్ఫేన్ రూథర్‌ఫోర్డ్ (వెస్టిండీస్, 2026): 221 పరుగులునికోలస్ పూరన్ (వెస్టిండీస్, 2022): 184 పరుగులుఅదేవిధంగా భారత్‌పై ఒక ద్వైపాక్షిక సిరీస్‌లో 3 కంటే ఎక్కువ అర్ధసెంచరీలు సాధించిన మూడో ఆటగాడిగా నికోలస్ పూరన్, షాయ్ హోప్‌ల సరసన ఫిలిప్స్ నిలిచాడు.అంతేకాకుండా టీ20లలో 4వ స్థానంలో బ్యాటింగ్‌కు వచ్చి మూడో అంతకంటే ఎక్కువ సెంచరీలు చేసిన రెండో బ్యాట‌ర్‌గా భార‌త మాజీ కెప్టెన్ సూర్యకుమార్ యాదవ్ రికార్డును ఫిలిప్స్ స‌మం చేశాడు.కాగా ఫిలిప్స్ విధ్వంసానికి మైఖేల్ బ్రేస్‌వెల్ (25 బంతుల్లో 65) మెరుపులు తోడవడంతో మొదట బ్యాటింగ్ చేసిన న్యూజిలాండ్ నిర్ణీత 20 ఓవర్లలో 7 వికెట్ల న‌ష్టానికి కివీస్‌ భారీ స్కోరు సాధించింది.

అక్లాండ్ వేదికగా న్యూజిలాండ్‌తో జరుగుతున్న నాలుగో టీ20లో టీమిండియా స్టార్ పేసర్ అర్ష్‌దీప్ సింగ్ పలు అరుదైన రికార్డులను తన ఖాతాలో వేసుకున్నాడు. ఈ మ్యాచ్‌లో 4 ఓవర్లు బౌలింగ్ చేసిన అర్ష్‌దీప్ 38 పరుగులిచ్చి ఒక వికెట్ పడగొట్టాడు. తద్వారా ఒక క్యాలెండర్ ఈయర్‌లో టీ20ల్లో ఐసీసీ ఫుల్ మెంబర్ టీమ్ తరపున అత్యధిక వికెట్లు పడగొట్టిన బౌలర్‌గా అర్ష్‌దీప్ వరల్డ్ రికార్డు సృష్టించాడు.ఈ ఏడాది అర్ష్‌దీప్ ఇప్పటివరకు 40 వికెట్లు పడగొట్టాడు. ఇంతకుముందు ఈ రికార్డు ఐర్లాండ్ పేసర్ జోష్ లిటిల్ పేరిట ఉండేది. 2022 క్యాలెండర్ ఇయర్‌లో జోష్ లిటిల్ 39 వికెట్లు తీశాడు. తాజా మ్యాచ్‌తో లిటిల్ ఆల్‌టైమ్ రికార్డును ఈ పంజాబ్ పేసర్ బ్రేక్ చేశాడు.అదేవిధంగా అర్ష్‌దీప్ మరో అరుదైన రికార్డును తన పేరిట లిఖించుకున్నాడు. అంతర్జాతీయ టీ20ల్లో 150 వికెట్ల మైలురాయిని అందుకున్న తొలి భారత బౌలర్‌గా అర్ష్‌దీప్ రికార్డులకెక్కాడు. 103 మ్యాచ్‌ల్లో అతడు ఈ ఫీట్‌ను నమోదు చేశాడు. అయితే అత్యంత వేగంగా ఈ ఫీట్‌ను అందుకున్న మూడో బౌలర్‌గా అర్ష్‌దీప్(2143 బంతులు) నిలిచాడు. ఈ జాబితాలో శ్రీలంక స్పిన్నర్ వనిందు హసరంగా(2035) అగ్రస్దానంలో ఉన్నాడు.ఒక క్యాలెండర్ ఈయర్‌లో అత్యధిక టీ20 వికెట్లు పడగొట్టిన బౌలర్లు40 అర్షదీప్ సింగ్ (2026)39 జోష్ లిటిల్ (2022)38 వనిందు హసరంగ (2024)37 భువనేశ్వర్ కుమార్ (2022)అత్యంత తక్కువ బంతుల్లో 150 వికెట్లు అందుకున్న ప్లేయర్లు వీరే2035 వనిందు హసరంగా2098 రషీద్ ఖాన్2143 అర్ష్‌దీప్ సింగ్2320 ఎహ్సాన్ ఖాన్చదవండి: సికందర్‌ రజా ప్రపంచ రికార్డు.. సరికొత్త చరిత్ర

టీమిండియా కెప్టెన్ శ్రేయ‌స్ అయ్య‌ర్ టీ20 క్రికెట్‌లో స‌రికొత్త చ‌రిత్ర సృష్టించాడు. అంత‌ర్జాతీయ టీ20 క్రికెట్‌లో కెప్టెన్‌గా అత్య‌ధిక మ్యాచ్‌ల్లో టాస్ నెగ్గిన కెప్టెన్‌గా శ్రేయ‌స్ అయ్య‌ర్ నిలిచాడు. శ్రేయ‌స్ ఇప్ప‌టివ‌ర‌కు 25 మ్యాచ్‌ల్లో 19 సార్లు టాస్ నెగ్గి తొలి స్థానంలో ఉండ‌గా, వెస్టిండీస్ క్రికెట‌ర్ డారెన్ సామీ, పాక్ ఆట‌గాడు స‌ల్మాన్ అలీ అగాలు కెప్టెన్‌గా తమ తొలి 25 మ్యాచ్‌ల్లో చెరో 17 సార్లు టాస్ నెగ్గి రెండో స్థానంలో ఉన్నారు.కాగా శ్రేయస్ తన తొలి 25 మ్యాచ్‌ల్లో ఇన్నిసార్లు టాస్ నెగ్గడం కూడా అతడికి ప్రత్యేకంగా నిలిచిందని చెప్పొచ్చు. టాస్‌లు గెలిచినట్లే మ్యాచ్‌లు గెలవడంలోనూ అదే జోరు చూపిస్తున్నాడు. ఇప్పటి వరకు శ్రేయస్ కెప్టెన్‌గా 25 మ్యాచ్‌ల్లో 14 మ్యాచ్‌లు గెలవగా, ఎనిమిదింటిలో ఓటమి చవిచూశాడు. మరో రెండు మ్యాచ్‌ల్లో ఫలితం తేలలేదు. ప్రస్తుతం న్యూజిలాండ్‌తో జరుగుతున్న టీ20 సిరీస్‌లో వరుసగా నాలుగు మ్యాచ్‌ల్లోనూ శ్రేయస్ టాస్ గెలవడం విశేషం.ఇక మ్యాచ్ విషయానికొస్తే.. 6 ఓవర్లు ముగిసేసరికి న్యూజిలాండ్ రెండు వికెట్ల నష్టానికి 67 పరుగులు చేసింది. గ్లెన్‌ ఫిలిప్స్‌ (26), ఫిన్‌ అలెన్‌ (12) క్రీజులో ఉన్నారు. అంతకముందు మయాంక్ యాదవ్ కివీస్ ఓపెనర్ టిమ్ సీఫెర్ట్ (3)తో పాటు డారిల్ మిచెల్ (24) వికెట్లను పడగొట్టి భారత్‌కు బ్రేక్ ఇచ్చాడు. ఈ మ్యాచ్‌లో భారత్ రెండు మార్పులతో బరిలోకి దిగింది. ఇషాన్ కిషన్‌, మయాంక్ యాదవ్ జట్టులోకి రాగా.. వైభవ్ సూర్యవంశీ, భువనేశ్వర్ కుమార్‌లు బెంచ్‌కు పరిమితమయ్యారు.🚨 MOST TOSSES WON AS CAPTAIN AFTER 25 MATCHES IN INT'L CRICKET: Shreyas Iyer - 19*. Darren Sammy - 17. - Captain Shreyas Iyer has the Most in History! 🔥 https://t.co/a4j6HeCqgZ— Tanuj (@ImTanujSingh) October 30, 2026 Ravi Shastri on the mic at the toss. Some things never go out of style! 😎 Watch the HERO VIDA India Tour of New Zealand, 4th T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/ZpRCP8ufRK— Sony Sports Network (@SonySportsNetwk) October 30, 2026ఇదీ చదవండి: వన్డేలకు అతడు దూరం.. ఆ జట్టులోకి సిరాజ్‌, నితీశ్‌ రెడ్డి: బీసీసీఐఉద‌య‌మే వ‌చ్చాడు.. సాయంత్రానికి ప్రాక్టీస్ మొద‌లెట్టేశాడు!

టీమిండియా ప్రస్తుతం న్యూజిలాండ్‌ పర్యటనలో ఉంది. ఇప్పటికే ఐదు టీ20 సిరీస్‌లో మూడు మ్యాచ్‌లు పూర్తి చేసుకున్న భారత్‌.. 3-0తో సిరీస్‌ కైవసం చేసుకుంది. ఆక్లాండ్‌, హామిల్టన్‌లో మిగిలిన రెండు నామమాత్రపు టీ20 మ్యాచ్‌ల తర్వాత కివీస్‌తో నవంబరు 4 నుంచి వన్డే సిరీస్‌ మొదలుపెడుతుంది.ఇంకొన్నాళ్లు విశ్రాంతిఈ నేపథ్యంలో భారత క్రికెట్‌ నియంత్రణ మండలి (BCCI) కీలక ప్రకటన విడుదల చేసింది. పేసర్‌ ప్రసిద్‌ కృష్ణ న్యూజిలాండ్‌తో వన్డే సిరీస్‌కు దూరమైనట్లు ప్రకటించింది. ఈ కర్ణాటక బౌలర్‌ పూర్తిస్థాయి ఫిట్‌నెస్‌ సాధించలేదని.. అందుకే సిరీస్‌ మొత్తానికి అందుబాటులో ఉండడని శుక్రవారం తెలిపింది. ఈ రైటార్మ్‌ పేసర్‌ తొడ కండరాల గాయంతో బాధపడుతున్నాడని.. అతడికి ఇంకొన్నాళ్లు విశ్రాంతి అవసరమని పేర్కొంది.రెండో అనధికారిక టెస్టుకు సిరాజ్‌.. మూడో మ్యాచ్‌కు నితీశ్‌ ఇదిలా ఉంటే.. న్యూజిలాండ్‌- ‘ఎ’ జట్టుతో భారత్‌- ‘ఎ’ జట్టు మూడు మ్యాచ్‌ల అనధికారిక టెస్టు సిరీస్‌లో తలపడుతున్న సంగతి తెలిసిందే. ధ్రువ్‌ జురెల్‌ సారథ్యంలో తొలి అనధికారిక టెస్టును డ్రా చేసుకున్న భారత్‌.. అక్టోబరు 31 నుంచి రెండో మ్యాచ్‌ మొదలుపెట్టనుంది.భారత్‌- ‘ఎ’ జట్టులోకి ప్రసిద్‌ఈ నేపథ్యంలో టీమిండియా సీనియర్‌ పేసర్‌, హైదరాబాదీ మహ్మద్‌ సిరాజ్‌ కివీస్‌- ‘ఎ’ జట్టుతో రెండో అనధికారిక టెస్టులో భాగమవుతాడని బీసీసీఐ ప్రకటించింది. అదే విధంగా.. ఆంధ్ర ఆల్‌రౌండర్‌ నితీశ్‌ కుమార్‌ రెడ్డి మూడో అనధికారిక టెస్టు కోసం భారత్‌- ‘ఎ’ జట్టుతో చేరతాడని తెలిపింది. అంతేకాదు మొదటి వన్డేకు మాత్రమే అతడు అందుబాటులో ఉంటాడని తెలిపింది.ఇక ప్రసిద్‌ కృష్ణ సైతం ఫిట్‌నెస్‌ పరీక్ష తర్వాత పూర్తి స్థాయిలో కోలుకున్నట్లు తేలితే కివీస్‌- ‘ఎ’తో మూడో మ్యాచ్‌ కోసం జట్టులోకి వస్తాడని యాజమాన్యం తెలిపింది.న్యూజిలాండ్‌-‘ఎ’ జట్టుతో రెండో అనధికారిక టెస్టు కోసం భారత్‌- ‘ఎ’ జట్టు (అప్‌డేటెడ్‌)యశస్వి జైస్వాల్, సాయి సుదర్శన్, దేవదత్ పడిక్కల్, యశ్‌ రాథోడ్, ఆర్. స్మరణ్, ధ్రువ్ జురెల్ (కెప్టెన్‌, వికెట్‌ కీపర్‌), వాషింగ్టన్ సుందర్, మహ్మద్‌ సిరాజ్, ఆకాశ్‌ దీప్, శిఖర్ మోహన్, ముకేష్ చౌదరి, ముకేష్ కుమార్, మానవ్ సుతార్, కుమార్ కుషాగ్రా (వికెట్‌ కీపర్‌).న్యూజిలాండ్‌తో మొదటి మూడు వన్డేలకు భారత జట్టు (అప్‌డేటెడ్‌)శుభ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్‌ కెప్టెన్‌), కేఎల్ రాహుల్ (వికెట్‌ కీపర్‌), అక్షర్ పటేల్, నమన్ ధీర్, అన్షుల్ కాంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్‌ కీపర్‌), మహ్మద్ సిరాజ్‌, కుల్దీప్‌ యాదవ్‌, నితీశ్‌ రెడ్డి (మొదటి వన్డేకు మాత్రమే)న్యూజిలాండ్‌తో నాలుగు, ఐదో వన్డేలకు భారత జట్టు (అప్‌డేటెడ్‌)శ్రేయస్ అయ్యర్ (కెప్టెన్‌), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వికెట్‌ కీపర్‌, వైస్‌ కెప్టెన్‌), అక్షర్ పటేల్, నమన్ ధీర్,ఘాకిబ్ నబీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుషాగ్రా (వికెట్‌ కీపర్‌), మహ్మద్ సిరాజ్, యశ్‌ ఠాకూర్‌, కుల్దీప్‌ యాదవ్‌.ఇవీ చదవండి: చ‌రిత్ర సృష్టించిన ర‌షీద్ ఖాన్‌అతడి కోసం త్యాగం చేశాడు.. సంజూ భయ్యా గొప్పోడు: అభిషేక్‌

అక్లాండ్ వేదిక‌గా జ‌రిగిన నాలుగో టీ20లో టీమిండియాపై 87 ప‌రుగుల తేడాతో న్యూజిలాండ్ ఘ‌న విజ‌యం సాధించింది. 260 ప‌రుగుల భారీ ల‌క్ష్యంతో బ‌రిలోకి దిగిన భార‌త్ 20 ఓవ‌ర్ల‌లో 9 వికెట్లు కోల్పోయి 172 ప‌రుగుల‌కే ఆలౌటైంది. కివీస్ పేస‌ర్ జాక‌బ్ డ‌ఫీ నాలుగు వికెట్ల‌తో టీమిండియాను దెబ్బ తీయ‌గా.. మాథ్యూ ఫిష‌ర్‌, మిచెల్ శాంట్న‌ర్ త‌లా రెండు వికెట్లు ప‌డ‌గొట్టారు. భార‌త బ్యాట‌ర్ల‌లో తిల‌క్ వ‌ర్మ‌(35) టాప్ స్కోర‌ర్‌గా నిలిచాడు.NZ Vs IND 4th T20I Updates..తొమ్మిదో వికెట్‌ కోల్పోయిన భారత్‌18.4వ ఓవర్‌: మాథ్యూ ఫిషర్‌ బౌలింగ్‌లో సీఫర్ట్‌కు క్యాచ్‌ ఇచ్చి పెవిలియన్‌ చేరిన తిలక్‌ (35 బంతుల్లో 35).పదిహేను ఓవర్లలో భారత్‌ స్కోరు: 133-8తిలక్‌ 11, ప్రిన్స్‌ 6 పరుగులతో ఉన్నారు.13 ఓవర్లలో టీమిండియా స్కోరు: 127-8విజయానికి 42 బంతుల్లో 133 పరుగులు కావాలి. తిలక్‌​ 6, ప్రిన్స్‌ యాదవ్‌ 5 పరుగులతో ఉన్నారు.ఎనిమిదో వికెట్‌ కోల్పోయిన టీమిండియా11.3వ ఓవర్‌: డఫీ బౌలింగ్‌లో అర్ష్‌దీప్‌ డకౌట్‌.ఏడో వికెట్‌ కోల్పోయిన టీమిండియా11.2వ ఓవర్‌: జేకబ్‌ డఫీ బౌలింగ్‌లో నమన్‌ ధీర్‌ బంతిని గాల్లోకి లేపగా నాథన్‌ స్మిత్‌ అద్భుత రీతిలో క్యాచ్‌ పట్టాడు. నమన్‌ 13 బంతుల్లో 28 పరుగులు చేసి పెవిలియన్‌ చేరాడు. అర్ష్‌దీప్‌ సింగ్‌ 0, తిలక్‌ వర్మ ఆరు పరుగులతో ఉన్నారు. పది ఓవర్లలో భారత్‌ స్కోరు: 107-6నమన్‌ ధీర్‌ 8 బంతుల్లో 18, తిలక్‌ వర్మ 2 బంతుల్లో 3 పరుగులతో ఉన్నారు. ఆరో వికెట్‌ కోల్పోయిన భారత్‌8.4వ ఓవర్‌:సాంట్నర్‌ బౌలింగ్‌లో అక్షర్‌ (7) అవుట్‌. తిలక్‌ వర్మ 3 పరుగులతో ఉన్నాడు.ఐదో వికెట్‌ కోల్పోయిన భారత్‌8.1వ ఓవర్‌: సాంట్నర్‌ బౌలింగ్‌లో బ్రేస్‌వెల్‌కు క్యాచ్‌ ఇచ్చి నితీశ్‌(10 బంతుల్లో 21) అవుట్‌. తిలక్‌ వర్మ క్రీజులోకి రాగా.. అక్షర్‌ 7 పరుగులతో ఉన్నాడు. స్కోరు: 86-5. విజయానికి 71 బంతుల్లో 174 పరుగులు కావాలి.ఎనిమిది ఓవర్లలో భారత్‌ స్కోరు: 86-4నితీశ్‌ 21, అక్షర్‌ 7 పరుగులతో ఉన్నారు.పవర్‌ ప్లేలో భారత్‌ స్కోరు: 61-4 (6 ఓవర్లు)అక్షర్‌ 5, నితీశ్‌ ఒక పరుగుతో ఉన్నారు.నాలుగో వికెట్‌ కోల్పోయిన భారత్‌5.3వ ఓవర్‌: మిల్నే బౌలింగ్‌లో శ్రేయస్‌ అ‍య్యర్‌ బౌల్డ్‌ (11 బంతుల్లో 22). నితీశ్‌ కుమార్‌ రెడ్డి క్రీజులోకి వచ్చాడు. టీమిండియా మూడో వికెట్‌ డౌన్‌టీమిండియా మూడో వికెట్‌ కోల్పోయింది. 27 పరుగులు చేసిన అభిషేక్‌ శర్మ.. ఫిషర్‌ బౌలింగ్‌లో పెవిలియన్‌కు చేరాడు.4.3 ఓవర్లలో భారత్‌ స్కోర్‌: 50-3ఒకే ఓవర్‌లో రెండు వికెట్లు.. సంజూ, కిషన్‌ అవుట్‌260 పరుగుల భారీ లక్ష్యంతో బరిలోకి దిగిన భారత్‌కు ఆదిలోనే భారీ షాక్‌ తగిలింది. డఫీ వేసిన తొలి ఓవర్‌లోనే సంజూ శాంసన్‌(4), కిషన్‌ ఔటయ్యారు.గ్లెన్‌ ఫిలిప్స్‌ విధ్వంసకర శతకంగ్లెన్‌ ఫిలిప్స్‌ 46 బంతుల్లోనే శతక్కొట్టాడు. మొత్తంగా 49 బంతుల్లో ఆరు ఫోర్లు, పది సిక్సర్ల సాయంతో 107 పరుగులు చేశాడు. మిగిలిన వారిలో ఫిన్‌ అలెన్‌ (17 బంతుల్లో 31), మైకేల్‌ బ్రాస్‌వెల్‌ (25 బంతుల్లో 65) మెరుపులు మెరిపించారు.భారత బౌలర్లలో మయాంక్‌ యాదవ్‌ మూడు వికెట్లు తీయగా.. అర్ష్‌దీప్‌ సింగ్‌, ప్రిన్స్‌ యాదవ్‌, నితీశ్‌ కుమార్‌ రెడ్డి, అక్షర్‌ పటేల్‌ తలా ఒక వికెట్‌ పడగొట్టారు.కివీస్‌స్కోరు: 259-7(20)ఏడో వికెట్‌ కోల్పోయిన కివీస్‌19.2వ ఓవర్‌: నితీశ్‌ రెడ్డి బౌలింగ్‌లో అభిషేక్‌ శర్మకు క్యాచ్‌ ఇచ్చి అవుటైన శతక వీరుడు గ్లెన్‌ ఫిలిప్స్‌ (49 బంతుల్లో 107; 6 ఫోర్లు, 10 సిక్స్‌లు)ఆరో వికెట్‌ కోల్పోయిన కివీస్‌18.6వ ఓవర్‌: అర్ష్‌దీప్‌ బౌలింగ్‌లో నితీశ్‌ రెడ్డికి క్యాచ్‌ ఇచ్చి వెనుదిరిగిన సాంట్నర్‌ (5). స్కోరు: 246-6 (19)‌46 బంతుల్లోనే శతక్కొట్టిన గ్లెన్‌ ఫిలిప్స్‌18.2వ ఓవర్‌: అర్ష్‌దీప్‌ బౌలింగ్‌లో సిక్సర్‌ బాది సెంచరీ పూర్తి చేసుకున్న గ్లెన్‌ ఫిలిప్స్‌18 ఓవర్లలో కివీస్‌ స్కోరు: 232-5గ్లెన్‌ ఫిలిప్స్‌ 92, సాంట్నర్‌ మూడు పరుగులతో ఉన్నారు.200 మార్క్ దాటిన న్యూజిలాండ్‌ఇన్నింగ్స్ 15.5 ఓవ‌ర్‌లో న్యూజిలాండ్ 200 ప‌రుగుల మార్క్‌ను దాటింది. గ్లెన్ పిలిప్స్ (84), మైకెల్ బ్రాస్‌వెల్ (45) ప‌రుగుల‌తో క్రీజులో ఉన్నారు. ప్ర‌స్తుతం కివీస్ 16 ఓవ‌ర్ల‌లో 4 వికెట్ల న‌ష్టానికి 206 ప‌రుగులు చేసింది.ఫిఫ్టీ బాదిన గ్లెన్ ఫిలిప్స్‌మ్యాచ్‌లో గ్లెన్ ఫిలిప్స్ అర్థ‌శ‌త‌కం సాధించాడు. 31 బంతుల్లో ఫిఫ్టీ మార్క్ అందుకున్న ఫిలిప్స్ ఇన్నింగ్స్‌లో 5 ఫోర్లు, 4 సిక్స‌ర్లు ఉన్నాయి. 14 ఓవ‌ర్లు ముగిసేస‌రికి కివీస్ స్కోరు 167-4గా ఉంది.మయాంక్ ఖాతాలో మూడో వికెట్‌మయాంక్ యాదవ్ మరోసారి మెరిశాడు. మయాంక్ వేసిన (ఇన్నింగ్స్‌ 10.4 ఓవర్‌) బంతిని భారీ షాట్‌కు యత్నించిన బెవన్ జాకబ్స్ అర్షదీప్‌సింగ్‌కు క్యాచ్ ఇచ్చి వెనుదిరిగడంతో న్యూజిలాండ్ నాలుగో వికెట్ కోల్పోయింది. మయాంక్ ఖాతాలో ఇది మూడో వికెట్ కావడం విశేషం. ప్రస్తుతం కివీస్ 11 ఓవర్లలో 4 వికెట్ల నష్టానికి 113 పరుగులతో ఆడుతుంది. గ్లెన్ ఫిలిప్స్ (43) పరుగులు, బ్రాస్‌వెల్ (4) పరుగులతో క్రీజులో ఉన్నారు.ఫిన్‌ అలెన్‌ (31) ఔట్‌ఇన్నింగ్స్‌ 7.6 ఓవర్‌ బంతికి అక్షర్‌పటేల్‌ బౌలింగ్‌ లో ఫిన్‌ అలెన్‌ (31) క్యాచ్‌ ఔట్‌గా వెనుదిరగడంతో న్యూజిలాండ్ మూడో వికెట్‌ కోల్పోయింది. ప్రస్తుతం న్యూజిలాండ్‌ స్కోరు (93-3)గా ఉంది.ముగిసిన పవర్‌ ప్లేపవర్‌ ప్లే (0-6 ఓవర్లు) ముగిసేసరికి న్యూజిలాండ్‌ రెండు వికెట్ల నష్టానికి 67 పరుగులు చేసింది. గ్లెన్‌ ఫిలిప్స్‌ (26), ఫిన్‌ అలెన్‌ (12) క్రీజులో ఉన్నారు.ఫిప్టీ మార్క్‌ దాటిన కివీస్‌ఇన్నింగ్స్‌ 4.4 ఓవర్‌ వద్ద​ న్యూజిలాండ్‌ ఫిఫ్టీ మార్క్‌ను దాటింది. గ్లెన్‌ ఫిలిప్స్‌ (12), ఫిన్‌ అలెన్‌ (12) క్రీజులో ఉన్నారు.రెండో వికెట్‌ కోల్పోయిన న్యూజిలాండ్‌2.5వ ఓవర్‌: డారిల్‌ మిచెల్‌ (9 బంతుల్లో 24)ను వికెట్ల ముందు దొరకబుచ్చుకున్న మయాంక్‌ యాదవ్‌. గ్లెన్‌ ఫిలిప్స్‌ క్రీజులోకి రాగా.. ఫిన్‌ అలెన్‌ ఐదు పరుగులతో ఉన్నాడు. స్కోరు: 34-2 (3).Mayank Yadav brings out the 143 kph thunderbolt and catches Daryl Mitchell plumb! 🚀 Watch the HERO VIDA India Tour of New Zealand, 4th T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/JzBmdw0hMJ— Sony Sports Network (@SonySportsNetwk) October 30, 2026తొలి వికెట్‌ కోల్పోయిన కివీస్‌0.6వ ఓవర్‌: మయాంక్‌ యాదవ్‌ బౌలింగ్‌లో తొలి వికెట్‌గా వెనుదిరిగిన టిమ్‌ సీఫర్ట్‌ (3). డారిల్‌ మిచెల్‌ క్రీజులోకి రాగా.. ఫిన్‌ అలెన్‌ 1 పరుగుతో ఉన్నాడు. కివీస్‌ స్కోరు: 5-1(1).YADAVS AT WORK! ⚡ Mayank sets it up, Prince finishes the job! The pace duo combines to send Tim Seifert packing. 🎯 Watch the HERO VIDA India Tour of New Zealand, 4th T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND— Sony Sports Network (@SonySportsNetwk) October 30, 2026టాస్‌ గెలిచిన భారత్‌నాలుగో టీ20 మ్యాచ్‌లో టాస్ గెలిచిన భార‌త్ బౌలింగ్ ఎంచుకుంది. రెండు, మూడు టీ20ల‌కు గాయంతో దూర‌మైన ఇషాన్ కిష‌న్ తిరిగి జ‌ట్టులోకి రావ‌డంతో వైభ‌వ్ సూర్య‌వంశీ బెంచ్‌కు ప‌రిమితం కాగా.. భువనేశ్వర్‌ స్థానంలో మయాంక్‌ యాదవ్‌ తుది జట్టులోకి వచ్చినట్లు కెప్టెన్‌ శ్రేయస్‌ అయ్యర్‌ వెల్లడించాడు. మ‌రోవైపు న్యూజిలాండ్ జ‌ట్టు ఈ మ్యాచ్‌కు ఒక మార్పుతో బ‌రిలోకి దిగింది. కైల్ జేమీస‌న్ స్థానంలో నాథ‌న్ స్మిత్ జ‌ట్టులోకి వ‌చ్చిన‌ట్లు కెప్టెన్ మిచెల్ సాంట్న‌ర్ తెలిపాడు.న్యూజిలాండ్ తుదిజట్టు: ఫిన్ అలెన్, టిమ్ సీఫెర్ట్(వికెట్‌ కీపర్‌), డారిల్ మిచెల్, గ్లెన్ ఫిలిప్స్, బెవాన్ జాకబ్స్, మైఖేల్ బ్రేస్‌వెల్, మిచెల్ సాంట్నర్(కెప్టెన్‌), నాథన్ స్మిత్, ఆడమ్ మిల్నే, జాకబ్ డఫీ, మాథ్యూ ఫిషర్భారత్ తుదిజట్టు: అభిషేక్ శర్మ, సంజు సామ్సన్(వికెట్‌ కీపర్‌), ఇషాన్ కిషన్, శ్రేయస్ అయ్యర్(కెప్టెన్‌), తిలక్ వర్మ, నితీష్ కుమార్ రెడ్డి, నమన్ ధీర్, అక్షర్ పటేల్, అర్ష్‌దీప్ సింగ్, మయాంక్ యాదవ్, ప్రిన్స్ యాదవ్#TeamIndia opt to bowl first at Eden Park. Ishan Kishan and Mayank Yadav back in the XI. Updates ▶️ https://t.co/fx264c9iLe #NZvIND https://t.co/9PxADM0gvq— BCCI (@BCCI) October 30, 2026ఇదీ చదవండి: ఉద‌య‌మే వ‌చ్చాడు.. సాయంత్రానికి ప్రాక్టీస్ మొద‌లెట్టేశాడు!చ‌రిత్ర సృష్టించిన శ్రేయ‌స్ అయ్య‌ర్‌

న్యూజిలాండ్‌తో వన్డే సిరీస్ ఆడేందుకు టీమిండియా స్టార్ బ్యాటర్ విరాట్ కోహ్లి ఆక్లాండ్‌లో అడుగుపెట్టాడు. అయితే ఆక్లాండ్ విమానాశ్రయంలో కోహ్లి అడుగుపెట్టిన సంగతి తెలుసుకున్న అభిమానులు అతడిని చూడటానికి భారీ సంఖ్యలో తరలివచ్చారు. సెల్ఫీలు, ఆటోగ్రాఫ్‌లు, కరచాలనం కోసం ఎగబడ్డారు. దీంతో పరిస్థితి గందరగోళంగా మారడంతో అక్కడి సెక్యూరిటీ సిబ్బంది కలగజేసుకొని కోహ్లిని అక్కడి నుంచి సురక్షితంగా తరలించారు.అయితే కోహ్లి రాక విషయాన్ని ముందే తెలుసుకున్న ఎయిర్‌పోర్టు అధికారులు ఐదుగురు భద్రతా సిబ్బందిని నియమించినప్పటికీ, కోహ్లిని చూసేందుకు భారీ సంఖ్యలో అభిమానులు రావడంతో పరిస్థితి అదుపు తప్పింది. దీంతో రెట్టింపు భద్రతా సిబ్బందిని బరిలోకి దింపి అభిమానులను కట్టడి చేయాల్సి వచ్చింది.ఇక కోహ్లి ఎయిర్‌పోర్టు నుంచి నేరుగా ఈడెన్ పార్క్ మైదానానికి చేరుకొని టీమిండియా జ‌ట్టుతో క‌లిశాడు. అలా ఉద‌యం న్యూజిలాండ్ గ‌డ్డ‌పై అడుగుపెట్టిన కోహ్లి.. సాయంత్రానికి గ్రౌండ్‌లో దిగి సీరియ‌స్‌గా ప్రాక్టీస్ చేసిన ఫొటోలు, వీడియోలు సోష‌ల్‌మీడియాలో వైర‌ల్‌గా మారాయి. రోహిత్‌తో క‌లిసి బ్యాటింగ్ ప్రాక్టీస్ చేసిన కోహ్లి, ఆ త‌ర్వాత నెట్స్‌లో క‌ఠోర సాధ‌న చేశాడు.న‌వంబ‌ర 4 నుంచి న్యూజిలాండ్‌తో వ‌న్డే సిరీస్ ప్రారంభం కానున్న నేప‌థ్యంలో ఇప్ప‌టికే కెప్టెన్ శుబ్‌మ‌న్ గిల్‌, కేఎల్ రాహుల్‌, రోహిత్ శ‌ర్మ ఆక్లాండ్‌కు చేరుకున్నారు. తాజాగా కోహ్లి కూడా వీరితో క‌లవ‌డంతో సీనియ‌ర్ జ‌ట్టు కన్నుల పండువ‌గా క‌నిపిస్తోంది. అయితే గిల్ గురువారం భారత టీ20 జట్టుతో కలిసి శిక్షణ తీసుకుంటూ కనిపించాడు. ఈ నేప‌థ్యంలో శిక్షణ సమయంలో గిల్‌ నుదుటిపై 'టెంపుల్' అనే ఫిట్‌నెస్ ట్రాకింగ్ పరికరం ప్ర‌త్యేక ఆక‌ర్ష‌ణ‌గా నిలిచింది.నేడు ఇదే ఆక్లాండ్ వేదిక‌గా భార‌త్, న్యూజిలాండ్ నాలుగో టీ20లో త‌ల‌ప‌డుతున్నాయి. వెల్లింగ్ట‌న్ వేదిక‌గా జ‌రిగిన మూడో టీ20లో 199 ప‌రుగుల టార్గెట్‌ను 13.2 ఓవ‌ర్ల‌లోనే ఛేదించ‌డం విశేషం. అభిషేక్ శ‌ర్మ 38 బంతుల్లో 113 ప‌రుగుల‌తో రాణించ‌గా, వైభ‌వ్ 19 బంతుల్లోనే 45 ప‌రుగుల‌తో విధ్వంసం సృష్టించాడు. గాయంతో రెండు, మూడు టీ20ల‌కు దూర‌మైన ఇషాన్ కిష‌న్ నాలుగో టీ20కి తిరిగి జ‌ట్టులోకి రాగా, వైభ‌వ్ బెంచ్‌కు ప‌రిమితం కానున్నాడు.VIRAT KOHLI & ROHIT SHARMA IN TODAY'S BATTING PRACTICE SESSION AT AUCKLAND.🐐🥹 (RevSportz). - The RoKo is coming to Rule! https://t.co/vcyQFHY6Ch— Tanuj (@ImTanujSingh) October 30, 2026 Virat Kohli reached Auckland. https://t.co/zhaZCBmvfu— Nikhil. (@ishowwhyrat) October 30, 2026 Virat Kohli hits the Nets at Eden Park, Auckland. He has landed few hours ago here in NZ. #ViratKohli #TeamIndia https://t.co/DeDg7iLyQu— Ankan Kar (@AnkanKar) October 30, 2026ఇదీ చదవండి: బ్యాటింగ్ కోచ్‌గా ఊహించని పేరు.. ముంబై కొత్త కోచింగ్‌ టీమ్‌ ఇదే20వేల కోట్లు.. ముంబై ఇండియ‌న్స్ స‌రికొత్త రికార్డు

న్యూజిలాండ్‌తో జరుగుతున్న టీ20 సిరీస్‌ను మరో రెండు మ్యాచ్‌లు మిగిలి ఉండగానే టీమిండియా 3-0తో సొంతం చేసుకున్న సంగతి తెలిసిందే. దీంతో చివరి రెండు టీ20లకు జట్టులో కొన్ని ప్రయోగాలు చేయాలని జట్టు మేనేజ్‌మెంట్ భావిస్తోంది. దీంతో ఇవాళ జరగనున్న నాలుగో టీ20లో జట్టులో మార్పులు ఖాయమని వార్తలు వస్తున్నాయి. సిరీస్‌లో సూపర్‌ఫామ్‌లో ఉన్న ఆల్‌రౌండర్ నమన్ ధీర్‌కు ఈ మ్యాచ్ నుంచి విశ్రాంతినిచ్చే అవకాశముందని వార్తలొస్తున్నాయి. అతడి స్థానంలో శివమ్ దూబేను ఆడించాలని చూస్తున్నట్లు తెలుస్తోంది. అయితే నమన్ ధీర్‌ను బెంచ్‌కు పరిమితం చేయాలనే జట్టు మేనేజ్‌మెంట్ ఆలోచనను మాజీ క్రికెటర్ ఆకాశ్ చోప్రా తప్పుబట్టాడు. సూపర్‌ఫామ్‌లో ఉన్న నమన్ ధీర్‌ను పక్కనబెట్టాలనుకోవడం పెద్ద నేరమవుతుందన్నాడు. ప్రస్తుతం నమన్ ధీర్ ఉన్న అద్భుత ఫామ్ దృష్ట్యా, బెంచ్ బలాన్ని పరీక్షించే నెపంతో అతడిని ప్లేయింగ్ ఎలెవెన్ నుంచి తప్పించడం కరెక్ట​ కాదని అభిప్రాయపడ్డాడు.ఆకాశ్ చోప్రా మాట్లాడుతూ.. ‘‘ప్రస్తుతం ఉన్న ఫామ్ కారణంగా నమన్ ధీర్‌ను బెంచ్‌కు పరిమితం చేయాలనే ఆలోచన నా దృష్టిలో నేరం కిందకే వస్తుంది. ఆల్‌రౌండర్ అయినప్పటికీ అతడికి బౌలింగ్ చేసే అవకాశం ఇవ్వడం లేదు. జట్టు బౌలింగ్ కూర్పు బాగుండడంతో నమన్‌కు బౌలింగ్ వేసే అవకాశం రావడం లేదన్నది వేరే విషయం. కానీ, అతడికి బౌలింగ్ చేయగల సామర్థ్యం ఉంది. ఇక శివమ్ దూబే విషయానికొస్తే, అతనికి తుది 11 మందిలో చోటు దక్కకపోవడం మిస్టరీగా మారిపోయింది. నితీశ్‌కుమార్ రెడ్డి, నమన్ ధీర్ రాకతో జట్టులో అతడి చోటు ప్రశ్నార్థకంగా మారింది. వీరిద్దరి రాకకు ముందు శివమ్ దూబే కొన్ని నెలల క్రితం ఇంగ్లాండ్‌లో వన్డే క్రికెట్ ఆడాడు. మంచి ప్రదర్శన చేసినప్పటికీ, పోటీ కారణంగా ఇప్పుడు టీ20 జట్టులో తుది 11 మందిలో చోటు సంపాదించలేకపోతున్నాడు. వరుసగా రెండు టీ20 ప్రపంచకప్‌లు సాధించిన టీమిండియా జట్టులో సభ్యుడిగా ఉన్నాడు. అంతేకాదు ఆ రెండు ఫైనల్స్‌లోనూ బ్యాటింగ్‌లో మంచి ప్రదర్శన చేశాడు. ఈ కారణం చేతనే దూబేకు ఇంతకాలం అవకాశాలు వచ్చాయేమో. కానీ ఇప్పుడు పోటీ పెరగడంతో అతడు బెంచ్‌కు పరిమితం కావాల్సి వస్తోంది. కానీ శివమ్ దూబే కోసం నమన్ ధీర్‌ను పక్కనబెట్టొద్దన్నది నా వాదన. దూబే ఆడినా అది నితీశ్‌కుమార్ రెడ్డి స్థానంలో ఆడిస్తే బాగుంటుందన్నది నా అభిప్రాయం. అయితే నితీశ్ ఉన్న ఫామ్ దృష్ట్యా అతడికి విశ్రాంతినివ్వడం కూడా తప్పిదమే అవుతుంది. ఇప్పటికే సిరీస్ సొంతం చేసుకోవడంతో ప్రయోగాలపై దృష్టి సారించడం మంచిదే అయినప్పటికీ, క్లీన్‌స్వీప్ దిశగా అడుగులు వేస్తే బాగుంటుంది’’ అని చెప్పుకొచ్చాడు.ఇక నమన్‌ ధీర్‌ న్యూజిలాండ్‌తో టీ20 సిరీస్‌లో తన బ్యాటింగ్‌తో అదరగొడుతున్నాడు. తొలి టీ20లో 15 బంతుల్లోనే 42 పరుగుల అజేయ ఇన్నింగ్స్‌తో జట్టు గెలుపులో కీలకపాత్ర పోషించాడు. రెండో టీ20లోనూ 17 బంతుల్లోనే 31 పరుగులు చేసి తిలక్ వర్మపై ఒత్తిడి తగ్గించడంలో ప్రముఖపాత్ర వహించాడు. ఈ మ్యాచ్‌లో తిలక్ వర్మ, నితీశ్‌రెడ్డిలు అజేయంగా నిలిచిన జట్టును గెలిపించిన సంగతి తెలిసిందే. మూడో టీ20లోనూ విన్నింగ్ షాట్ ఆడిన నమన్ ధీర్ తన ఫామ్‌ను కంటిన్యూ చేశాడు.ఇదీ చదవండి: ప్ర‌పంచ రికార్డుతో మెరిసిన ఆఫ్గన్‌ బ్యాటర్‌జింబాబ్వేను శ‌త‌క్కొట్టిన ఆఫ్గన్‌ బ్యాట‌ర్‌.. టీ20 సిరీస్‌ కైవసం

టీమిండియా స్టార్‌ పేసర్‌ అర్ష్‌దీప్ సింగ్ చరిత్ర సృష్టించేందుకు అడుగుదూరంలో ఉన్నాడు. రేపు న్యూజిలాండ్‌తో జరుగబోయే నాలుగో టీ20లో ఓ వికెట్‌ తీస్తే, అంతర్జాతీయ టీ20ల్లో 150 వికెట్లు తీసిన తొలి భారత బౌలర్‌గా, ప్రపంచవ్యాప్తంగా తొమ్మిదో బౌలర్‌గా రికార్డు నెలకొల్పుతాడు.అర్షదీప్‌కు ముందు రషీద్‌ ఖాన్‌ (199), ఆదిల్‌ రషీద్‌ (171), ఎహసాన్‌ ఖాన్‌ (165), ఐష్‌ సోది (165), సౌధీ (164), హసరంగ (163), ముస్తాఫిజుర్‌ (163), జంపా (153) అంతర్జాతీయ టీ20ల్లో 150 వికెట్ల మైలురాయిని తాకారు.ఇప్పటివరకు 102 టీ20లు ఆడిన అర్షదీప్‌ 149 వికెట్లు ఖాతాలో కలిగి ఉన్నాడు. ఇప్పటికే అతడు భారత్‌ తరఫున టీ20ల్లో అత్యధిక వికెట్లు తీసిన బౌలర్‌గా చలామణి అవుతున్నాడు. అర్షదీప్‌ తర్వాత భారత్‌ తరఫున అత్యధిక టీ20 వికెట్లు తీసిన బౌలర్లుగా జస్ప్రీత్‌ బుమ్రా (126), అక్షర్‌ పటేల్‌ (115), హార్దిక్‌ పాండ్యా (114) ఉన్నారు.వరల్డ్‌ రికార్డున్యూజిలాండ్‌తో మూడో టీ20లో అర్ష్‌దీప్ ఓ ప్రపంచ రికార్డు కూడా నెలకొల్పాడు. ఆ మ్యాచ్‌లో ఒక వికెట్ పడగొట్టిన అతడు.. ఓ క్యాలెండర్ ఇయర్‌లో (టెస్టు హోదా కలిగిన దేశాల బౌలర్లలో) అత్యధిక వికెట్లు తీసిన బౌలర్‌గా ఐర్లాండ్ పేసర్ జాషువ లిటిల్‌తో కలిసి అగ్రస్థానంలో నిలిచాడు.2022లో లిటిల్ 39 వికెట్లు పడగొట్టగా.. అర్షదీప్‌ ఈ ఏడాది 30 మ్యాచ్‌ల్లో అన్నే వికెట్లు సాధించాడు. అర్షదీప్‌ ఈ ఏడాది మరిన్ని మ్యాచ్‌లు ఆడే అవకాశం ఉండటంతో సోలోగా ఈ ప్రపంచ రికార్డును సొంతం చేసుకోవచ్చు.ఇదిలా ఉంటే, న్యూజిలాండ్‌తో ఐదు మ్యాచ్‌ల టీ20 సిరీస్‌ను భారత్‌ ఇప్పటికే 3-0తో కైవసం చేసుకుంది. రేపు ఆక్లాండ్‌లో జరుగబోయే నాలుగో టీ20 కూడా గెలిచి తమ ఆధిపత్యాన్ని మరిం​త పెంచుకోవాలని టీమిండియా పట్టుదలగా ఉంది. ఇదీ చదవండి: 8 వికెట్లతో సత్తాచాటిన తనీష్‌.. ముంబైకి హ్యాట్రిక్‌ విజయం

ఇప్పటికే భారత్‌తో జరుగుతున్న టీ20 సిరీస్‌ను కోల్పోయి తీవ్ర నిరాశలో ఉన్న న్యూజిలాండ్ క్రికెట్ జట్టుకు మరో భారీ షాక్ తగిలింది. ఆ జట్టు స్టార్ ఫాస్ట్ బౌలర్ లాకీ ఫెర్గూసన్ కండరాల గాయం కారణంగా భారత్‌తో జరగనున్న మిగిలిన రెండు టీ20 మ్యాచ్‌లకూ దూరమయ్యాడు.వారం రోజులు విశ్రాంతి!తొలుత మూడో టీ20కి మాత్రమే దూరమైన ఫెర్గూసన్.. అక్టోబర్ 30న జరిగే నాలుగో టీ20 నాటికి కోలుకుంటాడని కివీస్ యాజమాన్యం భావించింది. అయితే అతడు పూర్తి ఫిట్‌నెస్ సాధించడానికి మరో వారం రోజుల సమయం పడుతుందని వైద్య పరీక్షల్లో తేలింది. దీంతో మిగిలిన రెండు టీ20ల నుంచి అతడిని తప్పిస్తూ నిర్ణయం తీసుకున్నారు.ఈ విషయాన్ని న్యూజిలాండ్ హెడ్ కోచ్ రాబ్ వాల్టర్ అధికారికంగా ధ్రువీకరించారు. అయితే త్వరలోనే ప్రారంభం కానున్న వన్డే సిరీస్ నాటికి ఫెర్గూసన్ కోలుకుని అందుబాటులోకి వస్తాడనే ధీమాను వాల్టర్ వ్యక్తం చేశారు.కాగా ఫెర్గూసన్ దూరమవ్వడంతో అతడి స్థానంలో బ్యాకప్‌గా వచ్చిన 26 ఏళ్ల యంగ్ పేసర్ మాథ్యూ ఫిషర్‌ను మిగిలిన రెండు మ్యాచ్‌లలోనూ కొనసాగించనున్నారు. లాకీ ఫెర్గూసన్ ఒక్కడే కాకుండా, మరో సీనియర్ ఫాస్ట్ బౌలర్ మాట్ హెన్రీ కూడా తొడ కండరాల గాయం వల్ల ఈ సిరీస్ మధ్యలోనే వైదొలిగిన సంగతి తెలిసిందే. ఈ ఐదు టీ20ల ఈ సిరీస్‌లో భారత్ ఇప్పటికే వరుస విజయాలతో ఆధిపత్యం చెలాయిస్తోంది. ఇరు జట్ల మధ్య నాలుగో టీ20 మ్యాచ్ అక్టోబర్ 30న ఆక్లాండ్‌ వేదికగా జరగనుంది.చదవండి: IPL 2027: ముంబై ఇండియన్స్‌ సంచలన నిర్ణయం

న్యూజిలాండ్‌తో టీ20 సిరీస్‌లో భారత జట్టు వైస్‌ కెప్టెన్‌ తిలక్‌ వర్మ మెరుగ్గా రాణిస్తున్నాడు. తొలి టీ20 (11 బంతుల్లో 6 పరుగులు)లో వన్‌డౌన్‌లో వచ్చి విఫలమైనప్పటికీ.. రెండో టీ20లో మాత్రం ఈ లెఫ్టాండర్‌ బ్యాటర్‌ దుమ్ములేపాడు.క్రైస్ట్‌చర్చ్‌ వేదికగా కివీస్‌ విధించిన 180 పరుగుల లక్ష్యాన్ని ఛేదించే క్రమంలో భారత టాపార్డర్‌ తడబడగా.. ఆరో స్థానంలో వచ్చిన తిలక్‌ వర్మ అదరగొట్టాడు. కేవలం 26 బంతుల్లోనే 6 ఫోర్లు, ఒక సిక్సర్‌ సాయంతో 51 పరుగులతో అజేయంగా నిలిచాడు.ఓడిపోయే మ్యాచ్‌లో గెలిపించాడుతద్వారా ఓడిపోయే మ్యాచ్‌లో టీమిండియాను తిలక్‌ వర్మ దగ్గరుండి గెలిపించాడు. అతడికి తోడుగా నమన్‌ ధీర్‌ (17 బంతుల్లో 31), నితీశ్‌ కుమార్‌ రెడ్డి (13 బంతుల్లో 26*) రాణించారు. ఇక మూడో టీ20లో తిలక్‌ వర్మకు పెద్దగా బ్యాటింగ్‌ చేయాల్సిన అవసరమే లేకుండా గెలిచిన జట్టు.. 3-0తో సిరీస్‌ కైవసం చేసుకుంది. 𝐓𝐇𝐄 𝐀𝐑𝐓 𝐎𝐅 𝐂𝐇𝐀𝐒𝐈𝐍𝐆 𝐟𝐭. 𝐓𝐈𝐋𝐀𝐊 𝐕𝐀𝐑𝐌𝐀 😮‍💨 Tilak Varma delivered a phenomenal masterclass under immense pressure to guide Men in Blue home! 🏏 Watch the HERO VIDA India Tour of New Zealand, 3rd T20I on 27th Oct, 11:30 AM onwards, LIVE on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND— Sony Sports Network (@SonySportsNetwk) October 26, 2026అద్భుతంగా ఆడుతున్నాడుఈ క్రమంలో కివీస్‌- భారత్‌ మధ్య శుక్రవారం ఆక్లాండ్‌ వేదికగా నాలుగో టీ20 జరగనున్న నేపథ్యంలో తిలక్‌ వర్మ మీడియాతో మాట్లాడాడు. ఈ సందర్భంగా తాను బౌలింగ్‌ మీద కూడా శ్రద్ధ పెట్టినట్లు ఈ పార్ట్‌టైమ్‌ రైటార్మ్‌ ఆఫ్‌ బ్రేక్‌ స్పిన్నర్‌ తెలిపాడు. ప్రస్తుతం నమన్‌ ధీర్‌ స్పిన్‌ బౌలింగ్‌ ఆల్‌రౌండర్‌గా రాణిస్తున్నాడని.. కాబట్టి తన అవసరం లేదని పేర్కొన్నాడు.గట్టిగానే బౌలింగ్‌ ప్రాక్టీస్‌ చేస్తున్నానుఈ విషయాల గురించి ANIతో మాట్లాడుతూ.. ‘‘నేను బౌలింగ్‌ చేసే అంశం గురించి యాజమాన్యం నాతో చర్చించింది. నేను కూడా బౌలింగ్‌ మీద శ్రద్ధ పెట్టాను. అయితే, ప్రస్తుతం జట్టులో నమన్‌ ధీర్‌ ఉన్నాడు.అతడు బౌలింగ్‌ కూడా అద్భుతంగా చేస్తున్నాడు. కాబట్టి వెంటనే నేను బంతితో రంగంలోకి దిగాల్సిన అవసరం లేదు. అయితే, నెట్స్‌లో మాత్రం గట్టిగానే బౌలింగ్‌ ప్రాక్టీస్‌ చేస్తున్నాను. బౌలింగ్‌ విషయంలో నేను పూర్తి ఆత్మవిశ్వాసంతో ఉన్నాను. అవకాశం వచ్చినపుడు కచ్చితంగా సద్వినియోగం చేసుకుంటా.ఆ అవకాశాన్ని లాక్కోవడం సరికాదుముందుగా చెప్పినట్లు నమన్‌ టీ20లలో ప్రస్తుతం అద్భుతంగా బౌలింగ్‌ చేస్తున్నాడు. అలాంటపుడు అతడి నుంచి బంతిని లాక్కోవడం సరికాదు. అవసరం ఉన్నపుడు మాత్రం నేను కచ్చితంగా బౌలింగ్‌ చేస్తా’’ అని తిలక్‌ వర్మ చెప్పుకొచ్చాడు. అంతేకాదు తాను ఏ స్థానంలోనైనా బ్యాటింగ్‌ చేయగలనని వెల్లడించాడు.కాగా కివీస్‌తో టీ20లలో నమన్‌ ధీర్‌ ఇటు బాల్‌తో.. అటు బ్యాట్‌తో రాణిస్తున్నాడు. ఇప్పటి వరకు టీమిండియా తరఫున ఎనిమిది టీ20 మ్యాచ్‌లు ఆడిన 26 ఏళ్ల ఈ హర్యానా ప్లేయర్‌.. 115 పరుగులు చేయడంతో పాటు.. ఐదు వికెట్లు కూల్చాడు.𝐀 𝐂𝐀𝐌𝐄𝐎 𝐓𝐇𝐀𝐓 𝐏𝐔𝐍𝐂𝐇𝐄𝐃 𝐀𝐁𝐎𝐕𝐄 𝐈𝐓'𝐒 𝐖𝐄𝐈𝐆𝐇𝐓! 💥 Naman Dhir brought the firepower to India’s chase with fearless hitting and timely boundaries, making every shot count in Christchurch! 🚀 Watch the HERO VIDA India Tour of New Zealand, 3rd T20I on 27th Oct, 11:30 AM onwards, LIVE on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND— Sony Sports Network (@SonySportsNetwk) October 26, 2026మరోవైపు.. 23 ఏళ్ల తిలక్‌ వర్మ 73 టీ20 మ్యాచ్‌లు పూర్తి చేసుకుని 1898 పరుగులు చేయడంతో పాటు ఐదు వికెట్లు తీశాడు. ఇప్పటికి ఐదు వన్డేల్లో 68 పరుగులు చేశాడు. కానీ ఇప్పటి వరకు వికెట్‌ తీయలేదు. కివీస్‌తో ఆఖరి రెండు వన్డేలకు తిలక్‌ ఎంపికైన సంగతి తెలిసిందే. ఇవీ చదవండి: IND vs NZ: టీమిండియాకు భారీ షాక్‌!.. వన్డే సిరీస్‌ నుంచి కీలక ఆటగాడు అవుట్‌!

టీమిండియా వన్డే కెప్టెన్‌ శుబ్‌మన్‌ గిల్‌ న్యూజిలాండ్‌లో అడుగుపెట్టాడు. ఆక్లాండ్‌లో టీ20 జట్టుతో చేరిన గిల్‌.. సహచర ఆటగాళ్లతో కలిసి గురువారం ప్రాక్టీస్‌కు వచ్చాడు. ఈ సందర్భంగా ప్రిన్స్‌ తన కణతపై ధరించిన ‘పరికరం’ అభిమానుల దృష్టిని ఆకర్షించింది. ఈ డివైస్‌ పేరు టెంపుల్‌ ('Temple' Device).‘టెంపుల్‌’ వల్ల ఉపయోగం ఏమిటి?జొమాటో వ్యవస్థాపకుడు దీపిందర్‌ గోయల్‌ బృందం ఈ డివైస్‌ను రూపొందించింది. అయితే, ఇది ఇంకా ప్రయోగ దశలోనే ఉంది. మార్కెట్లోకి దీనిని విడుదల చేయలేదు.అయితే, భారత బ్యాడ్మింటన్‌ దిగ్గజం పీవీ సింధు, ప్రముఖ ఎంటర్‌ప్రెన్యూర్‌, పాడ్‌కాస్టర్‌ రాజ్‌ షమాని ఇప్పటికే దీనిని ధరించారు. తాజాగా శుబ్‌మన్‌ గిల్‌ సైతం ‘టెంపుల్‌’తో తన మెట్రిక్స్‌ కొలుచుకునేందుకు సిద్ధం కావడం విశేషం.PC: Xఈ డివైస్‌ మెదడులో రక్త ప్రవాహం, ఆక్సిజన్‌ స్థాయిలను రియల్‌ టైమ్‌లో కొలుస్తుందని తెలుస్తోంది. అంతేకాదు.. దీనిని ఓ వ్యక్తి ధరించినపుడు.. సదరు వ్యక్తి ఏమేరకు మానసిక ఒత్తిడికి గురువుతున్నారు?, వారి ఏకాగ్రత, మెదడు పనితీరును అంచనా వేయొచ్చని సమాచారం.ఇంచు పొడవుటెంపుల్‌ డివైస్‌.. నియర్‌ ఇన్‌ఫ్రారెడ్‌ స్పెక్ట్రోస్కోపి టెక్నాలజీతో మెదడులో ఆక్సిజన్‌ స్థాయిని కొలుస్తుందని జాతీయ మీడియాలో అందుబాటులో ఉన్న సమాచారాన్ని బట్టి తెలుస్తోంది. ఇది కేవలం ఇంచు పొడవు మాత్రమే ఉంటుంది. కాబట్టి తేలికగానే దీనిని వాడుకోవచ్చు. సుమారు మూడు- నాలుగు గంటల పాటు దీనిని ధరించవచ్చు.ఫిట్‌నెస్‌ ట్రాకర్‌లామొత్తానికి ఇదొక బ్రెయిన్‌ ఫిట్‌నెస్‌ ట్రాకర్‌లా ఉపయోగపడుతుందని తెలుస్తోంది. ముఖ్యంగా క్రీడాకారులకు ఇది ప్రయోజనకరంగా ఉంటుందట. ప్లేయర్లు మ్యాచ్‌ ఆడే సమయంలో లేదా ప్రాక్టీస్‌ చేస్తున్నపుడు.. వారి ఏకాగ్రత ఏ స్థాయిలో ఉంది? మానసిక ఒత్తిడి, అలసట, రికవరీ తదితర అంశాలకు సంబంధించిన డేటాను టెంపుల్‌ విశ్లేషిస్తుందట.టీ20 జట్టుతో గిల్‌, కేఎల్‌ రాహుల్‌ ప్రాక్టీస్‌కాగా గిల్‌తో పాటు కేఎల్‌ రాహుల్‌ కూడా ఆక్లాండ్‌లో టీ20 జట్టుతో కలిసి ప్రాక్టీస్‌ చేశాడు. ఇందుకు సంబంధించిన దృశ్యాలను రెవ్‌స్పోర్ట్స్‌ సోషల్‌ మీడియాలో షేర్‌ చేయగా.. గిల్‌ ‘టెంపుల్‌’ ధరించిన విషయం బయటకు వచ్చింది.ఇక న్యూజిలాండ్‌ పర్యటనలో భాగంగా ఇప్పటికే ఐదు మ్యాచ్‌ల టీ20 సిరీస్‌ను.. శ్రేయస్‌ అయ్యర్‌ కెప్టెన్సీలోని భారత జట్టు 3-0తో కైవసం చేసుకుంది. ఇరుజట్ల మధ్య శుక్రవారం నాటి నాలుగో టీ20కి ఆక్లాండ్‌ వేదిక. మరోవైపు.. నవంబరు 1న టీ20 సిరీస్‌ ముగియనుండగా.. నవంబర్‌ 4 నుంచి వన్డే సిరీస్‌ ప్రారంభమవుతుంది.ఇవీ చదవండి: మీ బాబాయి అందరికీ గొప్పగా చెప్పుకొంటాడు: సచిన్‌ టెండుల్కర్‌ భావోద్వేగంIND vs NZ: టీమిండియాకు భారీ షాక్‌!.. వన్డే సిరీస్‌ నుంచి కీలక ఆటగాడు అవుట్‌!

నాలుగేళ్ల సుదీర్ఘ విరామం తర్వాత టీమిండియాలో పునరాగమనం చేశాడు వెటరన్‌ పేసర్‌ భువనేశ్వర్‌ కుమార్‌. న్యూజిలాండ్‌తో టీ20 సిరీస్‌ సందర్భంగా రీఎంట్రీ ఇచ్చిన అతడు.. ఇప్పటి వరకు మూడు మ్యాచ్‌లు ఆడాడు. కానీ స్థాయికి తగ్గట్లు రాణించలేక చతికిలపడి విమర్శలు మూటగట్టుకుంటున్నాడు.హ్యాట్రిక్‌ విజయాలతో సిరీస్‌ కైవసంకివీస్‌తో ఐదు మ్యాచ్‌ల టీ20 సిరీస్‌ను భారత్‌ హ్యాట్రిక్‌ విజయాలతో 3-0తో కైవసం చేసుకుంది.. కాబట్టి భువీపై మరీ అంతగా నెగిటివిటీ రావడం లేదు. లేదంటే పరిస్థితి వేరుగా ఉండేది. ఇలాంటి తరుణంలో ఇటీవల మీడియాతో మాట్లాడిన భువీ.. తన ఆటను మెరుగపరచుకునేందుకు దేశీ క్రికెట్‌లో ఎక్కువగా ఆడాలనుకుంటున్నట్లు తెలిపాడు.ఇక న్యూజిలాండ్‌తో ఇప్పటికి మూడు టీ20లు పూర్తి చేసుకున్న భువీ.. నాలుగు ఓవర్ల కోటా పూర్తి చేసి వరుసగా 49, 50, 40 పరుగులు ఇచ్చుకుని కేవలం ఒకే ఒక్క వికెట్‌ తీయగలిగాడు. ఈ నేపథ్యంలో భారత స్పిన్‌ దిగ్గజం రవిచంద్రన్‌ అశ్విన్‌ కీలక వ్యాఖ్యలు చేశాడు. నాలుగో టీ20 నుంచి భువీని తప్పిస్తారని అంచనా వేశాడు.భువీపై వేటు తప్పదు!కాగా భారత్‌- కివీస్‌ మధ్య శుక్రవారం ఆక్లాండ్‌ వేదికగా నాలుగో టీ20కి షెడ్యూల్‌ ఖరారైంది. ఈ నేపథ్యంలో భారత తుదిజట్టు కూర్పు గురించి అశ్విన్‌ మాట్లాడుతూ.. ‘‘భువీ అలా బౌలింగ్‌ చేయడం చూశాక.. నాకైతే అతడికి ఇక తుదిజట్టులో చోటు ఉండదనే అనిపిస్తోంది.భువీకి బదులు ఓ స్పిన్నర్‌ లేదంటే.. బెంచ్‌ మీద ఉన్న పేసర్‌ మయాంక్‌ యాదవ్‌ను ఆడించినా ఆశ్చర్యపోవాల్సిన అవసరం లేదు. న్యూజిలాండ్‌ జట్టు మాదిరే మనం కూడా రొటేషన్‌ విధానం అనుసరించవచ్చు. వాళ్లకు కూడా నో ఛాన్స్‌!అయితే, తొలి రెండు టీ20లు పెద్ద మైదానంలో జరిగాయి. అక్కడ స్పిన్నర్ల సేవలు వాడుకునే అవకాశం దొరికింది. ఇక మూడో టీ20లో న్యూజిలాండ్‌ స్పిన్నర్లను బరిలోకి దించినా ఫలితం లేకుండా పోయింది. తదుపరి రెండు మ్యాచ్‌లు చిన్న గ్రౌండ్లలో జరుగుతాయి.కాబట్టి స్పిన్నర్లకు అయితే తుదిజట్టులో అవకాశం ఉండకపోవచ్చు’’ అని పేర్కొన్నాడు. వరుణ్‌ చక్రవర్తి, కుల్దీప్‌ యాదవ్‌ మరోసారి బెంచ్‌కే పరిమితం కావొచ్చని అశ్విన్‌ అభిప్రాయపడ్డాడు. కాగా కివీస్‌తో టీ20 సిరీస్‌లో స్పిన్నర్లు వరుణ్‌, కుల్దీప్‌ ఇంత వరకు ఒక్క మ్యాచ్‌ కూడా ఆడలేదు. స్పిన్‌ బౌలింగ్‌ ఆల్‌రౌండర్ల కోటాలో అక్షర్‌ పటేల్‌, నమన్‌ ధీర్‌ ఆడుతున్నారు.ఇదిలా ఉంటే.. తొలి టీ20లో అదరగొట్టిన పేసర్‌ మయాంక్‌ యాదవ్‌ను పక్కనపెట్టి.. రెండు, మూడో టీ20లలో యాజమాన్యం ప్రిన్స్‌ యాదవ్‌ను ఆడించింది. ప్రిన్స్‌ రెండు మ్యాచ్‌లలో పెద్దగా ఆకట్టుకోలేకపోయాడు. రెండో టీ20లో 30 పరుగులు ఇచ్చి ఒక వికెట్‌ తీయగలిగిన ఈ పేస్‌ బౌలర్‌.. మూడో టీ20లో 44 పరుగులు సమర్పించుకున్నాడు.ఇవీ చదవండి: అతడి కోసం త్యాగం చేశాడు.. సంజూ భయ్యా గొప్పోడు: అభిషేక్‌IND vs NZ: టీమిండియాకు భారీ షాక్‌!.. వన్డే సిరీస్‌ నుంచి కీలక ఆటగాడు అవుట్‌!మీ బాబాయి అందరికీ గొప్పగా చెప్పుకొంటాడు: సచిన్‌ టెండుల్కర్‌ భావోద్వేగం

న్యూజిలాండ్‌తో వన్డే సిరీస్‌కు ముందు టీమిండియాకు భారీ ఎదురుదెబ్బ తగిలింది. పేస్‌ విభాగంలో కీలకమైన ప్రసిద్‌ కృష్ణ గాయం నుంచి పూర్తిగా కోలుకోలేదు. ఫలితంగా కివీస్‌తో వన్డే సిరీస్‌కు అతడు దూరమయ్యాడు.టీ20 సిరీస్‌ సొంతంకాగా న్యూజిలాండ్‌ పర్యటనలో భాగంగా ప్రస్తుతం శ్రేయస్‌ అయ్యర్‌ సారథ్యంలోని భారత టీ20 జట్టు న్యూజిలాండ్‌తో టీ20 సిరీస్‌ ఆడుతున్న సంగతి తెలిసిందే. ఇందులో భాగంగా ఇప్పటికే హ్యాట్రిక్‌ విజయాలతో సిరీస్‌ను 3-0తో సొంతం చేసుకున్న భారత్‌.. అక్టోబరు 30న నాలుగో టీ20, నవంబరు 1న ఐదో టీ20 ఆడుతుంది.వన్డేలకు రెండు జట్లుఅనంతరం నవంబరు 4 నుంచి కివీస్‌- భారత్‌ జట్ల మధ్య వన్డే సిరీస్‌ మొదలుకానుంది. ఇందుకోసం బీసీసీఐ ఇప్పటికే శుబ్‌మన్‌ గిల్‌ సారథ్యంలో మూడు వన్డేలకు.. శ్రేయస్‌ అయ్యర్‌ కెప్టెన్సీలో రెండు వన్డేలకు వేర్వేరు జట్లను ప్రకటించింది.స్టార్‌ పేసర్‌ అవుట్‌ఇక స్వదేశంలో ఇటీవల వెస్టిండీస్‌తో సిరీస్‌ సందర్భంగా గాయపడిన ప్రసిధ్‌ కృష్ణను కూడా తొలి మూడు వన్డేలు ఆడే జట్టుకు ఎంపిక చేశారు. అయితే సిరీస్‌కు ముందు అతడు పూర్తి స్థాయిలో ఫిట్‌నెస్‌ సాధించలేకపోయాడు. దీంతో టెస్టు సిరీస్‌ను దృష్టిలో పెట్టుకొని అతడిని వన్డే సిరీస్‌ నుంచి తప్పించారు. దీంతో అతడి స్థానంలో జమ్మూకశ్మీర్‌ పేసర్‌ ఆకిబ్‌ నబీకి జట్టులో చోటు దక్కే అవకాశాలున్నాయి. ప్రస్తుతం న్యూజిలాండ్‌లోనే ఉన్న ఆకిబ్‌... ఇటీవల న్యూజిలాండ్‌ ‘ఎ’ జట్టుతో జరిగిన అనధికారిక టెస్టులో భారత్‌ ‘ఎ’ తరఫున మెరుగైన ప్రదర్శన కనబర్చాడు. న్యూజిలాండ్‌తో తొలి మూడు వన్డేలకు భారత జట్టుశుభ్‌మన్ గిల్ (కెప్టెన్), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్ కెప్టెన్), కెఎల్ రాహుల్ (వికెట్ కీపర్), నితీశ్‌ కుమార్ రెడ్డి, అక్షర్ పటేల్, నమన్ ధీర్, అన్షుల్ కాంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్ కీపర్), మహమ్మద్ సిరాజ్, ప్రసిద్ధ్ కృష్ణ* (ఫిట్‌నెస్‌ ఆధారంగా), కుల్దీప్ యాదవ్.నాలుగు, ఐదు వన్డేలకు భారత జట్టుశ్రేయస్ అయ్యర్ (కెప్టెన్), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వికెట్ కీపర్, వైస్ కెప్టెన్), నితీశ్‌ కుమార్ రెడ్డి, అక్షర్ పటేల్, నమన్ ధీర్, ఆకిబ్ నబీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుశాగ్రా (వికెట్ కీపర్), మహమ్మద్ సిరాజ్, యశ్ ఠాకూర్, కుల్దీప్ యాదవ్. ఇదీ చదవండి: అతడి కోసం త్యాగం చేశాడు.. సంజూ భయ్యా గొప్పోడు: అభిషేక్‌

టీమిండియా స్టార్ పేసర్ అర్ష్‌దీప్ సింగ్ అంతర్జాతీయ టీ20 క్రికెట్‌లో ప్రపంచ రికార్డు నెలకొల్పాడు. న్యూజిలాండ్‌తో నిన్న జరిగిన మూడో టీ20లో ఒక వికెట్ పడగొట్టిన అతడు.. ఓ క్యాలెండర్ ఇయర్‌లో (టెస్టు హోదా కలిగిన దేశాల బౌలర్లలో) అత్యధిక వికెట్లు తీసిన బౌలర్‌గా ఐర్లాండ్ పేసర్ జాషువ లిటిల్‌తో కలిసి అగ్రస్థానంలో నిలిచాడు.2022లో లిటిల్ 39 వికెట్లు పడగొట్టగా.. అర్షదీప్‌ ఈ ఏడాది 30 మ్యాచ్‌ల్లో అన్నే వికెట్లు సాధించాడు. అర్షదీప్‌ ఈ ఏడాది మరిన్ని మ్యాచ్‌లు ఆడే అవకాశం ఉండటంతో సోలోగా ఈ ప్రపంచ రికార్డును సొంతం చేసుకోవచ్చు.న్యూజిలాండ్‌తో మూడో టీ20లో అర్ష్‌దీప్ నాలుగు ఓవర్లలో 33 పరుగులిచ్చి ఒక వికెట్ తీశాడు. ఈ మ్యాచ్‌లో భారత్ ఆరు వికెట్ల తేడాతో విజయం సాధించి ఐదు మ్యాచ్‌ల సిరీస్‌ను మరో రెండు మ్యాచ్‌లు మిగిలుండగానే కైవసం చేసుకుంది.150 వికెట్ల మైలురాయికి అడుగు దూరంలో..2022లో అంతర్జాతీయ టీ20ల్లో అరంగేట్రం చేసిన అర్ష్‌దీప్.. ఇప్పటివరకు 102 మ్యాచ్‌ల్లో 149 వికెట్లు తీశాడు. మరో వికెట్ తీస్తే 150 వికెట్ల మైలురాయిని చేరుకుంటాడు. ఇప్పటికే ఈ ఫార్మాట్‌లో అత్యధిక వికెట్లు తీసిన భారత బౌలర్‌గా కొనసాగుతున్నాడు.అభిషేక్ శర్మ విధ్వంసం.. భారత్ విజయంమూడో టీ20లో న్యూజిలాండ్ నిర్దేశించిన 199 పరుగుల లక్ష్యాన్ని భారత్ కేవలం 13.2 ఓవర్లలోనే ఛేదించింది. అభిషేక్ శర్మ 38 బంతుల్లో 113 పరుగులు చేసి భారత్‌ను ఒంటిచేత్తో గెలిపించాడు. చిచ్చరపిడుగు వైభవ్ సూర్యవంశీ 18 బంతుల్లో 45 పరుగులు చేసి ఆకట్టుకున్నాడు.ఇదీ చదవండి: అభిషేక్‌ విధ్వంసకర సెంచరీ, వైభవ్‌ ధనాధన్‌.. కివీస్‌ చిత్తు

న్యూజిలాండ్‌తో నాలుగో టీ20కి ముందు టీమిండియాకు గుడ్‌ న్యూస్‌ అందుతోంది. స్టార్‌ బ్యాటర్‌ ఇషాన్‌ కిషన్‌ చివరి రెండు మ్యాచ్‌లకు అందుబాటులో ఉంటాడని తెలుస్తోంది. ఇషాన్‌ కుడి తొడ కండరాల గాయం​ కారణంగా రెండు, మూడు టీ20లకు దూరమయ్యాడు. అతడి స్థానంలో చిచ్చరపిడుగు వైభవ్ సూర్యవంశీ జట్టులోకి వచ్చాడు.ఇప్పుడు ఇషాన్‌ జట్టులోకి రీఎంట్రీ ఇస్తే వైభవ్‌ పరిస్థితి ఏంటన్నది పశ్నార్థకంగా మారింది. వైభవ్‌ను జట్టులో కొనసాగిస్తారా లేక మళ్లీ బెంచ్‌కే పరిమితం చేస్తారా అన్నది చూడాలి.ఇషాన్‌ గైర్హాజరీలో వైభవ్‌ ఆశించిన స్థాయిలో రాణించలేకపోయాడు. రెండో టీ20లో మూడో స్థానంలో బ్యాటింగ్‌కు దిగి 8 బంతుల్లో నాలుగు పరుగులే చేసి ఔటయ్యాడు. మూడో టీ20లో ఓపెనర్‌గా ప్రమోషన్‌ పొంది ఓ మోస్తరు ప్రదర్శనతో (19 బంతుల్లో 45) పర్వాలేదనిపించాడు. ఈ పరిస్థితుల్లో వైభవ్‌కు మరిన్ని అవకాశాలు కల్పించాలని డిమాండ్లు వినిపిస్తున్నాయి. ఒకవేళ వైభవ్‌ను జట్టులో కొనసాగించి, ఇషాన్‌కు అవకాశం కల్పిస్తే సంజూ శాంసన్‌పై వేటు తప్పకపోవచ్చు. ఇప్పటికే మూడో టీ20లో వైభవ్‌ కోసం సంజూ తన ఓపెనింగ్‌ స్థానాన్ని త్యాగం చేశాడు.జట్టులో మిగతా బ్యాటర్ల స్థానాలను కదిలించే పరిస్థితి లేకపోవడంతో చివరి రెండు టీ20లకు సంజూకు విశ్రాంతి కల్పించవచ్చు. ఇప్పటికే భారత్‌ సిరీస్‌ను కైవసం చేసుకోవడం వైభవ్‌కు కలిసొచ్చే అంశంగా చెప్పవచ్చు.ఇదిలా ఉంటే, నిన్న జరిగిన మూడో టీ20లో అభిషేక్‌ శర్మ విధ్వంసకర శతకంతో విరుచుకుపడటంతో భారత్‌ న్యూజిలాండ్‌పై ఘన విజయం సాధించింది. ఈ గెలుపుతో భారత్‌ సిరీస్‌ను కూడా తమ ఖాతాలో వేసుకుంది.నాలుగో టీ20 ఆక్లాండ్‌ వేదికగా అక్టోబర్‌ 30న జరుగనుంది. ఇదీ చదవండి: అభిషేక్‌ శర్మకు మరో జాక్‌పాట్‌

న్యూజిలాండ్‌తో మూడో టీ20లో అద్భుత ప్రదర్శనతో ఆకట్టుకున్నాడు భారత ఓపెనర్‌ అభిషేక్‌ శర్మ. తన విధ్వంసకర ఆట తీరుతో కివీస్‌ బౌలర్లకు చుక్కలు చూపిస్తూ.. కేవలం 35 బంతుల్లోనే శతక్కొట్టాడు. ఆకాశమే హద్దుగా ఫోర్లు, సిక్సర్ల వర్షం కురిపించాడు.నల్లేరు మీద నడకేకేవలం 38 బంతుల్లోనే తొమ్మిది ఫోర్లు, పదకొండు సిక్సర్ల సాయంతో అభిషేక్‌ శర్మ 113 పరుగులు సాధించడు. అతడికి తోడుగా మరో ఓపెనర్‌ వైభవ్‌ సూర్యవంశీ (19 బంతుల్లో 45) ధనాధన్‌ దంచికొట్టడంతో భారత్‌ గెలుపు నల్లేరు మీద నడకే అయింది.The Abhi-Storm had Wellington on its feet! 🥵 Watch the HERO VIDA India Tour of New Zealand, 4th T20I on 30th Oct, 11:30 AM onwards, LIVE on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/uYedjGJbmR— Sony Sports Network (@SonySportsNetwk) October 28, 2026వైభవ్‌ కోసం.. సంజూ త్యాగంఅయితే, రెగ్యులర్‌ సీనియర్‌ ఓపెనర్‌ సంజూ శాంసన్‌ మూడో టీ20లో వన్‌డౌన్‌లో బ్యాటింగ్‌కు వచ్చాడు. గత మ్యాచ్‌లో మూడో స్థానంలో వచ్చి విఫలమైన.. వైభవ్‌ సూర్యవంశీ కోసం ఈసారి తన ఓపెనింగ్‌ స్థానాన్ని త్యాగం చేశాడు. ఈ క్రమంలో అభిషేక్‌కు జోడీగా వచ్చిన వైభవ్‌ అదరగొట్టగా.. సంజూ 13 బంతుల్లో కేవలం 18 పరుగులే చేయగలిగాడు.ఈ నేపథ్యంలో అభిషేక్‌ శర్మ సంజూ శాంసన్‌పై ప్రశంసలు కురిపించాడు. జట్టు ప్రయోజనాల కోసం, వైభవ్‌ కోసం సంజూ తన ఓపెనింగ్‌ స్థానాన్ని త్యాగం చేయడం గొప్ప విషయమని కొనియాడాడు. న్యూజిలాండ్‌తో మంగళవారం నాటి మూడో టీ20లో విజయానంతరం మాట్లాడుతూ..సంజూ భయ్యా గొప్పోడు‘‘ఈరోజు నేను, వైభవ్‌ ఓపెనింగ్‌ చేశాము. నిజానికి సంజూ భాయ్‌ ఇన్నింగ్స్‌ మొదలుపెట్టాల్సింది. అయితే, తన స్థానాన్ని త్యాగం చేశాడు. జట్టులోని ప్రతి ఒక్కరిలోనూ ఇలాంటి నిస్వార్థ గుణం ఉంది.సంజూ భాయ్‌ గత రెండు మ్యాచ్‌లలో ఆడాడు. అయినా సరే జట్టు ప్రయోజనాల కోసం వన్‌డౌన్‌లో వచ్చాడు. సంజూ భాయ్‌ వ్యక్తిత్వం కూడా గొప్పదే. అందరు ఆటగాళ్లు భాయ్‌లాగే ఆలోచిస్తారు కూడా! జట్టు కోసం ఏ స్థానంలోనైనా ఆడతారు’’ అని అభిషేక్‌ శర్మ సంజూపై ప్రశంసల వర్షం కురిపించాడు.కాగా గతంలోనూ.. అభిషేక్‌ సంజూను కొనియాడిన సంగతి తెలిసిందే. అందరు ఆటగాళ్ల గురించి సంజూ ఆలోచిస్తాడని.. సహచర ఆటగాళ్లకు ఎల్లవేళలా మద్దతుగా ఉంటాడని ప్రశంసించాడు. ఇక కివీస్‌తో తొలి టీ20లో 33 బంతుల్లోనే 67 పరుగులు చేసి సంజూ జట్టును గెలిపించి ‘ప్లేయర్‌ ఆఫ్‌ ది మ్యాచ్‌’గా నిలిచాడు. అయితే, రెండో టీ20లో మాత్రం 14 పరుగులే చేయగలిగాడు. మూడో టీ20లో వన్‌డౌన్‌లో వచ్చి స్థాయికి తగ్గట్లు రాణించలేకపోయాడు.ABHISHEK SHARMA, YOU ABSOLUTE MENACE! 🤯 A 35-ball hundred. Let that sink in! 💯 Watch the HERO VIDA India Tour of New Zealand, 3rd T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/OvOMf1rIsy— Sony Sports Network (@SonySportsNetwk) October 27, 2026చదవండి: పెరట్లో ఆడినట్లుంది.. నా వల్ల కాదు! హ్యాట్సాఫ్‌ సంజూ: యువీ

ర‌గ్బీ ఆట‌కు మారుపేరైన న్యూజిలాండ్‌కు భార‌త్ ఊహించ‌ని షాక్ ఇచ్చింది. మ‌న అమ్మాయిల బృందం 17-0తో న్యూజిలాండ్‌ను చిత్తు చేసి చ‌రిత్ర సృష్టించింది. బీహార్‌లోని రాజ్‌గిరి స్పోర్ట్స్ క్లాంపెక్స్‌లో జ‌రిగిన భార‌త అండ‌ర్‌-20 మ‌హిళ‌ల ర‌గ్బీ మ్యాచ్‌లో ఈ అద్భుతం చోటుచేసుకుంది. భార‌త్‌-న్యూజిలాండ్ మ‌ధ్య వందేళ్ల క్రీడా సంబంధాల‌ను పుర‌స్క‌రించుకొని రెండు దేశాల మ‌ధ్య పురుషుల‌, మ‌హిళ‌ల విభాగాల్లో అండ‌ర్‌-20 ర‌గ్బీ మ్యాచ్‌లు నిర్వ‌హిస్తున్నారు. ఈ నేప‌థ్యంలో చారిత్రక మ్యాచ్‌లో ర‌గ్బీ మాజీ చాంపియ‌న్స్ అయిన న్యూజిలాండ్‌ను చిత్తు చేసి భార‌త్‌కు ఇది పెద్ద ఘ‌న‌త‌గా అభివ‌ర్ణించొచ్చు. PC: X (Twitter)మ్యాచ్ విష‌యానికొస్తే.. ఆట తొలి అర్థ‌భాగంలోనే 12 పాయింట్లు సాధించిన భార‌త్ స్ప‌ష్ట‌మైన ఆధిక్యం సంపాదించింది. ఆ త‌ర్వాత కూడా చివ‌రి విజిల్ వ‌ర‌కు త‌మ ఆధిక్యాన్ని నిలుపుకుంది. భారత్ తరఫున 15వ నంబర్ జెర్సీ ధ‌రించిన ప్లేయ‌ర్ టాప్ స్కోర‌ర్‌గా నిలిచింది. న్యూజిలాండ్ లాంటి ప‌టిష్ట‌మైన జ‌ట్టును త‌మ అసాధార‌ణ ప్ర‌ద‌ర్శ‌న‌తో ఒక్క పాయింట్ రాకుండా నిలువ‌రించగ‌లిగింది. PC: X (Twitter)అయితే భార‌త పురుషుల ర‌గ్బీ జ‌ట్టు మాత్రం 0-32 తేడాతో న్యూజిలాండ్ చేతిలో దారుణ ప‌రాజయాన్ని మూట‌గ‌ట్టుకుంది. ఈ ఈవెంట్ భారత్, న్యూజిలాండ్‌ల మధ్య క్రీడా సంబంధాలను కూడా బలోపేతం చేసింది.🏉STOP THE PRESS Indian U20 Women's Sevens Team scored 2 beautiful tries against the mighty New Zealand 📹 Rugby India https://t.co/xgYvJ2AF61— SPORTS ARENA🇮🇳 (@SportsArena1234) October 27, 2026ఇదీ చదవండి: ఆక్లాండ్ చేరుకున్న‌ టీమిండియా; జ‌ట్టును వీడిన కుమార్ కుశాగ్రా!ఒక్కొక్కడిని ‘షేక్‌’ ఆడించాడు.. ఇప్పుడు చెప్పండ్రా అబ్బాయిలు

న్యూజిలాండ్‌తో జరుగుతున్న ఐదు మ్యాచ్‌ల టీ20 సిరీస్‌లో ఇప్ప‌టికే మూడింటిని నెగ్గిన టీమిండియా 3-0తో సిరీస్‌ను సొంతం చేసుకుంది. శుక్ర‌వారం ఆక్లాండ్‌లోని ఈడెన్ పార్క్‌ వేదిక‌గా నాలుగో టీ20 మ్యాచ్ జ‌ర‌గ‌నుంది. ఈ నేప‌థ్యంలో భార‌త జ‌ట్టు బుధ‌వారం ఉద‌యం ఆక్లాండ్‌లో అడుగుపెట్టింది. దీనికి సంబంధించిన వీడియో, ఫొటోలు సోష‌ల్ మీడియాలో వైర‌ల్‌గా మారాయి. PC: X (Twitter)కాగా తొలి టీ20లో గాయ‌ప‌డిన ఇషాన్ కిష‌న్ రెండు, మూడు టీ20ల‌కు దూర‌మైన సంగ‌తి తెలిసిందే. దీంతో అత‌డి స్థానంలో కుమార్ కుశాగ్ర‌ను బ్యాక‌ప్‌గా ఎంపిక చేశారు. అయితే తుది జ‌ట్టులో మాత్రం కుశాగ్ర‌కు చోటు ద‌క్క‌లేదు. తాజాగా ఇషాన్ కిష‌న్ గాయం నుంచి పూర్తిగా కోలుకొని నాలుగో టీ20 ఆడేందుకు సిద్ధ‌మ‌వ్వ‌డంతో కుమార్ కుశాగ్ర టీమిండియాను వీడాడు. మరి నాలుగో టీ20కి జట్టులో మార్పులు ఉంటాయా లేక అదే జట్టును కొనసాగిస్తారా అన్నది చూడాలి.PC: X (Twitter)టీమిండియాను వీడిన కుమార్ కుశాగ్ర వెంటనే ఇండియా-ఏ జ‌ట్టుతో క‌లిశాడు. ఇప్ప‌టికే మూడు మ్యాచ్‌ల‌ అన‌ధికారిక టెస్టు సిరీస్ ఆడేందుకు భార‌త‌-ఏ జ‌ట్టు న్యూజిలాండ్ వ‌చ్చిన సంగ‌తి తెలిసిందే. ఇరుజ‌ట్ల మ‌ధ్య జ‌రిగిన తొలి అన‌ధికారిక టెస్టు డ్రాగా ముగిసింది. కేఎల్ రాహుల్‌, య‌శ‌స్వి జైస్వాల్‌, దేవ‌ద‌త్ ప‌డిక్కల్‌, ధ్రువ్ జురేల్‌, వాషింగ్ట‌న్ సుంద‌ర్ తొలి టెస్టులో పాల్గొన్నారు. PC: X (Twitter)టీమిండియా టెస్టు జ‌ట్టులో భాగ‌మైన వీరింద‌రిలో ప‌డిక్క‌ల్ ఒక్క‌డే ఆక‌ట్టుకున్నాడు. ఇక న్యూజిలాండ్‌-ఏ, భార‌త్‌-ఏల మ‌ధ్య రెండో అన‌ధికారిక టెస్టు అక్టోబ‌ర్ 31 నుంచి క్రైస్ట్‌చ‌ర్చి వేదిక‌గా మొద‌లుకానుంది. 🚨Team India arrives in Auckland for the 4th T20I @CricSubhayan @ThumsUpOfficial #INDvsNZ https://t.co/OfVXHMF8Hx— RevSportz Global (@RevSportzGlobal) October 28, 2026 Indian Team arrived in Auckland a while ago, Fans gather to take selfies with Indian Cricketers. For full visuals, click the link below ⬇️⬇️⬇️ https://t.co/KaY6MZ3vB7 #NZvsIND #TeamIndia— Ray Sportz Cricket (@raysportz_cric) October 28, 2026ఇదీ చదవండి: ఒక్కొక్కడిని ‘షేక్‌’ ఆడించాడు.. ఇప్పుడు చెప్పండ్రా అబ్బాయిలు‘అలా కొడుతుంటే చూస్తూ ఉండిపోవడం తప్ప ఏం చేయగలం’

వెల్లింగ్టన్ వేదికగా న్యూజిలాండ్‌తో జరిగిన మూడో టీ20లో 38 బంతుల్లోనే 113 పరుగులు బాదిన అభిషేక్ శర్మ.. టీ20ల్లో తానెంతో ప్రమాదకర బ్యాటర్ అనేది మరోసారి చెప్పకనే చెప్పాడు. గత 10 ఇన్నింగ్స్‌ల్లో రెండు అర్థసెంచరీలు మాత్రమే సాధించిన అభిషేక్.. తాజాగా 35 బంతుల్లోనే శతకం సాధించి తనపై వచ్చిన విమర్శలకు చెక్ పెట్టాడు. ఈ నేపథ్యంలో టీమిండియా మాజీ ఆల్‌రౌండర్ ఇర్ఫాన్ పఠాన్ అభిషేక్ శర్మపై ప్రసంశల వర్షం కురిపించాడు.‘ఒక్క మంచి ఇన్నింగ్స్ ఆడకపోయినా, పొరపాట్లు చేసినా అభిషేక్‌ను జట్టు నుంచి తొలగించాలనే డిమాండ్లు ఎక్కువగా వినిపించేవి. కానీ ఈ ఎడమచేతి బ్యాటర్ మాత్రం తనపై వస్తున్న విమర్శలకు ఒకే ఒక్క సెంచరీతో ఘాటుగా బదులిచ్చాడు. అయితే ఇక్కడ నేను జట్టు మేనేజ్‌మెంట్ లేదా సెలెక్టర్లను నిందించడం లేదు. ఎందుకంటే అభిషేక్ లాంటి ఆటగాడు అవకాశం వచ్చినప్పుడు ఎలా రాణిస్తాడనేది వారికి బాగా తెలుసు. ఇప్పుడు ప్రపంచంలోనే అత్యుత్తమ, భయంలేని హిట్టర్‌గా అభిషేక్ పేరు పొందాడు. అతను ఆఫ్ సైడ్‌లో కొట్టే విధానం నమ్మశక్యం కానిది. మీరు అతనికి ఒకే లైన్‌లో బౌలింగ్ చేస్తూ, ఆఫ్ సైడ్‌లో ఆడటానికి అవకాశం ఇస్తే, అతను మిమ్మల్ని వదిలిపెట్టడు. అందుకే అతనికి బౌలింగ్ చేయడం చాలా కష్టం. పిచ్ నెమ్మదిగా లేకపోయినా, లేదా పదేపదే మీ లైన్‌లను మార్చకపోయినా, క్రీజులో నిలదొక్కుకోవడం కష్టం. న్యూజిలాండ్ గడ్డపై ఒక భారత ఆటగాడు సెంచరీ చేయడం నిజంగా అసాధారణ విషయం’ అని పఠాన్‌ చెప్పుకొచ్చాడు.అభిషేక్ శర్మ చాలాకాలం పాటు పురుషుల టీ20ఐ బ్యాటింగ్ ర్యాంకింగ్స్‌లో నెంబర్‌వన్ స్థానంలో కొనసాగాడు. అయితే తన సహచర ఆటగాడు ఇషాన్ కిషన్ ఆ స్థానాన్ని అధిగమించడంతో అభిషేక్ రెండో స్థానంలో కొనసాగుతున్నాడు. అయితే స్వదేశంలో అఫ్గానిస్తాన్‌తో జరిగిన టీ20 మ్యాచ్‌లో 30 బంతుల్లోనే సెంచరీ బాది ప్రపంచ రికార్డు నెలకొల్పిన అభిషేక్‌.. తాజాగా కివీస్‌తో మ్యాచ్‌లో తన సొంత రికార్డును బద్దలుకొట్టేలా కనిపించాడు. కానీ చివరికి 35 బంతుల్లో సెంచరీ చేసి రెండో అత్యుత్తమం నమోదు చేశాడు.ఇదీ చదవండి: ‘అలా కొడుతుంటే చూస్తూ ఉండిపోవడం తప్ప ఏం చేయగలం’సౌతాఫ్రికాతో టెస్టు.. చ‌రిత్ర సృష్టించిన మిచెల్ స్టార్క్‌

వెల్లింగ్ట‌న్ వేదిక‌గా టీమిండియాతో జ‌రిగిన‌ మూడో టీ20లో ఓట‌మి అనంత‌రం న్యూజిలాండ్ కెప్టెన్ మిచెల్ సాంట్న‌ర్ ఆస‌క్తిక‌ర వ్యాఖ్య‌లు చేశాడు. తమ బౌల‌ర్లు మంచి లైన్ అండ్ లెంగ్త్‌తో బంతులు వేసిన‌ప్ప‌టికీ, అభిషేక్ శ‌ర్మ విధ్వంసం ముందు నిల‌బ‌డ‌లేక‌పోయాయ‌ని తెలిపాడు. అతడు అలా కొడుతుంటే చూస్తూ ఉండిపోవ‌డ‌మే త‌ప్ప ఇంకేమి చేయ‌గ‌లమ‌ని పెద‌వి విరిచాడు. మంచు ప్ర‌భావం కూడా త‌మ‌ను విజ‌యానికి దూరం చేసింద‌ని అభిప్రాయ‌ప‌డ్డాడు. టీమిండియా ఓపెన‌ర్లు అభిషేక్‌, వైభ‌వ్ విజృంభించిన తీరు చూసి వాళ్ల‌ను ఆప‌డం చాలా క‌ష్ట‌మ‌నిపించిద‌న్నాడు. టాస్ ఓడిపోవ‌డం కూడా మ్యాచ్‌లో త‌మ‌కు క‌లిసి రాలేద‌న్నాడు. డారిల్ మిచెల్‌, బెవాన్ జాక‌బ్స్ అద్భుతంగా బ్యాటింగ్ ఆడార‌ని, వారి భాగ‌స్వామ్యం తాము భారీ స్కోరు చేసేందుకు దోహ‌ద ప‌డింద‌ని సాంట్న‌ర్ తెలిపాడు. నిజానికి 200 ప‌రుగులు అనేది ఈ పిచ్‌పై మంచి టార్గెట్ అయిన‌ప్పటికీ, మంచు ప్ర‌భావం త‌మ ఆట‌ను దెబ్బ‌తీసింద‌ని తెలిపాడు. ముఖ్యంగా అభిషేక్‌, వైభ‌వ్‌లు ప‌వ‌ర్ ప్లేలో ఎలా బ్యాటింగ్ చేయాలో చూపించార‌ని, ఇక్క‌డే త‌మ ఓట‌మి ఖాయ‌మైపోయింద‌ని చెప్పుకొచ్చాడు. ఒక ద‌శ‌లో వాళ్ల‌ను ఆపేందుకు మార్గాలను అన్వేషించిన‌ప్ప‌టికీ లాభం లేక‌పోయిందన్నాడు. త‌ర్వాతి మ్యాచ్ జ‌ర‌గ‌నున్న ఈడెన్‌పార్క్ ఇంకా చిన్న మైదానం కావ‌డంతో, అక్క‌డ టీమిండియాను క‌ట్ట‌డి చేసేందుకు ప‌దునైన మార్గాలు అన్వేషించాల్సిన అవ‌స‌రం ఉంద‌ని వెల్ల‌డించాడు.మ్యాచ్ విష‌యానికొస్తే.. టాస్‌ ఓడి ముందుగా బ్యాటింగ్‌కు దిగిన న్యూజిలాండ్‌ 20 ఓవర్లలో 3 వికెట్ల నష్టానికి 198 పరుగులు చేసింది. మిచెల్‌ (52 బంతుల్లో 89 నాటౌట్‌; 5 ఫోర్లు, 5 సిక్స్‌లు) దూకుడుగా ఆడగా... ఫిన్‌ అలెన్‌ (25 బంతుల్లో 40; 5 సిక్స్‌లు), బెవాన్‌ జాకబ్స్‌ (23 బంతుల్లో 39; 4 ఫోర్లు, 1 సిక్స్‌) రాణించారు.అనంతరం భారత్‌ 13.2 ఓవర్లలో 4 వికెట్లకు 199 పరుగులు చేసి విజయాన్నందుకుంది. ‘ప్లేయర్‌ ఆఫ్‌ ద మ్యాచ్‌’ అభిషేక్‌ శర్మ (38 బంతుల్లో 113; 9 ఫోర్లు, 11 సిక్స్‌లు) మెరుపు సెంచరీతో సత్తా చాటగా... వైభవ్‌ సూర్యవంశీ (19 బంతుల్లో 45; 4 ఫోర్లు, 4 సిక్స్‌లు) కూడా చెలరేగాడు. ఇరుజట్ల మధ్య నాలుగో టీ20 శుక్రవారం ఆక్లాండ్‌ వేదికగా జరగనుంది. Mitchell Santner said, “I guess we have to find a way of trying to slow them down, but that might be an 80-run powerplay, not a 100”. https://t.co/OKFgOa9D7H— Mufaddal Vohra (@mufaddal_vohra) October 22, 2026ఇదీ చదవండి: సౌతాఫ్రికాతో టెస్టు.. చ‌రిత్ర సృష్టించిన మిచెల్ స్టార్క్‌సిక్స‌ర్ల‌తో విరుచుకుప‌డ్డ ర‌షీద్ ఖాన్‌.. జింబాబ్వేపై ఘ‌న విజ‌యం

న్యూజిలాండ్‌తో జరిగిన మూడో టీ20లో 35 బంతుల్లోనే సెంచరీ బాదిన అభిషేక్ శర్మ టీ20 క్రికెట్‌లో సరికొత్త రికార్డులు నెలకొల్పాడు. 38 బంతుల్లోనే 113 పరుగులు చేసిన అభిషేక్ ఇన్నింగ్స్‌లో 9 ఫోర్లు, 11 సిక్సర్లు ఉండడం విశేషం. ఇక సిక్సర్ల విషయంలో అభిషేక్ ఒక అరుదైన రికార్డు అందుకున్నాడు. ఈ నేపథ్యంలో వెస్టిండీస్ మాజీ విధ్వంకసర ఓపెనర్ క్రిస్ గేల్ రికార్డును కూడా అభిషేక్ బద్దలుకొట్టాడు. కివీస్‌తో జరిగిన మ్యాచ్‌లో 11 సిక్సర్లు బాదిన అభిషేక్ అంతర్జాతీయ టీ20 క్రికెట్‌లో ముచ్చటగా మూడోసారి ఒక ఇన్నింగ్స్‌లో పది లేదా అంతకంటే ఎక్కువ సిక్సర్లు బాదిన రెండో క్రికెటర్‌గా నిలిచాడు. గతంలో గేల్ ఈ ఫీట్‌ను రెండుసార్లు సాధించగా, తాజాగా అభిషేక్ మూడోసారి 10 కంటే ఎక్కువ సిక్సర్లు బాది గేల్ రికార్డును అధిగమించాడు. ఇక ఆస్ట్రియా క్రికెటర్ కరన్‌బీర్ సింగ్ ఏకంగా ఐదుసార్లు ఒక ఇన్నింగ్స్‌లో పది లేదా అంతకంటే ఎక్కువ సిక్సర్లు కొట్టి జాబితాలో అగ్రస్థానంలో ఉన్నాడు.10 లేదా అంతకంటే ఎక్కువ సిక్సర్లు కొట్టిన ప్లేయర్లు👉కరన్‌బీర్ సింగ్ (ఆస్ట్రియా)- ఐదుసార్లు👉అభిషేక్ శర్మ (టీమిండియా)- మూడుసార్లు👉క్రిస్ గేల్ (వెస్టిండీస్‌)- రెండుసార్లు👉ఆరోన్ ఫించ్ (ఆస్ట్రేలియా)- రెండుసార్లు👉అడ్రియన్ డన్‌బార్ (సెర్బియా)- రెండుసార్లు👉కెండెల్ కడోవాకి ఫ్లెమింగ్ (జపాన్‌)- రెండుసార్లుమ్యాచ్ విష‌యానికొస్తే.. టాస్‌ ఓడి ముందుగా బ్యాటింగ్‌కు దిగిన న్యూజిలాండ్‌ 20 ఓవర్లలో 3 వికెట్ల నష్టానికి 198 పరుగులు చేసింది. మిచెల్‌ (52 బంతుల్లో 89 నాటౌట్‌; 5 ఫోర్లు, 5 సిక్స్‌లు) దూకుడుగా ఆడగా... ఫిన్‌ అలెన్‌ (25 బంతుల్లో 40; 5 సిక్స్‌లు), బెవాన్‌ జాకబ్స్‌ (23 బంతుల్లో 39; 4 ఫోర్లు, 1 సిక్స్‌) రాణించారు.అనంతరం భారత్‌ 13.2 ఓవర్లలో 4 వికెట్లకు 199 పరుగులు చేసి విజయాన్నందుకుంది. ‘ప్లేయర్‌ ఆఫ్‌ ద మ్యాచ్‌’ అభిషేక్‌ శర్మ (38 బంతుల్లో 113; 9 ఫోర్లు, 11 సిక్స్‌లు) మెరుపు సెంచరీతో సత్తా చాటగా... వైభవ్‌ సూర్యవంశీ (19 బంతుల్లో 45; 4 ఫోర్లు, 4 సిక్స్‌లు) కూడా చెలరేగాడు. ఇరుజట్ల మధ్య నాలుగో టీ20 శుక్రవారం ఆక్లాండ్‌ వేదికగా జరగనుంది. ABHISHEK SHARMA, YOU ABSOLUTE MENACE! 🤯 A 35-ball hundred. Let that sink in! 💯 Watch the HERO VIDA India Tour of New Zealand, 3rd T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/OvOMf1rIsy— Sony Sports Network (@SonySportsNetwk) October 27, 2026 15 BALLS. HALF-CENTURY. ZERO BRAKES. 💥 Abhishek Sharma is taking the game away from New Zealand at a ridiculous pace! Watch the HERO VIDA India Tour of New Zealand, 3rd T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND— Sony Sports Network (@SonySportsNetwk) October 27, 2026ఇదీ చ‌ద‌వండి: 'ఆయ‌న ఎలా ఆడారో తెలియ‌దు; అద్భుతం ఒక్క‌సారే జ‌రుగుతుంది'శ్రీలంక జట్టుకు భారీ ఎదురుదెబ్బ

న్యూజిలాండ్‌తో జ‌రిగిన మూడో టీ20లో ఓపెన‌ర్ అభిషేక్ శ‌ర్మ రికార్డు సెంచ‌రీతో చెల‌రేగడంతో టీమిండియా మ‌రో రెండు మ్యాచ్‌లు మిగిలి ఉండ‌గానే సిరీస్‌ను 3-0తో కైవ‌సం చేసుకుంది. 35 బంతుల్లోనే సెంచ‌రీ మార్క్ సాధించిన అభిషేక్ ఓవ‌రాల్‌గా 38 బంతుల్లో 9 ఫోర్లు, 11 సిక్స‌ర్ల సాయంతో 113 ప‌రుగులు చేసి 'ప్లేయ‌ర్ ఆఫ్ ది మ్యాచ్‌'గా ఎంపిక‌య్యాడు. అవార్డు అందుకున్న అనంత‌రం వ్యాఖ్యాత సైమన్‌ డౌల్‌తో అభిషేక్ శ‌ర్మ మాట్లాడుతూ..‘‘ఫీల్డింగ్‌ సమయంలో పిచ్‌ ఎలా స్పందిస్తుందో చూశాం. చిన్న బౌండరీలను లక్ష్యంగా చేసుకొని, పవర్‌ప్లేలో పేస్‌ బౌలర్ల వేగాన్ని కూడా ఉపయోగించు కోవాలనేదే వ్యూహం. అది బాగా పని చేసింది. ఇలాంటి షాట్లు ఆడటం కనిపించినంత సులువేం కాదు. ఎంతో సాధన అవసరం. యువీ భయ్యా రికార్డు బ్రేక్‌ చేస్తా..(12 బంతుల్లో అర్ధ సెంచరీ చేయలేకపోయావంటూ యువరాజ్‌ చేసిన సరదా వ్యాఖ్యపై) ఆయన అప్పుడు ఎలా ఆడగలిగారో తెలీదు కానీ అలాంటివి అనుకుంటే జరగవు. అలాంటి అద్భుతాలు ఎప్పుడో ఒకసారి మాత్రమే సాధ్యమవుతాయి. వాటి గురించి ఆలోచించడంకంటే జట్టును గెలిపించడంపైనే నా దృష్టి ఉంటుంది. నా గురువు యువరాజ్‌ 12 బంతుల ఫిఫ్టీ రికార్డును మాత్రం ఏదో ఒకరోజు బద్దలుకొట్టడానికి ప్రయత్నిస్తా’ అని నవ్వుతూ పేర్కొన్నాడు. ‘నాతో పాటు జ‌ట్టులో ఉన్న ప్ర‌తీ ఆట‌గాడు వ్య‌క్తిగ‌త రికార్డుల‌క‌న్నా జ‌ట్టును గెలిపించ‌డంపైనే దృష్టి సారిస్తాడు. దానికి త‌గ్గ‌ట్లుగా ప్ర‌ణాళిక ర‌చించుకుంటాము. ఈ సిరీస్ అంత‌టా కూడా మేము దానినే కొన‌సాగించాల‌నుకుంటున్నాం. ’’ అని ముగించాడు.80 బంతుల్లోనే టార్గెట్‌ హాంఫట్‌టాస్‌ ఓడి ముందుగా బ్యాటింగ్‌కు దిగిన న్యూజిలాండ్‌ 20 ఓవర్లలో 3 వికెట్ల నష్టానికి 198 పరుగులు చేసింది. మిచెల్‌ (52 బంతుల్లో 89 నాటౌట్‌; 5 ఫోర్లు, 5 సిక్స్‌లు) దూకుడుగా ఆడగా... ఫిన్‌ అలెన్‌ (25 బంతుల్లో 40; 5 సిక్స్‌లు), బెవాన్‌ జాకబ్స్‌ (23 బంతుల్లో 39; 4 ఫోర్లు, 1 సిక్స్‌) రాణించారు. అనంతరం భారత్‌ 13.2 ఓవర్లలో 4 వికెట్లకు 199 పరుగులు చేసి విజయాన్నందుకుంది. ‘ప్లేయర్‌ ఆఫ్‌ ద మ్యాచ్‌’ అభిషేక్‌ శర్మ (38 బంతుల్లో 113; 9 ఫోర్లు, 11 సిక్స్‌లు) మెరుపు సెంచరీతో సత్తా చాటగా... వైభవ్‌ సూర్యవంశీ (19 బంతుల్లో 45; 4 ఫోర్లు, 4 సిక్స్‌లు) కూడా చెలరేగాడు. ఇరుజట్ల మధ్య నాలుగో టీ20 శుక్రవారం ఆక్లాండ్‌ వేదికగా జరగనుంది. Abhishek Sharma on Yuvraj's playful jibe of not getting a 12-ball fifty: “I don't know what cricket Yuvi pa was playing at the time. If anyone wants to go out and bat like that, it is not easy. It is not easy to get a fifty in 12 balls, but we do not think about that, we want to just win the match for our team”. https://t.co/YEDRt45y8c— Rakesh Sharma (@iamrkRakesh) October 27, 2026ఇదీ చ‌ద‌వండి: న్యూజిలాండ్‌పై ‘విధ్వంసాభిషేకం’

కభీ కభీ అభీని తక్కువగా అంచనా వేస్తే ఏం జరుగుతుందో ఇప్పుడు కనిపించింది... గత 10 ఇన్నింగ్స్‌లలో 2 అర్ధ సెంచరీలు ఉన్నా అతడి నుంచి అందరూ ఇంకా ఏదో ఆశించారు... శుభారంభాలు చేస్తున్నా భారీ స్కోరు వరకు వెళ్లడం లేదు... ఈ సిరీస్‌లో తొలి రెండు మ్యాచ్‌లలో గెలుపు సామ్సన్, తిలక్‌ వర్మల పేరిట రాయబడింది. ఇలాంటి స్థితిలో తానే పెద్ద ఇన్నింగ్స్‌ బాకీ ఉన్నాడు. ఇప్పుడు దానిని తీర్చేస్తూ అభిషేక్‌ శర్మ చెలరేగిపోయాడు. 15 బంతుల్లో హాఫ్‌ సెంచరీ, 35 బంతుల్లో సెంచరీ బాదేసి ప్రత్యర్థి బౌలర్లకు మానసిక ప్రశాంతత దూరం చేసి తాను మాత్రం విజయధ్యానంలో మునిగిపోయాడు! అభీకి తోడుగా అచ్చొచ్చిన ఓపెనింగ్‌ స్థానంలో వైభవ్‌ తానూ తక్కువ కాదన్నట్లుగా మెరుపు ప్రదర్శన చేశాడు. ఫలితంగా న్యూజిలాండ్‌తో మూడో టి20లో భారత్‌కు భారీ విజయం దక్కింది.... రెండు మ్యాచ్‌లు మిగిలి ఉండగానే కివీస్‌ గడ్డపై టీమిండియా వరుసగా మూడోసారి టి20 సిరీస్‌ను సొంతం చేసుకుంది. వెలింగ్టన్‌: తొలి 14 బంతుల్లో 50... 30 బంతుల్లో 100... పవర్‌ప్లే ముగిసేసరికి 118... 80 బంతుల్లో 199 పరుగుల లక్ష్య ఛేదన... అసాధారణ, రికార్డుల మ్యాచ్‌లో న్యూజిలాండ్‌పై భారత్‌ టి20 సిరీస్‌ను 3–0తో గెలుచుకుంది. మంగళవారం జరిగిన మూడో మ్యాచ్‌లో భారత్‌ 6 వికెట్ల తేడాతో కివీస్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన న్యూజిలాండ్‌ 20 ఓవర్లలో 3 వికెట్ల నష్టానికి 198 పరుగులు చేసింది. మిచెల్‌ (52 బంతుల్లో 89 నాటౌట్‌; 5 ఫోర్లు, 5 సిక్స్‌లు) దూకుడుగా ఆడగా... ఫిన్‌ అలెన్‌ (25 బంతుల్లో 40; 5 సిక్స్‌లు), బెవాన్‌ జాకబ్స్‌ (23 బంతుల్లో 39; 4 ఫోర్లు, 1 సిక్స్‌) రాణించారు. అనంతరం భారత్‌ 13.2 ఓవర్లలో 4 వికెట్లకు 199 పరుగులు చేసి విజయాన్నందుకుంది. ‘ప్లేయర్‌ ఆఫ్‌ ద మ్యాచ్‌’ అభిషేక్‌ శర్మ (38 బంతుల్లో 113; 9 ఫోర్లు, 11 సిక్స్‌లు) మెరుపు సెంచరీతో సత్తా చాటగా... వైభవ్‌ సూర్యవంశీ (19 బంతుల్లో 45; 4 ఫోర్లు, 4 సిక్స్‌లు) కూడా చెలరేగాడు. వీరిద్దరు తొలి వికెట్‌కు 44 బంతుల్లోనే 133 పరుగులు జోడించారు. ఈ గెలుపుతో ఐదు మ్యాచ్‌ల సిరీస్‌ను భారత్‌ 3–0తో సొంతం చేసుకుంది. నాలుగో టి20 శుక్రవారం ఆక్లాండ్‌లో జరుగుతుంది. రాణించిన మిచెల్‌... ఇన్నింగ్స్‌ రెండో ఓవర్లోనే సీఫెర్ట్‌ (2) వెనుదిరిగినా... అలెన్, మిచెల్‌ భారీ షాట్లు ఆడుతూ పరుగులు రాబట్టారు. 3–8 మధ్య ఆరు ఓవర్లలో వీరిద్దరు కలిసి 8 సిక్సర్లు బాదారు. 8వ ఓవర్‌ ముగిసేసరికి కివీస్‌ స్కోరు 88/1. అయితే 9వ ఓవర్లో అలెన్‌ను నితీశ్‌ అవుట్‌ చేయడంతో ఆట మలుపు తిరిగింది. ఆ తర్వాత భారత బౌలర్లు కట్టడి చేయడంతో కివీస్‌ బ్యాటర్లు పరుగులు చేయడంలో ఇబ్బంది పడ్డారు. 26 బంతుల్లోనే అర్ధ సెంచరీ పూర్తి చేసుకున్న మిచెల్‌ తన తర్వాతి 26 బంతుల్లో 35 రన్స్‌ చేశాడు. చివరి 4 ఓవర్లలో కివీస్‌ 42 రన్స్‌ రాబట్టింది. ధనాధన్‌ బాదుడు... తొలి ఓవర్లో ఏకంగా 26 పరుగులు రాబట్టి ఛేదనను మొదలు పెట్టిన భారత్‌ ఆ తర్వాత దూసుకుపోయింది. డఫీ వేసిన ఈ ఓవర్లో అభిషేక్‌ ఒక సిక్స్‌ కొట్టగా, వైభవ్‌ సిక్స్, ఫోర్‌ బాదాడు. మిల్నే ఓవర్లో వరుసగా 6, 6, 4 బాదిన అభిషేక్‌... బ్రేస్‌వెల్‌ ఓవర్లో వరుసగా 4, 6, 4 కొట్టాడు. తర్వాతి ఓవర్లో జేమీసన్‌ వంతు వచ్చింది. ఈసారి వరుసగా 6, 6, 4తో అభి సత్తా చాటాడు. మరోవైపు డఫీ వేసిన ఆరో ఓవర్లో వైభవ్‌ 3 ఫోర్లు, సిక్స్‌ కొట్టాడు. తొలి వికెట్‌ భాగస్వామ్యంతోనే భారత్‌ గెలుపు దాదాపుగా ఖాయమైన దశలో వైభవ్‌ వెనుదిరిగాడు. అనంతరం ఫిషర్‌ ఓవర్లో 2 సిక్స్‌లు కొట్టిన అభిషేక్‌... జేమీసన్‌ ఓవర్లో ఫోర్‌తో శతకం పూర్తి చేసుకున్నాడు. విజయానికి చేరువైన దశలో 17 పరుగుల వ్యవధిలో ముగ్గురు బ్యాటర్లు అవుటైనా... భారత్‌ 40 బంతులు మిగిలి ఉండగానే మ్యాచ్‌ను హస్తగతం చేసుకుంది. స్కోరు వివరాలున్యూజిలాండ్‌ ఇన్నింగ్స్‌: సీఫెర్ట్‌ (సి) అక్షర్‌ (బి) అర్ష్ దీప్‌ 2; అలెన్‌ (సి) నమన్‌ (బి) నితీశ్‌ 40; మిచెల్‌ (నాటౌట్‌) 89; ఫిలిప్స్‌ (సి) అండ్‌ (బి) అక్షర్‌ 17; జాకబ్స్‌ (నాటౌట్‌) 39; ఎక్స్‌ట్రాలు 11; మొత్తం (20 ఓవర్లలో 3 వికెట్లకు) 198. వికెట్ల పతనం: 1–4, 2–90, 3–123. బౌలింగ్‌: భువనేశ్వర్‌ 4–0–40–0, అర్ష్ దీప్‌ 4–0–33–1, ప్రిన్స్‌ 4–0–44–0, అక్షర్‌ 4–0–36–1, నితీశ్‌ రెడ్డి 4–0–38–1. భారత్‌ ఇన్నింగ్స్‌: వైభవ్‌ (సి) మిచెల్‌ (బి) ఫిషర్‌ 45; అభిషేక్‌ (సి) ఫిలిప్స్‌ (బి) జేమీసన్‌ 113; సామ్సన్‌ (బి) జేమీసన్‌ 18; శ్రేయస్‌ (సి) ఫిలిప్స్‌ (బి) సాంట్నర్‌ 5; తిలక్‌ (నాటౌట్‌) 1; నమన్‌ (నాటౌట్‌) 4; ఎక్స్‌ట్రాలు 13; మొత్తం (13.2 ఓవర్లలో 4 వికెట్లకు) 199. వికెట్ల పతనం: 1–133, 2– 178, 3–193, 4–195. బౌలింగ్‌: డఫీ 2–0–44–0, మిల్నే 2–0–33–0, బ్రేస్‌వెల్‌ 2–0–36–0, జేమీసన్‌ 3.2–0–45–2, ఫిషర్‌ 1–0–23–1, సాంట్నర్‌ 3–0–17–1.

నాలుగేళ్ల తర్వాత టీమిండియాలోకి రీఎంట్రీ ఇచ్చి, ప్రస్తుత న్యూజిలాండ్‌ పర్యటనలో దారుణంగా విఫలమవుతున్న భువనేశ్వర్‌ కుమార్‌ కీలక నిర్ణయం తీసుకున్నాడు. తిరిగి ఫామ్‌లోకి వచ్చేందుకు దేశవాళీ క్రికెట్ ఆడతానని స్పష్టం చేశాడు.న్యూజిలాండ్‌తో మూడో టీ20 అనంతరం మీడియాతో మాట్లాడుతూ.. భవిష్యత్తు గురించి మరీ ఎక్కువగా ఆలోచించడం లేదు. ప్రస్తుతం లభిస్తున్న అవకాశాలతో సంతోషంగా ఉన్నాను. ఖచ్చితంగా దేశవాళీ క్రికెట్ ఆడతాను. విజయ్ హజారే ట్రోఫీ అయినా, ముస్తాక్ అలీ టోర్నీ అయినా ఆడేందుకు ఎదురుచూస్తున్నానని అన్నాడు.ఇదే సందర్భంగా భువీ న్యూజిలాండ్‌ సిరీస్‌లో బ్యాటర్ల ఆధిపత్యంపై స్పందించాడు. బ్యాటర్ల ఆధిపత్యం పెరిగినప్పటికీ బౌలర్లకు ఆటపై నియంత్రణ ఉంటుందని అభిప్రాయపడ్డాడు.కాగా, ప్రస్తుత న్యూజిలాండ్‌ టీ20 సిరీస్‌లో భువీ ఘోరంగా విఫలమవుతున్నాడు. మూడు మ్యాచ్‌ల్లో ఒకే వికెట్ తీశాడు. ప్రతి మ్యాచ్‌లోనూ 40కి పైగా పరుగులు సమర్పించుకున్నాడు.ఇదిలా ఉంటే, న్యూజిలాండ్‌తో ఇవాళ జరిగిన మూడో టీ20లో భారత్‌ 6 వికెట్ల తేడాతో ఘన విజయం​ సాధించి, ఐదు మ్యాచ్‌ల సిరీస్‌ను మరో రెండు మ్యాచ్‌లు మిగిలుండగానే 3-0తో కైవసం చేసుకుంది.ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌ నిర్ణీత 20 ఓవర్లలో 3 వికెట్ల నష్టానికి 193 పరుగులు చేయగా.. భారత్‌ 13.2 ఓవర్లలో 4 వికెట్లు కోల్పోయి ఆడుతూపాడుతూ లక్ష్యాన్ని ఛేదించింది. అభిషేక్‌ శర్మ (38 బంతుల్లో 113; 9 ఫోర్లు, 11 సిక్సర్లు) విధ్వంసకర శతకంతో భారత్‌ను ఒంటిచేత్తో గెలిపించాడు.ఇదీ చదవండి: టీమిండియా ప్రపంచ రికార్డు

న్యూజిలాండ్‌తో మూడో టీ20లో టీమిండియా ఓపెనర్‌ అభిషేక్‌ శర్మ అద్భుత ఇన్నింగ్స్‌ ఆడాడు. సిక్సర్‌తో తన ఇన్నింగ్స్‌ మొదలుపెట్టిన ఈ లెఫ్టాండర్‌ బ్యాటర్‌ కేవలం 15 బంతుల్లోనే అర్ధ శతకం పూర్తి చేసుకున్నాడు.ఇరగదీసిన ఓపెనర్లుఆ తర్వాత కూడా అదే జోరు కొనసాగిస్తూ 35 బంతుల్లోనే శతక్కొట్టాడు. మొత్తంగా 38 బంతులు ఎదుర్కొన్న అభిషేక్‌ శర్మ తొమ్మిది ఫోర్లు, పదకొండు సిక్సర్ల సాయంతో ఏకంగా 113 పరుగులు రాబట్టాడు. మరో ఎండ్‌ నుంచి చిచ్చర పిడుగు వైభవ్‌ సూర్యవంశీ అతడికి సహకారం అందించాడు.ఆది నుంచే దూకుడు ప్రదర్శించిన వైభవ్‌ సూర్యవంశీ సైతం కేవలం 19 బంతుల్లోనే 4 ఫోర్లు, 4 సిక్స్‌లు బాది 45 పరుగులు సాధించాడు. ఈ ఇద్దరూ కలిసి తొలి వికెట్‌కు కేవలం 43 బంతుల్లోనే 133 పరుగులు జోడించి.. జట్టు గెలుపులో కీలక పాత్ర పోషించారు.ABHISHEK SHARMA, YOU ABSOLUTE MENACE! 🤯 A 35-ball hundred. Let that sink in! 💯 Watch the HERO VIDA India Tour of New Zealand, 3rd T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/OvOMf1rIsy— Sony Sports Network (@SonySportsNetwk) October 27, 2026మరోవైపు.. వైభవ్‌ కోసం ఓపెనింగ్‌ స్థానాన్ని త్యాగం చేసి వన్‌డౌన్‌లో వచ్చిన సంజూ శాంసన్‌ 13 బంతుల్లో 18 పరుగులు చేయగలిగాడు. ఈ నేపథ్యంలో టీమిండియా దిగ్గజ ఆల్‌రౌండర్‌, అభిషేక్‌ శర్మ మెంటార్‌ యువరాజ్‌ సింగ్‌ చేసిన ట్వీట్‌ వైరల్‌గా మారింది.ఇంటి పెరట్లో బ్యాటింగ్‌ చేస్తున్నట్లుందితొలుత అభిషేక్‌ అర్ధ శతకాన్ని ఉద్దేశిస్తూ.. ‘ఇప్పటికీ నువ్వు 12 బంతుల్లో 50 పరుగులు చేయలేకపోతున్నావు. ఏదేమైనా ఇద్దరు లెఫ్టాండర్‌ ఓపెనర్లు తమ ఇంటి పెరట్లో బ్యాటింగ్‌ చేస్తున్నట్లుగా అనిపిస్తోంది’ అని యువీ సరదాగా ట్వీట్‌ చేశాడు.నా వల్ల కాదుఅనంతరం.. ‘నేనైతే 30 లేదంటే 34 బంతుల్లో సెంచరీ మాత్రం చేయలేను. మీరు చాలా బాగా ఆడారు అభిషేక్‌ సర్‌. గొప్ప ఇన్నింగ్స్‌. సింగిల్స్‌ కూడా తీశారు. ఇక మరో ఎండ్‌ నుంచి వైభవ్‌ సూర్యవంశీ అదరగొట్టాడు.హ్యాట్సాఫ్‌ సంజూ! వీళ్లిద్దరిది విధ్వంసకర బ్యాటింగ్‌ కాంబినేషన్‌!.. జట్టు ప్రయోజనాల కోసం మూడో స్థానంలో బ్యాటింగ్‌కు వచ్చిన సంజూ శాంసన్‌ నిజంగా కంప్లీట్‌ టీమ్‌ మ్యాన్‌. హ్యాట్సాఫ్‌ సంజూ! ఇక మన బౌలర్లు కూడా గొప్పగా రాణించి.. ప్రత్యర్థిని 200 పరుగులకే పరిమితం చేశారు!గొప్ప విజయం. సిరీస్‌ మనదే. టీమిండియాకు అభినందనలు’’ అని యువీ అభిషేక్‌, వైభవ్‌, సంజూలను ప్రశంసించాడు. కాగా సంజూకు సైతం కొన్నాళ్ల క్రితం యువీ బ్యాటింగ్‌లో మెళకువలు నేర్పిన సంగతి తెలిసిందే. ఇప్పటికీ ఆ రికార్డు యువీదేకాగా.. ఐసీసీ సభ్య దేశాల్లో ఫాస్టెస్ట్‌ హాఫ్‌ సెంచరీ చేసిన ఘనత యువీదే. 2007 టీ20 ప్రపంచకప్‌ సందర్భంగా ఇంగ్లండ్‌ మీద 12 బంతుల్లోనే ఈ లెజెండరీ ఆల్‌రౌండర్‌ అర్ధ శతకం బాదాడు.ఇదిలా ఉంటే... న్యూజిలాండ్‌తో ఐదు మ్యాచ్‌ల టీ20 సిరీస్‌లో భాగంగా హ్యాట్రిక్‌ విజయాలు సాధించిన టీమిండియా సిరీస్‌ను 3-0తో కైవసం చేసుకుంది. ఇరుజట్ల మధ్య శుక్రవారం నాటి నాలుగో టీ20కి ఆక్లాండ్‌ వేదిక.ఇవీ చదవండి: వాళ్లిద్దరు అత్యద్భుతం.. సంజూ, నేను ఆశ్చర్యపోయాం: శ్రేయస్‌ అయ్యర్‌చెలరేగిన అభిషేక్‌- వైభవ్‌.. టీమిండియా ప్రపంచ రికార్డు

న్యూజిలాండ్‌ గడ్డ మీద టీమిండియా సత్తా చాటింది. వెల్లింగ్టన్‌ వేదికగా మంగళవారం నాటి మూడో టీ20లోనూ గెలిచి హ్యాట్రిక్‌ విజయాలు అందుకుంది. తద్వారా మరో రెండు మ్యాచ్‌లు మిగిలి ఉండగానే సిరీస్‌ను 3-0తో కైవసం చేసుకుంది.ఈ నేపథ్యంలో కివీస్‌తో మూడో టీ20లో గెలుపు అనంతరం భారత జట్టు కెప్టెన్‌ శ్రేయస్‌ అయ్యర్‌ హర్షం వ్యక్తం చేశాడు. ఓపెనర్లు అభిషేక్‌ శర్మ, వైభవ్‌ సూర్యవంశీ అత్యద్భుతంగా బ్యాటింగ్‌ చేశారని.. అంతర్జాతీయ క్రికెట్‌లో ఈ స్థాయి విధ్వంసాన్ని తానెప్పుడూ చూడలేదని కొనియాడాడు.అత్యద్భుతం.. సంజూ, నేను ఆశ్చర్యపోయాంఈ మేరకు.. ‘‘వాళ్లిద్దరు (అభిషేక్‌, వైభవ్‌) షాట్లు ఆడుతుంటే కన్నులపండుగలా అనిపించింది. నిజంగా అత్యద్భుతం. సంజూ, నేను బ్యాటింగ్‌కు వెళ్లినపుడు సీమ్‌ ఎక్కువగానే ఉంది. బంతి స్వింగ్‌ అవుతోంది. అయినా సరే.. వీళ్లిద్దరు ఇంత బాగా ఎలా బ్యాటింగ్‌ చేశారా? అని ఆశ్చర్యపోయాము.మైండ్‌ బ్లోయింగ్‌ అంతే. ఇంతకంటే ఇంకేం చెప్పగలము. ఐదు ఓవర్లలోనే వంద పరుగులు రాబట్టడం.. వాహ్‌.. అంతర్జాతీయ స్థాయిలో ఇంతటి విధ్వంసకర బ్యాటింగ్‌ను నేను ఇంతకు ముందెన్నడూ చూడలేదు. ఇదొక గొప్ప విషయం.విదేశీ గడ్డ మీద ఆడుతున్నపుడు దూకుడుగా ఉండాల్సిందే. పిచ్‌ పరిస్థితులు ఎప్పటికప్పుడు మారిపోతూ ఉంటాయి. కాబట్టి మ్యాచ్‌ సాగుతున్న కొద్దీ బౌలర్లు వైవిధ్యం ప్రదర్శించగలరు. అప్పుడు బ్యాటింగ్‌ చేయడం సవాలుగా మారుతుంది.Nothing's going right for the Kiwis! 😬 Watch the HERO VIDA India Tour of New Zealand, 3rd T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/M6nXv026Hp— Sony Sports Network (@SonySportsNetwk) October 27, 2026మా బౌలర్లు కూడా బాగానే కష్టపడ్డారుఏదేమైనా అభిషేక్‌, వైభవ్‌ అద్భుతంగా ఆడారు. మంచు కూడా ప్రభావం చూపింది. మా బౌలర్లు కూడా బాగానే కష్టపడ్డారు. ఎక్కువగా యార్కర్లు వేయమనే చెప్పాను. ఎలాగైనా కివీస్‌ బ్యాటర్లను కట్టడి చేయడమే లక్ష్యంగా ముందుకు సాగాము. రన్‌రేటును తొమ్మిది నుంచి ఎనిమిదికి తగ్గించడంలో సఫలమయ్యాము. 200 పరుగులలోపే వారిని కట్టడి చేయగలిగాము. మిగతా రెండు మ్యాచ్‌లలోనూ మేము ఇలాగే ఆడి గెలుస్తామని ఆశిస్తున్నా’’ అని శ్రేయస్‌ అ‍య్యర్‌ సంతోషం వ్యక్తం చేశాడు.43 బంతుల్లో 133 పరుగుల భాగస్వామ్యంకాగా భారత ఓపెనర్లలో అభిషేక్‌ శర్మ విధ్వంసకర శతకం (38 బంతుల్లో 113) సాధించగా.. వైభవ్‌ సూర్యవంశీ మెరుపు (19 బంతుల్లో 45) ఇన్నింగ్స్‌ ఆడి.. విజయంలో కీలక పాత్ర పోషించారు. ఇద్దరూ కలిసి మొదటి వికెట్‌కు 43 బంతుల్లో 133 పరుగుల భాగస్వామ్యం నెలకొల్పారు. ఈమ్యాచ్‌లో సంజూ 18 పరుగులు చేయగా.. శ్రేయస్‌ ఐదు పరుగులే చేసి అవుటయ్యాడు.Call it clinical. Call it classic. Call it Team India. 💙 Watch the HERO VIDA India Tour of New Zealand, 4th T20I, 30th Oct, 11:30am onwards, LIVE on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/SzfMSaegiy— Sony Sports Network (@SonySportsNetwk) October 27, 2026ఇవీ చదవండి: చెలరేగిన అభిషేక్‌- వైభవ్‌.. టీమిండియా ప్రపంచ రికార్డుచరిత్ర సృష్టించిన కివీస్‌ ఓపెనర్‌.. అభిషేక్‌ రికార్డు బ్రేక్‌

న్యూజిలాండ్‌తో మూడో టీ20లో భారత ఓపెనర్లు అభిషేక్‌ శర్మ, వైభవ్‌ సూర్యవంశీ అద్భుత ప్రదర్శన కనబరిచారు. ఆకాశమే హద్దుగా చెలరేగుతూ అభిషేక్‌ పరుగుల వరద పారించగా.. వైభవ్‌ మెరుపు ఇన్నింగ్స్‌తో అతడికి సహకారం అందించాడు.సరికొత్త ప్రపంచ రికార్డుఈ ఇద్దరు లెఫ్టాండ్‌ బ్యాటర్ల విధ్వంసకర బ్యాటింగ్‌ కారణంగా టీమిండియా సరికొత్త ప్రపంచ రికార్డు నెలకొల్పింది. అంతర్జాతీయ పురుషుల టీ20 క్రికెట్‌లో పవర్‌ ప్లేలో అత్యధిక స్కోరు సాధించిన జట్టుగా నిలిచింది.కాగా వెల్లింగ్‌టన్‌ వేదికగా మంగళవారం నాటి మూడో టీ20లో టాస్‌ గెలిచిన భారత్‌.. తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన కివీస్‌ నిర్ణీత 20 ఓవర్లలో మూడు వికెట్ల నష్టానికి 198 పరుగులు సాధించింది.15 బంతుల్లోనే అర్ధ శతకంఅనంతరం లక్ష్య ఛేదనకు దిగిన టీమిండియాకు అదిరిపోయే ఆరంభం లభించింది. ఓపెనర్లలో అభిషేక్‌ శర్మ కేవలం 15 బంతుల్లోనే అర్ధ శతకం సాధించాడు. మరోవైపు.. వైభవ్‌ సూర్యవంశీ కూడా ధనాధన్‌ దంచికొట్టాడు. పవర్‌ ప్లే అంటే.. ఆరు ఓవర్ల ఆట ముగిసే సరికి అభిషేక్‌ 20 బంతుల్లో 67, వైభవ్‌ 17 బంతుల్లో 44 పరుగులు సాధించారు.15 BALLS. HALF-CENTURY. ZERO BRAKES. 💥 Abhishek Sharma is taking the game away from New Zealand at a ridiculous pace! Watch the HERO VIDA India Tour of New Zealand, 3rd T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND— Sony Sports Network (@SonySportsNetwk) October 27, 2026వికెట్‌ నష్టపోకుండా ఏకంగా 118 పరుగులుఈ క్రమంలో పవర్‌ ప్లేలో టీమిండియా వికెట్‌ నష్టపోకుండా ఏకంగా 118 పరుగులు సాధించింది. అంతర్జాతీయ పురుషుల టీ20 క్రికెట్‌లో ఏ జట్టుకైనా ఇదే అత్యధిక పవర్‌ ప్లే స్కోరు.ఇక ఈ మ్యాచ్‌లో కేవలం 35 బంతుల్లోనే శతక్కొట్టిన అభిషేక్‌ శర్మ.. మొత్తంగా 38 బంతులు ఎదుర్కొని 9 ఫోర్లు, 11 సిక్సర్ల సాయంతో 113 పరుగులు సాధించాడు. ABHISHEK SHARMA, YOU ABSOLUTE MENACE! 🤯 A 35-ball hundred. Let that sink in! 💯 Watch the HERO VIDA India Tour of New Zealand, 3rd T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/OvOMf1rIsy— Sony Sports Network (@SonySportsNetwk) October 27, 2026వైభవ్‌ కూడా అదుర్స్‌మరోవైపు.. వైభవ్‌ సూర్యవంశీ 19 బంతుల్లో నాలుగు ఫోర్లు, నాలుగు సిక్సర్లు కొట్టి 45 పరుగులు చేశాడు. ఇద్దరూ కలిసి తొలి వికెట్‌కు 43 బంతుల్లో 133 పరుగుల జోడించారు.ఓపెనర్ల అద్భుత ప్రదర్శన కారణంగా టీమిండియా ఈ మ్యాచ్‌లో కేవలం 13.2 ఓవర్లలో నాలుగు వికెట్లు మాత్రమే కోల్పోయి.. 199 పరుగుల లక్ష్యాన్ని ఛేదించింది. శతక వీరుడు అభిషేక్‌ శర్మకు ‘ప్లేయర్‌ ఆఫ్‌ ది మ్యాచ్’‌ అవార్డు దక్కింది. అంతర్జాతీయ పురుషుల టీ20 క్రికెట్‌లో పవర్‌ ప్లేలో వందకు పైగా పరుగులు సాధించిన జట్లు👉భారత్‌- 2026లో వెల్లింగ్‌టన్‌ వేదికగా న్యూజిలాండ్‌ మీద 118/0👉రొమేనియా- 2021లో సోఫియా వేదికగా సెర్బియా మీద 116/0 (5.4 ఓవర్లలోనే)👉ఆస్ట్రేలియా- 2024లో ఎడిన్‌బర్గ్‌ వేదికగా స్కాట్లాండ్‌ మీద 113/1 👉జింబాబ్వే- 2024లో నైరోబి వేదికగా గాంబియా మీద 103/1👉సౌతాఫ్రికా- 2023లో సెంచూరియన్‌ వేదికగా వెస్టిండీస్‌ మీద 102/0👉ఇంగ్లండ్‌- 2025లో ఓల్డ్‌ ట్రఫోర్డ్‌ వేదికగా సౌతాఫ్రికా మీద 100/0 👉భారత్‌- 2026లో ఢిల్లీ వేదికగా అఫ్గానిస్తాన్‌ మీద 100/0#TeamIndia take an unassailable 3-0 lead in the five-match series! 💙 Watch the HERO VIDA India Tour of New Zealand, 3rd T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/57kiddW9ez— Sony Sports Network (@SonySportsNetwk) October 27, 2026ఇవీ చదవండి: అభిషేక్‌ విధ్వంసకర సెంచరీ, వైభవ్‌ ధనాధన్‌.. సిరీస్‌ భారత్‌ కైవసంచరిత్ర సృష్టించిన కివీస్‌ ఓపెనర్‌.. అభిషేక్‌ రికార్డు బ్రేక్‌

టీమిండియా విధ్వంసకర ఓపెనర్‌ అభిషేక్‌ శర్మ టీ20 క్రికెట్‌లో ఆకాశమే హద్దుగా చెలరేగిపోతున్నాడు. ఆ రికార్డు, ఈ రికార్డు అన్న తేడా లేకుండా అన్ని బ్యాటింగ్‌ రికార్డులను తిరగరాసేస్తున్నాడు. ఈ క్రమంలో అతడు తాజాగా న్యూజిలాండ్‌తో జరిగిన మూడో టీ20లో 35 బంతుల శతకం బాదాడు.టీ20ల్లో అతడికి ఇది 11వ శతకం. ఈ సెంచరీతో అతడు పురుషుల క్రికెట్‌లో అత్యధిక సెంచరీలు చేసిన ఆటగాళ్ల జాబితాలో మూడో స్థానానికి ఎగబాకాడు. ఈ క్రమంలో టీమిండియా దిగ్గజం విరాట్‌ కోహ్లి (10)ని అధిగమించాడు. అలాగే పురుషుల టీ20 క్రికెట్‌లో అత్యధిక సెంచరీలు చేసిన భారత బ్యాటర్‌గా అవతరించాడు.అంతర్జాతీయ టీ20ల విషయానికొస్తే.. ఈ సెంచరీ అభిషేక్‌కు నాలుగవది. ఈ సెంచరీతో అతడు అంతర్జాతీయ పురుషుల టీ20 క్రికెట్‌లో అత్యధిక సెంచరీలు బాదిన ఆటగాళ్ల జాబితాలో ఆరో స్థానానికి చేరాడు. ఈ క్రమంలో తన మాజీ కెప్టెన్‌ సూర్యకుమార్‌ యాదవ్‌, ఫిల్‌ సాల్ట్‌, కరణ్‌బీర్‌ సింగ్‌ సరసన చేరాడు. వీరంతా తలో 4 సెంచరీలు బాదారు. అంతర్జాతీయ టీ20ల్లో అత్యధిక సెంచరీల రికార్డు టీమిండియా మాజీ కెప్టెన్‌ రోహిత్‌ శర్మ, ఆసీస్‌ ఆటగాడు గ్లెన్‌ మ్యాక్స్‌వెల్‌ పేరిట ఉంది. వీరిద్దరు తలో 5 సెంచరీలు బాదారు.ఇదిలా ఉంటే, అభిషేక్‌ వీర ఉతుకుడు దెబ్బకు మూడో టీ20లో భారత్‌ న్యూజిలాండ్‌పై 6 వికెట్ల తేడాతో ఘన విజయం సాధించింది. తద్వారా ఐదు మ్యాచ్‌ల సిరీస్‌ను మరో రెండు మ్యాచ్‌లు మిగిలుండగానే 3-0 కైవసం​ చేసుకుంది. ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌ నిర్ణీత 20 ఓవర్లలో 3 వికెట్ల నష్టానికి 193 పరుగులు చేయగా.. భారత్‌ 13.2 ఓవర్లలో 4 వికెట్లు కోల్పోయి ఆడుతూపాడుతూ లక్ష్యాన్ని ఛేదించింది. అభిషేక్‌ శర్మ (38 బంతుల్లో 113; 9 ఫోర్లు, 11 సిక్సర్లు) విధ్వంసకర శతకంతో భారత్‌ను ఒంటిచేత్తో గెలిపించాడు.ఇదీ చదవండి: అభిషేక్‌ మహోగ్రరూపం.. సరికొత్త రికార్డులు నెలకొల్పిన టీమిండియా

న్యూజిలాండ్‌తో మూడో టీ20లో టీమిండియా ఘన విజయం సాధించింది. ఆతిథ్య జట్టు విధించిన 199 పరుగుల లక్ష్యాన్ని కేవలం 13.2 ఓవర్లలో నాలుగు వికెట్లు మాత్రమే కోల్పోయి ఛేదించింది. తద్వారా ఆరు వికెట్ల తేడాతో గెలిచి.. మరో రెండు మ్యాచ్‌లు మిగిలి ఉండగానే సిరీస్‌ను కైవసం చేసుకుంది.డారిల్‌ మిచెల్‌ మెరుపు అర్ధ శతకంఐదు మ్యాచ్‌ల సిరీస్‌లో భాగంగా క్రైస్ట్‌చర్చ్‌ వేదికగా తొలి రెండు టీ20లు గెలిచిన భారత్‌.. వెల్లింగ్‌టన్‌ వేదికగా మంగళవారం నాటి మూడో టీ20లో టాస్‌ గెలిచి తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన న్యూజిలాండ్‌ నిర్ణీత 20 ఓవర్లలో మూడు వికెట్ల నష్టానికి 198 పరుగులు సాధించింది.న్యూజిలాండ్‌ ఓపెనర్లలో టిమ్‌ సీఫర్ట్‌ (2) విఫలం కాగా.. ఫిన్‌ అలెన్‌ (25 బంతుల్లో 40) మెరుగ్గా రాణించాడు. వన్‌డౌన్‌లో వచ్చిన డారిల్‌ మిచెల్‌ మెరుపు అర్ధ శతకం (52 బంతుల్లో 89 నాటౌట్‌)తో అదరగొట్టగా.. ఆఖర్లో బేవాన్‌ జేకబ్స్‌ (23 బంతుల్లో 39 నాటౌట్‌) కూడా ఫర్వాలేదనిపించాడు. ఇక భారత బౌలర్లలో అర్ష్‌దీప్‌ సింగ్‌, నితీశ్‌ కుమార్‌ రెడ్డి, అక్షర్‌ పటేల్‌ తలా ఒక వికెట్‌ పడగొట్టారు.15 BALLS. HALF-CENTURY. ZERO BRAKES. 💥 Abhishek Sharma is taking the game away from New Zealand at a ridiculous pace! Watch the HERO VIDA India Tour of New Zealand, 3rd T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND— Sony Sports Network (@SonySportsNetwk) October 27, 2026అభిషేక్‌ విధ్వంసకర సెంచరీ, వైభవ్‌ ధనాధన్‌ఇక కివీస్‌ విధించిన 199 పరుగుల లక్ష్య ఛేదనలో ఆరంభం నుంచే టీమిండియా అదరగొట్టింది. ఓపెనర్లలో అభిషేక్‌ శర్మ ఆకాశమే హద్దుగా చెలరేగగా.. వైభవ్‌ సూర్యవంశీ ధనాధన్‌ దంచికొట్టాడు. అభిషేక్‌ శర్మ కేవలం 15 బంతుల్లోనే అర్ధ శతకం పూర్తి చేసుకుని.. ఆ తర్వాత కూడా జోరు కొనసాగించాడు.ABHISHEK SHARMA, YOU ABSOLUTE MENACE! 🤯 A 35-ball hundred. Let that sink in! 💯 Watch the HERO VIDA India Tour of New Zealand, 3rd T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/OvOMf1rIsy— Sony Sports Network (@SonySportsNetwk) October 27, 2026ఈ క్రమంలో 35 బంతుల్లోనే అభిషేక్‌ శర్మ శతక్కొట్టాడు. మొత్తంగా 38 బంతులు ఎదుర్కొన్న ఈ లెఫ్టాండ్‌ బ్యాటర్‌ తొమ్మిది ఫోర్లు, పదకొండు సిక్సర్ల సాయంతో 113 పరుగులు సాధించాడు. అయితే, కైలీ జెమీషన్‌ బౌలింగ్‌లో గ్లెన్‌ ఫిలిప్స్‌కు క్యాచ్‌ ఇవ్వడంతో అభిషేక్‌ సునామీ ఇన్నింగ్స్‌కు తెరపడింది.హాఫ్‌ సెంచరీ మిస్‌మరోవైపు.. వైభవ్‌ సూర్యవంశీ వీలు చిక్కినప్పుడల్లా బంతిని బౌండరీకి తరలించాడు. ఈ లెఫ్టాండర్‌ బ్యాటర్‌ 19 బంతులు ఎదుర్కొని నాలుగు ఫోర్లు, నాలుగు సిక్స్‌ల సాయంతో 45 పరుగులు చేశాడు. అయితే, మాథ్యూ ఫిషర్‌ బౌలింగ్‌లో డారిల్‌ మిచెల్‌కు క్యాచ్‌ ఇవ్వడంతో హాఫ్‌ సెంచరీ చేయకుండానే వైభవ్‌ వెనుదిరగాల్సి వచ్చింది.Vaibhav Sooryavanshi is putting on a show Wellington won’t forget anytime soon! 💥 Watch the HERO VIDA India Tour of New Zealand, 3rd T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/0qZoxvrNRY— Sony Sports Network (@SonySportsNetwk) October 27, 2026అభిషేక్‌, వైభవ్‌ అద్భుత ప్రదర్శన కారణంగా టీమిండియా పవర్‌ ప్లే (ఆరు ఓవర్లు)లోనే ఏకంగా 118 పరుగులు రాబట్టింది. ఇద్దరూ కలిసి తొలి వికెట్‌కు 43 బంతుల్లోనే ఏకంగా 133 పరుగుల భాగస్వామ్యం నెలకొల్పారు. దీంతో సగం ఇన్నింగ్స్‌ ముగిసే సరికే టీమిండియా విజయానికి చేరువ కాగా.. వన్‌డౌన్‌ బ్యాటర్‌ సంజూ శాంసన్‌ (13 బంతుల్లో 18), కెప్టెన్‌ శ్రేయస్‌ అయ్యర్‌ (5) నిరాశపరిచారు. విజయానికి నాలుగు పరుగులు అవసరమైన వేళ జెమీషన్‌ బౌలింగ్‌లో సంజూ బౌల్డ్‌ కాగా.. వైస్‌ కెప్టెన్‌ తిలక్‌ వర్మ (1 నాటౌట్‌)కు తోడుగా వచ్చిన నమన్‌ ధీర్‌ (4 నాటౌట్‌) ఫోర్‌ బాది విజయ లాంఛనం పూర్తి చేశాడు.చదవండి: చరిత్ర సృష్టించిన కివీస్‌ ఓపెనర్‌.. అభిషేక్‌ రికార్డు బ్రేక్‌

వెల్లింగ్టన్‌ వేదికగా న్యూజిలాండ్‌తో జరుగుతున్న మూడో టీ20లో టీమిండియా విధ్వంసకర ఓపెనర్‌ అభిషేక్‌ శర్మ మహోగ్రరూపం దాల్చాడు. న్యూజిలాండ్‌ నిర్దేశించిన 199 పరుగుల లక్ష్య ఛేదనలో కేవలం​ 15 బంతుల్లోనే హాఫ్‌ సెంచరీ పూర్తి చేశాడు. హాఫ్‌ సెంచరీ తర్వాత కూడా అభిషేక్‌ విధ్వంసం కొనసాగుతోంది. అతడికి చిచ్చరపిడుగు వైభవ్‌ సూర్యవంశీ కూడా జతకలవడంతో భారత్‌ సుడిగాలి వేగంతో పరుగులు సాధిస్తుంది. ఈ క్రమంలో 2.2 ఓవర్లలోనే 50 పరుగులు, 5 ఓవర్లలోనే 100 పరుగులు పూర్తి చేసి సరికొత్త చరిత్ర సృష్టించింది. అంతర్జాతీయ టీ20 క్రికెట్‌లో అత్యంత వేగంగా 50, 100 పరుగులు పూర్తి చేసిన జట్టుగా భారత్‌ రికార్డు నెలకొల్పింది.ఫాస్టెస్ట్‌ 50 రికార్డును భారత్‌ రొమేనియా (2.2 ఓవర్లు), పపువా న్యూగినియా (2.2)తో షేర్‌ చేసుకోగా.. ఫాస్టెస్ట్‌ హండ్రెడ్‌ను మాత్రం భారత్‌ సోలోగా చేజిక్కించుకుంది.6.3 ఓవర్ల అనంతరం భారత్‌ స్కోర్‌ 130-0గా ఉండగా.. అభిషేక్‌ 23 బంతుల్లో 7 ఫోర్లు, 8 సిక్సర్ల సాయంతో 79 పరుగులు, వైభవ్‌ 17 బంతుల్లో 4 ఫోర్లు, 4 సిక్సర్ల సాయంతో 44 పరుగులు చేసి క్రీజ్‌లో ఉన్నారు. ఈ మ్యాచ్‌లో భారత్‌ గెలుపుకు చేరువలో ఉంది. మరో 80 బంతుల్లో 68 పరుగులు చేస్తే మ్యాచ్‌తో పాటు సిరీస్‌ను కూడా కైవసం చేసుకుంటుంది.అంతకుముందు డారిల్‌ మిచెల్‌ (52 బంతుల్లో 89 నాటౌట్‌), ఫిన్‌ అలెన్‌ (25 బంతుల్లో 40), ఆఖర్లో బేవాన్‌ జేకబ్స్‌ (23 బంతుల్లో 39 నాటౌట్‌) సత్తా చాటడంతో న్యూజిలాండ్‌ నిర్ణీత 20 ఓవర్లలో మూడు వికెట్ల నష్టానికి 198 పరుగులు చేసింది. భారత బౌలర్లలో అర్ష్‌దీప్‌ సింగ్‌, అక్షర్‌ పటేల్‌, నితీశ్‌ కుమార్‌ రెడ్డి తలా ఒక వికెట్‌ పడగొట్టారు. ఇదీ చదవండి: చరిత్ర సృష్టించిన కివీస్‌ ఓపెనర్‌.. అభిషేక్‌ రికార్డు బ్రేక్‌

న్యూజిలాండ్‌ ఓపెనర్‌ ఫిన్‌ అలెన్‌ చరిత్ర సృష్టించాడు. టీ20 ఫార్మాట్లో అత్యంత వేగంగా 400 సిక్సర్ల మైలురాయిని చేరుకున్న తొలి న్యూజిలాండ్‌ క్రికెటర్‌గా నిలిచాడు. అభిషేక్‌ శర్మ రికార్డు బ్రేక్‌అదే విధంగా.. టీ20 ఫాస్టెస్ట్‌ 400 సిక్సర్ల ఓవరాల్‌ జాబితాలో టీమిండియా విధ్వంసకర ఓపెనర్‌ అభిషేక్‌ శర్మను ఫిన్‌ అలెన్‌ అధిగమించాడు. టీమిండియాతో మంగళవారం నాటి మూడో టీ20 సందర్భంగా ఈ ఘనత అందుకున్నాడు.ఐదు సిక్సర్ల సాయంతోవెల్లింగ్‌టన్‌ వేదికగా టాస్‌ గెలిచిన టీమిండియా.. న్యూజిలాండ్‌ను తొలుత బ్యాటింగ్‌కు ఆహ్వానించింది. కివీస్‌ ఓపెనర్లలో టిమ్‌ సీఫర్ట్‌ (2) విఫలం కాగా.. ఫిన్‌ అలెన్‌ మెరుగ్గా రాణించాడు. మొత్తంగా 25 బంతులు ఎదుర్కొన్న ఈ కుడిచేతి వాటం బ్యాటర్‌.. ఐదు సిక్సర్ల సాయంతో 40 పరుగులు సాధించాడు.తద్వారా తన టీ20 కెరీర్‌లో కేవలం 3502 బంతుల్లోనే 400 సిక్సర్ల మైలురాయిని చేరుకున్నాడు ఫిన్‌ అలెన్‌. అయితే, నితీశ్‌ కుమార్‌ రెడ్డి బౌలింగ్‌లో నమన్‌ ధీర్‌కు క్యాచ్‌ ఇవ్వడంతో అతడి ఇన్నింగ్స్‌కు తెరపడింది.NKR delivers! Naman Dhir said, “Not today!” 👐😤 Watch the HERO VIDA India Tour of New Zealand, 3rd T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/Ph7u65Rq11— Sony Sports Network (@SonySportsNetwk) October 27, 2026మూడు వికెట్ల నష్టానికి 198 పరుగులుమరోవైపు.. వన్‌డౌన్‌ బ్యాటర్‌ డారిల్‌ మిచెల్‌ మెరుపు అర్ధ శతకం (52 బంతుల్లో 89 నాటౌట్‌) సాధించగా.. ఆఖర్లో బేవాన్‌ జేకబ్స్‌ (23 బంతుల్లో 39 నాటౌట్‌) ఓ మోస్తరుగా రాణించాడు.ఫలితంగా న్యూజిలాండ్‌ నిర్ణీత 20 ఓవర్లలో మూడు వికెట్ల నష్టానికి 198 పరుగులు చేసింది. టీమిండియా బౌలర్లలో అర్ష్‌దీప్‌ సింగ్‌, నితీశ్‌ కుమార్‌ రెడ్డి, అక్షర్‌ పటేల్‌ తలా ఒక వికెట్‌ దక్కించుకున్నారు.టీ20 ఫార్మాట్లో అత్యంత వేగంగా 400 సిక్సర్ల మైలురాయి చేరుకున్న క్రికెటర్లు (బంతుల పరంగా)🏏ఆండ్రీ రసెల్‌ (వెస్టిండీస్‌)- 3027 బంతుల్లో 400 సిక్సర్లు🏏ఫిన్‌ అలెన్‌ (న్యూజిలాండ్‌)- 3502 బంతుల్లో 400 సిక్సర్లు🏏అభిషేక్‌ శర్మ (ఇండియా)- 3513 బంతుల్లో 400 సిక్సర్లు.చదవండి: ప‌రుగు తేడాతో ఓట‌మి.. బీసీసీఐకి ఫిర్యాదు

టీమిండియా బౌల‌ర్ అర్ష‌దీప్ సింగ్ అరుదైన రికార్డును త‌న ఖాతాలో వేసుకున్నాడు. వెల్లింగ్ట‌న్ వేదిక‌గా న్యూజిలాండ్‌తో జ‌రుగుతున్న మూడో టీ20 మ్యాచ్‌లో టిమ్ సీఫెర్ట్‌ను ఔట్ చేయ‌డం ద్వారా అర్ష‌దీప్ 149వ వికెట్‌ ఖాతాలో వేసుకున్నాడు. తద్వారా టీ20ఐ క్రికెట్‌లో అత్యధిక వికెట్లు తీసిన మూడో పేస్ బౌలర్‌గా నిలిచాడు. ఈ క్ర‌మంలో బ‌హ్రెయిన్‌కు చెందిన రిజ్వాన్ బ‌ట్ ను (148 వికెట్లు) అర్ష‌దీప్‌ అధిగ‌మించ‌డంతో అత‌డు నాలుగో స్థానానికి ప‌డిపోయాడు. తొలి స్థానంలో టిమ్ సౌథీ (న్యూజిలాండ్) 160 వికెట్లు, రెండో స్థానంలో బంగ్లాదేశ్ బౌల‌ర్ ముస్తాఫిజుర్ రెహ్మాన్ (163 వికెట్లు) ఉన్నాడు. ఐర్లాండ్ బౌల‌ర్ మార్క్ అడైర్ (142 వికెట్లు) ఐదో స్థానంలో ఉన్నాడు.ఎడమచేతి వాటం పేసర్ అయిన అర్షదీప్‌ అంతర్జాతీయ టీ20 క్రికెట్‌లో 150 వికెట్ల మైలురాయిని తాకిన తొలి భారత బౌలర్‌గా నిలిచేందుకు కేవ‌లం ఒక్క వికెట్ దూరంలో మాత్రమే నిలిచాడు. మ్యాచ్‌ విషయానికొస్తే టాస్‌ గెలిచిన టీమిండియా బౌలింగ్‌ ఎంచుకుంది. దీంతో తొలుత బ్యాటింగ్‌కు దిగిన న్యూజిలాండ్‌ 15 ఓవర్లు ముగిసేసరికి 3 వికెట్ల నష్టానికి 146 పరుగులు చేసింది.ఇదీ చదవండి: తిలక్‌ వర్మకు గాయం.. నొప్పితో విలవిల్లాడుతూ..రంజీ ట్రోఫీ.. డబుల్‌ సెంచరీల మోత మోగిస్తున్న బ్యాటర్లు

న్యూజిలాండ్‌తో మూడో టీ20 సందర్భంగా టీమిండియా వైస్‌ కెప్టెన్‌ తిలక్‌ వర్మకు గాయమైంది. నొప్పితో విలవిల్లాడుతూ.. అతడు మైదానం వీడగా... కుమార్‌ కుశాగ్రా సబ్‌స్టిట్యూట్‌గా వచ్చాడు.కాగా ఐదు మ్యాచ్‌ల టీ20 సిరీస్‌ ఆడేందుకు భారత జట్టు న్యూజిలాండ్‌ పర్యటనకు వెళ్లిన సంగతి తెలిసిందే. ఇందులో భాగంగా క్రైస్ట్‌చర్చ్‌ వేదికగా జరిగిన తొలి రెండు టీ20లలో శ్రేయస్‌ అయ్యర్‌ సేన విజయం సాధించింది.ఓడిపోయే మ్యాచ్‌లో గెలిపించాడుఇక రెండో టీ20లో తిలక్‌ వర్మ (26 బంతుల్లో 51 నాటౌట్‌) అద్భుత రీతిలో రాణించి ఓడిపోయే మ్యాచ్‌లో భారత్‌ను గెలిపించాడు. ప్రస్తుతం ఈ సిరీస్‌లో 2-0తో ఆధిక్యంలో ఉన్న భారత్‌.. వెల్లింగ్‌టన్‌ వేదికగా మంగళవారం నాటి మూడో టీ20లో టాస్‌ గెలిచి తొలుత బౌలింగ్‌ ఎంచుకుంది.Arshdeep Singh back at it, delivering an early breakthrough right on cue! 🎯 Watch the HERO VIDA India Tour of New Zealand, 3rd T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/nYbwogUfHV— Sony Sports Network (@SonySportsNetwk) October 27, 2026మోకాలికి బలంగా తాకిన బంతిఈ క్రమంలో న్యూజిలాండ్‌ బ్యాటింగ్‌కు దిగగా.. రెండో ఓవర్‌ రెండో బంతికే అర్ష్‌దీప్‌ సింగ్‌.. కివీస్‌ ఓపెనర్‌ టిమ్‌ సీఫర్ట్‌ (2)ను అవుట్‌ చేశాడు. ఇదిలా ఉంటే.. మూడో ఓవర్లో భువనేశ్వర్‌ కుమార్‌ బంతితో రంగంలోకి దిగగా.. అతడి బౌలింగ్‌లో రెండో బంతికి ఫిన్‌ అలెన్‌ షాట్‌ ఆడే ప్రయత్నం చేశాడు.ఎక్స్‌ ట్రా కవర్‌ దిశగా అలెన్‌ బంతిని బాదగా.. అక్కడే ఫీల్డింగ్‌ చేస్తున్న తిలక్‌ వర్మ మోకాలికి బలంగా తాకింది. దీంతో తిలక్‌ నొప్పితో విలవిల్లాడుతూ కుంటుకుంటూ మైదానం వీడాడు. అతడి స్థానంలో కుమార్‌ కుశాగ్రా మైదానంలోకి వచ్చాడు. అయితే, కాసేపటికే తిలక్‌ వర్మ నొప్పి నుంచి ఉపశమనం పొంది మళ్లీ మైదానంలో అడుగుపెట్టాడు. దీంతో అభిమానులతో పాటు భారత శిబిరం ఊపిరి పీల్చుకుంది.https://t.co/fKlEjqcEFW— crictalk (@crictalk7) October 27, 2026మూడో టీ20కి భారత తుదిజట్టుసంజు శాంసన్ (వికెట్ కీపర్‌), అభిషేక్ శర్మ, వైభవ్ సూర్యవంశీ, శ్రేయస్ అయ్యర్ (కెప్టెన్‌), తిలక్ వర్మ, నమన్ ధీర్, నితీశ్‌ కుమార్‌ రెడ్డి, అక్షర్ పటేల్, భువనేశ్వర్ కుమార్, అర్ష్‌దీప్‌ సింగ్, ప్రిన్స్ యాదవ్.న్యూజిలాండ్‌ తుదిజట్టుఫిన్ అలెన్, టిమ్ సీఫెర్ట్ (వికెట్ కీపర్), డారిల్ మిచెల్, గ్లెన్ ఫిలిప్స్, బెవాన్ జేకబ్స్, మైకేల్‌ బ్రేస్‌వెల్, మిచెల్ సాంట్నర్(కెప్టెన్‌), మాథ్యూ ఫిషర్, కైల్ జేమిసన్, ఆడమ్ మిల్నే, జేకబ్ డఫీ.చదవండి: IND vs NZ: భారత జట్టుకు ఊహించని షాక్‌!.. గెలిచే మ్యాచ్‌ చేజారింది

టీమిండియా- న్యూజిలాండ్‌ మధ్య వెల్లింగ్‌టన్‌ వేదికగా మూడో టీ20లో.. టాస్‌ గెలిచిన భారత్‌ తొలుత బౌలింగ్‌ ఎంచుకోగా.. కివీస్‌ బ్యాటింగ్‌కు దిగింది. నిర్ణీత 20 ఓవర్లలో కివీస్‌ మూడు వికెట్ల నష్టానికి 198 పరుగులు చేయగా.. భారత్‌ ఛేదనకు దిగింది. ఈ క్రమంలో 13.2 ఓవర్లలో 4 వికెట్లు కోల్పోయి ఆడుతూపాడుతూ టీమిండియా లక్ష్యాన్ని ఛేదించింది. ఓపెనర్‌ అభిషేక్‌ శర్మ (113) విధ్వంసకర శతకంతో భారత్‌ను ఒంటిచేత్తో గెలిపించాడు. NZ Vs IND 3rd T20 Updates:అభిషేక్‌ విధ్వంసకర శతకం.. 6 వికెట్ల తేడాతో టీమిండియా విక్టరీవెల్లింగ్టన్‌ వేదికగా న్యూజిలాండ్‌తో జరిగిన మూడో టీ20లో భారత్‌ 6 వికెట్ల తేడాతో ఘన విజయం సాధించింది. తద్వారా ఐదు మ్యాచ్‌ల సిరీస్‌ను మరో రెండు మ్యాచ్‌లు మిగిలుండగానే 3-0తో కైవసం చేసుకుంది.ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌ నిర్ణీత 20 ఓవర్లలో 3 వికెట్ల నష్టానికి 193 పరుగులు చేయగా.. భారత్‌ 13.2 ఓవర్లలో 4 వికెట్లు కోల్పోయి ఆడుతూపాడుతూ లక్ష్యాన్ని ఛేదించింది. ఓపెనర్‌ అభిషేక్‌ శర్మ (113) విధ్వంసకర శతకంతో భారత్‌ను ఒంటిచేత్తో గెలిపించాడు. అభిషేక్‌ (113) ఔట్‌ సెంచరీ తర్వాత అభిషేక్‌ శర్మ ఔటయ్యాడు. 38 బంతుల్లో 9 ఫోర్లు, 11 సిక్సర్ల సాయంతో 113 పరుగులు చేసి జేమీసన్‌ బౌలింగ్లో ఫిలిప్స్‌కు క్యాచ్‌ ఇచ్చి పెవిలియన్‌కు చేరాడు.35 బంతుల్లో శతక్కొట్టిన అభిషేక్‌.. గెలుపు ముంగిటి భారత్‌అభిషేక్‌ 35 బంతుల్లో 8 ఫోర్లు, 10 సిక్సర్ల సాయంతో సెంచరీ పూర్తి చేశాడు. భారత్‌ మరో 31 పరుగులు చేస్తే మ్యాచ్‌తో పాటు సిరీస్‌ను కూడా కైవసం చేసుకుంటుంది. వైభవ్‌ ఔట్‌.. తొలి వికెట్‌ కోల్పోయిన టీమిండియా7.1 ఓవర్లు- 133 పరుగుల వద్ద భారత్‌ తొలి వికెట్‌ కోల్పోయింది. ఫిషర్‌ బౌలింగ్‌లో డారిల్‌ మిచెల్‌కు క్యాచ్‌ ఇచ్చి వైభవ్‌ సూర్యవంశీ (45) ఔటయ్యాడు. సెంచరీ కొట్టేసిన టీమిండియాఐదు ఓవర్లలోభారత్‌ స్కోరు: 100-0వైభవ్‌ 11 బంతుల్లో 26, అభిషేక్‌ 20 బంతుల్లో 67 పరుగులతో ఉన్నారు. విజయానికి 90 బంతుల్లో 99 పరుగులు కావాలి.అభిషేక్‌ శర్మ విధ్వంసం.. 15 బంతుల్లోనే అర్ధ శతకం3.4 వ ఓవర్‌: జెమీషన్‌ బౌలింగ్‌లో సిక్సర్‌ బాది అర్ధ శతకం పూర్తి చేసుకున్న అభిషేక్‌హాఫ్‌ సెంచరీ కొట్టేసిన టీమిండియామూడు ఓవర్లలో టీమిండియా స్కోరు 64-0వైభవ్‌ 19, అభిషేక్‌ 39 పరుగులతో ఉన్నారు.తొలి ఓవర్లోనే 26 పరుగులుఓపెనర్లలో వైభవ్‌ సూర్యవంశీ 5 బంతుల్లో 13 పరుగులు చేయగా.. అభిషేక్‌ శర్మ రెండు బంతుల్లో 7 పరుగులు రాబట్టాడు. జేకబ్‌ డఫీ ఓ నో బాల్‌, ఐదు వైడ్‌లు వేశాడు.భారత్‌ లక్ష్యం.. 199 పరుగులుఓపెనర్‌ ఫిన్‌ అలెన్‌ (25 బంతుల్లో 40) మెరుగ్గా రాణించగా.. వన్‌డౌన్‌ బ్యాటర్‌ డారిల్‌ మిచెల్‌ మెరుపులు (52 బంతుల్లో 89 నాటౌట్‌) మెరిపించాడు. ఆఖర్లో బేవాన్‌ జేకబ్స్‌ (23 బంతుల్లో 39 నాటౌట్‌) ఫర్వాలేదనిపించాడు.ఫలితంగా నిర్ణీత 20 ఓవర్లలో మూడు వికెట్ల నష్టానికి 198 పరుగులు చేసింది. భారత బౌలర్లలో అర్ష్‌దీప్‌ సింగ్‌, అక్షర్‌ పటేల్‌, నితీశ్‌ కుమార్‌ రెడ్డి తలా ఒక వికెట్‌ పడగొట్టారు. మిచెల్‌ అర్థశతకం..18 ఓవర్లు ముగిసేసరికి న్యూజిలాండ్‌ మూడు వికెట్ల నష్టానికి 174 పరుగులు చేసింది. డారిల్‌ మిచెల్‌ (73), బెవన్‌ జాకబ్స్‌ (32) పరుగులతో క్రీజులో ఉన్నారు.వందో టీ20లో నిరాశ‌ప‌రిచిన గ్లెన్ ఫిలిప్స్‌11.6 ఓవ‌ర్‌.. 17 ప‌రుగులు చేసిన గ్లెన్ ఫిలిప్స్ అక్ష‌ర్‌ప‌టేల్ బౌలింగ్లో కాట్ అండ్ బౌల్డ్‌గా వెనుదిరిగాడు. దీంతో న్యూజిలాండ్ 123 ప‌రుగుల వ‌ద్ద మూడో వికెట్ కోల్పోయింది. మిచెల్ (55) క్రీజులో ఉన్నాడు. కాగా గ్లెన్ ఫిలిప్స్‌కు ఇది వందో టీ20 మ్యాచ్ కావ‌డం విశేషం.10 ఓవర్లలో కివీస్‌ 100-210 ఓవర్లు ముగిసేసరికి 2 వికెట్లు కోల్పోయిన న్యూజిలాండ్‌ వంద పరుగుల మార్క్‌ను దాటింది. డారిల్‌ మిచెల్‌ (43), గ్లెన్‌ ఫిలిప్స్‌ (7) క్రీజులో ఉన్నారు.రెండో వికెట్ కోల్పోయిన న్యూజిలాండ్‌ఇన్నింగ్స్‌ 8.3 ఓవర్‌లో 40 ప‌రుగులు చేసిన ఫిన్ అలెన్‌.. నితీశ్‌కుమార్ రెడ్డి బౌలింగ్‌లో న‌మ‌న్ ధీర్‌కు క్యాచ్ ఇచ్చి వెనుదిర‌గ‌డంతో న్యూజిలాండ్ 90 ప‌రుగుల వ‌ద్ద రెండో వికెట్ కోల్పోయింది. డారిల్ మిచెల్ (40) క్రీజులో ఉన్నాడు.పవర్‌ ప్లేలో కివీస్‌ స్కోరు: 58-1(6)ఫిన్‌ అలెన్‌ 24, డారిల్‌ మిచెల్‌ 24 పరుగులతో ఉన్నారు.తొలి వికెట్ కోల్పోయిన న్యూజిలాండ్‌1.2వ ఓవర్‌: టీమిండియా బౌల‌ర్ అర్ష‌దీప్ సింగ్ మెరిశాడు. 2 ప‌రుగులు చేసిన ఓపెన‌ర్ టిమ్ సీఫెర్ట్‌ను క్యాచ్ ఔట్‌గా పెవిలియ‌న్ చేర్చాడు. దీంతో న్యూజిలాండ్ 4 ప‌రుగుల వ‌ద్ద తొలి వికెట్ కోల్పోయింది. డారిల్‌ మిచెల్‌ క్రీజులోకి వచ్చాడు.మార్పులు లేకుండానే..వెల్లింగ్టన్ వేదికగా న్యూజిలాండ్‌, టీమిండియా మధ్య మూడో టీ20 మ్యాచ్ ప్రారంభమయ్యింది. టాస్ గెలిచిన భారత్ బౌలింగ్ ఎంచుకుంది. జట్టులో ఎలాంటి మార్పులు చేయలేదని కెప్టెన్‌ శ్రేయస్‌ తెలిపాడు. మ‌రోవైపు న్యూజిలాండ్ ఈ మ్యాచ్‌కు మూడు మార్పుల‌తో బ‌రిలోకి దిగింది. మాట్ హెన్రీ, నాథ‌న్ స్మిత్‌, లోకీ ఫెర్గూస‌న్ స్థానాల్లో మాథ్యూ ఫిషర్, కైల్ జేమిసన్, ఆడమ్ మిల్నే తుది జ‌ట్టులోకి వ‌చ్చిన‌ట్లు కెప్టెన్ మిచెల్ సాంట్న‌ర్ తెలిపాడు.టీమిండియా: సంజు శాంసన్ (వికెట్ కీపర్‌), అభిషేక్ శర్మ, వైభవ్ సూర్యవంశీ, శ్రేయాస్ అయ్యర్ (కెప్టెన్‌), తిలక్ వర్మ, నమన్ ధీర్, నితీష్ రెడ్డి, అక్షర్ పటేల్, భువనేశ్వర్ కుమార్, అర్ష్దీప్ సింగ్, ప్రిన్స్ యాదవ్న్యూజిలాండ్: ఫిన్ అలెన్, టిమ్ సీఫెర్ట్ (వికెట్ కీపర్), డారిల్ మిచెల్, గ్లెన్ ఫిలిప్స్, బెవాన్ జాకబ్స్, మైఖేల్ బ్రేస్‌వెల్, మిచెల్ సాంట్నర్(కెప్టెన్‌), మాథ్యూ ఫిషర్, కైల్ జేమిసన్, ఆడమ్ మిల్నే, జాకబ్ డఫీ2-0తో ఆధిక్యంలో భారత్‌వరుసగా తొలి రెండు టీ20ల్లో టీమిండియా 226, 181 పరుగుల లక్ష్యాలను ఛేదించి 2–0తో పైచేయి సాధించింది. మూడో మ్యాచ్‌లోనూ అదే జోరును ప్రదర్శించి సిరీస్‌ను 3-0తో సొంతం చేసుకోవాలని చూస్తోంది. గత రెండు సిరీస్‌లలో భారత్‌ 5–0, 1–0తో విజయం సాధించింది.మ్యాచ్ జరిగి 20 ఏళ్లు..మరోవైపు స్వదేశంలో తిరుగులేని జట్టుగా కనిపించే కివీస్‌ సిరీస్‌ చేజార్చుకునే ప్రమాదంలో పడింది. ఈ మ్యాచ్‌లోనైనా ఆ జట్టు మెరుగైన ప్రదర్శన కనబరుస్తుందా అనేది చూడాలి. ‘ప్రపంచంలో అత్యంత వేగంగా గాలులు వీచే’ నగరంగా గుర్తింపు ఉన్న వెలింగ్టన్‌లో రాత్రి పూట (స్థానిక సమయం 8 గంటలు) చలితో గాలి మరింత ప్రభావం చూపిస్తుంది. దీనిని అధిగమించి పరుగులు సాధించడం, బౌలింగ్‌ చేయడం భారత్‌కు పెద్ద సవాల్‌. మ్యాచ్‌ వేదిక అయిన హెన్రీ స్టేడియంలో పిచ్‌ ఇరు వైపుల బౌండరీలు బాగా చిన్నవే అయినా భారీ స్కోర్లు తక్కువే నమోదయ్యాయి. ఈ మైదానంలో పురుషుల అంతర్జాతీయ టి20 మ్యాచ్‌ జరిగి 20 ఏళ్లు దాటింది.ఇదీ చదవండి: ప‌రుగు తేడాతో ఓట‌మి.. బీసీసీఐకి ఫిర్యాదుఇషాన్‌కు గాయం నిజ‌మేనా? అడ్డంగా దొరికిన బీసీసీఐ!

న్యూజిలాండ్‌తో జ‌రుగుతున్న టీ20 సిరీస్‌లో తొలి రెండు మ్యాచ్‌లు నెగ్గి సిరీస్‌లో ఆధిక్యంలో ఉన్న టీమిండియా మ‌రో రెండు గంట‌ల్లో మూడో టీ20 మ్యాచ్ ఆడ‌నుంది. ఈ మ్యాచ్‌లోనూ గెలిచి సిరీస్‌ను కైవ‌సం చేసుకోవాల‌ని భార‌త్ భావిస్తోంది. ఈ విష‌యం ప‌క్క‌న‌బెడితే, ఇషాన్ కిష‌న్‌కు సంబంధించిన ఒక వార్త ప్ర‌స్తుతం సోష‌ల్‌మీడియాలో వైర‌ల్‌గా మారింది. గ‌జ్జ‌ల్లో గాయం కార‌ణంగా రెండో టీ20కి దూర‌మైన ఇషాన్ ఇంకా కోలుకుంటుండ‌డంతో నేటి మ్యాచ్‌కు కూడా అందుబాటులో ఉండ‌డం లేద‌ని బీసీసీఐ సోమ‌వారం అధికారిక ప్ర‌క‌ట‌న విడుద‌ల చేసింది. అతను ఇంకా పూర్తిస్థాయి ఫిట్‌నెస్ సాధించ‌క‌పోవ‌డంతో రేపు వెల్లింగ్‌టన్‌లో జరగనున్న మూడవ టీ20ఐకి దూరమయ్యాడ‌ని, బీసీసీఐ వైద్య బృందం ఇషాన్ పురోగతిని పర్యవేక్షిస్తోంద‌ని చెప్పుకొచ్చింది.క‌ట్‌చేస్తే.. మంగ‌ళ‌వారం ఉద‌యం సోష‌ల్ మీడియాలో ఇషాన్ కిష‌న్ ఎలాంటి ఇబ్బంది లేకుండా మైదానంలో బ్యాటింగ్ ప్రాక్టీస్ చేస్తున్న ఫొటోలు బ‌య‌టికి వ‌చ్చాయి. ఫొటోల్లో ఇషాన్‌ను గ‌మ‌నిస్తే.. అస‌లు అత‌డికి నిజంగానే గాయ‌మైందా అనే అనుమానం వ‌స్తోంది. అంతేకాదు రెండో టీ20కి దూరంగా ఉన్న ఇషాన్‌.. తిల‌క్‌, నితీశ్ వీరోచిత పోరాటంతో టీమిండియాను గెలిపించిన స‌మ‌యంలో డగౌట్‌లో ఇషాన్ ఎలాంటి ఇబ్బంది లేకుండా సామ్స‌న్‌ను ఎత్తుకోవ‌డం క‌నిపించింది. గాయ‌మైతే మంచిగా రెస్ట్ తీసుకోవాలి కానీ, సామ్స‌న్‌ను ఎత్తుకోవ‌డం, మైదానంలో బ్యాటింగ్ ప్రాక్టీస్ చేయ‌డం లాంటివి చూసుకుంటే, అసలు ఇషాన్‌కు నిజంగా గాయ‌మైందా? లేదంటే వైభ‌వ్‌ను ఆడించ‌డం కోసం అత‌డికి గాయ‌మైన‌ట్లు నాట‌కం ఆడుతున్నారా అంటూ క్రికెట్ అభిమానులు సోష‌ల్ మీడియాలో కామెంట్లు పెడుతున్నారు. ఇషాన్‌ ప్రాక్టీస్‌ చేస్తున్న ఫొటోలను బీసీసీఐ తన ‘ఎక్స్‌’లో స్వయంగా పంచుకోవడంతో ఆ వార్తలకు మరింత బలం చేకూరినట్లయింది. ఇషాన్‌కు నిజంగానే గాయ‌మైతే పర్వాలేదు, కానీ వైభ‌వ్ సూర్య‌వంశీకి అవ‌కాశ‌మివ్వ‌డం కోస‌మే ఇషాన్‌ను ప‌క్క‌న‌బెడితే మాత్రం అది మేనేజ్‌మెంట్ మూర్క‌త్వ‌మే అవుతుంద‌ని విమ‌ర్శించారు. ఎందుకంటే ప్ర‌స్తుతం టీ20ల్లో నంబ‌ర్‌వ‌న్ బ్యాట‌ర్‌గా ఉన్న ఇషాన్ కిష‌న్ మంచి ఫామ్‌లో ఉన్నాడు. రీఎంట్రీ త‌ర్వాత అద్భుత ప్ర‌ద‌ర్శ‌న క‌న‌బ‌రుస్తున్న ఇషాన్‌ను ఇలా వైభ‌వ్ కోసం ప‌క్క‌న‌బెట్ట‌డం ఎంత‌మాత్రం స‌రికాద‌ని వాపోతున్నారు. పోనీ వైభ‌వ్ ఏమైనా ఆడుతున్నాడా అంటే అదీ లేదు. ఇషాన్ దూరమ‌వ్వ‌డంతో రెండో టీ20లో వైభ‌వ్‌కు అవ‌కాశ‌మిచ్చిన‌ప్ప‌టికీ, తాను నిరూపించుకోలేక‌పోయాడు. ఓపెనింగ్‌కు బదులు వ‌న్‌డౌన్‌లో వ‌చ్చిన సూర్య‌వంశీ 8 బంతుల్లో 4 ప‌రుగులు మాత్ర‌మే చేసి నిరాశ‌ప‌రిచాడు.ఇక మూడో టీ20కి కూడా ఇషాన్ కిష‌న్ దూరంగా ఉండ‌డంతో, వైభ‌వ్ మ్యాచ్‌లో ఆడ‌డం ఖాయంగా క‌నిపిస్తోంది. ఎందుకంటే ఇప్ప‌టికే కోచ్ గంభీర్‌తో పాటు కెప్టెన్ అయ్య‌ర్ ఎలాంటి మార్పు లేకుండానే టీమిండియా బ‌రిలోకి దిగుతుంద‌ని క్లారిటీ ఇచ్చారు. అయితే వైభ‌వ్ ఓపెన‌ర్‌గా వ‌స్తాడా లేదా మ‌రోసారి వ‌న్‌డౌన్‌కే ప‌రిమిత‌మ‌వుతాడా అన్న‌ది మ్యాచ్ ప్రారంభ‌మైన త‌ర్వాతే తెలుస్తుంది.𝗪𝗵𝗮𝘁'𝘀 𝗴𝗼𝗶𝗻𝗴 𝗼𝗻, 𝗯𝗿𝗼? 😭 After winning the 2nd T20I, Ishan Kishan literally picked up Sanju Samson while he was injured. Before the 3rd T20I, BCCI announced that Ishan would miss the match as he was recovering from a strain. But bro showed up at practice and batted perfectly fine in the nets! 😅 And the funniest part? BCCI itself posted his batting pics from the practice session. 😂 WHAT'S COOKING, BRO? 🙄— Mukku (@Cric_Mukku) October 26, 2026https://t.co/IMPXW2Bk4r— BCCI (@BCCI) October 26, 2026ఇదీ చదవండి: 'అదేంటో అతనొక్కడే నాకు ఇద్దరిలా కనిపిస్తున్నాడు'‘ఇలా చేస్తే మూడో టీ20లో పాత భువీని చూడొచ్చు’

న్యూజిలాండ్‌తో జరుగుతున్న టీ20 సిరీస్‌లో టీమిండియా సీనియర్ పేసర్ భువనేశ్వర్ కుమార్ తొలి రెండు టీ20ల్లో పూర్తిగా తేలిపోయాడు. రెండు మ్యాచ్‌లు కలుపుకొని 99 పరుగులిచ్చుకున్న భువీ కేవలం ఒక్క వికెట్ మాత్రమే తీయగలిగాడు. స్వింగ్ కింగ్‌గా పేరున్న భువనేశ్వర్‌లో మునుపటి పదును కనిపించడం లేదంటూ విమర్శలు వస్తున్నాయి. వయసు మీద పడడంతో అతడి బౌలింగ్‌లో పస తగ్గిపోయిందనే కామెంట్లు కూడా వినిపిస్తున్నాయి. ఈ నేపథ్యంలో భారత మాజీ ఆల్‌రౌండర్ ఇర్ఫాన్ పఠాన్‌.. మూడో టీ20కి ప్రారంభానికి ముందు భువీకి కీలక సూచన చేశాడు. ‘మొదటి రెండు మ్యాచ్‌ల్లో భువనేశ్వర్ బౌలింగ్‌ను గమనిస్తే.. ఎక్కువగా షార్ట్ బంతులు కనిపించాయి. అయితే ఇక్కడ భువీ సుమారు 7 నుంచి 7.5 మీటర్ల దూరంలో బంతులు విసరడంతో మంచి లైన్ అండ్ లెంగ్త్‌లోనే పడుతున్నాయి. అయితే బంతిని స్వింగ్ చేయగల సామర్థ్యమున్న భువనేశ్వర్ బంతిని ఫుల్ లెంగ్త్‌లో వేయగలడు. అయితే జాతీయ జట్టుకు ఆడి నాలుగేళ్లు కావొస్తుండడంతో భువీపై ఒత్తిడి ఉండడం సహజం. అందుకే అతడి బౌలింగ్‌లో స్వింగ్ పదును తగ్గి రక్షణాత్మక బౌలింగ్ కనిపిస్తుంది. ముందు నుంచి చూసుకున్నా భువనేశ్వర్ దూకుడుగా బంతులు వేయలేడు. కానీ తన స్వింగ్ నైపుణ్యంతో వికెట్లు రాబట్టగలడు. ఫ్రంట్‌లైన్ బౌలర్‌గా మొదటి ఓవర్ వేస్తున్న భువనేశ్వర్‌ కొత్త బంతితో స్వింగ్‌ను రాబడుతూనే లైన్ అండ్ లెంగ్త్‌తో బంతులు వేస్తే ఫలితం వచ్చే అవకాశముంటుంది. మూడో టీ20లో పాత భువీని చూస్తాననుకుంటున్నా’అని చెప్పుకొచ్చాడు. కాగా న్యూజిలాండ్‌తో ఐదు మ్యాచ్‌ల సిరీస్‌లో భాగంగా క్రైస్ట్‌చర్చ్‌ వేదికగా తొలి రెండు టీ20లలో గెలిచిన భారత్‌.. మూడో టీ20లోనూ గెలిచి సిరీస్‌ కైవసం చేసుకోవాలని పట్టుదలగా ఉంది.ఇదీ చదవండి: 99 పరుగులు ఇచ్చుకున్న భువీ!న్యూజిలాండ్‌తో టెస్టు.. విజయం దిశగా భారత్

టీమిండియా వన్డే, టెస్టు కెప్టెన్ శుభ్‌మన్ గిల్ షెడ్యూల్‌ కంటే ముందుగానే న్యూజిలాండ్‌లో అడుగుపెట్టాడు. వచ్చీరాగానే ప్రాక్టీస్ కూడా మొదలుపెట్టాడు. న్యూజిలాండ్‌ గడ్డపై రెడ్ బాల్‌తో గిల్‌ సాధన చేస్తున్న దృశ్యాలు సోషల్‌మీడియాలో చక్కర్లు కొడుతున్నాయి. గిల్‌ సాధన టెస్ట్‌ సిరీస్‌ కోసం అతడి సన్నద్దతను స్పష్టం చేస్తుంది.టీ20 సిరీస్‌ ముగిసిన తర్వాత జరిగే ఐదు మ్యాచ్‌ల వన్డే సిరీస్‌లో గిల్‌ తొలి మూడు మ్యాచ్‌లు మాత్రమే ఆడతాడు. ఆ తర్వాత జరిగే రెండు టెస్టుల సిరీస్‌కు సిద్ధమయ్యేందుకు చివరి రెండు వన్డేలకు దూరంగా ఉండనున్నాడు.2025లో భారత టెస్టు కెప్టెన్సీ బాధ్యతలు చేపట్టిన గిల్‌కు న్యూజిలాండ్ గడ్డపై టెస్టులు ఆడటం ఇదే తొలిసారి కానుంది. అక్కడి పరిస్థితులకు అలవాటు పడటం అతడికి సవాలుగా మారనుంది.న్యూజిలాండ్‌లో భారత్ చివరిసారిగా 2009లో టెస్టు సిరీస్ గెలిచింది. ఈ నేపథ్యంలో నవంబర్ 19 నుంచి డిసెంబర్ 1 వరకు జరగనున్న రెండు టెస్టుల సిరీస్ గిల్‌కు కెప్టెన్‌గా, బ్యాటర్‌గా కీలకం కానుంది.ఇదిలా ఉంటే, ప్రస్తుతం టీమిండియా న్యూజిలాండ్‌తో ఐదు మ్యాచ్‌ల టీ20 సిరీస్‌ ఆడుతుంది. ఈ సిరీస్‌లోని తొలి రెండు మ్యాచ్‌లు గెలిచిన భారత్‌ 2-0 ఆధిక్యంలో కొనసాగుతోంది. రెండు మ్యాచ్‌ల్లో భారత్‌ ఉత్కంఠ విజయాలు సాధించింది. మూడో టీ20 రేపు వెల్లింగ్టన్‌ వేదికగా జరుగనుంది. ఇదీ చదవండి: టీమిండియాకు శుభవార్త.. ఆ ఇద్దరు వచ్చేస్తున్నారు!

న్యూజిలాండ్‌ పర్యటనలో ఉన్న భారత క్రికెట్‌ జట్టుకు శుభవార్త అందింది. ప్రధాన పేసర్‌ జస్‌ప్రీత్‌ బుమ్రా, వికెట్‌ కీపర్‌ బ్యాటర్‌ రిషభ్‌ పంత్‌ త్వరలోనే జట్టుతో చేరనున్నట్లు సమాచారం. ఈ ఇద్దరు న్యూజిలాండ్‌- ‘ఎ’ జట్టుతో అనధికారిక టెస్టు సిరీస్‌లో భాగంగా మూడో మ్యాచ్‌కు అందుబాటులోకి రానున్నట్లు తెలుస్తోంది.కాగా జపాన్‌ వేదికగా ఆసియా క్రీడలు-2026లో భాగంగా బుమ్రా చివరగా టీమిండియాకు ఆడాడు. ఈ ఈవెంట్లో పాకిస్తాన్‌తో ఫైనల్లో తలపడ్డ టీమిండియా పసిడి పతకం గెలిచింది. అయితే, ఆ తర్వాత బుమ్రాకు యాజమాన్యం విశ్రాంతినిచ్చింది. వెస్టిండీస్‌తో స్వదేశంలో జరిగిన వన్డే, టీ20 సిరీస్‌లకు అతడిని ఎంపిక చేయలేదు.అదే విధంగా.. న్యూజిలాండ్‌తో టీ20, వన్డే సిరీస్‌ల నుంచి కూడా బుమ్రాకు విశ్రాంతినిచ్చింది. అయితే, కివీస్‌తో రెండు టెస్టుల సిరీస్‌కు మాత్రం బుమ్రాను ఎంపిక చేశారు సెలక్టర్లు. మరోవైపు.. టెస్టు స్పెషలిస్టు రిషభ్‌ పంత్‌.. ఇరానీ కప్‌ మ్యాచ్‌ సందర్భంగా గాయపడ్డాడు.రెస్టాఫ్‌ ఇండియా జట్టుకు సారథ్యం వహించిన పంత్‌.. జమ్మూ కశ్మీర్‌పై జట్టును గెలిపించాడు. అయితే, ఈ మ్యాచ్‌ సందర్భంగా అతడు పక్కటెముకల నొప్పితో విలవిల్లాడాడు. దీంతో ఆటకు దూరమైన పంత్‌.. ప్రస్తుతం కోలుకున్నట్లు సమాచారం. ఈ క్రమంలో శుక్రవారం బీసీసీఐ సెంటర్‌ ఆఫ్‌ ఎక్సలెన్స్‌కు చేరుకున్న పంత్‌ ఫిట్‌నెస్‌లో పాసైనట్లు తెలుస్తోంది.మరోవైపు.. సోమవారం ఇక్కడికి చేరుకున్న బుమ్రా ఫిట్‌నెస్‌ పరీక్ష ఎదుర్కోనున్నట్లు సమాచారం. అనంతరం వీరిద్దరు న్యూజిలాండ్‌ చేరుకుని.. భారత్‌- ‘ఎ’ జట్టు తరఫున నవంబరు 7న మొదలయ్యే మూడో అనధికారిక టెస్టులో ఆడనున్నట్లు ఈఎస్‌పీఎన్‌క్రిక్‌ఇన్ఫో పేర్కొంది. కాగా ధ్రువ్‌ జురెల్‌ కెప్టెన్సీలో భారత్‌- ‘ఎ’ జట్టు శుక్రవారమే తొలి అనధికారిక టెస్టు మొదలుపెట్టింది. మూడో రోజు ఆట ముగిసే సరికి 284 పరుగుల ఆధిక్యంలో నిలిచింది.న్యూజిలాండ్‌తో టెస్టులకు భారత జట్టుశుబ్‌మన్‌ గిల్‌ (కెప్టెన్‌), యశస్వి జైస్వాల్‌, కేఎల్‌ రాహుల్‌ (వైస్‌ కెప్టెన్‌), దేవదత్‌ పడిక్కల్‌, రిషభ్‌ పంత్‌ (వికెట్‌ కీపర్‌- ఫిట్‌నెస్‌కు లోబడి), ధ్రువ్‌ జురెల్‌ (వికెట్‌ కీపర్‌), రవీంద్ర జడేజా, అన్షుల్‌ కాంబోజ్‌, జస్‌ప్రీత్‌ బుమ్రా, ప్రసిద్‌ కృష్ణ, ఆకాశ్‌ దీప్‌, సాయి సుదర్శన్‌, నితీశ్‌ కుమార్‌ రెడ్డి, వాషింగ్టన్‌ సుందర్‌, మహ్మద్‌ సిరాజ్‌.న్యూజిలాండ్‌-‘ఎ’తో అనధికారిక టెస్టులకు భారత్‌- ‘ఎ’ జట్టుయశస్వి జైస్వాల్‌, కేఎల్‌ రాహుల్‌, దేవదత్‌ పడిక్కల్‌, సాయి సుదర్శన్‌, ధ్రువ్‌ జురెల్‌ (కెప్టెన్‌, వికెట్‌ కీపర్‌), యశ్‌ రాథోడ్‌, వాషింగ్టన్‌ సుందర్‌, అన్షుల్‌ కాంబోజ్‌, ఆకిబ్‌ నబీ, ఆకాశ్‌ దీప్‌, ముకేశ్‌ చౌదరి, స్మరణ్‌ రవిచంద్రన్‌, మానవ్‌ సుతార్‌, ముకేశ్‌ కుమార్‌.

న్యూజిలాండ్‌తో టీ20 సిరీస్‌లో టీమిండియా జోరు కనబరుస్తోంది. ఇప్పటికే క్రైస్ట్‌చర్చ్‌ వేదికగా జరిగిన తొలి రెండు మ్యాచ్‌లలో అద్భుత విజయాలు సాధించి.. ఐదు మ్యాచ్‌ల సిరీస్‌లో 2-0తో ఆధిక్యంలో నిలిచింది. ఇక కివీస్‌తో మంగళవారం నాటి మూడో టీ20లోనూ గెలుపొంది పనిపూర్తి చేయాలని భారత జట్టు పట్టుదలగా ఉంది.ఈ నేపథ్యంలో తుదిజట్టు కూర్పుపై టీమిండియా మాజీ క్రికెటర్‌ ఆకాశ్‌ చోప్రా స్పందించాడు. రెండో టీ20లో ఆడించిన జట్టునే వెల్లింగ్‌టన్‌ మ్యాచ్‌లోనూ ఆడించాలని భారత జట్టు యాజమాన్యానికి విజ్ఞప్తి చేశాడు. కాగా కివీస్‌తో రెండో టీ20 సందర్భంగా టీమిండియా రెండు మార్పులు చేసింది.ఆ రెండు మార్పులుతొలి టీ20లో ఆడిన ఇషాన్‌ కిషన్‌ గాయం వల్ల దూరంకాగా.. చిచ్చరపిడుగు వైభవ్‌ సూర్యవంశీని తుదిజట్టులోకి తీసుకున్న మేనేజ్‌మెంట్‌.. మయాంక్‌ యాదవ్‌ స్థానంలో మరో పేసర్‌ ప్రిన్స్‌ యాదవ్‌ను ఆడించింది. ఈ నేపథ్యంలో ఆకాశ్‌ చోప్రా మాట్లాడుతూ..‘‘గత రెండు మ్యాచ్‌లకు ఆతిథ్యం ఇచ్చిన హాగ్లే ఓవల్‌ మైదానం చాలా పెద్దది. మూడు రోజుల వ్యవధిలోనే అక్కడ రెండు మ్యాచ్‌లు జరిగాయి. అతడి ఇప్పటికే వాడిన పిచ్‌ కాబట్టి స్పిన్నర్‌ ఆడిస్తే బాగుంటుందని నేను పరితపించాను.ఇక మూడో టీ20కి వెల్లింగ్‌టన్‌ వేదిక. అక్కడి పిచ్‌ ఫాస్ట్‌ బౌలర్లకే ఎక్కువగా అనుకూలంగా ఉంటుంది. కాబట్టి మూడో టీ20లో స్పిన్నర్లు వరుణ్‌ చక్రవర్తి లేదంటే కుల్దీప్‌ యాదవ్‌లలో ఒకరిని తప్పక ఆడించాలని నేను ఎంతమాత్రం సూచించను. వాళ్లలో ఒకరికి తీసుకురావాలంటే ఎవరో ఒకరిపై వేటు వేయాలి.ఇద్దరికీ అది మంచిది కాదుఅక్కడ ముగ్గురు ఫాస్ట్‌ బౌలర్ల అవసరం కచ్చితంగా ఉంటుంది. కాబట్టి తుదిజట్టులో మార్పులు అవసరం లేదని చెప్పవచ్చు. ప్రిన్స్‌ యాదవ్‌కు బదులు మయాంక్‌ యాదవ్‌ను ఆడించాలని భావిస్తే.. ఇద్దరికీ అది మంచిది కాదు. ఎవరో ఒకరికి వరుస అవకాశాలు ఇస్తేనే నిలకడగా రాణించగలరు’’ అని పేర్కొన్నాడు. అయితే, యాజమాన్యం మాత్రం ప్రిన్స్‌ను కాదని మయాంక్‌ వైపే మొగ్గు చూపే అవకాశం ఉందని ఆకాశ్‌ చోప్రా ఈ సందర్భంగా అభిప్రాయపడ్డాడు.న్యూజిలాండ్‌తో రెండో టీ20లో ఆడిన భారత తుదిజట్టుసంజూ శాంసన్‌ (వికెట్‌ కీపర్‌), అభిషేక్‌ శర్మ, వైభవ్‌ సూర్యవంశీ, శ్రేయస్‌ అయ్యర్‌ (కెప్టెన్‌), తిలక్‌ వర్మ, నితీశ్‌ కుమార్‌ రెడ్డి, నమన్‌ ధీర్‌, అక్షర్‌ పటేల్‌, భువనేశ్వర్‌ కుమార్‌, అర్ష్‌దీప్‌ సింగ్‌, ప్రిన్స్‌ యాదవ్‌.చదవండి: AUS vs SA: క్రికెట్‌ ఆస్ట్రేలియా సంచలన నిర్ణయం

న్యూజిలాండ్ ప‌ర్య‌ట‌న‌లో టీమిండియా యువ ఆల్‌రౌండ‌ర్ న‌మ‌న్ ధీర్ అద్భుత‌మైన ప్ర‌ద‌ర్శ‌న క‌న‌బ‌రుస్తున్న సంగ‌తి తెలిసిందే. ఇప్ప‌టివ‌ర‌కు జ‌రిగిన రెండో టీ20ల్లోనూ న‌మ‌న్ బ్యాట్‌తో స‌త్తాచాటాడు. ఇప్పుడు మూడో టీ20లోనూ త‌న జోరు కొన‌సాగించేందుకు సిద్ద‌మ‌య్యాడు.ఈ క్ర‌మంలో న‌మ‌న్ ధీర్‌పై టీమిడియా మాజీ కెప్టెన్ అజింక్య ర‌హానే ప్ర‌శంస‌ల వ‌ర్షం కురిపించాడు. నమన్ ధీర్ రూపంలో భారత్‌కు ఒక 'వజ్రం' దొరికిందని ర‌హానే కొనియాడాడు. అదేవిధంగా మూడో టీ20లో ఓపెన‌ర్‌ అభిషేక్ శర్మ ప్రదర్శన పైనే అందరి కళ్లు ఉన్నాయ‌ని అత‌డు అన్నాడు. కాగా ఇప్పటికే తొలి రెండు మ్యాచ్‌లలో 4 వికెట్ల తేడాతో విజయం సాధించిన భారత్.. ఈ మ్యాచ్‌లోనూ గెలిచి సిరీస్‌ను కైవసం చేసుకోవాలని భావిస్తోంది."మూడో టీ20లో భార‌త జ‌ట్టు త‌ర‌పున అభిషేక్ శ‌ర్మ భారీ ఇన్నింగ్స్ ఆడాల‌ని కోరుకుంటున్నాను. అత‌డి మంచి ఫామ్‌లో ఉన్నాడు. కానీ ఈ టూర్‌లో ఇంకా అత‌డి నుంచి బెస్ట్ ఇన్నింగ్స్ రాలేదు. అత‌డు ఆరంభంలోనే ప‌రుగులు సాధిస్తే టీమిండియాకు చాలా మంచిది. సంజూ కూడా మంచి టచ్‌లో ఉన్నాడు. తొలి టీ20లో ఇప్ప‌టికే కీల‌క ఇన్నింగ్స్ ఆడాడు.ఇప్పుడు అభిషేక్ కూడా 50కి పైగా ప‌రుగులు సాధిస్తే భార‌త్‌కు తిరుగుండదు. అదేవిధంగా న‌మ‌ర్‌ధీర్ నుంచి మ‌రోసారి మంచి నాక్ ఆశిస్తున్నాను. క్లిష్ట ప‌రిస్థితిలో కూడా ప్ర‌శాంతంగా ఆడే న‌మ‌న్ ధీర్ మైండ్ సెట్‌గా నాకు బాగా న‌చ్చింది. నిజంగా అత‌డి రూపంలో భార‌త జ‌ట్టుకు ఒక వ‌జ్రం దొరికింది అని సోనీ లీవ్‌కు ఇచ్చిన ఇంట‌ర్వ్యూలో రహానే పేర్కొన్నాడు.చదవండి: AUS vs SA: క్రికెట్‌ ఆస్ట్రేలియా సంచలన నిర్ణయం

న్యూజిలాండ్‌తో టీ20 సిరీస్‌ సందర్భంగా నాలుగేళ్ల సుదీర్ఘ విరామం తర్వాత టీమిండియా తరఫున మైదానంలో అడుగుపెట్టాడు భువనేశ్వర్‌ కుమార్‌. కివీస్‌తో ఇప్పటికి జరిగిన రెండు మ్యాచ్‌లలో కలిపి ఈ వెటరన్‌ పేసర్‌.. ఏకంగా 99 పరుగులు ఇచ్చుకుని కేవలం ఒకే ఒక వికెట్‌ తీయగలిగాడు.విమర్శల వర్షందీంతో పునరాగమనంలో భువీ ఆశించిన స్థాయిలో రాణించలేకపోతున్నాడంటూ అతడిపై విమర్శలు వెల్లువెత్తుతున్నాయి. కాగా ఈ యూపీ బౌలర్‌ ఐపీఎల్‌లో గత రెండు సీజన్లలో ఆర్సీబీని చాంపియన్‌గా నిలపడంలో కీలక పాత్ర పోషించిన సంగతి తెలిసిందే. ఈ నేపథ్యంలోనే భువీ దాదాపు నాలుగేళ్ల తర్వాత జాతీయ జట్టు తరఫున రీఎంట్రీ ఇవ్వగలిగాడు.ఐపీఎల్‌లో అదరగొట్టాడు.. కానీఈ పరిణామాల నేపథ్యంలో టీమిండియా బౌలింగ్‌ కోచ్‌ మోర్నీ మోర్కెల్‌ స్పందించాడు. ‘‘భువనేశ్వర్‌ కుమార్‌ పునరాగమనం అందరికీ సంతోషానిచ్చింది. అయితే, నాలుగేళ్ల తర్వాత తిరిగి వచ్చాడు.. కాబట్టి అంచనాలు కూడా అదే స్థాయిలో ఉంటాయి.నిజానికి ఐపీఎల్‌లో అతడు అద్భుతంగా బౌలింగ్‌ చేశాడు. అయితే, అంచనాలు ఒక్కోసారి ఒత్తిడిని కూడా పెంచుతాయి. భువీ దానిని అధిగమించాల్సి ఉంది. అతడు కేవలం నెల రోజుల నుంచే ప్రాక్టీస్‌ చేస్తున్నాడు. అంతర్జాతీయ స్థాయిలో ఆడటం మిగతా వాటికి కాస్త భిన్నంగా ఉంటుంది.వాటిని పట్టించుకోవాల్సిన అవసరం లేదుషెడ్యూల్‌ కారణంగా అతడికి ప్రాక్టీస్‌ చేసేందుకు ఎక్కువ సమయం దొరకలేదు. అయితే, అతడి నైపుణ్యం, అనుభవం కచ్చితంగా జట్టుకు ఉపయోగపడతాయి. భువీ నిలదొక్కుకునేందుకు సమయం ఇవ్వాల్సి ఉంటుంది. భువీ కచ్చితంగా ఆటను మెరుగుపరచుకుని.. పూర్వపు లయను అందుకుంటాడు.కాబట్టి బయట నుంచి వచ్చే విమర్శలను పట్టించుకోవాల్సిన అవసరం లేదు’’ అని మోర్నీ మోర్కెల్‌ 36 ఏళ్ల భువీకి అండగా నిలిచాడు. కాగా న్యూజిలాండ్‌తో ఐదు మ్యాచ్‌ల సిరీస్‌లో భాగంగా క్రైస్ట్‌చర్చ్‌ వేదికగా తొలి రెండు టీ20లలో గెలిచిన భారత్‌.. మూడో టీ20లోనూ గెలిచి సిరీస్‌ కైవసం చేసుకోవాలని పట్టుదలగా ఉంది. ఇరుజట్ల మధ్య మంగళవారం నాటి ఈ మ్యాచ్‌కు వెల్లింగ్‌టన్‌ వేదిక.చదవండి: బాత్‌రూమ్‌ వరకు కూడా నడవలేక.. చచ్చిపోతానని భయపడ్డాను!

వెల్టింగ్ట‌న్ వేదిక‌గా న్యూజిలాండ్‌తో మూడో టీ20లో త‌ల‌ప‌డేందుకు టీమిండియా సిద్ద‌మైంది. తొలి రెండో టీ20ల్లో అద్భుత విజ‌యాల‌ను అందుకున్న భార‌త్‌.. ఇప్పుడు మూడో టీ20లోనే అదే జోరును క‌నబ‌రిచి సిరీస్ సొంతం చేసుకోవాల‌ని ప‌ట్టుద‌ల‌తో ఉంది.అయితే ఈ మ్యాచ్‌కు కూడా స్టార్ వికెట్ కీప‌ర్ ఇషాన్ కిష‌న్ గాయం కార‌ణంగా దూర‌మ‌య్యాడు. తొలి టీ20లో గజ్జ‌ల్లో గాయానికి గురైన కిష‌న్‌.. ఇంకా పూర్తిగా కోలుకోలేదు. ఈ క్ర‌మంలోనే మూడో టీ20కి అత‌డు అందుబాటులో లేడు. కిష‌న్ స్ధానంలో వైభ‌వ్ సూర్య‌వంశీని తుది జ‌ట్టులో కొన‌సాగించనున్న‌ట్లు తెలుస్తోంది. రెండో టీ20లో వైభ‌వ్ విఫ‌ల‌మైన‌ప్ప‌టికి మ‌రో అవ‌కాశ‌మివ్వాల‌ని హెడ్‌కోచ్ గౌతమ్ గంభీర్ భావిస్తున్న‌ట్లు స‌మాచారం.మ‌ళ్లీ ఓపెన‌ర్‌గా వైభ‌వ్‌!అయితే రెండో టీ20లో వైభ‌వ్ ఆడిన‌ప్ప‌టికి ఓపెన‌ర్‌గా ఛాన్స్ ల‌భించ‌లేదు. మూడో స్ధానంలో అతడిని బ్యాటింగ్‌కు పంపారు. అయితే నంబర్-3లో వచ్చిన వైభవ్ (8 బంతుల్లో 4 పరుగులు) తక్కువ స్కోరుకే వెనుదిరగాడు. ఈ క్ర‌మంలో మురళీ కార్తీక్ వంటి మాజీ క్రికెటర్లు గంభీర్ వ్యూహాన్ని విమర్శించారు.వైభవ్‌ను అతని ఓపెనర్ స్థానంలోనే ఆడించి ఉంటే బాగుండేదని అభిప్రాయపడ్డారు. దీంతో గంభీర్ త‌న మ‌న‌సును మార్చుకున్న‌ట్లు తెలుస్తోంది. వెల్లింగ్ట‌న్ టీ20లో వైభ‌వ్‌ను మ‌ళ్లీ ఓపెన‌ర్‌గా పంపాల‌ని నిర్ణ‌యించకున్న‌ట్లు బీసీసీఐ వ‌ర్గాలు వెల్ల‌డించాయి. ఒక‌వేళ అదే జ‌రిగితే సంజూ నంబ‌ర్‌-3 స్ధానంలో బ్యాటింగ్‌కు రానున్నాడు. కాగా రెండో టీ20లో ఆడిన జ‌ట్టునే భార‌త్ కొన‌సాగించే అవ‌కాశ‌ముంది.మూడో టీ20కు భార‌త తుది జ‌ట్టు(అంచ‌నా)అభిషేక్ శర్మ, సంజు శాంసన్, వైభవ్ సూర్యవంశీ, ఇషాన్ కిషన్, తిలక్ వర్మ, నమన్ ధీర్, అక్షర్ పటేల్, నితీష్ కుమార్ రెడ్డి, అర్ష్దీప్ సింగ్, భువనేశ్వర్ కుమార్, ప్రిన్స్ యాదవ్చదవండి: ENG vs PAK: పాకిస్తాన్ ప్లేయ‌ర్ల ప్ర‌పంచ రికార్డు

క్రైస్ట్‌చ‌ర్చ్ వేదిక‌గా టీమిండియాతో జ‌రిగిన రెండో టీ20లో 4 వికెట్ల తేడాతో న్యూజిలాండ్ ఓట‌మి పాలైంది. ఈ మ్యాచ్‌లో కివీస్ ఓడిపోయిన‌ప్ప‌టికి కెప్టెన్ మిచెల్ శాంట్న‌ర్ మాత్రం అద్భుత‌మైన ప్ర‌ద‌ర్శ‌న క‌న‌బ‌రిచాడు. అత‌డు త‌న స్పిన్ మాయాజాలంతో భార‌త బ్యాట‌ర్ల‌కు చుక్క‌లు చూపించాడు.శాంట్నర్‌ తన నాలుగు ఓవర్ల కోటాలో కేవలం 21 పరుగులు మాత్రమే ఇచ్చి 4 వికెట్లు పడగొట్టాడు. తద్వారా బ్లాక్ క్యాప్స్ కెప్టెన్ ఓ అరుదైన ఘనతను తన పేరిట లిఖించుకున్నాడు. భారత్‌పై టీ20 ఫార్మాట్‌లో ఒకటి కంటే ఎక్కువసార్లు ఫోర్‌ వికెట్ల హాల్‌ సాధించిన తొలి బౌలర్‌గా చరిత్ర సృష్టించాడు.టీమిండియాపై శాంట్నర్ 4 వికెట్ల ఘనత సాధించడం ఇది రెండో సారి. అతడికంటే ముందు ఏ బౌలర్ కూడా భారత్‌పై రెండుసార్లు ఫోర్ వికెట్ల హాల్ సాధించలేదు. శాంట్నర్ తొలిసారి 2016 టీ20 ప్రపంచకప్‌లో భారత్‌పై 11 పరులిచ్చి 4 వికెట్లు తీశాడు. మళ్లీ ఇప్పుడు పదేళ్ల త‌ర్వాత అత‌డు 4 వికెట్ల హాల్ న‌మోదు చేశాడు.అదేవిధంగా టీ20ల్లో భార‌త్‌పై అత్య‌ధిక వికెట్ల తీసిన జాబితాలో శాంట్న‌ర్‌(29) రెండో స్ధానంలో ఉన్నాడు. అత‌డి స‌హచ‌ర ప్లేయ‌ర్ ఇష్ సోధీ(30) అగ్ర‌స్ధానంలో ఉన్నాడు.చదవండి: IND vs NZ: 'ప్లీజ్‌.. అతడిని ఏమి అనొద్దు! కాస్త స‌మ‌యం ఇవ్వండి'

టీమిండియా వెట‌ర‌న్ పేస‌ర్ భువ‌నేశ్వ‌ర్ కుమార్ రీఎంట్రీలో త‌న మార్క్ చూపించ‌లేక‌పోతున్నాడు. న్యూజిలాండ్‌తో జ‌రుగుతున్న టీ20 సిరీస్‌లో ఇప్ప‌టివ‌ర‌కు ఆడిన రెండు మ్యాచ్‌ల‌లోనూ భువీ విఫ‌ల‌మ‌య్యాడు. తొలి మ్యాచ్‌లో ఒక్క వికెట్ ప‌డ‌గొట్ట‌కుండా 49 ప‌రుగులు స‌మ‌ర్పించుకున్నాడు. రెండో టీ20లో ఓ వికెట్ తీసిన‌ప్ప‌టికి త‌న నాలుగు ఓవ‌ర్ల కోటాలో ఏకంగా 50 ప‌రుగులిచ్చాడు. దీంతో అత‌డిపై సోష‌ల్ మీడియా వేదిక‌గా విమ‌ర్శ‌లు గుప్పిస్తున్నారు.ఈ నేప‌థ్యంలో భువ‌నేశ్వ‌ర్‌కు మ‌ద్ద‌తుగా భార‌త మాజీ క్రికెట‌ర్ మ‌హ్మ‌ద్ కైఫ్ నిలిచాడు. భువనేశ్వర్ కుమార్ పట్ల ఓపికగా ఉండాలని అభిమానులకు, విశ్లేషకులకు కైఫ్‌ విజ్ఞప్తి చేశాడు."అత‌డు నాలుగేళ్ల త‌ర్వాత జ‌ట్టులోకి తిరిగొచ్చాడు. కాబ‌ట్టి అత‌డికి కొంత స‌మయం ఇవ్వండి. కేవలం రెండు మ్యాచ్‌లే పూర్తయ్యాయి. ఈ నాలుగేళ్లలో క్రికెట్ విధానం ఎంతో మారింది. అతడు రాగానే మొదటి బంతికే వికెట్ తీస్తాడని అనుకోవడం సరికాదు. న్యూజిలాండ్‌లో బంతి బాగా స్వింగ్ అవుతుందని భావించారు.కానీ ఇక్కడి పిచ్‌లు బ్యాటింగ్‌కు బాగా అనుకూలిస్తున్నాయి. అంతేకాకుండా న్యూజిలాండ్ ఎంత బ‌ల‌మైన జ‌ట్టు మ‌నంద‌రికి తెలుసు. ఇప్పుడే అత‌డి ప్ర‌ద‌ర్శ‌న ప‌ట్ల ఓ అంచ‌నాకు రావ‌డం తొందరపాటు అవుతుంది. అత‌డు నో బాల్స్ దృష్టి పెట్టాలి. నాలుగు ఓవర్లలో 50 పరుగులు అని చూపిస్తున్నా, ఓవర్ల వారీగా పరిశీలిస్తే బౌలింగ్ బాగానే ఉంది. మొత్తం సిరీస్ పూర్తయ్యే వరకు వేచి చూసి, ఆ తర్వాత మీ అభిప్రాయాన్ని వెల్లడించండి" అని యూట్యూబ్ ఛానల్‌లో కైఫ్ పేర్కొన్నాడు.చదవండి: PAK vs ENG: చ‌రిత్ర సృష్టించిన షాహీన్ షా అఫ్రిది

క్రైస్ట్‌చర్చ్‌ వేదికగా న్యూజిలాండ్‌తో జరిగిన రెండో టీ20లో భారత్‌ 4 వికెట్ల తేడాతో ఉత్కంఠ విజయం సాధించిన విజయం తెలిసిందే. ఈ గెలుపుతో టీమిండియా ఓ చారిత్రక మైలురాయిని అందుకుంది. అంతర్జాతీయ టీ20ల్లో 200 విజయాలు నమోదు చేసిన తొలి జట్టుగా చరిత్ర సృష్టించింది. నిన్నటి మ్యాచ్‌తో కలిపి 300 మ్యాచ్‌లు ఆడిన భారత్‌ ఈ ఘనత సాధించింది.ICC SPECIAL POSTER FOR 200 WINS IN T20Is FOR INDIA 🇮🇳🔥 https://t.co/4SmCw9Uvry— Johns. (@CricCrazyJohns) October 25, 2026ఈ రికార్డుకు సంబంధించి భారత్‌ దరిదాపుల్లో కూడా ఏ జట్టూ లేదు. 176 విజయాలతో పాక్‌ రెండో స్థానంలో ఉంది. న్యూజిలాండ్‌ 135, సౌతాఫ్రికా 129, ఇంగ్లండ్‌ 128, ఆస్ట్రేలియా 127, వెస్టిండీస్‌ 111, శ్రీలంక 105, ఉగాండ 101, ఆఫ్ఘనిస్తాన్‌ 99 విజయాలతో వరుస స్థానాల్లో ఉన్నాయి.2006లో టీ20లు ఆడటం మొదలుపెట్టిన టీమిండియా 300 మ్యాచ్‌ల్లో 200 విజయాలు, 83 అపజయాలు తన ఖాతాలో వేసుకుంది. 7 మ్యాచ్‌లు టై కాగా.. పదింట ఫలితాలు రాలేదు. భారత్‌కు అత్యధిక టీ20 విజయాలు అందించిన కెప్టెన్‌గా రోహిత్‌ శర్మ (50) చలామణి అవుతున్నాడు. అతని తర్వాతి స్థానాల్లో ఎంఎస్‌ ధోని, సూర్యకుమార్‌యాదవ్‌ ఉన్నారు. వీరిద్దరు భారత్‌కు తలో 42 విజయాలు అందించారు.కాగా, నరాలు తెగే ఉత్కంఠ నడుమ సాగిన నిన్నటి టీ20లో తిలక్‌ వర్మ, నితీశ్‌ కుమార్‌ రెడ్డి అద్భుతంగా ఆడి భారత్‌కు చిరస్మరణీయ విజయాన్ని అందించారు. ఈ జోడీ గెలవడం​ కష్టమనుకున్న మ్యాచ్‌లో భారత్‌ను గెలిపించింది. ఈ గెలుపుతో భారత్‌ ఐదు మ్యాచ్‌ల సిరీస్‌లో 2-0 ఆధిక్యంలోకి దూసుకెళ్లింది. మూడో టీ20 అక్టోబర్‌ 27న జరుగనుంది. ఇదీ చదవండి: చెత్త రికార్డు.. జెమీమా సరసన మంధన

న్యూజిలాండ్‌తో జరిగిన రెండో టీ20లో తెలుగు క్రికెటర్లు తిలక్ వర్మ, నితీశ్ కుమార్ రెడ్డి టీమిండియాను గెలిపించడంపై మాజీ క్రికెటర్ దినేశ్ కార్తిక్ హర్షం వ్యక్తం చేశాడు. ఇంటర్వ్యూలో తెలుగులో మాట్లాడిన దినేశ్ కార్తిక్.. తిలక్ వర్మ, నితీశ్‌లను ఆకాశానికి ఎత్తాడు. తెలుగు కుర్రాళ్లిద్దరు ఇరగదీశారని, క్లిష్ట సమయంలో కీలక ఇన్నింగ్స్‌లతో జట్టు విజయంలో కీలకపాత్ర పోషించారని దినేశ్ కార్తిక్‌ కొనియాడాడు. దినేశ్ కార్తిక్ మాట్లాడుతూ.. ‘160 నుంచి 180 మధ్య స్కోరు నమోదయ్యే న్యూజిలాండ్ పిచ్‌లపై భారత బ్యాటర్లు అద్భుత ప్రదర్శన చేస్తున్నారు. ముఖ్యంగా రెండో టీ20లో తెలుగు కుర్రాళ్లు తిలక్ వర్మ, నితీశ్‌కుమార్ రెడ్డి బ్యాటింగ్‌లో అదరగొట్టారు. క్లిష్ట పరిస్థితుల్లోనూ ఒత్తిడిని జయించి.. లక్ష్య ఛేదనలో మ్యాచ్‌ను ముందుండి నడిపించే సత్తా తిలక్ వర్మకు ఉంది.ప్రారంభంలో 9 బంతుల్లో 10 పరుగులు చేసినప్పటికీ.. ఆ తర్వాత అత్యంత వేగంగా సాధించిన హాఫ్ సెంచరీ తిలక్ ప్రత్యేకతను తెలియజేస్తోంది. ఛేదనలో ఉండే ఒత్తిడిని జయించి మ్యాచ్‌లు గెలిపించడం తిలక్ వర్మకు అలవాటుగా మారిపోయింది. ఇక ఆల్‌రౌండర్ నితీశ్‌రెడ్డి కూడా తన కెరీర్‌లో ఒక గుర్తుండిపోయే ఇన్నింగ్స్ ఆడాడనంలో సందేహం లేదు. నమన్ ధీర్ ఉన్నది కాసేపే అయినా అతడి ఇంపాక్ట్ జట్టు విజయానికి ఉపయోగపడింది. కేవలం బౌండరీల వర్షం కురిసే పిచ్‌ల కంటే 160 నుంచి 180 పరుగుల స్కోర్లు వచ్చే పిచ్‌లపైనే అసలైన టీ20 పోటీ కనిపిస్తుంది. ఇటువంటి పిచ్‌లపై ఏ బంతిని బాదాలి, ఏ బౌలర్‌ను టార్గెట్ చేసుకోవాలి అనే ఆలోచన బ్యాటర్లకు అవసరం’ అని చెప్పుకొచ్చాడు.మ్యాచ్ విషయానికొస్తే.. తొలుత బ్యాటింగ్ చేసిన న్యూజిలాండ్‌ నిర్ణీత 20 ఓవర్లలో ఐదు వికెట్ల నష్టానికి 180 పరుగులు సాధించింది. గ్లెన్‌ ఫిలిప్స్‌, బేవాన్‌ జేకబ్స్‌ అర్ధ శతకాలతో అదరగొట్టారు. టీమిండియా బౌలర్లలో అర్ష్‌దీప్‌ సింగ్‌ రెండు వికెట్లు కూల్చగా.. భువనేశ్వర్‌ కుమార్‌, ప్రిన్స్‌ యాదవ్‌, నితీశ్‌ రెడ్డి తలా ఒక వికెట్‌ తీశారు.అనంత‌రం బ్యాటింగ్‌కు దిగిన టీమిండియాకు ఆదిలోనే ఎదురుదెబ్బలు తగిలాయి. ఓపెనర్లు సంజూ శాంసన్‌ (17 బంతుల్లో 14), అభిషేక్‌ శర్మ (21 బంతుల్లో 27) నిరాశపరిచారు. ఈ తరుణంలో వైస్‌ కెప్టెన్‌ తిలక్‌ వర్మకు తోడైన ఆల్‌రౌండర్‌ నమన్‌ ధీర్‌ మెరుపు ఇన్నింగ్స్‌ (17 బంతుల్లో 31) ఆడాడు. తిలక్‌ వర్మ 25 బంతుల్లో అర్ధ శతకం పూర్తి చేసుకోగా.. నితీశ్‌ రెడ్డి 13 బంతుల్లో ఒక ఫోర్‌, ఒక సిక్సర్‌ బాది 26 పరుగులతో అజేయంగా నిలిచాడు. కివీస్‌ బౌలర్లలో కెప్టెన్‌ మిచెల్‌ సాంట్నర్‌ నాలుగు వికెట్లు తీశాడు.When Dinesh Karthik Speak In Telugu..❤️ @DineshKarthik https://t.co/6YJX8IUI6s— Indian Clicks (@IndianClicks) October 24, 2026ఇదీ చదవండి: 'నువ్వు వ‌చ్చేసేయ్.. నేను వ‌చ్చేస్తా ఆరాంసే'వైభవ్‌పై అశ్విన్‌ సంచలన వ్యాఖ్యలు

న్యూజిలాండ్‌తో జరిగిన రెండో టీ20కి ఇషాన్ కిషన్ గాయంతో దూరమవ్వడంతో వైభవ్ సూర్యవంశీకి జట్టులో చోటు దక్కిన సంగతి తెలిసిందే. అయితే ఓపెన‌ర్‌గా కాకుండా వ‌న్‌డౌన్‌లో వ‌చ్చిన వైభ‌వ్ 8 బంతుల్లో 4 ప‌రుగులు మాత్ర‌మే చేసి పూర్తిగా నిరాశ‌ప‌రిచాడు. ఈ నేప‌థ్యంలో వైభ‌వ్ సూర్య‌వంశీపై టీమిండియా మాజీ స్పిన్న‌ర్ ర‌విచంద్ర‌న్ అశ్విన్ కీల‌క వ్యాఖ్య‌లు చేశాడు. వైభ‌వ్ ఓపెనింగ్‌లో వ‌స్తేనే క‌రెక్ట‌ని, మూడో స్థానం అత‌డికి స‌రైన‌ది కాద‌ని అభిప్రాయం వ్య‌క్తం చేశాడు.అశ్విన్ మాట్లాడుతూ.. ‘సాధారణంగా ఓపెనర్‌గా వచ్చి దూకుడుగా ఆడే వైభవ్ సూర్యవంశీ.. వన్‌డౌన్‌లో మాత్రం తడబడ్డాడు. ఈ మ్యాచ్‌లో వైభవ్ ప్రదర్శన హిట్టా? ఫట్టా? అని నన్ను అడిగితే.. ఫట్ అనే చెప్తాను. అయితే ఈ ఒక్క ఇన్నింగ్స్‌తో యువ బ్యాటర్‌ను అంచనా వేయడం తొందరపాటే అవుతుంది. వైభవ్‌ వరుసగా భారీ షాట్లకు ప్రయత్నిస్తూ ఒత్తిడికి లోనైనట్లు కనిపించాడు. అలాంటి సమయంలో క్రీజులో ఉన్న సీనియర్‌ బ్యాటర్‌ అతడి వద్దకు వెళ్లి కాస్త ప్రశాంతంగా ఆడాలని సూచించి ఉంటే బాగుండేది. బంతిని దగ్గరగా గమనిస్తూ, తన సహజమైన ఆటను ఆడేలా ప్రోత్సహించాల్సిన అవసరం ఉంది. ఆరో ఓవర్‌లో బ్యాటింగ్‌కు దిగడం వైభవ్‌కు అలవాటు లేని పాత్ర. అది అతడికి సెట్ అవ్వలేదు’ అని అశ్విన్ వివరించాడు‘వైభవ్‌ సూర్యవంశీ, అభిషేక్‌ శర్మ, సంజు శాంసన్‌.. ఈ ముగ్గురినీ తుది జట్టులో కొనసాగించాలనుకుంటే బ్యాటింగ్‌ స్థానాల విషయంలో మార్పులు చేయాలి. అభిషేక్‌, వైభవ్‌లను ఓపెనర్లుగా పంపి.. సంజును వన్‌డౌన్‌లో ఆడించడం మేలు. గతంలో ఆసియా క్రీడల్లోనూ సంజు మూడో స్థానంలో బ్యాటింగ్‌ చేశాడు. టీమ్ మేనేజ్‌మెంట్‌ ఈ అంశాన్ని పరిగణనలోకి తీసుకోవాలి’ అని అశ్విన్ వెల్లడించాడు.ఇదీ చదవండి: రాణించిన పడిక్కల్‌.. కోలుకునే క్రమంలో టీమిండియా‘నేనొక‌ పాత‌కాల‌పు వాహ‌నం’.. ఐపీఎల్ ఆడ‌డంపై ధోని క్లారిటీ!

స్వదేశంలో భారత్‌ చేతిలో వరుసగా రెండు టీ20ల్లో ఓడి, సిరీస్‌ కోల్పోయే ప్రమాదంలో ఉన్న న్యూజిలాండ్‌కు మరో భారీ షాక్‌ తగిలింది. గాయం కారణంగా ఆ జట్టు స్టార్‌ పేసర్‌ మ్యాట్‌ హెన్రీ సిరీస్‌లో మిగిలిన మూడు మ్యాచ్‌లకు దూరమయ్యాడు. రెండో టీ20లో కాలి కండరాల బిగుతుతో ఇబ్బందిపడిన అతడు, వన్డే సిరీస్ కోసం నవంబర్ 2న ఆక్లాండ్‌లో జట్టుతో చేరనున్నాడు.పనిభారాన్ని నియంత్రించేందుకు..మరో పేసర్ లాకీ ఫెర్గూసన్ మూడో టీ20కి అందుబాటులో ఉండడం లేదు. చివరి రెండు మ్యాచ్‌లకు అతడు జట్టుతో చేరతాడు. కైల్ జేమీసన్ దేశవాళీ టోర్నీలో ఆడేందుకు చివరి రెండు టీ20లకు దూరమవుతాడు. అనంతరం వన్డే జట్టులో చేరతాడు.పేసర్ల పనిభారాన్ని నియంత్రించేందుకే ఈ నిర్ణయాలు తీసుకున్నట్లు న్యూజిలాండ్ కోచ్ రాబ్ వాల్టర్ తెలిపాడు. బ్లెయిర్ టిక్నర్ చివరి మూడు టీ20లకు, జోష్ క్లార్క్సన్ చివరి రెండు మ్యాచ్‌లకు జట్టుతో చేరనున్నారు.కాగా, నిన్న జరిగిన రెండో టీ20లో న్యూజిలాండ్‌ భారత్‌ చేతిలో 4 వికెట్ల తేడాతో ఓడి, ఐదు మ్యాచ్‌ల సిరీస్‌లో 0-2తో వెనుకబడింది. నరాలు తెగే ఉత్కంఠ నడుమ సాగిన ఈ మ్యాచ్‌లో తిలక్‌ వర్మ, నితీశ్‌ కుమార్‌ రెడ్డి అద్భుతంగా ఆడి భారత్‌కు చిరస్మరణీయ విజయాన్ని అందించారు. ఈ జోడీ గెలవడం​ కష్టమనుకున్న మ్యాచ్‌లో భారత్‌ను గెలిపించింది. ఈ సిరీస్‌లోని మూడో టీ20 అక్టోబర్‌ 27న జరుగనుంది. ఇదీ చదవండి: నరాలు తెగే ఉత్కంఠ.. తిలక్‌, నితీశ్‌ రెడ్డి మెరుపులు.. భారత్‌ గెలుపు

టీమిండియా వైస్ కెప్టెన్ తిల‌క్ వ‌ర్మ న్యూజిలాండ్‌తో జ‌రిగిన రెండో టీ20లో అజేయ అర్థ‌సెంచ‌రీ సాధించి చేజింగ్‌లో త‌న విలువేంటో మ‌రోసారి చాటిచెప్పాడు. చేజింగ్ అంటేనే పూన‌కం వ‌స్తుందేమో అన్న త‌ర‌హాలో తిల‌క్ వ‌ర్మ బ్యాటింగ్ ఉంటుంది. ఈ నేప‌థ్యంలోనే తిల‌క్ వ‌ర్మ టీ20 క్రికెట్‌లో ఎవ‌రికీ సాధ్యం కాని రికార్డును తన ఖాతాలో వేసుకున్నాడు. ఇప్ప‌టివ‌ర‌కు తిల‌క్ వ‌ర్మ చేజింగ్‌లో 26 సార్లు అజేయంగా నిలిచాడు. ఈ 26 సార్లు తన జట్టు విజ‌యాలను అందుకోవ‌డం విశేషం. పురుషుల టీ20 క్రికెట్‌లో ఛేద‌న‌లో తిల‌క్ వ‌ర్మ ఒక్క‌డే 100 శాతం విజ‌యం రికార్డుతో ఉన్నాడు. తిల‌క్ వ‌ర్మ త‌ర్వాత న్యూజిలాండ్ క్రికెటర్లు బ్రెండన్ మెక్‌క‌ల్ల‌మ్‌, మార్టిన్ గుప్టిల్ చెరో 22 ఇన్నింగ్స్‌లతో ఉన్నారు. అయితే ఓవ‌రాల్ జాబితాలో తిల‌క్ వ‌ర్మ రెండో స్థానంలో ఉండ‌గా.. జేమ్స్ విన్స్ ఛేజింగ్‌లో 31 సార్లు నాటౌట్‌గా నిలిచి తొలి స్థానంలో కొన‌సాగుతున్నాడు.👉ఇక అంతర్జాతీయ టీ20ల్లో తిలక్ వర్మ చేజింగ్ చేస్తూ నాటౌట్‌గా నిలిచిన అన్ని మ్యాచ్‌ల్లోనూ (12 మ్యాచ్‌లు) టీమిండియా విజయం సాధించింది. అతను క్రీజులో ఉంటే భారత్‌కు విజయం ఖాయమనే నమ్మకాన్ని సంపాదించుకున్నాడు.👉టీమిండియా తరఫున అంతర్జాతీయ టీ20 మ్యాచ్‌లో చేజింగ్‌లో ఐదో స్థానంలో బ్యాటింగ్‌కు వచ్చి అర్థశతకం సాధించిన తొలి బ్యాటర్‌గా తిలక్ వర్మ నిలిచాడు. గతంలో వాషింగ్టన్ సుందర్ (49 నాటౌట్‌) హోబర్ట్ వేదికగా ఆస్ట్రేలియాపై చేసిన పరుగులే ఇప్పటివరకు అత్యుత్తమంగా ఉండేది.👉ఇక టీమిండియా తరఫున చేజింగ్‌లో ఐదు లేదా ఆ తర్వాతి స్థానాల్లో బ్యాటింగ్‌కు వచ్చి 12 అంతర్జాతీయ మ్యాచ్‌ల్లో నాటౌట్‌గా నిలవడంతో పాటు, నాలుగు అర్థశతకాలు సాధించాడు. భారత బ్యాటింగ్‌లో టాప్‌-4 మినహాయిస్తే మిగిలిన అందరూ బ్యాటర్లు కలిసి నాలుగు అర్థసెంచరీలు సాధిస్తే.. తిలక్ వర్మ ఒక్కడే నాలుగు హాఫ్ సెంచరీలు చేయడం విశేషం.👉సక్సెస్‌ఫుల్ టీ20 చేజింగ్స్‌లో తిలక్ వర్మ సగటు (Average) 92.50 గా ఉందంటేనే ఛేద‌న‌ల్లో అత‌డి విశ్వ‌రూపం ఏ విధంగా ఉంద‌నేది అర్థం చేసుకోవచ్చు. అంతర్జాతీయ టీ20 చేజింగ్స్‌లో వరుసగా అత్యధిక సార్లు డబుల్ డిజిట్ (10 కంటే ఎక్కువ) స్కోర్లు చేసిన భారతీయుల్లో విరాట్ కోహ్లీ తర్వాత తిలక్ వర్మ (11 ఇన్నింగ్స్‌లు) నిలిచాడు.𝗧𝗜𝗟𝗔𝗞 𝗩𝗔𝗥𝗠𝗔: 𝗧𝗛𝗘 𝗨𝗡𝗕𝗘𝗔𝗧𝗘𝗡 𝗙𝗜𝗡𝗜𝗦𝗛𝗘𝗥! 🇮🇳🔥 12 chases, 12 unbeaten knocks, 12 victories for Team India! 👏💙 📷: bcci #TeamIndia #bharatarmy #coti🇮🇳 https://t.co/dbhKawYh8R— The Bharat Army (@thebharatarmy) October 24, 2026 Tilak Varma stepping up when it matters most! 💙🔥 Watch the HERO VIDA India Tour of New Zealand, 2nd T20I LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #NZvIND https://t.co/95KJXn92it— Sony Sports Network (@SonySportsNetwk) October 24, 2026ఇదీ చదవండి:మ‌ళ్లీ విఫ‌ల‌మైన రాహుల్‌, జైస్వాల్‌.. క‌ష్టాల్లో భార‌త్‌‘తెలుగోడిగా గర్వపడుతున్నా; వాళ్లిద్దరికి క్రెడిట్‌ ఇవ్వాల్సిందే’

న్యూజిలాండ్‌తో జ‌రిగిన రెండో టీ20లో అజేయ అర్థ‌సెంచ‌రీతో టీమిండియాను గెలిపించిన తిల‌క్ వ‌ర్మ ‘ప్లేయ‌ర్ ఆఫ్ ది మ్యాచ్’ అవార్డు అందుకున్నాడు. అవార్డు తీసుకున్న త‌ర్వాత తిల‌క్ వ‌ర్మ మాట్లాడుతూ.. ఇద్దరు తెలుగోళ్లు మ్యాచ్‌ను గెలిపించడం గర్వంగా ఉందని పేర్కొన్నాడు. పనిలో పనిగా న‌మ‌న్ ధీర్‌పై కూడా తిలక్‌ వర్మ ప్ర‌సంశ‌ల వ‌ర్షం కురిపించాడు. న‌మ‌న్ ధీర్ మెరుపు ఇన్నింగ్స్ ఆడ‌క‌పోయుంటే పరిస్థితి వేరుగా ఉండేదని చెప్పుకొచ్చాడు. తిల‌క్ మాట్లాడుతూ.. ‘‘మ్యాచ్‌లో ఐదు వికెట్లు కోల్పోయిన సమ‌యంలో నేను చివ‌రివ‌ర‌కు ఆడాల‌నే ఆలోచ‌న‌లోనే ఉన్నాను. మా ఇన్నింగ్స్ ప్రారంభానికి ముందు కూడా కోచ్ గౌత‌మ్ గంభీర్‌తో పాటు బ్యాటింగ్ కోచ్ సితాన్షు కోట‌క్ కీల‌క సూచ‌న‌లు ఇచ్చారు. ‘మేమందరం నిన్ను న‌మ్ముతున్నాం, యావ‌త్ భార‌తదేశం నిన్ను న‌మ్ముతోంది. నువ్వు చివ‌రి వ‌ర‌కు క్రీజులో ఉంటే మ్యాచ్‌ను గెలిపించ‌గ‌ల‌వు. ఆట చివ‌రిదాకా ఉండేందుకు ప్ర‌య‌త్నించు’ అని వాళ్లు నాతో చెప్పారు. అందుకే క్రీజులోకి వ‌చ్చిన‌ప్ప‌టి నుంచి ఆట చివరిదాకా ఉండాల‌ని భావించాను. న‌మ‌న్ ధీర్ గురించి ఒక విష‌యం చెప్పాల‌నుకుంటున్నా. గ‌త మ్యాచ్‌తో పోలిస్తే ఈరోజు వికెట్ కొంచెం నెమ్మ‌దిగా ఉంది. కాబట్టి స్పిన్నర్లు బౌలింగ్ చేస్తున్నప్పుడు వికెట్ల మధ్య పరుగులో మరింత దూకుడుగా వెళ్దామని నేను నమన్‌తో చెప్పాను. ప‌క్కా ప్ర‌ణాళిక‌తో ఇద్ద‌రం బ్యాటింగ్ చేశాము. ముఖ్యంగా న‌మ‌న్ ధీర్ ఒత్తిడిలో ఆడిన తీరు అద్భుతం. నాతో పోలిస్తే అంత‌ర్జాతీయ అనుభ‌వం త‌క్కువ‌గా ఉన్న‌ప్ప‌టికీ, మూడు భారీ సిక్స‌ర్లు కొట్టి నాపై ఒత్తిడి త‌గ్గించాడు. దుర‌దృష్ట‌వ‌శాత్తు సాంట్న‌ర్ బౌలింగ్‌లో న‌మ‌న్ ఔట‌య్యాడు. లేకుంటే మ్యాచ్‌ను 18 లేదా 19వ ఓవ‌ర్లోనే ముగించేవాళ్లం. ఇక్క‌డ న‌మ‌న్ ధీర్‌కు కూడా క‌చ్చితంగా క్రెడిట్ ఇవ్వాల్సిందే. అత‌డు వేగంగా ఆడ‌క‌పోయుంటే మా ఇద్ద‌రి (నితీశ్‌, తిల‌క్‌) ప‌ని సులువు అయ్యేది కాదు. ఆ త‌ర్వాత ఇద్ద‌రు హైద‌రాబాదీ కుర్రాళ్లు క‌లిసి ఇన్నింగ్స్‌ను న‌డిపించారు. స్పిన్ బౌలింగ్‌లో ఆచితూచి ఆడుతూనే ప‌రుగులు రాబ‌ట్టాల‌ని ఇద్ద‌రం నిర్ణయించుకున్నాం. అందుకే మా ఇన్నింగ్స్‌లు గ‌మ‌నిస్తే మీకు బౌండ‌రీల కంటే సింగిల్స్‌, డబుల్స్ ఎక్కువ‌గా క‌నిపిస్తాయి. ఫాస్ట్ బౌలింగ్‌లో భారీ షాట్లు ఆడ‌గ‌ల‌మ‌ని తెలుసు.. కానీ ఆ రిస్క్ చేయ‌కుండా బంతిని గాల్లోకి లేప‌కుండా జాగ్ర‌త్త‌గా ఆడుతూ మ్యాచ్‌ను ముగించాము. ఇద్ద‌రు తెలుగోళ్లు మ్యాచ్‌ను గెలిపించడం నాకు గ‌ర్వంగా ఉంది. థాంక్యూ నితీశ్ రెడ్డి’’ అని పేర్కొన్నాడు.You never write #TeamIndia off. 𝙉𝙀𝙑𝙀𝙍. Tilak Varma and NKR turn the game on its head, pulling off a stunning win when it seemed all but lost! 💙 Watch the HERO VIDA India Tour of New Zealand, 2nd T20I LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #NZvIND— Sony Sports Network (@SonySportsNetwk) October 24, 2026ఇదీ చదవండి: 'నువ్వు వ‌చ్చేసేయ్.. నేను వ‌చ్చేస్తా ఆరాంసే'పాకిస్తాన్ జట్టు ప్రకటన.. ముగ్గురు 'మొనగాళ్ల'కు పిలుపు

న్యూజిలాండ్‌తో జ‌రిగిన రెండో టీ20లో టీమిండియా 4 వికెట్ల తేడాతో విజ‌యం సాధించిన సంగ‌తి తెలిసిందే. తెలుగు క్రికెట‌ర్లు తిల‌క్ వ‌ర్మ (26 బంతుల్లో 51 నాటౌట్‌; 6 ఫోర్లు, ఒక సిక్స‌ర్‌), నితీశ్‌కుమార్ రెడ్డి (13 బంతుల్లో 26 నాటౌట్‌) ఆఖ‌రిదాకా నిలిచి జ‌ట్టును గెలిపించారు. ఈ నేప‌థ్యంలో ఈ జోడీ ఏడో వికెట్‌కు అజేయంగా 69 ప‌రుగులు జోడించ‌డం విశేషం. అయితే వీరిద్ద‌రు క‌లిసి బ్యాటింగ్ ఆడుతున్న స‌మ‌యంలో ప‌ర‌స్ప‌రం తెలుగులో మాట్లాడుకోవ‌డం ప్ర‌స్తుతం సోష‌ల్ మీడియాలో వైర‌ల్‌గా మారింది. ఇద్ద‌రు తెలుగువాళ్లే కావ‌డంతో స్థానిక భాష మాట్లాడ‌డం పెద్ద‌గా ఆశ్చ‌ర్యప‌ర‌చ‌న‌ప్పటికీ, ఒక అంత‌ర్జాతీయ మ్యాచ్‌లో.. అందునా విదేశీ గ‌డ్డ‌పై నితీశ్ రెడ్డి, తిల‌క్ వ‌ర్మ తెలంగాణ యాస‌లో మాట్లాడ‌డం అంద‌రి దృష్టిని ఆక‌ర్షించింది. ఇన్నింగ్స్ 17వ ఓవ‌ర్ తొలి బంతి త‌ర్వాత ఈ ఘ‌ట‌న చోటుచేసుకుంది. స్ట్రైక్‌లో ఉన్న తిల‌క్ వ‌ర్మ మాట్లాడుతూ..‘‘నువ్వు కాల్ ఇవ్వ‌లేదు..’’ అన‌గానే, నాన్‌స్ట్రైక్ ఎండ్‌లో ఉన్న నితీశ్ రెడ్డి వెంట‌నే.. ‘‘నువ్వు వ‌చ్చేసేయ్‌.. నేను వ‌చ్చేస్తా ఆరాంసే’’ అని తెలిపాడు. దీనికి తిల‌క్.. ‘‘రేయ్ రెండు అని చెప్పురా పోనీ.. నేను ముందొచ్చి వెయిట్ చేస్తున్నా నీకోసం’’ అని గ‌ట్టిగా అరుస్తూ చెప్ప‌డం క‌నిపించింది. వీరిద్ద‌రి మ‌ధ్య జ‌రిగిన సంభాష‌ణ మైక్ స్టంప్‌లో రికార్డ‌ర‌వ్వడంతో మాట‌లు వెలుగులోకి వ‌చ్చాయి.మ్యాచ్ విష‌యానికొస్తే.. తొలుత బ్యాటింగ్ చేసిన న్యూజిలాండ్‌ నిర్ణీత 20 ఓవర్లలో ఐదు వికెట్ల నష్టానికి 180 పరుగులు సాధించింది. టాపార్డర్‌లో ఓపెనర్లు టిమ్‌ సీఫర్ట్‌ (7), ఫిన్‌ అలెన్‌ (16)... డారిల్‌ మిచెల్‌ (6) విఫలమైనా.. గ్లెన్‌ ఫిలిప్స్‌, బేవాన్‌ జేకబ్స్‌ అర్ధ శతకాలతో అదరగొట్టారు. టీమిండియా బౌలర్లలో అర్ష్‌దీప్‌ సింగ్‌ రెండు వికెట్లు కూల్చగా.. భువనేశ్వర్‌ కుమార్‌, ప్రిన్స్‌ యాదవ్‌, నితీశ్‌ రెడ్డి తలా ఒక వికెట్‌ తీశారు. అనంత‌రం బ్యాటింగ్‌కు దిగిన టీమిండియాకు ఆదిలోనే ఎదురుదెబ్బలు తగిలాయి. ఓపెనర్లు సంజూ శాంసన్‌ (17 బంతుల్లో 14), అభిషేక్‌ శర్మ (21 బంతుల్లో 27) నిరాశపరిచారు. ఈ తరుణంలో వైస్‌ కెప్టెన్‌ తిలక్‌ వర్మకు తోడైన ఆల్‌రౌండర్‌ నమన్‌ ధీర్‌ మెరుపు ఇన్నింగ్స్‌ (17 బంతుల్లో 31) ఆడాడు. తిలక్‌ వర్మ 25 బంతుల్లో అర్ధ శతకం పూర్తి చేసుకోగా.. నితీశ్‌ రెడ్డి 13 బంతుల్లో ఒక ఫోర్‌, ఒక సిక్సర్‌ బాది 26 పరుగులతో అజేయంగా నిలిచాడు. కివీస్‌ బౌలర్లలో కెప్టెన్‌ మిచెల్‌ సాంట్నర్‌ నాలుగు వికెట్లు తీశాడు.Andhra vs Telangana ❌ Seeing our Telugu boys Nitish Kumar Reddy and Tilak Varma stand up for India at the international level and Speaking in Native Language♥️♥️💪 https://t.co/OM5LkwVCzc— పోరా కుయ్యా (@karthik14321) October 24, 2026తిలక్ - నువ్వు కాల్ ఇవ్వలేదు నితీష్ - నువ్వు వచ్చేసేయ్ నేను వచ్చేస్తా ఆరాంసే తిలక్ - రేయ్ రెండు అని చెప్పురా పోనీ ఎంత బాగుందో ఇంటర్నేషనల్ మ్యాచ్ లో తెలుగులో మాట్లాడుకుంటుంటే 😍 https://t.co/pkhzaiWJXZ— పల్నాడు పెద్దిరెడ్డి (@MrHyperReddy) October 24, 2026 THE BOYS FROM HYDERABAD - Tilak & Nitish 🥹❤️ https://t.co/kDqJwfFmjV— Johns. (@CricCrazyJohns) October 24, 2026 Stood out when it mattered the most 🇮🇳 Stay tuned for a special chat coming soon on https://t.co/DTi7UzPc4R ⏳ #TeamIndia | #INDvNZ | @TilakV9 | @NKReddy07 https://t.co/6maSFMr34h— BCCI (@BCCI) October 24, 2026ఇదీ చదవండి: జోరు సాగనీ...నాలుగో స్థానంతో ముగించిన భారత్‌

క్రైస్ట్‌చర్చ్ వేదికగా న్యూజిలాండ్‌తో జరిగిన రెండో టీ20లో 4 వికెట్ల తేడాతో టీమిండియా సంచలన విజయం సాధించింది. ఈ విజయంలో తెలుగు తేజాలు తిలక్ వర్మ(51నాటౌట్‌), నితీశ్ కుమార్ రెడ్డి(26 నాటౌట్‌)లది కీలక పాత్ర. ఓటమి కోరల్లో చిక్కుకున్న జట్టును వారిద్దరూ తమ అద్భుత ఇన్నింగ్స్‌లతో జట్టును విజయతీరాలకు చేర్చారు. తిలక్‌-నితీశ్ ఏడో వికెట్‌కు అజేయంగా 69 ప‌రుగుల భాగ‌స్వామ్యాన్ని నెల‌కొల్పారు. త‌ద్వారా ఈ తెలుగు క్రికెట‌ర్లు ఓ అరుదైన రికార్డును త‌మ పేరిట లిఖించుకున్నారు. ఏడో వికెట్‌కు అత్య‌ధిక భాగ‌స్వామ్యం నెల‌కొల్పిన భార‌త జోడిగా వారిద్ద‌రూ నిలిచారు. ఇంత‌కుముందు ఈ రికార్డు దినేష్ కార్తీక్, కృనాల్ పాండ్యా పేరిట ఉండేది. వారిద్ద‌రూ 2019లో 7 వికెట్‌కు 63 ప‌రుగుల పార్ట‌న‌ర్‌షిప్‌ను నెల‌కొల్పారు. తాజా ప్ర‌ద‌ర్శ‌న‌తో వారి ఆల్‌టైమ్ రికార్డును నితీశ్‌-తిల‌క్ జంట బ్రేక్ చేసింది. కాగా ఈ విజయంతో 5 మ్యాచ్‌ల టీ20 సిరీస్‌లో భారత్‌ 2-0 ఆధిక్యంలోకి దూసుకెళ్లింది.7వ వికెట్‌కు అత్య‌ధిక భాగ‌స్వామ్యం నెల‌కొల్పిన భార‌త జోడీలు69* - నితీష్ కుమార్ రెడ్డి, తిలక్ వర్మ vs న్యూజిలాండ్, క్రైస్ట్‌చర్చ్, 2026 (7వ వికెట్)63* - దినేష్ కార్తీక్, కృనాల్ పాండ్యా vs న్యూజిలాండ్, హామిల్టన్, 2019 (7వ వికెట్)61 - హర్భజన్ సింగ్, సురేష్ రైనా vs న్యూజిలాండ్, క్రైస్ట్‌చర్చ్, 2009 (8వ వికెట్)59* - ఇర్ఫాన్ పఠాన్, యూసుఫ్ పఠాన్ vs శ్రీలంక, కొలంబో (RPS), 2009 (8వ వికెట్)59* - రవిచంద్రన్ అశ్విన్, ఎం.ఎస్. ధోనీ vs ఆస్ట్రేలియా, సిడ్నీ, 2012 (7వ వికెట్)చదవండి: IND vs NZ: అభిషేక్‌ శర్మ ప్రపంచ రికార్డు.. ఒకే ఒక్కడు

న్యూజిలాండ్‌కు మరోసారి చేదు అనుభవమే మిగిలింది. సొంతగడ్డపై టీమిండియాతో ఉత్కంఠ పోరులో మరోసారి పరాజయాన్ని చవిచూసింది. తొలి టీ20లో భారీ స్కోరు సాధించినా ఓటమిపాలైన కివీస్‌.. తాజాగా శనివారం నాటి రెండో టీ20లోనూ ఆఖరి వరకు ఆసక్తి రేకెత్తించిన మ్యాచ్‌లోనూ అదే ఫలితం పొందింది.తిలక్‌, నమన్‌.. రెడ్డి అద్భుతంగా ఆడారుఈ నేపథ్యంలో రెండో టీ20లో ఓటమిపై న్యూజిలాండ్‌ కెప్టెన్‌ మిచెల్‌ సాంట్నర్‌ స్పందించాడు. ‘‘మరోసారి ఆఖరి వరకు వచ్చినా మ్యాచ్‌ చేజారింది. పటిష్టమైన జట్టుతో ఆడేటపుడు ఇలాంటి ఉత్కంఠ పోరు సహజమే. తిలక్‌, నమన్‌.. ఆఖర్లో రెడ్డి అద్భుతంగా ఆడారు.ఈ ముగ్గురిలో ఒక్కరి వికెట్‌నైనా కాస్త ముందుగా తీయగలిగితే కచ్చితంగా అక్కడే మ్యాచ్‌ ముగిసి ఉండేది. కానీ తిలక్‌, రెడ్డి ఆఖరి వరకు అద్భుతంగా పోరాడారు. చివర్లో మా బౌలర్లు చేసిన తప్పులను సద్వినియోగం చేసుకుని తమ జట్టును గెలిపించుకున్నారు.కొన్ని తప్పులు చేశాముస్పిన్నర్లను బరిలోకి దించడం కూడా ప్రభావం చూపింది. పవర్‌ ప్లేలోనే వారిని కట్టడి చేయాలనే ఉద్దేశంతోనే ముందుగా కీలక ఆప్షన్లు ఉపయోగించుకున్నాను. అయితే, మధ్య ఓవర్లలో బ్రేస్‌వెల్‌ బాగానే బౌలింగ్‌ చేశాడు. అయితే, ముందుగా చెప్పినట్లు చివరి ఓవర్లలో కొన్ని తప్పులు చేశాము’’ అని సాంట్నర్‌ చెప్పుకొచ్చాడు. తిలక్‌ ధనాధన్‌కాగా క్రైస్ట్‌చర్చ్‌ వేదికగా భారత్‌తో శనివారం నాటి రెండో టీ20లో టాస్‌ ఓడిన కివీస్‌ తొలుత బ్యాటింగ్‌కు దిగింది. నిర్ణీత 20 ఓవర్లలో ఐదు వికెట్ల నష్టానికి 180 పరుగులు చేసింది. లక్ష్య ఛేదనలో ఆరంభంలో తడబడ్డ టీమిండియా ఆఖర్లో అద్భుతం చేసి 19.5 ఓవర్లలో ఆరు వికెట్లు నష్టపోయి పని పూర్తి చేసింది.‘ప్లేయర్‌ ఆఫ్‌ ది మ్యాచ్‌’ తిలక్‌ వర్మ మెరుపు అర్ధ శతకం (26 బంతుల్లో 51 నాటౌట్‌) సాధించగా.. నమన్‌ ధీర్‌ (17 బంతుల్లో 31), నితీశ్‌ కుమార్‌ రెడ్డి (13 బంతుల్లో 26 నాటౌట్‌) రాణించి జట్టు టీమిండియా విజయంలో కీలక పాత్ర పోషించారు. ఇక ఈ మ్యాచ్‌లో కివీస్‌ సారథి సాంట్నర్‌ అత్యధికంగా నాలుగు వికెట్లు పడగొట్టాడు.చదవండి: వారిద్దరూ అద్భుతం.. ఓడిపోయే మ్యాచ్‌ను గెలిపించారు: శ్రేయస్‌ అయ్యర్‌

క్రైస్ట్‌చర్చ్‌ వేదికగా న్యూజిలాండ్‌తో జరిగిన రెండో టీ20 మ్యాచ్ అభిమానులను ఆఖరి వరకు మునివేళ్లపై నిలబెట్టింది. నువ్వా-నేనా అన్నట్లు సాగిన ఈ ఉత్కంఠపోరులో 4 వికెట్ల తేడాతో టీమిండియా సంచలన విజయాన్ని అందుకుంది. ఒక దశలో ఓటమి తప్పదనుకున్న చోట తెలుగు తేజాలు నితీశ్ కుమార్ రెడ్డి (26 నాటౌట్), తిలక్ వర్మ (51 నాటౌట్) అద్భుత పోరాటంతో మెరిశారు. ఆఖరి ఐదు ఓవర్లలో ఈ ఇద్దరూ కలిసి ఏకంగా 68 పరుగులు సాధించి భారత జట్టుకు చిరస్మరణీయ విజయాన్ని అందించారు. ఈ గెలుపుతో 5 మ్యాచ్‌ల టీ20 సిరీస్‌లో భారత్ 2-0 తేడాతో ముందంజ వేసింది. ఈ అద్భుత విజయంపై మ్యాచ్ ముగిసిన తర్వాత భారత కెప్టెన్ శ్రేయస్ అయ్యర్ మాట్లాడుతూ ఆసక్తికర వ్యాఖ్యలు చేశాడు."ఇలాంటి ఉత్కంఠభరిత పోరులో విజయం సాధించడం చాలా సంతోషంగా ఉంది. మా జట్టులో ప్రతీ ఒక్క ఆటగాడికి ఒంటిచేత్తో మ్యాచ్‌ను గెలిపించే సత్తా ఉంది. ఈ మ్యాచ్‌లో మరోసారి అది నిజమని నిరూపించాం. నిజం చెప్పాలంటే.. ఒకే ఓవర్‌లో వరుసగా రెండు వికెట్లు కోల్పోవడంతో మ్యాచ్ మా చేజారిపోతుందేమో అనిపించింది. కానీ తిలక్, నితీశ్ అద్భుతమైన పోరాటపటిమను కనబరిచారు. ఓడిపోయే మ్యాచ్‌ను మా వైపు తిప్పుకొని గెలిపించారు" అని అయ్యర్‌ కొనియాడు.నమన్‌ ఒక అద్భుతం"ఈ మ్యాచ్‌లో నమన్ ధీర్ మరోసారి కీలక ఇన్నింగ్స్ ఆడాడు. వరుసగా రెండో మ్యాచ్‌లోనూ నమన్ తన సత్తా చాటాడు. అతడి గురించి బయట పెద్దగా ఎవరికీ తెలియకపోవచ్చు కానీ, నమన్ ఒక అద్భుతమైన ఆల్‌రౌండర్. బ్యాట్‌తో పాటు బంతితోనూ రాణించగలడు. వెస్టిండీస్ సిరీస్‌లో కూడా అతడు అసాధారణ ప్రదర్శన కనబరిచాడు. అంతేకాకుండా ఫీల్డింగ్‌లోనూ చాలా యాక్టివ్‌గా ఉంటాడు. అతడు కచ్చితంగా మా జట్టుకు ఎక్స్‌ఫ్యాక్టర్.లక్ష్య ఛేదనలో మేము ఆరంభం నుంచే దూకుడుగా ఆడాలని అనుకున్నాం. కానీ కివీస్ స్పిన్నర్లు బ్రేస్‌వెల్, శాంట్నర్ అద్భుతంగా బౌలింగ్ చేశారు. పవర్‌ప్లేలో మేము ఎక్కువగా డాట్ బాల్స్ ఆడాం, దీంతో రన్ రేట్ కూడా పెరిగిపోయింది. మిడిల్ ఓవర్లలో మ్యాచ్‌ను వాళ్ళు పూర్తిగా తమ కంట్రోల్‌లోకి తీసుకున్నారు. మేము బంతిని బలంగా కొట్టేందుకు ప్రయత్నించి అక్కడే పొరపాటు చేశాం. గ్యాప్‌లు చూసుకుని బౌండరీలు సాధించే ప్రయత్నం చేసి ఉంటే మరింత ఈజీగా లక్ష్యాన్ని చేరుకోగలిగేవాళ్లం. ఏదేమైనప్పటికీ, చివరికి లక్ష్యాన్ని విజయవంతంగా ఛేదించడం చాలా సంతోషంగా ఉంది" అని శ్రేయస్ పేర్కొన్నాడు.చదవండి: IND vs NZ: అభిషేక్‌ శర్మ ప్రపంచ రికార్డు.. ఒకే ఒక్కడు

న్యూజిలాండ్‌తో రెండో టీ20లో టీమిండియా అద్భుత రీతిలో విజయం సాధించింది. ఆఖరి ఓవర్‌ వరకు ఉత్కంఠ రేపిన మ్యాచ్‌లో నాలుగు వికెట్ల తేడాతో జయభేరి మోగించింది. తద్వారా ఐదు మ్యాచ్‌ల సిరీస్‌లో 2-0తో ఆధిక్యంలోకి వెళ్లింది.గ్లెన్‌ ఫిలిప్స్‌, బేవాన్‌ జేకబ్స్‌ అర్ధ శతకాలుక్రైస్ట్‌చర్చ్‌ వేదికగా శనివారం నాటి రెండో టీ20లో టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన న్యూజిలాండ్‌ నిర్ణీత 20 ఓవర్లలో ఐదు వికెట్ల నష్టానికి 180 పరుగులు సాధించింది. టాపార్డర్‌లో ఓపెనర్లు టిమ్‌ సీఫర్ట్‌ (7), ఫిన్‌ అలెన్‌ (16)... డారిల్‌ మిచెల్‌ (6) విఫలమైనా.. గ్లెన్‌ ఫిలిప్స్‌, బేవాన్‌ జేకబ్స్‌ అర్ధ శతకాలతో అదరగొట్టారు.గ్లెన్‌ ఫిలిప్స్‌ 43 బంతుల్లోనే 70 పరుగులు చేయగా.. జేకబ్స్‌ 46 బంతుల్లో 58 పరుగులు రాబట్టాడు. మిగిలిన వారిలో మైకేల్‌ బ్రేస్‌వెల్‌ ధనాధన్‌ దంచి కొట్టాడు. కేవలం రెండు బంతుల్లోనే ఒక ఫోర్‌, ఒక సిక్సర్‌ బాది 10 పరుగులతో అజేయంగా నిలిచాడు.ఆదిలోనే ఎదురుదెబ్బలుటీమిండియా బౌలర్లలో అర్ష్‌దీప్‌ సింగ్‌ రెండు వికెట్లు కూల్చగా.. భువనేశ్వర్‌ కుమార్‌, ప్రిన్స్‌ యాదవ్‌, నితీశ్‌ కుమార్‌ రెడ్డి తలా ఒక వికెట్‌ తీశారు. అనంతరం లక్ష్య ఛేదనకు దిగిన భారత్‌కు ఆదిలోనే ఎదురుదెబ్బలు తగిలాయి. ఓపెనర్లు సంజూ శాంసన్‌ (17 బంతుల్లో 14), అభిషేక్‌ శర్మ (21 బంతుల్లో 27) నిరాశపరిచారు.వన్‌డౌన్‌లో వచ్చిన వైభవ్‌ సూర్యవంశీ (4), కెప్టెన్‌ శ్రేయస్‌ అయ్యర్‌ (7), అక్షర్‌ పటేల్‌ (11) విఫలమయ్యారు. ఇలాంటి తరుణంలో వైస్‌ కెప్టెన్‌ తిలక్‌ వర్మకు తోడైన ఆల్‌రౌండర్‌ నమన్‌ ధీర్‌ మెరుపు ఇన్నింగ్స్‌ (17 బంతుల్లో 31) ఆడాడు. అయితే, సాంట్నర్‌ బౌలింగ్‌లో నమన్‌ ధీర్‌ వెనుదిరగడంతో భారత శిబిరంలో ఆందోళన నెలకొంది.Naman Dhir is showing us exactly what he can do with the big hits! 💥 Watch the HERO VIDA India Tour of New Zealand, 2nd T20I LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/e9L2mnQf0B— Sony Sports Network (@SonySportsNetwk) October 24, 2026హైదరాబాదీల సత్తాఇలాంటి క్లిష్ట పరిస్థితుల్లో తెలుగు క్రికెటర్లు వైస్‌ కెప్టెన్‌ తిలక్‌ వర్మ, నితీశ్‌ కుమార్‌ రెడ్డి కలిసి గెలుపు దిశగా జట్టును నడిపించారు. వీరిద్దరు ఆకాశమే హద్దుగా చెలరేగడంతో ఆఖరి ఓవర్లో విజయానికి 11 పరుగులు అవసరం కాగా.. ఇద్దరూ కలిసి విజయ లాంఛనం పూర్తి చేశారు.ధనాధన్‌ దంచికొట్టితిలక్‌ వర్మ 25 బంతుల్లో అర్ధ శతకం (26 బంతుల్లో 51) పూర్తి చేసుకోగా.. నితీశ్‌ రెడ్డి 13 బంతుల్లో ఒక ఫోర్‌, ఒక సిక్సర్‌ బాది 26 పరుగులతో అజేయంగా నిలిచాడు. తిలక్‌- నితీశ్‌ కలిసి 30 బంతుల్లో 69 పరుగుల భాగస్వామ్యం నెలకొల్పి జట్టును గెలిపించారు. ఇక కివీస్‌ బౌలర్లలో కెప్టెన్‌ మిచెల్‌ సాంట్నర్‌ అత్యధికంగా నాలుగు వికెట్లు తీయగా.. జేకబ్‌ డఫీ, నాథన్‌ స్మిత్‌ చెరో వికెట్‌ పడగొట్టారు.చదవండి: IND vs NZ: తిలక్‌ వర్మ ప్రపంచ రికార్డుNitish Kumar Reddy brings the power, launching Duffy into the stands! 🚀 Watch the HERO VIDA India Tour of New Zealand, 2nd T20I LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #NZvIND https://t.co/lJrCM6X16e— Sony Sports Network (@SonySportsNetwk) October 24, 2026

టీమిండియా చిచ్చర పిడుగు వైభవ్‌ సూర్యవంశీ నిరీక్షణకు ఎట్టకేలకు తెరపడింది. జింబాబ్వే పర్యటన తర్వాత బెంచ్‌కే పరిమితమైన ఈ పదిహేనేళ్ల పిల్లాడు.. జపాన్‌లో జరిగిన ఆసియా క్రీడలు-2026 టోర్నీలో ఆడాడు.ఆ తర్వాత స్వదేశంలో వెస్టిండీస్‌తో ఐదు మ్యాచ్‌ల సిరీస్‌లో అతడికి ఒక్క మ్యాచ్‌ కూడా ఆడే అవకాశం రాలేదు. న్యూజిలాండ్‌తో తొలి టీ20లోనూ బెంచ్‌కే పరిమితమయ్యాడు. అయితే, న్యూజిలాండ్‌తో శనివారం నాటి రెండో టీ20 సందర్భంగా.. వైభవ్‌కు ఎట్టకేలకు తుదిజట్టులో చోటు దక్కింది.సరికొత్త చరిత్రఈ నేపథ్యంలో కివీస్‌ గడ్డ మీద వైభవ్‌ సూర్యవంశీ సరికొత్త చరిత్ర లిఖించాడు. పురుషుల క్రికెట్‌లో అత్యంత పిన్న వయసులోనే న్యూజిలాండ్‌లో అంతర్జాతీయ మ్యాచ్‌ ఆడే అవకాశం పొందిన క్రికెటర్‌గా రికార్డు నెలకొల్పాడు.మండిపడుతున్న అభిమానులుఅయితే, ఎట్టకేలకు ప్లేయింగ్‌ ఎలెవన్‌లో చోటు సంపాదించిన వైభవ్‌ సూర్యవంశీ.. వచ్చిన అవకాశాన్ని మాత్రం సద్వినియోగం చేసుకోలేకపోయాడు. కేవలం నాలుగు పరుగులు మాత్రమే చేసి నిష్క్రమించాడు. ఈ నేపథ్యంలో టీమిండియా యాజమాన్యం తీరుపై విమర్శల వర్షం కురుస్తోంది.సంజూ శాంసన్‌కే పెద్ద పీట కివీస్‌తో రెండో టీ20లో వైభవ్‌ విఫలం కావడానికి మేనేజ్‌మెంటే కారణమని అభిమానులు సోషల్‌ మీడియా వేదికగా ఆగ్రహం వ్యక్తం చేస్తున్నారు. కాగా ఓపెనింగ్‌ బ్యాటర్‌ అయిన ఈ లెఫ్టాండర్‌ బ్యాటర్‌.. సంజూ శాంసన్‌కు పోటీగా జట్టులోకి వచ్చాడు. అయితే, హెడ్‌కోచ్‌ గౌతం గంభీర్‌ మాత్రం వరల్డ్‌కప్‌-2026 హీరో సంజూ శాంసన్‌కే పెద్ద పీట వేస్తామని ఇప్పటికే పలుమార్లు స్పష్టం చేశాడు.ఓపెనర్‌గా కాకుండా.. వన్‌డౌన్‌లోఅందుకు తగ్గట్లే వైభవ్‌ను వరుస మ్యాచ్‌లలో పక్కనపెట్టింది యాజమాన్యం. ఇక ఆసియా క్రీడల్లో తాత్కాలిక హెడ్‌కోచ్‌ వీవీఎస్‌ లక్ష్మణ్‌ వైభవ్‌ను ఓపెనర్‌గా బరిలోకి దించి.. సంజూను వన్‌డౌన్‌లో ఆడించాడు. అయితే, కివీస్‌తో రెండో టీ20లో మాత్రం అలా జరుగలేదు. సంజూ- అభిషేక్‌ శర్మ ఓపెనర్లుగా కొనసాగగా.. వైభవ్‌ తొలిసారి వన్‌డౌన్‌లో వచ్చాడు.టాపార్డర్‌ విఫలం​క్రైస్ట్‌చర్చ్‌ వేదికగా ఈ మ్యాచ్‌లో టాపార్డర్‌ మొత్తం విఫలమైంది. సంజూ (14), అభిషేక్‌ (27) త్వరత్వరగా పెవిలియన్‌ చేరగా.. వైభవ్‌ తీవ్రంగా నిరాశపరిచాడు. మూడో స్థానంలో వచ్చిన అతడు 8 బంతులు ఎదుర్కొని కేవలం 4 పరుగులు చేసి.. నాథన్‌ స్మిత్‌ బౌలింగ్‌లో డారిల్‌ మిచెల్‌కు క్యాచ్‌ ఇచ్చి అవుటయ్యాడు.ఈ నేపథ్యంలో.. వరుస మ్యాచ్‌లలో బెంచ్‌కే పరిమితం చేయడం.. న్యూజిలాండ్‌ గడ్డ మీద అదీ రెగ్యులర్‌గా ఓపెనర్‌గా కాకుండా వన్‌డౌన్‌లో పంపడం.. వంటివి వైభవ్‌ ఆత్మవిశ్వాసాన్ని దెబ్బతీశాయని.. గంభీర్‌ కావాలనే ఈ పిల్లాడిని ఇరకాటంలో పెడుతున్నాడంటూ అభిమానులు ఫైర్‌ అవుతున్నారు.ఇక రెండో టీ20లో టాస్‌ గెలిచిన భారత్‌ కివీస్‌ను తొలుత బ్యాటింగ్‌కు ఆహ్వానించింది. ఈ క్రమంలో ఆతిథ్య న్యూజిలాండ్‌ నిర్ణీత 20 ఓవర్లలో ఐదు వికెట్ల నష్టానికి 180 పరుగులు చేసింది. లక్ష్య ఛేదనలో ఆరంభంలోనే టీమిండియాకు కోలుకోలేని ఎదురుదెబ్బలు తగిలాయి.చదవండి: IND vs NZ: తిలక్‌ వర్మ ప్రపంచ రికార్డు

టీమిండియా యువ ఓపెన‌ర్ అభిషేక్ శ‌ర్మ త‌న రికార్డుల వేట‌ను కొన‌సాగిస్తున్నాడు. క్రైస్ట్‌చ‌ర్చ్ వేదిక‌గా న్యూజిలాండ్‌తో జ‌రుగుతున్న రెండో టీ20లో అభిషేక్ శ‌ర్మ మ‌రో అరుదైన రికార్డును త‌న పేరిట లిఖించుకున్నాడు. ఒకే క్యాలెండర్ ఈయర్‌లో అంత‌ర్జాతీయ టీ20ల్లో 1000 ప‌రుగులు చేసిన తొలి భార‌త ఓపెన‌ర్‌గా అభిషేక్ నిలిచాడు.ఓవ‌రాల్‌గా భారత్ తరఫున ఈ అరుదైన ఘనత సాధించిన మూడో ఆటగాడిగా శ‌ర్మ రికార్డులకెక్కాడు. అత‌కంటేముందు సూర్యకుమార్ యాదవ్ (2022లో 1,164 పరుగులు), ఇషాన్ కిషన్ (2026లో 1,159 పరుగులు) ఈ ఫీట్ సాధించారు. ఇక ఓవ‌రాల్‌గా వ‌ర‌ల్డ్ టీ20 క్రికెట్ చ‌రిత్ర‌లో ఈ ఘ‌న‌త సాధించిన 8వ బ్యాటర్‌గా అభిషేక్ నిలిచాడు.తొలి ప్లేయర్‌గా రికార్డు..అదేవిధంగా అంత‌ర్జాతీయ టీ20ల్లో పవర్‌ప్లేలో 100 సిక్సర్లు కొట్టిన మొదటి బ్యాటర్‌గా అభిషేక్ శర్మ వ‌ర‌ల్డ్ రికార్డు సృష్టించాడు. అభిషేక్ కంటే ముందు ఏ బ్యాటర్ కూడా ఈ ఘనతను అందుకోలేకపోయారు. దిగ్గజ ప్లేయర్లు రోహిత్ శర్మ, మార్టిన్ గప్టిల్ వరుసగా 98, 97 సిక్సర్ల వద్దే ఆగిపోయారు. కాగా ఈ మ్యాచ్‌లో అభిషేక్ 21 బంతుల్లో 3 ఫోర్లు, ఒక సిక్సర్‌తో 27 పరుగులు చేసి ఔటయ్యాడు.అంతర్జాతీయ టీ20 క్రికెట్‌లో పవర్‌ప్లేలో అత్యధిక సిక్సర్లు కొట్టిన ప్లేయర్లు100* - అభిషేక్ శర్మ98 - రోహిత్ శర్మ 97 - మార్టిన్ గప్టిల్94 - పాల్ స్టిర్లింగ్87 - క్వింటన్ డి కాక్చదవండి: NZ vs INS: వారెవ్వా.. సూపర్‌మేన్‌లా! నీలాంటి ప్లేయ‌ర్ క్రికెట్ హిస్ట‌రీలోనే లేడు!

ప్రపంచ క్రికెట్‌లో అత్యుత్తమ ఫీల్డర్లలో న్యూజిలాండ్ స్టార్ ప్లేయర్ గ్లెన్ ఫిలిప్స్ ఒకడు. మైదానంలో అతడు చేసే అద్భుత ఫీల్డింగ్ విన్యాసాల గురించి ప్రత్యేకంగా చెప్పాల్సిన అవసరం లేదు. అయితే ఈసారి అతడు తన అథ్లెటిజంను ఫీల్డింగ్‌లో కాకుండా, బ్యాటింగ్ చేసే సమయంలో ప్రదర్శించి అందరినీ ఆశ్చర్యపరిచాడు. క్రైస్ట్‌చర్చ్ వేదికగా భారత్, న్యూజిలాండ్ మధ్య జరుగుతున్న రెండో టీ20లో ఈ ఆసక్తికర సన్నివేశం చోటుచేసుకుంది.గాల్లోకి సూపర్‌మేన్ డైవ్న్యూజిలాండ్ ఇన్నింగ్స్ 13వ ఓవర్ వేసిన భారత పేసర్ అర్ష్‌దీప్ సింగ్ వేసిన తొలి బంతిని ఫిలిప్స్ ఆఫ్‌సైడ్‌లో మిడ్-ఆఫ్ దిశగా ఆడి సింగిల్ కోసం ప్రయత్నించాడు. అయితే రనౌట్ అయ్యే ప్రమాదం ఉండటంతో, క్రీజులోకి చేరుకోవడానికి ఫిలిప్స్ గాల్లోకి సూపర్‌మేన్‌లా డైవ్ చేశాడు. భారత కెప్టెన్ శ్రేయస్ అయ్యర్ మెరుపు వేగంతో బంతిని అందుకొని నేరుగా స్టంప్స్‌ను గిరాటేసినప్పటికీ, ఫిలిప్స్ చేసిన అద్భుతమైన డైవ్ అతడిని కాపాడింది.దీనికి సంబంధించిన వీడియో ప్రస్తుతం సోషల్ మీడియాలో విపరీతంగా వైరల్ అవుతోంది. "క్రికెట్ చరిత్రలోనే ఇలాంటి అథ్లెట్‌ను ఇప్పటివరకు చూడలేదు" అంటూ నెటిజన్లు ప్రశంసల వర్షం కురిపిస్తున్నారు.బ్రెండన్ మెకల్లమ్ రికార్డు బద్ధలుఈ మ్యాచ్‌లో అద్భుత బ్యాటింగ్‌తో చెలరేగిన ఫిలిప్స్ కేవలం 43 బంతుల్లోనే 4 ఫోర్లు, 4 సిక్సర్లతో 70 పరుగులు సాధించాడు. ఈ ధనాధన్ హాఫ్ సెంచరీతో అతడు అంతర్జాతీయ టీ20ల్లో ఓ అరుదైన మైలురాయిని చేరుకున్నాడు.న్యూజిలాండ్ తరఫున అంతర్జాతీయ టీ20ల్లో అత్యధిక అర్ధశతకాలు సాధించిన ఆటగాళ్ల జాబితాలో మాజీ దిగ్గజ కెప్టెన్ బ్రెండన్ మెకల్లమ్ (15 హాఫ్ సెంచరీలు)ను ఫిలిప్స్ (16 హాఫ్ సెంచరీలు) అధిగమించాడు. ఈ జాబితాలో మార్టిన్ గప్టిల్ (22 హాఫ్ సెంచరీలు) అగ్రస్థానంలో కొనసాగుతున్నాడు.చదవండి: IND vs NZ: చరిత్ర సృష్టించిన అర్ష్‌దీప్‌.. భువనేశ్వర్‌ ఆల్‌టైమ్‌ రికార్డు బ్రేక్‌Phillips takes the scenic route back to safety! 🤯 Watch the HERO VIDA India Tour of New Zealand, 2nd T20I LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/5bLrTNUViA— Sony Sports Network (@SonySportsNetwk) October 24, 2026

న్యూజిలాండ్‌ టీ20 సిరీస్‌లో తొలి మ్యాచ్‌లో అవకాశం దక్కని వైభవ్‌కు ఇషాన్‌ కిషన్‌ గాయపడటంతో రెండో మ్యాచ్‌లో తుది జట్టులో చోటు దక్కింది. ఈ క్రమంలో వైభవ్‌ బ్యాట్‌ పట్టకుండానే ఓ ప్రపంచ రికార్డు సాధించాడు. న్యూజిలాండ్ గడ్డపై అంతర్జాతీయ మ్యాచ్ ఆడిన అతి పిన్న వయస్కుడైన (15 ఏళ్ల 211 రోజులు) పురుష క్రికెటర్‌గా నిలిచాడు.గతంలో ఈ రికార్డు బంగ్లాదేశ్ ఆటగాడు మహమ్మద్ షరీఫ్ పేరిట ఉండేది. అతడు 2001లో హామిల్టన్‌లో న్యూజిలాండ్‌తో టెస్టు మ్యాచ్‌ ఆడినప్పుడు 16 ఏళ్ల 6 రోజుల వయసులో ఉన్నాడు. భారత్‌కు సంబంధించి గతంలో ఈ రికార్డు సచిన్‌ టెండూల్కర్‌ పేరిట ఉండేది. సచిన్‌ న్యూజిలాండ్‌లో తొలి అంతర్జాతీయ మ్యాచ్ ఆడినప్పుడు అతడి వయసు 16 ఏళ్ల 284 రోజులు.ఓవరాల్‌గా న్యూజిలాండ్‌లో అంతర్జాతీయ మ్యాచ్ ఆడిన పిన్న వయస్కులు (టాప్‌-5)15 ఏళ్ల 211 రోజులు: వైభవ్ సూర్యవంశీ (భారత్)16 ఏళ్ల 6 రోజులు: మహమ్మద్ షరీఫ్ (బంగ్లాదేశ్)16 ఏళ్ల 185 రోజులు: ఆకిబ్ జావేద్ (పాకిస్థాన్)16 ఏళ్ల 284 రోజులు: సచిన్ టెండూల్కర్ (భారత్)17 ఏళ్ల 164 రోజులు: మహమ్మద్ అష్రఫుల్ (బంగ్లాదేశ్)మూడో స్థానంలో బ్యాటింగ్ఇషాన్ కిషన్ స్థానంలో జట్టులోకి వచ్చిన వైభవ్ ఈ మ్యాచ్‌లో ఓపెనర్‌గా కాకుండా మూడో స్థానంలో బ్యాటింగ్‌కు దిగనున్నట్లు భారత కెప్టెన్ శ్రేయస్ అయ్యర్ టాస్ సమయంలో వెల్లడించాడు.మ్యాచ్‌ విషయానికొస్తే.. టాస్‌ ఓడి తొలుత బ్యాటింగ్‌కు దిగిన న్యూజిలాండ్‌ 20 ఓవర్లలో 5 వికెట్ల నష్టానికి 180 పరుగులు చేసింది. గ్లెన్‌ ఫిలిప్స్‌ (70) మెరుపు ఇన్నింగ్స్‌తో చెలరేగగా.. బెవాన్‌ జాకబ్స్‌ (58) అతడికి సహకరించాడు. ఆఖర్లో మైఖేల్‌ బ్రేస్‌వెల్‌ (2 బంతుల్లో 10 పరుగులు) బ్యాట్‌ ఝులిపించాడు. మిగతా ప్లేయర్లలో టిమ్‌ సీఫర్ట్‌ 7. ఫిన్‌ అలెన్‌ 16, డారిల్‌ మిచెల్‌ 6, కెప్టెన్‌ మిచెల్‌ సాంట్నర్‌ 4 (నాటౌట్‌) పరుగులు చేశాడు.భారత బౌలర్లలో అర్షదీప్‌ సింగ్‌ అద్భుతంగా బౌలింగ్‌లో 2 వికెట్లు తీయగా.. నితీశ్‌ కుమార్‌ రెడ్డి, భువనేశ్వర్‌ కుమార్‌, ప్రిన్స్‌ యాదవ్‌ తలో వికెట్‌ తీశారు. అక్షర్‌ పటేల్‌ వికెట్‌ తీయకపోయిన పొదుపుగా బౌలింగ్‌ చేశాడు. ఇదీ చదవండి: 1434 రోజుల సుదీర్ఘ నిరీక్షణకు తెరదించిన భువీ

టీమిండియా స్టార్ పేస‌ర్ అర్ష్‌దీప్ సింగ్ మ‌రో అరుదైన ఘ‌న‌త‌ను త‌న పేరిట లిఖించుకున్నాడు. ఒక క్యాలెండ‌ర్ ఈయ‌ర్‌లో అత్య‌ధిక వికెట్లు తీసిన భార‌త ప్లేయ‌ర్‌గా అర్ష్‌దీప్ చ‌రిత్ర సృష్టించాడు. క్రైస్ట్‌చర్చ్ వేదికగా న్యూజిలాండ్‌తో జరుగుతున్న సెకెండ్ టీ20లో రెండు వికెట్లు పడగొట్టడంతో అర్ష్‌దీప్ ఈ అరుదైన ఫీట్‌ను తన ఖాతాలో వేసుకున్నాడు. ఈ ఏడాది అతడు ఇప్పటివరకు 38 వికెట్లు సాధించాడు. ఇంతకముందు ఈ రికార్డు టీమిండియా వెటరన్ పేసర్ భువనేశ్వర్ కుమార్ పేరిట ఉండేది. 2022లో 32 టీ20 మ్యాచ్‌ల్లో భువీ 37 వికెట్లు పడగొట్టాడు. తాజా మ్యాచ్‌తో అతడి ఆల్‌టైమ్ రికార్డును పంజాబ్ పేసర్ బ్రేక్ చేశాడు. ఓవరాల్‌గా ఈ జాబితాలో ఐర్లాండ్ పేసర్‌ జోష్ లిటిల్ (2022లో 26 మ్యాచ్‌ల్లో 39 వికెట్లు) టాప్‌లో ఉన్నారు. ఈ రికార్డును బ్రేక్ చేయాలంటే అర్ష్‌దీప్ మరో రెండు వికెట్లు పడగొట్టాలి.లీడింగ్ వికెట్ టేకర్‌గాఅర్ష్‌దీప్ ప్రస్తుతం అద్భుతమైన ఫామ్‌లో ఉన్నాడు. టీ20ల్లో భారత్ తరపున లీడింగ్ వికెట్ టేకర్‌గా అతడు కొనసాగుతున్నాడు. ఇప్పటివరకు 101 టీ20 మ్యాచ్‌లాడిన అర్ష్‌దీప్ 148 వికెట్లు పడగొట్టాడు. మరో 2 వికెట్లు తీస్తే అంతర్జాతీయ టీ20 క్రికెట్‌లో 150 వికెట్లు సాధించిన తొలి భారత బౌలర్‌గా చరిత్ర సృష్టిస్తాడు. ప్రపంచవ్యాప్తంగా ఇప్పటివరకు ఎనిమిది మంది మాత్రమే ఈ ఘనత సాధించారు. వారిలో ఏ ఒక్క భారత్ ప్లేయర్ కూడా లేడు.చదవండి: AUS vs SA: గెలుపు జోష్‌లో ఉన్న సౌతాఫ్రికాకు భారీ షాక్‌

ఐదు మ్యాచ్‌ల టీ20 సిరీస్‌లో భాగంగా భారత్‌-న్యూజిలాండ్‌ మధ్య క్రైస్ట్‌చర్చ్‌ వేదికగా ఇవాళ రెండో టీ20 జరుగుతుంది. ఈ మ్యాచ్‌లో టీమిండియా టాస్‌ గెలిచి బౌలింగ్‌ ఎంచుకుంది. తొలుత బ్యాటింగ్‌కు దిగిన న్యూజిలాండ్‌ ఆదిలో కాస్త తడబడినా, చివరికి కోలుకొని నిర్ణీత 20 ఓవర్లలో 5 వికెట్ల నష్టానికి 180 పరుగులు చేసింది.మిడిలార్డర్‌ బ్యాటర్‌ గ్లెన్‌ ఫిలిప్స్‌ (70) మెరుపు ఇన్నింగ్స్‌తో గౌరవప్రదమైన స్కోర్‌ అందించాడు. అతడికి బెవాన్‌ జాకబ్స్‌ (58) సహకరించాడు. 41 పరుగులకే 3 వికెట్లు కోల్పోయిన దశలో వీరిద్దరూ నాలుగో వికెట్‌కు 116 పరుగులు జోడించారు. ఆఖర్లో మైఖేల్‌ బ్రేస్‌వెల్‌ (2 బంతుల్లో 10 పరుగులు) బ్యాట్‌ ఝులిపించాడు. మిగతా ప్లేయర్లలో టిమ్‌ సీఫర్ట్‌ 7. ఫిన్‌ అలెన్‌ 16, డారిల్‌ మిచెల్‌ 6, కెప్టెన్‌ మిచెల్‌ సాంట్నర్‌ 4 (నాటౌట్‌) పరుగులు చేశాడు.భారత బౌలర్లలో అర్షదీప్‌ సింగ్‌ అద్భుతంగా బౌలింగ్‌లో 2 వికెట్లు తీయగా.. నితీశ్‌ కుమార్‌ రెడ్డి, భువనేశ్వర్‌ కుమార్‌, ప్రిన్స్‌ యాదవ్‌ తలో వికెట్‌ తీశారు. అక్షర్‌ పటేల్‌ వికెట్‌ తీయకపోయిన పొదుపుగా బౌలింగ్‌ చేశాడు. భవీ (4-0-50-1) వరుసగా రెండో మ్యాచ్‌లోనూ ధారళంగా పరుగులు సమర్పించుకున్నాడు.ఇదీ చదవండి: 1434 రోజుల సుదీర్ఘ నిరీక్షణకు తెరదించిన భువీ

టీమిండియా వెటరన్‌ పేసర్ భువనేశ్వర్ కుమార్ నాలుగేళ్ల విరామం తర్వాత ఇటీవలే అంతర్జాతీయ టీ20 క్రికెట్‌లోకి రీఎంట్రీ ఇచ్చిన విషయం తెలిసిందే. అయితే ఆడిన తొలి మ్యాచ్‌లో (వెస్టిండీస్‌తో ఐదో టీ20) అతడికి బౌలింగ్‌ అవకాశం రాలేదు. ఆ మ్యాచ్‌ వర్షం కారణంగా రద్దైంది.తాజాగా న్యూజిలాండ్‌తో తొలి టీ20లో భువీకి బౌలింగ్‌ అవకాశం​ వచ్చినా దారుణంగా విఫలమయ్యాడు. న్యూజిలాండ్‌తో ఇవాళ జరుగుతున్న రెండో టీ20లో భువీ ఎట్టకేలకే తన రీఎంట్రీ వికెట్‌ తీశాడు. తద్వారా 1434 రోజుల తర్వాత అంతర్జాతీయ టీ20 వికెట్‌ తీసి, సుదీర్ఘ వికెట్‌ నిరీక్షణకు తెరదించాడు. ఈ మ్యాచ్‌లో భువీ అద్భుతమైన గుడ్‌ లెంగ్త్‌ బంతితో డారిల్ మిచెల్‌ను పెవిలియన్‌కు పంపాడు. ఇదే భువీకి రీఎంట్రీ వికెట్‌. అతడు చివరిసారిగా 2022 నవంబర్ 20న న్యూజిలాండ్‌తో జరిగిన రెండో టీ20లో అంతర్జాతీయ వికెట్ సాధించాడు. ఆ మ్యాచ్‌లో ఫిన్ అలెన్‌ను ఔట్ చేశాడు. అప్పటి నుంచి వికెట్ కోసం ఎదురుచూసిన భువీ ఎట్టకేలకు మళ్లీ న్యూజిలాండ్‌లోనే వికెట్‌ సాధించాడు.మ్యాచ్‌ విషయానికొస్తే.. టాస్‌ గెలిచి బౌలింగ్‌ ఎంచుకున్న భారత్‌ న్యూజిలాండ్‌ను ఒత్తిడిలో ఉంచింది. 41 పరుగులకే 3 వికెట్లు కోల్పోవడంతో ఆ జట్టు డిఫెన్స్‌ గేమ్‌ అడుతుంది. భువీ డారిల్‌ మిచెల్‌ (6)ను, అర్షదీప్‌ సింగ్‌ టిమ్‌ సీఫర్ట్‌ (7), ప్రిన్స్‌ యాదవ్‌ ఫిన్‌ అలెన్‌ (16)ను ఔట్‌ చేయగా.. గ్లెన్‌ ఫిలిప్స్‌ (60 నాటౌట్‌), బెవాన్‌ జాకబ్స్‌ (50 నాటౌట్‌) బాధ్యతాయుతమైన అర్ద సెంచరీలతో ఇన్నింగ్స్‌ను నిర్మించారు. 17 ఓవర్ల తర్వాత న్యూజిలాండ్‌ స్కోర్‌ 145-3గా ఉంది. కాగా, ఈ సిరీస్‌లోని తొలి మ్యాచ్‌ గెలిచి భారత్‌ 1-0 ఆధిక్యంలో కొనసాగుతోంది. ఇదీ చదవండి: రీఎంట్రీపై తొలిసారి పెద‌వి విప్పిన భువ‌నేశ్వ‌ర్‌

క్రైస్ట్‌చర్చి వేదికగా న్యూజిలాండ్‌తో జరుగుతున్న రెండో టీ20లో టీమిండియా టాస్‌ గెలిచి బౌలింగ్‌ ఎంచుకుంది. అయితే టాస్ సమయంలో శ్రేయస్ అయ్యర్ వైభవ్ సూర్యవంశీ బ్యాటింగ్ వచ్చే స్థానంపై కీలక వ్యాఖ్యలు చేశాడు. మ్యాచ్‌లో వైభవ్ ఓపెనర్‌గా రాడని, ఇషాన్ కిషన్ స్థానంలో జట్టులోకి వచ్చిన అతడు వన్‌డౌన్‌లోనే బ్యాటింగ్ చేస్తాడని తెలిపాడు. అభిషేక్‌, సంజూ సామ్సన్‌లతో ఓపెనింగ్ జోడీ సక్సెస్ అయిందని పేర్కొన్నాడు. దీంతో వీళ్ల కాంబినేషన్ విడదీయడం జట్టు మేనేజ్‌మెంట్‌కు ఇష్టం లేదని, అందుకే వైభవ్ వన్‌డౌన్‌లోనే బ్యాటింగ్‌కు వస్తాడని అయ్యర్ చెప్పుకొచ్చాడు.అయ్యర్‌ ఇంకా మాట్లాడుతూ..‘ టాస్‌ గెలిచి బౌలింగ్ ఎంచుకోవడానికి రెండో ఇన్నింగ్స్ సమయంలో మంచు కురవడం ఒక కారణం. తొలి టీ20 తర్వాత మాకు నిద్రపోవడానికి మాకు సమయం దొరికింది. అందరూ మంచి ఫిట్‌నెస్‌లో ఉన్నారని నేను చెప్పగలను. నాతో సహా కొంతమంది ఆటగాళ్లు మ్యాచ్ రోజున కూడా శిక్షణ తీసుకుంటారు. కాబట్టి, మేము మంచి స్థితిలో ఉన్నాము. దూకుడును కొనసాగిస్తాం. మొదటి మ్యాచ్ సాధించిన విజయాన్ని ఇక్కడా పునరావృతం చేయాలని భావిస్తున్నాం. అయితే మేము ఫీల్డింగ్‌లో మరింత చురుకుగా ఉండాలి. ముఖ్యంగా చివరి ఓవర్‌లో సర్కిల్ లోపల అదనపు ఫీల్డర్ లేకుండా చూసుకోవాలి.’ అని తెలిపాడు.ఇక మ్యాచ్‌లో భారత బౌలర్లు కట్టుదిట్టంగా బంతులేస్తుండడంతో కివీస్ పరుగులు చేయడంలో ఇబ్బంది పడుతోంది. 15 ఓవర్లు ముగిసేసరికి న్యూజిలాండ్ మూడు వికెట్ల నష్టానికి 115 పరుగులు చేసింది. గ్లెన్ ఫిలిప్స్ (47), బెవన్ జాకబ్స్ (35) క్రీజులో ఉన్నారు. ప్రిన్స్ యాదవ్‌, అర్షదీప్‌, భువనేశ్వర్‌లు తలా ఒక వికెట్ తీశారు.ఇదీ చదవండి: రీఎంట్రీపై తొలిసారి పెద‌వి విప్పిన భువ‌నేశ్వ‌ర్‌IND vs NZ: తిలక్‌ వర్మ ప్రపంచ రికార్డు

టీమిండియా వెట‌ర‌న్ పేస‌ర్ భువ‌నేశ్వ‌ర్ కుమార్ నాలుగేళ్ల త‌ర్వాత అంత‌ర్జాతీయ క్రికెట్‌లో రీఎంట్రీ ఇచ్చిన సంగ‌తి తెలిసిందే. 2022లో ఆఖ‌రి మ్యాచ్ ఆడిన భువీ మ‌ళ్లీ నాలుగేళ్ల త‌ర్వాత న్యూజిలాండ్‌తో టీ20 సిరీస్‌కు ఎంపిక‌య్యాడు. అంత‌క‌ముందు విండీస్‌తో జ‌రిగిన చివ‌రి టీ20లోనూ భువ‌నేశ్వ‌ర్ ఆడాడు. ఇక కివీస్‌తో తొలి టీ20లో ఆడిన భువ‌నేశ్వ‌ర్ 4 ఓవ‌ర్లు వేసి 49 ప‌రుగులిచ్చి ఒక్క వికెట్ తీయ‌లేక‌పోయాడు. అయితే జ‌ట్టు మేనేజ్‌మెంట్ అత‌డిపై న‌మ్మ‌క‌ముంచి రెండో టీ20లోనూ భువ‌నేశ్వ‌ర్‌కు మ‌రో అవ‌కాశమిచ్చింది. ఈ నేప‌థ్యంలో మ్యాచ్ ప్రారంభానికి ముందు భువ‌నేశ్వ‌ర్ త‌న రీఎంట్రీపై తొలిసారి పెద‌వి విప్పాడు. భువ‌నేశ్వ‌ర్ మాట్లాడుతూ.. ‘‘టీమిండియా త‌ర‌ఫున రీఎంట్రీ ఇవ్వ‌డం సంతోషంగా ఉంది. జాతీయ జ‌ట్టు జెర్సీ ధ‌రించి అంత‌ర్జాతీయ మ్యాచ్ ఆడ‌డాన్ని ఆస్వాదిస్తున్నా. అయితే జ‌ట్టులోకి రావ‌డానికి ఏదైతే చేయాలో అదే చేశాను. అందుకోసం దేశ‌వాళీ క్రికెట్‌లో చాలా మ్యాచ్‌లు ఆడాను. నిజం చెప్పాలంటే, నేను పునరాగమనం గురించి ఎప్పుడూ ఆలోచించలేదు. అదృష్ట‌వ‌శాత్తూ నాకు ఇదంతా ఒక వ‌ల‌యం (స‌ర్కిల్‌)లా అనిపించింది.ఎందుకంటే న్యూజిలాండ్ ప‌ర్య‌టనే నా చివ‌రి విదేశీ టూర్‌. తాజాగా నాలుగేళ్ల త‌ర్వాత మ‌ళ్లీ విదేశీ ప‌ర్య‌ట‌న‌లో న్యూజిలాండ్‌తో మ్యాచ్‌లు ఆడుతుండ‌డం యాదృశ్చికమ‌ని చెప్పొచ్చు. ఇక సొంత‌గ‌డ్డ‌పై న్యూజిలాండ్ బ్యాట‌ర్లు దూకుడుగా ఆడుతారు. ఫిన్ అలెన్‌, టిమ్ సీఫెర్ట్ వంటి బ్యాట‌ర్లు ఎలా ఆడ‌తార‌న్న‌ది నాకు ఒక అవ‌గాహ‌న ఉంది. వారిని ఔట్ చేసేందుకు కొన్ని ప్ర‌ణాళిక‌లు వేసుకున్నా.’’ అని చెప్పుకొచ్చాడు.ఇక ఐపీఎల్‌లో రెండు వ‌రుస సీజ‌న్ల‌లో ఆర్సీబీ చాంపియ‌న్స్‌గా నిల‌వ‌డంపై భువ‌నేశ్వ‌ర్‌కు ప్ర‌శ్న ఎదురైంది. దీనిపై భువీ స్పందిస్తూ.. ‘‘నా రెండు వ‌రుస ఐపీఎల్ సీజ‌న్ల‌లో ఆర్సీబీ టైటిల్ సాధించ‌డం గొప్ప విష‌యం. అయితే ఆ జ‌ట్టులో నేను అడుగుపెట్టినప్పుడు నా మీద నాకు జీరో ఎక్స్‌పెక్టేషన్స్ ఉండేవి. నా నుంచి నేను ఏమీ ఆశించలేదు. అలా అని ప్రాక్టీస్ చేయలేదని కాదు. నేను పక్కాగా ప్రిపేర్ అయ్యాను, సిద్ధమవడానికి ఏమేం కావాలో అవన్నీ చేశాను. నేను నాలుగు సంవత్సరాలు టీమిండియా జెర్సీకి దూర‌మైన‌ప్ప‌టికీ, ఎప్పుడూ దానికోసం వెంపర్లాడలేదు. అందుకే ఆ నాలుగు ఏళ్లు ఎలా గడిచిపోయాయో కూడా నాకు తెలియలేదు. ఒక ఆటగాడిగా నేను చాలా మెరుగయ్యాను. ఐపీఎల్ (IPL) చాలా కీలక పాత్ర పోషించిందని నేను భావిస్తున్నాను’’ అని తెలిపాడు.2012లో అంత‌ర్జాతీయ క్రికెట్‌లో అరంగేట్రం చేసిన భువ‌నేశ్వ‌ర్ కుమార్ టీమిండియా త‌ర‌ఫున 21 టెస్టుల్లో 63 వికెట్లు, 121 వ‌న్డేల్లో 141 వికెట్లు, 89 టీ20ల్లో 90 వికెట్లు ప‌డ‌గొట్టాడు.ఇదీ చదవండి: మూడో టీ20కి కూడా ఇషాన్‌ దూరం..? వైభవ్‌కి సువర్ణావకాశంవాళ్లు తప్పని నిరూపించాలా?.. అవసరం లేదు!

భారత టీ20 జట్టు వైస్‌ కెప్టెన్‌ తిలక్‌ వర్మ సరికొత్త చరిత్ర సృష్టించాడు. అంతర్జాతీయ టీ20 ఫార్మాట్‌లో ఒకే క్యాలెండర్‌ ఇయర్‌లో ఫీల్డర్‌గా అత్యధిక క్యాచ్‌లు అందుకున్న క్రికెటర్‌గా ప్రపంచ రికార్డు నెలకొల్పాడు. న్యూజిలాండ్‌తో రెండో టీ20 సందర్భంగా తిలక్‌ వర్మ శనివారం ఈ ఘనత సాధించాడు.కాగా కివీస్‌తో ఐదు టీ20ల సిరీస్‌లో భాగంగా క్రైస్ట్‌చర్చ్‌ వేదికగా తొలి మ్యాచ్‌లో గెలిచిన టీమిండియా.. అదే వేదికపై శనివారం నాటి రెండో టీ20లో టాస్‌ గెలిచి తొలుత బౌలింగ్‌ ఎంచుకుంది. ఈ క్రమంలో న్యూజిలాండ్‌ బ్యాటింగ్‌కు దిగగా.. రెండో ఓవర్‌ మూడో బంతికి ఓపెనర్‌ టిమ్‌ సీఫర్ట్‌ అవుటయ్యాడు.Went for the big one. Got the edge. Arshdeep makes it count!💥 Watch the HERO VIDA India Tour of New Zealand, 2nd T20I LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZVIND https://t.co/v6WjZTrydr— Sony Sports Network (@SonySportsNetwk) October 24, 2026భారత పేసర్‌ అర్ష్‌దీప్‌ సింగ్‌ బౌలింగ్‌లో తిలక్‌ వర్మకు క్యాచ్‌ ఇచ్చి.. ఏడు పరుగుల వ్యక్తిగత స్కోరు వద్ద సీఫర్ట్‌ పెవిలియన్‌ చేరాడు. ఇక మూడో ఓవర్‌లో ఆఖరి బంతికి భువనేశ్వర్‌ కుమార్‌ బౌలింగ్‌లో డారిల్‌ మిచెల్‌ (6) ఇచ్చిన క్యాచ్‌ను కూడా తిలక్‌ వర్మ ఒడిసిపట్టాడు.FIRST INTERNATIONAL WICKET IN 4 YEARS 🎯 Bhuvi’s knuckleball works its magic as Daryl Mitchell is undone!👌 Watch the HERO VIDA India Tour of New Zealand, 2nd T20I LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND— Sony Sports Network (@SonySportsNetwk) October 24, 2026తద్వారా ఒకే క్యాలెండర్‌ ఇయర్‌లో అంతర్జాతీయ టీ20లలో ఫీల్డర్‌గా అత్యధిక క్యాచ్‌లు అందుకున్న ఆటగాడిగా తిలక్‌ వర్మ చరిత్రకెక్కాడు. ఈ ఏడాది (2026) ఈ హైదరాబాదీ బ్యాటర్‌ ఇప్పటి వరకు 26 క్యాచ్‌లు అందుకున్నాడు.ఒకే క్యాలెండర్‌ ఇయర్‌లో అంతర్జాతీయ టీ20 ఫార్మాట్లో ఫీల్డర్‌గా అత్యధిక క్యాచ్‌లు అందుకున్న క్రికెటర్లు👉తిలక్‌ వర్మ (ఇండియా)- 2026లో 26 క్యాచ్‌లు👉డానిల్సన్‌ హవోయ్‌ (ఇండోనేషియా)- 2025లో 25 క్యాచ్‌లు👉ముహమ్మద్‌ వసీం (యూఏఈ)- 2024లో 24 క్యాచ్‌లు👉శార్విన్‌ మునియాండి (మలేషియా)- 2025లో 21 క్యాచ్‌లు👉బ్రియాన్‌ మసాబా (ఉగాండా)- 2023లో 20 క్యాచ్‌లు👉తాంజిద్‌ హసన్‌ (బంగ్లాదేశ్‌)- 2025లో 20 క్యాచ్‌లు.చదవండి: 'ఆరోజు బౌండ‌రీ క‌ర్వ్‌గా ఉంది.. లేదంటే ట్రోఫీ మాదే!'

న్యూజిలాండ్‌తో టీ20 సిరీస్‌లో టీమిండియాకు మరో ఎదురుదెబ్బ తగిలేలా కనిపిస్తోంది. గాయం కారణంగా రెండో టీ20కి దూరమైన వికెట్‌కీపర్ బ్యాటర్ ఇషాన్ కిషన్.. మూడో మ్యాచ్‌లోనూ ఆడే అవకాశం లేదని నివేదికలు వెల్లడించాయి. అయితే దీనిపై బీసీసీఐ నుంచి అధికారిక ప్రకటన రావాల్సి ఉంది.తొలి టీ20లో ఇషాన్ కుడి తొడ కండరానికి స్వల్ప గాయమైంది. దీంతో రెండో మ్యాచ్‌కు అతడిని దూరంగా ఉంచారు. గాయం తీవ్రతను బట్టి మిగిలిన సిరీస్‌కు కూడా అతడు దూరమయ్యే అవకాశముంది.ఇషాన్ స్థానంలో కుషాగ్రాఇషాన్ కిషన్‌కు ప్రత్యామ్నాయంగా జార్ఖండ్‌కు చెందిన వికెట్‌కీపర్ బ్యాటర్ కుమార్ కుషాగ్రాను రెండో టీ20 కోసం జట్టులోకి తీసుకున్నారు. గాయం తీవ్రత ఎక్కువగా ఉంటే అతడిని మిగిలిన మ్యాచ్‌లకు కూడా కొనసాగించే అవకాశం ఉంది.వైభవ్ సూర్యవంశీకి సువర్ణావకాశంఇషాన్ కిషన్ గైర్హాజరీ యువ ఆటగాడు వైభవ్ సూర్యవంశీకి రెండో టీ20లో అవకాశం కల్పించారు. 15 ఏళ్ల ఈ యువ సంచలనం వెస్టిండీస్‌తో జరిగిన ఐదు టీ20ల సిరీస్‌లో ఒక్క మ్యాచ్ కూడా ఆడలేదు. న్యూజిలాండ్‌తో తొలి టీ20లోనూ బెంచ్‌కే పరిమితమయ్యాడు. తాజాగా ఇషాన్ రూపంలో వైభవ్‌కు సువర్ణావకాశం లభించింది. ఈ అవకాశాన్ని అతడు ఎలా ఉపయోగించుకుంటాడో చూడాలి.కాగా, క్రైస్ట్‌చర్చ్‌ వేదికగా భారత్‌-న్యూజిలాండ్‌ మధ్య ఇవాళ రెండో టీ20 జరుగుతుంది. ఈ మ్యాచ్‌లో టీమిండియా టాస్‌ గెలిచి బౌలింగ్‌ ఎంచుకుంది. భారత బౌలర్లు భువనేశ్వర్‌ కుమార్‌ (1-15), అర్షదీప్‌ సింగ్‌ (1-8) ఆదిలోనే చెలరేగిపోయారు.ఫలితంగా న్యూజిలాండ్‌ 4 ఓవర్లలో 23 పరుగులకే 2 వికెట్లు కోల్పోయింది. ఫిన్‌ అలెన్‌ (6), గ్లెన్‌ ఫిలిప్‌ (4) క్రీజ్‌లో ఉన్నారు. ఐదు మ్యాచ్‌ల ఈ సిరీస్‌లో భారత్‌ తొలి మ్యాచ్‌లో గెలిచి 1-0 ఆధిక్యంలో ​కొనసాగుతోంది. ఇదీ చదవండి: టాస్‌ గెలిచిన టీమిండియా.. వైభవ్‌తో పాటు అతడికి చోటు

భారత్‌ ఘన విజయంక్రైస్ట్‌చర్చ్‌ వేదికగా న్యూజిలాండ్‌తో జరిగిన ఉత్కంఠభరిత రెండో టీ20లో 4 వికెట్ల తేడాతో భారత్‌ ఘన విజయం సాధించింది. తెలుగు క్రికెటర్లు తిలక్ వర్మ(51), నితీశ్ కుమార్‌రెడ్డి(26) అద్భుత ఇన్నింగ్స్‌లతో జట్టును గెలిపించారు. కివీస్‌ నిర్ధేశించిన 181 పరుగుల లక్ష్యాన్ని భారత్‌ 6 వికెట్లు కోల్పోయి 19.5 ఓవర్లలో చేధించింది. ఓటమి తప్పదనుకున్న చోట నితీశ్‌, తిలక్‌ అద్భుతం చేశారు. ఆఖరి ఓవర్లలో కివీస్‌ బౌలర్లపై ఎదురు దాడికి దిగి జట్టును విజయతీరాలకు చేర్చారు. వారిద్దరితో పాటు నమన్‌ ధీర్‌(31) కీలక నాక్‌ ఆడారు.దూకుడుగా ఆడుతున్న తిలక్‌, నితీశ్‌తెలుగు క్రికెటర్లు తిలక్‌ వర్మ(26), నితీశ్‌ కుమార్‌ రెడ్డి(23) దూకుడుగా ఆడుతున్నారు. భారత్‌ విజయానికి 12 బంతుల్లో 29 పరుగులు కావాలి.17 ఓవర్లలో టీమిండియా స్కోరు: 135-6నితీశ్‌ కుమార్‌ రెడ్డి 16, తిలక్‌ వర్మ 17 పరుగులతో ఉన్నారు. విజయానికి 18 బంతుల్లో 46 పరుగులు కావాలి.ఆరో వికెట్‌ కోల్పోయిన టీమిండియా14.5వ ఓవర్‌: జోరు మీదున్న నమన్‌ ధీర్‌ (17 బంతుల్లో 31).. సాంట్నర్‌ బౌలింగ్‌లో గ్లెన్‌ ఫిలిప్స్‌కు క్యాచ్‌ ఇచ్చి ఆరో వికెట్‌గా వెనుదిరిగాడు. నితీశ్‌ కుమార్‌ రెడ్డి క్రీజులోకి రాగా.. తిలక్‌ వర్మ 10 పరుగులతో ఉన్నాడు. స్కోరు: 113-6 (15). విజయానికి 30 బంతుల్లో 68 పరుగులు కావాలి.ఐదో వికెట్‌ కోల్పోయిన టీమిండియా10.5వ ఓవర్‌: సాంట్నర్‌ బౌలింగ్‌లో అక్షర్‌ (11) ఇచ్చిన క్యాచ్‌ను అద్భుత రీతిలో అందుకున్న డారిల్‌ మిచెల్‌. 10.5వ ఓవర్‌: సాంట్నర్‌ బౌలింగ్‌లో అక్షర్‌ (11) ఇచ్చిన క్యాచ్‌ను అద్భుత రీతిలో అందుకున్న డారిల్‌ మిచెల్‌. నమన్‌ ధీర్‌ క్రీజులోకి రాగా.. తిలక్‌ వర్మ ఒక పరుగుతో ఉన్నాడు. స్కోరు: 71-5 (11). విజయానికి 54 బంతుల్లో 110 పరుగులు కావాలి.నాలుగో వికెట్‌ కోల్పోయిన టీమిండియా10.3వ ఓవర్‌: సాంట్నర్‌ బౌలింగ్‌లో శ్రేయస్‌ అయ్యర్‌ బౌల్డ్‌ (7). తిలక్‌ వర్మ క్రీజులోకి రాగా.. అక్షర్‌ 11 పరుగులతో ఉన్నాడు. స్కోరు: 69-4. విజయానికి 57 బంతుల్లో 112 పరుగులు కావాలి.పది ఓవర్లలో భారత్‌ స్కోరు: 66-3అక్షర్‌ పటేల్‌ 8, శ్రేయస్‌ అయ్యర్‌ 7 పరుగులతో ఉన్నారు.మూడో వికెట్‌ కోల్పోయిన టీమిండియా8.4వ ఓవర్‌- 56 పరుగుల వద్ద భారత్‌ మూడో వికెట్‌ కోల్పోయింది. మిచెల్‌ సాంట్నర్‌ బౌలింగ్‌లో నాథన్‌ స్మిత్‌కు క్యాచ్‌ ఇచ్చి అభిషేక్‌ శర్మ (27) ఔటయ్యాడు. శ్రేయస్‌ (5)కు జతగా అక్షర్‌ పటేల్‌ క్రీజ్‌లోకి వచ్చాడు. 4 పరుగులకే వైభవ్‌ ఔట్‌.. రెండో వికెట్‌ కోల్పోయిన టీమిండియాఅందివచ్చిన అవకాశాన్ని వైభవ్‌ సూర్యవంశీ సద్వినియోగం చేసుకోలేకపోయాడు. రెండో టీ20లో 4 పరుగులకే ఔటై నిరాశపరిచాడు. నాథన్‌ స్మిత్‌ బౌలింగ్‌లో డారిల్‌ మిచెల్‌కు క్యాచ్‌ ఇచ్చి పెవిలియన్‌కు చేరాడు. 6.2 ఓవర్ల తర్వాత భారత్‌ స్కోర్‌ 44-2గా ఉంది. అభిషేక్‌ (22)కు జతగా శ్రేయస్‌ అయ్యర్‌ క్రీజ్‌లోకి వచ్చాడు. తొలి వికెట్‌ కోల్పోయిన భారత్‌4.4వ ఓవర్‌- 40 పరుగుల వద్ద భారత్‌ తొలి వికెట్‌ కోల్పోయింది. డఫీ బౌలింగ్‌లో గ్లెన్‌ ఫిలిప్స్‌కు క్యాచ్‌ ఇచ్చి సంజూ శాంసన్‌ (14) ఔటయ్యాడు.అభిషేక్‌కు జతగా వైభవ్‌ సూర్యవంశీ క్రీజ్‌లోకి వచ్చాడు. 4 ఓవర్ల తర్వాత భారత్‌ స్కోర్‌ 37-0181 పరుగుల లక్ష్య ఛేదనను భారత్‌ ఆచితూచి ప్రారంభించింది. ఓపెనర్లు సంజూ శాంసన్‌ (14), అభిషేక్‌ శర్మ (20) తమ సహజ శైలికి భిన్నంగా నిదానంగా ఆడుతున్నారు. 4 ఓవర్ల తర్వాత జట్టు స్కోర్‌ 37-0గా ఉంది. నిర్ణీత 20 ఓవర్లలో ఐదు వికెట్ల నష్టానికి 180 పరుగుల మేర మెరుగైన స్కోరు సాధించింది. ఆరంభంలోనే వికెట్లు కోల్పోయి కష్టాల్లో పడ్డప్పటికీ.. గ్లెన్‌ ఫిలిప్స్‌ (43 బంతుల్లో 70) , బేవాన్‌ జేకబ్స్‌ (46 బంతుల్లో 58) అద్భుత అర్ధ శతకాలతో జట్టును ఆదుకున్నారు. భారత బౌలర్లలో అర్ష్‌దీప్‌ సింగ్‌ రెండు వికెట్లు తీయగా.. భువనేశ్వర్‌ కుమార్‌, ప్రిన్స్‌ యాదవ్‌, నితీశ్‌ కుమార్‌ రెడ్డి తలా ఒక వికెట్‌ పడగొట్టారు.UPDATESఐదో వికెట్‌ కోల్పోయిన కివీస్‌18.5వ ఓవర్‌: నితీశ్‌ రెడ్డి బౌలింగ్‌లో జేకబ్స్‌ (58) అక్షర్‌ పటేల్‌కు క్యాచ్‌ ఇచ్చి అవుటయ్యాడు. బ్రేస్‌వెల్‌ క్రీజులోకి వచ్చి సిక్సర్‌ బాదగా.. సాంట్నర్‌ అతడికి తోడుగా ఉన్నాడు. స్కోరు: 171-5 (19) నాలుగో వికెట్‌ కోల్పోయిన కివీస్‌17.6వ ఓవర్‌: అర్ష్‌దీప్‌ సింగ్‌ బౌలింగ్‌లో నమన్‌ ధీర్‌కు క్యాచ్‌ ఇచ్చి నాలుగో వికెట్‌గా వెనుదిరిగిన గ్లెన్‌ ఫిలిప్స్‌ (70). మిచెల్‌ సాంట్నర్‌ క్రీజులోకి రాగా.. జేకబ్స్‌ 50 పరుగులతో ఉన్నాడు. స్కోరు: 157-4 (18)బేవాన్‌ జేకబ్స్‌ హాఫ్‌ సెంచరీ16.5వ ఓవర్‌: ప్రిన్స్‌ యాదవ్‌ బౌలింగ్‌లో ఫోర్‌ బాది.. 40 బంతుల్లో హాఫ్‌ సెంచరీ చేసిన జేకబ్స్‌. స్కోరు: 145-3 (17). ఫిలిప్స్‌ 60 పరుగులతో ఉన్నాడు.గ్లెన్‌ ఫిలిప్స్‌ అర్ధ శతకం15.1వ ఓవర్‌: భువీ బౌలింగ్‌ (నోబాల్‌)లో ఫోర్‌ బాది ఫిఫ్టీ పూర్తి చేసుకున్న ఫిలిప్స్‌. 32 బంతుల్లో అర్ధ శతకం.15 ఓవర్లలో కివీస్‌ స్కోరు: 115-3గ్లెన్‌ ఫిలిప్స్‌ 47, జేకబ్స్‌ 35 పరుగులతో ఉన్నారు.ఎట్టకేలకు సెంచరీ కొట్టిన న్యూజిలాండ్‌14 ఓవర్లలో కివీస్‌ స్కోరు: 104-3గ్లెన్‌ ఫిలిప్స్‌ 38 , బేవాన్‌ జేకబ్స్‌ 33 పరుగులతో ఉన్నారు.పది ఓవర్లలో న్యూజిలాండ్‌ స్కోరు: 66-3జేకబ్స్‌ 19, గ్లెన్‌ ఫిలిప్స్‌ 15 పరుగులతో ఉన్నారు.పవర్‌ ప్లేలో న్యూజిలాండ్‌ స్కోరు: 43-3 (6)జేకబ్‌ ఒక పరుగు, గ్లెన్‌ ఫిలిప్స్‌ 10 పరుగులతో ఉన్నారు.మూడో వికెట్‌ కోల్పోయిన కివీస్‌5.2వ ఓవర్‌: ప్రిన్స్‌ యాదవ్‌ బౌలింగ్‌లో ఫిన్‌ అలెన్‌ బౌల్డ్‌ (16). స్కోరు: 41-3. గ్లెన్‌ ఫిలిప్స్‌ 9 పరుగులతో ఉన్నాడు. బేవన్‌ జేకబ్స్‌ క్రీజులోకి వచ్చాడు.రెండో వికెట్‌ డౌన్‌2.6వ ఓవర్‌: భువీ బౌలింగ్‌లో తిలక్‌ వర్మకు క్యాచ్‌ ఇచ్చి రెండో వికెట్‌గా వెనుదిరిగిన డారిల్‌ మిచెల్‌ (6). గ్లెన్‌ ఫిలిప్స్‌ క్రీజులోకి రాగా.. అలెన్‌ 5 పరుగులతో ఉన్నాడు. స్కోరు: 18-2 (3).తొలి వికెట్‌ డౌన్‌1.3వ ఓవర్‌: అర్ష్‌దీప్‌ బౌలింగ్‌లో తిలక్‌ వర్మకు క్యాచ్‌ ఇచ్చి పెవిలియన్‌ చేరిన టిమ్‌ సీఫర్ట్‌ (7). డారిల్‌ మిచెల్‌ క్రీజులోకి వచ్చాడు. స్కోరు: 11-1 (2). అలెన్‌ 3, మిచెల్‌ ఒక పరుగుతో ఉన్నారు. వైభవ్‌ వచ్చేశాడుకివీస్‌తో రెండో టీ20లో భారత తుదిజట్టులో రెండు మార్పులు జరిగాయి. గ‌జ్జ‌ల్లో గాయం కార‌ణంగా ఇషాన్ కిష‌న్ దూరమ‌వ్వ‌గా, అత‌డి స్థానంలో వైభ‌వ్ సూర్య‌వంశీ తుదిజ‌ట్టులోకి వచ్చాడు. మయాంక్‌ యాదవ్‌ స్థానంలో ప్రిన్స్‌ యాదవ్‌ వచ్చాడు.తుదిజట్లుభారత్‌సంజు శాంసన్ (వికెట్ కీప‌ర్‌), అభిషేక్ శర్మ, వైభవ్ సూర్యవంశీ, శ్రేయాస్ అయ్యర్ (కెప్టెన్‌), తిలక్ వర్మ, నితీష్ కుమార్ రెడ్డి, నమన్ ధీర్, అక్షర్ పటేల్, భువనేశ్వర్ కుమార్, అర్ష్‌దీప్ సింగ్, ప్రిన్స్‌ యాదవ్న్యూజిలాండ్‌టిమ్ సీఫెర్ట్ (వికెట్ కీపర్), ఫిన్ అలెన్, డారిల్ మిచెల్, గ్లెన్ ఫిలిప్స్, బెవాన్ జాకబ్స్, మైఖేల్ బ్రేస్‌వెల్, మిచెల్ సాంట్నర్ (కెప్టెన్), నాథన్ స్మిత్, ఆడమ్ మిల్నే, మాట్ హెన్రీ, లాకీ ఫెర్గూసన్

‘ప్రతిభ ఉన్నా... ఆటలో నిలకడలేదు.. రెండు మ్యాచ్‌లు ఆడితే.. నాలుగు మ్యాచ్‌లలో తేలిపోతాడు’... టీమిండియా టీ20 ఓపెనర్‌ సంజూ శాంసన్‌పై తరచూ వచ్చే విమర్శలు. ఈ కేరళ వికెట్‌ కీపర్‌ బ్యాటర్‌ ఆట కూడా అందుకు తగ్గట్లుగానే ఉంటుంది.వరల్డ్‌కప్‌ హీరో.. ఆ తర్వాతటీ20 ప్రపంచకప్‌-2026 నాకౌట్‌ దశలో దుమ్ములేపిన సంజూ.. ఆ తర్వాత వరుస వైఫల్యాలతో విమర్శలు మూటగట్టుకున్నాడు. ఇటీవల స్వదేశంలో వెస్టిండీస్‌తో టీ20 సిరీస్‌లోనూ నిలకడగా రాణించలేకపోయాడు. అయితే, న్యూజిలాండ్‌ పర్యటనను మాత్రం సంజూ ఘనంగా ఆరంభించాడు.ప్లేయర్‌ ఆఫ్‌ ది మ్యాచ్‌కివీస్‌ జట్టుతో క్రైస్ట్‌చర్చ్‌ వేదికగా గురువారం జరిగిన తొలి మ్యాచ్‌లో మెరుపు అర్ధ శతకం (33 బంతుల్లో 67)తో అదరగొట్టి.. జట్టు విజయంలో కీలక పాత్ర పోషించాడు సంజూ. తద్వారా ‘ప్లేయర్‌ ఆఫ్‌ ది మ్యాచ్‌’గా నిలిచాడు. ఈ నేపథ్యంలో తనపై వస్తున్న విమర్శలపై సంజూ శాంసన్‌ స్పందించాడు.అంత ఈజీ ఏం కాదు‘‘నిజాయితీగా చెప్పాలంటే.. సోషల్‌ మీడియాలో ప్రజలు ఏమంటున్నారు? మన పట్ల ఇతరుల ప్రవర్తన ఎలా ఉంది? ఇలాంటి విషయాలు పట్టించుకుంటే ముందుకు సాగలేము. నిబద్ధతతో మన పని చేసుకుంటూ వెళ్లాలి. మన చుట్టూ సానుకూల వాతావరణం ఉండేలా చూసుకోవాలి.వాళ్లు తప్పు అని నిరూపించేందుకు ఆడనుటీమిండియా తరఫున క్రికెట్‌ ఆడటం అంత తేలికైన విషయం కాదు. ఇక్కడ చాలా మంది విమర్శకులు ఉంటారు. ఎవరి అభిప్రాయం వాళ్లకు ఉంటుంది. అయితే, నన్ను విమర్శించిన వాళ్లు తప్పు అని నిరూపించేందుకు మాత్రం నేను గొప్పగా ఆడాలనుకోను.అన్నింటికంటే నాకు క్రికెట్‌ ముఖ్యం. ఎలా ముందుకు వెళ్లాలన్న అంశం గురించే ఎల్లప్పుడూ ఆలోచిస్తాను. ప్రాక్టీస్‌ చేస్తాను. నా అత్యుత్తమ ప్రదర్శన ఇచ్చేందుకు కృషి చేస్తాను. ఏ విషయాన్ని సంక్లిష్టంగా మార్చాలనుకోను. నా నియంత్రణలో ఉన్న విషయాల మీద మాత్రమే దృష్టి పెడతాను. ఇతరుల అభిప్రాయాలు నాపై ప్రభావం చూపలేవు’’ అని సంజూ శాంసన్‌ తనను విమర్శిస్తున్న వారికి గట్టి కౌంటర్‌ ఇచ్చాడు. ఆట మీద మాత్రమే తన దృష్టి ఉంటుందని స్పష్టం చేశాడు.చదవండి: 'ఆరోజు బౌండ‌రీ క‌ర్వ్‌గా ఉంది.. లేదంటే ట్రోఫీ మాదే!'

న్యూజిలాండ్‌తో జ‌రిగిన‌ తొలి టీ20లో 4 వికెట్ల తేడాతో విజ‌యం సాధించిన టీమిండియా రెట్టింపు ఉత్సాహంతో రెండో టీ20కి సిద్ధ‌మ‌య్యింది. ప‌రుగుల వ‌ర‌ద పారిన క్రైస్ట్‌చ‌ర్చి వేదిక‌లోనే రెండో టీ20 జ‌ర‌గ‌నుండ‌డంతో ఈసారి కూడా బ్యాట‌ర్లు ప‌రుగులు పండుగ చేసుకునే అవ‌కాశ‌ముంది. టాస్ గెలిచిన భార‌త్ బౌలింగ్‌ ఎంచుకుంది. మ్యాచ్‌లో టీమిండియా రెండు మార్పులతో బరిలోకి దిగింది. గ‌జ్జ‌ల్లో గాయం కార‌ణంగా ఇషాన్ కిష‌న్ రెండో టీ20కి దూరమ‌వ్వ‌గా, అత‌డి స్థానంలో వైభ‌వ్ సూర్య‌వంశీ తుదిజ‌ట్టులోకి రాగా.. మయాంక్‌ యాదవ్‌ స్థానంలో ప్రిన్స్‌ యాదవ్‌ను తీసుకున్నట్లు కెప్టెన్‌ శ్రేయస్‌ అయ్యర్‌ తెలిపాడు.మ‌రోవైపు తొలి టీ20లో బౌలింగ్ వైఫ‌ల్యంతో ఓట‌మి చ‌విచూసిన న్యూజిలాండ్ రెండో టీ20లో గెలిచి సిరీస్‌ను స‌మం చేయాల‌ని భావిస్తోంది. మ్యాచ్‌లో న్యూజిలాండ్ ఒక మార్పుతో బ‌రిలోకి దిగింది. ఆడ‌మ్ మిల్నే స్థానంలో జాక‌బ్ డ‌ఫీ తుదిజ‌ట్టులోకి వ‌చ్చాడు.టీమిండియా: సంజు శాంసన్ (వికెట్ కీప‌ర్‌), అభిషేక్ శర్మ, వైభవ్ సూర్యవంశీ, శ్రేయాస్ అయ్యర్ (కెప్టెన్‌), తిలక్ వర్మ, నితీష్ కుమార్ రెడ్డి, నమన్ ధీర్, అక్షర్ పటేల్, భువనేశ్వర్ కుమార్, అర్ష్‌దీప్ సింగ్, ప్రిన్స్‌ యాదవ్న్యూజిలాండ్‌: టిమ్ సీఫెర్ట్ (వికెట్ కీపర్), ఫిన్ అలెన్, డారిల్ మిచెల్, గ్లెన్ ఫిలిప్స్, బెవాన్ జాకబ్స్, మైఖేల్ బ్రేస్‌వెల్, మిచెల్ సాంట్నర్ (కెప్టెన్), నాథన్ స్మిత్, ఆడమ్ మిల్నే, మాట్ హెన్రీ, లాకీ ఫెర్గూసన్#TeamIndia opt to bowl first in the 2️⃣nd T20I Vaibhav Sooryavanshi & Prince Yadav back in the XI 📝 Updates ▶️ https://t.co/FZtUFIFWS2 #NZvIND https://t.co/VCof26ERFg— BCCI (@BCCI) October 24, 2026ఇదీ చదవండి: న్యూజిలాండ్‌తో రెండో టీ20.. టీమిండియాలోకి కుమార్ కుషాగ్రాకుప్పకూలిన టీమిండియా.. తొలి రోజు న్యూజిలాండ్‌దే పైచేయి

న్యూజిలాండ్‌తో రెండో టీ20కి ముందు టీమిండియాకు ఎదురుదెబ్బ తగిలింది. తొలి టీ20లో గాయపడిన వికెట్‌కీపర్ బ్యాటర్ ఇషాన్ కిషన్ రెండో మ్యాచ్‌కు దూరమయ్యాడు. అతడి స్థానంలో వికెట్‌కీపర్ బ్యాటర్ కుమార్ కుషాగ్రాను కవర్‌ అప్‌గా ఎంపిక చేశారు. ప్రస్తుతం క్రైస్ట్‌చర్చ్‌లో భారత్-ఏ జట్టుతో ఉన్న కుషాగ్రా రెండో టీ20 కోసం టీమిండియాతో చేరనున్నాడు.ఇషాన్ దూరం కావడంతో యువ సంచలనం వైభవ్ సూర్యవంశీకి తుది జట్టులో అవకాశం దక్కే సూచనలు కనిపిస్తున్నాయి. వెస్టిండీస్‌తో స్వదేశంలో జరిగిన టీ20 సిరీస్‌లో అతడికి ఆడే అవకాశం రాలేదు. కుషాగ్రా ఇషాన్‌కు కవర్‌ అప్‌గా ఎంపికైనా తుది జట్టులో ఆడే అవకాశం రాకపోవచ్చు.రెండో టీ20కి భారత జట్టుశ్రేయస్ అయ్యర్ (కెప్టెన్), అభిషేక్ శర్మ, సంజూ శాంసన్ (వికెట్‌కీపర్), వైభవ్ సూర్యవంశీ, తిలక్ వర్మ (వైస్ కెప్టెన్), అక్షర్ పటేల్, శివమ్ దూబే, నితీశ్ కుమార్ రెడ్డి, నమన్ ధీర్, ప్రిన్స్ యాదవ్, మయాంక్ యాదవ్, అర్ష్‌దీప్ సింగ్, భువనేశ్వర్ కుమార్, వరుణ్ చక్రవర్తి, కుల్దీప్ యాదవ్, కుమార్ కుషాగ్రా (వికెట్‌కీపర్).ఇదిలా ఉంటే, న్యూజిలాండ్‌తో ఐదు మ్యాచ్‌ల టీ20 సిరీస్‌లో భారత్ 1-0తో ఆధిక్యంలో ఉంది. తొలి మ్యాచ్‌లో 226 పరుగుల లక్ష్యాన్ని ఛేదించిన భారత్ నాలుగు వికెట్ల తేడాతో విజయం సాధించింది. సంజూ శాంసన్ 33 బంతుల్లో 67 పరుగులు చేసి ప్లేయర్ ఆఫ్ ది మ్యాచ్‌గా నిలిచాడు. చివర్లో నమన్‌ ధిర్‌ మెరుపులు కూడా భారత విజయంలో కీలకపాత్ర పోషించాయి. ఇదీ చదవండి: భార‌త ఆట‌గాళ్లకు ఊహించ‌ని స‌మ‌స్య‌.. క్ష‌ణాల్లో ప‌రిష్కారం!

న్యూజిలాండ్‌తో జ‌రిగిన తొలి టీ20లో నాలుగు వికెట్ల తేడాతో విజ‌యం సాధించిన టీమిండియా సుదీర్ఘ ప‌ర్య‌ట‌న‌ను ఘ‌నంగా ఆరంభించింది. ఇవాళ అదే క్రైస్ట్‌చ‌ర్చి వేదిక‌గా రెండో టీ20కి సిద్ధ‌మయ్యింది. తొలి టీ20లో విజ‌యంతో జోష్ మీదున్న భార‌త ఆట‌గాళ్ల‌కు అనుకోని స‌మ‌స్య ఎదురైంది. ఆట‌గాళ్లు వేసుకున్న షూల‌కు స్పైక్స్ చిన్న‌విగా ఉండ‌డంతో తొలి టీ20లో ఫీల్డింగ్ చేస్తూ జారిప‌డిన దృశ్యాలు కెమెరా కంటికి చిక్కాయి. నిజానికి న్యూజిలాండ్ పిచ్‌ల‌పై షూ స్పైక్స్ చిన్న‌గా ఉంటే జారిప‌డే అవ‌కాశాలు ఎక్కువ‌గా ఉంటాయి. పేస‌ర్ మ‌యాంక్ యాద‌వ్ బౌలింగ్ చేస్తున్న స‌మ‌యంలో షూ స్పైక్స్ వ‌ల్ల చాలా ఇబ్బంది ప‌డ్డాడు. ఒక సంద‌ర్భంలో మ‌యాంక్ అదుపు త‌ప్పి కింద‌ప‌డ్డాడు. మ‌రో ఘ‌ట‌న‌లో కెప్టెన్ శ్రేయ‌స్ అయ్య‌ర్ కూడా ఫీల్డింగ్ చేస్తూ జారి ప‌డ్డాడు. వీరిద్ద‌రే గాక చాలా మంది భార‌త క్రికెట‌ర్ల‌కు షూ స్పైక్స్‌తో తీవ్ర ఇబ్బందులు ఎదుర‌య్యాయి. ఇది గ‌మ‌నించిన బౌలింగ్ కోచ్ మోర్నీ మోర్కెల్ స‌మ‌స్య‌కు ప‌రిష్కారం చూపాల‌ని భావించాడు. అనుకుందే త‌డ‌వుగా రోనీని పిలిపించి స‌మ‌స్య‌ను వివ‌రించాడు. షూ స్పైక్స్‌ను స‌రిచేయ‌డంలో దిట్ట అయిన రోనీ.. క్ష‌ణాల్లో స‌మ‌స్య‌కు చెక్ పెట్టాడు. న్యూజిలాండ్ పిచ్ ప‌రిస్థితుల‌కు త‌గిన‌ట్లుగా త‌న వ‌ద్ద ఉన్న పెద్ద స్పైక్‌ల‌ను ఆట‌గాళ్ల షూల‌కు ఉన్న స్పైక్స్ స్థానంలో అమ‌ర్చడంతో స‌మ‌స్య ప‌రిష్కార‌మైంది. దీంతో రోనీ పేరు ఇప్పుడు సోష‌ల్ మీడియాలో ట్రెండింగ్‌లో నిలిచింది.THIS GUY FIXED TEAM INDIA’S BIGGEST HEADACHE ON THE NEW ZEALAND TOUR! 😱🔥 Indian players were struggling badly with the slippery conditions in New Zealand. Mayank Yadav faced serious issues while bowling in the 1st T20I, while Shreyas Iyer also slipped badly on one occasion. 😳 The bowlers were having the toughest time, leaving bowling coach Morne Morkel concerned. Then came Ronny! 🔥 Someone recommended him, and he turned out to be the solution! He had oversized spikes specially suited to New Zealand’s conditions — nearly twice the size of regular spikes! Ronny changed the spikes for all the players, and just like that, the problem was solved!— Mukku (@Cric_Mukku) October 23, 2026ఇదీ చదవండి: ఫైన‌ల్లో జింబాబ్వేపై విజ‌యం.. అఫ్గానిస్తాన్‌దే ట్రై సిరీస్

క్రైస్ట్‌చర్చ్ వేదికగా న్యూజిలాండ్‌తో జరిగిన తొలి టీ20లో భారత్ అద్భుత విజయం సాధించిన సంగతి తెలిసిందే. మెన్ ఇన్ బ్లూ జట్టు 226 పరుగుల భారీ లక్ష్యాన్ని ఛేదించి సరికొత్త చరిత్ర సృష్టించింది. అయితే ఈ మ్యాచ్‌లో ఇషాన్ కిషన్ బ్యాటింగ్ ఆర్డర్‌ను మార్చడంపై సోషల్ మీడియాలో పెద్దఎత్తున విమర్శలు వచ్చాయి. వన్ డౌన్‌లో రావాల్సిన ఇషాన్ కిషన్ స్థానంలో తిలక్ వర్మ బరిలోకి దిగడంతో అంతా ఆశ్చర్యపోయారు.భారత హెడ్‌కోచ్ గౌతమ్ గంభీర్ మరోసారి అనవసరమైన ప్రయోగాలు చేశాడంటూ కొందరు నెటిజన్లు, విమర్శకులు విరుచుకుపడ్డారు. అయితే ఆ నిర్ణయం వెనుక అసలు కారణం వేరే ఉంది. ఇషాన్ కిషన్ స్వల్ప గాయంతో బాధపడుతున్నాడు. అందుకే అతడిని వెంటనే బ్యాటింగ్‌కు పంపకుండా కొంచెం కిందకు దించారు. ఈ విషయంపై స్పందించిన భారత మాజీ ఆల్‌రౌండర్ ఇర్ఫాన్ పఠాన్.. గంభీర్‌కు మద్దతుగా నిలిచాడు."ఇషాన్ కిషన్‌కు చిన్నపాటి గాయం ఉండటం వల్లే అతడు బ్యాటింగ్‌లో కాస్త ఆలస్యంగా వచ్చాడు. కానీ కొంచెం కూడా ఆలోచించకుండా ప్రతి ఒక్కరూ గౌతమ్ గంభీర్‌ను విమర్శించడం మొదలుపెట్టారు. ప్రస్తుతం గంభీర్‌ను విమర్శించడం కొందరికి టైమ్‌పాస్‌గా మారిపోయింది.ఏదైనా విషయంపై ఒకరిని విమర్శించే ముందు కాస్త ఆలోచించండి. పూర్తి విషయం తెలియకుండానే తొందరపడి ఒక నిర్ధారణకు రావద్దు. ఇది జీవితంలోని అన్ని విషయాలకు వర్తిస్తుంది. సోషల్ మీడియాలో వ్యూస్, లైక్స్ కోసం ఆరాటపడే క్రమంలో, అసలు నిజమేంటో తెలుసుకోకుండా మీరు ఎవరినైనా తీవ్రంగా బాధపెట్టే అవకాశం ఉంది. కాబట్టి ఏదైనా తీర్పు ఇచ్చే ముందు ఒకటికి రెండుసార్లు ఆలోచించండి" అంటూ ఇర్ఫాన్ పఠాన్ ఎక్స్ వేదికగా పేర్కొన్నాడు.

క్రైస్ట్‌చ‌ర్చ్ వేదిక‌గా న్యజిలాండ్‌తో రెండో టీ20లో త‌ల‌ప‌డేందుకు టీమిండియా సిద్ద‌మైంది. తొలి టీ20లో అద్భుత విజ‌యం సాధించి మంచి జోష్‌లో ఉన్న భార‌త జ‌ట్టు.. రెండో మ్యాచ్‌లోనూ అదే జోరును కొన‌సాగించాల‌ని భావిస్తోంది. అయితే ఈ మ్యాచ్‌కు ముందు టీమిండియాకు గ‌ట్టి ఎదురు దెబ్బ త‌గిలింది. స్టార్ వికెట్ కీప‌ర్ బ్యాట‌ర్ ఇషాన్ కిష‌న్‌ గజ్జల్లో గాయం కార‌ణంగా రెండో టీ20కు దూర‌మ‌య్యాడు. ఈ విష‌యాన్ని భార‌త బ్యాటింగ్ కోచ్ సితాన్షు కోటక్ ధ్రువీక‌రించాడు.వైభ‌వ్ ఎంట్రీ? ఫ‌స్ట్ డౌన్‌లో సంజూఇక కిష‌న్ స్దానంలో యువ సంచ‌ల‌నం వైభ‌వ్ సూర్య‌వంశీ తుది జ‌ట్టులోకి రావ‌డం ఖాయ‌మైంది. ఒక‌వేళ ఇదే జ‌రిగితే టీమిండియా ఇన్నింగ్స్‌ను అభిషేక్ శ‌ర్మ‌, వైభ‌వ్ సూర్య‌వంశీ ప్రారంభించ‌నుండ‌గా.. సంజూ ఫ‌స్ట్ డౌన్‌లో బ్యాటింగ్‌కు రానున్నాడు. వైభ‌వ్ అద్భుత‌మైన ఫామ్‌లో ఉన్నప్ప‌టికి సంజూ, అభిషేక్ నిల‌క‌డ‌గా రాణిస్తుండ‌డంతో అత‌డికి ప్లేయింగ్ ఎలెవ‌న్‌లో చోటు ద‌క్క‌డం లేదు.వ‌రుస‌గా అఫ్గానిస్తాన్‌, వెస్టిండీస్ సిరీస్‌లో బెంచ్‌కే ప‌రిమిత‌మ‌య్యాడు. కానీ ఇప్పుడు ఇషాన్ కిష‌న్ గాయప‌డ‌డంతో తుది జ‌ట్టులోకి వ‌చ్చేందుకు వైభ‌వ్‌కు లైన్ క్లియ‌ర్ అయింది. 15 ఏళ్ల వైభ‌వ్‌కు ఇప్ప‌టికే కివీస్ ఫాస్ట్ బౌల‌ర్ల‌ను ఎదుర్కొన్న అనుభ‌వం ఉంది. ఐపీఎల్‌లో మాట్ హెన్రీ, ఫెర్గూస‌న్ వంటి బౌల‌ర్ల‌ను ఉతికారేశాడు. ఇప్పుడు వారి సొంత‌గ‌డ్డ‌పై కూడా చుక్క‌లు చూపించాల‌ని వైభ‌వ్ ఉవ్విళ్లూరుతున్నాడు.ప్రిన్స్ యాద‌వ్‌కు చోటుఅదేవిధంగా ఫాస్ట్ బౌలింగ్ విభాగంలో ఓ మార్పు చోటు చేసుకోనున్న‌ట్లు తెలుస్తోంది. మ‌యాంక్ యాద‌వ్ స్ధానంలో ప్రిన్స్‌యాద‌వ్‌ను తీసుకురానున్న‌ట్లు స‌మాచారం. తొలి టీ20లో మయాంక్ ఓ వికెట్ తీసిన‌ప్ప‌టికి త‌న నాలుగు ఓవ‌ర్ల కోటాలో 40 ప‌రుగులు స‌మ‌ర్పించుకున్నాడు.న్యూజిలాండ్‌తో జరిగే 2వ టీ20కి భార‌త తుది జ‌ట్టు(అంచ‌నా): అభిషేక్ శర్మ, వైభవ్ సూర్యవంశీ, సంజు శాంసన్ (వికెట్ కీప‌ర్‌), శ్రేయాస్ అయ్యర్ (కెప్టెన్‌), తిలక్ వర్మ, నితీష్ కుమార్ రెడ్డి, నమన్ ధీర్, అక్షర్ పటేల్, భువనేశ్వర్ కుమార్, అర్ష్‌దీప్ సింగ్, మయాంక్ యాదవ్చదవండి: డబుల్‌ సెంచరీతో చెలరేగిన పాకిస్తాన్‌ ఓపెనర్‌

సొంతగడ్డపై భారత్ 'ఎ' జట్టుతో జరగనున్న మూడు మ్యాచ్‌ల అనధికారిక టెస్టు సిరీస్ కోసం 19 మంది సభ్యులతో కూడిన తమ జట్టును న్యూజిలాండ్ క్రికెట్ (NZC) ప్రకటించింది. ఇందులో 11 మంది అంతర్జాతీయ ఆటగాళ్లు ఉన్నారు. ఈ జ‌ట్టు కెప్టెన్‌గా రైస్ మారియు వ్య‌వ‌హ‌రించ‌నున్నాడు.అదేవిధంగా డీన్ ఫాక్స్‌క్రాఫ్ట్, జాక్ గిబ్సన్, మిచెల్ హే, టిమ్ రాబిన్సన్, జేడెన్ లెనాక్స్ వంటి స్టార్ ప్లేయ‌ర్లు ఈ జ‌ట్టులో ఉన్నారు. ఈ అనధికారిక మ్యాచ్‌లలో అద్భుతంగా రాణించే ఆట‌గాళ్లకు భార‌త్ టెస్టు సిరీస్‌కు కివీస్ సెల‌క్ట‌ర్లు ఎంపిక చేసే అవ‌కాశ‌ముంది.ఈ సిరీస్‌లో భాగంగా తొలి మ్యాచ్ బెర్ట్ సట్‌క్లిఫ్ ఓవల్ వేదిక‌గా అక్టోబ‌ర్ 24 నుంచి ఈ ప్రారంభం కానుంది. ప్ర‌స్తుతం న్యూజిలాండ్‌-భార‌త్ మ‌ధ్య ఐదు మ్యాచ్‌ల టీ20 సిరీస్ జ‌రుగుతున్న సంగ‌తి తెలిసిందే. న‌వంబ‌ర్ 1తో ఈ సిరీస్ ముగియ‌నుంది. అనంత‌రం ఐదు మ్యాచ్‌ల వ‌న్డే సిరీస్ మొద‌లు కానుంది.తొలి అన‌ధికారిక టెస్టుకు కివీస్‌-ఎ జ‌ట్టురైస్ మారియు (కెప్టెన్), మాట్ బాయిల్, మాక్స్ చూ, క్రిస్టియన్ క్లార్క్, డీన్ ఫాక్స్‌క్రాఫ్ట్, జాక్ గిబ్సన్, మిచెల్ హే (వికెట్ కీపర్), కర్టిస్ హీఫీ, టిమ్ రాబిన్సన్, ఫ్రేజర్ షీట్, సైమన్ కీన్, జేడెన్ లెనాక్స్, జారోడ్ మెక్కేరెండో అన‌ధికారిక టెస్టుకు కివీస్‌-ఎ జ‌ట్టురైస్ మారియు (కెప్టెన్), మాట్ బాయిల్, మిచెల్ హే (వికెట్ కీపర్), కర్టిస్ హీఫీ, క్రిస్టియన్ క్లార్క్, మాట్ ఫిషర్, డీన్ ఫాక్స్‌క్రాఫ్ట్, జాక్ గిబ్సన్, సైమన్ కీన్, జేడెన్ లెనాక్స్, జారోడ్ మెక్కే, టిమ్ రాబిన్సన్, ఫ్రేజర్ షీట్.మూడో అన‌ధికారిక టెస్టుకు న్యూజిలాండ్ జ‌ట్టుఆది అశోక్, మాట్ బాయిల్, మాక్స్ చూ (వికెట్ కీపర్), డీన్ ఫాక్స్‌క్రాఫ్ట్, కర్టిస్ హీఫీ, కామ్ పాల్, హెన్రీ నికోల్స్, ఫ్రేజర్ షీట్, సైమన్ కీన్, నిక్ కెల్లీ, బెన్ లిస్టర్, రైస్ మారియు, జారోడ్ మెక్కే.చదవండి: డబుల్‌ సెంచరీతో చెలరేగిన పాకిస్తాన్‌ ఓపెనర్‌

టీమిండియా స్టార్‌ నమన్‌ ధీర్‌పై ప్రశంసల వర్షం కురుస్తోంది. న్యూజిలాండ్‌తో తొలి టీ20లో తీవ్రమైన ఒత్తిడిలోనూ అతడు రాణించిన తీరును సహచర ఆటగాళ్లతో పాటు మాజీ క్రికెటర్లు, అభిమానులు కొనియాడుతున్నారు. ఈ నేపథ్యంలో భారత ఓపెనర్‌, కివీస్‌తో తొలి టీ20లో ‘ప్లేయర్‌ ఆఫ్‌ ది మ్యాచ్‌’గా నిలిచిన సంజూ శాంసన్‌ చేసిన వ్యాఖ్యలు వైరల్‌గా మారాయి.క్రైస్ట్‌చర్చ్‌ వేదికగా గురువారం నాటి మ్యాచ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకోగా.. న్యూజిలాండ్‌ నిర్ణీత 20 ఓవర్లలో నాలుగు వికెట్ల నష్టానికి 225 పరుగుల భారీ స్కోరు సాధించింది. గ్లెన్‌ ఫిలిప్స్‌ అద్భుత అర్ధ శతకం (40 బంతుల్లో 82 నాటౌట్‌)తో రాణించాడు.సంజూ మెరుపు అర్ధ శతకంఅనంతరం లక్ష్య ఛేదనకు దిగిన భారత్‌కు ఓపెనర్లు సంజూ శాంసన్‌, అభిషేక్‌ శర్మ శుభారంభం అందించారు. సంజూ 33 బంతుల్లో 8 ఫోర్లు, 4 సిక్సర్లు బాది 67 పరుగులు సాధించగా.. అభిషేక్‌ 12 బంతుల్లోనే 29 రన్స్‌ రాబట్టాడు. వన్‌డౌన్‌లో వచ్చిన తిలక్‌ వర్మ (6), ఐదో నంబర్‌ బ్యాటర్‌ ఇషాన్‌ కిషన్‌ (1) విఫలం కాగా.. శ్రేయస్‌ అయ్యర్‌ కెప్టెన్‌ ఇన్నింగ్స్‌ (28 బంతుల్లో 42) ఆడాడు.SILK, SWAG, AND CLINICAL PRECISION! 🤌 Shreyas Iyer served up a batting masterclass that deserves to be watched on loop! 🔁🔥 Watch the HERO VIDA India Tour of New Zealand, 2nd T20I, TOMORROW 11:30 AM onwards LIVE on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND— Sony Sports Network (@SonySportsNetwk) October 23, 2026నమన్‌ ధనాధన్‌అయితే, విజయ సమీకరణం సవాలుగా మారుతున్న వేళ అక్షర్‌ పటేల్‌ (14 బంతుల్లో 24) వేగంగా ఆడగా.. నమన్‌ ధీర్‌ ధనాధన్‌ దంచికొట్టాడు. కేవలం 15 బంతుల్లోనే 5 ఫోర్లు, 2 సిక్సర్ల సాయంతో 42 పరుగులతో అజేయంగా నిలిచి జట్టును విజయతీరాలకు చేర్చాడు. సంజూ, నమన్‌ మెరుపుల కారణంగా భారత్‌ 19.4 ఓవర్లలోనే లక్ష్యాన్ని ఛేదించి నాలుగు వికెట్ల తేడాతో గెలుపొందింది.ఎక్కువ క్రెడిట్‌ నమన్‌ ధీర్‌కే దక్కాలిఈ నేపథ్యంలో మ్యాచ్‌ అనంతరం సంజూ శాంసన్‌ మాట్లాడుతూ.. నమన్‌ ధీర్‌ ఆట తీరుపై ప్రశంసల జల్లు కురిపించాడు. ‘‘ఈ మ్యాచ్‌ విజయంలో ఎక్కువ క్రెడిట్‌ నమన్‌ ధీర్‌కే దక్కాలి. ఇప్పటి వరకు అతడు టీమిండియా తరఫున కేవలం నాలుగు నుంచి ఐదు మ్యాచ్‌లే ఆడి ఉన్నాడు.తీవ్రమైన ఒత్తిడి నెలకొన్న వేళ..అయినా సరే కీలక సమయంలో.. తీవ్రమైన ఒత్తిడి నెలకొన్న వేళ.. ప్రశాంతంగా ఆడుతూ జట్టుకు విలువైన విజయం అందించాడు. భవిష్యత్తులో భారత క్రికెట్‌కు అతడు గొప్ప ఆస్తి అవుతాడు’’ అని సంజూ కొనియాడాడు.బిజినెస్‌ క్లాస్‌లో ప్రయాణం.. లగ్జరీ హోటళ్లలో బసఅదే విధంగా.. భారత టీ20 జట్టు బిజీ షెడ్యూల్‌ గురించి మీడియా ప్రశ్నించగా.. ‘‘ఇంగ్లండ్‌ పర్యటన నాటి నుంచే మేము ఫిట్‌నెస్‌ మీద మరింత ఎక్కువగా దృష్టి సారించాము. బిజీ షెడ్యూల్‌కు సంబంధించి జరిగిన సమావేశంలో అన్ని విషయాలను చర్చించాము.ఫిట్‌నెస్‌ విషయంలో క్రమశిక్షణతో ఉండాలని స్పష్టమైన ఆదేశాలు ఉన్నాయి. శారీరకంగానే కాదు మానసికంగానూ మేమంతా పూర్తి ఫిట్‌గా ఉన్నాము. ఇక మా ప్రయాణాలు అన్నీ బిజినెస్‌ క్లాస్‌లోనే సాగుతాయి. అద్భుతమైన సౌకర్యాలున్న హోటళ్లలో బస చేస్తాము.దృష్టి మొత్తం దాని మీదేఏ విషయంలోనూ ఫిర్యాదు చేయాల్సిన అవసరం లేకుండా యాజమాన్యం అన్నీ చూసుకుంటోంది. కాబట్టి కేవలం మ్యాచ్‌లు, సిరీస్‌లు గెలవడం మీద మాత్రమే మా దృష్టి కేంద్రీకృతమై ఉంది’’ అని సంజూ శాంసన్‌ చెప్పుకొచ్చాడు. కాగా ఇటీవల స్వదేశంలో వెస్టిండీస్‌తో ఐదు మ్యాచ్‌ల టీ20 సిరీస్‌ను 2-2తో డ్రా చేసుకున్న టీమిండియా.. న్యూజిలాండ్‌ పర్యటనలోనూ ఐదు టీ20లు ఆడేందుకు షెడ్యూల్‌ ఖరారైంది. భారత్‌- కివీస్‌ మధ్య శనివారం నాటి రెండో టీ20కి క్రైస్ట్‌చర్చ్‌ వేదిక. చదవండి: NZ Vs IND: రెండో టీ20కి ఇషాన్ కిషన్ దూరం.. వైభవ్‌కు చాన్స్‌!🔥 RECORD-BREAKING CHASE. THE BLUE STORM IS HERE! 💙 226-run target? Check. India’s highest-ever successful chase in T20Is? Check. A 1-0 series lead? CHECK! 💥 🏏 HERO VIDA India Tour of New Zealand 📺 2nd T20I | TOMORROW | 11:30 AM onwards LIVE on Sony Sports Network, Sony LIV & Sony Vizha! #SonySportsNetwork #SonyLIV #SonyVizha #NZvIND— Sony Sports Network (@SonySportsNetwk) October 23, 2026

టీమిండియాలో ప్రస్తుతం ఆల్‌రౌండర్ నమన్ ధీర్ ఒక సంచలనంగా మారిపోయాడు. విండీస్‌తో టీ20 సిరీస్‌లో పర్వాలేదనిపించిన నమన్ ధీర్ న్యూజిలాండ్‌తో తొలి టీ20లో ఆడిన మెరుపు ఇన్నింగ్స్‌తో ఒక్కసారిగా హాట్‌టాపిక్‌గా మారిపోయాడు. 15 బంతుల్లోనే 42 పరుగుల అజేయ ఇన్నింగ్స్‌తో అదరగొట్టిన నమన్ ధీర్ రాకతో శివమ్ దూబే, వాషింగ్టన్ సుందర్ వంటి ఆల్‌రౌండర్ల కెరీర్ ప్రమాదంలో పడే అవకాశముందని భారత మాజీ క్రికెటర్ దినేశ్ కార్తిక్ జోస్యం చెప్పాడు. ఆటకు రిటైర్మెంట్ ప్రకటించిన అనంతరం కామెంటటేర్ అవతారం ఎత్తిన దినేశ్ కార్తిక్ గురువారం న్యూజిలాండ్‌, భారత్ తొలి టీ20కి కామెంటరీ చేశాడు. ఈ సందర్భంగా మ్యాచ్ ముగిసిన అనంతరం నమన్ ధీర్‌పై ప్రసంశల జల్లు కురిపించిన కార్తిక్ ఆల్‌రౌండర్‌గా అతడికి మంచి భవిష్యత్తు ఉందని కొనియాడాడు. Photo Credit: BCCI Twitterదినేశ్ కార్తిక్ మాట్లాడుతూ.. ‘ఈ సమయంలో శివమ్ దూబే, వాషింగ్టన్ సుందర్‌లపై ఒత్తిడి చాలా ఎక్కువగా ఉంటుంది, ఎందుకంటే సుందర్ స్థానంలో నమన్ ధీర్ వచ్చాడు. కానీ వాషింగ్టన్ సుందర్ మూడు ఫార్మాట్లలో ఆడుతున్నప్పటికీ, సుందర్ ఎక్కువగా టెస్టు క్రికెట్ ఆడడంపైనే దృష్టి సారించినట్లు తెలుస్తోంది. ఇదే సమయంలో అనూహ్యంగా జట్టులోకి వచ్చిన నమన్ ధీర్ అంచనాలకు మించి రాణిస్తున్నాడు. మూడో స్థానం నుంచి ఏడో స్థానం దాకా బ్యాటింగ్ చేయడంలో సమర్థుడు కావడం, బౌలింగ్‌లోనూ నిలకడగా రాణిస్తుండడం అతడికి సానుకూలాంశంగా మారింది. టెస్టు క్రికెట్‌లోనూ నమన్ ధీర్ ఎంట్రీ ఇస్తే అప్పుడు ఇది సుందర్‌కు ప్రతికూలంగా మారనుంది. ఇక రాబోయే రోజుల్లోనూ నమన్ ధీర్ తనకు వచ్చిన అవకాశాలను సద్వినియోగం చేసుకుంటే మాత్రం శివమ్ దూబే, సుందర్‌ల కెరీర్ ప్రమాదంలో పడే అవకాశముంది. Photo Credit: BCCI Twitterబ్యాటింగ్‌లో దూకుడు స్వభావం, స్పిన్ బౌలింగ్‌తో ప్రత్యర్థులను ముప్పతిప్పలు పెట్టడంలో సిద్ధహస్తుడైన నమన్ ధీర్ వల్ల సీనియర్ ఆల్‌రౌండర్ హార్దిక్ పాండ్యాకు కూడా ప్రమాదం పొంచి ఉంది. ఇప్పటికిప్పుడు పాండ్యా జట్టులోకి తిరిగి వస్తే పక్కనబెట్టే సాహసం చేయనప్పటికీ, భవిష్యత్తులో మాత్రం నమన్ ధీర్ నుంచి అతడికి కఠిన సవాల్ ఎదురయ్యే అవకాశమైతే ఉంది.’ అని చెప్పుకొచ్చాడు.ఇదీ చదవండి: ఇర్ఫాన్ ప‌ఠాన్ రికార్డు బ‌ద్ద‌లుకొట్టిన న‌మ‌న్ ధీర్‌రెండో టీ20కి ఇషాన్ కిషన్ దూరం.. వైభవ్‌కు చాన్స్‌!

టీమిండియా ఆల్‌రౌండర్ నమన్ ధీర్ ప్రస్తుతం సోషల్ మీడియాలో ట్రెండింగ్‌లో నిలిచాడు. ఇటీవలే విండీస్‌తో సిరీస్‌లో ఆకట్టుకున్న నమన్ ధీర్ గురువారం న్యూజిలాండ్‌తో జరిగిన తొలి టీ20లో 15 బంతుల్లోనే 42 పరుగుల అజేయ ఇన్నింగ్స్‌తో ఒక్కసారిగా వార్తల్లోకెక్కాడు. లోయర్ ఆర్డర్‌లో వేగవంతంగా ఆడగల నమన్ ధీర్ తొలి టీ20లో మెరుపు ఇన్నింగ్స్‌తో ఒక అరుదైన రికార్డు అందుకున్నాడు. అంతర్జాతీయ టీ20 మ్యాచ్‌లో చేజింగ్‌లో (రెండో ఇన్నింగ్స్‌) భారత్ తరఫున ఏడు లేదా ఆ తర్వాతి స్థానంలో బ్యాటింగ్‌కు వచ్చి అత్యధిక పరుగులు చేసిన బ్యాటర్‌గా నమన్ ధీర్ నిలిచాడు. గతంలో ఇర్ఫాన్ పఠాన్ పేరిట ఈ రికార్డు ఉండేది. ఇర్ఫాన్ పఠాన్ 2009లో లంకతో మ్యాచ్‌లో ఛేదన సందర్భంగా ఏడో స్థానంలో బ్యాటింగ్‌కు వచ్చి 33 పరుగుల అజేయ ఇన్నింగ్స్ ఆడాడు. ఇప్పటివరకు పఠాన్‌దే అత్యుత్తమం కాగా, 17 ఏళ్ల తర్వాత నమన్ ధీర్ ఆ రికార్డును సవరించడం విశేషం. 42 ప‌రుగుల‌తో అజేయంగా నిలిచిన న‌మ‌న్ ధీర్ 280 స్ట్రైక్‌రేట్‌తో ప‌రుగులు రాబ‌ట్ట‌డం విశేషం. అత‌డి ఇన్నింగ్స్‌లో ఐదు ఫోర్లు, రెండు భారీ సిక్స‌ర్లు ఉన్నాయి. నమ‌న్ మెరుపుల‌తో మ‌రో రెండు బంతులు మిగిలి ఉండ‌గానే ల‌క్ష్యాన్ని అందుకున్న భార‌త్ త‌మ అంత‌ర్జాతీయ‌ టీ20 క్రికెట్‌ చ‌రిత్ర‌లో అత్య‌ధిక ప‌రుగులను ఛేదించిన‌ట్ల‌యింది. ఇప్ప‌టివ‌ర‌కు న‌మ‌న్ ధీర్ ఆడిన ఐదు ఇన్నింగ్ష్‌ల్లో 285 స్ట్రైక్‌రేట్‌తో 80 ప‌రుగులు సాధించాడు. ఇక న‌మ‌న్ ధీర్ టీ20 క్రికెట్‌లో 16 నుంచి 20 ఓవ‌ర్ల మ‌ధ్య‌లో తాను ఎదుర్కొన్న 167 బంతుల్లోనే 341 ప‌రుగులు చేయ‌డం విశేషం. ఇందులో 34 ఫోర్లు, 19 సిక్స‌ర్లు ఉన్నాయి. తొలి టీ20 మ్యాచ్‌లో 4 వికెట్ల తేడాతో నెగ్గిన టీమిండియా ఐదు మ్యాచ్‌ల టీ20 సిరీస్‌లో 1-0తో ఆధిక్యంలో నిలిచింది. ఇరుజట్ల మధ్య రెండో టీ20 శనివారం క్రైస్ట్‌చర్చి వేదికగానే జరగనుంది.4️⃣2️⃣* Runs 1️⃣5️⃣ Balls 2️⃣8️⃣0️⃣ Strike Rate 5️⃣ Fours & 2️⃣ Sixes How good was that match-winning finish from Naman Dhir? 👇 Scorecard ▶️ https://t.co/ADfFnxXGzz #TeamIndia | #NZvIND https://t.co/4PgLm8Rbim— BCCI (@BCCI) October 22, 2026 Naman Dhir gets the job done as India get over the line! 💪 Watch the HERO VIDA India Tour of New Zealand, 1st T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/JCqEu1vdrX— Sony Sports Network (@SonySportsNetwk) October 22, 2026ఇదీ చ‌ద‌వండి:సెమీస్‌కు దూసుకెళ్లిన అనాహత్‌.. తొలి భారత ప్లేయర్‌గా చరిత్రరెండో టీ20కి ఇషాన్ కిషన్ దూరం.. వైభవ్‌కు చాన్స్‌!

క్రైస్ట్‌చర్చి వేదికగా న్యూజిలాండ్‌తో జరిగిన తొలి టీ20లో విజయం ద్వారా శుభారంభం చేసిన టీమిండియాకు భారీ షాక్ తగిలింది. భారత స్టార్ బ్యాటర్ ఇషాన్ కిషన్ గాయంతో రెండో టీ20కి దూరమైనట్లు బ్యాటింగ్ కోచ్ సితాన్షు కోటక్ ప్రకటించాడు. గురువారం జరిగిన తొలి టీ20లో ఇషాన్ కిషన్ గజ్జల్లో గాయంతో ఇబ్బంది పడ్డాడు. దీంతో బ్యాటింగ్ ఆర్డర్‌లో ప్రమోషన్ పొందిన తిలక్ వర్మ మూడో స్థానంలో బ్యాటింగ్‌కు రాగా.. అతడి స్థానంలో ఇషాన్ బ్యాటింగ్‌కు వచ్చాడు. అయితే క్రీజులోకి వచ్చినప్పటి నుంచి ఇబ్బందిగా కనిపించిన ఇషాన్ మూడు బంతులాడి ఒక్క పరుగు మాత్రమే చేసి వెనుదిరిగాడు. అయితే పెవిలియన్ వెళ్లిన తర్వాత ఇషాన్ గాయం పెద్దది కానప్పటికీ, రెండో టీ20కి అతడికి విశ్రాంతినిచ్చే అవకాశమున్నట్లు తెలుస్తోంది. ఇదే విషయంపై బ్యాటింగ్ కోచ్ సితాన్షు కోటక్ మాట్లాడుతూ.. ‘ఇషాన్ కిషన్ గజ్జల్లో నొప్పితో బాధపడుతున్నాడు. గాయం తీవ్రత అంతగా లేనప్పటికీ, రెండో టీ20లో అతడు ఆడే అవకాశాలు తక్కువగా ఉన్నాయి. ఒకవేళ రెండో టీ20లో ఇషాన్ ఆడకపోతే, వైభవ్ సూర్యవంశీ ఆడే చాన్స్ ఉంది. ఇక తొలి టీ20లో ఇషాన్ కిషన్‌ గాయంతో ఇబ్బంది పడడంతోనే బ్యాటింగ్‌లో తిలక్ వర్మకు ప్రమోషన్ లభించింది. రెండో టీ20లో తిలక్ తన స్థానంలోనే బ్యాటింగ్‌కు వస్తాడు’ అని చెప్పుకొచ్చాడు.రీఎంట్రీ తర్వాత ఇషాన్‌ కిషన్‌ సూపర్‌ ఫామ్‌ కనబరుస్తున్నాడు. ముఖ్యంగా టీ20 క్రికెట్‌లో వన్‌డౌన్‌లో బ్యాటింగ్‌కు వస్తున్న ఇషాన్‌ భారీ ఇన్నింగ్స్‌లతో అలరిస్తున్నాడు. రీఎంట్రీ తర్వాత ఒక క్యాలెండర్‌ ఇయర్‌లో వెయ్యి పరుగుల మార్క్‌ను పూర్తి చేసుకున్న ఇషాన్‌ కిషన్‌ ఓవరాల్‌గా 67 టీ20ల్లో 1,955 పరుగులు సాధించాడు. ఇందులో ఒక సెంచరీ, 13 అర్థసెంచరీలున్నాయి. ప్రస్తుతం ఇషాన్‌ కిషన్‌ ఐసీసీ పురుషుల టీ20 ర్యాంకింగ్స్‌లో బ్యాటింగ్‌ విభాగంలో నంబర్‌వన్‌ ర్యాంకులో కొనసాగుతున్న సంగతి తెలిసిందే.INDIAN BATTING COACH ON REVSPORTZ: "Ishan Kishan has a groin niggle, that's why Tilak Varma was promoted. Ishan is also unlikely to play in the 2nd T20I. If Ishan doesn't play, Vaibhav Sooryavanshi has a strong chance to play". https://t.co/mJy10VEW4A— Johns. (@CricCrazyJohns) October 23, 2026ఇదీ చ‌ద‌వండి: ‘ప్లాన్ లేదు.. ఏమీ లేదు; ఆడుకుంటూ పోయామంతే’అద‌ర‌గొడుతున్న పారా అథ్లెట్లు.. ప‌త‌కాల సెంచ‌రీ కొట్టిన భార‌త్‌

క్రైస్ట్‌చర్చి వేదికగా న్యూజిలాండ్‌తో జరిగిన తొలి టీ20లో టీమిండియా అత్యధిక పరుగుల టార్గెట్‌ను విజయవంతంగా ఛేదించడంలో ఓపెనర్ సంజూ సామ్సన్ కీలకపాత్ర పోషించాడు. 33 బంతుల్లో 8 ఫోర్లు, 4 సిక్సర్ల సాయంతో 67 పరుగులు చేసిన సామ్సన్ ‘ప్లేయర్ ఆఫ్ ది మ్యాచ్‌’ అవార్డు అందుకున్నాడు. కాగా మ్యాచ్ అనంతరం సంజూ సామ్సన్ మాట్లాడుతూ.. 226 పరుగుల టార్గెట్‌ను ఛేదించే క్రమంలో ఎలాంటి ప్లాన్‌లు వేసుకోలేదని, ప్రతీ బంతిని హిట్టింగ్ ఆడటమే లక్ష్యంగా పెట్టుకొని ఆడుకుంటూ పోయామని తెలిపాడు. సామ్సన్ మాట్లాడుతూ.. ‘అభిషేక్ శర్మతో కలిసి నెలకొల్పిన మెరుపు ఓపెనింగ్ భాగస్వామ్యం వెనుక కూడా ఎలాంటి ప్రణాళిక లేదని, వచ్చిన ప్రతీ బంతిని బాదడమే తమ ఓపెనింగ్ జోడీ లక్ష్యంగా పెట్టుకున్నాం. బ్యాటింగ్ సమయంలోనూ మా మధ్య చాలా సంభాషణ జరిగింది. కానీ ఎంత చర్చించుకున్నా బంతిని బాదడమే ఇద్దరం టార్గెట్‌గా పెట్టుకున్నాం. అభిషేక్‌తో కలిసి బ్యాటింగ్ చేయడం నేను ఎప్పుడు ఇష్టపడుతాను. అయితే రెండో ఇన్నింగ్స్‌లో బంతి ఎక్కువగా స్వింగ్ అవుతున్న విషయాన్ని గమనించాము. అందుకే పవర్ ప్లేలో వికెట్ పారేసుకోకుండా జాగ్రత్తగా ఆడుతూ రన్‌రేట్ పడిపోకుండా చూసుకున్నాం. ఓపెనింగ్ మంచి ఆరంభం లభించడంతో ఆ తర్వాతి బ్యాటర్లకు పరుగులు చేయడానికి మార్గం సుగమమైంది. ఆరు ఓవర్లలో 90 పరుగులు రావడం అనేది మంచి ఆరంభం. అభిషేక్‌, నేను ఔటైన తర్వాత కాస్త ఒత్తిడి నెలకొన్నప్పటికీ, కెప్టెన్ అయ్యర్‌, అక్షర్ పటేల్‌, నమన్ ధీర్‌లు చక్కగా ఆడి భారత్‌ను విజయతీరాలకు చేర్చారు. మ్యాచ్ విజయంలో నా ఒక్కడికి క్రెడిట్ ఇచ్చుకోను. ఇది అందరి సమిష్టి విజయం. ఇవాళ్టి మ్యాచ్‌లో బ్యాటింగ్‌ను మాత్రం బాగా ఆస్వాదించాను. రెండో టీ20 కోసం ఎదురుచూస్తున్నా’ అని చెప్పుకొచ్చాడు.మ్యాచ్‌లో తొలుత బ్యాటింగ్ చేసిన న్యూజిలాండ్ నిర్ణీత 20 ఓవ‌ర్ల‌లో 4 వికెట్ల నష్టానికి 225 పరుగుల భారీ స్కోర్‌ సాధించింది. కివీస్‌ బ్యాటర్లలో గ్లెన్‌ ఫిలిప్స్‌(40 బంతుల్లో 8 ఫోర్లు, 3 సిక్స్‌లు నాటౌట్‌) టాప్‌ స్కోరర్‌గా నిలవగా.. ఫిన్‌ అలెన్‌(45), బెవాన్‌ జాకబ్స్‌(31) కీలక ఇన్నింగ్స్‌లు ఆడారు. భారత బౌలర్లలో అర్ష్‌దీప్‌ సింగ్‌, అక్షర్‌పటేల్‌, మయాంక్‌ యాదవ్‌ తలా వికెట్‌ పడగొట్టారు. అనంతరం టీమిండియా 19.4 ఓవర్లలో 6 వికెట్లు కోల్పోయి 230 పరుగులు చేసి విజయాన్ని అందుకుంది. సామ్సన్ (67), శ్రేయస్ అయ్యర్ (42), నమన్ ధీర్ (15 బంతుల్లో 42 నాటౌట్‌) మెరుపు ఇన్నింగ్స్‌లతో అలరించారు. కివీస్ బౌలర్లలో బ్రాస్‌వెల్‌, మిచెల్ సాంట్నర్ చెరో 2 వికెట్లు పడగొట్టారు. ఇరుజట్ల మధ్య రెండో టీ20 శనివారం ఇదే వేదికలో జరగనుంది.ఇదీ చదవండి: చ‌రిత్ర సృష్టించిన‌ జో రూట్‌

సొంతగడ్డపై టీమిండియాతో జరిగిన ఐదు మ్యాచ్‌ల టీ20 సిరీస్‌ను న్యూజిలాండ్ ఓటమితో ఆరంభించింది. గురువారం క్రైస్ట్‌చర్చ్ వేదికగా జరిగిన తొలి టీ20లో 4 వికెట్ల తేడాతో కివీస్ పరాజయం పాలైంది. 226 పరుగుల భారీ లక్ష్యాన్ని నిర్దేశించినప్పటికీ, బౌలర్లు దానిని కాపాడుకోలేకపోయారు. ఈ ఓటమిపై మ్యాచ్ అనంతరం బ్లాక్ క్యాప్స్ కెప్టెన్ మిచెల్ శాంట్నర్ స్పందిస్తూ.. జట్టు ప్రదర్శనతో పాటు తన గాయంపై అప్‌డేట్ ఇచ్చాడు."ఫీల్డింగ్ చేసేటప్పుడు మెడకు కాస్త దెబ్బ తగిలింది. కానీ ఇప్పుడైతే ఫర్వాలేదు, అంతా బాగానే ఉంది. ఓడిపోయినప్పటికీ మా కుర్రాళ్లు చివరి వరకు పోరాడారు. ముఖ్యంగా మా బ్యాటర్లు అద్భుతంగా రాణించారు. ఇన్నింగ్స్ ఆరంభంలో పిచ్ బ్యాటింగ్‌కు అనుకూలించింది. మా ఓపెనర్లు కండిషన్స్‌ను చక్కగా ఉపయోగించుకున్నారు. ఆ తర్వాత మిడిలార్డర్‌లో గ్లెన్ ఫిలిప్స్ సూపర్ నాక్ ఆడాడు. అతడు దూకుడుగా ఆడుతూ ఇన్నింగ్స్‌ను నడిపించిన తీరు అద్భుతం.ప్రత్యర్థి జట్టులో వరల్డ్‌క్లాస్ ఓపెనర్లు ఉన్నారు. వారి సత్తా ఏంటో మాకు తెలుసు. మరోసారి వారు అసాధారణ ప్రదర్శన కనబరిచారు. దూకుడుగా ఆడుతూ మా బౌలర్లను ఒత్తిడిలోకి నెట్టారు. బౌలింగ్‌లో మేము మా స్థాయికి తగ్గ ప్రదర్శన చేయలేకపోయాం. అయితే మిడిల్ ఓవర్లలో మేము పుంజుకుని కమ్‌బ్యాక్ ఇచ్చాం. అందుకే మ్యాచ్ చివరి వరకు వెళ్ళగలిగింది. ఇంకా కొన్ని అంశాల్లో మెరుగుపడాల్సి ఉంది. ముఖ్యంగా కొన్ని క్యాచ్‌లను జారవిడిచాం. ఆ క్యాచ్‌లు అందుకుని ఉండింటే ఫలితం మరోవిధంగా ఉండేదేమో! అయితే ఫ్లడ్ లైట్ల వెలుగులో క్యాచ్‌లు అందుకోవడం అంత సులభం కాదు. మా తదుపరి మ్యాచ్‌లలో ఈ తప్పిదాలు పునరావృతం కాకుండా చూసుకుంటామని" పోస్ట్ మ్యాచ్ కాన్ఫరెన్స్‌లో శాంట్నర్ పేర్కొన్నాడు.చదవండి: IND vs NZ: చరిత్ర సృష్టించిన టీమిండియా.. టీ20 క్రికెట్‌ హిస్టరీలోనే?

క్రైస్ట్‌చర్చ్ వేదికగా న్యూజిలాండ్‌తో జరిగిన తొలి టీ20లో టీమిండియా 4 వికెట్ల తేడాతో రికార్డు విజయం సాధించింది. 226 పరుగుల భారీ లక్ష్య ఛేదనలో భారత బ్యాటర్లు చెలరేగి ఆతిథ్య జట్టుకు షాకిచ్చారు. మాట్ హెన్రీ, ఫెర్గూసన్ వంటి వరల్డ్‌క్లాస్ బౌలర్లు ఉన్నప్పటికీ.. మన బ్యాటర్లు విధ్వంసం సృష్టించారు. ముఖ్యంగా సంజూ శాంసన్ (67), శ్రేయస్ అయ్యర్ (42), నమన్ ధీర్ (42 నాటౌట్) సంచలన ఇన్నింగ్స్‌లతో భారత విజయంలో కీలక పాత్ర పోషించారు. టీ20ల్లో భారత్‌కు ఇదే అత్యధిక లక్ష్య ఛేదన కావడం విశేషం. మ్యాచ్ అనంతరం భారత కెప్టెన్ శ్రేయస్ అయ్యర్ మాట్లాడుతూ.. సిరీస్‌ను విజయంతో ఆరంభించడం చాలా సంతోషంగా ఉందన్నాడు."నిజంగా ఇదొక అద్భుతం. ఈ సంతోషంలో సుదూర ప్రయాణం వల్ల కలిగిన అలసటను పూర్తిగా మర్చిపోయాం. మేము బౌలింగ్ ప్రారంభించినప్పుడు పిచ్ కొద్దిగా నెమ్మదిగా ఉంది, బంతి ఆగుతూ వచ్చింది. కానీ, బౌలింగ్‌లో మా ప్రణాళికలను సరిగ్గా అమలు చేయలేకపోయాము.సరైన లెంగ్త్‌లో కాకుండా హిట్టింగ్ జోన్‌లో బంతులు వేశాము. తొలి ఇన్నింగ్స్‌లోనే మంచు ప్రభావం ప్రారంభమైంది. పిచ్ మరింత ఫ్లాట్‌గా మారిపోవడంతో బంతి బ్యాట్‌పైకి చక్కగా వచ్చింది. కివీస్ బ్యాటర్లు దూకుడుగా ఆడి 225 పరుగుల భారీ స్కోర్ సాధించారు. ఈ విషయంలో వారికి క్రెడిట్ ఇవ్వాల్సిందే.220కి పైగా లక్ష్యాన్ని ఛేదించేటప్పుడు కచ్చితంగా మంచి ఆరంభం లభించాలి. మా ఓపెనర్లు అభిషేక్, సంజూ మరోసారి మాకు అదిరిపోయే ఆరంభాన్ని అందించారు. మొదటి ఆరు ఓవర్లలోనే 90-95 పరుగులు సాధించడం నిజంగా గ్రేట్‌" అని అయ్యర్ కొనియాడాడు.మా ఓపెనర్లు అద్భుతం..వారిద్దరికీ ఈ ఫార్మాట్‌లో అపారమైన అనుభవం ఉంది. ఇలాంటి పరిస్థితులను వారు చాలాసార్లు ఎదుర్కొన్నారు. కాబట్టి, వారికి ఎలా ఆడాలో ప్రత్యేకంగా చెప్పాల్సిన అవసరం లేదు. వారికి ఏమి చేయాలో బాగా తెలుసు. ఒక్కసారి రిథమ్ అందుకుంటే వారిని ఆపడం ఎవరి తరం కాదు. అది మరోసారి ఈ మ్యాచ్‌లో రుజువైంది. కొన్నిసార్లు వారు విఫలమవ్వొచ్చు, కానీ చాలా సందర్భాల్లో మాకు ఘన ఆరంభాన్ని అందిస్తూనే ఉన్నారు. ఆ తర్వాత మేము క్రీజులోకి వచ్చి ఇన్నింగ్స్‌ను ముందుకు తీసుకెళ్లి, మ్యాచ్‌ను విజయవంతంగా ముగిస్తాము అని అయ్యర్ పేర్కొన్నాడు. ఈ మ్యాచ్‌లో కీల‌క నాక్ ఆడిన న‌మ‌న్ ధీర్‌పై శ్రేయ‌స్ ప్ర‌శంస‌ల వ‌ర్షం కురిపించాడు."న్యూజిలాండ్‌లో కొందరికి నమన్ ధీర్‌ను మైదానంలో చూడటం ఇదే మొదటిసారి కావచ్చు. కానీ, అతడొక సంచలనం. నమన్ మరోసారి తన టాలెంట్‌ను నిరూపించుకున్నాడు. అతడు బ్యాట్‌తో పాటు బంతితో కూడా అద్భుతాలు చేయగలడు. కచ్చితంగా అలాంటి ఆటగాడు ప్రతీ జట్టుకూ అవసరం. అతడు వేసే రెండు, మూడు కీలమ ఓవర్లు మ్యాచ్ స్వభావాన్నే మార్చగలవు" అని పోస్ట్ మ్యాచ్ ప్రెజెంటేషన్‌లో అయ్యర్ చెప్పుకొచ్చాడు

క్రైస్ట్‌చర్చ్ వేదికగా న్యూజిలాండ్‌తో జరిగిన తొలి టీ20లో శ్రేయస్ అయ్యర్ నేతృత్వంలోని టీమిండియా 4 వికెట్ల అద్భుత విజయం సాధించింది. 226 పరుగుల భారీ లక్ష్యాన్ని భారత జట్టు సరికొత్త చరిత్రను లిఖించుకుంది. టీ20ల్లో టీమిండియాకు ఇదే అత్యధిక విజయవంతమైన లక్ష్య చేధన కావడం విశేషం. ఇంతకుముందు భారత్ రికార్డు ఛేదన 209 పరుగులుగా ఉండగా.. తాజా మ్యాచ్‌తో తన రికార్డును మెన్ ఇన్ బ్లూ మెరుపరుచుకుంది.టీ20ల్లో టీమిండియా రికార్డ్ ల‌క్ష్య చేధ‌న‌లు ఇవే226 vs న్యూజిలాండ్, క్రైస్ట్‌చర్చ్ (2026)209 vs ఆస్ట్రేలియా, విశాఖపట్నం (2023)209 vs న్యూజిలాండ్, రాయ్‌పూర్ (2026)208 vs వెస్టిండీస్, హైదరాబాద్ (2019)207 vs శ్రీలంక, మొహాలీ (2009)204 vs న్యూజిలాండ్, ఆక్లాండ్ (2020)అదేవిధంగా టీ20ల్లో న్యూజిలాండ్‌పై సెకండ్ హయ్యెస్ట్ ఛేజ్ జ‌ట్టుగా భార‌త్ నిలిచింది. 2018లో ఆక్లాండ్ వేదికగా జరిగిన మ్యాచ్‌లో న్యూజిలాండ్‌పై ఆస్ట్రేలియా 245 పరుగుల భారీ లక్ష్యాన్ని ఛేదించింది.సంజూ, న‌మ‌న్ మెరుపులుకాగా ఈ మ్యాచ్‌లో కివీస్ నిర్ధేశించిన 226 ప‌రుగుల ల‌క్ష్యాన్ని భార‌త్ 6 వికెట్లు కోల్పోయి 19.4 ఓవ‌ర్ల‌లో చేధించింది. ఈ విజ‌యంలో సంజూ శాంస‌న్ (33 బంతుల్లో 8 ఫోర్లు, 4 సిక్స్‌లతో 67 నాటౌట్), శ్రేయస్ అయ్యర్(28 బంతుల్లో ఫోర్, 2 సిక్స్‌లతో 42), నమన్ ధీర్(15 బంతుల్లో 5 ఫోర్లు, 2 సిక్స్‌లతో 42 నాటౌట్) కీల‌క పాత్ర పోషించాడు. న్యూజిలాండ్ బౌలర్లలో మైఖేల్ బ్రేస్ వెల్, మిచెల్ సాంట్నర్ రెండేసి వికెట్లు తీయగా.. లాకీ ఫెర్గూసన్, ఆడమ్ మిల్నే చెరో వికెట్ పడగొట్టారు.చదవండి: IND vs NZ: ఇన్నాళ్లు ఎక్క‌డ వున్నావు బ్రో..! టీమిండియాకు దొరికిన అణిముత్యం

టీమిండియాకు మరో అసలు సిసలైన ఆల్‌రౌండర్ దొరికేశాడు. ఇటు బ్యాటింగ్‌లోనూ అటు బౌలింగ్‌లోనూ ఇరగదీస్తున్నాడు. అనుహ్యంగా భారత టీ20 జట్టులోకి వచ్చిన ఈ యువ ఆట‌గాడు ఇప్పుడు తన స్ధానాన్ని సుస్థిరం చేసుకునే పనిలో ఉన్నాడు. అతడే పంజాబ్‌కు చెందిన ఆల్‌రౌండర్ నమన్ ధీర్‌. క్రైస్ట్‌చర్చ్ వేదికగా న్యూజిలాండ్‌తో జరిగిన తొలి టీ20లో నమన్ అద్భుతమైన ప్రదర్శన కనబరిచాడు. ఓటమి తప్పదనుకున్న తరుణంలో తన సంచలన బ్యాటింగ్‌తో జట్టుకు చిరస్మరణీయ విజయాన్ని అందించాడు.నమన్ వీరోచిత ఇన్నింగ్స్‌226 ప‌రుగుల ల‌క్ష్య చేధ‌న‌లో ఓపెన‌ర్లు సంజూ శాస‌న్‌, అభిషేక్ శ‌ర్మ మెరుపు ఆరంభం అందించిన‌ప్ప‌టికి.. మిడిలార్డ‌ర్ విఫ‌లం కావ‌డంతో భార‌త్ క‌ష్టాల్లో ప‌డింది. చివ‌రి 5 ఓవ‌ర్ల‌లో భార‌త విజ‌యానికి 60 ప‌రుగులు అవ‌స‌ర‌మైన స‌మ‌యంలో క్రీజులోకి వ‌చ్చిన న‌మ‌న్ ధీర్ అద్భుతమైన ప్ర‌ద‌ర్శ‌న క‌న‌బ‌రిచాడు.కెప్టెన్ శ్రేయ‌స్ అయ్య‌ర్ ఔటైన‌ప్ప‌టికి న‌మ‌న్ మాత్రం ఆఖ‌రి వ‌ర‌కు అజేయంగా నిలిచి మ్యాచ్‌ను ముగించాడు. కేవ‌లం 15 బంతుల్లోనే 5 ఫోర్లు, 2 సిక్స్‌ల‌తో 42 ప‌రుగులు చేశాడు. దీంతో అత‌డిపై స‌ర్వాత్ర ప్ర‌శంస‌ల వ‌ర్షం కురుస్తోంది. టీమిండియాకు సరైన ఆల్‌రౌండర్ దొరికేశాడని సోషల్ మీడియాలో పోస్ట్‌లు పెడుతున్నారు.విండీస్ సిరీస్‌లో అరంగేట్రంవాస్తవానికి భారత టీ20 జట్టులోకి నమన్ వస్తాడని ఎవరూ ఊహించలేదు. వెస్టిండీస్‌తో వన్డే సిరీస్‌కు మాత్రం అతడిన తొలుత సెలక్టర్లు ఎంపిక చేశారు. కానీ కరేబియన్ టీ20 సిరీస్‌కు ముందు భారత జట్టులో అనుహ్య మార్పు చోటు చేసుకుంది. ఆ సిరీస్ నుంచి వాషింగ్టన్ సుందర్‌ను తప్పించిన బీసీసీఐ సెలక్షన్ కమిటీ.. నమన్ ధీర్‌కు పిలుపు నిచ్చింది. ఈ క్రమంలో తనకు దక్కిన అవకాశాన్ని రెండు చేతులా అందిపుచ్చుకున్న నమన్.. కివీస్ పర్యటనకు కూడా ఎంపికయ్యాడు. ఇప్పుడు న్యూజిలాండ్ గడ్డపై కూడా తన మార్క్ చూపించి సెలక్టర్ల నమ్మకాన్ని పూర్తిస్థాయిలో నిలబెట్టుకున్నాడు.ఐపీఎల్‌లో అదుర్స్‌ఈ పంజాబ్ ఆల్‌రౌండర్ ఇప్పటికే ఐపీఎల్‌లో ముంబై ఇండియన్స్ తరఫున కూడా అద్భుతమైన ప్రదర్శన కనబరిచాడు. దేశవాళీ క్రికెట్‌లోనూ నిలకడగా రాణిస్తున్నాడు. ఇటీవల జరిగిన పంజాబ్ టీ20 లీగ్‌లోనూ తన ఆల్‌రౌండ్ ప్రదర్శనతో అదరగొట్టాడు. ఈ క్రమంలోనే జాతీయ సెలక్టర్ల నుంచి పిలుపు అందుకున్నాడు. రైట్ ఆర్మ్ ఆఫ్ బ్రేక్ బౌలింగ్‌తో పాటు లోయర్‌ ఆర్డర్‌లో వచ్చి మెరుపు ఇన్నింగ్స్‌లు ఆడటం నమన్ ధీర్ ప్రత్యేకత.

న్యూజిలాండ్ ప‌ర్య‌ట‌న‌ను టీమిండియా ఘ‌నంగా ప్రారంభించంది. క్రైస్ట్‌చ‌ర్చ్ వేదిక‌గా జ‌రిగిన తొలి టీ20లో ఆతిథ్య కివీస్‌పై 4 వికెట్ల తేడాతో భార‌త్ విజ‌యం సాధించింది. ఆఖరి వరకు నువ్వానేనా అన్నట్లు సాగిన ఈ పోరులో నమన్‌ ధీర్‌ టీమిండియాను గెలిపించాడు. దీంతో ఐదు మ్యాచ్‌ల టీ20 సిరీస్‌లో భారత్ 1-0 ఆధిక్యంలో వెళ్లింది.ఫిలిప్స్ ఊచకోతఈ మ్యాచ్‌లో తొలుత బ్యాటింగ్ చేసిన న్యూజిలాండ్ నిర్ణీత 20 ఓవ‌ర్ల‌లో 4 వికెట్ల నష్టానికి 225 పరుగుల భారీ స్కోర్‌ సాధించింది. కివీస్‌ బ్యాటర్లలో గ్లెన్‌ ఫిలిప్స్‌(40 బంతుల్లో 8 ఫోర్లు, 3 సిక్స్‌లు నాటౌట్‌) టాప్‌ స్కోరర్‌గా నిలవగా.. ఫిన్‌ అలెన్‌(45), బెవాన్‌ జాకబ్స్‌(31) కీలక ఇన్నింగ్స్‌లు ఆడారు. భారత బౌలర్లలో అర్ష్‌దీప్‌ సింగ్‌, అక్షర్‌పటేల్‌, మయాంక్‌ యాదవ్‌ తలా వికెట్‌ పడగొట్టారు.సంజూ చెడుగుడు.. నమన్ మెరుపులుఅనంతరం 226 పరుగుల భారీ లక్ష్యంతో బరిలోకి దిగిన భారత్‌కు ఓపెనర్లు అభిషేక్ శర్మ, సంజూ శాంసన్ శుభారంభం​ అందించారు. వీరిద్దరి ధాటికి భారత్ స్కోర్ పవర్‌ప్లే ముగిసే ఏకంగా 90 పరుగులు దాటింది. అభిషేక్(29) ఔటైనప్పటికి సంజూ మాత్రం తన దూకుడును కొనసాగించాడు. శాంసన్ కేవలం 33 బంతుల్లోనే 67 పరుగులు చేసి పెవిలియన్‌కు చేరాడు. అయితే సంజూ ఔటయ్యాక పరిస్థితి తారుమారైంది.వవరుస ఓవర్లలో సంజూతో పాటు తిలక్ వర్మ (6), ఇషాన్ కిషన్‌ (1) తక్కువ పరుగులకే అవుట్ కావడంతో భారత్ కష్టాల్లో పడింది. . ఈ సమయంలో కెప్టెన్ శ్రేయస్ అయ్యర్‌ (42), అక్షర్ పటేల్‌ (24) బాధ్యతాయుతంగా ఆడి జట్టును తిరిగి గేమ్‌లోకి తీసుకొచ్చారు. . అయితే లక్ష్యానికి చేరువవుతున్న సమయంలో అక్షర్ పటేల్ అవుట్ కావడంతో మళ్లీ మ్యాచ్‌పై ఉత్కంఠ నెలకొంది.ఈ క్లిష్ట సమయంలో క్రీజులోకి వచ్చిన నమన్ ధీర్‌ (15 బంతుల్లో 5 ఫోర్లు, 2 సిక్సర్లతో 42 నాటౌట్) సంచలన బ్యాటింగ్‌తో చెలరేగాడు. శ్రేయస్ అయ్యర్ ఔటైనా ఏమాత్రం తడబడకుండా ఆఖరి వరకు అజేయంగా నిలిచి జ‌ట్టుకు చిరస్మరణీయ విజయాన్ని అందించాడు. ఫలితంగా లక్ష్యాన్ని భారత్‌ 19.4 ఓవర్లలో 6 వికెట్లు కోల్పోయి చేధించింది. టీ20ల్లో అత్యధిక లక్ష్య చేధన కావడం గమనార్హం. ఇక న్యూజిలాండ్ బౌలర్లలో బ్రెస్‌వెల్‌, మిచెల్ శాంట్నర్ తలా రెండు వికెట్లు చొప్పున పడగొట్టారు.చదవండి: IND vs NZ: అభిషేక్ శర్మ ప్రపంచ రికార్డు

టీమిండియా స్టార్ వికెట్ కీపర్ సంజూ శాంసన్ తన అద్భుత ఫామ్‌ను కొనసాగిస్తున్నాడు. క్రైస్ట్‌చర్చ్ వేదికగా న్యూజిలాండ్‌తో జరుగుతున్న తొలి టీ20లో సంజూ విధ్వంసకర ఇన్నింగ్స్ ఆడాడు. 226 పరుగుల భారీ లక్ష్య చేధనలో శాంసన్ ఆకాశమే హద్దుగా చెలరేగాడు. ఈ కేరళ వికెట్ కీపర్ బ్యాటర్ హ్యాగ్లీ ఓవల్ మైదానంలో బౌండరీల వర్షం కురిపించాడు. ఈ క్రమంలో శాంసన్ కేవలం 23 బంతుల్లోనే తన హాఫ్ సెంచరీ మార్క్‌ను అందుకున్నాడు. తద్వారా న్యూజిలాండ్ గడ్డపై భారత తరపున ఫాస్టెస్ట్ టీ20 హాఫ్ సెంచరీ చేసిన ప్లేయర్‌గా సంజూ రికార్డులకెక్కాడు.అంతకుముందు ఈ రికార్డు రోహిత్ శర్మ(28) పేరిట ఉండేది. తాజా నాక్‌తో రోహిత్ ఆల్‌టైమ్ రికార్డును శాంసన్ బ్రేక్ చేశాడు. ఓవరాల్‌గా ఈ మ్యాచ్‌లో 33 బంతులు ఎదుర్కొన్న శాంసన్‌ 8 ఫోర్లు, 4 సిక్స్‌లతో 67 పరుగులు చేసి ఔటయ్యాడు.అదేవిధంగా మరో రికార్డును శాంసన్‌ తన పేరిట లిఖించుకున్నాడు. ఒక క్యాలెండర్‌ ఈయర్‌లో టీ20ల్లో అత్యధిక సార్లు ఏభైకి పైగా పరుగులు సాధించిన నాలుగో భారత ప్లేయర్‌గా సంజూ నిలిచాడు. ఈ సీఎస్‌కే వికెట్ కీపర్ బ్యాటర్ ఈ ఏడాది అంతర్జాతీయ టీ20ల్లో 8 సార్లు ఫిప్టీ ప్లస్ స్కోర్లు నమోదు చేశాడు.చదవండి: IND vs NZ: అభిషేక్ శర్మ ప్రపంచ రికార్డు

టీమిండియా యువ‌ ఓపెన‌ర్ అభిషేక్ శ‌ర్మ మ‌రో వ‌ర‌ల్డ్ రికార్డును త‌న పేరిట లిఖించుకున్నాడు. అంత‌ర్జాతీయ టీ20 క్రికెట్‌లో ఆడిన తొలి బంతికే అత్య‌ధికసార్లు సిక్స‌ర్ బాదిన ప్లేయ‌ర్‌గా అభిషేక్ చ‌రిత్ర సృష్టించాడు. క్రైస్ట్‌చర్చ్ వేదికగా న్యూజిలాండ్‌తో జరుగుతున్న తొలి టీ20లో సిక్సర్‌తో తన పరుగుల ఖాతా తెరిచిన అభిషేక్.. ఈ అరుదైన ఫీట్‌ను సొంతం చేసుకున్నాడు.ఈ పంజాబ్ బ్యాటర్ ఇప్పటివరకు తను ఆడిన తొలి బంతికే 7 సిక్సర్లు బాదాడు. ఇంతకుముందు ఈ రికార్డు అఫ్గానిస్తాన్ ప్లేయర్‌ షఫికుల్లా షిన్వారీ(6) పేరిట ఉండేది. తాజా మ్యాచ్‌తో షిన్వారీ ఆల్‌టైమ్ రికార్డును అభిషేక్ బ్రేక్ చేశాడు.కాగా పొట్టి క్రికెట్‌లో అభిషేక్ తన సూపర్ ఫామ్‌ను కొనసాగిస్తున్నాడు. ఈ మ్యాచ్‌లో కూడా కేవలం 12 బంతుల్లో 29 పరుగులు చేసి భారత్‌కు శుభారంభం అందించాడు. అంత‌కుముందు విండీస్ సిరీస్‌లో కూడా అభిషేక్ సత్తాచాటాడు.ఫిలిప్స్ విధ్వంసంఇక ఈ మ్యాచ్‌లో తొలుత బ్యాటింగ్ చేసిన న్యూజిలాండ్ 4 వికెట్ల నష్టానికి 225 పరుగుల భారీ స్కోర్‌ సాధించింది. కివీస్ బ్యాట‌ర్ల‌లో గ్లెన్‌ ఫిలిప్స్‌ (36 బంతుల్లో 8 ఫోర్లు, 3 సిక్స్‌లతో 82 నాటౌట్‌) టాస్ స్కోర‌ర్‌గా నిల‌వ‌గా.. ఫిన్‌ అలెన్‌ (24 బంతుల్లో 5 ఫోర్లు, 2 సిక్స్‌లతో 45), బెవాన్‌ జాకబ్స్‌ (16 బంతుల్లో 31) రాణించారు. భార‌త బౌల‌ర్ల‌లో అర్ష్‌దీప్‌ సింగ్‌, మయాంక్‌ యాదవ్‌, అక్షర్‌ పటేల్‌ తలా ఒక వికెట్‌ పడగొట్టారు. ల‌క్ష్య చేధ‌న‌లో భార‌త బ్యాట‌ర్లు కూడా దూకుడుగా ఆడుతున్నారు. సంజూ శాంస‌న్ కేవ‌లం 23 బంతుల్లోనే త‌న హాఫ్ సెంచ‌రీ మార్క్‌ను పూర్తి చేసుకున్నాడు.చదవండి: IND vs NZ: రీఎంట్రీలో భువ‌నేశ్వ‌ర్ కుమార్ చెత్త రికార్డు

టీమిండియా వెట‌ర‌న్ పేస‌ర్ భువ‌నేశ్వ‌ర్ కుమార్ త‌న రీఎంట్రీలో తీవ్ర నిరాశ‌ప‌రిచాడు. క్రైస్ట్‌చ‌ర్చ్ వేదిక‌గా న్యూజిలాండ్‌తో జ‌రుగుతున్న తొలి టీ20లో భువీ ఏ మాత్రం ప్ర‌భావం చూప‌లేక‌పోయాడు. కివీస్ ఇన్నింగ్స్ తొలి ఓవ‌ర్‌లో క‌ట్టుదిట్టంగా బౌలింగ్ చేసిన భువ‌నేశ్వ‌ర్‌.. ఆ త‌ర్వాత మాత్రం పూర్తి తేలిపోయాడు.ఈ యూపీ పేస‌ర్ త‌న నాలుగు ఓవ‌ర్ల కోటాలో 49 ప‌రుగులిచ్చి ఒక్క వికెట్ కూడా తీయ‌లేక‌పోయాడు. తన అంతర్జాతీయ టీ20 కెరీర్‌లో ఇది భువ‌నేశ్వ‌ర్‌ న‌మెదు చేసిన రెండో అత్యంత చెత్త బౌలింగ్ గ‌ణాంకాలు కావ‌డం గ‌మ‌నార్హం. అంత‌కుముందు 2022లో మొహాలీ వేదిక‌గా ఆస్ట్రేలియాతో జ‌రిగిన మ్యాచ్‌లో భువ‌నేశ్వ‌ర్ ఒక్క వికెట్ ప‌డ‌గొట్ట‌కుండా 52 ప‌రుగులిచ్చాడు.ఇక ప్ర‌స్తుత మ్యాచ్ విష‌యానికి వ‌స్తే.. టాస్ ఓడి తొలుత బ్యాటింగ్‌కు దిగిన న్యూజిలాండ్ నిర్ణీత 20 ఓవర్లలో 4 వికెట్ల నష్టానికి 225 పరుగుల భారీ స్కోర్‌ సాధించింది. కివీస్ బ్యాట‌ర్ల‌లో గ్లెన్‌ ఫిలిప్స్‌ (36 బంతుల్లో 8 ఫోర్లు, 3 సిక్స్‌లతో 82 నాటౌట్‌) టాస్ స్కోర‌ర్‌గా నిల‌వ‌గా.. ఫిన్‌ అలెన్‌ (24 బంతుల్లో 5 ఫోర్లు, 2 సిక్స్‌లతో 45), బెవాన్‌ జాకబ్స్‌ (16 బంతుల్లో 31) కీల‌క ఇన్నింగ్స్‌లు ఆడారు. భారత బౌలర్లలో అర్ష్‌దీప్‌ సింగ్‌, మయాంక్‌ యాదవ్‌, అక్షర్‌ పటేల్‌ తలా ఒక వికెట్‌ పడగొట్టారు.చదవండి: IND vs NZ: గ్లెన్‌ ఫిలిప్స్‌ విధ్వంసం.. టీమిండియా టార్గెట్‌ 226 పరుగులు

క్రైస్ట్‌చర్చ్‌ వేదికగా టీమిండియాతో జరుగుతున్న తొలి టీ20లో న్యూజిలాండ్‌ బ్యాటర్లు చెలరేగిపోయారు. టాస్‌ ఓడి తొలుత బ్యాటింగ్‌కు దిగిన కివీస్‌ నిర్ణీత 20 ఓవర్లలో 4 వికెట్ల నష్టానికి 225 పరుగుల భారీ స్కోర్‌ సాధించింది. న్యూజిలాండ్‌కు ఎప్పటిలాగే ఓపెనర్లు ఫిన్‌ అలెన్‌ (24 బంతుల్లో 5 ఫోర్లు, 2 సిక్స్‌లతో 45), టిమ్‌ సీఫర్ట్‌ (24) శుభారంభం అందించారు.ఆ తర్వాత మిడిలార్డర్‌లో గ్లెన్‌ ఫిలిప్స్‌ (36 బంతుల్లో 8 ఫోర్లు, 3 సిక్స్‌లతో 82 నాటౌట్‌), బెవాన్‌ జాకబ్స్‌ (16 బంతుల్లో 31) విధ్వంసకర బ్యాటింగ్‌తో చెలరేగారు. ముఖ్యంగా గ్లెన్‌ ఫిలిప్స్‌ మైదానం నలుమూలలా బౌండరీల బాదుతూ భారత బౌలర్లకు చుక్కలు చూపించాడు. అతడిని ఔట్‌ చేయడం బౌలర్లకు ఎవరికీ సాధ్యం కాలేదు.బౌలర్ల వైఫల్యంభారత బౌలర్లలో ఎవరూ పెద్దగా ప్రభావం చూపలేకపోయారు. నాలుగేళ్ల తర్వాత జట్టులోకి పునరాగమనం చేసిన వెటరన్‌ పేసర్‌ భువనేశ్వర్‌ కుమార్‌ నిరాశపరిచాడు. తన నాలుగు ఓవర్ల కోటాలో భువీ 49 పరుగులు సమర్పించుకుని ఒక్క వికెట్‌ సాధించలేకపోయాడు. అర్ష్‌దీప్‌ సింగ్‌, మయాంక్‌ యాదవ్‌, అక్షర్‌ పటేల్‌ తలా ఒక వికెట్‌ పడగొట్టారు.చదవండి: రీఎంట్రీలో వరల్డ్‌ రికార్డు నెలకొల్పిన భువనేశ్వర్‌ కుమార్‌