విశాఖ సిటీ: అమెరికాలో జరిగే 90వ ఆస్కార్‌ అవార్డుల ప్రదానోత్స వాల్లో విశాఖపట్నానికి చెందిన రెండు జ్యువెలరీ దుకాణాల నుంచి వజ్రాభరణాలు ప్రదర్శనకు ఎంపికయ్యాయి. విశాఖ లోని వైభవ్‌ జ్యువెలరీస్, పీఎంజే జ్యువెలరీస్‌ సేకరించిన అరుదైన అందమైన ఫరెవర్‌ మార్క్‌ వజ్రాలతో ప్రత్యేకంగా తీర్చిదిద్దిన రెడ్‌ కార్పెట్‌ కలెక్షన్లను ఎంపిక చేశారు. ఏటా ప్రపంచవ్యాప్తంగా అద్భుతమైన ఆభరణాల్ని ఎంపిక చేసి ప్రదర్శిస్తారు. దేశీయ ప్రతిభను అంతర్జాతీయ వేడుకల్లో ఆవిష్కరిస్తామని జ్యువెలరీస్‌ సంస్థల యాజమాన్యాలు తెలిపాయి. 


 శ్రీహరికోట(సూళ్లూరుపేట): భారత అంతరిక్ష ప్రయోగకేంద్రమైన సతీశ్ ధావన్ స్పేస్ సెంటర్ (షార్)లో అక్టోబర్ 4 నుంచి 10 వరకు అంతరిక్ష వారోత్సవాలను నిర్వహించనున్నామని గ్రూప్ డైరెక్టర్, పీఅండ్ పీఆర్‌ఓ పరుచూరి విజయసారథి శుక్రవారం ఒక ప్రకటనలో తెలిపారు. ఈ కార్యక్రమంలో భాగంగా అక్టోబర్ 7, 8 తేదీల్లో ఆంధ్రప్రదేశ్, తెలంగాణల్లో 2015-16 విద్యాసంవత్సరంలో సెంట్రల్ సిలబస్ పదోతరగతిలో జిల్లాస్థాయి టాపర్లకు అంతరిక్ష ప్రయోగాలపై పరీక్షలు నిర్వహించి జీఎస్‌ఎల్‌వీ అవార్డులను అందజేస్తామని చెప్పారు.
  
  అంతరిక్ష కార్యక్రమాలను విద్యార్థుల్లోకి తీసుకెళ్లేందుకు ఈసారి తిరుపతి, విజయవాడలాంటి నగరాల్లో జిల్లా సైన్స్ సహకారంతో వ్యాసరచన, వక్తృత్వం, పెయింటింగ్, క్విజ్‌లు నిర్వహించి విజేతలకు షార్ తరఫున బహుమతి ప్రదానం చేస్తామని చెప్పారు. షార్ కేంద్రం సందర్శించాలనుకున్న వారు 30లోపు ఞఞౌఃటజ్చిట.జౌఠి.జీ అనే అడ్రస్‌కు నమోదు చేసుకోవాలని కోరారు. వారోత్సవాల ముగింపు సందర్భంగా అక్టోబర్ 10న స్థానిక హోలీక్రాస్ సెంటర్ నుంచి రైల్వేస్టేషన్ వరకు ‘అంతరిక్ష నడక’ను కూడా నిర్వహించ తలపెట్టామని చెప్పారు.