నిహార్ కపూర్, నాగార్జున ప్రధాన పాత్రల్లో తెరకెక్కుతోన్న తాజా చిత్రం రికార్డ్ బ్రేక్. ఈ సినిమాకు చదలవాడ శ్రీనివాసరావు దర్శకత్వం వహిస్తున్నారు. శ్రీ తిరుమల తిరుపతి వెంకటేశ్వర ఫిలిమ్స్ బ్యానర్‌పై చదలవాడ పద్మావతి నిర్మిస్తున్నారు. ఇప్పటికే ఈ సినిమాకు సంబంధించిన టీజర్, ట్రైలర్ రిలీజ్ కాగా.. ఆడియన్స్‌ నుంచి అదిరిపోయే రెస్పాన్స్ వచ్చింది. మహాశివరాత్రి సందర్భంగా పాన్ ఇండియా మూవీ రికార్డ్ బ్రేక్ మార్చి 8న ప్రపంచవ్యాప్తంగా విడుదలవుతోంది. ఈ సందర్భంగా చిత్రబృందం మీడియాతో ముచ్చటించారు.ప్రీమియర్ షోలకు వస్తున్న రెస్పాన్స్ చూసి చదలవాడ శ్రీనివాసరావు ఆనందం వ్యక్తం చేశారు. చదలవాడ శ్రీనివాసరావు మాట్లాడుతూ.. 'నా మిత్రుడు నలమాటి వెంకటకృష్ణారావు ఈ సినిమా ప్రీమియర్ షోకు వచ్చి సపోర్ట్ చేయడం నాకు చాలా ఆనందంగా ఉంది. ఇది తెలుగు వాళ్లకు.. సంబంధించిన రైతులకు.. అదేవిధంగా ప్రతి భారతీయుడు చూసి గర్వించదగ్గ సినిమా. అదేవిధంగా పెద్ద హీరోలతో కాకుండా కొత్త వాళ్లతో ఒక మంచి కంటెంట్ ఉన్న సినిమా తీయడం చాలా గర్వంగా అనిపిస్తోంది. నేను పిలవగానే వచ్చిన దర్శకులు విజయేంద్రప్రసాద్, జయసుధ , ఆర్ నారాయణ మూర్తి , రైటర్ చిన్ని కృష్ణ , దర్శకులు చంద్ర మహేష్, సునీల్ రెడ్డికి నా కృతజ్ఞతలు. ఈ సినిమాలోని తల్లి సెంటిమెంట్ గురించి దేశభక్తి గురించి మెచ్చుకోవడం చాలా ఆనందంగా అనిపించింది. ఈ చిత్రం మంచి విజయం చేకూర్చాలని మనస్పూర్తిగా కోరుకుంటున్నా' అని అన్నారు. విజయేంద్ర ప్రసాద్ మాట్లాడుతూ.. 'రికార్డ్ బ్రేక్ చాలా మంచి సినిమా. ఇది ఒక కొత్త అటెంప్ట్. చదలవాడ శ్రీనివాసరావు ధైర్యానికి మెచ్చుకోవచ్చు. ఇది కచ్చితంగా ప్రేక్షకులకు నచ్చే సినిమా అవ్వాలని అవుతుందని మనస్పూర్తిగా కోరుకుంటున్నా' అన్నారు. ఆర్. నారాయణ మూర్తి గారు మాట్లాడుతూ.. తల్లి సెంటిమెంట్ చాలా బాగా చూపించారు. మన పుట్టుక మొదలుకొని మనం ఎక్కడి నుంచి వచ్చాం మన మట్టికిచ్చే వ్యాల్యూ ఏంటి అన్న అంశాలను చాలా బాగా చూపించారు. మన బలం ఏంటి మనం తినే తిండి ఏంటి మనిషి ఎలా ఉండాలి అనే విలువలున్నాయి. ఈ మూవీ కచ్చితంగా రికార్డులు బ్రేక్ చేయాలని మనస్ఫూర్తిగా కోరుకుంటున్నా' అన్నారు. జయసుధ మాట్లాడుతూ.. 'ఈ సినిమాలో నిహార్ నటించడం చాలా ఆనందంగా ఉంది. నా కొడుకు చేశాడని కాకుండా.. ఒక మంచి సినిమా చేసి ప్రేక్షకులకు ముందు తీసుకొస్తున్నారు. ఈ బ్యానర్‌లో నేను చాలా సినిమాల్లో నటించాను. చదలవాడ శ్రీనివాసరావుతో చాలా మంచి అనుబంధం ఉంది. సినిమాలో చాలా మంచి విలువలు ఉన్నాయి. కచ్చితంగా అందరూ చూసి మెచ్చుకునే సినిమా అవుతుంది'అని అన్నారు. కాగా.. ఈ చిత్రంలో సత్య కృష్ణ, ప్రసన్నకుమార్, రగ్ధా ఇఫ్తాకర్, సంజన, శాంతి తివారి, సోనియా, కాశీ విశ్వనాథ్ ప్రధాన పాత్రల్లో నటించారు. 

వైవిధ్య‌మైన క‌థా చిత్రాల‌ను, విభిన్న‌మైన పాత్ర‌ల‌ను ఎంపిక చేసుకుంటూ యంగ్ టాలెంట్‌ను ఎంక‌రేజ్ చేసే క‌థానాయ‌కుడు ల‌క్ష్య్‌. ‘వ‌ల‌యం’ వంటి గ్రిప్పింగ్‌ సస్పెన్స్ థ్రిల్ల‌ర్‌తో ప్రేక్ష‌కుల‌ను మెప్పించిన ఈ హీరో ఇప్పుడు త‌న‌దైన పంథాలో ‘గ్యాంగ్‌స్ట‌ర్ గంగ‌రాజు’ అనే డిఫ‌రెంట్ మూవీతో ఆక‌ట్టుకోవ‌డానికి సిద్ధ‌మ‌య్యాడు. ఇటీవల విడుదలైన ల‌క్ష్య్ ఫస్ట్‌లుక్‌కు మంచి స్పందన వచ్చింది. ఈ నేపథ్యంలో తాజాగా మేకర్స్‌ నటి జయసుధ తనయుడు నిహార్‌ కపూర్‌ లుక్‌ను విడుదల చేశారు. ఈ సినిమాతో నిహార్ క‌పూర్ విలన్‌గా వెండితె ఎంట్రీ ఇవ్వబోతున్నాడు. చదవండి: Bigg Boss 5 Telugu: అలా ఏడిస్తే హౌజ్‌ నుంచి ముందుగా వచ్చేది నువ్వే మంగ‌ళ‌వారం నిహార్ క‌పూర్ పుట్టిన‌రోజు సంద‌ర్భంగా ‘గ్యాంగ్‌స్ట‌ర్ గంగ‌రాజు’ మూవీ యూనిట్ అతడి ఫస్ట్‌లుక్ పోస్టర్‌ను విడుద‌ల చేసింది. చేతిలో క‌త్తి ప‌ట్టుకుని, గ‌డ్డంతో ఉన్న నిహార్ లుక్ చూస్తుంటే భ‌యం గొలిపేలా ఉంది. క‌చ్చితంగా త‌న‌కు ‘గ్యాంగ్‌స్ట‌ర్ గంగ‌రాజు’ న‌టుడిగా మంచి గుర్తింపు తెస్తుంద‌ని భావిస్తున్నాడు నిహార్‌. ప్రముఖ నిర్మాణ  సంస్థ శ్రీ తిరుమల తిరుపతి వెంకటేశ్వర ఫిలిమ్స్ పతాకంపై చదలవాడ బ్రదర్స్ సమర్పణలో పద్మావతి చదలవాడ నిర్మిస్తున్న ఈ చిత్రానికి యంగ్ టాలెంటెడ్ ఇషాన్ సూర్య దర్శకత్వం వహిస్తున్నారు. ప్ర‌స్తుతం ఈ మూవీ షూటింగ్‌ను జ‌రుపుకుంటోంది.  చదవండి: ‘తలైవి’ ప్రమోషన్స్‌: మరోసారి బాలీవుడ్‌పై నిప్పులు చెరిగిన కంగనా Intense & Fierce Look Of #NiharKapoor From #GangasterGangaraju #HBDNiharKapoor@itsactorlaksh @iam_vedieka #EeshaanSuryaah @sttvfilms #ChadalavadaBrothers @ImSaiKartheek #KannaPC #ARenukaBabu @TheSaiSatish @ParvathaneniRam @MangoMusicLabel #Laksh06 pic.twitter.com/nxx1QZER4h — BA Raju's Team (@baraju_SuperHit) September 7, 2021


 టాలీవుడ్లో మరో వారసుడు తెరంగేట్రం చేయనున్నాడు. సహజ నటి, మాజీ ఎమ్మెల్యే జయసుధ తనయుడు శ్రేయన్ కపూర్ వెండితెరకు పరిచయం కాబోతున్నాడు. శ్రేయన్ నటించే సినిమా త్వరలోనే ప్రారంభంకానున్నట్టు సమాచారం.
 
 జయసుధ, శ్రేయన్ గత కొన్ని నెలలుగా పలు కథలు విన్నారు. చివరకు ఓ స్క్రిప్ట్ను ఖరారు చేశారు. జయసుధకు ఇద్దరు కుమారులు. శ్రేయన్ చిన్నవాడు. ఏ రంగంలో స్థిరపడాలన్న జయసుధ తన వారసుల నిర్ణయానికే వదిలేశారు. శ్రేయన్ సినిమాల్లో నటించేందుకు ఆసక్తి చూపడంతో ఆమె ప్రోత్సహించారు. శ్రేయన్ నటించే ఈ సినిమాకు వాసు మంతెన దర్శకత్వం వహించనున్నారు. ఆయనే ఈ సినిమాను నిర్మించే అవకాశమున్నట్టు టాలీవుడ్ వర్గాల సమాచారం. హైదరాబాద్కు చెందిన వాసుకు ఇదే తొలి చిత్రం. ఆయనకు పలు విద్యాసంస్థలున్నాయి.