ఐపీఎల్‌ 16వ సీజన్‌లో భాగంగా సీఎస్‌కే, లక్నో సూపర్‌జెయింట్స్‌ మధ్య మ్యాచ్‌లో ఒక ఆసక్తికర సన్నివేశం చోటుచేసుకుంది. జడేజా బౌలింగ్ మాయాజాలానికి స్టోయినిస్‌ షాక్‌ అయ్యాడు. తాను ఔటయ్యానా అని సందేహం వ్యక్తం చేయడం ఆసక్తి కలిగించింది. విషయంలోకి వెళితే.. ఇన్నింగ్స్‌ ఏడో ఓవర్‌ జడేజా వేశాడు. ఓవర్‌ ఐదో బంతిని జఫ్పా వేశాడు. జడ్డూ బంతిని లెగ్‌స్టంప్‌ దిశగా వేశాడు. స్టోయినిస్‌ ఫ్లిక్‌ చేద్దామని యత్నించాడు. కానీ బంతి అనూహ్యంగా టర్న్‌ తీసుకొని ఆఫ్‌స్టంప్‌ను ఎగురగొట్టింది. దీంతో స్టోయినిస్‌ క్లీన్‌బౌల్డ్‌ అయ్యాడు. ఈ విషయం తనకు తెలియక పక్కకు జరిగాడు. కానీ అప్పటికే ధోని, జడ్డూ వద్దకు పరిగెత్తుకెళ్లడం చూసి వెనక్కి తిరిగి చూడగా బెయిల్స్‌ కిందపడడంతో షాక్‌ తిన్నాడు. 'ఏంటి నేను ఔటయ్యానా?' అనే సందేహంతో అంపైర్‌వైపు చూడగా ఔట్‌ అని సిగ్నలిచ్చాడు. దీంతో స్టోయినిస్‌ నిరాశగా పెవిలియన్‌ చేరాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. వీడియో చూసిన అభిమానులు తమదైన శైలిలో కామెంట్‌ చేశారు. ''ఔటయ్యానన్న విషయం కూడా తెలియలేదా.. జడ్డూ బౌలింగ్‌ మయాజాలానికి హ్యాట్సాఫ్‌'' అంటూ పేర్కొన్నారు. What a peach from Ravindra Jadeja. Marcus Stoinis' reaction says everything about it! pic.twitter.com/6xooN0BAM1 — Mufaddal Vohra (@mufaddal_vohra) May 3, 2023 చదవండి: అనుభవం ముందు సిక్సర్ల తెవాటియా పనికిరాలేదు


 టాలీవుడ్ ఇండస్ట్రీలో కమెడియన్లుగా స్టార్ ఇమేజ్ సొంతం చేసుకున్న వారందరూ అడపాదడపా హీరోలుగా తమ అదృష్టాన్ని పరీక్షించుకున్నవారే. బ్లాక్ వైట్ కాలం నుంచి ఇప్పటి వరకు ప్రతీ కామెడీ నటుడు ఇదే బాటలో నడుస్తున్నారు. అయితే కొంత మంది హీరోలుగానే కొనసాగే ప్రయత్నం చేసి విఫలమవ్వగా మరికొందరు తిరిగి కామెడీ జానర్లో కంటిన్యూ అయిపోయారు.
 
 అదే బాటలో సీనియర్ కమెడియన్ బ్రహ్మానందం హీరోగా నటించినా.. తనకు స్టార్ ఇమేజ్ తీసుకువచ్చిన కామెడీ క్యారెక్టర్లను మాత్రం పక్కన పెట్టేయలేదు. అప్పట్లో బాబాయ్ హోటల్ లాంటి సినిమాతో తనకు నవ్వించటమే కాదు ఏడిపించటం కూడా తెలుసని ప్రూవ్ చేసుకున్నాడు బ్రహ్మీ. ఆ తరువాత కూడా ఒకటి రెండు సినిమాల్లో లీడ్ రోల్స్ చేసినా.. కమెడియన్గానే కొనసాగుతున్నాడు.
 
 తాజాగా మరోసారి హీరోగా నటించేందుకు రెడీ అవుతున్నాడు బ్రహ్మానందం. ఒక ఊరిలో, వీర, రైడ్ లాంటి సినిమాలతో దర్శకుడిగా గుర్తింపు తెచ్చుకున్న రమేష్ వర్మ నిర్మాతగా స్వీయ దర్శకత్వంలో బ్రహ్మనందం హీరోగా ఓ సినిమాను తెరకెక్కిస్తున్నాడు. గతంలో బ్రహ్మనందం లీడ్ రోల్లో తెరకెక్కిన్న జఫ్ఫా సినిమాకు నిర్మాతగా వ్యవహరించిన రమేష్ వర్మ ఈసారి తన దర్శకత్వంలో బ్రహ్మీ హీరోగా సినిమా చేస్తున్నాడు.


 ‘గబ్బర్‌సింగ్’లో పవన్‌కల్యాణ్ చెప్పిన ‘నాక్కొంచెం తిక్కుంది.. దానికో లెక్కుంది’ డైలాగ్ ఎంతలా పేలిందో, రింగ్‌టోన్‌గా ఎంతలా మార్మోగిందో అందరికీ తెలిసిందే. ఇప్పుడీ డైలాగ్ ఓ సినిమాకు టైటిల్‌గా కూడా అయిపోయింది. సుప్రసిద్ధ హాస్యనటుడు బ్రహ్మానందం హీరోగా రూపొందనున్న ఓ చిత్రానికి ‘నాక్కొంచెం తిక్కుంది... దానికో లెక్కుంది’’ అనే టైటిల్‌ని ఖరారు చేశారు. ఈ సినిమా త్వరలోనే సెట్స్ మీదకు వెళ్లనుంది. ఆ మధ్య బ్రహ్మానందం హీరోగా రూపొందిన ‘జఫ్ఫా’ ఎటువంటి ప్రచారం లేకపోయినా భారీ ప్రారంభ వసూళ్లు సాధించి, ప్రేక్షకుల్లో బ్రహ్మానందానికున్న క్రేజ్‌ని మరోసారి స్పష్టం చేసిన విషయం తెలిసిందే.