నిర్మల్‌: జిల్లాలో ఏటా పదుల సంఖ్యలో పాముకాటుతో మృత్యువాత పడుతున్నారు. ఇందులో రైతులు, చిన్నారుల సంఖ్య ఎక్కువగా ఉంటోంది. పొలాల్లో పనులు చేస్తూ కొందరు, ఇంటి పరిసరా ల్లో ఆడుకుంటూ మరికొందరు, రాత్రిళ్లు ఇంట్లో నిద్రపోతుండగా ఇంకొందరు పాము కాటుతో మృతి చెందిన ఘటనలున్నాయి. పాముకాటు వేసిన సమయంలో బాధితులు కంగారులో నాటు వైద్యులను ఆశ్రయిస్తుంటారు. అన్ని ప్రభుత్వ ఆస్పత్రుల్లో పాముకాటు వ్యాక్సిన్‌ అందుబాటులో ఉన్నా మూఢవిశ్వాసాలతో మంత్రాలు చేయించడం, పసరు మందులు వాడుతూ ప్రాణాల మీదకు తెచ్చుకుంటున్నా రు. జిల్లాలో ప్రస్తుతమున్న చల్లని వాతావరణానికి పచ్చని చెట్లు, పొదలు తోడు కావడం, వర్షానికి వరదనీటి ప్రవాహం వస్తుండడంతో పాములు ఆరుబయట విచ్చలవిడిగా సంచరిస్తున్నాయి. జిల్లా కేంద్రంలోని కాలనీల్లో జనావాసాల మధ్య, నిల్వ నీరున్న కుంటల్లో దర్శనమిస్తున్నాయి. కప్పలు, ఎలుకలను వేటాడే క్రమంలో ఇళ్ల సమీపంలో ఉండే గుంతలు, చెట్లపొదల వద్ద ఎక్కువగా సంచరిస్తున్నాయి. ఇలాంటి సందర్భాల్లో అటుగా వెళ్లి ఆడుకుంటున్న చిన్నపిల్లలు పాముకాటుకు గురవుతున్నారు. అంతే కాకుండా ఇళ్ల ముందు, ఆరుబయట నిలిపి ఉంచుతున్న ద్విచక్ర వాహనాలు, కారు ఇంజిన్లు, బస్సుల్లో ఇలా ఎక్కడపడితే అక్కడ పాములు కనిపిస్తుండడంతో జనాలు భయభ్రాంతులకు గురవుతున్నారు. అందుకు సంబంధించిన వీడియోలు కూడా తరచూ సామాజిక మాధ్యమాల్లో వైరల్‌ అవుతున్నాయి. పాము కాటును ఇలా గుర్తించాలి.. పాము కరిస్తే ముందుగా ఏ ప్రాంతంలో కాటు వేసింది.. నేరుగా శరీరంపై కాటు వేసిందా? లేక దుస్తుల పైనుంచి వేసిందా? అనేది పరిశీలించాలి. శరీరంపై కాటు వేస్తే ఎన్నిగాట్లు పడ్డాయో చూడాలి. త్రాచుపాము, కట్లపాము, రక్తపింజర కాటేస్తే రెండు గాట్లు పడుతాయి. అంతకంటే ఎక్కువ గాట్లు కనిపిస్తే అది సాధారణ పాముగా గుర్తించవచ్చు. విష సర్పం కాటేస్తే సూదితో గుచ్చితే చుక్కగా రక్తం వచ్చినట్లు ఉంటుంది. కరిచిన చోట రెండు రక్తపు చుక్కలు కనిపిస్తాయి. ఇవీ.. జాగ్రత్తలు పొలం పనులకు వెళ్లే రైతులు, అడవుల్లో పశువుల వెంట తిరిగేవారు పాముకాటుకు గురికాకుండా జాగ్రత్తలు తీసుకోవాలి. రాత్రిపూట పొలాలకు వెళ్లేటప్పుడు తప్పనిసరిగా టార్చిలైట్‌ వెంట తీసుకెళ్లాలి. పాములు ఎక్కువగా మోకాలు కింది భాగంలో కాటువేస్తాయి. కాబట్టి కాళ్లను కప్పి ఉండే చెప్పులు ధరించాలి. కాళ్ల కిందకు ఉండే దుస్తులు వేసుకోవాలి. కప్పలు, ఎలుకలు ఎక్కువగా ఉండే చోట పాములు ఎక్కువగా సంచరిస్తుంటాయి. అది దృష్టిలో పెట్టుకుని పనులు చేసుకోవాలి. ఎవరైనా పాముకాటుకు గురైతే ఆందోళనకు గురికాకుండా వెంటనే దగ్గరలోని ప్రభుత్వ ఆస్పత్రికి తీసుకెళ్లాలి. ప్రథమ చికిత్స ఇలా.. పాముకాటు వేసినప్పుడు నోరు లేదా బ్లేడ్‌తో గాటు పెట్టకూడదు. కంగారులో నాటువైద్యులను ఆశ్రయించవద్దు. పాము కాటు వేసిన చోట సబ్బుతో శుభ్రంగా కడగాలి. పాముకాటుకు గురైన వ్యక్తికి ప్రమాదం ఏమీ లేదని చెప్పాలి. కాటు వేసిన భాగంలోని మూడు అంగుళాల పైభాగాన గుడ్డతో కట్టాలి. మందులు అందుబాటులో ఉంచాం అన్ని ప్రభుత్వ దవా ఖానలు, పీహెచ్‌సీల్లో పాముకాటుకు సంబంధించిన యాంటీ స్నేక్‌ వీనం మందులు అందుబాటులో ఉంచాం. పాము కాటేస్తే దాని లక్షణాలు గుర్తించి వెంటనే చికిత్స పొందితే ప్రాణాపాయం నుంచి బయటపడొచ్చు. ఏటా పాముకాటు మరణాలు సంభవిస్తూనే ఉన్నాయి. వానాకాలం జాగ్రత్తగా ఉండడం మంచిది. పరిసరాలు పరిశుభ్రంగా ఉంచుకోవాలి.  – ధన్‌రాజ్‌, జిల్లా వైద్యాధికారి

ముంబై: అనధికార భవనాలు కారణంగా ఒక్క అమాయకుడి ప్రాణాలు పోయిన ఉరుకోమని బాంబే హైకోర్టు స్పష్టం చేసింది. అటువంటి నిర్మాణాల వల్ల కలిగే ప్రమాదాలను తీవ్రంగా పరిగణిస్తున్నట్లు పేర్కొంది. ముంబైలో అనేక కుటుంబాలు నివశిస్తున్న తొమ్మిది అనధికార భవనాలను కూల్చివేయాలంటూ... ధానేకి చెందిన ముగ్గురు నివాశితులు పిటిషిన్‌ దాఖలు చేసిన సంగతి తెలిసిందే. ఈ నేపథ్యంలోనే చీఫ్‌ జస్టీస్‌ దీపాంకర్‌ దత్తా, జస్టిస్‌ ఎంఎస్‌ కార్నిక్‌లతో కూడిన ధర్మాసనం విచారించిన సందర్భంగా ఈ కీలక వ్యాఖ్యలు చేసింది. 1998 నాటి ప్రభుత్వ తీర్మానం ఇప్పటికీ అమలులో ఉందన్న విషయాన్ని ధర్మాసనం రాష్ట్ర ప్రభుత్వానికి గుర్తుచేసింది. అయినా వర్షాల సమయంలో అనధికార నిర్మాణాలను పౌర అధికారులు ఎందుకు కూల్చివేయడం లేదని రాష్ట్ర ప్రభుత్వాన్ని ప్రశ్నించింది. ఐతే థానే మునిసిపల్ కార్పొరేషన్ (టిఎంసీ) అనధికార నిర్మాణాలకు అనేక కూల్చివేత నోటీసులు అందించినప్పటికీ, నివాసితులు అక్కడ నివశిస్తున్నారని పిటిషనర్ల తరుపు న్యాయవాది నీతా కర్ణిక్‌ పేర్కొన్నారు. ఈ మేరకు టీఎంసీ తరుఫు న్యాయవాది రామ్ ఆప్టే, తొమ్మిది భవనాలను కూల్చివేతలకు పౌర సంఘం అనేక నోటీసులు పంపిందని, అయితే నివాసితులు ఖాళీ చేయడానికి నిరాకరించారని ధర్మాసనానికి తెలిపారు. ఇదిలా ఉండగా సంబంధిత భవనాల తరుఫు న్యాయవాది సుహాస్ ఓక్ మానవతా దృక్పథంతో వ్యవహరించి కనీసం వర్షాకాలం ముగిసే వరకు భవనాలను కూల్చివేయకుండా టీఎంసీని ఆపాలని కోర్టును కోరారు. దీనికి ప్రతి స్పందనగా ధర్మాసనం ..." మేము మానవతా దృక్పథంతో వ్యవహరించే అనధికారిక భవనాల వల్ల ఒక్క అమాయకుడి ప్రాణం పోకూడదని అనుకుంటున్నాం. వారంతా సురక్షిత ప్రదేశంలో ఉండాలని ఆశిస్తున్నాం. అంతేకాదు ఒక్క భవనం కూలిపోతే అనేక ప్రాణాలు పోవడమే కాదు, పక్కనున్న భవనాలను కూడా నేలమట్టం చేయవచ్చు అని  వెల్లడించింది. అదీగాక డిసెంబరు 2021లోనే ఈ కేసుని సుమోటాగా తీసుకుంటూ రాష్ట్రవ్యాప్తంగా ప్రభుత్వ భూముల్లో ఉన్న అనధికార భవనాలన్నింటినీ కూల్చివేయాలని..ఒక ఉత్తర్వును కూడా జారీ చేసినట్లు ధర్మాసనం పేర్కొంది. అయినప్పటికీ నివాసితులు దీన్ని అర్థం చేసుకోవడం లేదంటూ చివాట్లు పెట్టింది.  అంతేకాదు సంబంధిత భవనాల్లో ఉంటున్న నివాసితులందరూ ఆగస్టు 31లోగా ఖాళీ చేస్తామని హామీ ఇవ్వాలని కూడా స్పష్టం చేసింది. మరోవైపు టీఎంసీని కూడా ఆగస్టు 31 దాక భవనాలను కూల్చివేయద్దని ధర్మాసనం ఆదేశించింది. సాధ్యమైనంతవరకు ఈ ఉత్తర్వును త్వరితగతిన అమలు చేయాలని మహారాష్ట్ర ప్రభుత్వానికి స్పష్టం చేసింది. ఐతే ఇలాంటి అనధికార భవనాలు ముంబైలో సుమారు 30 దాక ఉన్నట్లు సమాచారం. (చదవండి: ఆ కారు రిజిస్ట్రేషన్‌ నెంబర్‌ చూసి షాక్‌ అయిన పోలీసులు: ఫోటోలు వైరల్‌)  

గుత్తి: అమాయకులను మోసం చేసి వారి బ్యాంక్‌ ఖాతాల్లోని నగదును ఏటీఎంల ద్వారా అపహరిస్తున్న ఇద్దరు అంతర్‌ జిల్లా దొంగలను గుత్తి పోలీసులు అరెస్ట్‌ చేశారు. స్థానిక పోలీసు స్టేషన్‌లో ఆదివారం ఏర్పాటు చేసిన విలేకరుల సమావేశంలో నిందితుల వివరాలను సీఐ శ్యామరావు వెల్లడించారు. శ్రీసత్యసాయి జిల్లా ముదిగుబ్బకు చెందిన విజయకుమార్‌ నాయక్, తనకల్లు మండలం ఏనుగుండుతండా గ్రామానికి చెందిన శ్రీకాంత్‌ నాయక్‌ జల్సాలకు అలవాటు పడి సులువుగా డబ్బు సంపాదించేందుకు మోసాలకు తెరలేపారు. ఏటీఎంల వద్ద మకాం వేసి నగదు తీయడం రాని అమాయకులకు సాయం చేస్తున్నట్లుగా నటిస్తూ పిన్‌ నంబర్‌ తెలుసుకున్న తర్వాత డూప్లికేట్‌ ఏటీఎం కార్డు ఇచ్చి ఒరిజనల్‌ కార్డు దాచేస్తారు. అనంతరం ఆ కార్డులోని నగదును అపహరిస్తారు. ఈ క్రమంలో ఆదివారం ఉదయం గుత్తిలోని ఎస్‌బీఐ ఏటీఎం వద్ద అమాయకుడిని మోసం చేసి కాజేసిన ఏటీఎం కార్డుతో డబ్బు డ్రా చేస్తుండగా పోలీసులు గుర్తించి అదుపులోకి తీసుకున్నారు. విచారణలో కర్నూలు, అనంతపురం, వైఎస్సార్‌ జిల్లాలో ఇదే తరహాలో పలువురిని మోసం చేసినట్లు వెలుగు చూసింది. నిందితుల నుంచి రూ.75వేల నగదు, 14 ఏటీఎం కార్డులు, మూడు సెల్‌ఫోన్లు, ఓ ద్విచక్ర వాహనాన్ని స్వాధీనం చేసుకుని కేసు నమోదు చేశారు.     (చదవండి: ప్రియుడే కాలయముడు)

సాక్షి హైదరాబాద్‌: ఆన్‌లైన్‌ ట్రేడింగ్‌ పేరుతో అమాయకులను బురిడీ కొట్టిస్తూ అందినకాడికి దండుకుంటున్న ఇద్దరు సైబర్‌ నేరస్తులను రాచకొండ సైబర్‌ క్రైమ్‌ పోలీసులు అరెస్ట్‌ చేశారు. సైబర్‌ క్రైమ్స్‌ ఏసీపీ ఎస్‌. హరినాథ్‌ కథనం మేరకు వివరాలిలా ఉన్నాయి..  మల్కజ్‌గిరికి చెందిన ప్రైవేట్‌ ఉద్యోగి నోరి సుబ్రమణ్యం లండన్‌కు చెందిన ట్రేడ్‌ క్లిఫ్‌ ఇన్వెస్ట్‌మెంట్‌ లిమిటెడ్‌ కంపెనీపై సోషల్‌ మీడియాలో ఓ పోస్ట్‌ను చూశాడు. తక్కువ సమయంలో ఎక్కువ డబ్బు సంపాదించవచ్చనే ప్రకటన చూసి, ఆకర్షితుడైన అతను గతేడాది ఏప్రిల్‌ 2న తన పేరు నమోదు చేసుకున్నాడు. దీంతో అతనికి యూజర్‌ ఐడీ, పాస్‌వర్డ్‌ వచ్చింది. ఆ తర్వాత బాధితుడు తన బ్యాంక్‌ ఖాతా నుంచి రూ.3,07,800 నగదును అకౌంట్‌ నంబర్‌: 020405010053, ఐఎఫ్‌ఎస్‌సీ: ఐసీఐసీ0000204కు బదిలీ చేశాడు. తన తల్లి ఖాతాను క్రియేట్‌ చేసి మరోసారి రూ.3,07,800 నగదును కూడా పంపించాడు. ఇలా 20 రోజుల వ్యవధిలో వివిధ పేర్లతో ఖాతాలు తెరిచి ఆరు లావాదేవీల్లో రూ.8,20,800 సొమ్మును నిందితుల బ్యాంక్‌ ఖాతాకు బదిలీ చేశాడు. ఇదే సమయంలో బాధితుడు సుబ్రమణ్యంకు ట్రేడ్‌ క్లిఫ్‌ వెబ్‌సైట్‌ను సృష్టించిన వ్యక్తే క్రిప్టో గ్లోబల్‌ (డబ్ల్యూడబ్ల్యూడబ్ల్యూ.క్రిప్టోజీపీఆర్‌వో.కామ్‌) వెబ్‌సైట్‌ను కూడా క్రియేట్‌ చేసినట్లు తెలిసింది. ఈ వెబ్‌సైట్‌ను తన స్నేహితుడు సరూర్‌నగర్‌కు చెందిన ముక్తా నగేష్‌కు సూచించాడు. దీంతో ఈయన మూడు లావాదేవీల్లో అదే ఖాతా నంబర్‌కు రూ.3,06,180 నగదు బదిలీ చేశాడు. అయితే నగదు జమ అయ్యాక అటువైపు నుంచి నిందితుడు స్పందించడం మానేశారు. దీంతో తాము మోసపోయామని గ్రహించిన బాధితులు.. గతేడాది జూన్‌ 7న రాచకొండ సైబర్‌ క్రైమ్‌ పోలీసులను ఆశ్రయించారు. మొత్తంగా ఇద్దరు బాధితుల నుంచి రూ.11,26,980 నగదును మోసగాళ్లు కొట్టేశారు.  దర్యాప్తు చేపట్టిన పోలీసులు.. బ్యాంక్‌ ఖాతా నంబర్లు, ఇతర ఏజెన్సీల నుంచి సాంకేతిక ఆధారాలు సేకరించారు. విశ్వసనీయ సమాచారం మేరకు అత్తాపూర్, నలంద నగర్‌లో ఉంటున్న బండ్లమూడి రవి, వేములవాడ రఘులను బుధవారం అరెస్ట్‌ చేశారు. వీరి నుంచి ల్యాప్‌టాప్, మూడు సెల్‌ఫోన్లు, మూడు చెక్‌ బుక్‌లు, పాస్‌బుక్‌లను స్వాధీనం చేసుకున్నారు.  లక్నోకు చెందిన అన్నదమ్ములు వీర్‌ సింగ్, సందీప్‌లతో పరిచయం ఏర్పడ్డాక.. గత కొన్నేళ్లుగా రవి మల్టీలెవల్‌ మార్కెటింగ్‌ పేరిట అమాయకులను మోసం చేయడం మొదలుపెట్టాడు. ఈ క్రమంలో వేములవాడ రఘుతో స్నేహం ఏర్పడింది. ఇద్దరు కలిసి ట్రేడింగ్‌ వ్యాపారం పేరిట జనాలను మోసం చేయాలని నిర్ణయించుకున్నారు. మాస్టర్‌ ట్రేడర్స్, సూపర్‌ ఆన్‌లైన్‌ సర్వీసెస్, ట్రేడ్‌ క్లిఫ్, వాజిరాక్స్‌ ట్రేడింగ్‌ వెబ్‌సైట్లను సృష్టించారు. ఆయా లావాదేవీలను నిర్వహించేందుకు హైదరాబాద్‌తో పాటు బెంగళూరు, గోవాలతో బ్యాంక్‌ ఖాతాలను తెరిచారు.   రవి ఫేస్‌బుక్, ట్విటర్, ఇన్‌స్ట్రాగామ్‌ వంటి సోషల్‌ మీడియాలో ట్రేడింగ్‌ ఇన్వెస్ట్‌మెంట్స్‌పై విపరీతమైన ప్రచారం చేసేవాడు. మల్టీలెవల్‌ మార్కెటింగ్‌ స్కీమ్‌ల ద్వారా తక్కువ సమయంలో ఎక్కువ డబ్బులు సంపాదించవచ్చని పోస్ట్‌లు చేస్తుండేవాడు. వీటిని నమ్మిన అమాయకుల నుంచి అందినకాడికి దండుకొని వెబ్‌సైట్‌ను మూసేసి... కొత్త వెబ్‌సైట్‌ ప్రారంభించేవారు. కాజేసిన సొమ్ములో రవి, రఘు, వీర్‌సింగ్‌ సమాన వాటాలు పంచుకునేవాళ్లు. సందీప్‌ సింగ్‌ ట్రేడింగ్‌ ఖాతాలను సమకూర్చినందుకు గాను కమీషన్‌ ఇచ్చేవారు.   (చదవండి: ఒక్క ఫోన్‌ నెంబర్‌తో లూటీ... రెచ్చిపోయిన సైబర్‌ నేరగాళ్లు)

సాక్షి, జగిత్యాల(కరీంనగర్‌): సమాజాం శాస్త్ర, సాంకేతిక రంగాల్లో సైబర్‌ వేగంతో ముందుకు సాగుతోంది. కొందరు తమ ప్రతిభకు పదును పెడుతూ నైపుణ్యం పెంచుకుంటున్నారు. అనేక ఆవిష్కరణలతో అబ్బురపరుస్తున్నారు. ఇదేస్థాయిలో కొందరు మూఢనమ్మకాలతో అమాయకులను అంతం చేస్తున్నారు. మంత్రాలు, చేతబడులు.. ఇలా ఏవేవో కారణాలు చూపుతూ గిట్టనివారిని చంపేస్తున్నారు. గత మూడేళ్లలో జిల్లావ్యాప్తంగా ఇలాంటి కారణాలతో 9మందిని హత్యచేశారు.  అనారోగ్యమైనా, ఆర్థిక సమస్యలు తలెత్తినా.. వాతావరణ సమతుల్యత దెబ్బతినడం, పరిసరాల అపరిశుభ్రత తదితర కారణాలతో, సీజనల్, దీర్ఘకాలిక వ్యాధులు, కరోనా తదితర వైరస్‌ల ఉధృతి పెరుగుతోంది. ఇందుకు సామాజిక రుగ్మతలూ తోడవుతున్నాయి. వీటిబారినపడ్డ కొందరు సమస్యకు శాస్త్రీయ పరిష్కారం వైపు దృష్టి మళ్లించకుండా.. తమకు గిట్టనివారు, అనుమానం ఉన్నవారిని లక్ష్యంగా చేసుకుని హత్యలు చేస్తున్నారని సామాజికవేత్తలు, పోలీసులు చెబుతున్నారు.  మూడేళ్లలో 9 హత్యలు.. ► జిల్లా వ్యాప్తంగా 2019 సంవత్సరంలో 14 మంది హత్యకు గురయ్యారు. ► ఇందులో చేతబడి అనుమానంతో ముగ్గురిని అంతమొందించారు. ► 2020 సంవత్సరంలో 23 హత్యలు కాగా,  అందులో 4 హత్యలు చేతబడి అనుమానంతోనే చోటుచేసుకున్నాయి. ► 2021 సంవత్సరంలో 25 హత్యలు చోటుచేసుకోగా, ఇందులో చేతబడి అనుమానంతో  2హత్యలు జరిగాయని పోలీసు రికార్డులు చెబుతున్నాయి. క్షుద్రపూజలు, భూత వైద్యులు.. జిల్లాలోని మారుమూల పల్లెలతోపాటు ప్రధాన పట్టణాల్లోనూ చాలామంది సామాన్యులు భూతవైద్యులను సంప్రదిస్తున్నారని పోలీసులకు సమాచారం ఉంది. వీరి సూచన మేరకు తమ సమస్యల పరిష్కారం కోసం ప్రజలు క్షుద్రపూజలు చేసేందుకు ముందుకు వస్తున్నారు. అనారోగ్యం బారిన పడినా, వైద్యం చేయించినా నయం కాకపోయినా, ఆర్థికపరమైన సమస్యలతో సతమతమవుతున్నా, సామాజిక రుగ్మతలతో బాధపడుతున్నా.. వాటి పరిష్కారం కోసం కొందరు భూత వైద్యులను సంప్రదిస్తున్నారు. బాధితుల అమాయకత్వాన్ని ఆసరాగా చేసుకుంటున్న భూతవైద్యులు.. ధనార్జనే ధ్యేయంగా క్షుద్రపూజలు చేయిస్తున్నారు. గిట్టనివారు చేతబడి, మంత్రాలు చేస్తున్నారని నమ్మిస్తున్నారు. ఇవన్నీ మనసులో పెట్టుకుంటున్న బాధితులు.. ఆవేశానికి లోనై అమాయకులను చంపేస్తున్నారని సామాజికవేత్తలు ఆందోళన వ్యక్తం చేస్తున్నారు. ఈ క్రమంలోనే జిల్లాలో మూడేళ్లలో తొమ్మిది మంది చనిపోయారు. గత మూడు నెలల వ్యవధిలోనే ఇద్దరు హతమయ్యారు. పోలీసులు, సామాజిక, స్వచ్ఛంద సంస్థల ప్రతినిధులు మూఢనమ్మకాలపై ప్రజల్లో అవగాహన కల్పిస్తున్నా ప్రయోజనం లేకుండా పోతోంది. పరిష్కారంపై దృష్టి పెట్టాలి అనారోగ్య సమస్యలు తలెత్తితే నిపుణులైన వైద్యులను సంప్రదించాలి. ప్రస్తుతం వైద్యరంగంలో అనేక మార్పులు వస్తున్నాయి. ప్రాణాలు కాపాడేందుకు వైద్యులు ఎంతో శ్రమకోర్చుతూ ఆధునిక వైద్యం అందిస్తున్నారు. ఇలాంటి వైద్యం వైపు దృష్టి పెట్టాలి. శాస్త్రీయ పరిష్కారం కోసం ఆర్థికపరమైన, సామాజికపరమైన సమస్యలనూ అవగాహనతో సమర్థవంతంగా ఎదర్కోవాలి. అంతేకానీ, మంత్రాలు, చేతబడులు అంటూ మూఢనమ్మకాలవైపు వెళ్లొద్దు. మూఢనమ్మకాలపై ప్రజలను చైతన్యవంతం చేసేందుకు పోలీసు శాఖ ఆధ్వర్యంలో క్రమం తప్పకుండా అవగాహన సదస్సులు నిర్వహిస్తున్నాం.  – సింధూశర్మ, ఎస్పీ చదవండి: మద్యంప్రియుల్లో ‘నయా’ జోష్‌ .. తాగండి.. ఊగండి..! కానీ

సాక్షి, బనశంకరి(కర్ణాటక): సైబర్‌ నేరగాళ్లు తీయని మాటలతో అమాయకులను దోచేస్తున్నారు. బిస్కెట్‌ కంపెనీ పిల్లలకు నిర్వహిస్తున్న కమర్షియల్‌ స్టార్‌ అనే పోటీలో అవకాశమిప్పిస్తామని రూ.16.7 లక్షలు కైంకర్యం చేశారు. వైట్‌ఫీల్డ్‌ వాసి అమిత్‌ తల్వార్‌ ఇచ్చిన ఫిర్యాదు మేరకు జనీస్, రిషి కపూర్‌ అనే ఇద్దరి కోసం గాలిస్తున్నట్లు సైబర్‌క్రైం పోలీసులు తెలిపారు. అమిత్‌ తల్వార్‌ను సంప్రదించిన ఈ ఇద్దరూ మీ పాపను ప్రముఖ బిస్కెట్‌ కంపెనీ నిర్వహిస్తున్న కమర్షియల్‌ స్టార్‌ అనే పోటీలో విజేత అయ్యేలా చూస్తామని, ఖరీదైన బహుమతులు లభిస్తాయని నమ్మించారు. వారి పాప, కుటుంబం ఫోటోలను ఈమెయిల్‌లో తీసుకున్నారు. కొన్నిరోజులకు ఫోన్‌ చేసి మీ కుమార్తె ఎంపికైందని, రెండో రౌండ్‌కు వెళ్లాలని పాప నృత్యం చేసే వీడియోలు తీసుకున్నారు. ఫీజు పేరుతో రూ.1.4 లక్షలు వసూలు చేశారు. ఇలా ఫోటోషూట్, ఫ్యాషన్‌ సామగ్రి కొనుగోలు పేర్లతో పలుదఫాలు రూ.16.7 లక్షల బదిలీ చేసుకున్నారు. చివరకు బాధితునికి అనుమానం వచ్చి ఆరా తీయగా అటువంటి పోటీలు ఏవీ లేవని తేలింది. దీంతో వైట్‌ఫీల్డ్‌ సైబర్‌ క్రైం పీఎస్‌లో ఫిర్యాదు చేశాడు.  చదవండి: విషాదం: తమ్ముడిని కాల్చి చంపి.. తను ఆత్మహత్య

సాక్షి, త్రిపురారం(నల్లగొండ): టీవీలో యాంకర్‌ చాన్స్‌లు, జ్యోతిష్యం, ఉద్యోగాలు, కంపెనీల్లో వాటాలు ఇప్పిస్తానంటూ మోసాలకు పాల్పడుతున్న వ్యక్తిని త్రిపురారం పోలీసులు గురువారం అరెస్ట్‌ చేశారు. ఎస్‌ఐ రామ్మూర్తి తెలిపిన వివరాల ప్రకారం.. రైల్వేలో ఉద్యోగం ఇప్పిస్తానని చెప్పి ఇటీవల రూ.6లక్షల50వేలు తీసుకొని మోసం చేశాడని మండలంలోని లోక్యాతండాకు చెందిన మెగావత్‌ హనుమంత్‌ ఆంధ్రప్రదేశ్‌ రాష్ట్రం విజయవాడకు చెందిన కోనాల అచ్చిరెడ్డిపై ఫిర్యాదు చేశాడు. ఈమేరకు నిందుతుడిని పోలీసులు అరెస్టు చేసి విచారణ జరిపారు. కోనాల అచ్చిరెడ్డి టీవీలో యాంకర్‌ చాన్స్‌లు, జ్యోతిష్యం, ఉద్యోగాలు, కంపెనీల్లో వాటాలు ఇప్పిస్తానంటూ మోసం చేయడమే వృత్తిగా పెట్టుకున్నాడన్నారు. ఖమ్మంలో ఓ యువతికి టీవీలో యాంకరింగ్, మరో మహిళకు సాఫ్ట్‌వేర్‌ కంపెనీలో ఉద్యో గం, మరో మహిళకు రైల్వే అసిస్టెంట్‌ ఉద్యోగం అంటూ మోసం చేశాడని తెలిపారు. ఇటీవల నల్లగొండ పట్టణంలో హనుమాన్‌ నగర్‌కు చెందిన ఓ యువకుడు, విజయవాడకు చెందిన ఓ యువతికి ప్రముఖ ఎంటర్‌టైన్‌మెంట్‌ టీ వీ చానల్‌ యాంకర్‌ అవకాశం, నల్లగొండలో జ్యోతిష్యం పేరిట మరో వ్యక్తి నుంచి డబ్బులు వసూలు చేసి మోసాలకు పాల్పడ్డాడన్నారు. బాధితుల ఫిర్యాదు మేరకు ఆయా స్టేషన్‌ల్లో సైతం కేసులు నమోదయ్యాయని ఎస్‌ఐ చెప్పారు. ఎస్పీ రంగనాథ్‌ ఆదేశాల మేరకు నిందితుడిపై పీడీ యాక్ట్‌ కేసు నమోదు చేసి వరంగల్‌ సెంట్రల్‌ జైలుకు తరలించినట్లు తెలిపారు.   

సాక్షి, కరీంనగర్‌క్రైం: కరీంనగర్, వరంగల్, జనగామా జిల్లాల్లో అమాయక ప్రజలకు మాయమాటలు చెప్పి.. మోసం చేస్తున్న సికింద్రాబాద్‌ చిలకలగూడకు చెందిన కొవ్వూరి రాజేశ్వర్‌రావు(45) ఊరాఫ్‌ కిరణ్‌రెడ్డి, సురేష్, రాజును కరీంనగర్‌ సీసీఎస్‌ పోలీసులు గురువారం అరెస్ట్‌ చూపారు. ఏసీపీ శ్రీనివాస్‌ వివరాల ప్రకారం.. కొవ్వూరి రాజేశ్వర్‌రావు హన్మకొండలోని అమరావతినగర్‌లో నివాసముంటున్నాడు. అమాయకులను మోసం చేయడమే వృత్తిగా ఎంచుకున్నాడు. ప్రధాన పట్టణాల్లోని ఆస్పత్రుల వద్ద మకాం వేసి అక్కడికి వచ్చే అమయకులకు, వృద్ధులకు సాయం చేస్తున్నట్లు నటించి వారివద్దనున్న బంగారం చోరీ చేస్తుంటాడు. రైల్వేస్టేషన్లు, ఆలయాల వద్ద మకాంవేసి తను దోషాల నివారణకు మార్గం చెప్తానని నమ్మిస్తాడు. తమవద్ద ఉన్న బంగారు ఆభరణాలు ఇమ్మని, వాటికి పూజలు చేస్తానని, ఈ లోపు కాళ్లుకడుక్కుని రమ్మని అక్కడినుంచి పరారవుతాడు. ఇంకా పలురకాల విద్యలు వచ్చని మోసం చేస్తున్నాడు. చోరీచేసిన బంగారు ఆభరణాలను ముణప్పురం, మూత్తుట్‌ వంటి ఫైనాన్స్‌ కంపెనీల్లో తాకట్టుపెట్టి వచ్చిన డబ్బులతో జల్సాలు చేస్తుంటాడు. ఇలా ఆరు నేరాలకు సంబంధించిన ఆభరణాలను హుజూరాబాద్‌లోని మణప్పురంలో, మూడు నేరాలకు సంబంధించిన ఆభరణాలను హన్మకొండ నయిమ్‌నగర్‌లో మణçప్పురంలో, మరోనేరానికి సంబంధించిన వాటిని నయిమ్‌నగర్‌ మూత్తుట్‌ మినీలో తాకట్టు పెట్టాడు. ఈ క్రమంలో పలువురు బాధితులు కరీంనగర్‌ సీపీ కమలాన్‌రెడ్డిని ఆశ్రయించారు. కేసును సీసీఎస్‌ పోలీసులకు అప్పగించారు. సీఐ కిరణ్, సైబర్‌క్రైం ఇన్‌చార్జి మురళి ఆధ్వర్యంలో ప్రత్యేక బృందాన్ని ఏర్పాటుచేశారు. పలు సీసీఫుటేసీలు పరిశీలించగా బాధితులు నిందితుడ్ని గుర్తించారు. సైబర్‌ ల్యాబ్‌ ద్వారా నిందితుడు రాజేశ్వర్‌రావుగా నిర్దారించుకున్నారు. గురువారం ఉదయం జమ్మికుంటలోని డాక్టర్‌స్ట్రీట్‌లో సంచరిస్తుండగా సీఐ కిరణ్, జమ్మికుంట సీఐ సృజన్‌కుమార్‌ ఆధ్వర్యంలో పట్టుకున్నారు. అతడినుంచి రూ.4 లక్షల విలువైన 13 తులాల బంగారం, 2 సెల్‌ఫోన్లు స్వాధీనం చేసుకున్నారు. కేసును ఛేదించిన సీసీఎస్‌ సీఐ కిరణ్, జమ్మికుంట సీఐ సృజన్‌రెడ్డి, సైబర్‌ ల్యాబ్‌ ఇన్‌చార్జి మురళి, సీసీఎస్‌ ఎస్సై కనుకయ్య, సిబ్బందిని సీపీ కమలాసన్‌రెడ్డి అభినందించి రివార్డు అందించారు.   


 నకిలీ బంగారంతో మోసం చేస్తున్న రాజస్థానీ బృందాలు
 సాక్షి, సిటీబ్యూరో: కుర్తా...దోతీ ధరించి, తలపై పాగా పెట్టుకొని... రాజస్థానీ సంస్కృతిని ప్రతిబింబించేలా వస్త్రధారణ చేసుకొని కొందరు కేటుగాళ్లు... వ్యాపారులు, అమాయక ప్రజలను టార్గెట్‌గా చేసుకొని చౌకగా బంగారం అంటూ నకిలీ బంగారం అంటగట్టి పెద్ద మొత్తంలో డబ్బు కొల్లగొడుతున్నారు.   ‘భారీ మొత్తంలో మా పొలాల్లో బంగారం బిస్కెట్లు దొరికాయి...వాటిని మా రాష్ట్రంలో అమ్మితే సమస్యలు ఎదురవుతాయని ఇక్కడకు వచ్చాం. మీకు అసలు ధర కంటే తక్కువగా ఇస్తాం. ఏ పన్ను చెల్లించకుండానే పసిడి మీ సొంతమవుతుంది... భారీగా లాభాలు ఆర్జించవచ్చు ’అని ఈ గ్యాంగ్ సభ్యులు నమ్మబలుకుతుంది. అనంతరం అసలు బంగారం బిస్కెట్ ముక్కలను శాంపిల్‌గా ఇచ్చి అమాయకులను తమ ఉచ్చులోకి లాగుతున్నారు.  
 
 వారిచ్చిన బంగారం ముక్కలను పరీక్షించుకుంటే  వంద శాతం ఫర్‌ఫెక్ట్ పసిడేనని తేలుతుంది. బహిరంగ మార్కెట్లో ఉన్న ధరకు 40 శాతం తక్కువ ధరగా బంగారం ఇస్తామని చెబుతారు. ఉదహరణకు 750 గ్రాముల బంగారు బిస్కెట్‌కు బహిరంగ మార్కెట్లో రూ. 25 లక్షలు ఉంటే వీళ్లు రూ. 15 లక్షలకు బేరానికి పెడతారు. ఒకసారి భారీ మొత్తంలో డబ్బులు చెల్లించని వారు కాస్త సమయం తీసుకొని డబ్బు సర్దుతారు. అప్పుడే ఈ గ్యాంగ్ అంతకు ముందు శాంపిల్ బిస్కెట్ కట్‌చేసిన మాదిరిగానే ఇప్పుడు నకిలీ బిస్కెట్‌లను కట్‌చేసి ఇచ్చి పరీక్ష చేయించుకోమంటుంది. అయితే, అంతకు ముందే కదా పరీక్ష చేయించుకున్నాం.. మళ్లీ ఎందుకులే అని కొందరు ఆ బంగారం ముక్కలను పరీక్షించుకోకుండా డబ్బు చెల్లించి బంగారు బిస్కెట్లను తీసుకుంటున్నారు. తర్వాత అవి నకిలీ బిస్కెట్లు అని తెలిసి లబోదిబోమంటున్నారు.
 
 మేవాడ్ వాళ్లే ఎక్కువ...
 ఈ దొంగల ముఠాలో రాజస్థాన్‌లోని మేవాడ్‌కు చెందిన వారే ఎక్కువగా ఉన్నట్టు తెలుస్తోంది. వీరు ఎక్కువగా ఫలక్‌నుమా ప్యాలెస్ సమీప ప్రాంతాలు, గోల్కొండలోని ఫతే దర్వాజా వద్ద చక్కర్లు కొడుతున్నారు. ఇతర ప్రాంతాల్లోనూ వీరు దందా కొనసాగిస్తున్నారు. హిందువులు, ముస్లింలతో కలిసిపోయినట్టుగా నటిస్తారు. వీరు చూసేందుకు అమాయకంగా కనబడుతున్నా పదుల సంఖ్యలో ముఠాలుగా ఏర్పడి ప్రజలను బంగారం బిస్కెట్ల ఆశ చూపి మోసం చేస్తున్నారు. కొందరిని మోసం చేశాక ఒక్కో గ్రూప్ నుంచి సభ్యులు మరో ముఠాలోకి మారుతుంటారు. ఇలా ఎవరికీ అనుమానం రాకుండా బంగారం పేరుతో కాసులు కొల్లగొడుతున్నారు.
  
 సీపీ చొరవతో...
 ఫలక్‌నుమాకు చెందిన ఓ వ్యాపారి రాజస్థానీ గ్యాంగ్ చేతిలో మోసపోయి స్థానిక పోలీసులకు ఫిర్యాదుచేశాడు. మూడేళ్లు పూర్తయినా కేసులో ఎలాంటి పురోగతి లేకపోవడంతో సదరు వ్యక్తి ఇటీవల హైదరాబాద్ పోలీసు కమిషనర్ మహేందర్‌రెడ్డిని కలిసి పరిస్థితిని వివరించారు. వెంటనే ఆ కేసును సీసీఎస్‌కు బదిలీ చేశారు. సదరు ముఠాలను సాధ్యమైనంత తొందరగా పట్టుకోవాలని అధికారులను ఆదేశించినట్టు సమాచారం.ఇతనొక్కడే కాదు...ఇలా మో సపోయినవారు పెద్ద సంఖ్యలో ఉన్నట్టు తెలుస్తోంది.


 తూర్పుగోదావరి పిఠాపురంలో పోలీసులు దాష్టీకానికి ఒడిగట్టారు. ఇటీవల ఓ హత్య చోటు చేసుకుంది. ఆ హత్య కేసులో పిఠాపురానికి చెందిన చిరువ్యాపారి శ్రీనివాస్కి సంబంధం ఉందని పోలీసులు అనుమానం వ్యక్తం చేశారు. అయితే ఆ హత్య కేసుకు తనకు ఎటువంటి సంబంధం లేదని శ్రీనివాస్ పోలీసులకు తెలిపాడు. అయిన ఆ కేసులో శ్రీనివాస్కు ప్రమేయం ఉందని పోలీసులు అనుమానం వ్యక్తం చేసి, అతన్ని అదుపులోకి తీసుకున్నారు.
  
 అనంతరం అతడిని స్టేషన్కు తీసుకువెళ్లి విచారణ పేరుతో చితకబాదారు. దీంతో అతడు తీవ్రంగా గాయపడ్డాడు. దీంతో అతడిని వైద్య చికిత్స కోసం కాకినాడ ప్రభుత్వ ఆసుపత్రికి తరలించారు. శ్రీనివాస్కు ఆ హత్యతో ప్రమేయం లేదని ఎంత వాదించిన స్టేషన్కు తీసుకువెళ్లారని అతడి కుటుంబ సభ్యులు ఆరోపించారు.